Ўзбекистон Республикаси Вазирлар Маҳкамасининг
қарори
Ўзбекистон Республикаси ҳудудида атроф табиий муҳитни муҳофаза қилишнинг иқтисодий механизмларини янада такомиллаштириш тўғрисида
Атроф-муҳит ифлосланиши ва чиқиндилар жойлаштирилишини бошқаришнинг иқтисодий механизмини янада такомиллаштириш, «ифлослантирувчи тўлайди» тамойилини амалиётга янада кенгроқ жорий этиш ҳамда Ўзбекистон Республикаси Президентининг «2030 йилгача бўлган даврда Ўзбекистон Республикасининг атроф-муҳитни муҳофаза қилиш концепциясини тасдиқлаш тўғрисида» 2019 йил 30 октябрдаги ПФ-5863-сон ва «2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Ёшларни қўллаб-қувватлаш ва аҳоли саломатлигини мустаҳкамлаш йили»да амалга оширишга оид давлат дастури тўғрисида» 2021 йил 3 февралдаги ПФ-6155-сон фармонлари ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Экология ва атроф-муҳитни муҳофаза қилиш давлат қўмитаси (кейинги ўринларда — Давлат экология қўмитаси) ҳамда Молия вазирлигининг:
Ўзбекистон Республикаси ҳудудида ифлослантирувчи моддалар ташламаларини атмосфера ҳавосига чиқариб ташловчи, очиқ сув ҳавзалари ва жойларнинг рельефига оқова сувларни оқизувчи ва чиқиндиларни жойлаштирувчи 55,1 мингта юридик шахс хатловдан ўтказилганлиги;
2020 йилда атроф-муҳит ифлослантирилганлиги ва чиқиндилар жойлаштирилганлиги учун Давлат экология қўмитасининг Экология, атроф-муҳитни муҳофаза қилиш ва чиқиндилар билан боғлиқ ишларни амалга ошириш жамғармасига 68,3 млрд сўм маблағ тушганлиги;
ушбу маблағларнинг 17,75 млрд сўми Давлат бюджетига ўтказилганлиги, қолган маблағлар экология ва атроф-муҳитни муҳофаза қилиш тадбирлари ҳамда бошқа тадбирларни амалга оширишга, Давлат экология қўмитасининг моддий-техник базасини ривожлантиришга, шунингдек, ходимларини моддий рағбатлантиришга сарфланганлиги ҳақидаги ахбороти маълумот учун қабул қилинсин.
2. Белгилансинки:
а) қуйидагилар:
турғун ва кўчма манбалардан ифлослантирувчи моддаларни атмосфера ҳавосига чиқариб ташлаш массаси;
ифлослантирувчи моддаларни сув объектларига ва жойларнинг рельефига оқизиш массаси;
Ўзбекистон Республикаси ҳудудида жойлаштириладиган хавфли ва хавфсиз чиқиндилар массаси;
юридик шахслар, шунингдек, юридик шахс бўлмасдан тадбиркорлик фаолияти билан шуғулланувчи жисмоний шахслар томонидан коммунал канализация тармоқларига ифлослантирувчи моддаларнинг нормативдан ортиқча оқизилган массаси атроф-муҳит ифлослантирилганлиги ва чиқиндилар жойлаштирилганлиги учун компенсация тўловлари (кейинги ўринларда — компенсация тўловлари) объектлари ҳисобланади;
б) қуйидагилар:
махсус сақланаётган ва ҳар хил турдаги махсус жиҳозланган тўплаш жойларида жойлаштириладиган хом ашё ресурслари разрядига тегишли бўлган балансдан ташқари рудалар;
махсус ажратилган майдонларда вақтинча (олти ойгача) жойлаштирилганлиги тўғрисидаги ҳисоб-китоблар асосида ҳужжатлаштирилган ва сўнгра иккиламчи хом ашё сифатида фойдаланиладиган ишлаб чиқариш чиқиндилари;
техника экинлари ва ўсимликларини суғориш учун белгиланган тартибда фойдаланиладиган тозаланган оқова сувлар;
ажратилган ерда жойлаштириладиган, кон саноатининг кон юзасини очишдаги ва қоришма жинслар;
конларнинг ишлатилган қатламларига қайтариладиган, шунингдек, қатламдаги босимни ушлаб туриш учун ҳайдаладиган ер ости йўлдош қатлам сувлари;
фойдали қазилмалар хом ашё ресурслари сифатида махсус жиҳозланган чиқинди сақлаш шохобчаларида жойлаштирилганлиги тўғрисидаги ҳисоб-китоблар асосида ҳужжатлаштирилган ва кейинчалик (узоғи билан икки йил давомида) қайта ишланадиган кон қазиш саноати чиқиндилари;
минерал ўғитлар ва иқтисодиёт тармоқлари учун маҳсулотлар ишлаб чиқариш учун хом ашё ресурслари сифатида жойлаштирилганлиги тўғрисидаги ҳисоб-китоблар асосида ҳужжатлаштирилган, кейинчалик (узоғи билан беш йил давомида) қайта ишланадиган ҳамда махсус жиҳозланган сақлаш жойлари (уюмлар)да жойлаштириладиган фосфорли ўғитлар (фосфогипс) ишлаб чиқариш чиқиндилари компенсация тўлови объектлари ҳисобланмайди;
в) қуйидагилар:
ифлослантирувчи моддалар ташламаларини атроф табиий муҳитга чиқариб ташловчи, оқова сувларни оқизувчи ва чиқиндиларни жойлаштирувчи юридик шахслар;
юридик шахслар, шунингдек, юридик шахс бўлмасдан тадбиркорлик фаолияти билан шуғулланувчи ҳамда шаҳарлар ва бошқа аҳоли пунктлари коммунал канализация тармоқларига ифлослантирувчи моддаларни нормативдан ортиқча оқизувчи жисмоний шахслар компенсация тўловчи субъектлар ҳисобланади.
3. Шундай тартиб ўрнатилсинки, унга мувофиқ 2021 йил 15 июлдан бошлаб:
ифлослантирувчи моддаларни атроф-муҳитга чиқариб ташлаш, оқизиш ва чиқиндиларни жойлаштириш массаси тасдиқланган экологик нормативлардан 1 баравардан 5 бараваргача ёки ундан ортиқ (кам) бўлганда компенсация тўловчи субъектлар мос равишда 1 баравардан 20 бараваргача кўпайтирилган (камайтирилган) миқдорда компенсация тўловларини тўлайдилар;
Олдинги таҳрирга қаранг.
экологик нормативлар тасдиқланмаган ёки уларнинг амал қилиш муддати тугаган бўлса, атроф-муҳитга юқори (I тоифа) ва ўртача (II тоифа) даражада хавфли таъсир кўрсатадиган компенсация тўловчи субъектлар ифлослантирувчи моддаларни чиқариб ташлаш, оқизиш, чиқиндиларни жойлаштиришнинг амалдаги массасига нисбатан 20 баравар, шунингдек, паст (III тоифа) даражада таъсир кўрсатувчи компенсация тўловчи субъектлар 10 баравар кўпайтирилган миқдорда компенсация тўловларини тўлайдилар;
(3-банднинг учинчи хатбошиси Ўзбекистон Республикаси Вазирлар Маҳкамасининг 2026 йил 11 майдаги 234-сонли қарори таҳририда — Қонунчилик маълумотлари миллий базаси, 13.05.2026 й., 09/26/234/0482-сон. Кучга кириш санаси — 2026 йил 14 август)
ифлослантирувчи моддаларни бирваракайига ташлаганлик ва оқизганлик учун компенсация тўловлари ҳар бир модда бўйича белгиланган базавий ставкаларга нисбатан 10 баравар кўпайтирилган миқдорда тўланади.
4. Ўзбекистон Республикаси ҳудудида атроф табиий муҳит ифлослантирилганлиги ва чиқиндилар жойлаштирилганлиги учун компенсация тўловларини қўллаш тартиби тўғрисидаги низом 1-иловага мувофиқ тасдиқлансин.
5. Давлат экология қўмитаси:
Давлат солиқ қўмитаси билан биргаликда компенсация тўловлари тўғри ҳисобланиши ва тўланиши устидан доимий назорат ўрнатиб, ўзаро маълумот алмашинувини йўлга қўйсин;
Ахборот технологиялари ва коммуникацияларини ривожлантириш вазирлиги билан биргаликда 2021 йил 1 декабрга қадар компенсация тўловлари ҳисобланиши ва тўланиши билан боғлиқ электрон ахборот тизимини амалиётга тўлиқ жорий этсин.
6. Ўзбекистон Республикаси Ҳукуматининг 2-иловага мувофиқ айрим қарорлари ўз кучини йўқотган деб ҳисоблансин.
7. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов, Бош вазирнинг молия-иқтисодиёт ва камбағалликни қисқартириш масалалари бўйича ўринбосари — иқтисодий тараққиёт ва камбағалликни қисқартириш вазири Ж.А. Қўчқоров ҳамда Экология ва атроф-муҳитни муҳофаза қилиш давлат қўмитаси раиси А.И. Максудов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2021 йил 12 апрель,
202-сон

Вазирлар Маҳкамасининг 2021 йил 12 апрелдаги 202-сон қарорига

1-ИЛОВА

Ўзбекистон Республикаси ҳудудида атроф табиий муҳит ифлослантирилганлиги ва чиқиндилар жойлаштирилганлиги учун компенсация тўловларини қўллаш тартиби тўғрисида

