Ҳужжат кучини йўқотган " " 11.12.2025
Ўзбекистон Республикаси Вазирлар Маҳкамасининг
қарори
Ўзбекистон «Ёшлик» жисмоний тарбия ва спорт жамияти фаолиятини такомиллаштириш тўғрисида
 LexUZ шарҳи
Мазкур қарор Ўзбекистан Республикаси Вазирлар Маҳкамасининг 2025 йил 10 декабрдаги 776-сонли ««Келажак» марказлари фаолиятини тартибга солишга қаратилган айрим норматив-ҳуқуқий ҳужжатларни тасдиқлаш тўғрисида»ги қарорига асосан ўз кучини йўқотган.
Ўзбекистон Республикаси Президентининг «Соғлом бола йили» Давлат дастури тўғрисида» 2014 йил 19 февралдаги ПҚ-2133-сон қарорининг 80-бандига мувофиқ, шунингдек халқ таълими тизимидаги ўқувчи ёшлар ўртасида жисмоний тарбия ва спортни янада оммалаштириш, ривожлантириш ҳамда юксак маҳоратли спортчилар захирасини тайёрлаш мақсадида Вазирлар Маҳкамаси қарор қилади:
1. Ўзбекистон «Ёшлик» жисмоний тарбия ва спорт жамияти (кейинги ўринларда Жамият деб юритилади), Ўзбекистон Республикаси Халқ таълими вазирлиги, Ўзбекистон Республикаси Маданият ва спорт ишлари вазирлиги, Ўзбекистон Республикаси Меҳнат ва аҳолини ижтимоий муҳофаза қилиш вазирликларининг Жамиятга қуйидаги қўшимча асосий вазифаларни юклаш тўғрисидаги таклифлари маъқуллансин:
ўқувчи ёшлар ўртасида жисмоний тарбия ва спортни кенг тарғиб қилиш, болаларнинг мунтазам равишда жисмоний тарбия билан шуғулланишлари учун шарт-шароитлар яратиш;
«Қувноқ стартлар» ва «Ёзги таътил» спорт мусобақаларини ўтказиш, «Умид ниҳоллари» спорт мусобақаларини ўтказиш орқали Ўзбекистон Республикаси Халқ таълими вазирлиги кўмагида ўқувчиларда соғлом турмуш тарзини шакллантириш ва тарғиб қилиш;
спорт мусобақаларининг республика босқичлари ғолиблари ва совриндорлари бўлган ўқувчилардан Ўзбекистон Республикаси Халқ таълими вазирлигининг спорт турлари бўйича терма ва захира жамоаларини шакллантириш ҳамда спорт турлари бўйича федерациялар билан ҳамкорликда иқтидорли ўқувчи спортчиларнинг халқаро спорт мусобақаларида қатнашишини таъминлаш.
2. Ўзбекистон «Ёшлик» жисмоний тарбия ва спорт жамияти фаолиятини тубдан такомиллаштириш ҳамда болаларни спорт билан шуғулланишга жалб этишга қаратилган чора-тадбирлар комплекси 1-иловага мувофиқ тасдиқлансин.
(2-банд Ўзбекистон Республикаси Вазирлар Маҳкамасининг 2025 йил 29 апрелдаги 275-сонли қарори таҳририда — Қонунчилик маълумотлари миллий базаси, 30.04.2025 й., 09/25/275/0394-сон)
3. Жамиятнинг марказий ва минтақавий кенгашларининг пул маблағлари қуйидагилар ҳисобига шакллантирилиши назарда тутилсин:
жамият аъзоларининг аъзолик бадалларидан тушган маблағлар;
бюджет маблағлари;
юридик ва жисмоний шахсларнинг хайрия эҳсонлари, хорижий ва халқаро ташкилотлар, хорижий давлатларнинг грантлари;
