Ўзбекистон Республикаси ҳудуди орқали транзит ташишларда хорижий автоташувчилар учун қўшимча қулай шарт-шароитларни, ҳамда автомобиль транспортида экспорт-импорт юкларни узлуксиз ташишни таъминлаш мақсадида Вазирлар Маҳкамаси қарор қилади:

1. Ўзбекистон Республикаси Ҳукуматининг иловага мувофиқ айрим қарорларига ўзгартириш ва қўшимчалар киритилсин.

2. Ўзбекистон Республикаси Ташқи ишлар вазирлиги дипломатик каналлар орқали хорижий давлатларнинг элчихоналари, консулликлари ва ваколатхоналарини мазкур қарор қоидалари тўғрисида хабардор қилсин.

3. Ўзбекистон автомобиль транспорти агентлиги манфаатдор вазирликлар ва идоралар билан ҳамкорликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.

4. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари ― «Ўзбекистон темир йўллари» АЖ бошқаруви раиси А.Ж. Раматов зиммасига юклансин.

1. Вазирлар Маҳкамасининг «Автомобилда хорижий юк ташувчиларнинг Ўзбекистон Республикаси ҳудудига киришлари, бўлишлари, юк олиб ўтишлари ва ундан чиқиб кетишлари тартиби тўғрисида» 1995 йил 11 январдаги 11-сон қарорида:

а) 1-банднинг иккинчи хатбоши чиқариб ташлансин;

б) 4-бандида:

биринчи хатбошисидаги «3» рақами «5» рақами билан алмаштирилсин;

иккинчи хатбоши чиқариб ташлансин;

в) давлат тилидаги матн 6-бандининг бешинчи хатбошидаги «беш фоиздан ортиқ бўлганда» сўзлари «беш фоизгача бўлганда (беш фоиз ҳам қўшилган ҳолда)» сўзлари билан алмаштирилсин.

2. Вазирлар Маҳкамасининг 1996 йил 21 ноябрдаги 408-сон қарори билан тасдиқланган Ўзбекистон Республикаси ҳудуди орқали чет эл фуқаролари ва фуқаролиги йўқ шахсларнинг транзит ўтиш қоидаларининг 8-бандида:

а) қуйидаги мазмундаги иккинчи хатбоши қўшилсин:

«мазкур банднинг биринчи хатбошида назарда тутилган талаблар Ўзбекистон Республикаси чегаралари орқали сафар йўналиши қайд этилган автотранспорт воситасида (тунаш учун қайта бутланган ер усти автотранспорт воситасида) туристик (нотижорат) мақсадларда транзит ўтаётган чет эл фуқароларига татбиқ этилмайди»;

б) иккинчи хатбоши учинчи хатбошиси деб ҳисоблансин.

4. Вазирлар Маҳкамасининг «Ўзбекистон Республикаси ҳудуди орқали алоҳида юклар ва ҳарбий бўлинмалар транзитини давлат томонидан бошқариш ва назорат қилиш тўғрисида» 2002 йил 21 февралдаги 62-сон қарорида (Ўзбекистон Республикаси ҚТ, 2002 й., 2-сон, 10-модда):

а) 5-банднинг учинчи хатбошига «Мудофаа вазири» сўзларидан кейин «у бўлмаган тақдирда — Ўзбекистон Республикаси Мудофаа вазирининг биринчи ўринбосари томонидан» сўзлари қўшилсин;

б) 3-иловада:

4-бандга «Мудофаа вазири» сўзларидан кейин «у бўлмаган тақдирда ― Мудофаа вазирининг биринчи ўринбосари» сўзлари қўшилсин;

12-банддаги «уч» ва «ўн кун» сўзлари тегишли равишда «икки» ва «етти кун» сўзлари билан алмаштирилсин:

13-банддаги «ўн беш» сўзлари «ўн» сўзи билан алмаштирилсин;

15-банднинг биринчи хатбошидаги «ўттиз» сўзи «йигирма» сўзи билан алмаштирилсин;

16-банднинг иккинчи хатбошидаги «икки кун» сўзлари «бир кун» сўзлари билан алмаштирилсин;

17-банд қуйидаги таҳрирда баён қилинсин:

«17. Транзит учун рухсатноманинг амал қилиш муддати у имзоланган санадан бошлаб уч ойни ташкил этади»;

18-бандда:

иккинчи хатбошидаги «ўн кун» ва «уч» сўзлари тегишли равишда «етти кун» ва «икки» сўзлари билан алмаштирилсин;

учинчи хатбошидаги «уч кун» сўзи «икки кун» сўзи билан алмаштирилсин.

5. Вазирлар Маҳкамасининг 2006 йил 14 июлдаги 138-сон қарори (Ўзбекистон Республикаси ҚТ, 2006 й., 7-сон, 51-модда) билан тасдиқланган Шаҳар, шаҳар атрофи, шаҳарлараро ва халқаро автомобилда йўловчилар ва юк ташишларини амалга оширишни лицензиялаш тўғрисидаги низомнинг 11-банди қуйидаги таҳрирда баён қилинсин:

«11. Ҳужжатлар лицензияловчи органга бевосита лицензия талабгори томонидан ёхуд улар олинганлигини тасдиқловчи билдиришнома билан почта алоқа воситаси орқали ёки электрон шаклда етказиб берилади.

Тақдим этилган ҳужжатлар рўйхат бўйича қабул қилинади, уларнинг нусхаси ҳужжатлар қабул қилиб олинган сана кўрсатилган ҳолда зудлик билан ариза берувчига топширилади (юборилади)».