|
Ҳужжат кучини йўқотган " " 14.05.2018
|
Ўзбекистон Республикаси Вазирлар Маҳкамасининг
қарори
ЎЗБЕКИСТОН РЕСПУБЛИКАСИ ПРЕЗИДЕНТИНИНГ 2004 ЙИЛ 25 МАЙДАГИ «ЎЗБЕКИСТОН ХОТИН-ҚИЗЛАР ҚЎМИТАСИ ФАОЛИЯТИНИ ҚЎЛЛАБ-ҚУВВАТЛАШ БОРАСИДАГИ ҚЎШИМЧА ЧОРА-ТАДБИРЛАР ТЎҒРИСИДА» ПФ-3434-СОНЛИ ФАРМОНИ ИЖРОСИНИ ТАЪМИНЛАШ ЧОРА-ТАДБИРЛАРИ ДАСТУРИ ТЎҒРИСИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2018 йил 3 майдаги 327-сонли «Ўзбекистон Республикаси Ҳукуматининг айрим қарорларига ўзгартиришлар ва қўшимча киритиш, шунингдек баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Хотин-қизларни қўллаб-қувватлаш ва оила институтини мустаҳкамлаш соҳасидаги фаолиятни тубдан такомиллаштириш чора-тадбирлари тўғрисида» 2018 йил 2 февралдаги ПФ-5325-сон Фармони)» қарорига асосан ўз кучини йўқотган.
Ўзбекистон Республикаси Ҳукумати, республика вазирлик ва идоралари, жамоат ташкилотлари томонидан хотин-қизларнинг ҳуқуқларини ҳимоя қилиш, уларнинг мамлакат ижтимоий-сиёсий, социал-иқтисодий ҳаётидаги тўлақонли иштирокини таъминлаш юзасидан муайян ишлар олиб борилмоқда.
«Хотин-қизларга қўшимча имтиёзлар тўғрисида»ги Қонун, Аёллар йили муносабати билан Хотин-қизларнинг оилада, давлат ва жамият қурилишидаги ролини кучайтириш, уларнинг ҳуқуқий, ижтимоий, иқтисодий ва маънавий манфаатларини ҳимоя қилиш тизимини такомиллаштириш чора-тадбирлари бўйича давлат дастури, Ўзбекистон Республикаси Президентининг «Хотин-қизларнинг ижтимоий муҳофазасини кучайтиришга оид қўшимча чора-тадбирлар тўғрисида»ги Фармони, бошқа бир қатор меъёрий-ҳуқуқий ҳужжатларнинг қабул қилиниши ва амалга оширилиши катта аҳамиятга эга бўлди.
Шу билан бирга, ўтказилган таҳлил хотин-қизлар қўмиталари, жамоат ташкилотлари, давлат тузилмаларининг хотин-қизларнинг иқтисодий ва ижтимоий-сиёсий манфаатларини ҳимоя қилиш, уларнинг оилада, ижтимоий ҳаёт ва давлат қурилишидаги ролини ошириш ишида жиддий камчиликлар ва фойдаланилмаган имкониятлар мавжудлигини кўрсатмоқда.
Марказда ва жойларда хотин-қизлар қўмиталарига кўпинча асосан бюджет маблағлари ҳисобига молиялаштириладиган ва ўз фаолиятида маъмурий усуллардан фойдаланадиган давлат тузилмалари сифатида қаралмоқда.
Хотин-қизлар қўмиталарининг турли раҳбарлик лавозимларига сайланган аксарият фаоллар бошланғич хотин-қизлар жамоаларидан ажралиб қолган, улар ўзларини аёллар жамоатчилигининг вакиллари эмас, балки давлат хизматчилари деб ҳисоблайди.
Натижада хотин-қизларнинг ҳақиқий аҳволи, уларнинг муаммолари ва манфаатлари эътибордан четда қолмоқда.
Хотин-қизлар ҳаракати, ижтимоий ривожланиш, қуйидан бўладиган ташаббусни рағбатлантиришнинг муайян масалалари бўйича хотин-қизларнинг реал манфаатлари ва муаммоларини, уларнинг фикр ва таклифларини аниқлашнинг самарали воситаси ҳисобланган қурултой ва конференциялар каби хотин-қизлар билан иш олиб боришнинг демократик шакллари амалда ишга солинмаяпти.
Мазкур қўмиталар ходимларининг жамоатчилик ва жойлардаги хотин-қизлар ташкилотлари олдида ҳисобот бериши амалда мавжуд эмас.
Хотин-қизлар қўмиталарининг оммавий ахборот воситалари билан алоқаси талабга жавоб бермайди. Хотин-қизларга мўлжалланган матбуот органлари ва нашрларда қандай мавзулар ва муаммолар ёритилаётгани, улар ўқувчиларга, биринчи навбатда ёш аёлларга қандай таъсир кўрсатаётгани қўмиталарнинг эътиборидан четда қолмоқда.
Аёлларнинг муайян қисми, айниқса қишлоқ жойларда, хотин-қизлар қўмиталарининг эътиборидан четда қолмоқда, улар ўз ҳолига ташлаб қўйилган ва шу боис турли, жумладан, бузғунчи кучларнинг таъсир объектига айланмоқда.
Хотин-қизларни маънавий-ахлоқий тарбиялаш, уларнинг ижтимоий-маиший муаммоларини ҳал этиш ишида маҳаллаларнинг хотин-қиз фаоллари, фуқаролар йиғини, жумладан, аҳоли ўртасида обрў-эътиборга эга бўлган, миллий-диний анъана ва урф-одатларни яхши биладиган ҳамда тегишли анъанавий урф-одат ва расм-русумлар ўтказилишида бош-қош бўладиган аёлларнинг имкониятларидан фойдаланилмаяпти. Айни вақтда уларга ҳар томонлама ёрдам бериш, ушбу хотин-қизларни ҳокимликлар, маҳалла қўмиталари томонидан ўтказиладиган тадбирларни амалга оширишга фаол жалб этиш, фуқароларнинг йиғинлари раҳбарлари таркибига киритиш хотин-қизлар ва ёшлар билан ишлашни сезиларли даражада яхшилашга кўмаклашган бўлур эди.
Хотин-қизлар қўмиталарининг фаолияти, энг аввало, хотин-қизларни иш билан таъминлаш муаммосини ҳал этишга, шу жумладан, вақтинчалик иш ўринлари барпо этиш, касаначилик меҳнатини ташкил қилиш ва хотин-қизларни ишга жойлаштиришнинг бошқа шаклларидан фойдаланишга қаратилиши зарур. Давлат томонидан кўрсатилаётган моддий ва бошқа ёрдамлар билан бирга хотин-қизларга ишлаш учун шарт-шароит ва имкониятлар яратиш даркор.
