Ўзбекистон Республикаси Президентининг

Қарори

АҲОЛИ БАНДЛИГИНИ ОШИРИШ ҲАМДА МЕҲНАТ ВА АҲОЛИНИ ИЖТИМОИЙ МУҲОФАЗА ҚИЛИШ ОРГАНЛАРИ ФАОЛИЯТИНИ ТАКОМИЛЛАШТИРИШ ЧОРА-ТАДБИРЛАРИ ТЎҒРИСИДА

Аҳоли даромадлари ва фаровонлиги даражасини ўстиришнинг ғоят муҳим омили сифатида унинг бандлигини ошириш учун зарур шарт-шароитлар яратиш, меҳнат бозори инфратузилмасини янада ривожлантириш, одамларни ижтимоий ҳимоя қилиш тизимини мустаҳкамлаш, ушбу масалаларни ҳал этишда меҳнат ва аҳолини ижтимоий муҳофаза қилиш органларининг ролини фаоллаштириш ҳамда жавобгарлигини кучайтириш, шунингдек улар фаолиятини ташкил қилишни такомиллаштириш мақсадида:

1. Ўзбекистон Республикаси Президентининг 2007 йил 12 январдаги Ф-2654-сонли Фармойишига мувофиқ ташкил этилган Ишчи гуруҳи томонидан Ўзбекистон Республикаси Иқтисодиёт вазирлиги, Меҳнат ва аҳолини ижтимоий муҳофаза қилиш вазирлиги, Молия вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда ишлаб чиқилган Аҳоли бандлигини ошириш ҳамда меҳнат ва аҳолини ижтимоий муҳофаза қилиш органлари фаолиятини такомиллаштириш чора-тадбирлари дастури 1-иловага мувофиқ маъқуллансин.

Ишчи гуруҳи Дастур топшириқлари бажарилиши устидан қатъий мониторинг ўрнатсин ва унинг ижроси тўғрисида ҳар чоракда Вазирлар Маҳкамасига ахборот бериб борсин.

2. Республика шароитида аҳоли бандлиги ва даромадларини оширишнинг самарали шаклларидан бири сифатида аҳолини хўжалик юритувчи субъектлар билан кооперациялашган ҳолда касаначилик меҳнатига кенг жалб этишни рағбатлантириш мақсадида Ўзбекистон Республикаси Президентининг «Йирик саноат корхоналари билан касаначиликни ривожлантириш асосидаги ишлаб чиқариш ва хизматлар ўртасида кооперацияни кенгайтиришни рағбатлантириш чора-тадбирлари тўғрисида» 2006 йил 5 январдаги ПФ-3706-сонли Фармонининг амал қилиши иқтисодиётнинг бошқа тармоқлари, биринчи галда транспорт, алоқа, қурилиш ва қурилиш индустриясининг йирик корхоналарига, шунингдек тайёр маҳсулот ишлаб чиқаришга ихтисослашган кичик саноат корхоналарига нисбатан ҳам жорий этилсин.

Олдинги таҳрирга қаранг.

(3-банд Ўзбекистон Республикаси Президентининг 2017 йил 16 октябрдаги ПФ-5204-сонли Фармонига асосан ўз кучини йўқотган — Қонун ҳужжатлари маълумотлари миллий базаси, 16.10.2017 й., 06/17/5204/0114-сон)

Олдинги таҳрирга қаранг.

4. Ўзбекистон Республикаси Бандлик ва меҳнат муносабатлари вазирлиги Иқтисодиёт вазирлиги, Олий ва ўрта махсус таълим вазирлиги билан биргаликда, меҳнат бозорида вужудга келаётган тенденцияларни ва муайян ихтисосликлар бўйича кадрларга нисбатан талаб-эҳтиёжни ҳисобга олган ҳолда кадрларни касбий тайёрлаш ва қайта тайёрлаш бўйича йўналишлардаги ўзгаришларга оид таклифларни тизимли асосда Вазирлар Маҳкамасига киритсин.

(4-банд Ўзбекистон Республикаси Президентининг 2017 йил 16 октябрдаги ПФ-5204-сонли Фармони таҳририда — Қонун ҳужжатлари маълумотлари миллий базаси, 16.10.2017 й., 06/17/5204/0114-сон)

Олдинги таҳрирга қаранг.

