Ўзбекистон Республикаси Президентининг
Фармони
Судлар фаолиятини янада такомиллаштириш ва одил судлов самарадорлигини оширишга доир қўшимча чора-тадбирлар тўғрисида
Сўнгги йилларда мамлакатимизда суд-ҳуқуқ тизимини янада такомиллаштириш, фуқаро ва тадбиркорларнинг ҳуқуқ ва қонуний манфаатларини ишончли ҳимоя қилиш чораларини кучайтириш, одил судловни самарали таъминлаш ҳамда судьялар ҳамжамияти ролини ошириш бўйича изчил ишлар олиб борилмоқда.
Амалга оширилган ишлар натижасида одил судлов жараёнида инсон ҳуқуқларини ҳимоя қилиш даражаси янги босқичга чиқди.
Хусусан, ноҳақ айбланган 2,3 мингга яқин киши оқланди, адашиб жиноят йўлига кириб қолгани сабабли озодликдан маҳрум қилиш жазосига ҳукм қилиниши мумкин бўлган 3,5 мингдан ортиқ ёшлар ва хотин-қизларга маҳалла ва жамоатчилик кафилликлари асосида енгилроқ жазолар тайинланиб, ўз оилалари бағрида қолдирилди, инсон ҳуқуқларини қўпол тарзда бузган 60 нафар ҳуқуқ-тартибот органи ходимлари жиноий жавобгарликка тортилди.
Шу билан бирга, суд ҳимоясини таъминлашдаги ортиқча бюрократик тўсиқлар сақланиб қолаётганлиги, суд қарорларини қайта кўришнинг бир-бирини такрорловчи босқичлари мавжудлиги, инвесторлар ҳуқуқларининг суд ҳимоясида бўлиши етарли даражада ташкил этилмаганлиги ва бошқа бир қатор камчиликлар суд органларининг амалдаги тузилишини замон талаблари ва халқаро стандартларга мувофиқ қайта кўриб чиқишни тақозо этмоқда.
Ўзбекистон Республикаси Президентининг 2020 йил 24 январдаги Олий Мажлисга Мурожаатномасида суд-ҳуқуқ соҳасида белгиланган вазифаларни изчил амалга ошириш, фуқароларнинг одил судловга эришиш даражасини юксалтириш, ишларни судда кўриш сифатини ошириш ҳамда холис, адолатли ва қонуний суд қарорларини қабул қилиш учун тарафларнинг тенглиги ва тортишувчанлигини амалда таъминлаш механизмларини кенгайтириш мақсадида:
1. Ўзбекистон Республикаси Олий суди томонидан Судьялар олий кенгаши ва судьялар ҳамжамияти билан биргаликда қонунчилик ташаббуси асосида суд тизимида 2021 йил 1 январдан бошлаб қуйидаги ташкилий-тузилмавий ўзгаришларни амалга оширишни назарда тутувчи қонун лойиҳаси ишлаб чиқилганлиги маълумот учун қабул қилинсин:
вилоят ва унга тенглаштирилган фуқаролик ишлари бўйича, жиноят ишлари бўйича судлар ва иқтисодий судлар негизида судьяларнинг қатъий ихтисослашувини сақлаб қолган ва суд ишларини юритиш турлари бўйича алоҳида судлов ҳайъатларини ташкил этган ҳолда Қорақалпоғистон Республикаси, вилоятлар ва Тошкент шаҳар умумюрисдикция судларини ташкил этиш;
маъмурий ҳуқуқбузарликлар тўғрисидаги ишларни кўриб чиқиш ваколатини маъмурий судлардан жиноят ишлари бўйича судларга ўтказиш;
маъмурий ва бошқа оммавий ҳуқуқий муносабатлардан келиб чиқадиган ишларни кўришга ихтисослаштирилган Қорақалпоғистон Республикаси, вилоятлар марказлари ва Тошкент шаҳрида туманлараро маъмурий судларини ташкил этиш, шу муносабат билан туман (шаҳар) маъмурий судларини тугатиш. Бунда Қорақалпоғистон Республикаси, вилоятлар ва Тошкент шаҳар маъмурий судлари сақлаб қолиниши;
Амударё, Нуробод, Бойсун ва Пастдарғом туманлари иқтисодий судларини тугатиш;
фуқаролик ишлари бўйича Янгийўл туманлараро судини, фуқаролик ишлари бўйича Ургут, Сўх, Хатирчи, Пахтакор туманлари судларини, Пастдарғом туманлараро иқтисодий судини, жиноят ишлари бўйича Бўзатов, Тахиатош, Бандихон, Тупроққалъа туманлари судларини ташкил этиш;
Ўзбекистон Республикаси Судьялар олий малака ҳайъатининг ҳамда Қорақалпоғистон Республикаси, вилоятлар ва Тошкент шаҳар судлари судьялари малака ҳайъатларининг қарорлари устидан Судьялар олий кенгашига шикоят қилиш ҳуқуқини бериш.
Ўзбекистон Республикаси Олий суди Судьялар олий кенгаши билан биргаликда икки ой муддатда мазкур бандда назарда тутилган масалалар юзасидан Ўзбекистон Республикаси Олий Мажлисининг Қонунчилик палатасига тегишли қонун лойиҳасини киритсин.
2. Ўзбекистон Республикаси Олий суди, Судьялар олий кенгаши, Бош прокуратураси ва Адвокатлар палатасининг 2021 йил 1 январдан бошлаб қуйидагиларни жорий этишни назарда тутувчи таклифлари маъқуллансин:
а) суд ишларини назорат тартибида кўриш институтини тугатиш, Ўзбекистон Республикаси Олий суди раиси, Бош прокурори ва улар ўринбосарларининг суднинг ҳал қилув қарорлари, ҳукмлари, ажримлари ҳамда қарорлари устидан назорат тартибида протест киритиш ҳуқуқини бекор қилиш;
б) жиноят ишларини судда кўриш учун тайинлаш босқичида иш юзасидан қарорларни тортишув тамойилига риоя этган ҳолда тарафлар иштирокида қабул қилиш тартибини белгилаш, жиноят ишининг умумий тартибда кўриб чиқилишига тўсқинлик қилувчи омилларни тезкорлик билан аниқлаш ва бартараф этиш имконини берувчи дастлабки эшитув босқичини киритиш;
в) қуйидаги тартибларни жорий этиш:
туманлараро, туман (шаҳар) судларининг қарорларини вилоят ва унга тенглаштирилган судлар томонидан, вилоят ва унга тенглаштирилган судларнинг биринчи инстанция суди сифатида чиқарган қарорларини эса Ўзбекистон Республикаси Олий судининг судлов ҳайъатлари томонидан апелляция тартибида қайта кўриб чиқиш;
