319-сон 06.11.2015. Металлургия маҳсулотларининг хавфсизлиги тўғрисидаги умумий техник регламентни тасдиқлаш ҳақида

Норасмий таржима

Ўзбекистон Республикаси Вазирлар Маҳкамасининг

Қарори

Металлургия маҳсулотларининг хавфсизлиги тўғрисидаги умумий техник регламентни тасдиқлаш ҳақида

Ўзбекистон Республикасининг «Техник жиҳатдан тартибга солиш тўғрисида»ги Қонунига мувофиқ, металлургия маҳсулотларининг хавфсизлигига ягона талабларни белгилаш мақсадида Вазирлар Маҳкамаси қарор қилади:

1. Металлургия маҳсулотларининг хавфсизлиги тўғрисидаги умумий техник регламент иловага мувофиқ тасдиқлансин ва расмий эълон қилинган кундан бошлаб олти ой ичида амалиётга жорий этилсин.

2. «Ўзстандарт» агентлиги ваколатли органлар билан биргаликда ушбу қарор билан тасдиқланган Умумий техник регламент амалиётга жорий этилган кундан бошлаб, белгиланган тартибда, металлургия маҳсулотларига мажбурий талабларни белгиловчи стандартлаштириш бўйича норматив ҳужжатларни қўллашда уларнинг мажбурийлигини бекор қилиш ва ихтиёрийлигини таъминлаш чораларини кўрсин.

3. «Олмалиқ кон-металлургия комбинати» ва «Ўзбекистон металлургия комбинати» акциядорлик жамиятлари, «Ўзстандарт» агентлиги Ўзбекистон Миллий телерадиокомпанияси билан биргаликда аҳоли, давлат ва хўжалик бошқаруви органлари, тадбиркорлик субъектларини тасдиқланган Умумий техник регламентнинг мақсадлари, мазмуни ва уни қўллаш тартиби тўғрисида кенг хабардор қилишни таъминласин.

4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосарлари У.У. Розуқулов ва Ғ.И. Ибрагимов зиммасига юклансин.

Ўзбекистон Республикасининг Бош вазири Ш. МИРЗИЁЕВ

Тошкент ш.,

2015 йил 6 ноябрь,

319-сон

Ўзбекистон Республикаси Вазирлар Маҳкамасининг 2015 йил 6 ноябрдаги 319-сон қарорига
ИЛОВА

Металлургия маҳсулотларининг хавфсизлиги тўғрисидаги умумий техник регламент

I боб. Умумий қоидалар

1-§. Умумий техник регламентнинг мақсадлари ва қўлланиш соҳаси

1. Мазкур Умумий техник регламент (кейинги ўринларда — Техник регламент) ушбу Техник регламентнинг 1-иловасида келтирилган рўйхат бўйича металлургия маҳсулотларининг хавфсизлигига доир талабларни белгилайди.

2. Мазкур Техник регламентнинг талаблари қимматбаҳо, ишқорий, ишқорий-ер, нодир металлар, радиоактив металлар, симоб, рангли металлар, қотишмалар ва қора металлар прокатини кейинчалик қайта ишлаш натижасида олинган буюмларга, шунингдек махсус хоссаларга эга легирланган пўлат прокатига, ферроқотишмаларга ва қувур ишлаб чиқариш маҳсулотларига татбиқ этилмайди.

2-§. Атамалар ва таърифлар

3. Мазкур Техник регламент мақсадлари учун Ўзбекистон Республикасининг «Техник жиҳатдан тартибга солиш тўғрисида»ги Қонунида белгиланган тушунчалар, шунингдек қуйидаги атамалар қўлланилади:

альфа-заррачалар — икки протон ва икки нейтрондан ташкил топган ва мусбат зарядга эга гелий атомлари ядролари;

бета-заррачалар — радиоактив ядро чиқарадиган электронлар (манфий зарядли) ёки позитронлар (мусбат зарядли);

гамма-нурланиш — ядровий ўзгаришлар жараёнида ёки заррачалар аннигиляциясида юзага келадиган фотон нурланиш;

қимматбаҳо металлар — агрессив муҳитларда юқори кимёвий барқарорлик, қийин эрувчанлик, болғаланувчанлик ва чўзилувчанликка эга рангли металлар (олтин, кумуш, платина ва платина гуруҳи металлари — палладий, иридий, родий, рутений ва осмий);

ионлаштирувчи нурланиш — радиоактив парчаланиш, ядровий ўзгаришлар, зарядланган заррачаларнинг моддада тормозланиши вақтида ҳосил бўладиган, муҳит билан ўзаро таъсирлашганда турли ишорали ионларни ҳосил қиладиган нурланиш;

ионлаштирувчи нурланиш манбаи — ионлаштирувчи нурланишни чиқарадиган ёки чиқариши мумкин бўлган қурилма ва (ёки) радиоактив модда;

маркировка — маҳсулотни идентификация қилиш ва у ҳақдаги маълумотни истеъмолчига етказиш мақсадида маҳсулотга ёки қадоққа тушириладиган матн, шартли белги ва/ёки график тасвир кўринишидаги ахборот;

металлургия маҳсулоти — металл таркибли хом ашёни қайта ишлаш жараёнида олинган металлургия корхоналарининг асосий маҳсулоти;

қора металлар прокатининг механик хавфсизлиги — инсон ҳаёти ва соғлиғига, жисмоний, юридик шахслар ва давлат мол-мулкига, атроф муҳитга зарар етказиш хавфларини истисно этиш мақсадида конструкцияларни ҳисоблашда эътиборга олинадиган қора металлар прокатининг эксплуатация хусусиятлари мажмуи;

қора металлар прокати — прокат станларида иссиқ, илиқ ёки совуқ прокатлаш йўли билан ишлаб чиқариладиган маҳсулот (махсус хоссаларга эга легирланган пўлат прокати ва қувур ишлаб чиқариш маҳсулотлари бундан мустасно);

рангли металлар қотишмаси — икки ва ундан ортиқ металл ёки металл ва нометалларни эритиб қўшиш орқали олинган металл материал, бунда рангли металл асосий ҳисобланади;

рангли металлар — темир, хром, марганецдан ташқари барча турдаги металлар (мазкур Техник регламент учун қимматбаҳо, ишқорий, ишқорий-ер ва радиоактив металлар, шунингдек литий, рубидий, цезий, бериллий, цирконий, гафний, ванадий, ниобий, тантал, молибден, вольфрам, галлий, индий, таллий, германий, рений бундан мустасно деб қабул қилинади);

эксплуатация хусусиятлари — механик хоссалар ва геометрик параметрлар мажмуи.

