Ўзбекистон Республикаси Президентининг

Қарори

2018 — 2022 йилларда Қорақалпоғистон Республикаси, вилоятлар ва Тошкент шаҳрида автомобиль йўллари кўприкларини, йўл ўтказгичлар ва бошқа сунъий иншоотларни қуриш, реконструкция қилиш ва мукаммал таъмирлаш Дастурини тасдиқлаш тўғрисида

Ўзбекистон Республикаси Президентининг «Автомобиль йўллари кўприкларини, йўл ўтказгичлар ва бошқа сунъий иншоотларни қуриш ҳамда фойдаланишни ташкил этиш тизимини такомиллаштириш тўғрисида» 2017 йил 4 октябрдаги ПҚ-3309-сонли қарорига мувофиқ, транспорт иншоотларини қуриш ва ривожлантириш тизимини такомиллаштириш, шунингдек, уларни сақлаш ва эксплуатация қилишни янада таъминлаш мақсадида:

1. Маълумот учун қабул қилинсинки:

«Ўзбекистон темир йўллари» акциядорлик жамиятининг «Кўприкқурилиш» трести» УК автомобиль йўллари кўприкларини, йўл ўтказгичлар (ёндошиш йўллари билан бирга 500 погон метрдан кўпроқ узунликда) ва бошқа сунъий иншоотларни эксплуатация қилиш бўйича ваколатли ташкилот этиб белгиланди;

«Ўзбекистон темир йўллари» АЖ томонидан «Кўприкқурилиш» трести» УК таркибида «Ko'prikqurilishta'mirlash Direksiyasi» — «Автомобиль йўллари кўприкларини, йўл ўтказгичлар ва бошқа сунъий иншоотларни қуриш Дирекцияси» унитар корхонаси ҳамда «Ko'prikqurilishloyiha» — «Автомобиль йўллари кўприкларини, йўл ўтказгичлар ва бошқа сунъий иншоотларни лойиҳалаш институти» унитар корхонаси ташкил этилди;

«Ko'prikqurilishta'mirlash Direksiyasi» унитар корхонаси зиммасига автомобиль йўллари кўприкларини, йўл ўтказгичлар ва бошқа сунъий иншоотларни қуриш, реконструкция қилиш ва мукаммал таъмирлаш бўйича буюртмачи вазифаларини бажариш, «Ko'prikqurilishloyiha» УК зиммасига эса бош лойиҳа ташкилоти вазифаси юкланди.

2. Қуйидагилар:

««Кўприкқурилиш» треста» УКни модернизациялаш ва жиҳозлаш бўйича мақсадли параметрлар 2-иловага мувофиқ тасдиқлансин.

3. 2018 — 2022 йилларда Қорақалпоғистон Республикаси, вилоятлар ва Тошкент шаҳрида автомобиль йўллари кўприкларини, йўл ўтказгичлар ва бошқа сунъий иншоотларни қуриш, реконструкция қилиш ва мукаммал таъмирлаш Дастури ўз вақтида амалга оширилишини мувофиқлаштириш ва назорат қилиш комиссияси (кейинги ўринларда — Комиссия) 3-иловага мувофиқ таркибда тузилсин.

Комиссия (А.Ж. Раматов):

даҳлдор вазирликлар ва идоралар билан биргаликда замонавий технологияларни қўллаган холда автомобиль йўллари кўприкларини, йўл ўтказгичлар ва бошқа сунъий иншоотларни лойиҳалаш, қуриш, реконструкция қилиш, таъмирлаш ҳамда уларни сақлаш бўйича техникавий бошқариш соҳасидаги зарур норматив ҳужжатлар ишлаб чиқилиши ва тасдиқланишини ташкиллаштирсин;

автомобиль йўллари кўприкларини, йўл ўтказгичлар ва бошқа сунъий иншоотларни қуриш борасида жаҳон тажрибасини татбиқ этган холда замонавий лойиҳалар ишлаб чиқилишини ташкил қилсин;

Дастурни сифатли ва уз вақтида бажариш учун автомобиль йўллари кўприкларини, йўл ўтказгичлар ва бошқа сунъий иншоатларни қуриш, реконструкция қилиш, мукаммал таъмирлаш ва уларга хизмат кўрсатиш соҳасида етакчи хорижий мутахассислар, зарур холларда жалб этилишини таъминласин;