апелляция тартибида кўриб чиқилган суд қарорларини Ўзбекистон Республикаси Олий судининг судлов ҳайъатлари томонидан кассация тартибида қайта кўриб чиқиш;
Ўзбекистон Республикаси Олий суди судлов ҳайъатлари томонидан кассация тартибида кўриб чиқилган ишлар бўйича чиқарилган суд қарорларини Ўзбекистон Республикаси Олий суди раиси, Бош прокурори ва улар ўринбосарлари протестига кўра кассация тартибида такроран кўриб чиқиш;
давлат айбловчиси айбловдан воз кечган тақдирда реабилитация асосларига кўра жиноят ишини тугатиш;
прокурор томонидан суднинг қонуний кучга кирган ҳукми, ҳал қилув қарори, ажрими ёки қарори бўйича ишларни, ушбу ишлар юзасидан тарафлар мурожаати мавжуд бўлган ҳолдагина, суддан чақириб олиб ўрганиш;
қонунда назарда тутилган ҳоллардан ташқари судларда бошқа шахсларнинг ташаббуси билан қўзғатилган фуқаролик ва иқтисодий ишларнинг кўрилишида прокурор ўз ташаббуси билан иштирок этишини истисно этиш.
3. Ўзбекистон Республикаси Олий суди, Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил, Инвестициялар ва ташқи савдо вазирлиги ҳамда Савдо-саноат палатасининг Олий суд тузилмасида инвестициявий низоларни ҳамда рақобатга оид ишларни кўриш бўйича судлов таркибини (кейинги ўринларда — Судлов таркиби) тузиш ҳақидаги таклифи маъқуллансин.
Судлов таркибига инвестиция киритилган санада йигирма миллион АҚШ доллари эквивалентидан кам бўлмаган миқдорда инвестицияни амалга оширган жисмоний ёки юридик шахслар (кейинги ўринларда — йирик инвесторлар) ва давлат органлари ўртасида юзага келадиган инвестициявий низолар ҳамда рақобатга оид ишларни кўриш ваколати берилсин.
Белгилансинки:
инвестициявий низолар бўйича йирик инвесторларнинг, рақобатга оид ишлар бўйича тарафларнинг хоҳишига кўра, ушбу тоифадаги ишлар бевосита Судлов таркиби томонидан биринчи инстанция суди сифатида кўрилиши;
қолган инвестициявий низолар инвесторларнинг хоҳишига кўра, Қорақалпоғистон Республикаси, вилоятлар ва Тошкент шаҳар суди томонидан биринчи инстанция суди сифатида кўрилиши мумкин.
4. Ўзбекистон Республикаси Олий суди, вилоят ва унга тенглаштирилган судлар тузилмасида қуйидаги таркибий тузилма (лавозим)лар киритилишига розилик берилсин:
а) Ўзбекистон Республикаси Олий суди тузилмасида:
Олий суд бошқармалари фаолиятини ташкиллаштириш ва мувофиқлаштириш вазифаси юклатилган, Ўзбекистон Республикаси Олий суди Пленумига ҳисобдор бўлган, Олий суд раисининг тақдимномасига асосан Олий суд Пленуми томонидан лавозимига тайинланадиган ҳамда лавозимидан озод этиладиган Ўзбекистон Республикаси Олий суди аппарати раҳбари лавозими;
Олдинги таҳрирга қаранг.
Одил судлов соҳасидаги қонунчиликни таҳлил қилиш департаменти;
Жамоатчилик билан ҳамкорлик маркази;
(4-банд «а» кичик бандининг учинчи ва тўртинчи хатбошилари Ўзбекистон Республикаси Президентининг 2023 йил 16 январдаги ПФ-12-сонли Фармони таҳририда — Қонунчилик маълумотлари миллий базаси, 18.01.2023 й., 06/23/12/0034-сон)
б) вилоят ва унга тенглаштирилган судлар тузилмасида матбуот хизматлари.
5. Ўзбекистон Республикаси Судьялар олий кенгаши, Олий суди ва Молия вазирлигининг Судьялар олий мактаби Суд амалиёти муаммоларини ўрганиш марказини тугатиш тўғрисидаги таклифи маъқуллансин.
Олдинги таҳрирга қаранг.
Белгилансинки, Ўзбекистон Республикаси Судьялар олий кенгаши ҳузуридаги Судьялар олий мактабининг Суд амалиёти муаммоларини ўрганиш марказини тугатиш ҳисобидан бўшаётган 9 та штат бирликлари Олий суд тузилмасида ташкил этилаётган Одил судлов соҳасидаги қонунчиликни таҳлил қилиш департаментини шакллантиришга йўналтирилади.
(5-банднинг иккинчи хатбошиси Ўзбекистон Республикаси Президентининг 2023 йил 16 январдаги ПФ-12-сонли Фармони таҳририда — Қонунчилик маълумотлари миллий базаси, 18.01.2023 й., 06/23/12/0034-сон)
Олдинги таҳрирга қаранг.
6. Ўзбекистон Республикаси Олий суди аппарати раҳбари, Департамент директори ва бошқарма бошлиқларига нисбатан Олий суд судьялари учун белгиланган, Олий суднинг бошқарув ходимлари таркибига киритилган бошқа ходимларига нисбатан эса, вилоят судлари судьялари учун белгиланган меҳнатга ҳақ тўлаш ва моддий рағбатлантириш шартлари татбиқ этилсин.
(6-банднинг биринчи хатбошиси Ўзбекистон Республикаси Президентининг 2023 йил 16 январдаги ПФ-12-сонли Фармони таҳририда — Қонунчилик маълумотлари миллий базаси, 18.01.2023 й., 06/23/12/0034-сон)
 LexUZ шарҳи
Қаранг: Ўзбекистон Республикаси Президентининг 2021 йил 13 январдаги ПФ-6134-сонли «Суд органлари фаолиятини молиялаштириш тизимини тубдан такомиллаштириш чора-тадбирлари тўғрисида»ги Фармони.
Бунда, қайд этилган шартлар фақат муқаддам судьялик лавозимида ишлаган шахсларга нисбатан қўлланилиши, ушбу шахсларнинг шу лавозимларда ишлаган вақти судьялик стажига қўшилиши ва пенсия тайинлашда ҳисобга олиниши инобатга олинсин.