Иш билан таъминлаш — хотин-қизлар мустақиллиги, уларнинг фаол ижтимоий, ҳаётий позицияга эга бўлишларининг муҳим шартидир.
Оналик ва болаликни муҳофаза қилиш соҳасида қабул қилинган барча меъёрий-ҳуқуқий ҳужжатлар ва дастурлар хатловдан ўтказилиши, уларнинг амалга оширилиши таъминланиши зарур. Оналик ва болаликни самарали муҳофаза қилишни таъминлайдиган замонавий усулларни, илғор иш шакллари ва институтларни (скрининг, патронаж ва бошқаларни) фаол ривожлантириш лозим.
Оилада маънавий ва жисмоний жиҳатдан баркамол авлодни тарбиялаш, уни диний экстремизм ва ақидапарастлик мафкурасининг онгни заҳарлайдиган таъсиридан, гиёҳвандлик ва бошқа салбий кўринишлардан ҳимоя қилиш учун зарур бўлган соғлом маънавий-ахлоқий муҳитни барпо қилиш хотин-қизлар қўмиталари фаолиятининг муҳим йўналишига айланиши керак.
Хотин-қизларнинг ижтимоий-сиёсий фаоллигини, таълим ва малака даражасини ошириш, уларнинг сайлаб қўйиладиган вакиллик ва бошқа давлат ҳокимияти идораларидаги кенг иштирокини, хотин-қизлар қўмиталари ва юртимиздаги бошқа хотин-қизлар ташкилотларининг халқаро хотин-қизлар ҳаракатида, меҳр-мурувват, таълим ва бошқа соҳалардаги халқаро тузилмалар фаолиятида фаол иштирокини таъминлаш масалалари алоҳида эътиборни талаб этади.
Мамлакатимизда амалга оширилаётган демократик ўзгаришларга тўлиқ мос ҳолда хотин-қизларнинг ижтимоий-сиёсий фаоллигини янада ошириш, уларнинг оила, жамият ва давлат қурилишидаги вазифаларни ҳал этишдаги ўрни ва нуфузини ошириш мақсадида Вазирлар Маҳкамаси қарор қилади:
1. Ўзбекистон Республикаси Президентининг 2004 йил 25 майдаги «Ўзбекистон Хотин-қизлар қўмитаси фаолиятини қўллаб-қувватлаш борасидаги қўшимча чора-тадбирлар тўғрисида» ПФ-3434-сонли Фармони ижросини таъминлаш бўйича ташкилий ва тарғибот чора-тадбирлари дастури (кейинги ўринларда «Чора-тадбирлар дастури» деб юритилади) 1-иловага мувофиқ тасдиқлансин.
2. Чора-тадбирлар дастурини амалга ошириш бўйича давлат ҳокимияти органлари ва жамоат ташкилотлари фаолиятини мувофиқлаштириш, шунингдек хотин-қизлар билан самарали иш олиб бориш вазифаларини бажариш мақсадида 2-иловага мувофиқ таркибда доимий ишлайдиган комиссия тузилсин.
Қуйидагилар комиссиянинг муҳим вазифалари этиб белгилансин:
хотин-қизлар ҳуқуқларини ҳимоя қилиш ишларининг аҳволини мунтазам равишда ўрганиш ва баҳолаш, уларнинг оила, жамият ва давлат қурилиши вазифаларини ҳал этишдаги ролини ошириш;
хотин-қизларни иш билан таъминлаш, уларни ишга жойлаштиришга ҳар томонлама кўмаклашиш, аёллар тадбиркорлигининг турли шаклларини ривожлантириш чора-тадбирларини ишлаб чиқиш ва қабул қилиш;
хотин-қизларнинг ҳуқуқ ва манфаатларини ҳимоя қилиш, оналик ва болаликни муҳофаза этиш соҳасидаги меъёрий-ҳуқуқий ҳужжатларнинг ижросини таъминлаш;
хотин-қизларнинг ижтимоий-сиёсий фаоллигини оширишга, хотин-қизлар нодавлат нотижорат ташкилотларининг мамлакатнинг ижтимоий, сиёсий ҳаётида, халқаро хотин-қизлар ҳаракатидаги фаол иштирокига кўмаклашишга қаратилган тадбирларни тайёрлаш ва амалга ошириш.
3. Вазирлар Маҳкамасининг Оила, оналик ва болаликни ижтимоий муҳофаза қилиш комплекси (С.Т. Иномова), Ижтимоий комплекси (А.А. Азизхўжаев) икки ой муддатда Ўзбекистон Республикасининг хотин-қизларнинг ҳуқуқ ва манфаатларини ҳимоя қилишга йўналтирилган қонун ҳужжатлари ва давлат дастурларининг ижросини ўргансин, хотин-қизларнинг ижтимоий-сиёсий фаоллигини ошириш, уларнинг оила, ижтимоий ҳаёт ва давлат қурилиши вазифаларини ҳал этишдаги ролини кучайтириш чора-тадбирлари тўғрисидаги масалани Ўзбекистон Республикаси Вазирлар Маҳкамаси ва Олий Мажлис Кенгашининг қўшма йиғилишида кўриб чиқиш учун тайёрласин.
4. Доимий ишлайдиган комиссия (Ш.М. Мирзиёев), Қорақалпоғистон Республикаси Вазирлар Кенгаши, вилоятлар, туман ва шаҳарлар ҳокимликлари:
15 июлгача Қорақалпоғистон Республикаси Вазирлар Кенгаши Раисининг, вилоятлар, Тошкент шаҳар, шаҳарлар ва туманлар ҳокимларининг ўринбосарлари — хотин-қизлар қўмиталари раисларининг функционал вазифаларини, янги талабларни ҳисобга олган ҳолда, қайта кўриб чиқсин ва тасдиқласин, бунда уларнинг хотин-қизлар, ёш аёллар билан самарали иш олиб боришни таъминлаш бўйича ваколатларини кенгайтиришни назарда тутсин;
15 августгача хотин-қизларнинг ҳуқуқларини ҳимоя қилиш, мамлакатда амалга оширилаётган демократик ўзгаришларга мувофиқ, Ўзбекистон Республикаси Президенти фармонида қўйилган вазифалар асосида уларнинг ижтимоий-сиёсий ва ижтимоий фаоллигини ошириш ишларининг аҳволини ҳар бир туман, шаҳар бўйича ўрганиб чиқсин ва танқидий баҳоласин;
1 сентябргача Ўзбекистон Республикаси Хотин-қизлар қўмитаси марказий аппаратини, Қорақалпоғистон Республикаси Вазирлар Кенгаши Раисининг, вилоятлар, туман ва шаҳарлар ҳокимлари ўринбосарлари — хотин-қизлар қўмиталари раисларининг ишчи аппаратларини юқори касб маҳоратига, бой ҳаётий тажрибага эга бўлган ҳамда одамлар билан ишлай оладиган мутахассис кадрлар билан тўлдирсин;
фуқаролар йиғинларининг диний таълим ва маънавий-ахлоқий тарбия бўйича маслаҳатчилар лавозимларини энг обрў-эътиборли ҳамда маънавий-ахлоқий тарбия соҳасида амалий тажрибага эга бўлган ва аҳолига, биринчи навбатда, ёшларга соғлом турмуш тарзини қарор топтириш, энг яхши миллий-диний анъана ва урф-одатларни сақлаш ва ривожлантириш масалаларида самарали таъсир кўрсатишга қодир фаол аёллар билан тўлдиришни таъминласин.