НИЗОМ
1-боб. Умумий қоидалар
1. Мазкур Низом Ўзбекистон Республикаси ҳудудида атроф табиий муҳит ифлослантирилганлиги ва чиқиндилар жойлаштирилганлиги учун компенсация тўловларини қўллаш тартибини белгилайди.
2. Ушбу Низомда қуйидаги асосий тушунчалар қўлланилади:
атроф табиий муҳит ифлослантирилганлиги ва чиқиндилар жойлаштирилганлиги учун компенсация тўловлари — атроф табиий муҳит ифлослантирилганлиги ва унга бошқа турдаги зарарли таъсирлар кўрсатилганлиги (ифлослантирувчи моддаларни чиқариб ташлаш, оқизиш, чиқиндиларни жойлаштириш) учун тўловлар;
компенсация тўловларининг базавий миқдори — компенсация тўловлари атмосфера ҳавосига турғун ва кўчма манбалардан чиқариб ташланадиган бир тонна ёки бир килограмм ҳажмдаги ифлослантирувчи моддалар, сув объектларига ва жойларнинг рельефига, коммунал канализация тармоқларига оқизилган бир тонна ҳажмидаги ифлослантирувчи моддалар, жойлаштирилган бир тонна ҳажмидаги чиқиндиларга нисбатан базавий ҳисоблаш миқдорининг амалда белгиланган коэффициентларида белгиланади;
аванс компенсация тўловлари — компенсация тўловлари миқдорини босқичма-босқич тўлашни назарда тутувчи маблағларни киритиш;
ифлослантирувчи моддаларни авария ҳолатида чиқариб ташлаш ва оқизиш — хўжалик фаолиятини ва бошқа фаолиятни амалга ошириш жараёнида ер усти қатламларига ҳамда конларга қаттиқ, суюқ ва газсимон ифлослантирувчи моддаларнинг тарқалиши натижасида атроф-муҳитнинг тўсатдан ифлосланишига ва кутилмаган ҳалокатларга олиб келадиган даражада атмосфера ҳавосига ифлослантирувчи моддаларни чиқариб ташлаш, сув объектларига уларни оқизиш;
ифлослантирувчи моддаларнинг бирваракайига ташламалари ва оқовалари — атмосфера ҳавосига, сув объектларига ва жойларнинг рельефига ифлослантирувчи моддаларни чиқарувчи манбалардан қисқа муддатда технологик регламентда назарда тутилган миқдордан кескин равишда ошиқча чиқариладиган ташламалар ва оқовалар;
чиқиндиларни жойлаштириш — чиқиндиларни сақлаш ҳамда уларни кўмиб ташлаш билан боғлиқ комплекс амалий фаолият;
оқова сувлар — юридик ва жисмоний шахслар томонидан ишлаб чиқариш ёки бошқа мақсадларда сувдан фойдаланишда унинг таркиби кимёвий жиҳатдан ўзгариши натижасида ҳосил бўлган сувлар;
экологик нормативлар — атроф-муҳитни ифлослантирувчи манбаларни хатловдан ўтказиш натижалари асосида ишлаб чиқилган ҳамда давлат экологик экспертизасидан ўтган чиқиндиларнинг ҳосил бўлиши ва жойлаштирилиши, ташламалар ва оқова сувларлар меъёрлари.
2-боб. Атроф табиий муҳит ифлослантирилганлиги ва чиқиндилар жойлаштирилганлиги учун компенсация тўловларининг объектлари
3. Ифлослантирувчи моддаларни атмосфера ҳавосига чиқариб ташлаш (ташламалар), оқова сувларни оқизиш (оқовалар)нинг норматив ва нормативдан ортиқча, авария ҳолатидаги ташламалар ва оқовалар ҳамда бирваракайига ташламалар, шунингдек, лимит бўйича ва лимитдан ташқари жойлаштирилган чиқиндилар массаси атроф табиий муҳитни ифлослантирганлик ва чиқиндиларни жойлаштирганлик учун компенсация тўловлари (кейинги ўринларда — компенсация тўловлари) объекти ҳисобланади ва у ўз ичига қуйидагиларни олади:
турғун ва кўчма манбалардан ифлослантирувчи моддаларни атмосфера ҳавосига чиқариб ташлаш массаси;
ифлослантирувчи моддаларни сув объектларига ва жойларнинг рельефига оқизиш массаси;
Ўзбекистон Республикаси ҳудудида жойлаштириладиган хавфли ва хавфсиз чиқиндилар массаси;
юридик шахслар, шунингдек, юридик шахс бўлмасдан тадбиркорлик фаолияти билан шуғулланувчи жисмоний шахслар томонидан коммунал канализация тармоқларига ифлослантирувчи моддаларнинг нормативдан ортиқча оқизилган массаси.
4. Қуйидагилар компенсация тўлови объектлари ҳисобланмайди:
махсус сақланаётган ва ҳар хил турдаги махсус жиҳозланган тўплаш жойларида жойлаштириладиган хом ашё ресурслари разрядига тегишли бўлган балансдан ташқари рудалар;
махсус ажратилган майдонларда вақтинча (олти ойгача) жойлаштирилганлиги тўғрисидаги ҳисоб-китоблар асосида ҳужжатлаштирилган ва сўнгра иккиламчи хом ашё сифатида фойдаланиладиган ишлаб чиқариш чиқиндилари;
техника экинлари ва ўсимликларини суғориш учун белгиланган тартибда фойдаланиладиган тозаланган оқова сувлар;
ажратилган ерда жойлаштириладиган, кон саноатининг кон юзини очишдаги ва қоришма жинслар;
конларнинг ишлатилган қатламларига қайтариладиган, шунингдек, қатламдаги босимни ушлаб туриш учун ҳайдаладиган ер ости йўлдош қатлам сувлари;
фойдали қазилмалар хом ашё ресурслари сифатида махсус жиҳозланган чиқинди сақлаш шохобчаларида жойлаштирилганлиги тўғрисидаги ҳисоб-китоблар асосида ҳужжатлаштирилган ва кейинчалик (узоғи билан икки йил давомида) қайта ишланадиган кон қазиш саноати чиқиндилари;
минерал ўғитлар ва иқтисодиёт тармоқлари учун маҳсулотлар ишлаб чиқариш учун хом ашё ресурслари сифатида жойлаштирилганлиги тўғрисидаги ҳисоб-китоблар асосида ҳужжатлаштирилган, кейинчалик (узоғи билан беш йил давомида) қайта ишланадиган ҳамда махсус жиҳозланган сақлаш жойлари (уюмлар)да жойлаштириладиган фосфорли ўғитлар (фосфогипс) ишлаб чиқариш чиқиндилари.
3-боб. Компенсация тўловчи субъектлар
5. Қуйидагилар Ўзбекистон Республикаси ҳудудида атроф табиий муҳит ифлослантирилганлиги ва чиқиндилар жойлаштирилганлиги учун компенсация тўловчи субъектлар ҳисобланади:
Ўзбекистон Республикаси ҳудудида ифлослантирувчи моддалар ташламаларини атроф табиий муҳитга чиқариб ташловчи, оқова сувларни оқизувчи ва чиқиндиларни жойлаштирувчи юридик шахслар;
юридик шахслар, шунингдек, юридик шахс бўлмасдан тадбиркорлик фаолияти билан шуғулланувчи ҳамда шаҳарлар ва бошқа аҳоли пунктлари коммунал канализация тармоқларига ифлослантирувчи моддаларни нормативдан ортиқча оқизувчи жисмоний шахслар.
Олдинги таҳрирга қаранг.
Ўзбекистон Республикаси Давлат бюджети маблағларидан молиялаштириладиган ташкилотлар (кейинги ўринларда — бюджет ташкилотлари) ҳамда «Чиқинди полигонларини бошқариш дирекцияси» давлат муассасаси ва унинг ҳудудий бошқармалари Ўзбекистон Республикаси ҳудудида атроф табиий муҳит ифлослантирганлиги учун компенсация тўловчи субъектлар ҳисобланмайди.
(5-банднинг тўртинчи хатбошиси Ўзбекистон Республикаси Вазирлар Маҳкамасининг 2024 йил 25 ноябрдаги 783-сонли қарори таҳририда — Қонунчилик маълумотлари миллий базаси, 25.11.2024 й., 09/24/783/0965-сон)
Олдинги таҳрирга қаранг.
Бюджет ташкилотлари ҳамда «Чиқинди полигонларини бошқариш дирекцияси» давлат муассасаси ва унинг ҳудудий бошқармалари мазкур Низомга мувофиқ ўзларининг асосий фаолиятидан ташқари ва атроф табиий муҳитга салбий таъсир кўрсатиш билан боғлиқ бўлган бошқа фаолият билан шуғулланганда, ундан олинган даромад манбалари ҳисобидан компенсация тўловларини тўлайдилар.
(5-банднинг бешинчи хатбошиси Ўзбекистон Республикаси Вазирлар Маҳкамасининг 2024 йил 25 ноябрдаги 783-сонли қарори таҳририда — Қонунчилик маълумотлари миллий базаси, 25.11.2024 й., 09/24/783/0965-сон)
Олдинги таҳрирга қаранг.
Атроф-муҳитга таъсир кўрсатишнинг биринчи, иккинчи ва учинчи тоифаларига мансуб субъектлар (кейинги ўринларда — I — III тоифаларга мансуб компенсация тўловчи субъектлар), ушбу Низомнинг 4 — 7-бобларида келтирилган компенсация тўловларини ҳисоблаш тартибига амал қилган ҳолда иш юритади.
(5-банднинг олтинчи хатбошиси Ўзбекистон Республикаси Вазирлар Маҳкамасининг 2026 йил 11 майдаги 234-сонли қарори таҳририда — Қонунчилик маълумотлари миллий базаси, 13.05.2026 й., 09/26/234/0482-сон. Кучга кириш санаси — 2026 йил 14 август)
4-боб. Компенсация тўловларини ҳисоблаш тартиби
Олдинги таҳрирга қаранг.
6. Атроф табиий муҳитга ифлослантирувчи моддалар ташламаларини ва оқоваларни норматив ва нормативдан ортиқча чиқарганлик ва оқизганлик, шунингдек, чиқиндиларни белгиланган лимит ва лимитдан ортиқча жойлаштирганлик учун компенсация тўловлари миқдори атроф-муҳитга таъсир кўрсатишнинг I — III тоифаларига мансуб компенсация тўловчи субъектлар томонидан ушбу Низомга 1, 2, 3, 4 ва 5-иловаларга асосан белгиланган базавий ставкаларга мувофиқ, атроф табиий муҳитни ифлослантирувчи моддалар ташланмалари, оқовалари массаси чиқиндиларни жойлаштириш билан боғлиқ аниқ маълумотлар ҳамда тасдиқланган экологик нормативларга асосланган ҳолда мустақил равишда белгиланади.
(6-банднинг биринчи хатбошиси Ўзбекистон Республикаси Вазирлар Маҳкамасининг 2026 йил 11 майдаги 234-сонли қарори таҳририда — Қонунчилик маълумотлари миллий базаси, 13.05.2026 й., 09/26/234/0482-сон. Кучга кириш санаси — 2026 йил 14 август)
Хавфлилик даражаси I (юқори даражада хавфли), II (ўртача даражада хавфли) ва III (паст даражада хавфли) тоифаларга мансуб компенсация тўловчи субъектлар учун тўловлар миқдори лаборатория таҳлиллари асосида, агар атроф-муҳитни ифлослантирувчи манбаларда назоратнинг автоматик тизими жорий этилган бўлса, бу ҳолатда компенсация тўловлари ушбу тизимнинг маълумотлари асосида ҳисобланиши мумкин.
7. Атроф табиий муҳитга ифлослантирувчи моддалар ташламаларини чиқариш, оқоваларини оқизиш ва чиқиндиларни жойлаштиришнинг аниқ массаси I, II ва III тоифаларга мансуб компенсация тўловчи субъектлар томонидан дастлабки ҳисоб-китоблар, шунингдек, вазирликлар ва идораларнинг лабораториялари, I, II ва III тоифаларга мансуб компенсация тўловчи субъектларнинг ишлаб чиқариш лабораториялари ёки қонунчиликда белгиланган тартибда аккредитациядан ўтган бошқа ташкилотларнинг аккредитациядан ўтган ёки техник жиҳатдан малакалилиги маъқулланган (мувофиқлиги маъқулланган ёки малакалилиги Аккредитация маркази томонидан расман тасдиқланган) лабораториялари томонидан амалга оширилган давлат, идоравий ва ишлаб чиқариш экологик назоратлари натижасида олинган маълумотлардан келиб чиққан ҳолда аниқланади.
 LexUZ шарҳи
Қаранг: «Мувофиқликни баҳолаш органларини аккредитация қилиш тўғрисида»ги Қонуни.
Юқорида қайд этилган лабораториялар томонидан компенсация тўловларини ҳисоблаш мақсадида аниқланган атроф табиий муҳитни ифлослантирувчи моддаларнинг ташламалари, оқовалари ва чиқиндилар массаларига оид кўрсаткичлар ҳар хиллиги аниқланган тақдирда, давлат экологик назорати ёки атроф табиий муҳитни ифлослантирувчи манбалар мониторингини олиб борган лаборатория натижаларига оид маълумотлар қабул қилинади.
Олдинги таҳрирга қаранг.
8. Атроф табиий муҳитни белгиланган меъёр даражасида ифлослантирганлик ва чиқиндиларни жойлаштирганлик учун I — III тоифаларга мансуб компенсация тўловчи субъектлар томонидан тўланадиган компенсация тўловининг миқдори қуйидаги формула бўйича ҳисобланади:
(8-банднинг биринчи хатбошиси Ўзбекистон Республикаси Вазирлар Маҳкамасининг 2026 йил 11 майдаги 234-сонли қарори таҳририда — Қонунчилик маълумотлари миллий базаси, 13.05.2026 й., 09/26/234/0482-сон. Кучга кириш санаси — 2026 йил 14 август)
(1) П=(Мн * R * БҲМ):Бк,
бунда:
П — атроф табиий муҳит ифлослантирилганлиги ва чиқиндилар жойлаштирилганлиги учун компенсация тўлови суммаси, сўмда;
Мн — атроф табиий муҳитга ифлослантирувчи моддаларни чиқариб ташлаш, оқизиш ва чиқиндиларни тасдиқланган экологик нормативлар доирасида жойлаштириш массаси, тонна ва килограммларда;
R — атроф табиий муҳитга чиқарилган, оқизилган ифлослантирувчи моддалар ва жойлаштирилган чиқиндиларнинг бир тоннаси учун белгиланган базавий ҳисоблаш миқдорига нисбатан коэффициентлардаги базавий ставка;
БҲМ — базавий ҳисоблаш миқдори, сўмда;
Бк — ифлослантирувчи моддалар атроф табиий муҳитга чиқариб ташланишига, оқизилишига ва чиқиндилар жойлаштирилишига тасдиқланган нормативлар (лимитлар) кўпайтирилганлиги (камайтирилганлиги) учун бараварлик коэффициенти. Норматив ва амалдаги масса ўртасида бараварлик ҳолати каттаси кичигига бўлинган ҳолда бараварлик коэффициенти аниқланади.
Бк қуйидаги боғлиқликда аниқланади.