7. Ўзбекистон Республикаси Вазирлар Маҳкамаси 2020 йил 1 декабрга қадар Ўзбекистон Республикаси Конституциявий суди, Судьялар олий кенгаши, Олий суди, қуйи суд тизими судьялари, Судьялар олий мактаби ва уларнинг аппарати ходимлари, Олий суд ҳузуридаги Судлар фаолиятини таъминлаш департаменти ва унинг ҳудудий бўлимлари ходимлари иш ҳақлари ва қўшимча тўловларини тўлиқлигича Давлат бюджети маблағлари ҳисобидан молиялаштиришга ўтказилишини ҳамда иш ҳақлари миқдорларини оширилишини назарда тутувчи таклифларни киритсин.
Ўзбекистон Республикаси Олий суди Молия вазирлиги билан биргаликда пенсия тайинланган ва судья сифатида ўз фаолиятини давом эттираётган шахсларнинг пенсиялари янги белгиланадиган судьялар меҳнатига ҳақ тўлаш шартларини инобатга олган ҳолда қайта ҳисоб-китоб қилинишини таъминласин.
8. Ўзбекистон Республикаси Вазирлар Маҳкамаси Олий суд билан биргаликда икки ой муддатда:
судларнинг фаолиятида ахборот-коммуникация технологияларидан фойдаланишни янада кенгайтириш дастури бўйича таклифларни Ўзбекистон Республикаси Президенти Администрациясига киритсин;
2021 — 2025 йилларда судларнинг бинолари ва хоналарини қуриш ҳамда реконструкция қилиш дастурини тасдиқласин.
9. Қуйидагилар:
Ўзбекистон Республикаси Олий судининг тузилмаси 1-иловага мувофиқ;
Қорақалпоғистон Республикаси, вилоятлар ва Тошкент шаҳар умумюрисдикция судларининг намунавий тузилмаси 2-иловага мувофиқ;
Қорақалпоғистон Республикаси, вилоятлар ва Тошкент шаҳар маъмурий судларининг намунавий тузилмаси 3-иловага мувофиқ;
Ўзбекистон Республикаси Ҳарбий судининг ва ҳарбий судлари тизимининг ташкилий-штат тузилмалари 4-5-иловаларга мувофиқ;
туманлараро, туман (шаҳар) судларининг намунавий тузилмалари 6 — 9-иловаларга мувофиқ;
фуқаролик ишлари бўйича туманлараро, туман (шаҳар) судларининг тузилмаси ва туманлараро, туман (шаҳар) иқтисодий судларининг юрисдикция ҳудудлари 10-11-иловаларга мувофиқ тасдиқлансин.
Олдинги таҳрирга қаранг.
Судьяларнинг ўзини ўзи бошқариш тамойилини тўлақонли жорий этиш мақсадида Ўзбекистон Республикаси Олий суди раисининг ўринбосарлари — судлов ҳайъатлари раислари фаолияти йўналишини Олий суд раисининг тақдимномасига биноан Олий суд Пленуми томонидан тасдиқлаш тартиби жорий этилсин.
(9-банд Ўзбекистон Республикаси Президентининг 2024 йил 20 сентябрдаги ПФ-142-сонли Фармонига саккизинчи хатбоши билан тўлдирилган — Қонунчилик маълумотлари миллий базаси, 20.09.2024 й., 06/24/142/0734-сон)
10. Белгилансинки, янгидан ташкил этилаётган судлар ва бўлинмаларни тўлдириш, шунингдек, Ўзбекистон Республикаси Олий суд аппарати тузилмасига қўшимча бошқарув ходимлари штатларини киритиш судлар тизимини оптималлаштириш натижасида бўшайдиган штат бирликлари ҳисобидан амалга оширилади.
11. Ўзбекистон Республикаси Олий суди Судьялар олий кенгаши билан биргаликда 2020 йил 1 ноябрга қадар қуйидагиларни назарда тутган ҳолда янги таҳрирдаги «Судлар тўғрисида»ги Қонун лойиҳасини ишлаб чиқсин ва Ўзбекистон Республикаси Олий Мажлисининг Қонунчилик палатасига кўриб чиқиш учун киритсин:
судларнинг тузилиши, туман (шаҳар), туманлараро, вилоятлар ва уларга тенглаштирилган судларнинг, Ўзбекистон Республикаси Олий судининг, Ўзбекистон Республикаси Олий суди судлов ҳайъатларининг, Раёсатининг, Пленумининг ваколатлари доираси;
судьялик лавозимига номзодлар ва судьяларга нисбатан қўйиладиган талаблар;
судьялар, суд раислари ва раис ўринбосарларини тайинлаш (сайлаш) тартиби;
судьяларнинг мақоми, уларнинг мустақиллиги кафолатларини кучайтириш;
судьяларга нисбатан интизомий иш фақат судьяларнинг тегишли малака ҳайъатлари томонидан қўзғатилишини назарда тутган ҳолда, судьяларнинг интизомий жавобгарлиги, интизомий ишни қўзғатиш ва кўриб чиқиш тартиби;
судьялар ваколатларини тўхтатиб туриш, шунингдек, тугатиш асослари ва тартиби;
судьяларнинг моддий таъминоти ва уларни ижтимоий ҳимоя қилиш чоралари.
12. Ўзбекистон Республикаси Вазирлар Маҳкамаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари икки ой муддатда Ўзбекистон Республикаси Олий суди билан биргаликда янгидан ташкил этилаётган судларнинг жойлаштирилишини таъминласин.
13. Ўзбекистон Республикаси Олий суди Судьялар олий кенгаши, Бош прокуратураси ҳамда бошқа манфаатдор вазирлик ва идоралар билан биргаликда икки ой муддатда қонун ҳужжатларига ушбу Фармондан келиб чиқадиган ўзгартириш ва қўшимчалар тўғрисида таклифлар киритсин.
14. Ўзбекистон Республикаси Президентининг айрим фармонларига 12-иловага мувофиқ қўшимча ва ўзгартиришлар киритилсин.
15. Ушбу Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти Администрацияси раҳбари З.Ш. Низомиддинов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 24 июль,
ПФ-6034-сон
Олдинги таҳрирга қаранг.
Ўзбекистон Республикаси Президентининг 2020 йил 24 июлдаги ПФ-6034-сон Фармонига
1-ИЛОВА
Ўзбекистон Республикаси Олий судининг
ТУЗИЛМАСИ