Мазкур ишларнинг туман ҳудудидаги ҳар бир алоҳида маҳалла бўйича бажарилиши учун жавобгарлик шахсан туманлар, шаҳарлар, вилоятлар ҳокимларига, Қорақалпоғистон Республикаси Вазирлар Кенгашига юклансин. Доимий ишлайдиган комиссия (Ш.М. Мирзиёев) кўрсатиб ўтилган ишларнинг бажарилиши юзасидан қатъий назорат ўрнатсин. Мазкур ишларни жорий йилнинг 1 декабригача тугалласин.
5. Оила, оналик ва болаликни ижтимоий муҳофаза қилиш комплекси (С.Т. Иномова) «Маънавият ва маърифат» маркази (Қ.А. Аъзамов), Дин ишлари бўйича қўмита (Ш.Ш. Миноваров) хотин-қизларни маънавий-ахлоқий тарбиялаш ва уларга таълим беришни кучайтириш бўйича қуйидаги мақсадларга қаратилган чора-тадбирлар дастурини бир ой муддатда ишлаб чиқсин ва амалга оширилишини таъминласин:
маҳаллалар ва қишлоқ аҳоли пунктларидаги хотин-қизлар ўртасида уларни ахборот билан таъминлаш, замонавий ҳаёт тақозо этаётган мутахассисликларга ўқитиш ишларини тубдан яхшилаш;
хотин-қизларга диний билимлар ва миллий-диний анъаналар асосларини эгаллашда ёрдам кўрсатиш, хотин-қизларни диний бағрикенглик, барча бошқа диний конфессияларга ҳурмат билан муносабатда бўлиш руҳида тарбиялаш, жамиятда дунёвий ва диний қарашлар қарама-қаршилигига йўл қўймаслик;
диний экстремизм ва ақидапарастликнинг мамлакатимиздаги осойишта ҳаёт ва ижтимоий-сиёсий барқарорликни бузишга қаратилган, ғайриинсоний, зарарли ғояларининг жамиятда тарқалишига қарши курашиш.
6. Бош прокуратура (Р.Х. Қодиров) хотин-қизларнинг ҳуқуқлари ва қонуний манфаатларини ҳимоя қилишга қаратилган қонун ҳужжатларига риоя этилиши устидан прокурорлик назорати самарадорлигини ошириш юзасидан аниқ чора-тадбирларни бир ой муддатда ишлаб чиқсин ва амалга оширишни таъминласин.
7. Ўзбекистон Республикаси Адлия вазирлиги (А.А. Полвонзода), Бош прокуратура (Р.Х. Қодиров) Ўзбекистон матбуот ва ахборот агентлиги (Р.Ш. Шоғуломов) билан биргаликда бир ой муддатда хотин-қизларнинг ҳуқуқ ва манфаатларини ҳимоя қилиш бўйича Ўзбекистон Республикаси қонунлари, меъёрий-ҳуқуқий ҳужжатлари тўпламини тайёрласин ва нашр этсин.
8. Ички ишлар вазирлиги (З.А. Алматов) «Маҳалла» жамғармаси (А.Г. Гадойбоев), Ўзбекистон ёшларининг «Камолот» ижтимоий ҳаракати (Б.Х. Убайдуллаев), жойлардаги хотин-қизлар қўмиталари билан биргаликда 2004 йил 1 августгача бўлган муддатда маҳаллалар, қишлоқлар ва овулларда хотин-қизлар ва ёшлар ўртасида диний экстремизм, ақидапарастлик кўринишлари ва бошқа ҳуқуқ бузилишларининг олдини олиш бўйича ишларни кучайтиришга қаратилган чора-тадбирларни ишлаб чиқсин ва амалга оширишни таъминласин.
9. Ўзбекистон Миллий ахборот агентлиги (М.Ў. Ҳазратқулов), «Ўзтелерадио» компанияси (А.К. Кўчимов), Ўзбекистон матбуот ва ахборот агентлиги (Р.Ш. Шоғуломов) хотин-қизлар ташкилотларининг хотин-қизлар манфаатлари ва ҳуқуқларини ҳар томонлама ҳимоя қилишдаги ижобий иш тажрибасини, уларнинг фуқаролик жамияти, демократик ҳуқуқий давлат барпо этишдаги тобора ортиб бораётган ролини тарғиб қилишга доир қўшимча чора-тадбирлар кўрсин, хотин-қизларнинг, айниқса, қишлоқ жойларда яшаётган хотин-қизларнинг ҳаётини, кундалик меҳнати ва турмушини кенг ёритсин.