II боб. Металлургия маҳсулотларига қўйиладиган хавфсизлик талаблари

1-§. Радиациявий хавфсизлик

4. Гамма-нурланиш эквивалент дозасининг максимал қуввати 0,3 мкЗв/соатдан ошмаслиги керак (табиий фон ҳиссаси чиқариб ташланган ҳолда).

5. Металлургия маҳсулоти сиртининг альфа-заррачалар билан ифлосланишининг йўл қўйиладиган максимал кўрсаткичлари 0,04 альфа-заррача/(см²×с)дан, бета-заррачалар билан эса 0,4 бета-заррача/(см²×с)дан ошмаслиги керак.

6. Гамма-нурланиш дозасининг ошгани аниқланган ҳолларда ўлчовларни амалга ошираётган ташкилот ионлаштирувчи нурланиш манбаини изоляция қилиш чораларини кўриши ва қонунчиликда белгиланган тартибда ваколатли органларни хабардор қилиши керак.

2-§. Қора металлар прокатининг механик хавфсизлиги

7. Қора металлар прокатининг механик хавфсизлиги ушбу Техник регламентнинг 2-иловасида келтирилган кўрсаткичларга риоя этилган ҳолатда олинадиган эксплуатация хусусиятлари билан таъминланади.

8. Лойиҳалаш ва қурилишда қора металлар прокатининг геометрик ўлчамлари ва пўлат маркаларини қўллаш шаҳарсозлик ва шаҳарсозлик фаолияти соҳасидаги ваколатли давлат органи томонидан тартибга солинади.

III боб. Металлургия маҳсулотларини қадоқлашга қўйиладиган талаблар

9. Металлургия маҳсулотининг қадоғи ишончли бўлиши ҳамда ташиш ва сақлашда маҳсулотнинг бут сақланиши ва хавфсизлигини таъминлаши керак.

1-§. Рангли металларни қадоқлаш

10. Чушка, қуйма, катод, лист кўринишида тайёрланадиган рангли металлар массаси 1500 кг гача бўлган пакетларга шакллантирилиши ва пўлат сим, катанка ёки лента (шу жумладан полимер лента) билан боғланиши керак.

11. Чивиқ, плита, кукун, гранула, кичик қуймалар кўринишида тайёрланадиган рангли металлар полиэтилен қопларга қадоқланиши ва яшиклар ёки контейнерларга (ёғоч, металл, пластик) жойланиши керак. Бунда чивиқ ва плиталар кўринишидаги рангли металлар соф массаси 80 кг дан, кукун, гранула ва кичик қуймалар эса 50 кг дан ошмаган ҳолда қадоқланади.

2-§. Рангли металлар қотишмаларини қадоқлаш

12. Чушка, плитка, қуйма ва чивиқ кўринишида тайёрланган рангли металлар қотишмаларини қадоқлаш истеъмолчининг талабига кўра амалга оширилади.

13. Рангли металлар қотишмаларини қадоқсиз жўнатишга йўл қўйилади.

3-§. Қора металлар прокатини қадоқлаш

14. Пўлат прокати боғламларга қадоқланади. Сортли прокатни ўрамларга ва листли прокатни рулонларга қадоқлашга йўл қўйилади.

15. Чивиқ кўринишидаги сортли ва фасонли пўлат прокати боғламларга қадоқланади. Ўлчовли узунликдаги чивиқлар боғламларга қадоқланганда боғламларнинг учлари бир томондан текисланиши керак. Боғламлар зич қадоқланган ва мустаҳкам боғланган бўлиши керак. Битта боғламнинг массаси 10 000 кг дан ошмаслиги керак.

16. Сортли ва фасонли пўлат прокати боғламларини боғлаш учун диаметри 5,8 дан 8,0 мм гача бўлган углеродли пўлат сим ёки катанка ёхуд уларни кўчиришда қадоқнинг бут сақланишини таъминлайдиган бошқа турдаги боғловчи материаллар қўлланилиши керак.

17. Ўрамлардаги сортли пўлат прокати ўрамлари чалкашмасдан жойланиши керак. Битта ўрамнинг массаси 3500 кг дан ошмаслиги керак.

18. Массаси 150 кг гача бўлган ўрамлардаги сортли пўлат прокати диаметри 4 дан 4,2 мм гача бўлган углеродли пўлат сим ёки катанка билан диаметрал қарама-қарши икки жойидан, боғлам учларини камида уч марта зич бураб ёки кўчиришда қадоқнинг бут сақланишини таъминлайдиган бошқа турдаги боғловчи материаллар билан боғланади.

19. Массаси 150 дан 3500 кг гача бўлган ўрамлардаги сортли пўлат прокати диаметри 6,0 дан 6,5 мм гача бўлган углеродли пўлат сим ёки катанка билан камида тўрт жойидан, камида уч толада ва боғлам учларини камида уч марта зич бураб ёки кўчиришда қадоқнинг бут сақланишини таъминлайдиган бошқа турдаги боғловчи материаллар билан боғланиши керак.

20. Боғламларга қадоқланган листли прокат бўйлама ва кўндаланг йўналишларда мустаҳкам боғланган бўлиши керак.

21. Қалинлиги 2 мм дан кам ва узунлиги 2 м дан ортиқ бўлган листли прокат боғламларга қадоқланганда пастдан махсус ёғоч (металл) бруслар ёки тагликлар маҳкамланиши керак.

22. Рулонларга қадоқланган листли прокат зич ўралган ва бир-иккита айланма ёки икки-олтита радиал боғлам билан боғланган бўлиши керак.

23. Битта боғлам (рулон) массаси 15 000 кг дан ошмаслиги керак. Бунда истеъмолчи билан келишилган ҳолда массаси 15 000 кг дан ортиқ листли прокатни қадоқлашга йўл қўйилади.

24. Листли прокатни боғлаш учун қалинлиги 0,5 дан 2 мм гача ва эни 10 дан 30 мм гача бўлган металл лента, диаметри 6 дан 8 мм гача бўлган катанка ёки сим қўлланилади.

Боғлашда лента учлари қулфлар ёки икки нуқтали пайванд чоки ёрдамида бириктирилади. Катанка ёки сим учлари камида икки-уч марта мустаҳкам буралиши керак.

25. Пўлатдан иссиқ прокатланган ва чўяндан қуйилган майдаловчи шарлар қадоқсиз, уюм ҳолда жўнатилади.

IV боб. Металлургия маҳсулотларини маркировкалашга қўйиладиган талаблар

1-§. Рангли металлар ва рангли металлар қотишмаларини маркировкалаш

26. Рангли металлар ва рангли металл қотишмаларининг маркировкаси ёрлиққа, этикеткага ва/ёки бевосита маҳсулот юзасига туширилади.