қонунчилик ҳужжатларида тақиқланмаган бошқа тушумлар.
(3-банднинг бешинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
4. Жамиятнинг марказий ва минтақавий кенгашлари таъминоти харажатларини бюджет маблағлари ҳисобидан молиялаштириш тартиби сақлаб қолинсин.
5. Қуйидагилар:
Жамият фаолияти учун 2 та енгил транспорт воситаси ажратилиши ва бюджет маблағлари ҳисобидан сақланиши инобатга олинсин;
Жамиятнинг марказий ва минтақавий кенгашларининг тренер-ўқитувчиларига Вазирлар Маҳкамасининг «Спорт мактаблари фаолиятини ҳамда спорт мактаблари тренерлари ва мутахассислари меҳнатини моддий рағбатлантириш тизимини янада такомиллаштириш тўғрисида» 2010 йил 23 сентябрдаги 211-сон қарори талаблари асосида белгиланган устама ва қўшимча ҳақлар татбиқ этилади.
(5-банд Ўзбекистон Республикаси Вазирлар Маҳкамасининг 2025 йил 29 апрелдаги 275-сонли қарори таҳририда — Қонунчилик маълумотлари миллий базаси, 30.04.2025 й., 09/25/275/0394-сон)
51. Ўзбекистон «Ёшлик» жисмоний тарбия ва спорт жамияти бошқарув, техник, хизмат кўрсатувчи ва ўқув-ёрдамчи ходимларининг намунавий штатлари ва меҳнатга ҳақ тўлаш шартлари 2-иловага мувофиқ тасдиқлансин.
(51-банд Ўзбекистон Республикаси Вазирлар Маҳкамасининг 2025 йил 29 апрелдаги 275-сонли қарорига асосан киритилган — Қонунчилик маълумотлари миллий базаси, 30.04.2025 й., 09/25/275/0394-сон)
6. Тошкент шаҳар ҳокимлиги Халқ таълими вазирлиги билан биргаликда бир ой муддатда Жамият учун жаҳон талабларига жавоб берадиган спорт базасини яратиш учун Тошкент шаҳрида тегишли бинони ҳудуди билан Жамиятга ажратиш тўғрисида Вазирлар Маҳкамасига таклиф киритсин.
7. Ўзбекистон Республикаси Молия вазирлиги ҳар йилги Ўзбекистон Республикасининг Давлат бюджети параметрларини шакллантиришда ушбу қарорнинг ижроси билан боғлиқ харажатларни назарда тутсин.
Олдинги таҳрирга қаранг.
(8-банд Ўзбекистон Республикаси Вазирлар Маҳкамасининг 2016 йил 27 июндаги 214-сонли қарорига асосан ўз кучини йўқотган — ЎР ҚҲТ, 2016 й., 26-сон, 316-модда)
9. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.И. Икрамов зиммасига юклансин.
Ўзбекистон Республикасининг Бош вазири Ш. МИРЗИЁЕВ
Тошкент ш.,
2014 йил 1 август,
210-сон
Вазирлар Маҳкамасининг 2014 йил 1 августдаги 210-сонли қарорига
1-ИЛОВА
(1-илованинг белгиси Ўзбекистон Республикаси Вазирлар Маҳкамасининг 2025 йил 29 апрелдаги 275-сонли қарори таҳририда — Қонунчилик маълумотлари миллий базаси, 30.04.2025 й., 09/25/275/0394-сон)
Ўзбекистон «Ёшлик» жисмоний тарбия ва спорт жамияти фаолиятини тубдан такомиллаштириш ҳамда болаларни спорт билан шуғулланишга жалб этишга йўналтирилган чора-тадбирлар
КОМПЛЕКСИ