Т/р

Ифлослантирувчи моддаларни атроф-муҳитга чиқариб ташлаш, оқизиш ва чиқиндиларни жойлаштириш массаси тасдиқланган экологик нормативлардан ортиқ (кам) бўлган

Ифлослантирувчи моддаларни атроф табиий муҳитга чиқариб ташлаш, оқизиш ва чиқиндиларни жойлаштиришда тасдиқланган экологик нормативлар (лимитлар)дан ошириб юборилганлиги (камайтирилганлиги) учун бараварлик коэффициенти кўрсаткичлари (Бк)

1.

1,0 дан 1,0009 гача

1,0

2.

1,001 дан 1,049 гача

1,2

3.

1,05 дан 1,059 гача

2,2

4.

1,06 дан 1,1 гача

2,5

5.

1,11 дан 1,2 гача

3,4

6.

1,21 дан 1,3 гача

4,4

7.

1,31 дан 1,5 гача

6,0

8.

1,51 дан 1,8 гача

8,0

9.

1,81 дан 2,0 гача

10,0

10.

2,1 дан 2,2 гача

11,5

11.

2,21 дан 2,4 гача

13,0

12.

2,41 дан 2,6 гача

14,0

13.

2,61 дан 2,8 гача

15,0

14.

2,81 дан 3,1 гача

16,5

15.

3,11 дан 4,5 гача

17,5

16.

4,51 дан 5,0 гача

18,5

17.