27. Рангли металлар ва рангли металлар қотишмалари пакетларга қадоқланганда маркировка қадоққа маҳкамланадиган ёрлиққа, полиэтилен қоплар ва яшикларга қадоқланганда эса қадоққа ёпиштириладиган этикеткага туширилиши керак.

28. Рангли металлар ва рангли металлар қотишмаларининг ёрлиғи ва этикеткасида қуйидагилар кўрсатилиши керак:

ишлаб чиқарувчи мамлакат;

ишлаб чиқарувчининг (сотувчи ёки хорижий ишлаб чиқарувчининг ваколатли вакили) номи;

ишлаб чиқарувчининг (сотувчи ёки хорижий ишлаб чиқарувчининг ваколатли вакили) юридик манзили;

маҳсулотнинг номи ва/ёки маркаси;

ишлаб чиқарилган сана (ой, йил);

қадоқдаги маҳсулот массаси (кг);

сақлаш шартлари ва/ёки манипуляцион белгилар;

маҳсулотга доир техник жиҳатдан тартибга солиш соҳасидаги норматив ҳужжатнинг номи (белгиланиши);

сертификатлаш тўғрисидаги маълумот (мажбурий сертификатланиши лозим бўлган маҳсулотга нисбатан).

29. Ички бозорга етказиб бериладиган рангли металлар ва рангли металлар қотишмалари маркировкаси матни давлат тилида бўлиши керак.

30. Рангли металлар ва рангли металлар қотишмаларининг чушкалари ва қуймалари юзасига маркировка туширилганда ишлаб чиқарувчи завод тамғаси, эритма рақами ва маҳсулотнинг номи ва/ёки маркаси кўрсатилади.

31. Маркировка ишончли, текшириш мумкин бўлган, осон ўқиладиган ва мустаҳкам бўлиши керак.

32. Рангли металлар қотишмалари қадоқсиз жўнатилганда ҳар бир етказиб бериладиган партияга мазкур Техник регламентнинг 28-бандида назарда тутилган маълумотлар кўрсатилган ҳужжат илова қилиниши керак.

2-§. Қора металлар прокатини маркировкалаш

33. Қора металлар прокатининг маркировкаси қадоққа маҳкамланадиган ёрлиққа ва/ёки бевосита маҳсулот юзасига туширилади.

34. Қора металлар прокати боғлам, ўрам ва рулонларга қадоқланганда маркировка ёрлиққа туширилиши керак.

35. Боғламларга қадоқланган қора металлар прокатига иккита ёрлиқ маҳкамланиши керак. Ёрлиқлар боғламнинг икки учидан сим билан боғичга маҳкамланиши керак.

36. Массаси 150 кг гача бўлган қора металлар прокати ўрамига битта ёрлиқ, массаси 150 дан 3500 кг гача бўлган ўрам ёки ўрамлар боғламига эса ўрамнинг (ўрамлар боғламининг) икки томонидан иккита ёрлиқ маҳкамланади.

37. Қора металлар прокати ёрлиғида қуйидагилар кўрсатилиши керак:

ишлаб чиқарувчи мамлакат;

ишлаб чиқарувчининг (сотувчи ёки хорижий ишлаб чиқарувчининг ваколатли вакили) номи;

ишлаб чиқарувчининг (сотувчи ёки хорижий ишлаб чиқарувчининг ваколатли вакили) юридик манзили;

маҳсулотнинг номи ва (ёки) класси (тоифаси, маркаси, тури);

ишлаб чиқарилган сана (ой, йил);

пўлат маркаси;

эритма (партия) рақами;

қадоқдаги маҳсулот массаси (кг);

геометрик ўлчамлар;

сақлаш шартлари ва/ёки манипуляция белгилари;

маҳсулотга доир техник жиҳатдан тартибга солиш соҳасидаги норматив ҳужжатнинг номи (белгиланиши);

сертификатлаш тўғрисидаги маълумот (мажбурий сертификатланиши лозим бўлган товарга нисбатан).

38. Ички бозорга етказиб бериладиган қора металлардан тайёрланган маҳсулот қадоғининг маркировкаси матни давлат тилида бўлиши керак.

39. Қора металлар прокати юзасига маркировка қуйидагича туширилади:

а) даврий профилли арматура прокатини ишлаб чиқариш жараёнида мустаҳкамлик класси ва рельс турини мазкур Техник регламентнинг 2-иловасига мувофиқ кўрсатган ҳолда тамғалаш йўли билан;

б) листли прокат боғламларга қадоқланганда юқоридаги листга ювилмайдиган бўёқ билан ишлаб чиқарувчи корхонанинг номи ва/ёки белгиси, пўлат маркаси, эритма (партия) рақами ва геометрик ўлчамларни тушириш йўли билан.

40. Листлар ва кенг тасмали прокат боғламларга қадоқланганда маркировка ҳар бир боғламнинг юқоридаги листи ва тасмасига ёки боғлам боғичларига мустаҳкам маҳкамланган маркировкаланган картага (ёрлиққа) туширилади.

41. Маркировка ишончли, осон ўқиладиган, пухта маҳкамланган ва узоқ муддат сақланадиган бўлиши керак.

V боб. Металлургия маҳсулотларини идентификация қилиш ва синовлар ўтказиш

1-§. Идентификация қилиш

42. Идентификация қилиш деганда мувофиқликни баҳолаш мақсадида тақдим этилган металлургия маҳсулотининг маркировкасида кўрсатилган муҳим белгиларига айнан мослигини аниқлаш тушунилади.

43. Металлургия маҳсулотини идентификация қилиш органолептик ва инструментал усуллардан фойдаланган ҳолда амалга оширилади.

Идентификация қилишнинг органолептик усули маҳсулотнинг номи ва тури (вазифаси), шунингдек унинг айнан мослиги ва ташқи кўринишига хос белгилари бўйича амалга оширилади.

Масса ва геометрик ўлчамларни идентификация қилишнинг инструментал усули амалдаги қиёслаш белгиси ва/ёки қиёслаш гувоҳномасига эга ўлчаш воситалари билан амалга оширилади.

44. Маҳсулотни унинг номи, тури (вазифаси)ни ўз ичига олган белгилар бўйича идентификация қилиш ва мазкур Техник регламент талабларига мувофиқ унинг хавфсизлик кўрсаткичларига мувофиқлигини аниқлаш қуйидагилар томонидан амалга оширилади:

уни муомалага чиқараётган ишлаб чиқарувчи (сотувчи);

сертификатлаштириш органи, маҳсулот мувофиқлигини баҳолаш ва тасдиқлаш мақсадида;

давлат назорати органи, Ўзбекистон Республикаси ҳудудида муомалада бўлган маҳсулотнинг мазкур Техник регламент талабларига мувофиқлигини текшириш мақсадида.