Раис

Раис котибияти
 

(маслаҳатчи, бош консультант, катта консультант)

3

Раиснинг биринчи ўринбосари — судлов ҳайъати раиси

Раис ўринбосари — судлов ҳайъати раиси

Раис ўринбосари — судлов ҳайъати раиси

Раис ўринбосари — судлов ҳайъати раиси

Пленум котиби

Одил судлов соҳасидаги қонунчиликни таҳлил қилиш департаменти

16

Маъмурий ишлар бўйича судлов ҳайъати

12

Фуқаролик ишлари бўйича судлов ҳайъати

20

Жиноят ишлари бўйича судлов ҳайъати

22

Иқтисодий ишлар бўйича судлов ҳайъати

14

Рақамли технологиялар ва сунъий интеллект департаменти

30

Ҳайъат котибияти

6

Ҳайъат котибияти

12

Ҳайъат котибияти

15

Ҳайъат котибияти

7

Олий суд ҳузуридаги Судлар фаолиятини таъминлаш департаменти ва унинг ҳудудий бўлимлари

«Ўзбекистон Республикаси Олий суди Ахборотномаси» ҳамда «Куч адолатда» газетасининг бирлашган таҳририяти

Ижро аппарати

Аппарат раҳбари

Кадрлар бошқармаси

10

Мурожаатлар билан ишлаш бошқармаси

14

Жамоатчилик билан ҳамкорлик маркази

6

Биринчи бўлим

1

Ишлар бошқармаси

11

Ташкилий-назорат бошқармаси

15

Бухгалтерия

5

Халқаро-ҳуқуқий бўлим

4

Изоҳ:
Жами бошқарув ходимлари штат бирликлари сони — 229 та , шу жумладан судьялар — 73 та .
Ёрдамчи штат бирликлари сони ўрнатилган меъёрлар асосида аниқланади/
(1-илова Ўзбекистон Республикаси Президентининг 2025 йил 21 августдаги ПФ-140-сонли Фармони таҳририда — Қонунчилик маълумотлари миллий базаси, 23.08.2025 й., 06/25/140/0771-сон)
Олдинги таҳрирга қаранг.
Ўзбекистон Республикаси Президентининг 2020 йил 24 июлдаги ПФ-6034-сон Фармонига
2-ИЛОВА
Қорақалпоғистон Республикаси, вилоятлар ва Тошкент шаҳар умумюрисдикция судларининг
НАМУНАВИЙ ТУЗИЛМАСИ