5,0 дан ортиқ

20,0
Ифлослантирувчи моддаларнинг атроф табиий муҳитга чиқариб ташланиши, оқизилиши ва чиқиндиларни жойлаштиришнинг тасдиқланган экологик нормативлари кўпайтирилганлиги учун бараварлик коэффициенти ифлослантирувчи моддаларни чиқариб ташлаш, оқизиш ва чиқиндиларни жойлаштиришнинг амалдаги массаси ҳар бир модда бўйича алоҳида тасдиқланган экологик нормативларга нисбати сифатида белгиланади.
Ифлослантирувчи моддалар атроф табиий муҳитга чиқариб ташланиши, оқизилиши ва чиқиндиларни жойлаштиришга оид тасдиқланган экологик нормативлар камайтирилганлиги учун бараварлик коэффициенти ифлослантирувчи моддаларни чиқариб ташлаш, оқизиш ва чиқиндиларни жойлаштиришнинг амалдаги массаси ҳар бир модда бўйича алоҳида тасдиқланган нормативларга нисбати сифатида белгиланади.
Атроф табиий муҳит ифлослантирилганлиги, чиқиндилар жойлаштирилганлиги бўйича белгиланган меъёрлардан ортиқ ҳолатлар аниқланганда, тўланадиган компенсация тўловининг миқдори қуйидаги формула билан ҳисобланади:
(2) П = (Mн * R * БҲМ) + (Mно * R * БҲМ * Бк),
бунда:
П — атроф-муҳит ифлослантирилганлиги ва чиқиндилар жойлаштирилганлиги учун компенсация тўлови суммаси, сўмда;
Mн — атроф табиий муҳитга ифлослантирувчи моддаларни чиқариб ташлаш, оқизиш ва чиқиндиларни тасдиқланган экологик нормативлар доирасида жойлаштириш массаси, тонна ва килограммларда;
Мно — ифлослантирувчи моддаларни тасдиқланган экологик нормативдан ортиқча ҳажмда атроф табиий муҳитга чиқариб ташлаш, оқизиш ва чиқиндиларни жойлаштириш, тонна ёки килограммларда;
R — базавий ставка;
БҲМ — базавий ҳисоблаш миқдори, сўмда;
Бк — бараварлик коэффициенти.
Ифлослантирувчи моддаларни чиқариб ташлаш, оқизиш, чиқиндиларни жойлаштиришнинг амалдаги массаси учун экологик нормативларни тасдиқламаган ҳолда атроф табиий муҳит ифлослантирилганлиги ва чиқиндилар жойлаштирилганлиги учун компенсация тўлови суммаси қуйидаги формула бўйича аниқланади:
(3) П = (Mф * R * БҲМ) * Шк
бунда:
Мф — атроф табиий муҳитга ифлослантирувчи моддаларни чиқариб ташлаш, оқизиш ва чиқиндиларни жойлаштиришнинг ҳақиқий массаси;
R — базавий ставка;
БҲМ — базавий ҳисоблаш миқдори, сўмда;
Шк — шартли коэффициент, яъни ушбу белги остида корхонанинг тоифасидан келиб чиққан ҳолда ушбу Низомнинг 11-бандида келтирилган кўрсаткичдаги коэффициентлар қўлланилган ҳисоблаш ишлари амалга оширилади.
9. Компенсация тўлови суммасини ҳисоблаш учун қуйидагилар қўлланилади:
атроф табиий муҳитга чиқариладиган ифлослантирувчи моддалар ташланмалари массасига доир аниқ маълумотлар;
атроф табиий муҳитга ифлослантирувчи моддаларни чиқариб ташлаш, оқизиш ва чиқиндиларни турларига кўра жойлаштиришнинг ҳисобини юритиш бўйича дастлабки маълумотлар;
компенсация тўловчи субъектлар томонидан табиатни муҳофаза қилиш соҳасида белгиланган шаклларга мувофиқ ҳар йили тақдим этиладиган давлат статистик ҳисоботлари асосидаги аниқ маълумотлар;
ифлослантирувчи манбаларда ускуна-жиҳозлар воситасида бажарилган экологик назорат, атроф-муҳит мониторинги натижалари маълумотлари.
Ҳисобот даврида атроф табиий муҳитга ифлослантирувчи моддаларни чиқариб ташлаш, оқизиш ва чиқиндиларни жойлаштиришнинг ҳақиқий массасини аниқлаш мумкин бўлмаса, шунингдек, экологик нормативлар тасдиқланмаган тақдирда, уларнинг массаси ишлаб чиқаришнинг технологик регламенти бўйича кутилаётган йиллик массадан келиб чиқиб ҳисобланади.
Олдинги таҳрирга қаранг.
10. Атроф табиий муҳитга таъсир кўрсатишнинг I — III тоифаларга мансуб компенсация тўловчи субъектлар компенсация тўловларини мазкур Низомнинг 6 — 8-бандларида белгиланган тартибда ҳисоб-китоб қилиб, ўз вақтида тўловларни амалга оширишлари шарт.
(10-банд Ўзбекистон Республикаси Вазирлар Маҳкамасининг 2026 йил 11 майдаги 234-сонли қарори таҳририда — Қонунчилик маълумотлари миллий базаси, 13.05.2026 й., 09/26/234/0482-сон. Кучга кириш санаси — 2026 йил 14 август)
11. Компенсация тўловчи субъектларда атроф табиий муҳитга ифлослантирувчи моддаларни чиқариб ташлаш, оқизиш ва чиқиндиларни жойлаштиришнинг тасдиқланган экологик нормативлари мавжуд бўлмаган тақдирда ёки уларнинг амал қилиш муддати тамом бўлганда, Низомнинг 8-бандида келтирилган 3-формула асосида компенсация тўловлари ҳисоб-китоб қилинади.
Олдинги таҳрирга қаранг.
Бунда I ва II тоифаларга мансуб компенсация тўловчи субъектлар учун 20 (йигирма), III тоифага мансуб компенсация тўловчи субъектлар учун 10 (ўн) шартли коэффициентлар қўлланилади.
(11-банднинг иккинчи хатбошиси Ўзбекистон Республикаси Вазирлар Маҳкамасининг 2026 йил 11 майдаги 234-сонли қарори таҳририда — Қонунчилик маълумотлари миллий базаси, 13.05.2026 й., 09/26/234/0482-сон. Кучга кириш санаси — 2026 йил 14 август)
12. Мотор ёнилғиси ёқилганда ифлослантирувчи моддалар атмосфера ҳавосига нормативда чиқарилганлиги учун компенсация тўлови ҳисоб-китоби ушбу Низомга 2-иловага асосан, уларни турларга ажратмасдан ифлослантирувчи моддаларнинг тўлиқ массаси учун компенсация тўлови миқдорларига мувофиқ амалга оширилади, ифлослантирувчи моддаларнинг амалдаги массаси эса ушбу Низомга 3-иловага мувофиқ қабул қилинади.
Агар экология ва атроф-муҳитни муҳофаза қилиш органлари томонидан компенсация тўловчи субъектда давлат экологик назорати амалга оширилиши мобайнида инструментал усул билан автотранспорт воситаларининг ифлослантирувчи моддаларини ўлчаш натижасида улар белгиланган нормативлардан ортиқ эканлиги аниқланса, у ҳолда нормативдан неча баравар ортиқча чиқарилганлик кўрсаткичи аниқланади ва ҳисобот йилида ушбу автотранспортнинг сарфланган ёқилғи массасига ҳамда белгиланган базавий ставкага кўпайтирган ҳолда қуйида келтирилган формула асосида компенсация тўлови ҳисобланади:
(4) П = Yҳ * Мим * R * БҲМ
бунда:
Yҳ — корхона томонидан автотранспорт воситаси учун сарфланган ёқилғи ҳажми миқдори, тонна ёки килограммларда;
Мим — ифлослантирувчи модда массаси, Низомга 3-илова билан тасдиқланган бир тонна мотор ёқилғисини ёқишда чиқариб ташланадиган ифлослантирувчи моддалар миқдори турига қараб олинади;
R — базавий ставка;
БҲМ — базавий ҳисоблаш миқдори, сўмда.
13. Кейинчалик қайта ишланмайдиган ва ҳар хил турдаги махсус жиҳозланган тўпланадиган жойларга жойлаштириладиган нормативдаги ва нормативдан ортиқча (лимитдан ортиқча) ишлаб чиқариш чиқиндилари учун компенсация тўлови ушбу Низомга мувофиқ амалга оширилади.
14. Ишлаб чиқариш оқова сувларини чуқур ер ости горизонтларига ҳайдаш йўли билан жойлаштирганлик учун компенсация тўловлари ушбу Низомга мувофиқ хавфлилик даражаси тўртинчи тоифага мансуб суюқ чиқиндилар бўйича амалга оширилади.
15. Кон саноатида фойдали қазилма конларининг юзасини очиш натижасида чиқарилган хавфсиз тоғ жинслари массасини нормативда ва нормативдан ортиқча (лимитдан ортиқча) миқдорда вақтинча ажратилган майдонларга жойлаштирганлик учун ушбу Низомга мувофиқ компенсация тўлови тўланади.
5-боб. Атроф табиий муҳитга ифлослантирувчи моддаларни авария ҳолатида ва бирваракайига чиқариб ташлаш, оқизиш ва чиқиндиларни жойлаштириш ҳолатларида компенсация тўловларини ҳисоблаш тартиби
16. Атроф табиий муҳитга ифлослантирувчи моддалар авария ҳолатида ва бирваракайига чиқариб ташланган, оқизилган ва чиқиндилар жойлаштирилган ҳолатларда уларнинг миқдори инструментал усулда аниқланади.
Агар атроф табиий муҳитга ифлослантирувчи моддаларни авария ҳолатида чиқариб ташлаш, оқизиш ва чиқиндиларни жойлаштириш миқдорини инструментал усулда аниқлаш мумкин бўлмаса, уларнинг миқдори ишлаб чиқаришнинг технологик тартиб-қоидасидан келиб чиқиб ҳисоб-китоб усули билан аниқланади.
17. Ифлослантирувчи моддаларни атроф табиий муҳитга авария ҳолатида чиқариб ташлаш, оқизиш ва чиқиндиларни жойлаштиришда компенсация тўловлари ифлослантирувчи моддаларни авария ҳолатида чиқариб ташлаш, оқизиш ва ноқонуний равишда чиқиндиларни жойлаштириш жараёни юзага келган пайтдан бошлаб, у бартараф этилгунга қадар ўтган давр учун заҳарли моддаларнинг ҳамда чиқиндиларнинг ҳар бир тури учун белгиланган компенсация тўловларининг ўн баравари миқдорида тўланади.
18. Компенсация тўлови ҳисоб-китобидан аварияни бартараф этиш ва унинг оқибатлари даврида зарарсизлантириш ёки кейинчалик ишлаб чиқаришга жалб этиш учун корхонага қайтариладиган ифлослантирувчи моддалар массаси чиқариб ташланмайди.
19. Ифлослантирувчи моддалар сақланадиган, тўпланадиган ёки уларни ташувчи тизимлардан, шу жумладан, авария ҳолати учун ҳовузларнинг ажратилган чегаралари доирасида сув объектларига ёки жой рельефига ифлослантирувчи моддалар оқиб чиққан ҳолатларда, сув ўтказмайдиган қопламага эга бўлмаган субъектларда, ифлослантирувчи моддалар массаси учун компенсация тўловлари сув объектларига, жой рельефига авария ҳолатида оқизиш сифатида тўланади.
20. Ифлослантирувчи моддаларни бирваракайига ташлаганлик, оқизганлик учун компенсация тўловлари, ифлослантирувчи моддаларни бараварига ташлаш, оқизиш содир этилган пайтдан бошлаб, у бартараф этилгунгача бўлган даврга, тасдиқланган экологик нормативларга мувофиқ ҳар бир модда бўйича компенсация тўловларининг белгиланган миқдорларига ўн баравар миқдорда тўланади.
Олдинги таҳрирга қаранг.
201. Ўзбекистон Республикаси Президентининг «Экология ва атроф-муҳитни муҳофаза қилиш соҳасини трансформация қилиш ва ваколатли давлат органи фаолиятини ташкил этиш чора-тадбирлари тўғрисида» 2023 йил 31 майдаги ПФ-81-сон Фармони 9-бандининг биринчи хатбошисида белгиланган муддатларда атмосфера ҳавосига устувор турғун (ташкиллаштирилган) ифлослантирувчи манбалардан чиқадиган ташланмаларни таҳлил қилувчи автоматик мониторинг станцияларини, юқори самарадорликка эга чанг-газ тозалаш ускуналарини ва локал сув тозалаш иншоотларини ўрнатмаган ва (ёки) мавжудларини модернизация қилмаган, шунингдек, корхонанинг санитар ҳимоя зонасини автомат стационар кузатув пости билан жиҳозламаган атроф-муҳитга таъсири бўйича I ва II тоифага кирувчи хўжалик юритувчи субъектлар томонидан атроф табиий муҳитни ифлослантирганлиги ва чиқиндиларни жойлаштирганлиги учун компенсация тўловлари беш бараварга оширилган ҳолда тўланади.
(201-банд Ўзбекистон Республикаси Вазирлар Маҳкамасининг 2024 йил 25 ноябрдаги 783-сонли қарорига асосан киритилган — Қонунчилик маълумотлари миллий базаси, 25.11.2024 й., 09/24/783/0965-сон)
21. Атроф табиий муҳитга ифлослантирувчи моддаларни авария ҳолатида, бирваракайига чиқариб ташлаш, оқизиш ва чиқиндиларни ноқонуний равишда жойлаштирганлик учун ҳисобланган сумма, авария, бирваракайига чиқариш ҳолатлари содир этилганда айбдор бўлган шахслардан қатъи назар, атроф табиий муҳитга ифлослантирувчи моддаларни ташлаш, оқизиш ва жойлаштириш объектлари тасарруфида бўлган компенсация тўловчи субъектлар томонидан қопланади.
6-боб. Компенсация тўлови ҳисоб-китобларини расмийлаштириш ва уларни келишиш
Олдинги таҳрирга қаранг.
22. Атроф табиий муҳитни ифлослантирганлик, чиқиндиларни жойлаштирганлик учун компенсация тўлови суммаси ҳисоб-китоби I — III тоифаларга мансуб компенсация тўловчи субъектлар томонидан, мувофиқ тарзда, ушбу Низомга 6-иловага мувофиқ электрон ёки қоғоз шаклида тузилади.
(22-банднинг биринчи хатбошиси Ўзбекистон Республикаси Вазирлар Маҳкамасининг 2026 йил 11 майдаги 234-сонли қарори таҳририда — Қонунчилик маълумотлари миллий базаси, 13.05.2026 й., 09/26/234/0482-сон. Кучга кириш санаси — 2026 йил 14 август)
Олдинги таҳрирга қаранг.
Агар ҳисобот электрон шаклда тузилса электрон рақамли имзо билан тасдиқланган ҳолда экология ва атроф-муҳитни муҳофаза қилиш ҳудудий органларининг электрон базасига киритилиши таъминланиши, қоғоз шаклида бўлса у икки нусхада тузилиб, ҳисоб-китобларни солиштириш ва келишиш учун компенсация тўловчи субъектлар жойлашган туман (шаҳар) экология ва атроф муҳитни муҳофаза қилиш бўлимига қуйидаги муддатларда тақдим этилади:
(22-банднинг иккинчи хатбошиси Ўзбекистон Республикаси Вазирлар Маҳкамасининг 2022 йил 29 апрелдаги 230-сонли қарори таҳририда — Қонунчилик маълумотлари миллий базаси, 30.04.2022 й., 09/22/230/0377-сон)
I ва II тоифаларга мансуб компенсация тўловчи субъектлар — ҳар чоракда бир марта, ҳисобот чорагидан кейинги ойнинг 15-кунигача;
Олдинги таҳрирга қаранг.
III тоифага мансуб компенсация тўловчи субъектлар — ҳар йилда бир марта, ҳисобот йилидан кейинги йилнинг 25 январигача.