тармоқнинг ҳақиқий эҳтиёжларини ҳисобга олган холда олий ва ўрта махсус касб-ҳунар таълимига эга малакали кадрларга бўлган талабини аниқлаш, Тошкент автомобиль йўлларини лойиҳалаш, қуриш ва эксплуатация қилиш институтида, Тошкент архитектура-қурилиш институтида, Тошкент темир йўл транспорти муҳандислари институтида, шунингдек, соҳага оид касб-ҳунар коллежларида ҳар йилги қабул, шу жумладан кадрлар тайёрлашнинг тегишли йўналишлари ва мутахассисликлар бўйича махсус сиртқи таълимга қабул квоталарини шакллантириш юзасидан таклифларни кўриб чиқишда иштирок этсин;

тармоқ мутахассисларининг кўприк хўжалиги соҳасида жаҳон тажрибасини ўрганиш учун чет элларда стажировкадан ўтишларини ташкил қилиш чора-тадбирларини ишлаб чиқсин ва амалга оширсин.

Комиссияга зарур холларда Дастур параметрларига ўзгартиш ва қўшимчалар киритиш ҳуқуқи берилсин.

4. Автомобиль йўллари кўприкларини, йўл ўтказгичлар ва бошқа сунъий иншоотларни қуриш, реконструкция қилиш ва мукаммал таъмирлаш бўйича лойиҳа-смета ҳужжатларини ишлаб чиқиш хамда амалга ошириш билан боғлиқ сарф-харажатларни молиялаштириш манбалари этиб;

Олдинги таҳрирга қаранг.

умумфойдаланадиган автомобиль йўлларида жойлашган иншоотлар учун — Ўзбекистон Республикаси Иқтисодиёт ва молия вазирлиги ҳузуридаги Автомобиль йўлларини ривожлантириш мақсадли жамғармаси маблағлари;

(4-банднинг иккинчи хатбошиси Ўзбекистон Республикаси Президентининг 2024 йил 16 августдаги ПФ-111-сонли Фармони таҳририда — Қонунчилик маълумотлари миллий базаси, 16.08.2024 й., 06/24/111/0623-сон)

Олдинги таҳрирга қаранг.

хўжалик автомобиль йўллари, шаҳар ва бошқа аҳоли пунктлари кўчаларида жойлашган иншоотлар учун, шу жумладан турар-жойлар ва нотурар жой иморатларини бузиш, шунингдек, ер устида пиёдалар ўтадиган йўлкалар қуриш, транспорт иншоотига туташ ҳудудни ободонлаштириш ва кўкаламзорлаштириш, жала сувларини чиқариб ташлаш ва суғориш водопроводларини қуриш қисмидаги харажатларни қоплаш учун — Қорақалпоғистон Республикаси бюджети, вилоятлар ва Тошкент шаҳри маҳаллий бюджетлари ҳамда Қорақалпоғистон Республикаси Иқтисодиёт ва молия вазирлиги, вилоятлар ва Тошкент шаҳри ҳокимликлари иқтисодиёт ва молия бош бошқармалари ҳузуридаги автомобиль йўлларини ривожлантириш ҳудудий мақсадли жамғармаларининг маблағлари белгилаб қўйилсин.

(4-банднинг учинчи хатбошиси Ўзбекистон Республикаси Президентининг 2024 йил 16 августдаги ПФ-111-сонли Фармони таҳририда — Қонунчилик маълумотлари миллий базаси, 16.08.2024 й., 06/24/111/0623-сон)

Лойиҳаларни амалга ошириш Ўзбекистон Республикаси Президентининг «Ўзбекистон Республикасининг ривожланиш давлат дастурларини шакллантириш ва молиялаштиришнинг янги тартибини жорий этиш тўғрисида» 2017 йил 18 декабрдаги ПҚ-3437-сонли қарори хамда «Ўзбекистон Республикасининг ривожланиш давлат дастурларини шакллантириш ва рўёбга чиқариш, давлат харидларини амалга ошириш доирасида ҳужжатларни комплекс экспертиза қилишнинг самарали тизимини яратиш тўғрисида» 2018 йил 8 январдаги ПҚ-3464-сонли қарори билан ўрнатилган тартибда рўёбга чиқарилиши белгилаб қўйилсин.

Олдинги таҳрирга қаранг.

5. Ўзбекистон Республикаси Транспорт вазирлиги ҳузуридаги Йўл-қурилиш ишлари сифатини назорат қилиш инспекцияси қурилиш-монтаж ишларининг сифатли бажарилиши устидан белгиланган тартибда тегишли давлат архитектура-қурилиш назоратини таъминласин.

