|
Ҳужжат кучини йўқотган " " 03.09.2022
|
Ўзбекистон Республикаси Вазирлар Маҳкамасининг
қарори
Болаларни давлат умумий ўрта таълим муассасаларига қабул қилиш бўйича давлат хизматлари кўрсатишнинг маъмурий регламентини тасдиқлаш тўғрисида
LexUZ шарҳиМазкур қарор Ўзбекистан Республикаси Вазирлар Маҳкамасининг 2022 йил 1 июндаги 295-сонли «Халқ таълими тизимида давлат хизматлари кўрсатишни янада такомиллаштириш тўғрисида»ги қарорига асосан 2022 йил 3 сентябрдан ўз кучини йўқотади.
Ўзбекистон Республикаси Президентининг «Аҳолига давлат хизматлари кўрсатишнинг миллий тизимини тубдан ислоҳ қилиш чора-тадбирлари тўғрисида» 2017 йил 12 декабрдаги ПФ-5278-сон ва «Халқ таълимини бошқариш тизимини такомиллаштириш бўйича қўшимча чора-тадбирлар тўғрисида» 2018 йил 5 сентябрдаги ПФ-5538-сон фармонларига мувофиқ ҳамда болаларни давлат умумтаълим муассасаларига қабул қилиш бўйича давлат хизматлари кўрсатиш тизимини янада такомиллаштириш мақсадида Вазирлар Маҳкамаси қарор қилади:
1. Ўзбекистон Республикаси Халқ таълими вазирлиги ҳамда Ўзбекистон Республикаси Адлия вазирлигининг 2019/2020 ўқув йилидан бошлаб болаларни умумий ўрта таълим муассасаларига қабул қилиш жараёнини Давлат хизматлари марказлари ёки Ўзбекистон Республикаси Ягона интерактив давлат хизматлари портали орқали босқичма-босқич амалга ошириш ҳақида таклифи маъкуллансин.
2. Қуйидагилар:
Болаларни давлат умумий ўрта таълим муассасаларига қабул қилиш бўйича давлат хизматлари кўрсатишнинг маъмурий регламенти 1-иловага мувофиқ;
2019/2020 ўқув йилидан бошлаб болаларни умумий ўрта таълим муассасаларига қабул қилиш жараёни Давлат хизматлари марказлари ёки Ўзбекистон Республикаси Ягона интерактив давлат хизматлари портали орқали амалга ошириладиган умумий ўрта таълим муассасалари рўйхати 2-иловага мувофиқ тасдиқлансин.
3. Белгилансинки, 2019/2020 ўқув йили учун болаларни давлат умумий ўрта таълим муассасаларига (кейинги ўринларда умумтаълим муассасалари деб аталади) қабул қилиш 2019 йил 20 июндан бошлаб Давлат хизматлари марказлари ёки Ўзбекистон Республикаси Ягона интерактив давлат хизматлари портали (кейинги ўринларда ЯИДХП деб аталади) орқали босқичма-босқич жорий этилади.
4. Ўзбекистон Республикаси Халқ таълими вазирлиги 2019 йил 20 июнга қадар:
умумий ўрта таълим муассасаларига болаларни қабул қилишда Ўзбекистон Республикаси Ягона интерактив давлат хизматлари порталига интеграциялаш имконияти мавжуд бўлган махсус онлайн платформа (кейинги ўринларда платформа деб аталади) яратилишини;
платформада Давлат хизматлари марказлари ёки ЯИДХП орқали болаларни қабул қилиш жорий этиладиган умумтаълим муассасалари билан боғлиқ бўлган барча зарур маълумотлар жойлаштирилишини;
болаларни умумтаълим муассасаларига Давлат хизматлари маркази ёки ЯИДХП орқали қабул қилиш билан боғлиқ мурожаатларни кўриб чиқиш учун Қорақалпоғистон Республикаси Халқ таълими вазирлиги, вилоятлар халқ таълими бошқармалари ва Тошкент шаҳар халқ таълими бош бошқармасида мувофиқлаштирувчи ишчи гуруҳ ташкил этилишини;
Ўзбекистон Республикаси Адлия вазирлиги ҳузуридаги Давлат хизматлари агентлиги билан биргаликда Давлат хизматлари марказлари, туман (шаҳар) халқ таълими бўлимлари, умумтаълим муассасалари ходимлари иштирокида ушбу қарор билан тасдиқланган Маъмурий регламентнинг амалда қўлланилиши, унинг самарадорлиги ва натижадорлиги даражасини оширишга йўналтирилган ўқув семинарлари ўтказилишини таъминласин.