(22-банднинг тўртинчи хатбошиси Ўзбекистон Республикаси Вазирлар Маҳкамасининг 2026 йил 11 майдаги 234-сонли қарори таҳририда — Қонунчилик маълумотлари миллий базаси, 13.05.2026 й., 09/26/234/0482-сон. Кучга кириш санаси — 2026 йил 14 август)
Ҳисоб-китоблар компенсация тўловчи субъектлар томонидан экология ва атроф-муҳитни муҳофаза қилиш ҳудудий органларига бевосита почта алоқаси воситалари орқали ёки электрон шаклда улар тушганлиги ҳақидаги хабарнома билан бирга тақдим этишлари мумкин.
23. Экология ва атроф-муҳитни муҳофаза қилиш ҳудудий органи масъул шахси электрон шаклда тақдим қилинган компенсация тўловларининг ҳисоб-китоби тўғрилигини текширади. Бу ҳолда икки иш куни ичида:
мавжуд ҳужжатларга мувофиқ амалга оширилган текширишда ҳисоб-китоб тўғри деб топилган тақдирда, масъул шахснинг электрон рақамли имзоси билан компенсация тўловини амал ошириш учун компенсация тўловчи субъектга қайтарилади;
компенсация тўловлари ҳисоб-китобларининг нотўғрилиги аниқланган ҳолатларда, масъул шахс электрон рақамли имзоси билан уларни компенсация тўловчи субъектга асосли камчиликларни кўрсатган ҳолда такроран кўриб чиқиш учун қайтаради.
Олдинги таҳрирга қаранг.
Туман (шаҳар) экология ва атроф муҳитни муҳофаза қилиш бўлими қоғоз шаклида тақдим қилинган компенсация тўловларининг ҳисоб-китоби тўғрилигини аниқлайди. Бу ҳолда икки иш куни ичида:
(23-банднинг тўртинчи хатбошиси Ўзбекистон Республикаси Вазирлар Маҳкамасининг 2022 йил 29 апрелдаги 230-сонли қарори таҳририда — Қонунчилик маълумотлари миллий базаси, 30.04.2022 й., 09/22/230/0377-сон)
текширилган ҳисоб-китобнинг бир нусхаси масъул шахснинг имзоси билан компенсация тўловчи субъектга қайтарилади;
компенсация тўловлари ҳисоб-китобларининг нотўғрилиги аниқланган ҳолатларда масъул шахс уларни компенсация тўловчи субъектга асосли камчиликларни кўрсатган ҳолда такроран кўриб чиқиш учун қайтаради.
Компенсация тўловчи субъектлар аниқланган камчиликларни икки иш куни ичида бартараф қилиб, компенсация тўлови ҳисоб-китобларини қайта кўриб чиқиш ва келишиш учун тақдим этади.
24. Ҳисоб-китобларда кўрсатилган компенсация тўлови суммалари, муайян давр учун ҳақиқатда ҳисобланган, шунингдек, тўланган аванс компенсация тўловлари суммалари билан солиштирилади.
Ҳисобланган ва тўланган компенсация тўловлари ўртасида фарқ аниқланган ҳолатларда, ушбу фарқ ҳисоб-китоблар тасдиқланган санадан эътиборан ўн кун муддатда компенсация тўловчи субъектлар томонидан қўшимча равишда тўланади.
Ортиқча тўланган компенсация тўловлари тўланган компенсация тўлови бўйича қарздорликни (пеня ва ҳоказо) қоплаш ёки келгусида тўланадиган тўловлар учун аванс компенсация тўлови сифатида ҳисобланади.
25. Экология ва атроф-муҳитни муҳофаза қилиш ҳудудий органлари билан келишилган компенсация тўлови ҳисоб-китоблари компенсация тўловчи субъектларни келишилган ҳисоб-китобларда кўрсатилган маълумотларнинг ҳаққонийлиги учун жавобгарликдан озод этмайди.
Компенсация тўловчи субъектлари фаолиятида давлат экологик назорати амалга оширилганда ва келишилган компенсация тўловини нотўғри ҳисоблаш ҳолати аниқланганда, охирги текширув санасидан (уч календарь йилдан ортиқ бўлмаган муддат) қайта ҳисоб-китоб қилинади, келишилади, шунингдек, ушбу Низомга мувофиқ пеня ҳисобланган ҳолда тўлов ундирилади.
7-боб. Компенсация тўловларини амалга ошириш тартиби ва муддатлари
26. I ва II тоифага мансуб компенсация тўловчи субъектлар ҳар чоракда атроф табиий муҳит ифлослантирилганлиги, чиқиндилар жойлаштирилганлиги учун ҳисобот давридан кейинги ойнинг 25-кунигача аванс компенсация тўловини амалга оширадилар.
Аванс компенсация тўловлари олдинги чорак маълумотлари бўйича ифлослантирувчи моддалар атроф табиий муҳитга чиқариб ташланиши, оқизилиши ва чиқиндилар жойлаштирилишининг норматив ва нормативдан ортиқча амалдаги ўртача ойлик массасидан келиб чиққан ҳолда ҳисобланади.
Тегишли чорак учун ҳисоблаб чиқилган компенсация тўлови суммаси базавий ҳисоблаш миқдорининг 10 бараваридан кам бўлган тақдирда, компенсация тўлови ҳар чоракда бир марта, ҳисобот чорагидан кейинги ойнинг 15-кунигача амалга оширилади. Бу ҳолатда ифлослантирувчи моддаларни атроф табиий муҳитга норматив бўйича ва нормативдан ортиқ чиқариш, оқизиш ва чиқиндиларни Ўзбекистон Республикаси ҳудудида жойлаштириш ҳисоб-китоби молиявий ҳисоб-китобни тақдим этиш учун белгиланган муддатларда, йилига бир марта экология ва атроф-муҳитни муҳофаза қилиш органлари билан келишилади.
Ҳисобот йили тугагач аванс тўловлари биринчи — учинчи ва тўртинчи чорак якунларини инобатга олган ҳолда йиллик ҳисобот юритилиб, ифлослантирувчи моддалар атроф табиий муҳитга чиқариб ташланганлиги, оқизилганлиги ва чиқиндилар жойлаштирилганлигининг йил давомидаги ҳақиқий массасига мувофиқ, қайта ҳисоб китоб қилиниб, якуний тўлов қиймати ҳисоблаб чиқилади ҳамда тўловга қаратилади.
Олдинги таҳрирга қаранг.
27. III тоифага мансуб компенсация тўловчи субъектлар томонидан атроф табиий муҳитни ифлослантирганлик ва чиқиндиларни жойлаштирганлик учун компенсация тўловлари йилига бир марта, ҳисобот давридан кейинги йилнинг 5 февралигача амалга оширилади.
(27-банд Ўзбекистон Республикаси Вазирлар Маҳкамасининг 2026 йил 11 майдаги 234-сонли қарори таҳририда — Қонунчилик маълумотлари миллий базаси, 13.05.2026 й., 09/26/234/0482-сон. Кучга кириш санаси — 2026 йил 14 август)
28. Компенсация тўловчи субъектлар компенсация тўловларини атроф табиий муҳитни ифлослантирувчи моддаларни чиқариб ташлаш, оқизиш ва чиқиндиларни жойлаштириш жойи (ҳудуди) бўйича тўлайдилар.
29. Компенсация тўловлари компенсация тўловчи субъектлар томонидан ғазначилик ҳудудий органларининг тегишли транзит ҳисобварағига юборилади, сўнгра Ўзбекистон Республикаси Экология ва атроф-муҳитни муҳофаза қилиш давлат қўмитасининг (кейинги ўринларда — Давлат экология қўмитаси) Экология, атроф-муҳит муҳофаза қилиш ва чиқиндилар билан боғлиқ ишларни амалга ошириш жамғармасига ўтказилади.
30. Маблағлар ўз вақтида ўтказилмаган тақдирда, муддати ўтказиб юборилган ҳар бир кун учун компенсация тўлови бўйича қарздорлик суммасининг 0,1 фоизи миқдорида, бироқ қарздорлик умумий суммасининг 50 (эллик) фоизидан ортиқ бўлмаган миқдорда пеня ундирилади.
Олдинги таҳрирга қаранг.
301. Ўзбекистон Республикаси Президентининг «Экология ва атроф-муҳитни муҳофаза қилиш соҳасини трансформация қилиш ва ваколатли давлат органи фаолиятини ташкил этиш чора-тадбирлари тўғрисида» 2023 йил 31 майдаги ПФ-81-сон Фармони 9-бандининг еттинчи хатбошисида белгиланган муддатда атмосфера ҳавосига устувор турғун (ташкиллаштирилган) ифлослантирувчи манбалардан чиқадиган ташланмаларни таҳлил қилувчи автоматик мониторинг станцияларини, юқори самарадорликка эга чанг-газ тозалаш ускуналарини ва локал сув тозалаш иншоотларини ўрнатган ва (ёки) мавжудларини модернизация қилган, корхонанинг санитар ҳимоя зонасини автомат стационар кузатув пости билан жиҳозлаган ёки шартномага асосан 15 фоиздан ортиқ тўловларни амалга оширган атроф-муҳитга таъсири бўйича I ва II тоифага кирувчи хўжалик юритувчи субъектларга атроф табиий муҳитни ифлослантирганлиги ва чиқиндиларни жойлаштирганлиги учун компенсация тўловларини тенг улушларда 36 ой давомида бўлиб-бўлиб тўлашга рухсат этилади.
(301-банд Ўзбекистон Республикаси Вазирлар Маҳкамасининг 2024 йил 25 ноябрдаги 783-сонли қарорига асосан киритилган — Қонунчилик маълумотлари миллий базаси, 25.11.2024 й., 09/24/783/0965-сон)
8-боб. Компенсация тўловчи субъектларнинг компенсация тўловлари бўйича ҳуқуқ ва мажбуриятлари
31. Компенсация тўловчи субъектлар қуйидаги ҳуқуқларга эга:
Давлат экология қўмитаси ёки унинг ҳудудий органларидан компенсация тўловларини ҳисоблаш ва тўлаш масалалари бўйича бепул зарур маслаҳат ва методик ёрдам олиш;
ортиқча тўланган компенсация тўловлари ёки ундирилган пеняларни ушбу Низомга мувофиқ келгуси давр ҳисобига ўтказиш;
қонунчилик ҳужжатларида белгиланган тартибда Давлат экология қўмитаси ва унинг ҳудудий органлари қарорлари, уларнинг мансабдор шахслари ҳаракатлари юзасидан шикоят қилиш.
Компенсация тўловчи субъектлар қонунчилик ҳужжатларига мувофиқ бошқа ҳуқуқларга ҳам эга бўлишлари мумкин.
32. Компенсация тўловчи субъектлар қуйидагиларга мажбур:
компенсация тўловларини ўз вақтида ҳисоблаш ва тўлаш;
ушбу Низомга мувофиқ компенсация тўловлари ҳисоб-китоби суммаларини Давлат экология қўмитасининг ҳудудий органларига келишиш учун қоғоз ёки электрон шаклда тақдим этиш;
компенсация тўловлари ҳисоб-китоби маълумотларининг ҳаққонийлигини таъминлаш, компенсация тўловларини ҳисоб-китоб қилишда йўл қўйилган хатоларни ўз вақтида бартараф этиш;
ушбу Низом талабларига риоя қилиш.
Компенсация тўловчи субъектлар қонунчилик ҳужжатларига мувофиқ бошқа мажбуриятларга ҳам эга бўлиши мумкин.
33. Компенсация тўловчи субъектлар қайта ташкил этилганда компенсация тўловлари бўйича ҳуқуқ ва мажбуриятлар унинг ҳуқуқий ворисига ўтади.
34. Атроф табиий муҳит ифлослантирилганлиги ва чиқиндилар жойлаштирилганлиги учун компенсация тўловларини тўлаш тўловчиларни ушбу чиқиндиларни ташлаганлик, оқоваларни оқизганлик ва чиқиндиларни жойлаштирганлик туфайли етказилган зарарни тўлаш мажбуриятидан озод қилмайди.
9-боб. Давлат экология қўмитаси ва унинг ҳудудий органларининг компенсация тўловлари бўйича ҳуқуқ ва мажбуриятлари
35. Давлат экология қўмитаси ва унинг ҳудудий органлари қуйидаги ҳуқуқларга эга:
ушбу Низомда белгиланган шакллар бўйича компенсация тўловчи субъектлардан компенсация тўлови ҳисобларини талаб қилиш;
жойлашган жойидан қатъи назар атроф табиий муҳитга салбий таъсир кўрсатувчи манбаларни, шу жумладан, ишлаб чиқариш бинолари, объектлар, кўчма манбалар, ҳудудларни кўздан кечириш, шунингдек, компенсация тўловчи субъектларга тегишли бўлган, атроф табиий муҳитга салбий таъсир кўрсатувчи ташламаларни жойлаштириш жойларини қонунчилик ҳужжатларида белгиланган тартибда хатловдан ўтказиш;
компенсация тўловчи субъектларнинг ахборотидан фойдаланган ҳолда ташламалар, оқовалар ва чиқиндилар массасини ҳисоблаш усули билан аниқлаш;
компенсация тўловчи субъектлардан компенсация тўловларини ҳисоблашда аниқланган камчиликларни бартараф этиш ва керакли маълумотларни талаб қилиш, ҳисоб-китобларни тасдиқлайдиган маълумотлар, компенсация тўловларини ҳисоблашда аниқланган камчиликларнинг бартараф этилишини назорат қилиш;
тўловлар бўйича қарзларни, шунингдек, пеняларни қонунда белгиланган тартибда ундириш;
компенсация тўловларининг тўғри ҳисоб-китоб қилиниши текшириш учун малакали мутахассислар ва экспертларни жалб этиш;
компенсация тўловларини ундириш билан боғлиқ бўлган даъволарни суд органларига тақдим этиш.
Давлат экология қўмитаси ва унинг ҳудудий органлари компенсация тўловларини ҳисоблаш ва тўлаш бўйича қонунчилик ҳужжатларига мувофиқ бошқа ҳуқуқларга ҳам эга бўлиши мумкин.
36. Давлат экология қўмитаси ва унинг ҳудудий органлари қуйидагиларни амалга оширишга мажбур:
компенсация тўловчи субъектларга компенсация тўловини ҳисоб-китоб қилиш масалалари бўйича маслаҳат ва тегишли методик ёрдамлар кўрсатиш ҳамда ўқув семинарларини ўтказиш;
компенсация тўловчи субъектлар бўйича тасдиқланган экологик нормативларга асосан йиллик маълумотлар базасини янгилаб бориш;
Ўзбекистон Республикаси ҳудудида атроф табиий муҳитни ифлослантирганлик ва чиқиндиларни жойлаштирганлик учун компенсация тўловларини ҳисоб-китоб қилиш ва ундириш соҳасидаги талаблар, қоидалар ва бошқа масалалар юзасидан компенсация тўловчи субъектларнинг сўровига асосан уларни бепул хабардор қилиш.
Давлат экология қўмитаси ва унинг ҳудудий органлари компенсация тўловларини ҳисоб-китоб қилиш ва ундириш бўйича қонунчилик ҳужжатларига мувофиқ бошқа мажбуриятларга ҳам эга бўлиши мумкин.
10-боб. Якунловчи қоидалар
37. Ушбу Низомнинг тўғри қўлланишини назорат қилиш экология ва атроф-муҳитни муҳофаза қилиш органлари томонидан Ўзбекистон Республикаси қонунчилик ҳужжатларига мувофиқ амалга оширилади.
38. Атроф табиий муҳит ифлослантирилганлиги ва чиқиндилар жойлаштирилганлиги учун компенсация тўловлари соҳасида пайдо бўладиган низолар қонунчилик ҳужжатларида белгиланган тартибда ҳал этилади.