(5-банд Ўзбекистон Республикаси Президентининг 2020 йил 20 мартдаги ПФ-5971-сонли Фармони таҳририда — Қонун ҳужжатлари маълумотлари миллий базаси, 20.03.2020 й., 06/20/5971/0348-сон)

6. «Қурилишмашлизинг» республика ихтисослаштирилган лизинг компанияси «Кўприкқурилиш» трести» УКнинг буюртманомалари асосида Дастурни амалга ошириш учун зарур бўлган йўл-қурилиш хамда ихтисослаштирилган техника ва механизмлар ўз вақтида етказиб берилишини таъминласин.

7. Ўзбекистон Республикаси Вазирлар Маҳкамасининг 2017 йил 2 сентябрдаги 989-Ф-сонли фармойиши ўз кучини йўқотган деб ҳисоблансин.

8. Ўзбекистон Республикаси Президентининг «Автомобиль йўллари кўприкларини, йўл ўтказгичлар ва бошқа сунъий иншоотларни қуриш ҳамда фойдаланишни ташкил этиш тизимини такомиллаштириш тўғрисида» 2017 йил 4 октябрдаги ПҚ-3309-сонли қарорига 4-иловага мувофиқ қушимча ва ўзгартишлар киритилсин.

9. Мазкур қарорнинг ижросини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» акциядорлик жамияти бошқаруви раиси А.Ж. Раматов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2018 йил 29 март,

ПҚ-3632-сон

Ўзбекистон Республикаси Президентининг 2018 йил 29 мартдаги ПҚ-3632-сон қарорига
1-ИЛОВА