5. Ўзбекистон Республикаси Ахборот технологиялари ва коммуникацияларини ривожлантириш вазирлиги 2019 йил 20 июнга қадар Ўзбекистон Республикаси Халқ таълими вазирлиги ҳамда Ўзбекистон Республикаси Адлия вазирлиги ҳузуридаги Давлат хизматлари агентлиги билан биргаликда:
давлат хизматлари кўрсатишда иштирок этувчи тузилмаларнинг ЯИДХПга уланишини таъминласин;
ЯИДХПда болаларни умумтаълим муассасаларига қабул қилиш бўйича давлат хизматлари кўрсатишнинг ҳар бир босқичида жисмоний шахсларнинг мурожаатлари кўриб чиқилишини кузатиб бориш тартибини жорий этсин.
6. Ўзбекистон Республикаси Ички ишлар вазирлиги 2019 йил 15 июнга қадар фуқароларнинг доимий ва вақтинча яшаш жойлари манзиллари тўғрисидаги ахборот базасини Адлия вазирлиги ҳузуридаги Давлат хизматлари агентлигининг ахборот тизимига интеграция қилиш чораларини кўрсин.
7. Ўзбекистон Республикаси Адлия вазирлиги ҳузуридаги Давлат хизматлари агентлиги ушбу қарор билан тасдиқланган Болаларни давлат умумий ўрта таълим муассасаларига қабул қилиш бўйича давлат хизматлари кўрсатишнинг маъмурий регламенти талаблари бузилганлиги учун тегишли ташкилотларнинг мансабдор шахсларига нисбатан маъмурий жазо чораларини белгиланган тартибда қўлласин.
8. Ўзбекистон Республикаси Халқ таълими вазирлиги манфаатдор вазирликлар ва идоралар билан биргаликда икки ой муддатда улар қабул қилган норматив-ҳуқуқий ҳужжатларни ушбу қарорга мувофиқлаштирсин.
9. Ушбу қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари А.А. Абдухакимов, Ўзбекистон Республикаси адлия вазири Р.К. Давлетов ва Ўзбекистон Республикаси халқ таълими вазири Ш.Х. Шерматов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 7 июнь,
469-сон
Вазирлар Маҳкамасининг 2019 йил 7 июндаги 469-сон қарорига
1-ИЛОВА
1-ИЛОВА
Болаларни давлат умумий ўрта таълим муассасаларига қабул қилиш бўйича давлат хизматлари кўрсатишнинг
МАЪМУРИЙ РЕГЛАМЕНТИ
1-боб. Умумий қоидалар
1. Ушбу Регламент Давлат хизматлари марказлари ёки Ўзбекистон Республикаси Ягона интерактив давлат хизматлари портали (кейинги ўринларда ЯИДХП деб юритилади) орқали болаларни умумий ўрта таълим муассасаларига (кейинги ўринларда умумтаълим муассасалари деб аталади) қабул қилиш тартибини белгилайди.
2. Ушбу Регламент талаблари қуйидаги умумтаълим муассасаларига нисбатан қўлланилади:
бошланғич мактаб;
умумий ўрта таълим мактаби;
айрим фанлар чуқур ўрганиладиган ихтисослаштирилган мактаб (ихтисослаштирилган санъат ва маданият мактаблари ва мактаб-интернатлар, олимпия захиралари коллежлари бундан мустасно).