Ўзбекистон Республикаси ҳудудида атроф табиий муҳит ифлослантирилганлиги ва чиқиндилар жойлаштирилганлиги учун компенсация тўловларини қўллаш тартиби тўғрисида низомга

1-ИЛОВА
Ўзбекистон Республикаси ҳудудида атмосфера ҳавосига ифлослантирувчи моддаларни чиқариб ташлаганлик учун компенсация тўловларининг
БАЗАВИЙ СТАВКАСИ

Т/р

Ифлослантирувчи моддалар номи

Атмосфера ҳавосига бир тонна ифлослантирувчи моддани чиқариб ташлаганлик учун компенсация тўловларининг белгиланган базавий ҳисоблаш миқдорининг коэффициенти миқдоридаги базавий ставкаси

1.

Азот икки оксиди (азот диоксиди)

0,0889

2.

Азот оксиди

0,0599

3.

Акрилонитрил

0,1520

4.

Акролеин

0,1520

5.

Бензой альдегид (бензальдегид)

0,1140

6.

Мойли альдегид

0,3040

7.

Алюминий оксиди

0,1140

8.

Аммиак

0,0889

9.

Аммоний нитрат (аммиакли селитра)

0,0128

10.

Аммоний сульфат

0,0240

11.

Аммоний хлорид

0,0450

12.

Аммофос

0,0128

13.

Малеин ангидрид (буғлар, аэрозоль)

0,0910

14.

Олтингугурт ангидрид (олтингугурт гази, олтингугурт икки оксиди)

0,0291

15.

Сирка ангидриди

0,1520

16.

Фосфор ангидрид

0,0910

17.

Фтален ангидрид (буғлар, аэрозоль)

0,0450

18.

Анилин

0,1520

19.

Ацетальдегид

0,4560

20.

Ацетон

0,0130

21.

Ацетилен

0,0040

22.

Ацетофенон

1,5220

23.

Барийли карбонат кислота (барийга қайта ҳисоблаганда)

0,7099

24.

Оқсил маъданли қўшимчаси (БМД)

45,6480

25.

Оқсил витаминли концентрат чангининг оқсили

4,5650

26.

Бенз(а)пирен (3,4 — бензпирен)

45647,9330

27.

Бензин (нефтли, кам олтингугуртли, углеродга қайта ҳисоблаганда)

0,0040

28.

Сланецли бензин (углеродга қайта ҳисоблаганда)

0,0910

29.

Бензол

0,0450

30.

Гидролиз лигниндан биостимулятор

0,0020

31.

1.3-бутадиен (дивинил)

0,0050

32.

Бутан

0,00002

33.

Бутилацетат

0,0450

34.

Ванадий беш оксиди

1,7533

35.

Ванилин хлорид

0,9130

36.

Водород хлорид (туз кислотаси)

0,0240

37.

Водород цианид (синил кислотаси)

0,4560

38.

Вольфрам натрий (вольфрамга қайта ҳисоблаганда)

0,0450

39.

Гексан

0,0001

40.

Кўмир кислотаси диамини (карбамид, мочевина)

0,0240

41.

Диметиламин

0,9130

42.

Диметилформамид

0,0001

43.

2.4-динитро-2-фтор-бутилфенол (диносеб, гебутокс)

0,9130

44.

0 — Дихлорбензол

0,1520

45.

Темир оксиди (темирга қайта ҳисоблаганда)

0,1140

46.

Сланец кули

0,0450

47.

Иссиқлик электрстанцияларининг кўмир кули (таркибида 35 — 40% кальций оксидли, 3 мкм гача ва ундан кам, аммо 97% дан кам бўлмаган дисперсияга эга)

0,2280

48.

Изопропил

0,0040

49.

Капролактам (буғлар, аэрозоль)

0,0760

50.

Азот кислотаси

0,0310

51.

Бор кислотаси

0,2280

52.

Метакрил кислота

0,4560

53.

Олтингугурт кислотаси

0,0450

54.

Сирка кислотаси

0,0760

55.

0-фосфорли кислота

0,2280

56.

Металл кобальт, кобальт хлорид

4,5650

57.

Олтингугурт кислотали кобальт (кобальтга қайта ҳисоблаганда)

11,4120

58.

0-Крезол

0,1630

59.

М, П-Крезол

0,2280

60.

Аморфли кремний икки оксиди
(аэросид — 175)

0,2280

61.

Ксилол

0,0240

62.

Магний оксиди

0,0910

63.

Магний хлорат

0,0140

64.

Электростанцияларнинг мазут кули (ванадийга қайта ҳисоблаганда)

1,4184

65.

Марганец, марганец оксиди ва бошқа бирикмалар (марганец икки оксидига қайта ҳисоблаганда)

3,5065

66.

Мис оксид, мис хлорид (мисга қайта ҳисоблаганда)

2,2820

67.

Олтингугуртли, олтингугурт кислотали, хлорли мис (мисга қайта ҳисоблаганда)

4,5650

68.

Метан

0,0692

69.

Метилацетат

0,0650

70.

Метилмеркаптан

507,1990

71.

Акрил кислотанинг метил эфири (метилакрилат)

0,4560

72.