2-§. Намуналар олиш қоидалари

45. Қора металлар прокатининг механик хавфсизлигини аниқлаш учун намуналар олиш эксплуатация хусусиятларининг мазкур Техник регламент талабларига мувофиқлигини аниқлаш мақсадида амалга оширилади ва техник жиҳатдан тартибга солиш соҳасидаги амалдаги норматив ҳужжатларга мувофиқ бажарилади.

3-§. Синовларни ўтказиш

46. Металлургия маҳсулотларининг радиациявий хавфсизлигини назорат қилиш мазкур Техник регламентнинг 3-иловасида келтирилган радиациявий-дозиметрик назорат бўйича услубий кўрсатмаларга мувофиқ амалга оширилади.

47. Қора металлар прокатининг механик хавфсизлигини белгиловчи даврий профилли прокатнинг механик хоссалари ва бетон билан тишлашиш кўрсаткичларини аниқлаш бўйича синов усуллари техник жиҳатдан тартибга солиш соҳасидаги норматив ҳужжатларга мувофиқ тартибга солинади.

VI боб. Ўтиш даври

48. Мазкур Техник регламент кучга кирган пайтдан бошлаб Ўзбекистон Республикаси ҳудудида амал қиладиган ва мазкур Техник регламентнинг 1-иловасида назарда тутилган металлургия маҳсулотларининг хавфсизлигига талабларни белгиловчи техник жиҳатдан тартибга солиш соҳасидаги норматив ҳужжатлар мазкур Техник регламентга мувофиқлаштирилгунга қадар унга зид бўлмаган қисмида қўлланилади.

49. Мазкур Техник регламент амалга киритилгунга қадар қонунчиликка мувофиқлиги мажбурий тасдиқланиши лозим бўлган металлургия маҳсулотига нисбатан Ўзбекистон Республикаси Миллий сертификатлаштириш тизимида белгиланган қоидалар қўлланилади.

50. Мазкур Техник регламент кучга киргунига қадар металлургия маҳсулотларига олинган санитария-эпидемиологик хулосалар ва мувофиқлик сертификатлари ушбу сертификатларда белгиланган муддат давомида амал қилишда давом этади.

VII боб. Давлат назоратини амалга ошириш тартиби

51. Мазкур Техник регламент талабларига риоя этилиши устидан давлат назорати Ўзбекистон Республикаси Саноат хавфсизлиги давлат қўмитаси, Соғлиқни сақлаш вазирлиги, Экология ва атроф-муҳитни муҳофаза қилиш давлат қўмитаси ва Давлат божхона қўмитаси ҳамда уларнинг ҳудудий органлари, шунингдек ўз ваколатлари доирасида бошқа махсус ваколатли давлат органлари томонидан амалга оширилади.

VIII боб. Мазкур Техник регламент талабларига риоя этмаганлик учун жавобгарлик

52. Мазкур Техник регламентни бузишда айбдор бўлган шахслар қонунчиликда белгиланган тартибда жавобгар бўлади.

Металлургия маҳсулотларининг хавфсизлиги тўғрисидаги умумий техник регламентга
1-ИЛОВА

Хавфсизлик талаблари белгиланадиган металлургия маҳсулотлари

РЎЙХАТИ

1. Рангли металлар:

бирламчи алюминий: чушка, лист ва чивиқ кўринишида;

висмут: қуйма ва гранула кўринишида;

кадмий: чушка, плитка ва чивиқ кўринишида;

кобальт: қуйма, катод листлари, пластиналар кўринишида;

магний: чушка кўринишида;

мис: катод листлари, чушка, қуйма, қуйма буюмлар, кукун кўринишида;

бирламчи никель: катод листлари, тасмалар, пластиналар, қирқимлар, гранулалар ва қуймалар кўринишида;

қалай: чушка, блок ва чивиқ кўринишида;

аммоний перренати (рений кислотали аммоний): кукунсимон;

қўрғошин: чушка, қуйма ва блок кўринишида;

техник селен: қуйма, гранула ва кукун кўринишида;

сурьма: чушка, қуйма ва пластина кўринишида.

техник теллур: кукун ва қуйма кўринишида;

титан: чушка ва лист кўринишида;

бирламчи рух: чушка, блок ва кукун кўринишида.

2. Рангли металлар қотишмалари.

3. Қора металлар прокати:

сортли пўлат прокати;

фасонли пўлат прокати;

листли пўлат прокати (листлар, тасмалар);

пўлатдан иссиқ прокатланган майдаловчи шарлар;

чўяндан қуйилган майдаловчи шарлар.

Металлургия маҳсулотларининг хавфсизлиги тўғрисидаги умумий техник регламентга
2-ИЛОВА

Қора металлар прокатининг механик хавфсизлигини таъминловчи даврий профилли прокатнинг механик хоссалари ва тишлашиш кўрсаткичларига талаблар

I. Механик хоссалар

1.1-жадвал

Оддий сифатли углеродли пўлатдан ясалган сортли ва фасонли прокатнинг механик хоссалари