Т/р

Тадбирлар номи

Бажариш муддатлари

Бажариш учун масъуллар

I. Жамият фаолиятини тубдан такомиллаштиришга йўналтирилган ишлар

1.

Жамият Марказий Кенгаши ва унинг тизимидаги минтақавий кенгашлар ҳамда бошланғич ташкилотлар фаолиятини такомиллаштириш юзасидан унинг зарур норматив ҳужжатларини қайта кўриб чиқиш ва такомиллаштириш.

2014 йил

1 октябрь

Ўзбекистон «Ёшлик» жисмоний тарбия ва спорт жамияти, Халқ таълими вазирлиги, тегишли вазирликлар ва идоралар

2.

Жамиятнинг марказий ва минтақавий кенгашларининг ходимлари меҳнатига ҳақ тўлаш бўйича разрядлар ва намунавий штатларни ишлаб чиқиш ва тасдиқлаш.

Жамиятнинг марказий ва минтақавий кенгашлари тренерлари меҳнатига ҳақ тўлашни бюджетдан молиялаштириладиган спорт мактаблари тренер-ўқитувчилари меҳнатига ҳақ тўлаш тартибига мувофиқлаштириш.

2014 йил
1 октябргача

Ўзбекистон «Ёшлик» жисмоний тарбия ва спорт жамияти, Халқ таълими вазирлиги, Меҳнат ва аҳолини ижтимоий муҳофаза қилиш вазирлиги, Молия вазирлиги

3.

Истеъдодли ёш спортчиларни аниқлаш, спортчилар захирасини тайёрлаш ва спорт турларини ривожлантириш ишларини олиб бориш тартибини ишлаб чиқиш.

2014 йил
1 ноябрь

Ўзбекистон «Ёшлик» жисмоний тарбия ва спорт жамияти, Халқ таълими вазирлиги

4.

Спорт мактаблари ўқувчи спортчилари, педагоглар ва бошқа ходимлар ўртасида спорт мусобақалари, ўқув йиғини машғулотлари ўтказиш учун Тошкент ва Нукус шаҳарларида ҳамда вилоятлар марказларида замонавий моддий техник базага эга бўлган биттадан спорт мактаби бино ва иншоотларини Жамиятнинг минтақавий кенгашларига бепул равишда фойдаланиш учун бириктириш.

2014 йил
20 сентябрь

Халқ таълими вазирлиги

5.

Жамият томонидан жаҳон талабларига жавоб берадиган спорт базасини яратиш учун Тошкент шаҳрида тегишли бинони ҳудуди билан Жамиятга ажратиш, кейинги йилларда ушбу бинони Ўзбекистон Республикаси Халқ таълими вазирлиги ҳузуридаги болалар спортини ривожлантириш жамғармаси маблағлари ҳисобидан босқичма-босқич қуриш ва таъмирлаш ишларини амалга ошириш.

2014 йил
15 сентябргача

Тошкент шаҳар ҳокимлиги, Ўзбекистон Республикасининг Хусусийлаштириш, монополиядан чиқариш ва рақобатни ривожлантириш давлат қўмитаси ва Халқ таълими вазирлиги

II. Болаларни спорт билан шуғулланишга жалб этишга йўналтирилган ишлар

6.

Халқ таълими тизимидаги умумтаълим, спорт мактаблари ҳамда бошқа таълим муассасалари ўқувчилари ўртасида турли спорт мусобақалари ва тадбирларини ўтказиш орқали селекция ишлари доимий тарзда йўлга қўйилишини ҳамда юқори маҳоратли спортчилар танлаб олинишини таъминлаш.

Бир йилда
икки марта

Халқ таълими вазирлиги, Ўзбекистон «Ёшлик» жисмоний тарбия ва спорт жамияти, тегишли вазирликлар ва идоралар

7.

Халқ таълими тизимидаги:

спорт мактабларининг йиллик ўсиши даражасини ҳудудлар бўйича олиб борилишини йўлга қўйиш;

ҳар бир спорт мактаблари фаолиятини янада ривожлантириш юзасидан аниқ вазифаларни белгилаш;

спорт мактабларининг фаолиятини таҳлил этиш, баҳолаш ва яхши натижаларга эришган спорт мактабларини рағбатлантириш;

спорт мактаблари фаолиятини доимий равишда назорат қилиб бориш мақсадида ҳисоботларни эшитиш ва таҳлил қилиш.