ДАСТУРИ

Т/р	Объект номланиши ва жойлашуви	Қуввати, пм*	Ижро муддатлари		Ҳисоб-китоб қиймати, млрд сўм.*	Молиялаштириш манбалари
Т/р	Объект номланиши ва жойлашуви	Қуввати, пм*	Лойиҳа ишлари	Қурилиш ишлари	Ҳисоб-китоб қиймати, млрд сўм.*	Молиялаштириш манбалари
	Жами:	22 481,07			1 861,09
	улардан:
	Ўзбекистон Республикаси Давлат бюджети маблағлари	12 553,40			850,90
	Вазирлар Маҳкамаси ҳузуридаги Республика йўл жамғармаси маблағлари	9 427,67			1 010,79
	шу жумладан ишлар турлари бўйича:
	Янги автомобиль йўллари кўприклари, йўл ўтказгичлар ва бошқа сунъий иншоотларни қуриш	15 250,00			1 546,50
	Автомобиль йўллари кўприклари, йўл ўтказгичлар ва бошқа сунъий иншоотларни реконструкция қилиш	2 333,48			234,42
	Автомобиль йўллари кўприклари, йўл ўтказгичлар ва бошқа сунъий иншоотларни мукаммал таъмирлаш	4 897,59			80,77
	шу жумладан ҳудудлар бўйича:
	Қорақалпоғистон Республикаси
1.	«4р181- А380 автойўли — Қипчоқ пристани — Манғит ш. — Тошовуз ш. — Туркманистон Республикаси чегараси» автомобиль йўлининг 4 км қисмида автойўл кўпригини реконструкция қилиш	360,0	2018	2022	36,0	Вазирлар Маҳкамаси ҳузуридаги Республика йўл жамғармаси
	Андижон вилояти
2.	4Р249 «Қуруқ Қайрағоч — Жанубий Оломушук — Охунбобоев» автомобиль йўлининг 24 км қисмида янги автойўл кўпригини қуриш	150,0	2021	2022	15,0	Вазирлар Маҳкамаси ҳузуридаги Республика йўл жамғармаси
	Бухоро вилояти
3	М37 «Самарканд — Бухоро — Туркманбоши» автойўлининг 264 км ва А380 «Ғузор — Бухоро — Бейнеу» автомобиль йўли кесишмасида 224 км қисмида янги йўл ўтказгич қуриш	100,0	2021	2022	10,0	Вазирлар Маҳкамаси ҳузуридаги Республика йўл жамғармаси
4.	А380 «Ғузор — Бухоро — Бейнеу» автомобиль йўлининг 208 км қисмида темир йўлдаги йўл ўтказгични реконструкция қилиш	350,0	2018	2020	35,0	Вазирлар Маҳкамаси ҳузуридаги Республика йўл жамғармаси
	Жиззах вилояти
5.	4Р38 автойўли ва «М39 (962 км) — Учтепа қ. — Жиззах ш. М39 автомобиль йўл (1013 км)» кесишмасида йўл ўтказгични мукаммал таъмирлаш	601,7	2020	2022	60,17	Вазирлар Маҳкамаси ҳузуридаги Республика йўл жамғармаси
	Қашқадаре вилояти
6.	4Р79 «Қарши — Чим — Чироқчи — Шаҳрисабз» автомобиль йўлининг 20 км қисмида автомобиль йўллари кўпригини реконструкция қилиш	42,18	2021	2022	4,22	Вазирлар Маҳкамаси ҳузуридаги Республика йўл жамғармаси
	Навоий вилояти
7.	4Н380 «Янгиобод-Жарма-Чуя» автомобиль йўлинининг 29,4 км қисмида кўприкни реконструкция қилиш	24,0	2018	2019	3,0	Вазирлар Маҳкамаси ҳузуридаги Республика йўл жамғармаси
8.	4К387 «Ташработ — Гамхур» автомобиль йўлининг 8 км қисмида авария ҳолатидаги автомобиль йўллари кўпригини реконструкция қилиш	24,0	2018	2019	3,0	Вазирлар Маҳкамаси ҳузуридаги Республика йўл жамғармаси
	Наманган вилояти
9.	4Р261 «автойўл 4Р117 — Наманган темирйўл станцияси» автомобиль йўлининг 2 км қисми ва И. Каримов кўчаси кесишмасида янги йўл ўтказгичини қуриш	270,0	2021	2022	27,0	Вазирлар Маҳкамаси ҳузуридаги Республика йўл жамғармаси
10.	Наманган ш. 4Р117 (20 км) ва 4Р114 (3 км) кесишмасида янги транспорт чорраҳасини қуриш	100,0	2018	2021	27,0	Вазирлар Маҳкамаси ҳузуридаги Республика йўл жамғармаси
11.	Наманган шаҳри Гўзал ва Ҳамрох кўчалари кесишмасида янги транспорт чорраҳасини қуриш	300,0	2021	2022	30,0	Ўзбекистон Республикаси Давлат бюджети
12.	Наманган шаҳри А. Темур ва И. Каримов кўчалари кесишмасида янги транспорт чорраҳасини қуриш	270,0	2019	2020	27,0	Ўзбекистон Республикаси Давлат бюджети
13.	Навоий, Қўқон ва Нодира кўчалари кесишмасида янги транспорт чорраҳасини қуриш (Наманган шаҳри, Сардоба бозори ҳудудида)	280,0	2020	2021	28,0	Ўзбекистон Республикаси Давлат бюджети
	Самарқанд вилояти
14.	Бўстонсарой ва Рудакий кўчалари кесишмасида янги йўл ўтказгичини қуриш	120,0	2018	2019	12,0	Ўзбекистон Республикаси Давлат бюджети