Мустаҳкамлик класси	Прокат қалинлиги, кўпи билан мм	Шартли ёки физик оқувчанлик чегараси, σ т (σ 0,2 ) Н/мм да 2	Узилишга вақтинчалик қаршилик, σ Н/мм да да 2	Нисбий узайиш, δ 5 % да	Томонлар параллеллигигача эгилиш (а — намуна қалинлиги, d — оправка диаметри)
Ст 1 кп	шу жумладан, 10 гача	305 — 390	195	35	d = а
	10 дан юқори, шу жумладан, 20 гача		195
	20 дан юқори, шу жумладан, 40 гача		185	34	d = 2а
	40 дан юқори, шу жумладан, 10 гача		175	32
	100 дан юқори		165
Ст 1 пс Ст 1 сп	10 гача, шу жумладан	315 — 410	205	34	d = а
	10 дан юқори, шу жумладан, 20 гача		205
	20 дан юқори, шу жумладан, 40 гача		195	33	d = 2а
	40 дан дан юқори, шу жумладан, 100 гача		185	3231
	100 дан юқори		175
Ст 2 кп	шу жумладан, 10 гача	325 — 410	215	33	d = а
	10 дан юқори, шу жумладан 20 гача		215
	20 дан юқори, шу жумладан, 40 гача		205	32	d = 2а
	40 дан юқори, шу жумладан, 100 гача		195	30
	100 дан юқори		185
Ст 2 пс Ст 2 сп	шу жумладан, 10 гача	335 — 430	225	32	d = а
	10 дан юқори, шу жумладан 20 гача		225
	20 дан юқори, шу жумладан, 40 гача		215	31	d = 2а
	40 дан юқори, шу жумладан, 100 гача		205	29
	100 дан юқори		195
Ст 3 кп	шу жумладан, 10 гача	360 — 460	235	27	d = а
	10 дан юқори, шу жумладан 20 гача		235
	20 дан юқори, шу жумладан, 40 гача		225	26	d = 2а
	40 дан юқори, шу жумладан 100 гача		215	24
	100 дан юқори		195
Ст 3 пс	шу жумладан, 10 гача	370 — 480	245	27	d = а
	10 дан юқори, шу жумладан 20 гача		245
	20 дан юқори, шу жумладан, 40 гача		235	26	d = 2а
	40 дан юқори, шу жумладан 100 гача		225	24
	100 дан юқори		205
Ст 3 сп	шу жумладан, 10 гача	370 — 480	255	27	d = а
	10 дан юқори, шу жумладан 20 гача		245
	20 дан юқори, шу жумладан, 40 гача		235	26	d = 2а
	40 дан юқори, шу жумладан 100 гача		225	24
	100 дан юқори		205
Ст 3 Гпс	шу жумладан, 10 гача	370 — 490	-	26	d = а
	10 дан юқори, шу жумладан 20 гача		245
	20 дан юқори, шу жумладан, 40 гача		235	25	d = 2а
	40 дан юқори, шу жумладан 100 гача		225	23
	100 дан юқори		205
Ст 3 Гсп	шу жумладан, 10 гача	390 — 570	-	-	-
	10 дан юқори, шу жумладан 20 гача		-
	20 дан юқори, шу жумладан, 40 гача		245	24	d = 2а
	40 дан юқори, шу жумладан 100 гача		-	2
	100 дан юқори		-
Ст 4 кп	шу жумладан, 10 гача	400 — 510	255	25	d = 2а
	10 дан юқори, шу жумладан 20 гача		255
	20 дан юқори, шу жумладан, 40 гача		245	24	d = 3а
	40 дан юқори, шу жумладан 100 гача		235	22
	100 дан юқори		225
Ст 4 пс Ст 4 сп	шу жумладан, 10 гача	410 — 530	265	24	d = 2а
	10 дан юқори, шу жумладан 20 гача		265
	20 дан юқори, шу жумладан, 40 гача		255	23	d = 3а
Ст 4 пс Ст 4 сп	40 дан юқори, шу жумладан 100 гача	410 — 530	245	21	d = 3а
	100 дан юқори		235
Ст 5 пс	шу жумладан, 10 гача	490 — 630	285	20	d = 3а
	10 дан юқори, шу жумладан 20 гача		285
	20 дан юқори, шу жумладан, 40 гача		275	19	d = 4а
	40 дан юқори, шу жумладан 100 гача		265	17
	100 дан юқори		555
Ст 5 сп	шу жумладан, 10 гача	490 — 630	295	20	d = 3а
	10 дан юқори, шу жумладан 20 гача		285
	20 дан юқори, шу жумладан, 40 гача		275	19	d = 4а
	40 дан юқори, шу жумладан 100 гача		265	17
	100 дан юқори		255
Ст 5 Гпс	шу жумладан, 10 гача	450 — 590	-	20	d = 3а
	10 дан юқори, шу жумладан 20 гача		285
	20 дан юқори, шу жумладан, 40 гача		275	19	d = 4а
	40 дан юқори, шу жумладан 100 гача		265	17
	100 дан юқори		255
Ст 6 пс Ст 6 сп	шу жумладан, 10 гача	Камида 590	315	15	-
	10 дан юқори, шу жумладан 20 гача		315
	20 дан юқори, шу жумладан, 40 гача		305	14	-
	40 дан юқори, шу жумладан 100 гача		295	12
	100 дан юқори		295

Изоҳ: ( — ) белгиси кўрсаткич аниқланмаслигини англатади.

1.2-жадвал

Қурилишга доир пўлат конструкциялари учун фасонли прокатнинг механик хоссалари

Пўлат номи / пўлат маркаси	Пўлат қалинлиги, кўпи билан мм	Шартли ёки физик оқувчанлик чегараси, σт(σ 0,2 ) Н/мм да 2	Узилишга вақтинчалик қаршилик, σ Н/мм да да 2	Нисбий узайиш, δ 5 % да	Томонлар параллеллигигача эгилиш (а — намуна қалинлиги, d — оправка диаметри)	Зарбий қовушқоқлик¸ KCU¸ Дж/см³
						°С ҳароратда			механик эскиришдан кейин
						-20	-40	-70	механик эскиришдан кейин
		Камида				Камида
С235	4 дан юқори, шу жумладан 20 гача	235	360	26	d = а	-	-	-	-
С235	20 дан юқори, шу жумладан, 40 гача	225	360	25	d = 2а	-	-	-	-
С245	4 дан юқори, шу жумладан, 20 гача	245	370	25	d = а	-	-	-	29 *
	20 дан юқори, шу жумладан, 25 гача	235	370	24	d = 2а	-	-	-	29
	25 дан юқори, шу жумладан 30 гача	235	370	24	d = 2а	-	-	-	-
С255	4 дан юқори, шу жумладан 10 гача	255	380	25	d = а	29	-	-	29 *
	10 дан юқори, шу жумладан 30 гача	245	370	25	d = а	29	-	-	29
	20 дан юқори, шу жумладан 40 гача	235	370	24	d = 2а	29	-	-	29
С275	4 дан юқори, шу жумладан 10 гача	275	390	24	d = а	-	-	-	29 *
С275	10 дан юқори, шу жумладан 20 гача	275	380	23	d = а	-	-	-	29
С285	4 дан юқори, шу жумладан 10 гача	285	400	24	d = а	29	-	-	29 *
С285	10 дан юқори, шу жумладан 20 гача	275	390	23	d = а	29	-	-	29
С345	4 дан юқори, шу жумладан 10 гача	345	490	21	d = 2а	-	39	34	29
	10 дан юқори, шу жумладан 20 гача	325	470	21	d = 2а	-	34	29	29
	10 дан юқори, шу жумладан 40 гача	305	460	21	d = 2а	-	34	-	29
С345К	10 дан юқори, шу жумладан 40 гача	345	470	20	d = 2а	-	39	-	-
С375	4 дан юқори, шу жумладан 10 гача	375	510	20	d = 2а	-	39	34	29
	10 дан юқори, шу жумладан 20 гача	355	490	20	d = 2а	-	34	29	29
	10 дан юқори, шу жумладан 40 гача	335	480	20	d = 2а	-	34	-	29

Изоҳлар: (—) белгиси кўрсаткич аниқланмаслигини кўрсатади.