Бир йилда
икки марта

Ҳар 6 ойда

Бир йилда
бир марта

Ҳар чорак ва йил якунида

Ўзбекистон «Ёшлик» жисмоний тарбия ва спорт жамияти

8.

Спорт секциялари ва тўгаракларидаги машғулотлар жадвалларини мақбуллаштириш, ҳар хил спорт турлари, энг аввало спортнинг олимпия турлари бўйича янги қўшимча секция ва гуруҳлар ташкил этиш ҳисобига болаларни, айниқса қизларни спорт билан шуғулланишга янада кенгроқ жалб этиш.

Ҳар чоракда

Халқ таълими вазирлиги, Ўзбекистон «Ёшлик» жисмоний тарбия ва спорт жамияти, тегишли вазирликлар ва идоралар

9.

Халқ таълими тизимидаги таълим муассасалари ўқувчилари, талабалари, ўқитувчи ва бошқа ходимларининг жисмоний тайёргарлигини белгилаб берувчи «Алпомиш» ва «Барчиной» махсус спорт-тест синовларини топшириш жараёнини тўлиқ йўлга қўйиш.

Бир йилда
бир марта

Халқ таълими вазирлиги, Ўзбекистон «Ёшлик» жисмоний тарбия ва спорт жамияти, тегишли вазирликлар ва идоралар

10.

Спорт, тинчлик, ҳамкорлик ва ўзаро тотувлик ғояларини ҳамда юқори натижаларга эришган ёш спортчи ва тренерларнинг ютуқларини ўқувчилар ўртасида тарғиб қилиш мақсадида давра суҳбатлари уюштириш;

республика ҳудудларида, айниқса қишлоқ жойларда тизимли асосда республиканинг етакчи спортчилари, Олимпиада ва Осиё ўйинлари, жаҳон чемпионатлари ва бошқа халқаро мусобақалар чемпионлари ҳамда совриндорлари иштирокида кўргазмали маҳорат сабоқлари ўтказилишини ташкил этиш.

Ҳар ойда икки марта

Халқ таълими вазирлиги, Ўзбекистон «Ёшлик» жисмоний тарбия ва спорт жамияти, тегишли вазирликлар, спорт турлари бўйича республика федерациялари билан биргаликда

11.

Соғлом турмуш тарзини тарғиб қилишга йўналтирилган умумтаълим мактаб ўқувчилари ўртасида ҳудудларда ва умумреспублика миқёсида ўтказиладиган «Қувноқ стартлар» спорт мусобақаларини юқори савияда ташкил этиш.

Бир йилда
бир марта

Халқ таълими вазирлиги, Ўзбекистон «Ёшлик» жисмоний тарбия ва спорт жамияти

12.

«Умид ниҳоллари» спорт мусобақаларининг барча босқичлари (мактаб, туман, шаҳар ва вилоят) сифатли ўтишини таъминлаш мақсадида календарь режаларни ишлаб чиқиш ҳамда мусобақаларни юқори савияда ўтказиш.

Ҳар йили
2-чоракда

Халқ таълими вазирлиги, Ўзбекистон «Ёшлик» жисмоний тарбия ва спорт жамияти

13.

Халқ таълими тизимидаги таълим муассасаларида ташкил этилган спорт тўгараклари тўғрисида маълумотлар базасини яратиш.

2014 йил
1 октябрь

Ўзбекистон «Ёшлик» жисмоний тарбия ва спорт жамияти

14.

Спорт федерациялари билан ҳамкорликда спорт турлари бўйича методик тавсиялар ва ўқув қўлланмалари, шунингдек спортни тарғиб қилувчи тарқатма материаллар, плакатлар яратиш ҳамда ҳар бир таълим муассасасини таъминлаш.

