|
Ҳужжат кучини йўқотган " " 22.02.2021
|
Ўзбекистон Республикаси Вазирлар Маҳкамасининг
қарори
ЎЗБЕКИСТОН РЕСПУБЛИКАСИ ХЎЖАЛИК СУДЛАРИНИ МОДДИЙ-ТЕХНИК ТАЪМИНЛАШНИ ЯХШИЛАШ ЧОРА-ТАДБИРЛАРИ ТЎҒРИСИДА
LexUZ шарҳиМазкур қарор Ўзбекистан Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Ўзбекистон Республикаси Президентининг «Ўзбекистон Республикаси хўжалик судларининг таркибини такомиллаштириш тўғрисида» 1996 йил 25 июлдаги Фармонига мувофиқ Вазирлар Маҳкамаси қapop қилади:
1. Ўзбекистон Республикаси Молия вазирлиги Олий хўжалик судига ажратилган штат бирликларини маблағ билан таъминлаш, бинони тузатиш, муҳофаза хизматлари ҳақи тўлаш, шунингдек, иловага кўра, мебеллар, автотранспорт, ташкилий-техника, бошқа зарур мол-мулклар сотиб олиш учун маблағ ажратсин.
2. «Ўзбекмебель» давлат-акционерлик бирлашмаси, «Ўзавтосаноат» уюшмаси 1996 йил давомида Олий хўжалик судига иловага* мувофиқ зарур мебель ва автотранспорт ажратсинлар.
* Илова берилмайди.
3. «Ўзулгуржибиржасавдо» уюшмаси Олий хўжалик судининг буюртманомаларига кўра ташкилий-техника ва бошқа моддий ресурсларни харид қилишни ва етказиб беришни амалга оширсин.
4. Ўзбекистон Республикаси Ички ишлар вазирлиги белгиланган тартибга кўра хўжалик судлари биноларини қўриқлашни таъминласин.
5. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари хўжалик судларининг самарали ишлашлари учун шарт-шароитлар яратиб берсинлар, зарур бўлганда алоҳида бинолар ажратсинлар ва уч ой муддатда Вазирлар Маҳкамасини хабардор қилсинлар.
6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Б.С. Ҳамидов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1996 йил 27 август,
298-сон