* Қалинлиги 5 мм бўлган профиль учун зарбий қовушқоқлик нормаси — 49 Дж/см².

1.3-жадвал

Юқори мустаҳкамликдаги пўлатдан ясалган сортли ва фасонли прокатнинг механик хоссалари

Мустаҳкамлик класси	Прокат қалинлиги, кўпи билан мм	Шартли ёки физик оқувчанлик чегараси, σ т (σ 0,2 ) Н/мм да 2	Узилишга вақтинчалик қаршилик, σ Н/мм да да 2	Нисбий узайиш, δ 5 % да	Томонлар параллеллигигача эгилиш (а — намуна қалинлиги, d — оправка диаметри)
265 *	100	265	420	21	d = 2а
295 *	100	295	430
325 *	60	325	450
345 *	20	345	480
375 *	10	375	510
390 *	20	390	530	18

* Мустаҳкамлик классини таъминловчи пўлат маркалари: ст3сп, 09Г2С, 09Г2, 10Г2С, 14Г2, 15ГФ, 15ХСНД, 10Г2С1, 10ХНДП, 10Г2Б, 15Г2СФ

Изоҳ: ( — ) белгиси кўрсаткич аниқланмаслигини англатади.

1.4-жадвал

Листли, тасмали, кенг тасмали универсал прокат ва юқори мустаҳкамликдаги пўлатнинг механик хоссалари

Мустаҳкамлик класси	Прокат қалинлиги, кўпи билан мм	Шартли ёки физик оқувчанлик чегараси, σ т (σ 0,2 ) Н/мм да 2	Узилишга вақтинчалик қаршилик, σ в , Н/мм да2	Нисбий узайиш, δ 5 % да	Томонлар параллеллигигача эгилиш (а — намуна қалинлиги, d — оправка диаметри)
265	160 гача	265	430	21	d = 2а
295	дан 20 дан 100	295	430
315	60 гача	315	450
325	60 гача	325	450
345	32 гача	345	490
355	20 гача	355	490
375	50 гача	375	510	20
390	50 гача	390	510	19
440	32 гача	440	590	19

Изоҳ: мустаҳкамлик класси буюртма қилинганда 265 пўлат маркасидан 16ГС вақтинчалик қаршилик камида 450 Н/мм² бўлиши керак; 12ГС пўлат маркасидан 315 мустаҳкамлик класси буюртма қилинганда нисбий узайиш камида 26,0 % бўлиши керак; 345 пўлат маркасидан 17ГС мустаҳкамлик класси буюртма қилинганда нисбий узайиш камида 23,0 %.бўлиши керак.

1.5-жадвал

Қурилиш пўлат конструкциялари учун листли ва кенг тасмали универсал прокатнинг механик хоссалари

Пўлат номи / пўлат маркаси	Прокат қалинлиги, кўпи билан мм	Шартли ёки физик оқувчанлик чегараси, σт(σ0,2) Н/мм да 2	Узилишга вақтинчалик қаршилик, σввН/мм 2	Нисбий узайиш, δ5в%	Томонлар параллеллигигача эгилиш (а — намуна қалинлиги, d — оправка диаметри)	Зарбий қовушқоқлик, KCU, Дж/см²
						°С ҳароратда.			механик эскиришдан кейин
						-20	-40	-70	механик эскиришдан кейин
		Камида				Камида
С235	2 дан юқори, шу жумладан 3¸9 гача	235	360	20	d = а	-	-	-	-
	4 дан юқори, шу жумладан 20 гача	235	360	26	d = 1¸5а	-	-	-	-
	20 дан юқори, шу жумладан 40 гача	225	360	26	d = 2а	-	-	-	-
	40 дан юқори, шу жумладан 100 гача	215	360	24	d = 2а	-	-	-	-
	100 дан юқори	195	360	24	d = 2¸5а	-	-	-	-
С245	2 дан юқори, шу жумладан 3,9 гача	245	370	20	d = а	-	-	-	-
	4 дан юқори, шу жумладан 10 гача	245	370	25	d = 1¸5а	-	-	-	29 *
	10 > дан юқори, шу жумладан 20 гача	245	370	25	d = 1¸5а	-	-	-	29
С255	2 дан юқори, шу жумладан 3,9 гача	255	380	20	d = 1¸5а	-	-	-	-
	4 дан юқори, шу жумладан 10 гача	245	380	25	d = 1¸5а	29	-	-	29 *
	10 дан юқори, шу жумладан 20 гача	245	370	25	d = 1¸5а	29	-	-	29
	20 дан юқори, шу жумладан 40 гача	235	370	25	d = 2а	29	-	-	29
С275	2 дан юқори, шу жумладан 3,9 гача	275	380	18	d = 1¸5а	-	-	-	-
	4 дан юқори, шу жумладан 10 гача	275	380	24	d = 1¸5а	-	-	-	29 *
	10 дан юқори, шу жумладан 20 гача	265	370	23	d = 1¸5а	-	-	-	29
С285	2 дан юқори, шу жумладан 3,9 гача	285	390	17	d = 1¸5а	-	-	-	-
	4 дан юқори, шу жумладан 10 гача	275	390	24	d = 1¸5а	29	-	-	29 *
	10 дан юқори, шу жумладан 20 гача	265	380	23	d = 1¸5а	29	-	-	29
С345	2 дан юқори, шу жумладан 3,9 гача	345	490	15	d = 2а	-	-	-	-
С345	4 дан юқори, шу жумладан 10 гача	245	490	21	d = 2а	-	39	34	29
С345	10 дан юқори, шу жумладан 20 гача	325	470	21	d = 2а	-	34	29	29
	20 дан юқори, шу жумладан 40 гача	305	460	21	d = 2а	-	34	29	29
	40 дан юқори, шу жумладан 60 гача	285	450	21	d = 2а	-	34	29	29
	60 дан юқори, шу жумладан 80 гача	275	440	21	d = 2а	-	34	29	29
	80 дан юқори, шу жумладан 160 гача	265	430	21	d = 2а	-	34	29	29
С345К	4 дан юқори, шу жумладан 10 гача	345	470	20	d = 2а	-	39	-	-
С375	2 дан юқори, шу жумладан 3,9 гача	375	510	14	d = 2а	-	-	-	-
	4 дан юқори, шу жумладан 10 гача	375	510	20	d = 2а	-	39	34	29
	10 дан юқори, шу жумладан 20 гача	355	490	20	d = 2а	-	34	29	29
	20 дан юқори, шу жумладан 40 гача	335	480	20	d = 2а	-	34	29	29
С390	4 дан юқори, шу жумладан 50 гача	390	540	20	d = 2а	-	-	29 **	-
С390К	4 дан юқори, шу жумладан 30 гача	390	540	19	d = 2а	-	-	29 **	-
С440	4 дан юқори, шу жумладан 30 гача	440	590	20	d = 2а	-	-	29 **	-
С440	30 дан юқори, шу жумладан 50 гача	410	570	20	d = 2а	-	-	29	-
С590	10 дан юқори, шу жумладан 36 гача	590	685	14	d = 3а	-	34	-	-
С590К	10 дан юқори, шу жумладан 36 гача	590	685	14	d = 3а	-	-	29	-