Ҳар йилда
бир марта

Халқ таълими вазирлиги, Ўзбекистон «Ёшлик» жисмоний тарбия ва спорт жамияти, тегишли вазирликлар ва идоралар

15.

Ўқитувчилар ва тренерларнинг жисмоний тарбия бўйича малакаларини ошириш ва уларга методик ёрдам кўрсатиш юзасидан ўқув семинарлар ташкил этиш.

Ишлаб чиқилган жадвал асосида

Халқ таълими вазирлиги, Республика «Ёшлик» болалар спорт жамияти, тегишли вазирлик ва идоралар

16.

Халқ таълими тизимидаги 1-sport ва 2-sport давлат статистика ҳисобот шаклларини барча таълим муассасаларидан ўз вақтида қабул қилиш ва ҳисоботларини юритиш.

Бир йилда
бир марта

Халқ таълими вазирлиги, Ўзбекистон «Ёшлик» жисмоний тарбия ва спорт жамияти, тегишли вазирликлар ва идоралар

Вазирлар Маҳкамасининг 2014 йил 1 августдаги 210-сонли қарорига
2-ИЛОВА
Ўзбекистон «Ёшлик» жисмоний тарбия ва спорт жамияти бошқарув, техник, хизмат кўрсатувчи ва ўқув-ёрдамчи ходимларининг намунавий штатлари ва меҳнатга ҳақ тўлаш шартлари
1. Ўзбекистон «Ёшлик» жисмоний тарбия ва спорт жамияти Марказий кенгаши

Т/р

Лавозимлар номи

Штат бирликлари сони

Меҳнатга ҳақ тўлашнинг энг кам миқдорига нисбатан

(коэффициентда)

1.

Раиснинг биринчи ўринбосари

1

4,610

2.

Раиснинг спорт ишлари бўйича ўринбосари

1

4,379

3.

Раиснинг молия ва хўжалик ишлари бўйича ўринбосари

1

4,379

4.

Кадрлар бўйича бош мутахассис

1

3,625

5.

Юрисконсульт

1

*

6.

Матбуот котиби

1

4,379

7.

Бўлим бошлиғи

4

4,111

8.

Бош мутахассис

5

3,625

9.

Етакчи мутахассис

5

3,389

10.

Бош бухгалтер-бўлим бошлиғи

1

4,111

11.

Бухгалтер-бош мутахассис

1

3,625

12.

Ўқитувчи-тренерлар

42

**

Жами

64

2. Ўзбекистон «Ёшлик» жисмоний тарбия ва спорт жамияти минтақавий кенгашлари

Т/р

Лавозимлар номи

Қорақалпоғистон Республикаси

Андижон вилояти

Бухоро вилояти

Жиззах вилояти

Қашқадарё вилояти

Навоий вилояти

Наманган вилояти

Самарқанд вилояти

Сурхондарё вилояти

Сирдарё вилояти

Тошкент вилояти

Фарғона вилояти

Хоразм вилояти

Тошкент шаҳар

Жами штат бирликлари сони

Меҳнатга ҳақ тўлашнинг энг кам миқдорига нисбатан (коэффициентда)

1.

Раис ўринбосари

1

1

1

1

1

1

1

1

1

1

1

1

1

1

14

4,358

2.

Бухгалтер

1

1

1

1

1

1

1

1

1

1

1

1

1

1

14

4,111

3.

Бош мутахассис

2

2

3

2

3

1

2

2

2

2

3

2

2

2

30

3,389

4.

Етакчи мутахассис

2

1

2

1

3

1

2

2

2

1

2

2

1

1

23

3,159

5.