(2-банднинг тўртинчи хатбошиси Ўзбекистон Республикаси Вазирлар Маҳкамасининг 2020 йил 12 августдаги 480-сонли қарори таҳририда — Қонун ҳужжатлари маълумотлари миллий базаси, 13.08.2020 й., 09/20/480/1168-сон)
3. Болаларни умумтаълим муассасаларига қабул қилиш жараёнини амалга оширишда:
а) туман (шаҳар) ҳокимликлари:
заруратга кўра тегишли йилнинг 1 январига қадар умумтаълим муассасаларига бириктирилган ҳудудларни (кейинги ўринларда микроҳудуд деб аталади) тасдиқлайди;
б) Қорақалпоғистон Республикаси Ички ишлар вазирлиги, вилоятлар ички ишлар бошқармалари ва Тошкент шаҳар ички ишлар бош бошқармаси ҳузуридаги Манзил-маълумот бюролари (кейинги ўринларда манзил-маълумот бюролари деб аталади) ота-оналар ёки уларнинг ўрнини босувчи шахсларнинг (кейинги ўринларда ариза берувчилар деб аталади) микроҳудудда доимий яшаш жойи бўйича рўйхатга олинганлиги, шунингдек, маълумот мавжуд эмаслиги ҳақида ахборот беради;
(3-банднинг «б» кичик банди Ўзбекистон Республикаси Вазирлар Маҳкамасининг 28 сентябрдаги 593-сонли қарори таҳририда — Қонун ҳужжатлари маълумотлари миллий базаси, 29.09.2020 й., 09/20/593/1340-сон)
в) Халқ таълими вазирлиги:
умумтаълим муассасаларига болаларни қабул қилишда Ўзбекистон Республикаси ЯИДХПга интеграциялаш имконияти мавжуд бўлган онлайн платформани (кейинги ўринларда платформа деб аталади) ишлаб чиқади;
ушбу платформа узлуксиз ишлашини ҳамда техник қўллаб-қувватланишини таъминлайди;
платформада таълим муассасалари тўғрисидаги маълумотлар янгилаб борилишини таъминлайди;
платформада умумтаълим муассасаларига бириктирилган микроҳудуддаги кўп қаватли уй ва кўча номлари, микроҳудуддаги мактаб ёшидаги болалар сони, 1-синфга қабул режаси, қабул қилинган болалар сони ва бўш ўринларнинг мавжудлиги кўрсатилади;
г) ариза берувчилар умумтаълим муассасасига йўлланма билан мурожаат қилади.
4. Қорақалпоғистон Республикаси Халқ таълими вазирлиги, Тошкент шаҳар халқ таълими бош бошқармаси ва вилоятлар халқ таълими бошқармалари тегишли йилнинг 1 апрелига қадар умумтаълим муассасаларининг 1-синфга қабул квотасини белгилайди.
Қабул квотаси асосий ва қўшимча квота турларига ажратилади.
Асосий квота — туман (шаҳар) ҳокимликлари томонидан умумтаълим муассасаларига бириктирилган микроҳудудда истиқомат қилаётган фуқароларнинг мактаб ёшидаги фарзандлари, отаси ёки онаси I гуруҳ ногирони бўлган ҳамда етим ёки ота-она қарамоғидан маҳрум бўлган болалар сонини (кейинги ўринларда асосий квота деб аталади) инобатга олган ҳолда шакллантирилади.
(4-банднинг учинчи хатбошиси Ўзбекистон Республикаси Вазирлар Маҳкамасининг 2019 йил 7 августдаги 651-сонли қарори таҳририда — Қонун ҳужжатлари маълумотлари миллий базаси, 08.08.2019 й., 09/19/651/3533-сон)
Қўшимча квота ― умумтаълим муассасаларининг имкониятидан келиб чиқиб, тегишли микроҳудуд бўйича асосий квотага тушмаган болалар учун ажратилади.
(4-банднинг тўртинчи хатбошиси Ўзбекистон Республикаси Вазирлар Маҳкамасининг 2019 йил 7 августдаги 651-сонли қарори таҳририда — Қонун ҳужжатлари маълумотлари миллий базаси, 08.08.2019 й., 09/19/651/3533-сон)
5. Давлат хизматлари марказлари, мувофиқлаштирувчи ишчи гуруҳлар ва манзил-маълумот бюролари ўртасида ахборот алмашуви фақат идоралараро электрон ўзаро ҳамкорлик орқали, электрон рақамли имзони (кейинги ўринларда ЭРИ деб аталади) қўллаган ҳолда амалга оширилади.