10. Мазкур қарорнинг бажарилишини назорат қилиш Ўзбекистон Республикаси Бош вазири Ш.М. Мирзиёев зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
2004 йил 29 июнь,
299-сон
Вазирлар Маҳкамасининг 2004 йил 29 июндаги 299-сон қарорига
1-ИЛОВА
1-ИЛОВА
Ўзбекистон Республикаси Президентининг «Ўзбекистон Хотин-қизлар қўмитаси фаолиятини қўллаб-қувватлаш борасидаги қўшимча чора-тадбирлар тўғрисида» 2004 йил 25 майдаги ПФ-3434-сон Фармони амалга оширилишини таъминлаш бўйича ташкилий, ташвиқот чора-тадбирлари
ДАСТУРИ
|
Т/р |
Тадбирлар мазмуни |
Бажариш муддати |
Бажариш учун масъуллар |
|
Ташкилий чора-тадбирлар | |||
| 1. | Мамлакатда юз бераётган демократик қайта ўзгартиришларга мувофиқ, Ўзбекистон Республикаси Президентининг Фармонида қўйилган вазифалар асосида ҳар бир туман, шаҳар бўйича хотин-қизларнинг ҳуқуқларини ҳимоя қилиш, уларнинг ижтимоий-сиёсий, социал фаоллигини ошириш ишларининг аҳволини ўрганиб чиқиш ва танқидий баҳолаш. | 2004 йил 15 августгача | Қорақалпоғистон Республикаси Вазирлар Кенгаши, барча даражалардаги ҳокимликлар, хотин-қизлар қўмиталари, Ички ишлар вазирлиги ва прокуратуранинг жойлардаги бўлинмалари, фуқароларнинг ўзини ўзи бошқариш органлари |
| 2. | Жойлардаги ишларнинг аҳволини ўрганиб чиқиш натижалари бўйича хотин-қизлар қўмиталари, фуқароларнинг ўзини ўзи бошқариш органлари, хотин-қизларнинг нодавлат нотижорат ташкилотлари, давлат ҳокимияти органлари вакилларини жалб этган ҳолда «Хотин-қизларнинг ижтимоий-сиёсий, социал фаоллигини ошириш, уларнинг оиладаги, жамиятдаги ва давлат қурилиши вазифаларини ҳал этишдаги ролини кучайтириш вазифалари тўғрисида» деб номланган кун тартиби билан вилоят, шаҳар, туман кенгашлари ўтказиш. Ушбу соҳада ишларни яхшилаш юзасидан тегишли сайъ-ҳаракатлар дастурларини қабул қилиш. | 2004 йил август-сентябрь | Қорақалпоғистон Республикаси Вазирлар Кенгаши, барча даражалардаги ҳокимликлар, хотин-қизлар қўмиталари, Ички ишлар вазирлиги ва прокуратуранинг жойлардаги бўлинмалари, фуқароларнинг ўзини ўзи бошқариш органлари |
| 3. | Қорақалпоғистон Республикаси Вазирлар Кенгаши Раиси, вилоятлар, Тошкент шаҳар, шаҳарлар ва туманлар ҳокимларининг ўринбосарлари хотин-қизлар қўмиталари раисларининг функционал вазифаларини янги талабларни ҳисобга олган ҳолда қайта кўриб чиқиш ва тасдиқлаш. Бунда хотин-қизлар, ёш аёллар билан самарали ишлашни таъминлаш бўйича уларнинг ваколатларини кенгайтиришни назарда тутиш. | 2004 йил 15 июлгача | Қорақалпоғистон Республикаси Вазирлар Кенгаши, вилоятлар, Тошкент шаҳар, туманлар ва шаҳарлар ҳокимликлари |
| 4. | Ўзбекистон Республикаси Президентининг Фармонида белгиланган вазифалар ва устувор йўналишларни ҳисобга олган ҳолда жамоат бирлашмаси — Ўзбекистон Хотин-қизлар қўмитасининг янги уставини ишлаб чиқиш ва қабул қилиш. Устав лойиҳасининг Хотин-қизлар қўмитасининг бошланғич, минтақавий бўлимларида кенг муҳокама қилинишини ташкил этиш. | 2004 йил август-сентябрь | Қорақалпоғистон Республикаси Вазирлар Кенгаши, барча даражалардаги ҳокимликлар, Хотин-қизлар қўмитаси, Соғлиқни сақлаш вазирлиги, Халқ таълими вазирлиги, Олий ва ўрта махсус таълим вазирлиги, Меҳнат ва аҳолини ижтимоий муҳофаза қилиш вазирлиги, Давлат спорт қўмитаси, Дин ишлари бўйича қўмита, Ички ишлар вазирлиги, Адлия вазирлиги, «Маънавият ва маърифат» маркази, Ёшларнинг «Камолот» ижтимоий ҳаракати, корхоналар ва ташкилотлар |
| 5. | Ўзбекистон Хотин-қизлар қўмитасининг марказий аппаратини, Қорақалпоғистон Республикаси Вазирлар Кенгаши Раиси, вилоятлар, туманлар ва шаҳарлар ҳокимларининг ўринбосарлари хотин-қизлар қўмиталари раислари ишчи аппаратларини бой ҳаётий тажрибага эга бўлган ва одамлар билан ишлай биладиган юқори малакали мутахассис кадрлар билан таъминлаш. | 2004 йил 1 сентябргача | Хотин-қизлар қўмитаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари |
| 6. | Қорақалпоғистон Республикаси Вазирлар Кенгаши Раиси, вилоятлар, туманлар ва шаҳарлар ҳокимларининг ўринбосарлари хотин-қизлар қўмиталари раислари ишчи аппаратларининг мутахассислари билан Ўзбекистон Республикаси Президентининг Фармонида қўйилган хотин-қизлар билан ишлашнинг янги вазифаларини амалга ошириш билан боғлиқ масалалар бўйича минтақавий амалий семинарлар ўтказиш. | 2004 йил август | Вазирлар Маҳкамасининг Оила, оналик ва болаликни ижтимоий муҳофаза қилиш комплекси, Хотин-қизлар қўмитаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари |
| 7. | Фуқароларнинг ўзини ўзи бошқариш органларида диний таълим ва маънавий-ахлоқий тарбия бўйича маслаҳатчилар лавозимига номзодларга қўйиладиган асосий талаблар, ушбу лавозимларга шахсларни танлаш ва тайинлаш тартиби бўйича тавсияларни ишлаб чиқиш | 2004 йил июнь | Вазирлар Маҳкамасининг Ижтимоий комплекси, «Маҳалла» жамғармаси, Хотин-қизлар қўмитаси, «Маънавият ва маърифат» маркази, Дин ишлари бўйича қўмита, Меҳнат ва аҳолини ижтимоий муҳофаза қилиш вазирлиги |