Ўқитувчи-тренерлар

4

4

6

7

7

3

4

10

8

6

13

6

9

8

95

**

Жами:

10

9

13

12

15

7

10

16

14

11

20

12

14

13

176

Изоҳ.
* Ўзбекистон «Ёшлик» жисмоний тарбия ва спорт жамияти юрисконсультига Вазирлар Маҳкамасининг «Ўзбекистон Республикаси Президентининг «Юридик хизмат фаолиятини тубдан такомиллаштириш чора-тадбирлари тўғрисида» 2017 йил 19 январдаги ПҚ-2733-сон қарорини амалга ошириш чора-тадбирлари ҳақида» 2017 йил 1 майдаги 250-сон қарорига мувофиқ ҳақ тўланади.
** Ўзбекистон «Ёшлик» жисмоний тарбия ва спорт жамияти ўқитувчи-тренерларининг меҳнатига ҳақ тўлаш бўйича базавий тариф ставкалари миқдорлари Вазирлар Маҳкамасининг «Халқ таълими ходимлари меҳнатига ҳақ тўлашнинг такомиллаштирилган тизимини тасдиқлаш тўғрисида» 2005 йил 21 декабрдаги 275-сон қарорига мувофиқ белгиланади.
Ўзбекистон «Ёшлик» жисмоний тарбия ва спорт жамиятида техник, хизмат кўрсатувчи ва бошқа лавозимларни киритиш меъёрлари иловага мувофиқ белгиланади.
Ўзбекистон «Ёшлик» жисмоний тарбия ва спорт жамияти Марказий кенгаши Мактабгача ва мактаб таълими вазирлиги билан келишган ҳолда белгиланган штат бирликлари сони доирасида Марказий кенгаши ва минтақавий кенгашлари ўртасида қайта тақсимланиши мумкин.
Ўзбекистон «Ёшлик» жисмоний тарбия ва спорт жамиятида янги бўлим ва лавозимлар ташкил қилинган тақдирда, тегишлилиги бўйича юқорида кўрсатилган лавозимларнинг меҳнатга ҳақ тўлаш миқдорлари ва шартлари қўлланади.
Ўзбекистон «Ёшлик» жисмоний тарбия ва спорт жамияти бошқарув, техник, хизмат кўрсатувчи ва ўқув-ёрдамчи ходимларининг намунавий штатлари ва меҳнатга ҳақ тўлаш шартларига
ИЛОВА
Ўзбекистон «Ёшлик» жисмоний тарбия ва спорт жамиятида техник, хизмат кўрсатувчи ва бошқа лавозимларни киритиш
МЕЪЁРЛАРИ
1. Ўзбекистон «Ёшлик» жисмоний тарбия ва спорт жамиятининг (кейинги ўринларда — Жамият) Марказий кенгашида омбор мавжуд бўлса, 1,0 та штат бирлигидан иборат омбор мудири лавозими киритилади.
2. Уй-жой коммунал хўжалик тизимига ўтказилмаган Жамиятда иситиш мавсумида (5 ой) ўт ёқувчи лавозими:
локал иситиш тизимида кўмир, торф, мазут ва ҳоказолар билан иситиладиган ҳар бир қозонхонага ҳар бир ўрин алмашиш иш вақти учун 2,0 та штат бирлигидан, табиий газ ёқилғиси билан ишлайдиган ҳар бир қозонхоналарда (қозонхона ҳажмидан қатъи назар) ҳар бир ўрин алмашиш иш вақти учун 1,0 та штат бирлигидан;
алоҳида кичик қозонлари билан иситиладиган ҳар бир алоҳида манзилда жойлашган бинолар мажмуасига ҳар бир ўрин алмашиш иш вақти учун қозонлар сони 6 тагача бўлса 1,0 та штат бирлигидан, 6 ва ундан ортиқ бўлса 2,0 та штат бирлигидан;
иситиш печлари орқали иситиладиган жамиятда ҳар 10 дона печь учун 1,0 та штат бирлиги ва кейинги ҳар 5 дона печь учун қўшимча 0,5 та штат бирлигидан, лекин 0,5 та штат бирлигидан кам бўлмаган ҳолда;