Жамоатчилик ва оммавий ахборот воситалари билан алоқалар бўйича бош консультант

1

Раис

Раис ўринбосари — фуқаролик ишлари бўйича судлов ҳайъати раиси

Раис ўринбосари — жиноят ишлари бўйича судлов ҳайъати раиси

Раис ўринбосари — иқтисодий ишлар бўйича судлов ҳайъати раиси

Фуқаролик ишлари бўйича судлов ҳайъати

5 — 13

Жиноят ишлари бўйича судлов ҳайъати

6 — 19

Иқтисодий ишлар бўйича судлов ҳайъати

4 — 11

Судья катта ёрдамчиси

6 — 14
 

Судья катта ёрдамчиси

7 — 20

Судья катта ёрдамчиси

5 — 12

Суд ҳужжатлари ижроси мониторинги бўлими

0 — 2

Малака ҳайъати котиби

1
 

Девонхона

3
 

Суд статистикасини тизимли таҳлил қилиш бўлими

1 — 3

Архив

3
 

Ахборот-коммуникация технологиялари бўлими

1-2

Кадрлар бўлими

1
 

Биринчи бўлим

1
 

Катта мутахассис

1-2
 

Изоҳ:
Жами бошқарув ходимларининг умумий чекланган сони — 962 бирликни, шундан судьялар — 387 тани ташкил этади.
Ёрдамчи ходимлар штат бирликлари сони ўрнатилган меъёрлар асосида аниқланади.
(2-илова Ўзбекистон Республикаси Президентининг 2025 йил 21 августдаги ПФ-140-сонли Фармони таҳририда — Қонунчилик маълумотлари миллий базаси, 23.08.2025 й., 06/25/140/0771-сон)
Ўзбекистон Республикаси Президентининг 2020 йил 24 июлдаги ПФ-6034-сон Фармонига
3-ИЛОВА
Қорақалпоғистон Республикаси, вилоятлар ва Тошкент шаҳар маъмурий судларининг
НАМУНАВИЙ ТУЗИЛМАСИ
Олдинги таҳрирга қаранг.
Жами бошқарув ходимларининг умумий чекланган сони — 207 бирликни, шундан судья сони — 73 тани ташкил этади.
Изоҳ: ёрдамчи ходимлар штат бирликлари сони ўрнатилган меъёрлар асосида аниқланади.
(3-илованинг изоҳ қисми Ўзбекистон Республикаси Президентининг 2023 йил 16 январдаги ПФ-12-сонли Фармони таҳририда — Қонунчилик маълумотлари миллий базаси, 18.01.2023 й., 06/23/12/0034-сон)
Олдинги таҳрирга қаранг.
Ўзбекистон Республикаси Президентининг 2020 йил 24 июлдаги ПФ-6034-сон Фармонига
4-ИЛОВА
Ўзбекистон Республикаси Ҳарбий судининг
ТУЗИЛМАСИ

Раис

Раис ўринбосари

1
 

Биринчи бўлим бошлиғи

1

Судья

5
 

Девонхона мудири

1

Судьянинг катта ёрдамчиси

7
 

Малака ҳайъати котиби

1

Архив мудири

1
 

Бош мутахассис

1
 

Изоҳ:
Жами бошқарув ходимларининг чекланган сони — 19 бирликни, шундан судьялар сони — 7 тани ташкил этади.
Ёрдамчи ходимлар штат бирликлари сони ўрнатилган меъёрлар асосида аниқланади.
(4-илова Ўзбекистон Республикаси Президентининг 2025 йил 21 августдаги ПФ-140-сонли Фармони таҳририда — Қонунчилик маълумотлари миллий базаси, 23.08.2025 й., 06/25/140/0771-сон)
Ўзбекистон Республикаси Президентининг 2020 йил 24 июлдаги ПФ-6034-сон Фармонига
5-ИЛОВА
Ўзбекистон Республикаси ҳарбий судлари тизимининг
ТАШКИЛИЙ-ШТАТ ТУЗИЛМАСИ
Жами бошқарув ходимларининг чекланган сони — 32 бирликни, шу жумладан марказий аппаратда —17 тани, ҳудудий ҳарбий судларда — 15 тани, шундан судьялар сони — 12 тани ташкил этади.
Изоҳ: ёрдамчи ходимлар штат бирликлари сони ўрнатилган меъёрлар асосида аниқланади.
Ўзбекистон Республикаси Президентининг 2020 йил 24 июлдаги ПФ-6034-сон Фармонига
6-ИЛОВА
Жиноят ишлари бўйича туман (шаҳар) судларининг
НАМУНАВИЙ ТУЗИЛМАСИ
Жами бошқарув ходимларининг сони — 3 — 16 бирликни, шундан судьялар сони 1 — 7 тани ташкил этади.
Олдинги таҳрирга қаранг.
Жиноят ишлари бўйича туман (шаҳар) судлари бошқарув ходимларининг умумий чекланган сони — 972 бирликни, шундан судьялар сони — 351 тани ташкил этади.
(изоҳнинг иккинчи хатбошиси Ўзбекистон Республикаси Президентининг 2021 йил 20 январдаги ПФ-6143-сонли Фармони таҳририда — Қонун ҳужжатлари маълумотлари миллий базаси, 21.01.2021 й., 06/21/6143/0052-сон)
Изоҳ: ёрдамчи ходимлар штат бирликлари сони ўрнатилган меъёрлар асосида аниқланади.
Ўзбекистон Республикаси Президентининг 2020 йил 24 июлдаги ПФ-6034-сон Фармонига
7-ИЛОВА
Фуқаролик ишлари бўйича туманлараро, туман (шаҳар) судларининг
НАМУНАВИЙ ТУЗИЛМАСИ
Жами бошқарув ходимларининг сони — 3 — 24 бирликни, шундан судьялар сони — 1 — 11 тани ташкил этади.
Фуқаролик ишлари бўйича туманлараро, туман (шаҳар) судлари бошқарув ходимларининг умумий чекланган сони — 680 бирликни, шундан судьялар сони — 267 тани ташкил этади.
Изоҳ: ёрдамчи ходимлар штат бирликлари сони ўрнатилган меъёрлар асосида аниқланади.
Ўзбекистон Республикаси Президентининг 2020 йил 24 июлдаги ПФ-6034-сон Фармонига
8-ИЛОВА
Туманлараро маъмурий судларнинг
НАМУНАВИЙ ТУЗИЛМАСИ
Жами бошқарув ходимларининг сони — 8 — 22 бирликни, шундан судьялар сони — 3 — 10 тани ташкил этади.
Туманлараро маъмурий судлар бошқарув ходимларининг умумий чекланган сони — 168 бирликни, шундан судьялар сони — 70 тани ташкил этади.
Изоҳ: ёрдамчи ходимлар штат бирликлари сони ўрнатилган меъёрлар асосида аниқланади.
Олдинги таҳрирга қаранг.
Ўзбекистон Республикаси Президентининг 2020 йил 24 июлдаги ПФ-6034-сон Фармонига
9-ИЛОВА
Туманлараро иқтисодий судларининг
НАМУНАВИЙ ТУЗИЛМАСИ