| 8. | Фуқаролар йиғинларининг диний таълим ва маънавий-ахлоқий тарбия бўйича маслаҳатчилари лавозимларини энг нуфузли ва фаол, амалий тажрибага эга бўлган ва аҳолига, биринчи навбатда, ёшларга соғлом турмуш тарзини қарор топтириш, энг яхши миллий ва диний анъаналар ва урф-одатларни ривожлантириш, уларни маънавий-ахлоқий тарбиялаш масалаларида самарали таъсир кўрсатишга қодир бўлган хотин-қизлар билан тўлдиришни таъминлаш. | 2004 йил июль—ноябрь | Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, «Маҳалла» жамғармаси, туманлар ва шаҳарлар ҳокимлари, фуқаролар йиғинлари кенгашлари раислари |
| 9. | Диний таълим ва маънавий-ахлоқий тарбия масалалари бўйича маслаҳатчининг намунавий функционал вазифаларини белгиланган тартибда ишлаб чиқиш ва тасдиқлаш. | 2004 йил июль | Вазирлар Маҳкамасининг Ижтимоий комплекси Хотин-қизлар қўмитаси, «Маҳалла» жамғармаси, «Маънавият ва маърифат» маркази, Меҳнат ва аҳолини ижтимоий муҳофаза қилиш вазирлиги билан биргаликда |
| 10. | Ўзбекистон Республикаси Президентининг Фармонида белгиланган вазифалар асосида диний таълим ва маънавий-ахлоқий тарбия бўйича маслаҳатчилар ишининг асосий йўналишлари, методлари шакллари муҳокамаси юзасидан улар учун семинарлар туркуми ташкил этиш. | 2004 йил август—декабрь | Хотин-қизлар қўмитаси, «Маҳалла» жамғармаси, Тошкент Ислом университети, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари |
| 11. | Фуқароларнинг ўзини ўзи бошқариш органларида диний таълим ва маънавий-ахлоқий тарбия бўйича маслаҳатчи лавозимига тайинланган пенсионер аёлларни иш даврида ёшига кўра 100 фоиз миқдорида пенсия олиш ҳуқуқига эга бўлган пенсионерлар тоифасига киритиш тўғрисида таклиф тайёрлаш ва Вазирлар Маҳкамасига киритиш. | 2004 йил IV чорак | Меҳнат ва аҳолини ижтимоий муҳофаза қилиш вазирлиги, Молия вазирлиги, Адлия вазирлиги, Хотин-қизлар қўмитаси, «Маҳалла» жамғармаси |
| 12. | Хотин-қизларнинг нодавлат нотижорат ташкилотлари фаолияти мониторингини, улар фаолиятини мувофиқлаштиришни, уларнинг мақсадли вазифалари, иш шакллари ва усулларини тизимли таҳлил этишни ташкил этиш. «Нодавлат нотижорат ташкилотлари тўғрисида»ги Қонунга мувофиқ республика ва минтақавий хотин-қизлар нодавлат нотижорат ташкилотларини рўйхатдан ўтказиш ва қайта рўйхатдан ўтказишда ёрдам кўрсатиш чора-тадбирларини ишлаб чиқиш ва амалга ошириш. | 2004 йил июль—ноябрь | Адлия вазирлиги, Хотин-қизлар қўмитаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари |
| 13. | Хотин-қизларнинг нодавлат нотижорат ташкилотларини Хотин-қизлар қўмитаси ва унинг жойлардаги бўлинмаларининг муҳим вазифаларини ва фаолияти йўналишларини амалга ошириш жараёнига жалб этишга доир комплекс чора-тадбирларни ишлаб чиқиш. | 2004 йил декабрь | Ўзбекистон Хотин-қизлар қўмитаси |
| 14. | Ўзбекистон Хотин-қизлар қўмитаси ҳамда ҳокимларнинг ўринбосарлари шаҳарлар ва туманлар хотин-қизлар қўмиталари р�ислари ишчи органларининг моддий-техника базаси ҳолатини ўрганиб чиқиш ва уни мустаҳкамлаш юзасидан таклифлар киритиш. | 2004 йил IV чорак | Хотин-қизлар қўмитаси, Молия вазирлиги, Меҳнат ва аҳолини ижтимоий муҳофаза қилиш вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари |
| 15. | Вазирлар Маҳкамасига ахборот тақдим этган ҳолда Ўзбекистон Республикаси Президентининг Фармони бажарилишини мунтазам равишда кўриб чиқиш. | ҳар чоракда, чоракдан кейинги ойнинг 10 кунигача | Хотин-қизлар қўмитаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари |
|
Хотин-қизларни иш билан таъминлаш ва уларнинг ижтимоий, меҳнат ҳуқуқларини таъминлаш соҳасида | |||
| 16. | Хотин-қизларни иш билан таъминлашнинг ҳудудий дастурларини ишлаб чиқиш ва тасдиқлаш (2005—2007 йиллар учун), бунда қуйидагиларни назарда тутиш: ҳар йили ҳар бир минтақада асосан кичик бизнесни ва хизматлар соҳасини, касаначилик меҳнатини ривожлантириш ҳисобига аёлларнинг иш билан таъминланишга бўлган эҳтиёжини таъминлайдиган миқдорда иш ўринлари яратиш (республика бўйича жами — камида 170 минг); |
2004 йил ноябрь | Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Меҳнат ва аҳолини ижтимоий муҳофаза қилиш вазирлиги, Иқтисодиёт вазирлиги, Ўзбекистон Хотин-қизлар қўмитаси, Ўзбекистон ишбилармон аёллар уюшмаси |
| | қишлоқ жойларда хотин-қизларнинг иш билан бандлиги даражасини ошириш ва унинг оқилона тузилмасини шакллантириш; | | |
| | иш ўринлари ярмаркалари ўтказиш, хотин-қизларни иш билан таъминлашга қаратилган чора-тадбирларни амалга ошириш. | | |
| 17. | Аёллар тадбиркорлигини ривожлантиришга ҳар томонлама кўмаклашиш бўйича қуйидагиларни назарда тутувчи комплекс чора-тадбирларини ишлаб чиқиш ва амалга ошириш: | | |
| | асосан аёллар меҳнатидан фойдаланадиган ва аёллар бошқарадиган кичик корхоналарга имтиёзли кредитлар бериш; | 2004 йил II ярим йиллигидан бошлаб | Марказий банк, тижорат банклари, Иш билан таъминлаш жамғармаси, Бошланғич сармоя жамғармаси |
