Ўзбекистон Республикаси Вазирлар Маҳкамасининг
қарори
Бўш турган давлат кўчмас мулк объектларини хатловдан ўтказиш ва улардан самарали фойдаланишни ташкил этиш чора-тадбирлари тўғрисида
Давлат кўчмас мулк объектларидан самарали фойдаланишни ташкил этишда уларни хатловдан ўтказиш ҳамда хатлов ишларини ташкил этишда ахборот-коммуникация технологияларини жорий этиш мақсадида Вазирлар Маҳкамаси қарор қилади:
1. Қуйидагилар:
а) Ўзбекистон Республикасининг «Давлат мулкини бошқариш тўғрисида»ги Қонунининг 22-моддасига асосан Ўзбекистон Республикаси Давлат активларини бошқариш агентлиги (кейинги ўринларда — Давлат активлари агентлиги):
давлат мулкини бошқариш соҳасида ягона давлат сиёсатини амалга ошириши;
давлат муассасаларининг, шу жумладан давлат органларининг ва маҳаллий давлат ҳокимияти органларининг давлат мулкини бошқариш соҳасидаги фаолиятини мувофиқлаштириши;
давлат муассасаларига оператив бошқарув ҳуқуқи асосида берилган давлат мулкининг ортиқча қисмини, шунингдек, фойдаланилмаётган ёки лозим даражада фойдаланилмаётган давлат мулкини олиб қўйиш тўғрисида қарор қабул қилиши;
б) республика ва маҳаллий ижро этувчи ҳокимият органларининг, давлат улуши 50 фоиз ва ундан юқори бўлган хўжалик жамиятларининг маъмурий биноларида ходимларни жойлаштириш меъёрлари тасдиқланганлиги;
в) маъмурий биноларда ходимларни жойлаштириш меъёрларидан келиб чиққан ҳолда, Давлат активлари агентлигига республика ва маҳаллий ижро этувчи ҳокимият органларини самарали жойлаштириш бўйича қарорлар қабул қилиш ваколати берилганлиги маълумот учун қабул қилинсин.
2. Қуйидагиларни назарда тутувчи Бўш турган давлат кўчмас мулк объектларини хатловдан ўтказиш ва улардан самарали фойдаланишни ташкил этиш тартиби тўғрисидаги низом иловага мувофиқ тасдиқлансин:
хатловни ўтказишнинг бирламчи маълумотларини шакллантириш учун тегишли давлат органлари ва ташкилотларининг ахборот тизимларидан онлайн ахборот алмашинуви орқали реал вақт режимида маълумотларни олган ҳолда таҳлил қилиш;
таҳлил натижасида шаклланган давлат кўчмас мулк объектлари асосида Давлат активлари агентлиги ҳузуридаги Давлат мулки объектларидан самарали фойдаланиш маркази томонидан объектни жойига чиққан ҳолда хатловдан ўтказиш;
бўш турган давлат кўчмас мулк объектлари (кейинги ўринларда — бўш турган бино) тўғрисидаги маълумотларни «Инвентаризация» мобил иловаси орқали реал вақт режимида «Давлат мулки» ахборот тизимига (кейинги ўринларда — «Давлат мулки» АТ) киритиш;
«Давлат мулки» АТ орқали бўш турган биноларнинг ҳисобини юритиш;
бўш турган бинолардан самарали фойдаланиш мезонларини белгилаш.
3. Белгилансинки:
бўш турган бинолар биринчи навбатда оммавий савдоларга чиқарилиши учун хусусийлаштириш дастурига киритилади. Бунда давлат ташкилотлари бўш турган бинони ўзида «сот ёки тушунтир» тамойили бўйича сақлаб қолади;
уч ойдан ортиқ бўш турган бинолар балансда сақловчилар билан келишилмаган ҳолда (ижтимоий соҳа объектлари ушбу йўналиш бўйича) ижарага бериш учун «E-auksion» электрон савдо платформасидаги электрон онлайн-аукцион савдоларига чиқарилади, махфийликнинг алоҳида тартиби татбиқ этиладиган давлат мулкининг, шу жумладан, ҳарбий ва махсус мақсадлар учун мўлжалланган алоҳида тартибга ва алоҳида муҳим, муайян тартибга бўйсунувчи ҳамда давлат сири билан боғлиқ, шунингдек, фойдаланишга яроқсиз ҳисобланган, давлат-хусусий шериклик асосида берилиши белгиланган ҳамда қурилиши тугалланмаган объектлар бундан мустасно;
республика ва маҳаллий ижро этувчи ҳокимият органлари ҳамда давлат кўчмас мулк объектларидан текин фойдаланиш ҳуқуқи асосида фойдаланаётган нодавлат нотижорат ташкилотларининг ходимлари маъмурий биноларда ходимларни жойлаштириш меъёрларига асосан жойлаштирилади;
давлат кўчмас мулк объектларини текин фойдаланишга бериш бўйича шартномалар, шунингдек, уларни ижарага ёки текин фойдаланишга бериш бўйича тузилган шартномаларга ўзгартириш ва қўшимчалар киритиш ёки уларни бекор қилиш фақатгина «online-ijara.uz» ахборот тизими орқали амалга оширилади, бунда тузилган текин фойдаланиш шартномалари «online-ijara.uz» ахборот тизимида рўйхатдан ўтказилади.
LexUZ шарҳиҚаранг: Вазирлар Маҳкамасининг 2022 йил 2 апрелдаги 150-сон қарори билан тасдиқланган Кўчмас мулк ижара ёки текин фойдаланиш шартномаларини давлат солиқ хизмати органларида ҳисобга қўйиш бўйича давлат хизматини кўрсатиш маъмурий регламенти.
4. Республика ва маҳаллий ижро этувчи ҳокимият органлари:
бир ой муддатда давлат кўчмас мулк объектларидан текин фойдаланиш бўйича расмийлаштирилган шартномалар «online-ijara.uz» ахборот тизимида қайта рўйхатдан ўтказилишини;
маъмурий биноларга ходимларни жойлаштириш меъёрларидан келиб чиққан ҳолда, тизимидаги ташкилотларнинг маъмурий биноларини ўрганиш, таҳлил қилиш ва улардан самарали фойдаланиш чоралари кўрилишини таъминласин.
5. Нодавлат нотижорат ташкилотларига бир ой муддатда давлат мулкидан текин фойдаланиш бўйича расмийлаштирилган шартномаларни «online-ijara.uz» ахборот тизимида қайта рўйхатдан ўтказиш тавсия этилсин.
6. Давлат активлари агентлиги манфаатдор вазирлик ва идоралар билан биргаликда уч ой муддатда:
«online-ijara.uz» ахборот тизимини «property.davaktiv.uz» ахборот тизими билан интеграция қилинишини таъминласин;
қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
7. Ўзбекистон Республикаси Ҳукуматининг 2-иловага мувофиқ айрим ҳужжатларига қуйидагиларни назарда тутувчи ўзгартириш ва қўшимчалар киритилсин:
давлат мулкини хусусийлаштириш бўйича савдоларни ошкора ва шаффоф механизмлар орқали ташкил этишни янада такомиллаштириш;
электрон онлайн-аукцион савдоларида иштирок этиш учун давлат мулкининг бошланғич нархларига боғлиқ равишда закалат миқдорини белгилаш;
электрон онлайн-аукцион савдоларида турган майдони кичик бўлган ёнма-ён турган ер участкалари шаҳарсозлик нормаларидан келиб чиққан ҳолда бирлаштирилиб қўшимча келишувларсиз қайта аукцион савдоларига чиқариш;
хусусийлаштириш соҳасидаги қонунчилик ҳужжатларини тизимлаштириш.
8. Ўзбекистон Республикаси Ҳукуматининг 3-иловага мувофиқ айрим қарорлари ўз кучини йўқотган деб ҳисоблансин.
9. Мазкур қарорнинг бажарилишини назорат қилиш Ўзбекистон Республикаси Давлат активларини бошқариш агентлиги директори А.Ж. Ортиқов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2025 йил 21 апрель,
247-сон
Вазирлар Маҳкамасининг 2025 йил 21 апрелдаги 247-сон қарорига
1-ИЛОВА
1-ИЛОВА
Бўш турган давлат кўчмас мулк объектларини хатловдан ўтказиш ва улардан самарали фойдаланишни ташкил этиш тартиби тўғрисидаги
НИЗОМ
1-боб. Умумий қоидалар
1. Ушбу Низом нотурар бўлган бўш турган давлат кўчмас мулк объектларини аниқлаш ва хатловдан ўтказиш, хатлов натижаларини расмийлаштириш, бўш турган давлат кўчмас мулк объектларидан самарали фойдаланиш мезонлари ва улардан самарали фойдаланишни ташкил этиш тартибини белгилайди.
Ушбу Низом Ўзбекистон Республикасининг чет элда жойлашган давлат кўчмас мулк объектларига, ўта муҳим ва тоифаланган объектларга нисбатан татбиқ этилмайди.
2. Мазкур Низомда қуйидаги асосий тушунчалардан фойдаланилади:
ижтимоий соҳа объекти — давлат мактабгача таълим, умумий ўрта ва ўрта махсус таълим, профессионал ва олий таълим, театр ва концерт-томоша муассасаларининг оммавий-маданий ҳамда концерт-томоша тадбирлари ўтказиладиган объектлари, соғлиқни сақлаш, спорт, маданият ва кинолаштириш муассасаларининг давлат кўчмас мулк объектлари (ушбу соҳадаги давлат ташкилотларининг маъмурий бинолари бундан мустасно);
давлат ташкилоти — давлат органи ёки давлат муассасаси.
3. Бўш турган давлат кўчмас мулк объектларини хатловдан ўтказиш ва улардан самарали фойдаланиш ушбу Низомга иловага мувофиқ схемага асосан ташкил этилади.