Болаларни умумтаълим муассасаларига қабул қилишда давлат хизматлари кўрсатилганлиги учун йиғим ундирилмайди.
(5-банд Ўзбекистон Республикаси Вазирлар Маҳкамасининг 2019 йил 7 августдаги 651-сонли қарорига асосан хатбоши билан тўлдирилган — Қонун ҳужжатлари маълумотлари миллий базаси, 08.08.2019 й., 09/19/651/3533-сон)
6. Болаларни умумтаълим муассасаларига асосий квота бўйича қабул қилиш ушбу Регламентга 1-иловада келтирилган схема бўйича амалга оширилади.
Бунда, етим болалар ва ота-она қарамоғидан маҳрум бўлган болалар давлат умумтаълим муассасаларига навбатга қўйилмаган ҳолда асосий квота доирасида жойлаштирилади.
(6-банд Ўзбекистон Республикаси Вазирлар Маҳкамасининг 2021 йил 25 октябрдаги 656-сонли қарорига асосан иккинчи хатбоши билан тўлдирилган — Қонунчилик маълумотлари миллий базаси, 26.10.2021 й., 09/21/656/0996-сон)
Болаларни умумтаълим муассасаларига қўшимча квота бўйича қабул қилиш Вазирлар Маҳкамасининг 2017 йил 15 мартдаги 140-сон қарори билан тасдиқланган Умумий ўрта таълим тўғрисидаги низомга мувофиқ белгиланган умумий талаблар асосида тегишли умумтаълим муассасалари директорлари томонидан амалга оширилади.
(6-банд Ўзбекистон Республикаси Вазирлар Маҳкамасининг 2019 йил 7 августдаги 651-сонли қарори таҳририда — Қонун ҳужжатлари маълумотлари миллий базаси, 08.08.2019 й., 09/19/651/3533-сон)
2-боб. Болаларни умумтаълим муассасаларига асосий квота бўйича қабул қилиш тартиби
7. Болаларни умумтаълим муассасаларига асосий квота бўйича қабул қилиш ҳар йили 15 июндан 10 августга қадар амалга оширилади.
(7-банд Ўзбекистон Республикаси Вазирлар Маҳкамасининг 2019 йил 7 августдаги 651-сонли қарори таҳририда — Қонун ҳужжатлари маълумотлари миллий базаси, 08.08.2019 й., 09/19/651/3533-сон)
8. Умумтаълим муассасаларига бириктирилган микроҳудуд бўйича тегишли йилнинг 31 декабрига қадар 7 ёшга тўладиган болалар қабул қилинади.
9. Ариза берувчи йўлланма олиш учун Давлат хизматлари марказига мурожаат қилади ёки электрон тарзда давлат хизматларидан фойдаланиш учун ЯИДХПда рўйхатдан ўтади.
Олдинги таҳрирга қаранг.
(10-банд Ўзбекистон Республикаси Вазирлар Маҳкамасининг 2019 йил 7 августдаги 651-сонли қарорига асосан ўз кучини йўқотган — Қонун ҳужжатлари маълумотлари миллий базаси, 08.08.2019 й., 09/19/651/3533-сон)
11. Давлат хизматлари маркази ходими ариза берувчи номидан, ЯИДХП орқали мурожаат қилинган тақдирда эса ариза берувчи давлат хизматлари олиш учун сўровномани электрон тарзда мустақил равишда, платформада жойлаштирилган маълумотдан фойдаланган ҳолда ушбу Регламентга 2-иловада келтирилган сўровномага мувофиқ шакл бўйича тўлдиради.
Ариза берувчилардан ушбу Регламентга 2-иловада келтирилган сўровномада кўрсатилмаган маълумотлар ва ҳужжатларни тақдим этишни талаб қилиш қатъиян тақиқланади.
Сўровномада ишончсиз маълумотларнинг кўрсатилиши давлат хизматлари кўрсатишни рад этиш учун асос ҳисобланади.
12. Сўровнома тўлдирилгандан сўнг Давлат хизматлари маркази ходими сўровномани қоғозга чиқаради ва ариза берувчига беради. Ариза берувчи маълумотларнинг тўғрилигини текшириб, уни ўз ЭРИ билан тасдиқлайди.