* Қалинлиги 5 мм бўлган листлар ва тасмалар учун зарбий қовушқоқлик нормаси 39 Дж/см².

** Қалинлиги 5 мм бўлган листлар ва тасмалар учун зарбий қовушқоқлик нормаси 34 Дж/см².

Изоҳлар:

1. Белги (—) кўрсаткич аниқланмаслигини англатади.

2. С590К пўлат учун оқувчанлик чегараси ва вақтинчалик қаршиликни 49 Н/мм² , нисбий узайишни эса 2 % га камайтиришга йўл қўйилади.

3. С590КШ пўлат учун минус 70°С ҳароратда зарбий қовушқоқлик камида 49 Дж/см².

4. С590 ва С590К пўлат учун эгилиш синови 120° гача йиртилиш ва ёриқларсиз эгилишга ҳамда 180° гача икки алоҳида қисмга ажралмасдан қўшимча эгилишга бардош бериши керак.

1.6-жадвал

Темир-бетон конструкцияларни арматуралаш учун иссиқ прокатланган ва термомеханик мустаҳкамланган прокатнинг механик хоссалари

Прокат ишлаб чиқариш усули	Пўлат тавсифи	Класс прокат	Шартли ёки физик оқувчанлик чегараси, σт(σ 0,2 ) Н/мм да 2	Узилишга вақтинчалик қаршилик, σввН/мм 2	Нисбий узайиш, δ 5 % да	Бир текис узайиш, δ р % да	Совуқ ҳолатда эгилиш синови
				Узилишга вақтинчалик қаршилик, σввН/мм 2	Нисбий узайиш, δ 5 % да	Бир текис узайиш, δ р % да	эгилиш бурчаги, grad	оправка диаметри, С в мм
			Камида
Иссиқ прокатланган	Углеродли	А240	235	373	25	-	180	d н
	Углеродли	А300	295	490	19	-	180	3d н
	Кам легирланган	А300	295	490	19	-	180	3d н
		А400	390	590	14	-	90	3d н
		А600	590	883	6	2	45	5d н
		А800	785	1030	7
		А1000	980	1230	6
Термомеханик мустаҳкамланган	Углеродли	Ат400С	440	550	16	-	90	3d н
	Углеродли	Ат 500С	500	600	14	-	90	3d н
	Кам легирланган	Ат600	600	800	12	4	45	5d н
		Ат 600С	600	800	12	4	45	5d н
		Ат800	800	1000	8	2	45	5d н
		Ат1000	1000	1250	7	2	45	5d н
		Ат 1200	1200	1450	6	2	45	5d н

Изоҳлар:

1. Белги (—) кўрсаткич аниқланмаслигини англатади.

2. Арматура прокати класси учун А600 номинал диаметри 18 мм маркадаги пўлатдан 80С совуқ ҳолатда эгилиш нормаси камида 30°.

3. Арматура прокати класси учун А 300 номинал диаметри 20 мм дан юқори — с = 4d.

4. Арматура прокати класси учун мустаҳкамлик Ат 1200 етказиб бериш ҳолатида шартли оқувчанлик чегарасини қуйидагича камайтиришга йўл қўйилади: 1150 Н/мм².

5. Мустаҳкамлик классларидаги арматура прокатини синашда Ат 800, Ат 1000, Ат 1200 прокатлашдан бевосита кейин пластиклик кўрсаткичларини 1% га камайтиришга йўл қўйилади.

							1.7-жадвал
Темир йўл рельсларининг механик хоссалари


Рельс тури	Рельслар тоифаси	Шартли ёки физик оқувчанлик чегараси, σт(σ 0,2 ) Н/мм да 2	Узилишга вақтинчалик қаршилик, σ Н/мм да да 2	Нисбий узайиш, δ 5 в%	Нисбий торайиш, ψ 5 в%	Зарбий қовушқоқлик, KCU Дж/см²да	Қаттиқлик, НВ
			Узилишга вақтинчалик қаршилик, σ Н/мм да да 2	Нисбий узайиш, δ 5 в%	Нисбий торайиш, ψ 5 в%	Зарбий қовушқоқлик, KCU Дж/см²да	каллакнинг юриш юзасида	каллакнинг юриш юзасидан 10 мм чуқурликда	каллакнинг юриш юзасидан 22 мм чуқурликда	бўйин ва таг қисмида
		камида					каллакнинг юриш юзасида	каллакнинг юриш юзасидан 10 мм чуқурликда	каллакнинг юриш юзасидан 22 мм чуқурликда	бўйин ва таг қисмида
Р50, Р65, Р65К, Р75	В	1290	850	12,0	35,0	15	363 — 401	камида 341		кўпи билан 388
	Т1	1180	800	8,0	25,0	25	341 — 401	камида 341	камида 321
	Т2	1100	750	6,0	25,0	15	321 — 401	камида 321	камида 300
	Н	900	-	5,0	-	-	-	-	-

Изоҳ: ( — ) белгиси кўрсаткич аниқланмаслигини англатади.

1.8-жадвал

Саноат транспорти йўллари учун темир йўл рельсларининг механик хоссалари

Рельс тури	Термик мустаҳкамланмаган (1) ва термик мустаҳкамланган (2) рельсларни чўзишга синашдаги механик хоссалар, камида
	Узилишга вақтинчалик қаршилик, σ Н/мм да да 2		оқувчанлик чегараси, σ т (σ) Н/мм да 2	Нисбий узайиш, δ 5 в%		Нисбий торайиш, ψ 5 в%
	1	2	2	1	2	2
РП75, РП65	900	1170	795	4	6	20
РП50	860	1170	795	5	6	20
СП49	860	-	-	4	-	-

Изоҳлар:

1. Белги (—) кўрсаткич аниқланмаслигини англатади.