| | халқаро ташкилотлар иштирокида амалга ошириладиган тадбиркорликни микромолиялаштириш дастурларини кенгайтириш; | 2004-2005 йиллар | Вазирлар Маҳкамасининг Ташқи иқтисодий алоқалар ва хорижий инвестициялар департаменти, Меҳнат ва аҳолини ижтимоий муҳофаза қилиш вазирлиги |
| | сутчилик чорва моллари ва сутни қайта ишлаш учун асбоб-ускуналар сотиб олиш учун оилавий тадбиркорликни ривожлантиришга Иш билан таъминлаш жамғармаси маблағларидан жами 3 миллиард сўмгача микрокредитлар ажратиш; | 2005 йилдан бошлаб | Меҳнат ва аҳолини ижтимоий муҳофаза қилиш вазирлиги, Товар ишлаб чиқарувчилар ва тадбиркорлар палатаси, тижорат банклари |
| | қишлоқ жойларда деҳқон хўжаликларида етиштирилган қишлоқ хўжалиги маҳсулотларини қабул қилиш ва сотиш тармоқларини кенгайтириш, уларга айланма маблағларни тўлдириш учун қисқа муддатли имтиёзли кредитлар бериш. | 2004-2005 йиллар | Туманлар ҳокимликлари, «Ўзбекбирлашув» компанияси, тижорат банклари, Товар ишлаб чиқарувчилар ва тадбиркорлар палатаси |
| 18. | Меҳнат бозорида ишсиз хотин-қизларнинг рақобатлашувчанлигини ошириш бўйича қуйидагиларни назарда тутувчи комплекс чора-тадбирларни ишлаб чиқиш ва амалга ошириш: | | |
| | ишсиз хотин-қизларни «Тадбиркорлик фаолиятини юритиш асослари. Ўз бизнесингни бошла» дастури бўйича ўқитишни ташкил этиш. Ушбу дастур билан йил давомида камида 1000 нафар ишсиз хотин-қизларни қамрашни таъминлаш; | 2005 йил январдан бошлаб | Меҳнат ва аҳолини ижтимоий муҳофаза қилиш вазирлиги, Товар ишлаб чиқарувчилар ва тадбиркорлар палатаси, Ўзбекистон ишбилармон аёллар уюшмаси |
| | болалар сонидан қатъи назар, болали аёллар учун квоталанадиган иш ўринлари белгилашни назарда тутувчи амалдаги қонун ҳужжатларига ўзгартиришлар киритиш. | 2005 йил I чорак | Меҳнат ва аҳолини ижтимоий муҳофаза қилиш вазирлиги, Адлия вазирлиги |
| 19. | Иш билан таъминлаш соҳасида хотин-қизларнинг меҳнат қонунчилиги билан белгиланган ҳуқуқлари ва кафолатлари амалга оширилиши устидан қаттиқ назорат қилинишини таъминлаш, меҳнат шартномаларини тузиш ва тўхтатишда хотин-қизлар ҳуқуқларининг, шу жумладан ҳомиладор ва ёш болали аёллар ҳуқуқларининг камситилишига меҳнат ва аҳолини ижтимоий муҳофаза қилиш органларида хотин-қизларнинг меҳнат кафолатлари ва ҳуқуқларини таъминлаш масалалари бўйича доимий ишлайдиган «шошилинч» телефон линияларини ташкил этиш орқали йўл қўймаслик. | 2004 йил III-IV чорак | Меҳнат ва аҳолини ижтимоий муҳофаза қилиш вазирлиги, Адлия вазирлиги, Ўзбекистон Республикасининг Бош прокуратураси |
| 20. | Халқаро молия институтлари, донор ташкилотлар (БМТнинг Тараққиёт дастури, ТАСИС, Осиё тараққиёт банки, Германия техник ҳамкорлик жамияти ва бошқалар) билан узоқ ва бориш қийин бўлган қишлоқ туманларида яшайдиган хотин-қизларни иш билан таъминлаш ва ижтимоий муҳофаза қилиш, меҳнат ва ўқиш шароитларини яхшилаш учун грантлар ва техник ёрдам воситаларини жиддий кўпайтириш масалаларини ишлаб чиқиш ва ҳал этишни таъминлаш. | 2005 йилдан бошлаб | Вазирлар Маҳкамасининг Ташқи иқтисодий алоқалар ва хорижий инвестициялар департаменти, Қорақалпоғистон Республикаси Вазирлар Кенгаши, вилоятлар ва қишлоқ туманлари ҳокимликлари |
|
Оналик ва болаликни муҳофаза қилиш, оилани мустаҳкамлаш соҳасида | |||
| 21. | Соғлиқни, оналик ва болаликни муҳофаза қилиш соҳасида қабул қилинган барча норматив-ҳуқуқий ҳужжатлар ва дастурлар бажарилишини ўрганиб чиқиш, шу жумладан «Соғлом авлод» давлат дастури (Вазирлар Маҳкамасининг 2000 йил 15 февралдаги 46-сон қарори) ҳамда Оилада тиббий маданиятни ошириш, аёлларнинг соғлиғини мустаҳкамлаш, соғлом авлод туғилиши ва уни тарбиялашнинг устувор йўналишларини амалга ошириш чора-тадбирларининг мақсадли дастури (Вазирлар Маҳкамасининг 2002 йил 5 июлдаги 242-сон қарори) бажарилишини ўрганишни ташкил этиш ва уларни амалга ошириш самарадорлигини ошириш, оналик ва болаликни муҳофаза қилиш соҳасида қонунчиликни такомиллаштириш бўйича таклифлар киритиш. | 2004 йил июль-август | Соғлиқни сақлаш вазирлиги, Олий ва ўрта махсус таълим вазирлиги, Халқ таълими вазирлиги, Меҳнат ва аҳолини ижтимоий муҳофаза қилиш вазирлиги, Ўзбекистон Хотин-қизлар қўмитаси, «Соғлом авлод учун» ҳукуматга қарашли бўлмаган халқаро хайрия жамғармаси |
| | Хорижий тажрибани ўрганиш асосида она ва бола соғлиги самарали муҳофаза қилинишини таъминлайдиган замонавий методикаларни, илғор шакллар ва институтларни (скрининг, патронаж ва бошқаларни) ишлаб чиқиш ва уларни қўллаш юзасидан таклифлар киритиш. | 2004 йил ноябрь | Соғлиқни сақлаш вазирлиги, Меҳнат ва аҳолини ижтимоий муҳофаза қилиш вазирлиги, Ўзбекистон Хотин-қизлар қўмитаси, «Соғлом авлод учун» ҳукуматга қарашли бўлмаган халқаро хайрия жамғармаси |