2-боб. Давлат кўчмас мулк объектини хатловдан ўтказиш
4. Ўзбекистон Республикаси Давлат активларини бошқариш агентлиги ҳузуридаги Давлат мулки объектларидан самарали фойдаланиш маркази (кейинги ўринларда — Марказ) хатловни ўтказишнинг бирламчи маълумотларини шакллантириш учун онлайн ахборот алмашинуви орқали реал вақт режимида қуйидаги давлат органларининг ахборот тизимларидан маълумотларни олади:
Адлия вазирлигидан — давлат рўйхатидан ўтган юридик шахсларнинг ҳамда тугатилган давлат ташкилотларнинг номи ва расмий юридик манзили;
Камбағалликни қисқартириш ва бандлик вазирлигидан — давлат ташкилотларининг лавозим бўйича штат жадвали ҳамда уларнинг амалдаги маъмурий-бошқарув ходимлари ва техник ходимлари сони;
Иқтисодиёт ва молия вазирлигидан — бюджетдан молиялаштириладиган давлат ташкилотларининг лавозим бўйича штат жадвали, ҳудудларни ривожлантириш ҳамда давлат-хусусий шериклик дастурларига киритилган объектлар номи, манзили ва балансда сақловчилари;
Кадастр агентлигидан — давлат кўчмас мулк объектларининг ўлчамлари, тоифаси, тури (литер) ва геолокацияси;
Маданий мерос агентлигидан — давлат кўчмас мулк объекти ҳисобланган моддий маданий мерос объектларининг номи, манзили ва балансда сақловчилари;
Қурилиш ва уй-жой коммунал хўжалиги вазирлигидан — қурилиш ишлари тугалланмаган давлат объектларининг номи, манзили ҳамда қурилишга рухсат берилган санаси ва якунлаш муддати;
Солиқ қўмитасидан — ижара шартномасига асосан ижарага берилган давлат кўчмас мулк объектлари номи, манзили ва балансда сақловчилари;
Саноат, радиация ва ядро хавфсизлиги қўмитасидан — давлат мулкида бўлган хавфли ишлаб чиқариш кўчмас мулк объектларининг номи, манзили ва балансда сақловчилари;
Фавқулодда вазиятлар вазирлигидан — давлат мулкида бўлган фуқаро муҳофазаси объектларининг номи, манзили ва балансда сақловчилари;
Мажбурий ижро бюросидан — давлат кўчмас мулк объектларига нисбатан тақиқнинг (чеклов)нинг мавжудлиги.
5. Бўш турган давлат кўчмас мулк объектини таҳлил қилиш жараёнида тегишли давлат ташкилотлари Марказга маълумотларни реал вақт режимида бепул тақдим этади.
Марказ бўш турган давлат кўчмас мулк объектларини таҳлил қилиш жараёнида тегишли давлат ташкилотларидан қўшимча маълумотларни сўраб олиши мумкин, бунда давлат ташкилотлари сўралган маълумотларни реал вақт режимида тақдим этиши шарт.
6. Марказ ва унинг ҳудудий бошқармалари томонидан Давлат активларини бошқариш агентлигининг (кейинги ўринларда — Давлат активлари агентлиги) «property.davaktiv.uz» ахборот тизимига (кейинги ўринларда — «property.davaktiv.uz» АТ) киритилган давлат кўчмас мулк объектлари бўйича масъулиятлар ушбу Низомнинг 4-бандида келтирилган ташкилотлардан олинган маълумотлар асосида таҳлил қилинади.
7. Таҳлил натижасида Марказ ва унинг ҳудудий бошқармалари Давлат активлари агентлигининг «Давлат мулки» ахборот тизимида (кейинги ўринларда — «Давлат мулки» АТ) қуйидагиларни аниқлайди:
ходимларнинг белгиланган меъёрларга мувофиқ жойлаштирилганлиги ва меъёрга асосан ортиқча майдонларнинг ўлчамини;
давлат кўчмас мулк объектларидан фойдаланишда ижара ёки текин фойдаланиш шартномаларининг мавжудлиги ҳамда уларнинг белгиланган тартибда тузилганлигини;
LexUZ шарҳиҚаранг: Ўзбекистон Республикаси Фуқаролик кодексининг 732 –– 743-моддалари, Вазирлар Маҳкамасининг 2023 йил 14 декабрдаги 660-сонли «Давлат мулкини ижарага бериш тартибини янада такомиллаштириш тўғрисида»ги қарори.
объектнинг тоифаси ва турлари (литерлари)нинг номма-ном таҳлилини;
ижтимоий соҳа, ўта муҳим ва тоифаланган объектлар жумласига киришини;
битта манзилда давлат рўйхатидан ўтган юридик шахсларнинг мавжудлигини.
8. Давлат кўчмас мулк объектлари Марказ ва унинг ҳудудий бошқармалари томонидан хатловдан ўтказиш бўйича рўйхат шакллантирилгандан сўнг бир ой муддатда ушбу рўйхат асосида жойига чиққан ҳолда «Давлат мулки» АТга тегишли маълумотларни киритиш орқали хатловдан ўтказилади.
Бунда мазкур Низомнинг 4-банди бўйича қўшимча давлат кўчмас мулк объектлари аниқланиб, хатловдан ўтказиш зарурати мавжуд бўлганда, объект жойига чиққан ҳолда хатловдан ўтказилади.
9. Марказ ва унинг ҳудудий бошқармалари хатлов натижасида аниқланган бўш турган давлат кўчмас мулк объектлари тўғрисида қуйидаги маълумотларни «Инвентаризация» мобил иловаси орқали «Давлат мулки» АТга реал вақт режимида киритади:
а) объект бўйича:
балансда сақловчи;
кадастр рақами;
манзили;
умумий ер майдони;
объектнинг умумий (қурилиш ости) майдони, шундан бўш турган майдони;
бўш турган объектнинг номи (литерлари);
ижтимоий соҳа объекти тоифасига кириши ёки кирмаслиги;
фотосуратлари;
геолокацияси;
сервитут мавжудлиги;
бўш турганлиги бўйича онлайн далолатнома, бунда балансда сақловчи келишишдан бош тортганда, бош тортганлиги тўғрисида белги киритилади;
б) объектдан самарали фойдаланиш бўйича:
бўш турган давлат кўчмас мулк объектининг Ўзбекистон Республикаси Президенти, Вазирлар Маҳкамаси, Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари томонидан тасдиқланган ҳудудларни ёки тармоқларни ривожлантириш бўйича дастур ёки қарорларда (тармоқ жадвалида), давлат-хусусий шериклик дастурида мавжуд ёки мавжуд эмаслиги;
Ўзбекистон Республикаси Президенти, Вазирлар Маҳкамаси, Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари ҳамда Давлат активларини хусусийлаштириш ва хусусийлаштириш жараёнларини мувофиқлаштириш давлат комиссиясининг бўш турган давлат кўчмас мулк объектларини хусусийлаштириш ёки келгусида улардан самарали фойдаланиш бўйича қарорларида мавжуд ёки мавжуд эмаслиги;
бўш турган давлат кўчмас мулк объекти хусусийлаштирилмайдиган объектлар тоифасига кириши ёки кирмаслиги;
бўш турган давлат кўчмас мулк объектига нисбатан тақиқ (чеклов)нинг мавжуд ёки мавжуд эмаслиги.
10. Марказ ва унинг ҳудудий бошқармалари «Давлат мулки» АТда бўш турган давлат кўчмас мулк объектларининг ҳисобини юритиш соҳасида қуйидагиларни амалга оширади:
а) тоифаларга ажратиш бўйича:
бўш турган;
меъёрга асосан ортиқча майдон аниқланган;
қурилиши тугалланмаган (бир йилдан ортиқ муддатда);
б) самарали фойдаланиш чоралари кўрилганлиги бўйича:
ривожлантириш дастурларига киритилган;
оммавий савдолар орқали сотилиши белгиланган;
давлат-хусусий шериклик дастурига киритилган;
ижарага бериш учун оммавий савдоларга чиқарилиши белгиланган.
11. Марказ аниқланган бўш турган давлат кўчмас мулк объектлари (объект номи, манзили, майдони ва балансда сақловчиси) тўғрисидаги маълумотларни хатлов якунлангандан сўнг ўн кун муддатда ўзининг расмий веб-сайтида эълон қилади.
3-боб. Бўш турган давлат кўчмас мулк объектидан самарали фойдаланишни ташкил этиш мезонлари
12. Бўш турган давлат кўчмас мулк объектларидан самарали фойдаланиш қуйидаги тартибда ташкил этилади:
а) биринчи навбатда объект оммавий савдоларга чиқарилиши учун хусусийлаштириш дастурига киритилади. Бунда:
давлат ташкилотлари бўш турган давлат кўчмас мулк объектларини «сот ёки тушунтир» тамойили бўйича сақлаб қолади;
қуйидаги талабларнинг бирига ёки бир нечтасига мос келганда бўш турган давлат кўчмас мулк объектлари хусусийлаштириш дастурларига киритилмаслиги мумкин:
давлат мулкини бошқариш тўғрисидаги қонунчиликда назарда тутилган хусусийлаштирилмайдиган давлат кўчмас мулки объекти бўлганда;
LexUZ шарҳиҚаранг: Ўзбекистон Республикаси «Давлат мулкини бошқариш тўғрисида»ги Қонунининг 19-моддаси.