2-метилфуран (метилфуран, сильван)

0,3040

73.

Молибден икки сульфиди (молибденга қайта ҳисоблаганда)

0,0450

74.

Этиленгликол моноизобутил эфири (бутилцеллозольв)

0,0140

75.

Моноэтаноламин

0,4560

76.

Моноэтиламин

0,4560

77.

Маргимуш, маргимуш ангидрид ва бошқа анорганик бирикмалар (маргимушга қайта ҳисоблаганда)

1,1683

78.

Натрий гидроксиди (каустик сода, ўткир натрий)

0,4560

79.

Натрий карбонат (кальцинацияланган сода)

0,1140

80.

Натрий силикат (натрий кремний оксиди)

0,0140

81.

Натрий сульфат, сульфит, сульфит-сульфат тузлари

0,0450

82.

Натрий триполифосфат

0,0090

83.

Никель, эрийдиган тузлар (никелга қайта ҳисоблаганда)

22,8240

84.

Никель олтингугурт оксиди, никель оксиди (никелга қайта ҳисоблаганда)

4,5650

85.

Нитробензол

0,5710

86.

Озон

0,1169

87.

Одорант ТМА (табиий меркаптанлар аралашмаси)

91,2960

88.

Қалай икки оксиди, оксид, сульфат (қалайга қайта ҳисоблаганда)

0,2280

89.

Қалай хлорид (қалайга қайта ҳисоблаганда)

0,0910

90.

Парамолибден аммоний (молибденга қайта ҳисоблаганда)

0,0450

91.

Пентан

0,0002

92.

Пиридин

0,0580

93.

Пропилен оксиди

0,5710

94.

Абразив чанг

0,1140

95.

Ацетатцеллюлоза, ацетилцеллюлоза, қоғоз, ип, картон чанги

0,0910

96.

Алюмосиликат чанги (табиий модификацияланмаган цеолитлар)

0,2280

97.

Аминопластлар чанги

0,1140

98.

Намат чанги

0,1520

99.

Ёғоч чанги

0,0450

100.

Ғалла чанги

0,0910

101.

Фосфогипснинг цемент билан бирикмасидан гипс чанги (анорганик)

0,0090

102.

Омухта ем, суяк ва гўштли суяк уни чанги (оқсилга қайта ҳисоблаганда)

4,5650

103.

Чарм чанги

0,1520

104.

Мўйна (жун, тивит) чанги

0,1520

105.

Ун чанги

0,0010

106.

Таркибида 70% дан ортиқ кремний икки оксиди (динас ва бошқалар) бўлган анорганик чанг

0,0701

107.

Таркибида 20 дан 70%гача кремний икки оксиди (шамот, цемент ва бошқалар) бўлган анорганик чанг

0,0359

108.

Таркибида 20%дан кам кремний икки оксиди (доломит ва бошқалар) бўлган анорганик чанг

0,0234

109.

Полиметилметакрилат чанги

0,0450

110.

Шиша тола, шиша пластик чанги

0,0760

111.

Резольв туридаги фенолформальдегид смола чанги

0,1140

112.

Пахта чанги

0,0910

113.

Цемент ишлаб чиқаришидаги чанг (таркибида 60% дан ортиқ кальций оксид ва 20% дан ортиқ кремний икки оксиди бўлган)

0,2280

114.

А ёғоч-спирт маркали эритгич (ацетон эфир)

0,0380

115.

Э ёғоч-спирт маркали эритгич (ацетон эфир)

0,0650

116.

АМР-3 мебель эритувчиси

0,0510

117.

Симоб ва унинг бирикмалари

15,2160

118.

Қурум

0,0910

119.

Қўрғошин, қўрғошин ацетат, қўрғошин оксиди ва бошқа бирикмалар, тетраэтил қўрғошиндан ташқари (қўрғошинга қайта ҳисоблаганда)

11,6878

120.

Олтингугуртли қўрғошин (қўрғошинга қайта ҳисоблаганда)

1,5745

121.

Элементар олтингугурт

0,0650

122.

Олтингугурт водород

0,4396

123.

Олтингугурт углерод

0,9130

124.

«Лотос», «Ока», «Эра» туридаги сунъий ювиш воситалари

0,1520

125.

«Био-С» сунъий ювиш воситаси

0,4560

126.

Сольвент-нафта

0,0240

127.

Бутил, изобутил спирт

0,0359

128.

Изопропилен спирти

0,0086

129.

Метил спирти

0,0070

130.

Тетрагидрофурил спирти

0,0450

131.

Фурил спирти

0,4560

132.

Этил спирти

0,0007

133.

Стирол

2,2820

134.

Тетрагидрофуран

0,0240

135.

Тетрахлорэтилен (перхлорэтилен)

0,0760

136.

Тетраэтил қўрғошин

760,7990

137.

1,2,3-Тиадиазонил-5-N1-фенилмочевина (дропп)

0,0240

138.

Толуол

0,0063

139.

Трихлорэтилен

0,0050

140.

Триэтиламин

0,0330

141.

Уайт-спирит

0,0050

142.

С-С меъёрий углеводородлар (РПК 265 эритгичи ва бошқалар суммар органик углеродга қайта ҳисоблаганда)

0,0069

143.

Углерод тўрт хлорид

0,0070

144.

Углерод оксиди

0,0010

145.

Иссиқлик электрстанцияларининг кўмир кули (таркибида 35 — 40% кальций оксиди бўлган, 3 мкм гача ва ундан кам, 97% дан кам бўлмаган дисперсланган)

0,2280

146.

Фенол

1,1683

147.

Сланецли феноллар

0,6520

148.

Формальдегид

1,5220

149.

Формамид

0,1520

150.

Газсимон фтор бирикмалари (фторли водород, фторга қайта ҳисоблаганда тўрт фторли кремний)

0,9130

151.

Яхши эрийдиган, анорганик фтор бирикмалари (натрий фторид)

0,4560

152.

Яхши эримайдиган, анорганик фтор бирикмалари (алюминий фторид, кальций фторид, натрий гексафторалюминат)

0,1167

153.

Фуран

0,4560

154.

Фурфурол

0,0910

155.

Хлор

0,1163

156.

М-Хлоранилин

0,4560

157.

Хлорбензол

0,0450

158.

Хлоропрен

2,2820

159.

Олти валентли хром (хром оксидига қайта ҳисоблаганда)

2,3365

160.

Уч валентли хром бирикмалари

(Сr 3+га қайта ҳисоблаганда)

0,4560

161.

Циклогексан

0,0021

162.

Рух оксиди (рухга қайта ҳисоблаганда)

0,0910

163.

Рух стеарат (рухга қайта ҳисоблаганда)

0,9130

164.

Рух сульфат (рухга қайта ҳисоблаганда)

0,5710

165.

Эпихлоргидрин

0,0240

166.

Хлорли этил

0,0240

167.

Этилацетат

0,0359

168.

Этилендиамин

0,1520

169.

2-этоксиэтанол (этилцеллюзоль, этиленгликоль этил спирти)

0,0040

170.

Этилен

0,0010

171.

Этил оксиди

0,1520

Ўзбекистон Республикаси ҳудудида атроф табиий муҳит ифлослантирилганлиги ва чиқиндилар жойлаштирилганлиги учун компенсация тўловларини қўллаш тартиби тўғрисида низомга

2-ИЛОВА
Ўзбекистон Республикаси ҳудудида атмосфера ҳавосига бир тонна мотор ёқилғиси ёқилганда ифлослантирувчи моддаларни чиқариб ташлаганлик учун компенсация тўловлари миқдорининг
базавий ставкаси (шахсий транспортдан ташқари)

Т/р

Мотор ёқилғиси номи

Атмосфера ҳавосига бир тонна ифлослантирувчи моддани чиқариб ташлаганлик учун компенсация тўловларининг базавий ставкаси (белгиланган базавий ҳисоблаш миқдорининг коэффициенти миқдорида)

1.

Авиация бензини

0,042

2.

Этилланган автобензин

0,09

3.

Этилланмаган автобензин

0,033

4.

Автомобиль дизель ёнилғиси

0,033

5.

Тепловозлар учун дизель ёнилғиси

0,033

6.

Реактив ёнилғи

0,024

7.

Сиқилган табиий газ

0,022

8.

Суюлтирилган нефть гази

0,038

9.

Сув транспорти учун ёнилғи (флот мазути)

0,652

Ўзбекистон Республикаси ҳудудида атроф табиий муҳит ифлослантирилганлиги ва чиқиндилар жойлаштирилганлиги учун компенсация тўловларини қўллаш тартиби тўғрисида низомга

3-ИЛОВА
Бир тонна мотор ёқилғисини ёқишда чиқариб ташланадиган ифлослантирувчи моддалар
МАССАСИ

Т/р

Ёқилғи турлари

Ифлослантирувчи моддалар массаси, кг

1.

Авиация бензини

169,8

2.

Этилланмаган автобензин

788,0

3.

Этилланган автобензин

788,3

4.

Автомобиль дизел ёнилғиси

208,5

5.

Тепловозлар учун дизел ёнилғиси

120,5

6.

Реактив ёнилғи

178,5

7.

Суюлтирилган нефть гази

584,8

8.

Сиқилган табиий газ

274,0

9.

Сув транспорти учун ёнилғи (флот мазути)

198,4

Ўзбекистон Республикаси ҳудудида атроф табиий муҳит ифлослантирилганлиги ва чиқиндилар жойлаштирилганлиги учун компенсация тўловларини қўллаш тартиби тўғрисида низомга

4-ИЛОВА
Ўзбекистон Республикаси ҳудудида сув объектлари, жой рельефи ва коммунал-канализация тармоқларига ифлослантирувчи моддаларни ташлаганлик учун компенсация тўловлари миқдорининг
БАЗАВИЙ СТАВКАСИ

Т/р

Ифлослантирувчи моддалар номи

Бир тонна ифлослантирувчи модда ташлаганлик учун компенсация тўловларининг белгиланган базавий ҳисоблаш миқдорининг коэффициенти миқдоридаги базавий ставкаси

1.

Азот аммоний

2,3805

2.

Азот нитрат

0,1398

3.

Азот нитрит

70,0777

4.

Акрил кислотаси

2,8041

5.

Алюминий

15,5692

6.

Анилин

10528,6686

7.

Антио (кимёвий заҳар)

105,3163

8.

Ацетон

14,0084

9.

Ацетонитрил

0,9814

10.

Бензол

2,1063

11.

Бериллий

4483,2794

12.

БПК тўлиқ, БПК 5

0,4179

13.