15.	М. Улуғбек ва Гагарин кўчалари кесишмасида янги йўл ўтказгичини қуриш	60,0	2018	2019	6,0	Ўзбекистон Республикаси Давлат бюджети
16.	Ибн Сино ва Дахбет кўчалари кесишмасида янги йўл ўтказгичини қуриш	100,0	2019	2020	10,0	Ўзбекистон Республикаси Давлат бюджети
17.	Рудакий ва Гагарин кўчалари кесишмасида янги йўл ўтказгичини қуриш	75,0	2020	2021	7,5	Ўзбекистон Республикаси Давлат бюджети
18.	С. Айний ва Термиз кўчалари кесишмасида янги йўл ўтказгичини қуриш	110,0	2021	2022	11,0	Ўзбекистон Республикаси Давлат бюджети
19.	М37а (23 км) ва 4Р46 автомобиль йўллари кесишмасида янги йўл ўтказгичини қуриш	120,0	2021	2022	12,0	Вазирлар Маҳкамаси ҳузуридаги Республика йўл жамғармаси
	Сурхондаре вилояти
20.	4Р101 г автойўли — Денов ш. кириш йўлига 1 км қисмида автомобиль йўли кўпригини реконструкция қилиш	262,0	2020	2022	26,2	Вазирлар Маҳкамаси ҳузуридаги Республика йўл жамғармаси
21.	4Р1016 автойўли — Шўрчи ш. кириш йўли 0 км қисмида автомобиль йўлини реконструкция қилиш	250,0	2021	2022	25,0	Вазирлар Маҳкамаси ҳузуридаги Республика йўл жамғармаси
	Сирдаре вилояти
22.	М34 «Тошкент — Душанбе» автомобиль йўлининг 117 км қисмида йўл ўтказгични реконструкция қилиш	447,0	2018	2019	44,7	Вазирлар Маҳкамаси ҳузуридаги Республика йўл жамғармаси
23.	М34 «Тошкент — Душанбе» автомобиль йўлининг 121 км қисмида йўл ўтказгични реконструкция қилиш	235,2	2018	2020	23,5	Вазирлар Маҳкамаси ҳузуридаги Республика йўл жамғармаси
24.	А376 «Қўқон — Жиззах» автомобиль йўлининг 214 км қисмида йўл ўтказгични реконструкция қилиш	199,1	2021	2022	19,9	Вазирлар Маҳкамаси ҳузуридаги Республика йўл жамғармаси
	Тошкент вилояти
25.	4К786 «Бекобод ш. — Ўзбекистон қ. — Маллабой қ. — Зафар қ.» 9 км ва 4Н733 «Сирдарё — Бекобод — Туркман қ.» 8 км қисмида автомобиль йўлини бирлаштирувчи янги автомобиль йўл ўтказгич кўпригини қуриш	670,0	2019	2022	67,0	Вазирлар Маҳкамаси ҳузуридаги Республика йўл жамғармаси
26.	Тошкент вилояти Қибрай ва Юқоричирчиқ туманларидан ўтувчи қурилаетган автомобиль йўлида (Чирчиқ даресида қурилаетган янги кўприк объекти, 1 босқич) янги йўл ўтказгич ва автомобиль йўли кўприкларини қуриш	250,0	2018	2019	25,0	Вазирлар Маҳкамаси ҳузуридаги Республика йўл жамғармаси
27.	Тошкент вилояти Қибрай ва Юқоричирчиқ туманларидан ўтувчи қурилаетган автомобиль йўлида (Маҳтумқули (Тараққиёт кўчаси) ва Дўрмон қароргоҳидаги автойўл кесишмасида қурилаетган янги йўл ўтказгич объекти, 2 босқич) янги йўл ўтказгич ва автомобиль йўли кўприкларини қуриш	1300,0	2018	2019	130,0	Вазирлар Маҳкамаси ҳузуридаги Республика йўл жамғармаси
28.	Тошкент вилояти Қибрай ва Юқоричирчиқ туманларидан ўтувчи қурилаетган автомобиль йўлида (4Р12 автойўли 15+300 км кесишмасида қурилаетган янги йўл ўтказгич объекти, 3 босқич) янги йўл ўтказгич ва автомобиль йўли кўприкларини қуриш	1520,0	2018	2019	152,0	Вазирлар Маҳкамаси ҳузуридаги Республика йўл жамғармаси
29.	М39 «Алмати — Бишкек — Тошкент — Шаҳрисабз — Термиз» йўл ўтказгичини мукаммал таъмирлаш (865+200 ўнги)	92,49	2018	2019	9,2	Вазирлар Маҳкамаси ҳузуридаги Республика йўл жамғармаси
	Хоразм вилояти
30.	Шовот канали орқали кичик ҳалқа автомобиль йўли бўйлаб (Маърифатчи кўчаси) янги автомобиль йўли кўпригини қуриш	105,0	2020	2021	15,0	Ўзбекистон Республикаси Давлат бюджети
31.	4Р162 автойўли — Урганч ш. айланма йўли 6 км қисмида автомобиль йўли кўпригини реконструкция қилиш	104,0	2018	2021	10,4	Вазирлар Маҳкамаси ҳузуридаги Республика йўл жамғармаси
32.	4К937 автойўли 0 км қисмида автомобиль йўли кўпригини қуриш	36,0	2020	2021	3,5	Вазирлар Маҳкамаси ҳузуридаги Республика йўл жамғармаси
	Тошкент шаҳри