объектни яхлит ҳолда ажратиб олиш имконияти мавжуд бўлмаганда;
ҳудудларни ёки тармоқларни ривожлантириш бўйича дастур ёки қарорларга киритилган тақдирда;
б) қуйидаги ҳолатларда объектлар балансда сақловчилар билан келишилмаган ҳолда, ижарага бериш учун «E-auksion» электрон савдо платформасидаги электрон онлайн-аукцион савдоларига (ушбу кичик банднинг тўртинчи-бешинчи хатбошиларидаги ҳолатларда ижтимоий соҳа объектлари бўлганда ушбу йўналиш бўйича) чиқарилади:
амалда хусусийлаштириш дастурларига киритилиб, уч ойдан ортиқ муддатда сотилмасдан турганда;
ҳудудларни ёки тармоқларни ривожлантириш бўйича дастур ёки қарорларга киритилган тақдирда;
маҳаллаларда тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича туман (шаҳар) ҳокимининг ёрдамчилари ҳамда жисмоний шахсларнинг объектни ижарага бериш учун электрон онлайн-аукцион савдоларига чиқариш тўғрисидаги буюртманомалари берилганда;
балансда сақловчи бўш турганлиги аниқланган объектдан уч ой муддатда самарали фойдаланиш чораларини кўрмаган тақдирда.
Бунда:
Марказ ва унинг ҳудудий бошқармалари томонидан ушбу кичик банднинг иккинчи ва учинчи хатбошисидаги ҳолатларда хусусийлаштирилгунга ёки таъмирлаш бошлангунга қадар ижарага бериш муддатлари белгиланади;
қолган ҳолатларда ижарага бериш муддатлари балансда сақловчининг таклифига асосан Марказ ва унинг ҳудудий бошқармалари томонидан белгиланади, Марказнинг сўровига асосан беш кун ичида жавоб берилмаган тақдирда, Марказ ва унинг ҳудудий бошқармалари уч йил муддатгача ижарага бериш муддатини мустақил белгилайди;
мазкур кичик банднинг бешинчи хатбошисидаги ҳолатда давлат кўчмас мулк объекти бўш турганлиги тўғрисида далолатнома расмийлаштирилган бўлиши ҳамда бўш турган давлат кўчмас мулк объекти тўғрисидаги маълумот Марказнинг веб-сайтида эълон қилинган кундан бошлаб, балансда сақловчи томонидан уч ой ичида объектдан самарали фойдаланилгани тўғрисида тасдиқловчи ҳужжатларни фотосуратлари билан бирга Марказ ва (ёки) унинг ҳудудий бошқармаларига тақдим этмаган бўлиши лозим.
13. Қуйидаги ҳолларда бўш турган давлат кўчмас мулк объектлари ижарага бериш учун «E-auksion» электрон савдо платформасида электрон онлайн-аукцион савдоларига чиқарилмайди:
давлат-хусусий шериклик асосида берилиши белгиланганда, давлат шериги томонидан ижарага бериш ташаббусини билдирган ҳоллар бундан мустасно;
махфийликнинг алоҳида тартиби татбиқ этиладиган давлат мулкининг, шу жумладан, ҳарбий ва махсус мақсадлар учун мўлжалланган алоҳида тартибга ва алоҳида муҳим, муайян тартибга бўйсунувчи ҳамда давлат сири билан боғлиқ давлат кўчмас мулк объектлари бўлганда;
Марказ ва унинг ҳудудий бошқармалари томонидан визуал кўрикдан ўтказиш жараёнида объект фойдаланишга яроқсиз ҳолатда бўлганда, бунда Марказнинг ҳудудий бошқармалари бўш турган давлат кўчмас мулк объектининг фойдаланишга яроқсизлиги тўғрисидаги ваколатли органнинг хулосаси белгиланган тартибда олинади;
қурилиши тугалланмаган объект бўлганда.
14. Давлат ташкилотларининг ходимлари маъмурий биноларга ходимларни жойлаштириш меъёрларига асосан жойлаштирилади, суд, Қуролли Кучлар, ҳуқуқни муҳофаза қилувчи органлар ва уларнинг тизимидаги ташкилотлар ва ижтимоий соҳа ташкилотларининг бинолари бундан мустасно.
Давлат активлари агентлиги томонидан белгиланган меъёрлардан ортиқча майдонга эга бўлган давлат ташкилотларига ўн кун муддатда ходимларни белгиланган меъёрлар бўйича жойлаштириш ҳамда бўшаган майдонларни (литерлар ёки хоналар кесимида рўйхат) тақдим этиш бўйича огоҳлантириш юборилади.
LexUZ шарҳиҚаранг: Ўзбекистон Республикаси Ер кодексининг 17, 20-моддалари.
Белгиланган муддатда огоҳлантириш ижроси тўлиқ таъминланмаган тақдирда, Давлат активлари агентлиги давлат ташкилотларининг маъмурий биноларига ходимларни жойлаштириш меъёрларига асосан самарали жойлаштириш бўйича қарор қабул қилади.
Тегишли давлат ташкилотлари Давлат активлари агентлиги томонидан қабул қилинган қарор ижросини ўн иш куни ичида таъминлаши шарт.
15. Жисмоний ва нодавлат юридик шахсларнинг мурожаатларига асосан бўш турган давлат кўчмас мулк объекти қонунчиликда белгиланган тартибда ишончли бошқарувга ёки давлат-хусусий шерикликка берилиши мумкин.
LexUZ шарҳиҚаранг: Ўзбекистон Республикасининг «Давлат мулкини бошқариш тўғрисида»ги Қонунининг 19-моддаси ва «Давлат-хусусий шериклик тўғрисида»ги Қонун.
16. Балансда сақловчи ва унинг юқори турувчи ташкилоти Марказ ва унинг ҳудудий бошқармалари, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларига бўш турган давлат кўчмас мулк объектини бузиш тўғрисида Қурилиш ва уй-жой коммунал хўжалиги вазирлиги ҳузуридаги Қурилиш ва уй-жой коммунал хўжалиги соҳасида ҳудудий назорат қилиш инспекцияси, қурилиш соҳасидаги лойиҳалаштириш ташкилоти, махсус лицензияга эга бўлган ташкилот ёки илмий-тадқиқот муассасасининг бўш турган давлат кўчмас мулк объекти фойдаланиш учун яроқсизлиги тўғрисидаги хулосаси илова қилинган ҳолда мурожаат қилишлари мумкин.
Бунда объект бузилиши натижасида аниқланган фойдаланиш учун яроқли қурилиш ва бошқа материаллар балансда сақловчи томонидан тузиладиган комиссиянинг далолатномасига асосан электрон онлайн-аукцион савдоларига чиқарилиши мумкин.
4-боб. Якунловчи қоидалар
17. Мазкур Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.
LexUZ шарҳиҚаранг: Ўзбекистон Республикаси Маъмурий жавобгарлик тўғрисидаги кодексининг 1601, 2156, 2158-моддалари.
18. Ушбу Низом қоидалари қўлланилиши билан боғлиқ низолар қонунчилик ҳужжатларида белгиланган тартибда ҳал этилади.
Бўш турган давлат кўчмас мулк объектларини хатловдан ўтказиш ва улардан самарали фойдаланишни ташкил этиш тартиби тўғрисидаги низомга
ИЛОВА
ИЛОВА
Бўш турган давлат кўчмас мулк объектларини хатловдан ўтказиш ва улардан самарали фойдаланишни ташкил этиш
СХЕМАСИ
Босқич | Субъектлар | Тадбирлар | Муддат | |||
1-босқич | Давлат ташкилоти, давлат мулкидан текин фойдаланиш ҳуқуқи асосида фойдаланиб келаётган юридик шахслар | Давлат активларини бошқариш агентлигининг «property.davaktiv.uz» ахборот тизимига давлат мулки объектлари бўйича маълумотларни киритиш. | Ҳар чоракда, ҳисобот давридан кейинги ойнинг 25-санасига қадар, йил якуни бўйича 25 февралга қадар | |||
2-босқич | Давлат мулки объектларидан самарали фойдаланиш маркази | Тегишли идоралардан хатловни ўтказишнинг бирламчи маълумотларини ахборот алмашинуви асосида олиш. | Реал вақт режимида | |||
3-босқич | Давлат мулки объектларидан самарали фойдаланиш маркази ва унинг ҳудудий бошқармалари | Давлат кўчмас мулк объектларида меъёрларга асосан ходимлар жойлаштирилганлиги, ижара ва текин фойдаланиш шартномаларининг мавжудлиги, объектнинг тоифаси, тури, ижтимоий соҳа ва тоифаланган объектларга кириши каби масалаларни таҳлил қилиш. | Доимий | |||
4-босқич | Давлат мулки объектларидан самарали фойдаланиш маркази ва унинг ҳудудий бошқармалари | Хатловдан ўтказиладиган давлат кўчмас мулк объектлари рўйхатини шакллантириш. | Таҳлил якунлангандан сўнг ўн кун ичида | |||
5-босқич | Давлат мулки объектларидан самарали фойдаланиш маркази ва унинг ҳудудий бошқармалари | Давлат кўчмас мулк объектларини жойига чиққан ҳолда хатловдан ўтказиш. | Хатловдан ўтказиш бўйича рўйхат шакллантирилгандан сўнг бир ой муддатда | |||
6-босқич | Давлат мулки объектларидан самарали фойдаланиш маркази ва унинг ҳудудий бошқармалари | Бўш турган давлат кўчмас мулк объектларининг ҳисобини юритиш. | Реал вақт режимида | |||
7-босқич | Давлат мулки объектларидан самарали фойдаланиш маркази | Бўш турган давлат кўчмас мулк объектлари тўғрисидаги маълумотларни ўзининг расмий веб-сайтида эълон қилиш. | Хатлов ишлари якунлангандан сўнг ўн кун муддатда | |||
8-босқич | Давлат мулки объектларидан самарали фойдаланиш маркази ва унинг ҳудудий бошқармалари | Бўш турган давлат кўчмас мулк объектларидан самарали фойдаланишини ташкил этиш. | Доимий |
Вазирлар Маҳкамасининг 2025 йил 21 апрелдаги 247-сон қарорига
2-ИЛОВА
2-ИЛОВА
Ўзбекистон Республикаси Ҳукуматининг айрим ҳужжатларига киритилаётган ўзгартириш ва қўшимчалар
1. Вазирлар Маҳкамасининг «Ташгорплодоовошчпром» бирлашмасини ташкил этиш тўғрисида» 1992 йил 29 январдаги 37-сон қарорининг 3-банди тўртинчи хатбошиси қуйидаги таҳрирда баён қилинсин:
«пайдо бўлаётган эркин нархларда кенг ассортиментда йил давомида картошка ва мева-сабзавот маҳсулотларини сотишни ташкил этиш».