Раис

Раис ўринбосари

0 — 2

Девонхона мудири

1

Судья

5 — 17

Архив мудири

1

Судья ёрдамчиси

6 — 20

Изоҳ:
Жами бошқарув ходимларининг сони — 14 — 42 бирликни, шундан судьялар сони — 6 — 20 тани ташкил этади.
Туманлараро иқтисодий судлар бошқарув ходимларининг умумий чекланган сони — 324 бирликни, шундан судьялар сони — 148 тани ташкил этади.
Ёрдамчи ходимлар штат бирликлари сони ўрнатилган меъёрлар асосида аниқланади.
(9-илова Ўзбекистон Республикаси Президентининг 2025 йил 21 августдаги ПФ-140-сонли Фармони таҳририда — Қонунчилик маълумотлари миллий базаси, 23.08.2025 й., 06/25/140/0771-сон)
Ўзбекистон Республикаси Президентининг 2020 йил 24 июлдаги ПФ-6034-сон Фармонига
10-ИЛОВА
Фуқаролик ишлари бўйича туманлараро, туман (шаҳар) судларининг юрисдикция
ҲУДУДЛАРИ
Олдинги таҳрирга қаранг.

Судлар номи

Хизмат кўрсатувчи туманлар, шаҳарлар

Қорақалпоғистон Республикаси

Амударё туман суди

Амударё тумани

Беруний туманлараро суди

Беруний тумани

Тўрткўл тумани

Элликқалъа тумани

Қўнғирот туманлараро суди

Қонликўл тумани

Қўнғирот тумани

Мўйноқ тумани

Шуманай тумани

Нукус туманлараро суди

Нукус шаҳар

Нукус тумани

Хўжайли тумани

Тахиатош тумани

Чимбой туманлараро суди

Қораўзак тумани

Кегейли тумани

Тахтакўпир тумани

Чимбой тумани

Бўзатов тумани

Андижон вилояти

Андижон туманлараро суди

Андижон шаҳар

Олтинкўл тумани

Андижон тумани

Асака туманлараро суди

Асака тумани

Марҳамат тумани

Бўстон туманлараро суди

Бўстон тумани

Улуғнор тумани

Шаҳрихон тумани

Избоскан туманлараро суди

Балиқчи тумани

Избоскан тумани

Пахтаобод тумани

Қўрғонтепа туманлараро суди

Хонобод шаҳар

Қўрғонтепа тумани

Хўжаобод туманлараро суди

Булоқбоши тумани

Жалақудуқ тумани

Хўжаобод тумани

Бухоро вилояти

Бухоро туманлараро суди

Бухоро шаҳар

Бухоро тумани

Ғиждувон туманлараро суди

Ғиждувон тумани

Шофиркон тумани

Когон туманлараро суди

Когон шаҳар

Когон тумани

Қоровулбозор тумани

Қоракўл туманлараро суди

Олот тумани

Қоракўл тумани

Пешку туманлараро суди

Вобкент тумани

Пешку тумани

Ромитан туманлараро суди

Жондор тумани

Ромитан тумани

Жиззах вилояти

Ғаллаорол туманлараро суди

Бахмал тумани

Ғаллаорол тумани

Дўстлик туманлараро суди

Дўстлик тумани

Мирзачўл тумани

Арнасой тумани

Пахтакор туман суди

Пахтакор тумани

Жиззах туманлараро суди

Жиззах шаҳар

Шароф Рашидов тумани

Зафаробод тумани

Зарбдор туманлараро суди

Зомин тумани

Зарбдор тумани

Янгиобод тумани

Фориш туман суди

Фориш тумани

Қашқадарё вилояти

Ғузор туманлараро суди

Деҳқонобод тумани
Ғузор тумани

Қарши туманлараро суди

Қарши шаҳар
Қарши тумани
Нишон тумани

Косон туманлараро суди

Косон тумани
Муборак тумани

Касби туманлараро суди

Касби тумани
Миришкор тумани

Чироқчи туманлараро суди

Чироқчи тумани
Кўкдала тумани

Шаҳрисабз туманлараро суди

Шаҳрисабз шаҳар
Китоб тумани
Шаҳрисабз тумани

Яккабоғ туманлараро суди

Қамаши тумани
Яккабоғ тумани

Навоий вилояти

Зарафшон туманлараро суди

Зарафшон шаҳар

Томди тумани

Кармана туманлараро суди

Навоий шаҳар

Кармана тумани

Қизилтепа тумани

Хатирчи туман суди

Хатирчи тумани

Навбаҳор туманлараро суди

Конимех тумани

Навбаҳор тумани

Нурота тумани

Учқудуқ туман суди

Учқудуқ тумани

Наманган вилояти

Наманган туманлараро суди

Наманган шаҳар

Мингбулоқ тумани

Наманган тумани

Учқўрғон туманлараро суди

Норин тумани

Уйчи тумани

Учқўрғон тумани

Чуст туманлараро суди