33.	Бунедкор ва Чўпонота кўчалари кесишмасида янги транспорт чорраҳасини қуриш	510,0	2018	2018	51,0	Ўзбекистон Республикаси Давлат бюджети
34.	Тошкент — Ангрен темир йўл кесишмаси орқали Қипчоқ кўчаси бўйлаб янги транспорт чорраҳасини қуриш	520,0	2018	2018	52,0	Вазирлар Маҳкамаси ҳузуридаги Республика йўл жамғармаси
35.	Тошкент шаҳридан чиқувчи А373 автойўли билан М396 автомобиль йўли кесишмасида янги транспорт чорраҳасини қуриш	720,0	2019	2019	72,0	Вазирлар Маҳкамаси ҳузуридаги Республика йўл жамғармаси
36.	Кичик ҳалқа автомобиль йўли ва Сағбон кўчаси кесишмасида янги транспорт чорраҳасини қуриш	480,0	2019	2020	48,0	Вазирлар Маҳкамаси ҳузуридаги Республика йўл жамғармаси
37.	Кичик ҳалқа автомобиль йўли ва Беруний кўчаси кесишмасида янги транспорт чорраҳасини қуриш	480,0	2018	2019	48,0	Ўзбекистон Республикаси Давлат бюджети
38.	М. Улуғбек ва Паркент кўчалари кесишмасида янги транспорт чорраҳасини қуриш	620,0	2019	2020	62,0	Ўзбекистон Республикаси Давлат бюджети
39.	Кичик ҳалқа автомобиль йўли ва Қатортол кўчаси кесишмасида янги транспорт чорраҳасини қуриш	520,0	2019	2020	52,0	Вазирлар Маҳкамаси ҳузуридаги Республика йўл жамғармаси
40.	Себзор ва Нурафшон кўчалари кесишмасида янги транспорт чорраҳасини қуриш	710,0	2019	2020	71,0	Ўзбекистон Республикаси Давлат бюджети
41.	А. Навоий ва Абай кўчалари кесишмасида янги транспорт чорраҳасини қуриш	450,0	2019	2020	45,0	Ўзбекистон Республикаси Давлат бюджети
42.	Тошкент автомобиль ҳалқа йўли ва Боғишамол кўчаси кесишмасида янги транспорт чорраҳасини қуриш	180,0	2019	2020	18,0	Вазирлар Маҳкамаси ҳузуридаги Республика йўл жамғармаси
43.	Кичик ҳалқа автомобиль йўли ва Қорасарой кўчаси кесишмасида янги транспорт чорраҳасини қуриш	710,0	2020	2021	71,0	Ўзбекистон Республикаси Давлат бюджети
44.	Чўпонота кўчаси бўйлаб кичик ҳалқа автомобиль йўли ва темир йўл орқали аэропорт томонига янги транспорт чорраҳасини қуриш	1200,0	2020	2021	120,0	Ўзбекистон Республикаси Давлат бюджети
45.	А. Дониш ва Янги шаҳар кўчалари кесишмасида янги транспорт чорраҳасини қуриш	620,0	2020	2021	62,0	Ўзбекистон Республикаси Давлат бюджети
46.	А. Қодирий ва Абай кўчалари кесишмасида янги транспорт чорраҳасини қуриш	410,0	2021	2022	41,0	Ўзбекистон Республикаси Давлат бюджети
47.	Буюк Ипак йўли ва Мирзо Улуғбек кўчалари кесишмасида янги транспорт чорраҳасини қуриш	570,0	2021	2022	57,0	Ўзбекистон Республикаси Давлат бюджети
48.	Мирзо Улуғбек ва Дўрмон йўли кўчалари кесишмасида янги транспорт чорраҳасини қуриш	650,0	2021	2022	65,0	Ўзбекистон Республикаси Давлат бюджети
49.	Кичик ҳалқа йўли ва Бунедкор кўчаси кесишмасида йўл ўтказгични мукаммал таъмирлаш	425,0	2018	2018	1,2	Ўзбекистон Республикаси Давлат бюджети
50	Бобур кўчаси бўйлаб темир йўл ва Кичик ҳалқа автомобиль йўли орқали аэропорт томонида транспорт чорраҳасини мукаммал таъмирлаш	746,1	2018	2018	2,0	Ўзбекистон Республикаси Давлат бюджети
51.	Фарғона йўли кўчаси бўйлаб темир йўллар орқали (Рисовый бозори) транспорт чорраҳасини мукаммал таъмирлаш	525,0	2018	2018	1,4	Ўзбекистон Республикаси Давлат бюджети
52	Кичик ҳалқа автомобиль йўли А. Темур кўчаси орқали транспорт чорраҳасини мукаммал таъмирлаш	550,8	2018	2018	1,5	Ўзбекистон Республикаси Давлат бюджети
53.	Уста Ширин ва Мискин Абдураҳмон кесишмаси А. Дониш кўчаси бўйлаб транспорт чорраҳасини мукаммал таъмирлаш	912,0	2018	2019	2,5	Ўзбекистон Республикаси Давлат бюджети
54.	4Р1 автойўли ва Фарғона йўли (Қўйлиқ) кесишмасида транспорт чорраҳасини мукаммал таъмирлаш	558,2	2018	2019	1,5	Ўзбекистон Республикаси Давлат бюджети
55.	А. Дониш ва А. Темур кўчалари кесишмасида (Юнусобод бозори) транспорт чорраҳасини мукаммал таъмирлаш	486,3	2018	2019	1,3	Ўзбекистон Республикаси Давлат бюджети