2. Вазирлар Маҳкамасининг «Ўзбекистон Республикасида давлат уй-жой фондини хусусийлаштиришни давом эттириш тўғрисида» 1993 йил 1 мартдаги 114-сон қарорининг 5 ва 6-бандлари қуйидаги таҳрирда баён қилинсин:
«5. Давлат уй-жой фондини хусусийлаштиришни ўтказиш учун масъулият Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига юклатилсин.
6. Ўзбекистон Республикаси Қурилиш ва уй-жой коммунал хўжалиги вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда давлат уй-жой фондини хусусийлаштиришни ўтказиш бўйича аниқ ташкилий-техникавий тадбирларни ишлаб чиқсин, аниқланган камчиликларни бартараф этиш учун дарҳол чора-тадбирлар кўрсин ҳамда ҳуқуқни муҳофаза қилиш органлари билан биргаликда ўз хизмат мавқеини суиистеъмол қилаётган ва давлат уй-жой фондини хусусийлаштириш тартибини бузишда айбдор бўлган шахсларни қаттиқ жавобгарликка тортсин».
3. Вазирлар Маҳкамасининг «Кимё саноатини бошқариш тузилмасини такомиллаштириш чора-тадбирлари тўғрисида» 2001 йил 13 мартдаги 124-сон қарорида:
а) 6-банддаги «Давлат мулки қўмитаси ва «Ўзкимёсаноат» давлат-акциядорлик компаниясига» сўзлари «Давлат активларини бошқариш агентлиги ва «Ўзкимёсаноат» акциядорлик жамиятига» сўзлари билан алмаштирилсин;
б) 8-банднинг учинчи хатбошисидаги «давлат мулкини хусусийлаштиришдан ва» сўзлари чиқариб ташлансин;
в) 10-банддаги учинчи хатбошиси қуйидаги таҳрирда баён этилсин:
«Ўзкимёсаноат» акциядорлик жамияти даромадлари (фойдаси) компания акцияларини сотиш, мол-мулки компаниянинг устав фондига тўлиқ кирган ташкилотларнинг ажратмалари (улар соф фойдасининг 50 фоизигача миқдорда), шунингдек, амалдаги қонунчиликка мувофиқ бошқа даромадлардан шакллантирилади».
4. Вазирлар Маҳкамасининг «Давлат мулки объектларини хусусийлаштириш тартиби тўғрисидаги низомларни тасдиқлаш ҳақида» 2014 йил 6 октябрдаги 279-сон қарорида:
а) 3-иловада:
ўн иккинчи хатбоши қуйидаги таҳрирда баён қилинсин:
«танлов — танлов ҳужжатлари мезонлари ва шартларига мувофиқ (ҳар қандай нодавлат юридик ва жисмоний шахс қатнашиши мумкин бўлган) қатнашчилар томонидан тақдим этилган энг яхши таклифларни танлаш орқали харидорни аниқлаш бўйича савдо шакли»;
ўн учинчи ва ўн тўртинчи хатбошилар чиқариб ташлансин;
ўн бешинчи — йигирма бешинчи хатбошилар тегишлича ўн учинчи — йигирма учинчи хатбошилар деб ҳисоблансин;
йигирманчи хатбоши қуйидаги таҳрирда баён этилсин:
«аукцион — мусобақалашиш асосида (ҳар қандай нодавлат юридик ва жисмоний шахс қатнашиши мумкин бўлган) харидорни аниқлаш шакли, бунда энг катта нархни таклиф қилган қатнашчи олди-сотди шартномасини тузиш ҳуқуқига эга бўлади»;
йигирма биринчи хатбоши чиқариб ташлансин;
йигирма иккинчи ва йигирма учинчи хатбошилар тегишлича йигирма биринчи ва йигирма иккинчи хатбошилар деб ҳисоблансин;
йигирма биринчи хатбошидаги «ёпиқ» сўзи «танлов асосидаги» сўзлари билан алмаштирилсин;
учинчи хатбошидаги «(очиқ ёки ёпиқ)» сўзлари чиқариб ташлансин;
тўртинчи хатбоши қуйидаги таҳрирда баён этилсин:
«ўзининг расмий веб-сайтида аукцион ўтказилиши тўғрисидаги хабарномани (бундан буён матнда аукцион тўғрисидаги хабарнома деб юритилади) чоп этади (танлов асосидаги аукционлар ўтказиш ҳолларидан ташқари)»;
учинчи хатбоши қуйидаги таҳрирда баён этилсин:
«аукцион ўтказилишидан камида ўттиз кун олдин ўзининг ва сотувчининг расмий веб-сайтида аукцион тўғрисидаги хабарномани эълон қилади, бунда байрам ва дам олиш кунларида савдолар ўтказилмайди, савдо байрам ва дам олиш кунларига тўғри келган тақдирда, навбатдаги иш кунида ўтказилади»;
олтинчи хатбоши қуйидаги таҳрирда баён этилсин:
«танлов асосидаги аукцион ўтказилиши тўғрисидаги хабарномаларни (бундан буён матнда танлов асосидаги аукцион тўғрисидаги хабарнома деб юритилади) юборади ва мазкур хабарномада кўрсатилган нодавлат юридик ва жисмоний шахслардан буюртманомалар олади»;
ўнинчи ва ўн биринчи хатбошилардаги «очиқ» сўзи чиқариб ташлансин;
28-банднинг биринчи хатбошиси қуйидаги таҳрирда баён этилсин:
«28. Аукцион тўғрисидаги (танлов асосидаги аукцион тўғрисидаги) хабарнома қуйидаги маълумотларни ўз ичига олиши лозим»;
29-банд қуйидаги таҳрирда баён этилсин:
«29. Танлов асосидаги аукционни ўтказишда сотувчи унинг талабларига мос келадиган нодавлат юридик ва жисмоний шахслар рўйхатини олдиндан аниқлайди, ихтисослаштирилган ташкилот уларга танлов асосидаги аукцион тўғрисидаги хабарномани аукцион бошланишидан камида ўттиз кун олдин юборади. Танлов асосидаги аукцион тўғрисидаги хабарнома оммавий ахборот воситаларида чоп этилмайди ва аукцион таклиф этилган нодавлат юридик ва жисмоний шахслар ўртасида ўтказилади»;
47-банднинг тўртинчи хатбошиси қуйидаги таҳрирда баён этилсин:
«ўзининг расмий веб-сайтида танлов ўтказилиши тўғрисидаги хабарномани (бундан буён матнда танлов тўғрисидаги хабарнома деб юритилади) чоп этади»;
49-банднинг учинчи хатбошиси қуйидаги таҳрирда баён этилсин:
«илгари танлов тўғрисидаги хабарнома чоп этилган айнан ўша оммавий ахборот воситаларида танлов якунлари ҳақидаги ахборотни танлов ўтказилган кундан бошлаб ўттиз кун ичида чоп этади»;
50-банднинг биринчи хатбошиси қуйидаги таҳрирда баён этилсин:
«50. Танлов тўғрисидаги хабарнома қуйидаги маълумотларни ўз ичига олиши лозим»;
51-банд ўз кучини йўқотган деб ҳисоблансин;
1-илованинг 4-босқичи «Тадбирлар» устунининг иккинчи хатбошисидаги «очиқ» сўзи чиқариб ташлансин;
б) 4-иловада:
ўн биринчи — йигирма бешинчи хатбошилар қуйидаги таҳрирдаги ўн биринчи — йигирма иккинчи хатбошилар билан алмаштирилсин:
«танлов — танлов ҳужжатлари мезонлари ва шартларига мувофиқ (ҳар қандай нодавлат юридик ва жисмоний шахс қатнашиши мумкин бўлган) қатнашчилар томонидан тақдим этилган энг яхши таклифларни танлаш орқали харидорни аниқлаш бўйича савдо шакли;
танлов шартлари — танловни ўтказиш тартиби, ўтказиш жойи, таклифнинг нархи, давлат кўчмас мулк объектларининг сони ва миқдори, қўшимча юкламалар, қатнашчиларга қўйиладиган инвестициявий мажбуриятлар ва ижтимоий мажбуриятлар ва талаблар бўйича сотувчи томонидан белгиланадиган шартлар;
танлов ҳужжатлари — давлат кўчмас мулк объектининг техник, тижорат, ташкилий ва бошқа тавсифлари тўғрисидаги, шунингдек танлов шартлари ва тартиб-таомили тўғрисидаги дастлабки ахборотдан иборат танлов ташкилотчиси томонидан талабгорларга тақдим этиладиган танлов ўтказиш қоидалари, танлов таклифлари шаклларини ўз ичига олувчи ҳужжатлар тўплами;
танлов таклифи — танлов ҳужжатларида белгиланадиган шартларда шартнома тузиш таклифи;
савдоларни ўтказиш санаси — аукцион ўтказиш ёки танлов якунлари юзасидан хулоса чиқариш санаси ва вақти;
сотиб олиш тўлови — сотиб олинаётган давлат кўчмас мулк объекти учун харидор томонидан миллий ва (ёки) эркин айирбошланадиган валютада (кейинги ўринларда ЭАВ деб аталади) Давлат активларини бошқариш, трансформация ва хусусийлаштириш жамғармасига бир йўла ёки бўлиб-бўлиб тўланадиган пул маблағлари;
инвестициявий мажбуриятлар — давлат кўчмас мулк объектини сотиб олишда харидор томонидан давлат кўчмас мулк объектига инвестицияларни амалга ошириш бўйича қабул қилинадиган пул баҳосига эга бўлган ва қонун ҳужжатларига зид бўлмаган шаклларда амалга ошириладиган мажбуриятлар;