Ўзи келиб мурожаат этган тақдирда сўровномани ЭРИ билан тасдиқлаш имконияти бўлмаган ҳолларда тегишли имзолар идентификация қилишнинг бошқа воситалари (дактилоскопия, электрон имзо ва бошқалар) билан ҳам тасдиқланиши мумкин.
13. Давлат хизматлари марказлари сўровнома тўлдирилган вақтдан бошлаб бир соат мобайнида уни манзил-маълумот бюросига юборади.
ЯИДХП орқали мурожаат қилинган тақдирда сўровнома автоматик равишда манзил-маълумот бюросига юборилади.
14. Боланинг қариндошлари томонидан умумтаълим муассасасига йўлланма олиш фақат боланинг ота-онаси томонидан белгиланган тартибда берилган (нотариал тасдиқланган) ишончнома асосида амалга оширилади.
15. Манзил-маълумот бюролари сўровнома тушганидан бошлаб бир иш куни мобайнида ариза берувчиларнинг микроҳудудда доимий яшаш жойи бўйича рўйхатга олинганлиги (олинмаганлиги), шунингдек, маълумот мавжуд эмаслиги ҳақидаги маълумотни тегишли Давлат хизматлари марказларига юборади.
(15-банд Ўзбекистон Республикаси Вазирлар Маҳкамасининг 2020 йил 28 сентябрдаги 593-сонли қарори таҳририда — Қонун ҳужжатлари маълумотлари миллий базаси, 29.09.2020 й., 09/20/593/1340-сон)
16. Давлат хизматлари марказлари манзил-маълумот бюроларидан маълумот тушганидан бошлаб бир иш куни мобайнида QR-код (матрик штрихли код) қўйилган йўлланмани ёки асослантирилган рад жавобини расмийлаштиради.
Ариза берувчиларнинг микроҳудудда доимий яшаш жойи бўйича рўйхатга олинмаганлиги, йўлланма беришни рад этиш учун асос бўлади.
(16-банднинг иккинчи хатбошиси Ўзбекистон Республикаси Вазирлар Маҳкамасининг 28 сентябрдаги 593-сонли қарори таҳририда — Қонун ҳужжатлари маълумотлари миллий базаси, 29.09.2020 й., 09/20/593/1340-сон)
Йўлланма беришни бошқа асослар бўйича рад этиш тақиқланади.
Бунда болаларни умумтаълим муассасаларига қабул қилиш қўшимча квота бўйича белгиланган тартибда амалга оширилади.
17. Давлат хизматлари маркази ариза берувчининг сўровига кўра унга йўлланмани ёки асослантирилган рад жавобини электрон шаклда ёки қоғоз шаклда муҳрини босиб, масъул ходимнинг имзосини қўйиб беради.
ЯИДХП орқали мурожаат қилинганда йўлланма ёки асосланган рад жавоби ариза берувчининг электрон почта манзилига юборилади.
3-боб. Болаларни умумтаълим муассасаларига қўшимча квота бўйича қабул қилиш тартиби
18. Болаларни умумтаълим муассасаларига қўшимча квота бўйича қабул қилиш ҳар йили 10 августдан 31 августга қадар амалга оширилади.
(18-банд Ўзбекистон Республикаси Вазирлар Маҳкамасининг 2019 йил 7 августдаги 651-сонли қарори таҳририда — Қонун ҳужжатлари маълумотлари миллий базаси, 08.08.2019 й., 09/19/651/3533-сон)
19. Қўшимча квота умумтаълим муассасасининг ўқувчиларни қабул қилиш учун малакали педагог кадрлар билан таъминланганлиги, синф хоналарининг ўқув мебеллари билан жиҳозланганлигидан келиб чиқиб Кузатув кенгашининг тавсияси ва умумтаълим муассасаси раҳбарининг буюртмаси асосида Қорақалпоғистон Республикаси халқ таълими вазири, Тошкент шаҳар халқ таълими бош бошқармаси ва вилоятлар халқ таълими бошқармалари бошлиқларининг буйруғи билан тасдиқланади.
Олдинги таҳрирга қаранг.