* Объектларнинг якуний қуввати ва қиймати лойиҳа-смета ҳужжати тасдиқланганидан сўнг аниқланади.

LexUZ шарҳи

1-илова норасмий таржима.

Ўзбекистон Республикаси Президентининг 2018 йил 29 мартдаги ПҚ-3632-сон қарорига
2-ИЛОВА

«Кўприкқурилиш» трести» УКни модернизация қилиш ва жиҳозлаш бўйича

МАҚСАДЛИ ПАРАМЕТРЛАР

		Млн АҚШ доллари
Т/р	Ривожланиш йўналишлари	Молиявий маблағлар эҳтиёжи*
Т/р	Ривожланиш йўналишлари	2018 й.	2019 й.	2020 й.
1.	Мавжуд қурилиш машиналари ва механизмлари паркини кўприк қурилиши ишларининг замонавий тенденцияларини ҳисобга олган ҳолда янгилаш ва ривожлантириш	16,25	6,25	0,6
1.1.	Автомобиль йўллари кўприклари, йўл ўтказгичлар ва бошқа сунъий иншоотларни қуриш ва реконструкция қилишда қурилиш-монтаж ишларини бажариш учун қурилиш техникалари, машиналар, механизмлар ва ускуналарни сотиб олиш	14,5	5,5	0,35
1.2.	Автомобиль йўллари кўприклари, йўл ўтказгичлар ва бошқа сунъий иншоотларни қуриш ва реконструкция қилишда қурилиш-монтаж ишларини бажариш учун мавжуд қурилиш техникалари, машиналар, механизмлар ва ускуналар паркини таъмирлаш ва хизмат кўрсатишни амалга ошириш	1,75	0,75	0,25
2.	Янгидан ташкил этилаётган корхоналарнинг мавжуд қурилиш базаларини янгилаш ва ривожлантириш ҳамда янги технологик линиялар билан жиҳозлаш:	11,25	5,65	0,7
2.1.	Арматурани қайта ишлаш учун	2,8	2,25	0,25
2.2.	Йиғиладиган темир бетон ишлаб чиқариш учун	2,8	0,6	0,1
2.3.	Бетон тайёрлаш ва товар бетон чиқариш учун	1,7	0,6	0,1
2.4.	Монолит темир бетон учун опалубкалар тайёрлаш	1,7	1,1	0,15
2.5.	Металл конструкциялар учун	2,25	1,1	0,1
3.	Янгидан ташкил этилаётган корхоналарни жиҳозлаш	17,85	11,25	1,25
3.1.	Қурилиш фаолияти учун қурилиш техникалари, машиналар, механизмлар ва ускуналарни сўнгги ютуқларни инобатга олган ҳолда сотиб олиш (қурилиш ва эксплуатация участкаларида):
-	Автомобиль йўллари кўприклари, йўл ўтказгичлар ва бошқа сунъий иншоотларни қуриш ва реконструкция қилишда қурилиш-монтаж ишларини бажариш учун	12,6	9,3	0,8
-	Автомобиль йўллари кўприклари, йўл ўтказгичлар ва бошқа сунъий иншоотларни эксплуатацияси учун**	3,3	1,95	0,45
-	«Лаборатория по качеству строительства» УК фаолиятини амалга ошириш учун	0,5
3.2.	Лойиҳа институтини қурилишни лойиҳалаштириш соҳасида долзарб дастурий таъминоти бўлган замонавий компьютер, тақдимот, кўпайтириш, ва коммуникация оргтехникалари билан жиҳозлаш	1,95
4.	Турли хилдаги конструктив элементларни монолит қуриш технологияларини ўзлаштириш	6,25	5,6	0,6
	Жами:	51,6	28,75	3,15
	Жами:	83,5

* «Кўприкқурилиш» трести»ни модернизация қилиш ва жиҳозлаш бўйича молиялаштириш «Ўзбекистон темир йўллари» АЖ, тижорат банклари кредитлари ва қонун ҳужжатларида тақиқланмаган бошқа манбалар ҳисобидан амалга оширилади.

** Ўзбекистон Республикаси Вазирлар Маҳкамаси ҳузуридаги Республика йўл жамғармаси молиялаштириш манбаи бўлиб ҳисобланади.

LexUZ шарҳи

2-илова норасмий таржима.