ижтимоий мажбуриятлар — давлат кўчмас мулк объектини сотишда харидор томонидан қабул қилинадиган пул баҳосига эга бўлмаган ва қонун ҳужжатларига зид бўлмаган шаклларда амалга ошириладиган мажбуриятлар;
аукцион — мусобақалашиш асосида (ҳар қандай нодавлат юридик ва жисмоний шахс қатнашиши мумкин бўлган) харидорни аниқлаш бўйича савдо шакли, бунда энг катта нархни таклиф қилган қатнашчи давлат кўчмас мулк объектининг олди-сотди шартномасини тузиш ҳуқуқига эга бўлади;
танлов асосидаги аукцион — аукционнинг сотувчи томонидан белгиланган мезонлар бўйича олдиндан танланган махсус таклиф қилинган шахслар қатнашиши мумкин бўлган тури;
балансда сақловчи — сотилаётган давлат кўчмас мулк объекти бириктирилган юридик шахс;
бошланғич нарх — давлат кўчмас мулк объектини савдоларга қўйиш учун сотувчи томонидан белгиланган нарх»;
учинчи хатбошидаги «(очиқ ёки ёпиқ)» сўзлари чиқариб ташлансин;
тўртинчи хатбоши қуйидаги таҳрирда баён этилсин:
«ўзининг расмий веб-сайтида аукцион ўтказилиши тўғрисидаги хабарномани (бундан буён матнда аукцион тўғрисидаги хабарнома деб юритилади) эълон қилади, танлов асосидаги аукционлар ўтказиш ҳоллари бундан мустасно»;
учинчи хатбоши қуйидаги таҳрирда баён этилсин:
«аукцион ўтказилишидан камида ўттиз кун олдин ўзининг ва сотувчининг расмий веб-сайтида аукцион тўғрисидаги хабарномани чоп этади, бунда байрам ва дам олиш кунларида савдолар ўтказилмайди, савдо байрам ва дам олиш кунларига тўғри келган тақдирда, навбатдаги иш кунида ўтказилади»;
олтинчи хатбоши қуйидаги таҳрирда баён этилсин:
«танлов асосидаги аукцион ўтказилиши тўғрисидаги хабарномани (бундан буён матнда танлов асосидаги аукцион тўғрисидаги хабарнома деб юритилади) юборади ва мазкур хабарномада кўрсатилган нодавлат юридик ва жисмоний шахслардан буюртманомалар олади»;
тўққизинчи ва ўнинчи хатбошилардаги «очиқ» сўзи чиқариб ташлансин;
32-банднинг биринчи хатбошиси қуйидаги таҳрирда баён этилсин:
«32. Аукцион (танлов асосидаги аукцион) тўғрисидаги хабарнома қуйидаги маълумотларни ўз ичига олиши лозим»;
33-банд қуйидаги таҳрирда баён этилсин:
«33. Танлов асосидаги аукционни ўтказишда сотувчи унинг талабларига мос келадиган нодавлат юридик ва жисмоний шахслар рўйхатини олдиндан аниқлайди, савдолар ташкилотчиси уларга ёпиқ аукцион тўғрисидаги хабарномани аукцион бошланишидан камида ўттиз кун олдин юборади. Танлов асосидаги аукцион тўғрисидаги хабарнома оммавий ахборот воситаларида чоп этилмайди ҳамда аукцион таклиф этилган нодавлат юридик ва жисмоний шахслар ўртасида ўтказилади»;
35-банд қуйидаги таҳрирда баён этилсин:
«35. Аукционда қатнашиш учун буюртманомалар очиқ аукцион (танлов асосидаги аукцион) тўғрисидаги хабарномада кўрсатилган муддатларда қабул қилинади»;
биринчи хатбоши қуйидаги таҳрирда баён этилсин:
«36. Аукционда қатнашиш учун талабгор ёки унинг ваколатли вакили савдолар ташкилотчисига шахсан ёки почта орқали аукцион (танлов асосидаги аукцион) тўғрисидаги хабарномада белгиланган муддатларда қуйидаги ҳужжатларни илова қилган ҳолда аукционда қатнашиш учун буюртманомани икки нусхада тақдим этади»;
тўртинчи хатбоши қуйидаги таҳрирда баён этилсин:
«аукцион (танлов асосидаги аукцион) тўғрисидаги хабарномада кўрсатилган банк ҳисобварағига закалат тўланганлигини тасдиқлайдиган тўлов ҳужжатининг нусхаси»;
38-банднинг биринчи хатбошисидаги «Очиқ танлов (ёпиқ танлов)» сўзлари «Танлов» сўзи билан алмаштирилсин;
50-банднинг тўртинчи хатбошиси қуйидаги таҳрирда баён этилсин:
«ўзининг расмий веб-сайтида танлов ўтказилиши тўғрисидаги хабарномани (бундан буён матнда танлов тўғрисидаги хабарнома деб юритилади) эълон қилади»;
олтинчи хатбоши қуйидаги таҳрирда баён этилсин:
«танлов таклифлари солинган конвертларни очиш белгиланган санадан камида ўттиз кун олдин ўзининг ва сотувчининг расмий веб-сайтида танлов ўтказилиши тўғрисидаги хабарномани (бундан буён матнда танлов тўғрисидаги хабарнома деб юритилади) эълон қилади, бунда байрам ва дам олиш кунларида савдолар ўтказилмайди, савдо байрам ва дам олиш кунларига тўғри келган тақдирда, навбатдаги иш кунида ўтказилади»
тўққизинчи — ўн учинчи хатбошилар қуйидаги таҳрирдаги тўққизинчи — ўн биринчи хатбошилар билан алмаштирилсин:
«талабгорларни тақдим этиладиган ҳужжатларнинг намуналари билан таъминлайди ва уларни расмийлаштиришда ёрдам беради;
танлов якунлари тўғрисидаги ахборотни чоп этади, у танлов ўтказилган кундан бошлаб ўттиз кун ичида илгари танлов тўғрисидаги хабарнома чоп этилган айнан ўша оммавий ахборот воситаларида чоп этилади;
тузилган шартномага мувофиқ бошқа функцияларни бажаради»;
53-банднинг биринчи хатбошиси қуйидаги таҳрирда баён этилсин:
«53. Танлов тўғрисидаги хабарнома қуйидаги маълумотларни ўз ичига олиши лозим»;
54-банд ўз кучини йўқотган деб ҳисоблансин;
56-банднинг биринчи хатбошиси қуйидаги таҳрирда баён этилсин:
«56. Танловда қатнашиш учун талабгор ёки унинг ваколатли вакили савдолар ташкилотчисига танлов тўғрисидаги хабарномада белгиланган муддатларда шахсан ёки почта орқали қуйидаги ҳужжатларни илова қилган ҳолда буюртманомани икки нусхада тақдим этади»;
58-банддаги «Очиқ танлов (ёпиқ танлов)» сўзлари «Танлов» сўзи билан алмаштирилсин;
62-банднинг биринчи хатбошиси қуйидаги таҳрирда баён этилсин:
«62. Танловда қатнашишга буюртманомаларни қабул қилиш танлов тўғрисидаги хабарнома чоп этилган кундан бошланади ва хабарномада белгиланган конвертларни очиш санасидан уч соат олдин тўхтатилади»;
70-банднинг бешинчи ва олтинчи хатбошилари қуйидаги таҳрирда баён этилсин:
«танлов ўтказиш санасини, илгари танлов тўғрисидаги хабарнома чоп этилган айнан ўша оммавий ахборот воситаларида тегишли ахборотни чоп этиш орқали ёзма равишда хабардор қилган ҳолда, танлов тўғрисидаги хабарномада белгиланган муддатдан икки ойдан ортиқ бўлмаган муддатга кўчириш;
аукцион ўтказиш санасини илгари аукцион (танлов асосидаги аукцион) тўғрисидаги хабарнома чоп этилган айнан ўша оммавий ахборот воситаларида тегишли ахборотни чоп этиш орқали (илгари танлов асосидаги аукцион тўғрисидаги хабарнома юборилган нодавлат юридик ва жисмоний шахсларга тегишли ахборотни юборган ҳолда) ёзма равишда хабардор қилган ҳолда, аукцион (танлов асосидаги аукцион) тўғрисидаги хабарномада белгиланган муддатдан икки ойдан ортиқ бўлмаган муддатга кўчириш»;
1-илованинг 4-босқичи «Тадбирлар» устунининг иккинчи хатбошисидаги «очиқ» сўзи чиқариб ташлансин;
в) 6-иловада:
ўнинчи хатбоши қуйидаги таҳрирда баён этилсин:
«танлов — танлов ҳужжатлари мезонлари ва шартларига мувофиқ (ҳар қандай нодавлат юридик ва жисмоний шахс қатнашиши мумкин бўлган) қатнашчилар томонидан тақдим этилган энг яхши таклифларни танлаш орқали давлат мулки харидорини аниқлаш бўйича савдолар шакли»;
ўн биринчи ва ўн иккинчи хатбошилар чиқариб ташлансин;
ўн учинчи — ўн тўққизинчи хатбошилар тегишинча ўн биринчи — ўн еттинчи хатбошилар деб ҳисоблансин;
биринчи хатбоши қуйидаги таҳрирда баён этилсин:
«6. Танловни ўтказишда танлов таклифлари солинган конвертлар очиладиган санадан камида ўттиз кун олдин ўзининг расмий веб-сайтида ишчи орган томонидан очиқ танлов ўтказилиши тўғрисида хабарномани (кейинги ўринларда танлов тўғрисидаги хабарнома деб аталади) эълон қилинади, бунда, байрам ва дам олиш кунларида савдолар ўтказилмайди, савдо байрам ва дам олиш кунларига тўғри келган тақдирда, навбатдаги иш кунида ўтказилади»;
иккинчи хатбошидаги «Очиқ танлов» сўзлари «Танлов» сўзи билан алмаштирилсин;
7-банд ўз кучини йўқотган деб ҳисоблансин;
8-банднинг биринчи хатбошиси қуйидаги таҳрирда баён этилсин:
«8. Танловда қатнашиш учун сотувчига талабгор ёки унинг ваколатли вакили танлов тўғрисидаги хабарномада белгиланган танловда қатнашиш учун буюртманоманинг муддатларини икки нусхада қуйидаги ҳужжатларни илова қилган ҳолда, белгиланган муддатларда шахсан ёки почта орқали тақдим этади»;
10-банд қуйидаги таҳрирда баён этилсин:
«10. Танлов тўғрисидаги хабарномада сотувчи томонидан белгиланган муддатдан кейин тушган танлов таклифлари қабул қилинмайди. Почта орқали жўнатилган ҳужжатларнинг тушган санаси сотувчининг рўйхатдан ўтказиши бўйича белгиланади»;
14-банднинг биринчи хатбошиси қуйидаги таҳрирда баён этилсин:
«14. Танловда қатнашиш учун буюртманомаларни қабул қилиш танлов тўғрисидаги хабарнома эълон қилинган кунда бошланади ва конвертларни очишнинг эълонда кўрсатилган санасидан уч соат олдин тўхтатилади»;
16-банд қуйидаги таҳрирда баён этилсин:
«16. Давлат комиссияси ёки унинг топшириғига кўра ишчи орган танлов ўтказиладиган санани танлов тўғрисидаги хабарномада белгиланган муддатни кечиктириши мумкин, бу ҳолда илгари танлов тўғрисидаги хабарнома эълон қилинган айнан ўша оммавий ахборот воситаларида тегишли ахборот чоп этилади ҳамда қатнашчилар мавжуд бўлганда улар ёзма равишда хабардор қилинади»;
17-банднинг биринчи хатбошиси қуйидаги таҳрирда баён этилсин:
«17. Агар конвертларни очишнинг танлов тўғрисидаги хабарномада белгиланган санасигача бирорта ҳам буюртманома тушмаса ёки фақат битта буюртманома тушса, танлов ўтмаган деб эътироф этилади»;
илованинг 1-босқичи «Бажариш муддатлари» устунининг иккинчи хатбошисидаги «Очиқ савдо» сўзлари «Савдо» сўзи билан алмаштирилсин;
г) 7-илова 2-бандининг учинчи хатбошиси қуйидаги таҳрирда баён этилсин:
«танлов — танлов ҳужжатлари мезонлари ва шартларига мувофиқ (ҳар қандай нодавлат юридик ва жисмоний шахс қатнашиши мумкин бўлган) қатнашчилар томонидан тақдим этилган энг яхши таклифларни танлаш орқали харидорни аниқлаш бўйича савдолар шакли».
5. Вазирлар Маҳкамасининг «Биржа ва кўргазма-ярмарка савдоларини тартибга солишга доир қўшимча чора-тадбирлар тўғрисида» 2018 йил 17 январдаги 33-сон қарорининг 3-бандидаги «Хусусийлаштирилган корхоналарга кўмаклашиш ва рақобатни ривожлантириш давлат қўмитаси» сўзлари «Рақобатни ривожлантириш ва истеъмолчилар ҳуқуқларини ҳимоя қилиш қўмитаси» сўзлари билан алмаштирилсин.
6. Вазирлар Маҳкамасининг 2018 йил 3 майдаги 322-сон қарори билан тасдиқланган Маъмурий ҳуқуқбузарлик содир этган шахслар ва маъмурий ҳуқуқбузарлик йўли билан маънавий, жисмоний ёки мулкий зарар етказилган шахсларни марказлаштирилган ҳисобга олиш тартиби тўғрисида низомга 8-иловада
а) 340-сатри қуйидаги таҳрирда баён этилсин:
« | |
340 | Ўзбекистон Республикаси Давлат активларини бошқариш агентлиги ва унинг ҳудудий бошқармалари |
»; |
б) қуйидаги таҳрирдаги 3401-сатри билан тўлдирилсин:
« | |
3401 | Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси |
». |
7. Вазирлар Маҳкамасининг 2018 йил 14 сентябрдаги 733-сон қарори билан тасдиқланган Хусусийлаштирилган турар жойни бошқа шахсга ўтказиш шартномасини нотариал тасдиқлашда хусусийлаштиришга розилик берган шахслар ҳақида маълумотлар олишнинг маъмурий регламенти 1-бандидаги «Ўзбекистон Республикаси Давлат активларини бошқариш агентлигининг ҳудудий бошқармалари (Тошкент шаҳрида — «Тошкент шаҳрида уй-жойга давлат ордерлари ва маълумотлар бериш маркази» давлат унитар корхонаси)» сўзлари «туман (шаҳар) ҳокимликлари» сўзлари билан алмаштирилсин.
8. Вазирлар Маҳкамасининг «Тошкент шаҳрининг Олмазор тумани маҳаллаларида «Тадбиркорлик марказлари»ни ташкил этиш чора-тадбирлари тўғрисида» 2018 йил 18 сентябрдаги 740-сон қарорида:
а) 4-банднинг бешинчи хатбошисидаги «мулки объектларини «ноль» қийматида харид қилиш» сўзлари «мулкини хусусийлаштириш» сўзлари билан алмаштирилсин;
б) 5-банддаги «Хусусийлаштирилган корхоналарга кўмаклашиш ва рақобатни ривожлантириш давлат қўмитаси Савдо-саноат палатаси билан биргаликда» сўзлари «Савдо-саноат палатаси» сўзлари билан алмаштирилсин.
9. Вазирлар Маҳкамасининг 2019 йил 15 майдаги 404-сон қарори билан тасдиқланган Ўзбекистон Республикаси Давлат активларини бошқариш агентлиги ҳузуридаги бюджетдан ташқари Давлат активларини бошқариш, трансформация ва хусусийлаштириш жамғармаси маблағларини шакллантириш ва улардан фойдаланиш тартиби тўғрисидаги низом 11-бандининг саккизинчи хатбошиси қуйидаги таҳрирда баён этилсин:
«хўжалик жамиятлари устав капиталидаги акцияларни (улушларни, пайларни), шунингдек, бошқа активларни давлат манфаатларини кўзлаб сотиб олиш ҳамда хўжалик жамияти томонидан алоқа мавжуд бўлмаган акциядорлар (иштирокчилар)нинг улуши қийматини нотариал идоранинг депозитига қўйиш натижасида уларга ўтган акциялар (улушлар)ни сотиб олиш билан боғлиқ харажатлар».
10. Вазирлар Маҳкамасининг «Хоразм вилояти ҳудудида бўш турган давлат мулки объектларидан самарали фойдаланиш чора-тадбирлари тўғрисида» 2020 йил 7 апрелдаги 205-сон қарорида:
а) 1-банд қуйидаги таҳрирда баён этилсин:
«1. Хоразм вилояти ҳокимлигининг Урганч шаҳри Амударё кўчасидаги 1/4-уй манзилида жойлашган умумий майдони 2,58 гектар, шундан бино ва иншоотлар эгаллаган майдон 4 152,23 квадрат метр бўлган «Хоразм троллейбус бошқармаси» давлат корхонаси биносининг бир қисмида (кейинги ўринларда — объект) йиллик 15 000 тонна синтетик полипропилен ва полиэтилен толалар геотекстил материаллари ишлаб чиқариш фаолиятини ташкил этиш учун «Khorezm Orient Ceramik» масъулияти чекланган жамиятига (кейинги ўринларда — инвестор) инвестиция ва ижтимоий мажбуриятларни бажариш шарти билан сотиш тўғрисидаги таклифи маъқуллансин»;
б) 2-банднинг учинчи хатбошиси қуйидаги таҳрирда баён этилсин:
«2025 йил 31 декабрга қадар 3,0 млн АҚШ доллари миқдоридаги инвестиция киритиш орқали объект негизида йиллик 15 000 тонна синтетик полипропилен ва полиэтилен толалардан геотекстил материаллари ишлаб чиқаришни ташкил этиш».
11. Вазирлар Маҳкамасининг 2020 йил 15 майдаги 287-сон қарори билан тасдиқланган Касбий малакалар, билим ва кўникмаларни ривожлантириш миллий тизими тўғрисидаги низом 159-бандининг олтинчи хатбошиси қуйидаги таҳрирда баён этилсин:
«инвестиция лойиҳалари ва хусусийлаштирилган корхоналарни ривожлантириш «йўл хариталари»ни амалга ошириш, фойдаланилмаётган хоналар ва биноларни ишлаб чиқариш фаолиятини ташкил этиш учун инвестиция ва ижтимоий мажбуриятлар олиш шарти билан сотиш, шунингдек, давлат мулки объектларини ижарага бериш муносабати билан зарур иш ўринлари сонини аниқлаш асосида ҳисобланади».