Поп тумани

Тўрақўрғон тумани

Чуст тумани

Янгиқўрғон туманлараро суди

Косонсой тумани

Чортоқ тумани

Янгиқўрғон тумани

Самарқанд вилояти

Жомбой туманлараро суди

Булунғур тумани

Жомбой тумани

Иштихон туманлараро суди

Иштихон тумани

Қўшработ тумани

Каттақўрғон туманлараро суди

Каттақўрғон шаҳар

Каттақўрғон тумани

Нарпай тумани

Пахтачи тумани

Самарқанд шаҳарсуди

Самарқанд шаҳар

Тайлоқ туманлараро суди

Самарқанд тумани

Тайлоқ тумани

Ургут туман суди

Ургут тумани

Пайариқ туманлараро суди

Оқдарё тумани

Пайариқ тумани

Пастдарғом туман суди

Пастдарғом тумани

Нуробод туман суди

Нуробод тумани

Сурхондарё вилояти

Бойсун туман суди

Бойсун тумани

Денов туманлараро суди

Олтинсой тумани

Денов тумани

Шўрчи тумани

Қумқўрғон туманлараро суди

Жарқўрғон тумани

Қизириқ тумани

Қумқўрғон тумани

Бандихон тумани

Сариосиё туманлараро суди

Сариосиё тумани

Узун тумани

Термиз туманлараро суди

Термиз шаҳар

Термиз тумани

Шеробод туманлараро суди

Ангор тумани

Музработ тумани

Шеробод тумани

Сирдарё вилояти

Оқолтин туманлараро суди

Оқолтин тумани

Сардоба тумани

Боёвут туманлараро суди

Ширин шаҳар

Боёвут тумани

Ховос тумани

Гулистон туманлараро суди

Гулистон шаҳар

Янгиер шаҳар

Гулистон тумани

Мирзаобод тумани

Сирдарё туманлараро суди

Сайхунобод тумани

Сирдарё тумани

Тошкент вилояти

Оҳангарон туманлараро суди

Олмалиқ шаҳар

Ангрен шаҳар

Оҳангарон шаҳар

Оҳангарон тумани

Бекобод туманлараро суди

Бекобод шаҳар

Бекобод тумани

Зангиота туманлараро суди

Зангиота тумани

Тошкент тумани

Янгийўл туманлараро суди

Янгийўл шаҳар

Янгийўл тумани

Қуйичирчиқ туманлараро суди

Оққўрғон тумани

Қуйичирчиқ тумани

Чиноз тумани

Ўртачирчиқ туманлараро суди

Нурафшон шаҳар

Бўка тумани

Пискент тумани

Ўртачирчиқ тумани

Чирчиқ туманлараро суди

Чирчиқ тумани

Бўстонлиқ тумани

Қибрай тумани

Юқоричирчиқ туманлараро суди

Паркент тумани

Юқоричирчиқ тумани

Тошкент шаҳри

Миробод туманлараро суди

Бектемир тумани

Миробод тумани

Яшнобод тумани

Мирзо-Улуғбек туманлараро суди

Мирзо-Улуғбек тумани

Юнусобод тумани

Учтепа туманлараро суди

Учтепа тумани

Чилонзор тумани

Шайхонтоҳур туманлараро суди

Олмазор тумани

Шайхонтоҳур тумани

Яккасарой туманлараро суди

Сирғали тумани
Янгиҳаёт тумани

Яккасарой тумани

Фарғона вилояти

Қўқон туманлараро суди

Қўқон шаҳар

Бувайда тумани

Данғара тумани

Учкўприк тумани

Марғилон туманлараро суди

Марғилон шаҳар

Ёзёвон тумани

Қўштепа тумани

Тошлоқ тумани

Риштон туманлараро суди

Олтиариқ тумани

Бағдод тумани

Риштон тумани

Сўх туман суди

Сўх тумани

Ўзбекистон туманлараро суди

Бешариқ тумани

Ўзбекистон тумани

Фурқат тумани

Фарғона туманлараро суди

Фарғона шаҳар

Қувасой шаҳар

Қува тумани

Фарғона тумани

Хоразм вилояти

Боғот туманлараро суди

Хива шаҳар

Боғот тумани

Ҳазорасп тумани

Хива тумани

Янгиариқ тумани

Тупроққалъа тумани

Урганч туманлараро суди

Урганч шаҳар

Урганч тумани

Хонқа тумани

Янгибозор тумани

Шовот туманлараро суди

Гурлан тумани

Қўшкўпир тумани

Шовот тумани

(10-илова Ўзбекистон Республикаси Президентининг 2022 йил 27 майдаги ПФ-142-сонли Фармони таҳририда — Қонунчилик маълумотлари миллий базаси, 27.05.2022 й., 06/22/142/0453-сон)
Олдинги таҳрирга қаранг.
(11-иловаЎзбекистон Республикаси Президентининг 2025 йил 21 августдаги ПФ-140-сонли Фармонига асосан ўз кучини йўқотган — Қонунчилик маълумотлари миллий базаси, 23.08.2025 й., 06/25/140/0771-сон)