(20-банд Ўзбекистон Республикаси Вазирлар Маҳкамасининг 2019 йил 7 августдаги 651-сонли қарорига асосан ўз кучини йўқотган — Қонун ҳужжатлари маълумотлари миллий базаси, 08.08.2019 й., 09/19/651/3533-сон)
Олдинги таҳрирга қаранг.
(21-банд Ўзбекистон Республикаси Вазирлар Маҳкамасининг 2019 йил 7 августдаги 651-сонли қарорига асосан ўз кучини йўқотган — Қонун ҳужжатлари маълумотлари миллий базаси, 08.08.2019 й., 09/19/651/3533-сон)
Олдинги таҳрирга қаранг.
(22-банд Ўзбекистон Республикаси Вазирлар Маҳкамасининг 2019 йил 7 августдаги 651-сонли қарорига асосан ўз кучини йўқотган — Қонун ҳужжатлари маълумотлари миллий базаси, 08.08.2019 й., 09/19/651/3533-сон)
Олдинги таҳрирга қаранг.
(23-банд Ўзбекистон Республикаси Вазирлар Маҳкамасининг 2019 йил 7 августдаги 651-сонли қарорига асосан ўз кучини йўқотган — Қонун ҳужжатлари маълумотлари миллий базаси, 08.08.2019 й., 09/19/651/3533-сон)
Олдинги таҳрирга қаранг.
(24-банд Ўзбекистон Республикаси Вазирлар Маҳкамасининг 2019 йил 7 августдаги 651-сонли қарорига асосан ўз кучини йўқотган — Қонун ҳужжатлари маълумотлари миллий базаси, 08.08.2019 й., 09/19/651/3533-сон)
4-боб. Умумтаълим муассасаларига болаларнинг шахсий ҳужжатларини қабул қилиш ва расмийлаштириш тартиби
26. Ариза берувчилар умумтаълим муассасасига асосий квота бўйича қабул қилиш учун йўлланмани олган кундан бошлаб уч иш куни мобайнида (йўлланма билан бирга) умумтаълим муассасасига қуйидаги ҳужжатларни топширади.
(26-банднинг биринчи хатбошиси Ўзбекистон Республикаси Вазирлар Маҳкамасининг 2019 йил 7 августдаги 651-сонли қарори таҳририда — Қонун ҳужжатлари маълумотлари миллий базаси, 08.08.2019 й., 09/19/651/3533-сон)
боланинг соғлиғи тўғрисида тиббий маълумотнома;
боланинг 3,5 х 4,5 см ўлчамли 4 дона рангли фотосурати;
ариза берувчининг паспорти нусхаси;
боланинг туғилганлик ҳақидаги гувоҳномаси нусхаси.
27. Болаларни умумтаълим муассасасига қабул қилиш йўлланма тақдим этилганда умумтаълим муассасалари томонидан белгиланган тартибда расмийлаштирилади.
Болаларни умумтаълим муассасаларига йўлланмалар мавжуд бўлмаганда расмийлаштиришга йўл қўйилмайди.
28. Боланинг соғлиғи тўғрисида тиббий маълумотномада ўқишга тавсия этилган тиббий хулоса мавжуд бўлганда (соғлом эканлиги кўрсатилганда) бола умумтаълим муассасасига қабул қилинади.
5-боб. Якунловчи қоидалар
29. Умумтаълим мактаблари асосий квота доирасида тўлиқ қамраб олингандан сўнг бўш ўринлар қўшимча квота асосида тўлдирилади.
Асосий квота бўйича белгиланган ўринлар етарли бўлмаган тақдирда қўшимча квота ҳисобига қабул қилинади.
Умумтаълим муассасаларининг 1-синфларига тасдиқланган қабул квоталар бажарилгандан сўнг аризаларни қабул қилиш тўхтатилади.
Умумтаълим муассасаларига қабул квотасидан ташқари ва Давлат хизматлари маркази ёки ЯИДХП орқали олинган йўлланмаларсиз ҳамда синфларда 35 нафардан ортиқ ўқувчиларни қабул қилишга йўл қўйилмайди.