12. Вазирлар Маҳкамасининг 2022 йил 12 январдаги 18-сон қарори билан тасдиқланган «E-auksion» электрон савдо платформасида электрон онлайн-аукцион ва танловларни ташкил этиш ҳамда ўтказиш тартиби тўғрисидаги низомда:
а) 2-банднинг еттинчи, ўн иккинчи ва йигирма иккинчи хатбошилари, 32-банднинг биринчи — тўртинчи хатбошилари, 33-банднинг тўртинчи — олтинчи ва саккизинчи хатбошилари, 37-банднинг «г» кичик банди биринчи хатбошиси, 48-банднинг иккинчи хатбошиси, 81-банднинг тўртинчи — олтинчи хатбошилари, 83-банднинг «в» ва «г» кичик бандлари, 90-банднинг иккинчи хатбошисидаги «салоҳиятли» сўзи тегишлича «захирадаги» сўзи билан алмаштирилсин;
б) 3-банд қуйидаги таҳрирда баён этилсин:
«3. Ўзбекистон Республикаси Президентининг фармонлари, қарорлари, фармойишлари ҳамда Вазирлар Маҳкамасининг қарорлари ва фармойишлари асосида ҳудудларни ижтимоий-иқтисодий ривожлантириш аҳамиятига эга бўлган лойиҳалар ёки бошқа вазифаларни амалга ошириш учун давлатга ва устав фондида давлат улуши 50 фоиз ва ундан ортиқ бўлган юридик шахслар, шунингдек, устав фондининг 50 фоизи ва ундан ортиғи 50 фоиз ва ундан ортиқ миқдорда давлат улушига эга юридик шахсга тегишли бўлган мол-мулк, ер участкалари ҳамда уларга тегишли бўлган ҳуқуқлар бўйича танлов асосидаги аукцион буюртмачи томонидан тақдим этиладиган юридик ва жисмоний шахслар ўртасида ўтказилиши мумкин.
Буюртмачи томонидан юридик ва жисмоний шахсларнинг маълумотлари (уларнинг рўйхати, шахсий маълумотлари, яшаш ҳудуди ва бошқалар) олдиндан буюртмада кўрсатилади ёки операторга тақдим этилади.
Ушбу тартибда ўтказиладиган танлов асосидаги аукцион тўғрисида савдо ўтказилишидан беш календарь кун, такрорий савдода бир календарь кун олдин иштирокчиларнинг шахсий кабинетига хабарнома юборилади.
Таклиф этилган шахслар белгиланган тартибда рўйхатдан ўтмагани ёхуд танлов асосидаги аукцион савдоларига оид маълумотлар билан танишиб чиқмаганлиги учун оператор жавобгар ҳисобланмайди.
Мазкур танлов асосидаги аукцион ҳам ушбу Низомда белгиланган тартиб-таомилларга асосан ўтказилади»;
в) 5-банднинг олтинчи хатбошисидаги «, ёпиқ аукцион ва танлов бундан мустасно» сўзлари чиқариб ташлансин;
г) 14-банд қуйидаги мазмундаги ўн бешинчи — ўн тўққизинчи хатбошилар билан тўлдирилсин:
«Давлат мулкини хусусийлаштириш бўйича аукцион савдоларида иштирок этиш учун давлат мулкининг бошланғич нархларига боғлиқ равишда закалат миқдори қуйидагича белгиланади:
аукцион объектининг бошланғич нархи БҲМнинг 100 бараваригача бўлганда — бошланғич нархнинг 15 фоизи миқдорида;
аукцион объектининг бошланғич нархи БҲМнинг 100 бараваридан юқори, лекин БҲМнинг кўпи билан 1000 бараваригача бўлганда — бошланғич нархнинг 10 фоизи миқдорида;
аукцион объектининг бошланғич нархи БҲМнинг 1000 бараваридан юқори, лекин БҲМнинг кўпи билан 10 000 бараваригача бўлганда — бошланғич нархнинг 5 фоизи миқдорида;
аукцион объектининг бошланғич нархи БҲМнинг 10 000 бараваридан юқори бўлганда — бошланғич нархнинг 3 фоизи миқдорида»;
ўн бешинчи — ўн еттинчи хатбошилар тегишлича йигирма — йигирма иккинчи хатбошилар деб ҳисоблансин;
д) 33-банд қуйидаги мазмундаги еттинчи хатбоши билан тўлдирилсин:
«Бунда, давлат мулкини хусусийлаштириш бўйича ўтказилган савдоларда аукцион ғолиби олди-сотди шартномасини аукцион натижалари бўйича баённома расмийлаштирилгандан сўнг ўн иш куни ичида имзолашдан бош тортса, оператор захирадаги ғолибга олди-сотди шартномасини тузишни таклиф қилади. Агар захирадаги ғолиб ҳам олди-сотди шартномасини ўн иш куни ичида имзолашдан бош тортса, давлат мулкини сотиш бўйича аукцион бўлиб ўтмаган деб ҳисобланади ҳамда мазкур давлат мулки такрорий аукционга қўйилади»;
еттинчи — тўққизинчи хатбошилар тегишлича саккизинчи — ўнинчи хатбошилар деб ҳисоблансин;
е) 34-банддаги «(ушбу Низомнинг 24-бандида белгиланган ҳолатлар бундан мустасно)» сўзлари «ижро ҳужжатлари бўйича такрорий ўтказиладиган аукционлар ҳамда ушбу Низомнинг 24-бандида белгиланган ҳолатлар бундан мустасно» сўзлари билан алмаштирилсин;
ж) 41-банднинг тўртинчи хатбошисидаги «тақдирда» сўзидан кейин «ижро ҳужжатлари бўйича ўтказиладиган такрорий аукционлар бундан мустасно» сўзлари билан тўлдирилсин;
з) 42-банд қуйидаги таҳрирда баён этилсин:
«42. Такрорий аукцион алоҳида шартларсиз, умумий тартибда ўтказилади, ижро ҳужжатлари бўйича ўтказиладиган такрорий аукционлар бундан мустасно.
Бунда ижро ҳужжатлари бўйича такрорий аукционлар мазкур Низомнинг 2-боби 5-параграфида келтирилган ижро ҳужжатлари бўйича объектларни электрон онлайн-аукционга чиқариш ва сотишнинг ўзига хос хусусиятларини инобатга олган ҳолда ўтказилади»;
и) 50-банднинг иккинчи хатбошиси қуйидаги таҳрирда баён этилсин:
«Ижро ҳужжатлари бўйича мол-мулкни сотиш учун ўтказилган электрон онлайн-аукцион натижалари ҳақидаги баённома уни тақиқдан ечиш, шунингдек, аукцион ғолиби номига мулкни, мулк ҳуқуқини ва бошқа мулкий ҳуқуқларни рўйхатдан ўтказиш (ҳисобга қўйиш) учун асос ҳисобланади. Бунда мажбурий тартибда ундириш учун юборилмаган маъмурий жарималарни тўлаш мажбурияти мол-мулкнинг собиқ эгаси зиммасида қолади».
13. Вазирлар Маҳкамасининг 2022 йил 14 февралдаги 71-сон қарори билан тасдиқланган Тадбиркорлик ва шаҳарсозлик фаолиятини амалга ошириш учун ер участкаларини мулк ҳуқуқи ва ижара ҳуқуқи асосида электрон онлайн-аукцион орқали реализация қилиш тартиби тўғрисида низомда:
а) 3-банднинг ўнинчи хатбошисидаги «Электрон онлайн-аукционларни ташкил этиш маркази» давлат унитар корхонаси» сўзлари ««Электрон онлайн-аукционларни ташкил этиш» акциядорлик жамияти» сўзлари билан алмаштирилсин;
б) 16-банд қуйидаги мазмундаги ўнинчи ва ўн биринчи хатбошилар билан тўлдирилсин:
«Туман (шаҳар) ҳокимликлари ҳамда жисмоний ва юридик шахсларни таклифларига асосан ёнма-ён турган ер участкалари майдонини бирлаштирган ва/ёки лотларга бўлган ҳолда аукцион савдоларига чиқарилади.
Бунда Кадастр агентлиги томонидан «YERELEKTRON» ААТда қўшимча келишувларсиз ер участкалари майдонини бирлаштирган ва/ёки лотларга бўлган ҳолда (ер участкасининг майдони, бошланғич нархи ва фаолият турларини мувофиқлаштирган) ҳолда қайта аукционга чиқариш имконияти яратилади».
14. Вазирлар Маҳкамасининг «Ер қаъри участкаларидан фойдаланиш ҳуқуқи учун рухсатномалар бериш тартибини янада такомиллаштириш чора-тадбирлари тўғрисида» 2022 йил 25 мартдаги 133-сон қарорида:
а) 1-илова билан тасдиқланган Стратегик турдаги (асосий) фойдали қазилмаларни ўз ичига олган ер қаъри участкаларидан фойдаланиш ҳуқуқи учун рухсатномаларни электрон онлайн-аукцион орқали бериш схемасининг 3-босқичи «Тадбирлар» устунидаги «салоҳиятли» сўзи «захирадаги» сўзи билан алмаштирилсин;
б) 2-илова билан тасдиқланган Норуда фойдали қазилмаларни ўз ичига олган ер қаъри участкаларидан фойдаланиш ҳуқуқини электрон онлайн-аукцион орқали бериш схемасининг 3-босқичи «Тадбирлар» устунидаги «салоҳиятли» сўзи «захирадаги» сўзи билан алмаштирилсин;
в) 3-илова билан тасдиқланган Қимматбаҳо металларни олтин изловчилар усулида қазиб олиш учун берилаётган ер қаъри участкаларидан фойдаланиш ҳуқуқи электрон онлайн-аукцион орқали бериш схемасининг 3-босқичи «Тадбирлар» устунидаги «салоҳиятли» сўзи «захирадаги» сўзи билан алмаштирилсин.