печка орқали иситиладиган, иссиқ сув билан доимий таъминланиб туриладиган жамият учун юқоридаги 1,0 та штат бирлигидан иборат ўт ёқувчи лавозимларидан биттаси бутун йил давомига киритилади.
3. Биноларнинг фойдаланиладиган ички қисми, шу жумладан, хизмат хоналари, йўлаклар, зинапоялар, фаоллар зали ва спорт зали ҳамда ўқув синфлари майдонини тозаловчи фаррош лавозими ҳар 350 кв. м тозалаш майдони учун 0,5 та штат бирлиги ҳисобидан келиб чиққан (мутаносиб) ҳолда, бироқ 0,5 та штат бирлигидан кам бўлмаган миқдорда киритилади.
4. Жамиятнинг қоплама тўшалган (асфальт, бетон, брусчатка) ҳамда спорт майдонларининг ҳар 2500 кв.м майдони учун 1,0 та штат бирлиги ҳисобидан келиб чиққан (мутаносиб) ҳолда, ҳовли супурувчи лавозими, бироқ 0,5 та штат бирлигидан кам бўлмаган ҳолда киритилади.
5. Жамиятнинг мевали боғ, гулзор ва кўкаламзорлаштирилган 0,5 га дан 2,0 га гача майдон учун 1,0 та штат бирлиги, кейинги ҳар 2,0 га майдон учун 1,0 та штат бирлиги ҳисобидан келиб чиққан (мутаносиб) ҳолда, боғбон лавозими киритилади (ижарага берган майдони бундан мустасно).
6. Жамиятни қўриқлаш учун дам олиш ва байрам кунлари ҳамда таътил даврида ҳар бир ўрин алмашиш иш вақти ҳисобга олинган ҳолда, 3,0 та штат бирлигидан иборат қоровул лавозими киритилади.
7. Жамиятда мавжуд бўлган ҳар бир соз автотранспорт воситаси учун 1,0 та штат бирлигидан иборат ҳайдовчи лавозими киритилади.
8. Жамиятнинг ҳар 500 ёритиш нуқталари (виключатель, розетка ва короба, бунда балансида бўлган кўча ёритиш нуқталари ҳам ҳисобланади) учун 1,0 та штат бирлиги ҳисобидан келиб чиққан ҳолда, бироқ 0,5 та штат бирлигидан кам бўлмаган миқдорда электромонтёр лавозими киритилади.
9. Жамиятнинг сув қувурлари, канализация тизими ва иссиқлик қуввати билан жиҳозланган ҳар 2000 кв.м фойдали майдон учун 1,0 та штат бирлиги ҳисобидан келиб чиққан (мутаносиб) ҳолда, бироқ 0,5 штат бирлигидан кам бўлмаган миқдорда чилангар-сантехник лавозими киритилади.
10. Жамиятнинг Марказий кенгашига раиснинг биринчи ўринбосари учун 1,0 та штат бирлигидан иборат котиб лавозими киритилади.
11. Жамиятнинг Марказий кенгашига 1,5 та штат бирлигидан иборат тиббиёт ҳамшираси лавозими киритилади.
Изоҳ. Тиббиёт ҳамширасига иш ҳақи тўлаш Вазирлар Маҳкамасининг «Тиббиёт ходимлари меҳнатига ҳақ тўлашнинг такомиллаштирилган тизимини тасдиқлаш тўғрисида» 2005 йил 21 декабрдаги 276-сон қарори асосида тартибга солинади.
(2-илова Ўзбекистон Республикаси Вазирлар Маҳкамасининг 2025 йил 29 апрелдаги 275-сонли қарорига асосан киритилган — Қонунчилик маълумотлари миллий базаси, 30.04.2025 й., 09/25/275/0394-сон)
(Ўзбекистон Республикаси қонун ҳужжатлари тўплами, 2014 й., 31-сон, 386-модда; 2016 й., 26-сон, 316-модда; Қонунчилик маълумотлари миллий базаси, 05.04.2022 й., 09/22/153/0266-сон; 30.04.2025 й., 09/25/275/0394-сон)