2. Истеъмолчи билан келишувга кўра вақтинчалик қаршиликни камайтиришга йўл қўйилади:

термик мустаҳкамланмаган рельслар учун — гача 785 Н/мм²;

термик мустаҳкамланган рельслар учун — гача 1080 Н/мм².

1.9-жадвал

Стрелка учи ва контррельсларнинг механик хоссалари

Пўлат маркаси	Рельслар тури	Узилишга вақтинчалик қаршилик, σ МПа да да	Нисбий узайиш, δ 5 в%
стрелка учи рельслари
М73В М73Т М73В	ОР75, ОР65, ОР50	камида 900	Камида 5,0
контррельслар
М68	РК75, РК65, РК50	камида 840	Камида 7,0

1.10-жадвал

Асбобсозлик (углеродли) пўлатнинг механик хоссалари

Пўлат маркаси	Термик ишлов берилган металл маҳсулотининг қаттиқлиги		Сувда тоблангандан кейин намуналарнинг қаттиқлиги
Пўлат маркаси	НВ, кўпи билан	Из диаметри, мм, камида	Тоблаш ҳарорати, °С	НRC, (НRC), камида
У7, У7А	187	4,4	800 — 820	63 (62)
У8, У8А, У8Г, У8ГА	187	4,4	780 — 800	63 (62)
У9, У9А,	192	4,35	770 — 800	63 (62)
У10, У10А,	212	4,15	770 — 800	63 (62)
У12, У12А	217	4,10	760 — 790	64 (63)

1.11-жадвал

Термик ишлов берилган асбобсозлик (углеродли) пўлатининг механик хоссалари

Термик ишлов тури	Қаттиқлик
Термик ишлов тури	НВ, кўпи билан	Из диаметри, мм, камида	НRC, (НRC), камида
Юмшатиш ёки бўшатиш	269	3,7	-
Тоблаш	-	-	65 (64)

Изоҳ: ( — ) белгиси кўрсаткич аниқланмаслигини кўрсатади.

II. Даврий профилли прокатнинг тишлашиш кўрсаткичлари

Даврий профилли прокатнинг бетон билан тишлашиш қиймати прокат диаметрига боғлиқ ва кўндаланг қовурғалар эзилишининг нисбий майдони сифатида аниқланади (f_R).

	2.1-жадвал

Даврий профилли прокатнинг бетон билан тишлашиш кўрсаткичлари

Даврий профилли прокатнинг номинал диаметри, мм	Кўндаланг қовурғалар эзилишининг нисбий майдони (f_R), камида
6,0	0,039
6,0 дан юқори 8,0 гача, шу жумладан	0,045
8,0 дан юқори 10,0 гача, шу жумладан	0,052
10,0 дан юқори 40,0 гача, шу жумладан	0,056

Металлургия маҳсулотларининг хавфсизлиги тўғрисидаги умумий техник регламентга
3-ИЛОВА

Металлургия маҳсулотларини радиациявий-дозиметрик назорат қилиш бўйича услубий кўрсатмалар

1. Радиациявий-дозиметрик назоратни ўтказиш ишларига махсус тайёргарликдан ўтган, радиологик тадқиқотлар ўтказиш учун рухсатга эга ҳамда Ўзбекистон Республикасининг «Радиациявий хавфсизлик тўғрисида»ги Қонунига мувофиқ уни ўз вақтида, тўлиқ ва ишончли амалга ошириш учун жавобгар бўлган ходимлар қўйилади.

2. Радиациявий-дозиметрик назоратни ўтказиш аппаратураси белгиланган тартибда даврий равишда қиёслаш, калибрлаш ва солиштиришдан ўтиши ҳамда ҳар йилги давлат қиёслашидан ўтганлигини тасдиқловчи гувоҳномага эга бўлиши керак.

3. Ионлаштирувчи нурланишларни қайд этиш учун мўлжалланган дозиметрик аппаратура 5 КэВ дан 3 МэВ гача бўлган энергиялар оралиғида минимал «қаттиқлик бўйича юриш»га, 0,01 дан 103 мкЗв/соатгача сезгирлик диапазонига эга бўлиши, тор ионлаштирувчи нурланиш дасталари учун детектор ўлчамлари нисбатан кичик бўлиши керак.

4. Аппаратурани ўлчашлар ўтказишга тайёрлаш уни эксплуатация қилиш бўйича йўриқномага мувофиқ амалга оширилади.

5. Хонада радиациявий нурланишнинг фон қийматларини ўлчашда назорат нуқталари кириш жойида танланади — дозиметр турли нуқталардаги кейинги ўлчашларга нисбатан юқорироқ сезгирликка қўйилади. Ўлчашлар полдан 100 — 120 см баландликда амалга оширилади.

6. Йирик габаритли металлургия маҳсулотининг бир бирлигини ўлчаш полдан камида 1 м баландликда битта нуқтадан, ионлаштирувчи нурланиш дастасини горизонтал периметр бўйлаб ўлчашлар оралиғи 3 м дан ошмаган ҳолда кўчириш орқали амалга оширилади.

7. Металлургия маҳсулоти жойланган йирик габаритли қадоқни ўлчаш барча томонлардан камида 5 та нуқтада амалга оширилади. Ҳар бир назорат нуқтасида камида учта кетма-кет ўлчаш ўтказилади.

Ўлчашлар асбобни ўлчанаётган объектнинг барча томонлари бўйлаб кўчириш орқали амалга оширилади. Бунда асбобнинг детекция блокини ўлчанаётган юзадан 10 см масофада шундай жойлаштириш керакки, дозиметрист уни ўз танаси билан экранламасин. Бўртиқлар (ботиқлар) ўлчами детекция блоки диаметридан ошмайдиган текис ясси юза танланиши керак.

8. Гамма-нурланиш даражаларини миқдорий баҳолашда ўлчаш шароитларининг натижаларга таъсири ва ўлчаш хатолиги ҳисобга олиниши керак.

9. Гамма-нурланиш бўйича эквивалент доза қуввати (ЭДҚ) қийматини аниқлаш натижаси сифатида назорат нуқталарида ўлчашлар пайтида олинган ЭДҚ қийматларининг энг каттаси қабул қилинган.

10. Фон қийматларидан 0,3 мкЗв/соатдан кўп бўлмаган ЭДҚ қиймати йўл қўйиладиган деб ҳисобланади.

11. Асбоб кўрсаткичлари ва назорат натижалари баённома шаклида расмийлаштирилади.