30. Давлат хизматлари марказлари, умумтаълим муассасалари ва манзил-маълумот бюролари ўз фаолиятини амалга ошириш натижасида олинган ариза берувчи тўғрисидаги маълумотларнинг махфийлигини таъминлайди.
31. Ўзбекистон Республикаси Адлия вазирлиги ҳузуридаги Давлат хизматлари агентлиги, унинг ҳудудий бошқармалари ва Давлат хизматлари марказлари ушбу Регламент талабларининг бажарилиши бўйича давлат органлари ва бошқа ташкилотларнинг фаолияти юзасидан, шу жумладан, ЯИДХП орқали доимий назоратни ва мониторингни амалга оширадилар.
32. Болаларни умумтаълим муассасаларига Давлат хизматлари маркази ёки ЯИДХП орқали қабул қилиш билан боғлиқ мурожаатлар Қорақалпоғистон Республикаси Халқ таълими вазирлиги, вилоятлар халқ таълими бошқармалари ва Тошкент шаҳар халқ таълими бош бошқармасида ташкил этилган мувофиқлаштирувчи ишчи гуруҳ томонидан кўриб чиқилади.
33. Давлат органлари ва бошқа ташкилотлар ходимларининг хатти-ҳаракатлари юзасидан ариза берувчи томонидан қонунчилик ҳужжатларида белгиланган тартибда шикоят қилиниши мумкин.
(33-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
34. Ушбу Регламент талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.
(34-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
Болаларни давлат умумий ўрта таълим муассасаларига қабул қилиш бўйича давлат хизматлари кўрсатишнинг маъмурий регламентига
1-ИЛОВА
1-ИЛОВА
Болаларни асосий квота асосида давлат умумтаълим муассасаларига қабул қилиш
СХЕМАСИ
(1-илова Ўзбекистон Республикаси Вазирлар Маҳкамасининг 2019 йил 7 августдаги 651-сонли қарори таҳририда — Қонун ҳужжатлари маълумотлари миллий базаси, 08.08.2019 й., 09/19/651/3533-сон)
Болаларни давлат умумий ўрта таълим муассасаларига қабул қилиш бўйича давлат хизматлари кўрсатишнинг маъмурий регламентига
2-ИЛОВА
2-ИЛОВА
Болаларни давлат умумтаълим муассасаларига қабул қилиш бўйича давлат хизматларидан фойдаланиш учун
сўровнома*
|
1. Болаларга нисбатан (ота, она, уларнинг ўрнини босувчи шахс) |
||
|
2. Ф.И.О. |
||
|
3. Паспорт маълумотлари (рақами ва серияси) |
||
|
4. Жисмоний шахснинг шахсий идентификация рақами (ЖШ ШИР) (мавжуд бўлганда) |
||
|
5. Манзили |
||
|
6. Телефон рақами |
||
|
7. Электрон почта манзили |
||
|
| ||
|
1. Ф.И.О. |
||
|
2. Туғилган йили |
||
|
3. Туғилиш ҳақида гувоҳнома маълумотлари (рақами ва серияси) |
||
|
4. Бола оиласи билан яшайдиган манзил |
||
|
5. Манзилнинг қайси умумтаълим муассаси микроҳудудига кириши |
||
|
| ||
|
1. (Туман, шаҳар) халқ таълими бўлими |
||
|
2. Умумтаълим муассасаси рақами |
||
|
3. Таълим тили |
||
|
| ||
|
1. Отаси ёки онаси I гуруҳ ногиронлиги бўлган бола (ногиронликни тасдиқловчи ҳужжат) |
||
|
2. Етим ёки ота-она қарамоғидан маҳрум бўлган бола (ота-онасининг вафоти ҳақида гувоҳнома ёки бошқа ҳужжат серияси ва рақами) |
||
|
* Ушбу сўровнома тақдим этиладиган асл нусхадаги ҳужжатлар асосида тўлдирилади. |
||
|
20__й.____ _______________ |
Имзо: _________________. | |
* Ушбу сўровнома тақдим этиладиган асл нусхадаги ҳужжатлар асосида тўлдирилади.