Ўзбекистон Республикаси Президентининг 2020 йил 24 июлдаги ПФ-6034-сон Фармонига
12-ИЛОВА
Ўзбекистон Республикаси Президентининг айрим фармонларига киритилаётган қўшимча ва ўзгартиришлар
1. Ўзбекистон Республикаси Президентининг 2004 йил 20 февралдаги «Умумий юрисдикция судларининг айримларини тугатиш ва қайта ташкил этиш тўғрисида»ги ПФ-3400-сон Фармони 7-иловасининг ўзбек тилидаги «Туман (шаҳар) суди номи» ва «Туман, шаҳарлар номи» устунларида:
«Нукус» сўзидан кейин «Тахиатош» сўзи билан тўлдирилсин;
«Тўрткўл» сўзидан кейин «Бўзатов» сўзи билан тўлдирилсин;
«Бўз» сўзи «Бўстон» сўзи билан алмаштирилсин;
«Ангор тумани» сўзларидан кейин «Бандихон» сўзи билан тўлдирилсин;
«Қўшкўпир» сўзидан кейин «Тупроққалъа» сўзи билан тўлдирилсин.
Олдинги таҳрирга қаранг.
(2-банд Ўзбекистон Республикаси Президентининг йил 30 апрелдаги ПФ-6218-сонли Фармонига асосан ўз кучини йўқотган — Қонунчилик маълумотлари миллий базаси, 30.04.2021 й., 06/21/6218/0398-сон)
3. Ўзбекистон Республикаси Президентининг 2017 йил 21 февралдаги «Ўзбекистон Республикаси суд тизими тузилмасини тубдан такомиллаштириш ва фаолияти самарадорлигини ошириш чора-тадбирлари тўғрисида»ги ПФ-4966-сон Фармонида:
а) 9-банд қуйидаги таҳрирда баён этилсин:
«9. Янгидан ташкил этилаётган судларни тўлдириш учун Ўзбекистон Республикаси Давлат бюджети ҳисобидан молиялаштириладиган бошқарув ходимларининг қўшимча 560 та штат бирлиги, шу жумладан 318 та судьялик штат бирлиги ажратилсин.
Бошқарув ходимлари сонининг чекланган штати қуйидаги миқдорларда белгилансин:
Ўзбекистон Республикаси Олий суди учун 200 та бирлик, шундан судьялар — 73 та бирлик;
Қорақалпоғистон Республикаси суди, вилоятлар ва Тошкент шаҳар умумюрисдикция судлари учун 837 та бирлик, шундан судьялар — 344 та бирлик;
Қорақалпоғистон Республикаси суди, вилоятлар ва Тошкент шаҳар маъмурий судлари учун 216 та бирлик, шундан судьялар — 73 та бирлик;
фуқаролик ишлари бўйича туманлараро, туман (шаҳар) судлари учун 680 та бирлик, шундан судьялар — 267 та бирлик;
туманлараро маъмурий судлари учун 168 та бирлик, шундан судьялар — 70 та бирлик;
жиноят ишлари бўйича туман (шаҳар) судлари учун 970 та бирлик, шундан судьялар — 351 та бирлик;
Ўзбекистон Республикаси Ҳарбий суди, ҳудудий ҳарбий судлар учун 32 та бирлик, шундан судьялар — 12 та бирлик;
туманлараро, туман (шаҳар) иқтисодий судлари учун 395 та бирлик, шундан судьялар — 141 та бирлик»;
б) 12-банд қуйидаги таҳрирда баён этилсин:
«12. Қуйидагилар:
Ўзбекистон Республикаси Судьялар олий кенгашининг тузилмаси, штат жадвали, шунингдек, Ўзбекистон Республикаси Судьялар олий кенгаши аъзолари ва ижро аппарати ходимларининг Ягона тариф сеткаси бўйича меҳнатига ҳақ тўлаш разрядлари 1 — 3-иловаларга мувофиқ;
Ўзбекистон Республикаси Олий суди ҳузуридаги Судлар фаолиятини таъминлаш департаменти марказий аппаратининг тузилмаси, унинг ҳудудий бўлимларининг намунавий тузилмаси 5-6-иловаларга мувофиқ тасдиқлансин»;
в) 4, 7 — 17-иловалар ўз кучини йўқотган деб топилсин.
Изоҳ. мазкур қўшимча ва ўзгартиришлар 2021 йил 1 январдан бошлаб кучга киради.
(Қонун ҳужжатлари маълумотлари миллий базаси, 24.07.2020 й., 06/20/6034/1103-сон; 21.01.2021 й., 06/21/6143/0052-сон; Қонунчилик маълумотлари миллий базаси, 30.04.2021 й., 06/21/6218/0398-сон; 27.05.2022 й., 06/22/142/0453-сон; 18.01.2023 й., 06/23/12/0034-сон; 20.09.2024 й., 06/24/142/0734-сон; 23.08.2025 й., 06/25/140/0771-сон)