Бутанол (меъёрда)

35,1054

14.

Бутифос

3510,5437

15.

Ванадий

10,5316

16.

Муаллақ моддалар

0,0344

17.

Висмут беш валентли

10,5316

18.

Висмут уч валентли

2,1063

19.

Вольфрам

494,1796

20.

Техникавий ДДТ

10,5316

21.

Диметил формамид

10,5317

22.

Диэтил эфир

10,5316

23.

Темир (умумий)

1,7238

24.

Ёғлар

172,8100

25.

Кадмий

54,8616

26.

Калий

0,0129

27.

Кальций

0,0047

28.

Капролактам

1,0532

29.

Карбофос

10,5316

30.

Кобальт

39,5344

31.

Қора бўёқ

1,7118

32.

Кремний

0,3587

33.

Ксилол

14,0204

34.

Магний

0,0217

35.

Енгил иссиқ мой

21,0633

36.

Соляр мойи

210,6326

37.

Мис (фондан)

549,1338

38.

Метанол

7,0102

39.

Молибден (ион)

988,3593

40.

Мочевина (карбамид)

0,0857

41.

Маргумуш

18,2266

42.

Натрий

0,0054

43.

Нефть ва нефт маҳсулотлари

196,5035

44.

Натрий тиосульфат

0,8558

45.

Никель

54,8860

46.

Аммоний нитрат

70,0467

47.

Нитробензол

105,3163

48.

ОМК (оксидланган мойли кислоталар

7,0700

49.

Роданидлар

7,0102

50.

Симоб

210,6326

51.

Қўрғошин

53,1065

52.

Селен

1053,5706

53.

Олтингугурт

0,1304

54.

Олтингугурт углерод

0,8967

55.

Скипидар

5,2658

56.

СПАВ

3,4562

57.

Стирол

7,0374

58.

Стронций

0,5266

59.

Сулема

10596,8416

60.

Сульфатлар

0,0085

61.

Сурма

17,9331

62.

Қуруқ қолдиқ (минареллашган)

0,0033

63.

Теллур (фонга)

105,3163

64.

Титан

10,5387

65.

Толуол

2,1063

66.

Сирка кислотаси

105,3163

67.

Фенол

295,7057

68.

Фозалон

1052,9540

69.

Формальдегидлар

10,1078

70.

Фосфор умумий

7,0211

71.

Фторидлар

7,0211

72.

Фурфурол

0,7010

73.

Фосфатлар

0,2825

74.

Хлор (қолдиқ)

0,5266

75.

Натрий хлорат

0,0527

76.

Хлорбензол

526,5815

77.

Хлоридлар

0,0029

78.

Хром уч валентли

1,7064

79.

Хром олти валентли

778,4603

80.

Цианидлар

15,8137

81.

Циклогексан

105,3163

82.

Рух

54,8857

83.

Этилбензол

1053,1630

84.

Этилен

0,1402
Олдинги таҳрирга қаранг.
(Ўзбекистон Республикаси Вазирлар Маҳкамасининг 2026 йил 11 майдаги 234-сонли қарорига асосан 4-илованинг изоҳ қисмининг чиқарилиш санаси 2026 йил 14 август — Қонунчилик маълумотлари миллий базаси, 13.05.2026 й., 09/26/234/0482-сон)

Ўзбекистон Республикаси ҳудудида атроф табиий муҳит ифлослантирилганлиги ва чиқиндилар жойлаштирилганлиги учун компенсация тўловларини қўллаш тартиби тўғрисида низомга

5-ИЛОВА
Ўзбекистон Республикаси ҳудудида чиқиндилар жойлаштирилганлиги учун компенсация тўловлари миқдорининг
БАЗАВИЙ СТАВКАСИ

Чиқиндилар тури

Ўлчов бирлиги

Бир тонна чиқиндини жойлаштирганлик учун компенсация тўловларининг белгиланган базавий ҳисоблаш миқдорининг коэффициенти миқдоридаги базавий ставкаси

Хавфлилик класси I — юқори хавфга эга

т

0,0813

Хавфлилик класси II — хавфли

т

0,0408

Хавфлилик класси III — ўртача хавфли

т

0,0245

Хавфлилик класси IV — кам хавфли

т

0,0082

Хавфлилик класси V– деярли хавфсиз,

шу жумладан:

қазиб олиш саноати

т

0,0001

қайта ишлаш саноати

м.куб

0,0004

бошқалар

т

0,0022

Ўзбекистон Республикаси ҳудудида атроф табиий муҳит ифлослантирилганлиги ва чиқиндилар жойлаштирилганлиги учун компенсация тўловларини қўллаш тартиби тўғрисида низомга

6-ИЛОВА
Олдинги таҳрирга қаранг.

‎‎Ташкилот (компенсация тўловчи субъект)нинг штампи
‎Экология ва атроф-муҳитни муҳофаза қилиш бўйича ____________________________________________________________________________________________________________________________ туман (шаҳар)
‎Тўловчи _____________________________________________________________________________________________________________________________________________________________________________

‎‎(компенсация тўловчи субъектнинг тўлиқ номи)‎


‎‎‎Солиқ тўловчининг идентификация рақами________________________________________________________________________________________________________________________________________________
‎Ҳисоб-китоб учун масъул шахс___________________________________________________________________________________________________________________________________________________________
‎Ташкилот (компенсация тўловчи субъект)нинг жойлашган ери (почта манзили), телефон рақами ___________________________________________________________________________________________________
‎_____________________________________________________________________________________________________________________________________________________________________________________
‎Банк реквизитлари _____________________________________________________________________________________________________________________________________________________________________

‎(банк муассасасининг номи, коди, ҳисобварағи)

Атроф табиий муҳит ифлослантирилганлиги ва чиқиндилар жойлаштирилганлиги учун атроф-муҳитга таъсир кўрсатишнинг ____ тоифасига тааллуқли фаолият турлари бўйича компенсация тўловчи субъекти учун 20____ йилда компенсация тўловлари
ҲИСОБ-КИТОБИ

Компенсация тўловларининг объекти номи

Ингредиентлар номи

Масса (т, кг, куб. м)

Базавий ҳисоблаш миқдори (сўм)

Базавий ставкаси (R)

Кўпайтирилганлиги (камайтирилганлиги) учун уларнинг амал қилиш муддати тугаганда ёки авария бўлганда бараварлик коэффициентлари (бирлик)

Компенсация тўлови суммаси, сўмда

Агарда, экологик норматив доирасидан кам масса учун хисобланганда

1) (3*6*7:8)*9);

2) Тасдиқланган меъёрдан юқори бўлганда, (3*6*7)+(4*6*7*8)*9);

3) Экологик меъёрий ҳужжат бўлмаганда, (4*6*7*8)*9);

4) Аварияли ёки бирваракайига ташламалар бўлганда (5*6*7*8)*9).

Тасдиқланган экологик нормативлар массаси

Тасдиқланган экологик нормативлар доирасидаги масса

Тасдиқланган экологик нормативлардан юқори бўлганда ёки уларнинг амал қилиш муддати тугаганда, экологик норматив мавжуд бўлмаганда ҳосил бўлган ҳақиқий масса

Авария ҳолатида ёки бирваракайига ташламалар бўлганда

1

2

3

4

5

6

7

8

9

1. Турғун манбалардан атмосфера ҳавосига ифлослантирувчи моддаларни чиқариш:

Жами

2. Ҳаракатдаги манбалардан атмосфера ҳавосига ифлослантирувчи моддаларни чиқариш:

Авиация бензини

Этилланган автобензин

Этилланмаган автобензин

Автомобиль дизель ёнилғиси

Тепловозлар учун дизель ёнилғиси

Реактив ёнилғи

Сиқилган-табиий газ

Суюлтирилган нефть гази

Сув транспорти учун ёнилғи (флот мазути)

Жами

3. Сув объектларига, жой рельефига коммунал канализация тизимига ифлослантирувчи моддаларни ташлаш:

Жами:

4. Чиқиндиларни атроф-муҳитга жойлаштириш

I даражадаги токсик — ўта хавфли

II даражадаги токсик — юқори хавфли

III даражадаги токсик — ўртача хавфли

VI даражадаги токсик — кам хавфли

Бошқа нотоксик чиқиндилар

Жами:

Ҳаммаси:

Пеня

Тўланиши керак

Ташкилот раҳбари (компенсация тўловчи субъект)

_________________________________________

(имзо, Ф.И.О.)

Ташкилот бош ҳисобчиси (компенсация тўловчи субъект)

_________________________________________

(имзо, Ф.И.О.)

Экология ва атроф-муҳитни муҳофаза қилиш бўйича ҳудудий

органнинг компенсация тўловлари ҳисоби ва уларнинг

тушумини назорат қилиш бўлим бошлиғи

_________________________________________

(имзо, Ф.И.О.)

Туман (шаҳар) экология ва атроф муҳитни муҳофаза қилиш бўлими бошлиғи

_________________________________________

(имзо, Ф.И.О.)

20_____ йил «____»

(6-илова Ўзбекистон Республикаси Вазирлар Маҳкамасининг 2022 йил 29 апрелдаги 230-сонли қарори таҳририда — Қонунчилик маълумотлари миллий базаси, 30.04.2022 й., 09/22/230/0377-сон)

Вазирлар Маҳкамасининг 2021 йил 12 апрелдаги 202-сон қарорига

2-ИЛОВА

Ўзбекистон Республикаси Ҳукуматининг ўз кучини йўқотган деб эътироф этилаётган баъзи қарорлари

РЎЙХАТИ
1. Вазирлар Маҳкамасининг «Табиатни муҳофаза қилишни таъминлашнинг иқтисодий механизмларини янада такомиллаштириш чора-тадбирлари тўғрисида» 2018 йил 11 октябрдаги 820-сон қарорининг 1-иловаси.
2. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида (Ўзбекистон Республикаси Президентининг «Меҳнатга ҳақ тўлаш, пенсиялар ва бошқа тўловлар миқдорларини аниқлаш тартибини такомиллаштириш тўғрисида» 2019 йил 21 майдаги ПФ-5723-сон Фармони)» 2019 йил 28 декабрдаги 1046-сон қарорига илованинг 243-банди «б» кичик банди ўз кучини йўқотган деб ҳисоблансин.
(Қонун ҳужжатлари маълумотлари миллий базаси, 12.04.2021 й., 09/21/202/0320-сон, 30.04.2022 й., 09/22/230/0377-сон; 25.11.2024 й., 09/24/783/0965-сон; 13.05.2026 й., 09/26/234/0482-сон)