Ҳужжат кучини йўқотган " " 03.09.2022
Ўзбекистон Республикаси Вазирлар Маҳкамасининг
қарори
Болаларни давлат умумий ўрта таълим муассасаларига қабул қилиш бўйича давлат хизматлари кўрсатишнинг маъмурий регламентига ўзгартиришлар ва қўшимча киритиш тўғрисида
 LexUZ шарҳи
Мазкур қарор Ўзбекистан Республикаси Вазирлар Маҳкамасининг 2022 йил 1 июндаги 295-сонли «Халқ таълими тизимида давлат хизматлари кўрсатишни янада такомиллаштириш тўғрисида»ги қарорига асосан 2022 йил 3 сентябрдан ўз кучини йўқотади.
Болаларни давлат умумий ўрта таълим муассасаларига қабул қилиш бўйича давлат хизматлари кўрсатиш тизимини янада такомиллаштириш, аҳолига давлат хизматлари кўрсатишда қулайликлар яратиш мақсадида Вазирлар Маҳкамаси қарор қилади:
1. Вазирлар Маҳкамасининг 2019 йил 7 июндаги 469-сон қарори билан тасдиқланган Болаларни давлат умумий ўрта таълим муассасаларига қабул қилиш бўйича давлат хизматлари кўрсатишнинг маъмурий регламентига иловага мувофиқ ўзгартиришлар ва қўшимча киритилсин.
2. Ўзбекистон Республикаси Халқ таълими вазирлиги барча умумий ўрта таълим муассасаларида таълим сифатини янада оширишни таъминлаш мақсадида ўқитувчилар салоҳиятини юксалтириш, умумий ўрта таълим муассасаларининг моддий-техник базасини мустаҳкамлаш, ўқувчилар сонини белгиланган меъёрларга мослаштириш, ўқувчи-ёшларнинг сифатли таълим-тарбия олишлари учун зарур шарт-шароитлар яратиш чораларини кўрсин.
3. Ўзбекистон Республикаси Халқ таълими вазирлиги, Адлия вазирлиги манфаатдор вазирликлар ва идоралар билан биргаликда бир ой муддатда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсин.
4. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари А.А. Абдухакимов, Ўзбекистон Республикаси халқ таълими вазири Ш.Х. Шерматов ва Ўзбекистон Республикаси адлия вазири Р.К. Давлетов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 7 август,
651-сон
Вазирлар Маҳкамасининг 2019 йил 7 августдаги 651-сон қарорига
ИЛОВА
Болаларни давлат умумий ўрта таълим муассасаларига қабул қилиш бўйича давлат хизматлари кўрсатишнинг маъмурий регламентига киритилаётган ўзгартиришлар ва қўшимча
1. 4-банднинг учинчи ва тўртинчи хатбошилари қуйидаги таҳрирда баён этилсин:
«Асосий квота — туман (шаҳар) ҳокимликлари томонидан умумтаълим муассасаларига бириктирилган микроҳудудда истиқомат қилаётган фуқароларнинг мактаб ёшидаги фарзандлари, отаси ёки онаси I гуруҳ ногирони бўлган ҳамда етим ёки ота-она қарамоғидан маҳрум бўлган болалар сонини (кейинги ўринларда асосий квота деб аталади) инобатга олган ҳолда шакллантирилади.
Қўшимча квота ― умумтаълим муассасаларининг имкониятидан келиб чиқиб, тегишли микроҳудуд бўйича асосий квотага тушмаган болалар учун ажратилади.».
2. 5-бандга қуйидаги мазмундаги хатбоши қўшилсин:
«Болаларни умумтаълим муассасаларига қабул қилишда давлат хизматлари кўрсатилганлиги учун йиғим ундирилмайди».
3. 6-банд қуйидаги таҳрирда баён қилинсин:
«6. Болаларни умумтаълим муассасаларига асосий квота бўйича қабул қилиш ушбу Регламентга 1-иловада келтирилган схема бўйича амалга оширилади.
Болаларни умумтаълим муассасаларига қўшимча квота бўйича қабул қилиш Вазирлар Маҳкамасининг 2017 йил 15 мартдаги 140-сон қарори билан тасдиқланган Умумий ўрта таълим тўғрисидаги низомга мувофиқ белгиланган умумий талаблар асосида тегишли умумтаълим муассасалари директорлари томонидан амалга оширилади».
4. 7-банддаги «31 августга» сўзлари «10 августга» сўзлари билан алмаштирилсин.
5. 10, 20 ― 24-бандлар ўз кучини йўқотган деб ҳисоблансин.
6. 18-банддаги «15 июндан» сўзлари «10 августдан» сўзлари билан алмаштирилсин.
7. 26-банднинг биринчи хатбоши қуйидаги таҳрирда баён қилинсин:
«26. Ариза берувчилар умумтаълим муассасасига асосий квота бўйича қабул қилиш учун йўлланмани олган кундан бошлаб уч иш куни мобайнида (йўлланма билан бирга) умумтаълим муассасасига қуйидаги ҳужжатларни топширади».
8. 1 ва 2-иловалар қуйидаги таҳрирда баён қилинсин:
«Болаларни давлат умумий ўрта таълим муассасаларига қабул қилиш бўйича давлат хизматлари кўрсатишнинг маъмурий регламентига
1-ИЛОВА
Болаларни асосий квота асосида давлат умумтаълим муассасаларига қабул қилиш
СХЕМАСИ
Болаларни давлат умумий ўрта таълим муассасаларига қабул қилиш бўйича давлат хизматлари кўрсатишнинг маъмурий регламентига
2-ИЛОВА
Болаларни давлат умумтаълим муассасаларига қабул қилиш бўйича давлат хизматларидан фойдаланиш учун
сўровнома*


I. Ариза берувчи ҳақидаги маълумотлар:

1. Болаларга нисбатан (ота, она, уларнинг ўрнини босувчи шахс)

2. Ф.И.О.

3. Паспорт маълумотлари (рақами ва серияси)

4. Жисмоний шахснинг шахсий идентификация рақами (ЖШ ШИР) (мавжуд бўлганда)

5. Манзили

6. Телефон рақами

7. Электрон почта манзили


II. Бола ҳақидаги маълумотлар:

1. Ф.И.О.

2. Туғилган йили

3. Туғилиш ҳақида гувоҳнома маълумотлари (рақами ва серияси)

4. Бола оиласи билан яшайдиган манзил

5. Манзилнинг қайси умумтаълим муассаси микроҳудудига кириши


III. Умумтаълим муассасаси ҳақидаги маълумотлар:

1. (Туман, шаҳар) халқ таълими бўлими

2. Умумтаълим муассасаси рақами

3. Таълим тили


IV. Қўшимча маълумотлар (зарурат бўлганда)

1. Отаси ёки онаси I гуруҳ ногирон бола (ногиронликни тасдиқловчи ҳужжат)

2. Етим ёки ота-она қарамоғидан маҳрум бўлган бола (ота-онасининг вафоти ҳақида гувоҳнома ёки бошқа ҳужжат серияси ва рақами)

* Ушбу сўровнома тақдим этиладиган асл нусхадаги ҳужжатлар асосида тўлдирилади.

20__й.____ _______________

Имзо: _________________.»

(Қонун ҳужжатлари маълумотлари миллий базаси, 08.08.2019 й., 09/19/651/3533-сон)