| 22. | Носоғлом оилалардан бўлган, ота-онасининг ёки уларнинг ўрнини босувчи шахсларнинг қаровисиз қолган болалар билан ишлаш бўйича тадбирларнинг комплекс дастурини ишлаб чиқиш ва Ўзбекистон Республикаси Вазирлар Маҳкамасига кўриб чиқиш учун киритиш. | 2004 йил декабрь | Халқ таълими вазирлиги, Адлия вазирлиги, Ички ишлар вазирлиги, Соғлиқни сақлаш вазирлиги, Ўзбекистон Хотин-қизлар қўмитаси, «Оила» республика илмий-амалий маркази, «Маҳалла» жамғармаси |
| 23. | Минтақалардаги репродуктив саломатлик Марказлари ҳамда Саломатлик институти фаолиятини ўрганишни ташкил этиш, уларнинг �шларини кучайтириш бўйича таклифлар ишлаб чиқиш ва киритиш. | 2004 йил ноябрь | Соғлиқни сақлаш вазирлиги, Молия вазирлиги, Ўзбекистон Хотин-қизлар қўмитаси |
| 24. | Ҳар бир туманда, шаҳарда оила, хотин-қизлар ва болалар спортини ривожлантириш бўйича ташкилий-техник, тарғибот-ташвиқот тадбирлари комплексини ишлаб чиқиш ва қабул қилиш. | 2004 йил август | Шаҳарлар ва туманлар ҳокимликлари, Давлат спорт қўмитаси, Ўзбекистон Республикаси Хотин-қизлар қўмитаси, «Оила» республика илмий-амалий маркази, «Маҳалла» жамғармаси, Ўзбекистон Болалар спортини ривожлантириш жамғармаси, Ўзбекистон ёшларининг «Камолот» ижтимоий ҳаракати |
| 25. | Дин вакилларини жалб этган ҳолда аҳоли ўртасида оила-никоҳ муносабатларини ҳуқуқий тартибга солиш, никоҳ бўйича диний маросимларни фақат никоҳ расмий рўйхатдан ўтказилгандан кейин амалга ошириш масалаларини махсус режалар бўйича тушунтириш ишларини ташкил этиш. | 2004 йил август | Адлия вазирлиги, «Ўзтелерадио» компанияси, Ўзбекистон матбуот ва ахборот агентлиги, «Оила» республика илмий-амалий маркази, Вазирлар Маҳкамаси ҳузуридаги Дин ишлари бўйича қўмита |
|
Хотин-қизларнинг ижтимоий-сиёсий ва социал фаоллигини ошириш соҳасида | |||
| 26. | Хотин-қизларнинг асосий ҳуқуқлари ва эркинликларини амалга ошириш, шу жумладан уларнинг ижтимоий-сиёсий, ижтимоий-иқтисодий соҳадаги ҳамда жамият ва давлат ҳаётининг бошқа соҳаларидаги иштирокининг доимий ишлайдиган тизимли мониторингини ташкил этиш. Мониторинг натижаларини қарорлар қабул қилиш, ишда фойдаланиш учун тегишли давлат ҳокимияти органларига, жамоат ташкилотларига етказишни таъминлаш. | 2004 йил октябрь | Ўзбекистон Республикаси Президенти ҳузуридаги Стратегик ва минтақалараро тадқиқотлар институти, инсон ҳуқуқлари бўйича Ўзбекистон Республикаси миллий маркази, «Ижтимоий фикр» жамоатчилик фикрини ўрганиш маркази, Ўзбекистон Хотин-қизлар қўмитаси |
| 27. | Амалдаги қонун ҳужжатларига вакиллик органларида ва давлат ҳокимиятининг бошқа органларида хотин-қизлар эгаллаши керак бўлган лавозимлар (квоталар) сонини белгилашни назарда тутувчи ўзгартиришлар киритиш юзасидан таклифлар тайёрлаш ва киритиш. | 2004 йил 1 августгача | Адлия вазирлиги, Хотин-қизлар қўмитаси |
| 28. | Маданий дам олиш муассасаларининг (шаҳар, туман, қишлоқ клублари, кутубхоналари, маҳаллалардаги қизиқишлар бўйича тўгараклар ва бошқалар) дам олишни ташкил этиш, миллий-диний анъаналар ва урф-одатларни ўрганиш, оилавий турмушга тайёрлаш ва бошқалар бўйича хизматларнинг ёш аёлларнинг кенг қатламлари учун қулай бўлган хизматлар кўрсатишга қаратилган фаолиятини давлат томонидан қўллаб-қувватлаш чора-тадбирларини ишлаб чиқиш ва амалга ошириш. | 2004 йил IV чорак | Маданият ишлари вазирлиги, Меҳнат ва аҳолини ижтимоий муҳофаза қилиш вазирлиги, Ўзбекистон Хотин-қизлар қўмитаси |
| 29. | Ижтимоий-сиёсий ислоҳотларни амалга оширишда хотин-қизларнинг ролини ошириш масалалари бўйича «Аёл ва сиёсат», «Жамиятни демократик янгилашда хотин-қизларнинг ўрни ва нуфузи» мавзуида мамлакатнинг турли сиёсий партиялари, нодавлат нотижорат ташкилотлар вакиллари бўлган хотин-қизлар иштирокида минтақавий давра суҳбатлари ва семинар-тренинглар туркумини тайёрлаш ва ўтказиш. | 2004 йил III чорак | Ўзбекистон Хотин-қизлар қўмитаси, «Оила» республика илмий-амалий маркази, Фуқаролик жамиятини ўрганиш институти, «Ўзтелерадио» компанияси |
| 30. | Республиканинг тадбиркор аёллари иштирокида хотин-қизларнинг иқтисодий ислоҳотларни амалга оширишдаги, кичик бизнес ва тадбиркорликни ривожлантиришдаги фаол иштироки масалаларига бағишланган «Ўзбекистоннинг аёл тадбиркорлари» рукнидаги телекўрсатувларни ташкил этиш. | 2004 йил III чорагидан бошлаб | «Ўзтелерадио» компанияси», Ўзбекистон Хотин-қизлар қўмитаси, Ўзбекистон ишбилармон аёллар уюшмаси, Товар ишлаб чиқарувчилар ва тадбиркорлар палатаси |
| 31. | Хотин-қизларнинг ҳуқуқий маданиятини оширишга, уларнинг мамлакат ҳаётининг ижтимоий, сиёсий ва иқтисодий соҳаларидаги ҳуқуқларини ҳимоя қилишга бағишланган «Аёл ва ҳуқуқ» рукнидаги телекўрсатувлар ва радиоэшиттиришлар туркумини ташкил этиш ва олиб бориш. | 2004 йил III чорак | «Ўзтелерадио» компанияси, Адлия вазирлиги, Инсон ҳуқуқлари бўйича Ўзбекистон Республикаси миллий маркази, «Маънавият ва маърифат» маркази, Ўзбекистон Хотин-қизлар қўмитаси |