15. Вазирлар Маҳкамасининг «Давлат даромадига олинган мол-мулкларни соддалаштирилган аукцион тамойиллари асосида «Е-auksion shop» электрон савдо дўкони орқали сотиш тартиби тўғрисида» 2023 йил 4 октябрдаги 526-сон қарорида:
а) 2-банднинг бешинчи хатбошисидаги «салоҳиятли» сўзи «захирадаги» сўзи билан алмаштирилсин;
б) иловада:
32 — 34-бандлар, 36-банднинг бешинчи хатбошиси, 38-банднинг иккинчи хатбошиси, 39-банднинг биринчи хатбошиси, 43-банднинг иккинчи хатбошисидаги «салоҳиятли» сўзи «захирадаги» сўзи билан алмаштирилсин.
16. Вазирлар Маҳкамасининг 2023 йил 16 октябрдаги 540-сон қарори билан тасдиқланган Хусусий мулкдорлар буюртмаси асосида уларнинг мулкларини соддалаштирилган тартиб ва муддатларда «Е-auksion shop» электрон савдо дўкони орқали сотиш ва ижарага бериш бўйича савдолар ўтказиш тартиби тўғрисидаги низомнинг 35 — 37-бандлари, 39-банднинг тўртинчи хатбошиси, 42-банднинг иккинчи хатбошиси, 43-банднинг биринчи хатбошиси, 47-банднинг иккинчи хатбошисидаги «салоҳиятли» сўзи тегишлича «захирадаги» сўзи билан алмаштирилсин.
17. Вазирлар Маҳкамасининг «Алоҳида уй-жойни (квартира, уй, квартиранинг ёки уйнинг бир қисмини) хусусийлаштиришга розилик берган шахслар тўғрисида маълумотнома ҳамда давлат мулки объектини хусусийлаштириш учун буюртманома бериш бўйича давлат хизматларини кўрсатишнинг маъмурий регламентларини тасдиқлаш ҳақида» 2023 йил 27 ноябрдаги 627-сон қарорида:
а) 2-банд «туман (шаҳар) ҳокимликлари» сўзларидан кейин «(Тошкент шаҳрида — «Тошкент шаҳар уй-жойларга давлат ордерлари ва маълумотномалар бериш маркази» ДУК)» сўзлари билан тўлдирилсин;
б) 3-банднинг учинчи хатбошисидаги иккинчи жумла чиқариб ташлансин;
Олдинги таҳрирга қаранг.
(17-банднинг «в» кичик банди Ўзбекистон Республикаси Вазирлар Маҳкамасининг 2025 йил 24 декабрдаги 821-сон қарорига асосан чиқарилган — Қонунчилик маълумотлари миллий базаси, 25.12.2025 й., 09/25/821/1211-сон)
18. Вазирлар Маҳкамасининг 2023 йил 21 декабрдаги 674-сон қарори билан тасдиқланган Ўрмон фонди ер участкаларини электрон онлайн-аукцион орқали ижарага беришнинг маъмурий регламентида:
а) 26-банддаги «салоҳиятли» сўзи «захирадаги» сўзи билан алмаштирилсин;
б) 2-илованинг 6-босқичи «Тадбирлар» ва «Муддатлар» устунларидаги «салоҳиятли» сўзи «захирадаги» сўзи билан алмаштирилсин.
19. Вазирлар Маҳкамасининг «Тошкент шаҳрида «Тошкент Инвест компанияси» акциядорлик жамияти ва тадбиркорлик субъектлари ўртасида ўзаро манфаатли ҳамкорлик асосида инвестиция лойиҳаларини амалга оширишни такомиллаштириш чора-тадбирлари тўғрисида» 2024 йил 25 мартдаги 149-сон қарори 2-бандининг:
биринчи хатбошисидаги «ҳудудидаги» сўзи «ҳудудидаги, шунингдек, бўш турган ер участкасини аниқлаш ва танлаш материаллари Давлат активларини бошқариш агентлиги томонидан тайёрланган» сўзлари билан алмаштирилсин;
учинчи хатбошидаги «харажатларни чегирган ҳолда,» сўзларидан кейин «Тошкент шаҳрининг шаҳар бюджетида очилган алоҳида даромад ҳисобварағига ўтказилгандан сўнг, тўлиқлигича» сўзлари билан тўлдирилсин.
Вазирлар Маҳкамасининг 2025 йил 21 апрелдаги 247-сон қарорига
3-ИЛОВА
3-ИЛОВА
Ўзбекистон Республикаси Ҳукуматининг ўз кучини йўқотган деб ҳисобланаётган айрим қарорлари
РЎЙХАТИ
1. Вазирлар Маҳкамасининг «Маҳаллий саноат, аҳолига маиший хизмат кўрсатиш, давлат савдоси ҳамда умумий овқатланиш корхоналари ва ташкилотларини давлат тасарруфидан чиқариш ва хусусийлаштиришни ташкил этиш чора-тадбирлари тўғрисида» 1992 йил 23 сентябрдаги 443-сон қарори.
2. Вазирлар Маҳкамасининг «Давлат тасарруфидан чиқариш ва хусусийлаштириш жараёнининг самарали ташкил этилишини таъминлаш бўйича қўшимча чора-тадбирлар тўғрисида» 1993 йил 11 августдаги 402-сон қарори.
3. Вазирлар Маҳкамасининг «Тошкент шаҳридаги аҳолига автомобиль ёнилғисини нақд пулга сотувчи айрим автомобиль ёнилғиси қуйиш шохобчаларини эксперимент тариқасида хусусийлаштириш тўғрисида» 1994 йил 9 июндаги 290-сон қарори.
4. Вазирлар Маҳкамасининг «Вазирлар Маҳкамасининг 1992 йил 23 сентябрдаги 443-сон қарорига ўзгартиришлар киритиш тўғрисида» 1994 йил 13 сентябрдаги 462-сон қарори.
5. Вазирлар Маҳкамасининг «Айрим корхоналар ва мол-мулкни давлат тасарруфидан чиқариш ва хусусийлаштиришнинг баъзи масалалари тўғрисида» 1995 йил 4 декабрдаги 448-сон қарори.
6. Вазирлар Маҳкамасининг «Аҳолига нақд пулга автомобиль ёнилғиси сотувчи республика автомобиль ёнилғиси қуйиш шохобчаларини хусусийлаштириш тўғрисида» 1996 йил 20 мартдаги 107-сон қарори.
7. Вазирлар Маҳкамасининг «Хусусийлаштириш ва тадбиркорликни қўллаб-қувватлаш жараёнларини янада ривожлантириш тўғрисида» 1996 йил 27 декабрдаги 460-сон қарори.
8. Вазирлар Маҳкамасининг «Давлат тасарруфидан чиқариш ва хусусийлаштириш жараёнида ташкил этилган акциядорлик жамиятлари устав жамғармасидаги давлат улуши тўғрисида» 1998 йил 30 июндаги 272-сон қарорининг 4 ва 5-бандлари.
9. Вазирлар Маҳкамасининг «Автомобиль ёнилғиси қуйиш шохобчаларининг ишини такомиллаштириш ва республика истеъмолчиларини нефть маҳсулотлари билан таъминлашни яхшилаш чора-тадбирлари тўғрисида» 1998 йил 18 сентябрдаги 397-сон қарорининг 7 ва 8-бандлари.
10. Вазирлар Маҳкамасининг «Аҳолига коммунал хизмат кўрсатиш тизимида иқтисодий ислоҳотларни чуқурлаштириш концепциясини тасдиқлаш тўғрисида» 1998 йил 18 ноябрдаги 477-сон қарорининг 7-банди.
11. Вазирлар Маҳкамасининг «Қимматли қоғозларнинг марказий депозитарийсини ташкил этиш ва унинг фаолияти масалалари тўғрисида» 1999 йил 21 майдаги 263-сон қарори.
12. Вазирлар Маҳкамасининг «Улгуржи ва биржа савдосини ташкил этиш тизимини такомиллаштириш тўғрисида» 2001 йил 1 майдаги 198-сон қарори 8-бандининг учинчи ва тўртинчи хатбошилари.
13. Вазирлар Маҳкамасининг «Иқтисодий ночор корхоналарни тугатиш ва уларнинг таркибини ўзгартиришга доир қўшимча чора-тадбирлар тўғрисида» 2002 йил 8 октябрдаги 347-сон қарори.
14. Вазирлар Маҳкамасининг «Хусусийлаштиришдан тушадиган маблағларни тақсимлаш тартибини такомиллаштириш тўғрисида» 2003 йил 14 ноябрдаги 512-сон қарори.
15. Вазирлар Маҳкамасининг «Ўзбектелеком» акциядорлик компаниясини хусусийлаштиришга доир қўшимча чора-тадбирлар тўғрисида» 2004 йил 29 сентябрдаги 453-сон қарорининг 1-банди.
16. Вазирлар Маҳкамасининг «Ўзбекистон Республикаси Президентининг «Юридик шахслар ва фуқароларнинг бинолари ҳамда иншоотлари билан банд бўлган ер участкаларини хусусийлаштириш тўғрисида» 2006 йил 24 июлдаги ПФ-3780-сон Фармонини амалга ошириш ҳақида» 2006 йил 26 июлдаги 147-сон қарори.
17. Вазирлар Маҳкамасининг «Давлат активларини очиқ савдоларда сотишга доир қўшимча чора-тадбирлар тўғрисида» 2011 йил 18 июлдаги 207-сон қарори.
18. Вазирлар Маҳкамасининг «Акциядорлик жамиятларида корпоратив бошқарув тизимини янада такомиллаштириш чора-тадбирлари тўғрисида»ги 2014 йил 2 июлдаги 176-сон қарорига 2-илованинг 1-бандидаги «б» кичик банди.
(Қонунчилик маълумотлари миллий базаси, 23.04.2025 й., 09/25/247/0383-сон; 25.12.2025 й., 09/25/821/1211-сон)