Ўзбекистон Республикаси Президентининг 2018 йил 29 мартдаги ПҚ-3632-сон қарорига
3-ИЛОВА

ТАРКИБИ

А.Ж. Раматов	—	Ўзбекистон Республикаси Бош вазирининг биринчи ўринбосари — «Ўзбекистон темир йўллари» АЖ бошқаруви раиси
Л.А. Абдувалиев	—	Ўзбекистон Республикаси Давлат автомобиль йўллар қўмитаси раиси ўринбосари, комиссия раиси
Б.И. Закиров	—	Ўзбекистон Республикаси Давлат архитектура ва қурилиш қўмитаси, комиссия раиси ўринбосари
М.М. Мирзаев	—	Ўзбекистон Республикаси иқтисодиёт вазири ўринбосари
Д.Н. Саттаров	—	Ўзбекистон Республикаси молия вазири ўринбосари
М.М. Иноятов	—	Олий ва ўрта махсус таълим вазири ўринбосари
А.А. Рискулов	—	Тошкент автомобиль йўлларини лойиҳалаш, қуриш ва эксплуатацияси институти ректори
М.Л. Аллаберганов	—	Ўзбекистон Республикаси Вазирлар Маҳкамаси ҳузуридаги Республика йўл фонди директори
З.Э. Махаматов	—	«Ўзбекистон темир йўллари» АЖ «Кўприкқурилиш» Трести» УК бошқарувчиси
О.K. Зияев	—	Автомобиль йўллари илмий-тадқиқот институти директори
С.С. Каххаров	—	«Йўл-лойиҳа бюроси» МЧЖ директори
Р.В. Рўзиев	—	«Боштранслойиҳа» директори
О.Н. Рўзибоев	—	«Ko`prikqurilishta`mirlash Direksiyasi» УК бошлиғи
К.Т. Исаев	—	«Ko`prikqurilishloyiha» УК директори
лавозимига кўра	—	Қорақалпоғистон Республикаси Вазирлар Кенгаши раисининг ўринбосари, вилоятлар ва Тошкент шаҳри ҳокимларининг қурилиш, коммуникация, коммунал хўжалик ва ободонлаштириш масалалари бўйича ўринбосарлари

Изоҳ. Комиссия аъзолари бошқа ишга ўтган тақдирда, унинг таркибига мазкур лавозимларга янги тайинланган ёки тегишли функцияларни бажариш зиммасига юклатилган шахслар киритилади.

Комиссия зарур ҳолларда ўз ишига бошқа вазирлик ва идораларнинг масъул раҳбарлари ва мутахассисларини жалб қилиш ҳуқуқига эга.

LexUZ шарҳи

3-илова норасмий таржима.

Ўзбекистон Республикаси Президентининг 2018 йил 29 мартдаги ПҚ-3632-сон қарорига
4-ИЛОВА

ҚЎШИМЧА ВА ЎЗГАРТИШЛАР

1. 2-бандда:

тўртинчи хатбошидаги «Автомобиль йўллари кўприкларини, йўл ўтказгичлар ва бошқа сунъий иншоотларни лойиҳалаш институти» сўзларидан олдин «Ko`prikqurilishloyiha» — « сўзи билан тўлдирилсин;

бешинчи хатбошидаги «Автомобиль йўллари кўприкларини, йўл ўтказгичлар ва бошқа сунъий иншоотларни қуриш ва реконструкция қилиш дирекцияси» сўзларидан олдин «Ko`prikqurilishta`mirlash Direksiyasi» — «сўзлари билан тўлдирилсин.

2. 4-бандда:

учинчи хатбошидаги «Автомобиль йўллари кўприкларини, йўл ўтказгичлар ва бошқа сунъий иншоотларни қуриш ва реконструкция қилиш дирекцияси» УК» сўзларидан олдин «Ко`prikqurilishta`mirlash Direksiyasi» — » сўзлари билан тўлдирилсин;

тўртинчи хатбошидаги «Автомобиль йўллари кўприкларини, йўл ўтказгичлар ва бошқа сунъий иншоотларни лойиҳалаш институти» УК» «Ko`prikqurilishloyiha» — » сўзи билан тўлдирилсин.

LexUZ шарҳи

4-илова норасмий таржима.

(Қонун ҳужжатлари маълумотлари миллий базаси, 29.03.2018 й., 07/20/3632/0883-сон; 20.03.2020 й., 06/20/5971/0348-сон; Қонунчилик маълумотлари миллий базаси, 16.08.2024 й., 06/24/111/0623-сон)