| 32. | Жойларда (маҳаллалар, меҳнат жамоалари, ўқув юртларида) аҳоли, энг аввало, хотин-қизлар ўртасида энг яхши миллий-диний анъаналар ва урф-одатларни тарғиб қилиш, ҳақиқий анъанавий ислом асосларини тушунтириш бўйича доимий ишайдиган лекторийлар ташкил этиш. Кўрсатиб ўтилган ишларни амалга ошириш учун юқори сифатли, мазмундор методик материаллар ва қўлланмаларни тайёрлаш ва кенг оммалаштиришни таъминлаш, ушбу ишга юқори малакали мутахассисларни жалб этиш. | 2004 йил IV чорак | Дин ишлари бўйича қўмита, Тошкент Ислом университети, Тошкент давлат шарқшунослик институти, «Маънавият ва маърифат» маркази |
| 33. | Телевидениеда «Аёл ва дин», «Ҳозирги замон Ўзбекистон аёли» рукнлари остида Ўзбекистоннинг таниқли хотин-қизларининг ҳаёти ва фаолияти тўғрисидаги маърифий кўрсатувлар туркумини ташкил этиш. Ушбу кўрсатувларда қатнашишга хотин-қизлардан юқори малакали мутахассисларни, жамоат ва давлат арбобларини жалб этиш. | 2004 йил IV чорагидан бошлаб | Дин ишлари бўйича қўмита, Тошкент Ислом университети, Тошкент давлат шарқшунослик институти, «Ўзтелерадио» компанияси, «Ўзбеккино» агентлиги, «Маънавият ва маърифат» маркази |
| 34. | Носоғлом оилалар билан, шу жумладан оила аъзолари турли жиноятлар, чунончи, экстремистик ташкилотлар фаолиятида қатнашганлик учун ҳукм этилган оилалар билан ишлашга хотин-қизлар ташкилотларини жалб этиш чора-тадбирларини ишлаб чиқиш ва амалга ошириш. | 2004 йил III чорагидан бошлаб | Шаҳарлар ва туманлар ҳокимлари, маҳаллалар, шаҳарчалар, қишлоқ ва овулларнинг фуқаролар йиғини кенгашлари раислари, Дин ишлари бўйича қўмита, Ўзбекистон Хотин-қизлар қўмитаси |
| 35. | Хотин-қизлар қўмиталари, республиканинг хотин-қизлар ташкилотлари халқаро хотин-қизлар ҳаракатида, гуманитар, таълим муассасалари ва бошқа халқаро ташкилотлар фаолиятида кенг иштирок этиши бўйича чора-тадбирлар дастурини ишлаб чиқиш ва амалга ошириш. | 2004 йил III чорак | Ўзбекистон хотин-қизлар қўмитаси, Ташқи ишлар вазирлиги, Халқ таълими вазирлиги, Олий ва ўрта махсус таълим вазирлиги |
Вазирлар Маҳкамасининг 2004 йил 29 июндаги 299-сон қарорига
2-ИЛОВА
2-ИЛОВА
Ўзбекистон Республикаси Президентининг «Ўзбекистон Хотин-қизлар қўмитаси фаолиятини қўллаб-қувватлаш борасидаги қўшимча чора-тадбирлар тўғрисида» 2004 йил 25 майдаги ПФ-3434-сон Фармони амалга оширилишини таъминлаш чора-тадбирлари дастури амалга оширилишини мувофиқлаштириш бўйича доимий ишлайдиган комиссия
ТАРКИБИ
| 1. | Мирзиёев Ш.М. | — | Ўзбекистон Республикасининг Бош вазири, комиссия раиси |
| 2. | Иномова С.Т. | — | Ўзбекистон Республикаси Бош вазирининг ўринбосари, Ўзбекистон Хотин-қизлар қўмитаси раиси, комиссия раисининг ўринбосари |
| 3. | Азизхўжаев А.А. | — | Ўзбекистон Республикаси Бош вазирининг ўринбосари |
| 4. | Султонов Х.М. | — | Ўзбекистон Республикаси Президентининг маданият, матбуот ва ижодий ташкилотлар ишлари бўйича Давлат маслаҳатчиси |
|
Комиссия аъзолари: | |||
| 5. | Азимов Р.С. | — | Ўзбекистон Республикаси Бош вазирининг ўринбосари |
| 6. | Алматов З.А. | — | Ўзбекистон Республикаси Ички ишлар вазири |
| 7. | Нуруллаева Ш.Ф. | — | Ўзбекистон Республикаси Президенти ҳузуридаги Миллий хавфсизлик Кенгаши аппаратининг етакчи консультанти |
| 8. | Шоғуломов Р.Ш. | — | Матбуот ва ахборот агентлигининг бош директори |
| 9. | Ҳазратқулов М. | — | Миллий ахборот агентлигининг бош директори |
| 10. | Юсупов К.Т. | — | Давлат спорт қўмитаси раиси |
| 11. | Муҳитдинова Ф.Ф. | — | Олий суд раиси |
| 12. | Миноваров Ш.Ш. | — | Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита раиси |
| 13. | Бобожонов П.Р. | — | Ўзбекистон Республикаси Бош прокурорининг ўринбосари |
| 14. | Иргашев И.Р. | — | Ўзбекистон Республикаси Ташқи ишлар вазирининг ўринбосари |
| 15. | Алимуҳамедов Б.Б. | — | Ўзбекистон Республикаси меҳнат ва аҳолини ижтимоий муҳофаза қилиш вазирининг ўринбосари |
| 16. | Комилов А.И. | — | Ўзбекистон Республикаси Соғлиқни сақлаш вазирининг ўринбосари |
| 17. | Аюпов Ш.А. | — | Ўзбекистон Республикаси Олий ва ўрта махсус таълим вазирининг ўринбосари |
| 18. | Мусаев У.Қ. | — | Ўзбекистон Республикаси Халқ таълими вазирининг ўринбосари |
| 19. | Жаҳонгирова Д.Н. | — | Ўзбекистон Касаба уюшмалари Федерацияси кенгаши раиси |
| 20 | Гадойбоев А.Г. | — | «Маҳалла» жамғармаси раиси |
| 21. | Убайдуллаев Б.Х. | — | Ўзбекистон ёшларининг «Камолот» ижтимоий ҳаракати Марказий Кенгаши раиси |
| 22. | Аъзамов Қ. | — | «Маънавият ва маърифат» маркази директори |
| 23. | Абдураҳимова Ф.Й. | — | Тошкент шаҳар ҳокимининг ўринбосари хотин-қизлар қўмитаси раиси |
Доимий ишлайдиган комиссия таркибига Қорақалпоғистон Республикаси, вилоятлар ва Тошкент шаҳар хотин-қизлар қўмиталари раислари лавозимига кўра кирадилар.
(Ўзбекистон Республикаси Қонун ҳужжатлари тўплами, 2004 й., 26-сон, 299-модда)