(2-илова Ўзбекистон Республикаси Вазирлар Маҳкамасининг 2022 йил 8 февралдаги 62-сонли қарори таҳририда — Қонунчилик маълумотлари миллий базаси, 08.02.2022 й., 09/22/62/0111-сон)
Вазирлар Маҳкамасининг 2019 йил 7 июндаги 469-сон қарорига
2-ИЛОВА
2-ИЛОВА
2019/2020 ўқув йилидан бошлаб болаларни умумий ўрта таълим муассасаларига қабул қилиш жараёни Давлат хизматлари марказлари ёки Ўзбекистон Республикаси Ягона интерактив давлат хизматлари портали орқали амалга ошириладиган таълим муассасалари рўйхати
|
Т/р |
Туманлар номи |
Умумий ўрта таълим муассасалари сони |
Умумий ўрта таълим муассасалари рўйхати |
|
1. |
Бектемир |
4 |
289, 290, 291, 293-сон умумтаълим мактаблари |
|
2. |
Миробод |
6 |
31, 60, 94, 110, 125, 263-сон умумтаълим мактаблари |
|
3. |
Мирзо Улуғбек |
7 |
35, 50, 64, 71, 187, 210, 279-сон умумтаълим мактаблари |
|
4. |
Олмазор |
7 |
159, 191, 233, 242, 243, 249, 298-сон умумтаълим мактаблари |
|
5. |
Сергели |
3 |
6, 7, 300-сон умумтаълим мактаблари |
|
6. |
Учтепа |
7 |
38, 44, 74, 75, 107, 228, 238-сон умумтаълим мактаблари |
|
7. |
Чилонзор |
9 |
101, 103, 164, 168, 178, 184, 195, 217, 280-сон умумтаълим мактаблари |
|
8. |
Шайхонтоҳур |
7 |
19, 34, 42, 59, 169, 180, 314-сон умумтаълим мактаблари |
|
9. |
Юнусобод |
14 |
5, 17, 43, 51, 86, 97, 98, 235, 246, 257, 260, 272, 302, 313-сон умумтаълим мактаблари |
|
10. |
Яккасарой |
4 |
89, 91, 144, 160-сон умумтаълим мактаблари |
|
11. |
Яшнобод |
7 |
61, 145, 151, 152, 166, 282, 307-сон умумтаълим мактаблари |
|
Ўзбекистон Республикаси Халқ таълими вазирлигининг бевосита тасарруфидаги давлат умумтаълим мактаблари | |||
|
1. |
Мирзо Улуғбек |
3 |
Профилли меҳнат таълимига ихтисослаштирилган давлат умумтаълим мактаби |
|
Мирзо Улуғбек номидаги астрономия физика, математика, информатика фанларига ихтисослаштирилган давлат умумтаълим мактаби | |||
|
Филология фанларига ихтисослаштирилган давлат умумтаълим мактаби | |||
|
2. |
Учтепа |
1 |
Хорижий тилларга ихтисослаштирилган давлат умумтаълим мактаби |
|
3. |
Юнусобод |
1 |
Табиий фанларга ихтисослаштирилган давлат умумтаълим мактаби |
|
4. |
Олмазор |
1 |
Аниқ фанларга ихтисослаштирилган давлат умумтаълим мактаби |
|
Жами |
81 та |
||
Изоҳ. Ўзбекистон Республикаси Халқ таълими вазирлиги Ўзбекистон Республикаси Адлия вазирлиги ҳузуридаги Давлат хизматлари агентлиги билан келишган ҳолда умумий ўрта таълим муассасалари рўйхатига ўзгартириш ва қўшимчалар киритиши мумкин.
(Қонун ҳужжатлари маълумотлари миллий базаси, 08.06.2019 й., 09/19/469/3250-сон, 08.08.2019 й., 09/19/651/3533-сон; 29.12.2019 й., 09/19/1046/4242-сон; 13.08.2020 й., 09/20/480/1168-сон, 29.09.2020 й., 09/20/593/1340-сон; Қонунчилик маълумотлари миллий базаси, 26.10.2021 й., 09/21/656/0996-сон, 08.02.2022 й., 09/22/62/0111-сон, Қонунчилик маълумотлари миллий базаси, 05.04.2022 й., 09/22/153/0266-сон)