5. Ўзбекистон Республикаси Меҳнат ва аҳолини ижтимоий муҳофаза қилиш вазирлиги, Иқтисодиёт вазирлиги, Молия вазирлигининг туман (шаҳар) меҳнат, бандлик ва аҳолини ижтимоий муҳофаза қилиш бўлимлари негизида йирик қишлоқ фуқаролар йиғинлари (маҳаллалар)да меҳнат ва аҳолини ижтимоий муҳофаза қилиш бўйича муқим пунктлари бўлган Бандликка кўмаклашувчи туман (шаҳар) марказларини ташкил этиш тўғрисидаги таклифи қабул қилинсин.

Олдинги таҳрирга қаранг.

Қуйидагилар Бандликка кўмаклашувчи марказларининг асосий вазифалари этиб белгилансин:

(5-банднинг иккинчи хатбошиси Ўзбекистон Республикаси Президентининг 2017 йил 16 октябрдаги ПФ-5204-сонли Фармони таҳририда — Қонун ҳужжатлари маълумотлари миллий базаси, 16.10.2017 й., 06/17/5204/0114-сон)

иш билан банд бўлмаган аҳоли ҳисоби методикасига мувофиқ, ишсизлар тизимли равишда ҳисобга олиб борилишини, ишга жойлашишга муҳтожлар, шунингдек мавжуд бўш иш жойлари тўғрисида маълумотлар банки шакллантирилишини таъминлаш;

ишсизлар, биринчи навбатда ёшлар, хотин-қизлар ва аҳолининг бошқа ижтимоий эҳтиёжманд тоифаларини ишга жойлаштиришга кўмаклашиш;

аҳоли бандлигининг самарали шаклларини ривожлантириш, жумладан касаначилик меҳнатини жорий этиш, мустақил иш билан бандлик, шу жумладан шахсий ёрдамчи ва деҳқон хўжаликларида қорамол боқиш ҳамда бошқа турдаги иш билан бандликни рағбатлантириш;

ишсизларни касбга ўқитиш ва қайта ўқитишни ташкил қилиш, уларни ижтимоий қўллаб-қувватлаш бўйича қонун ҳужжатларида назарда тутилган чора-тадбирларни амалга ошириш, ҳақ тўланадиган жамоат ишларини кенгайтириш;

Олдинги таҳрирга қаранг.

меҳнат, аҳолининг бандлиги соҳасидаги қонун ҳужжатларининг талабларига риоя этилишини назорат қилиш, меҳнат муносабатларини такомиллаштириш чора-тадбирларини, моддий рағбатлантириш ва меҳнатни муҳофаза қилиш механизмларини амалга ошириш;

(5-банднинг еттинчи хатбошиси Ўзбекистон Республикаси Президентининг 2017 йил 16 октябрдаги ПФ-5204-сонли Фармони таҳририда — Қонун ҳужжатлари маълумотлари миллий базаси, 16.10.2017 й., 06/17/5204/0114-сон)

Олдинги таҳрирга қаранг.

(5-банднинг саккизинчи хатбошиси Ўзбекистон Республикаси Президентининг 2017 йил 16 октябрдаги ПФ-5204-сонли Фармони асосан чиқарилган— Қонун ҳужжатлари маълумотлари миллий базаси, 16.10.2017 й., 06/17/5204/0114-сон)

(5-банд Ўзбекистон Республикаси Президентининг 2010 йил 26 мартдаги ПФ-4209-сонли Фармони таҳририда — ЎР ҚҲТ, 2010 й., 13-сон, 92-модда)

Олдинги таҳрирга қаранг.

(6-банд Ўзбекистон Республикаси Президентининг 2017 йил 16 октябрдаги ПФ-5204-сонли Фармонига асосан ўз кучини йўқотган — Қонун ҳужжатлари маълумотлари миллий базаси, 16.10.2017 й., 06/17/5204/0114-сон)

7. Ўзбекистон Республикаси Меҳнат ва аҳолини ижтимоий муҳофаза қилиш вазирлиги марказий аппарати бўлинмалари раҳбарларини, ҳудудий бош бошқармалар, шунингдек вазирликка бўйсунувчи ташкилотлар раҳбарларини аттестациядан ўтказиш бўйича Республика комиссияси 7-иловага мувофиқ таркибда тузилсин.

Республика комиссияси икки ой муддатда мазкур тоифалардаги ходимларни уларнинг малака ва касб даражаларига нисбатан талабларни эътиборга олган ҳолда аттестациядан ўтказсин.

8. Ўзбекистон Республикаси Меҳнат ва аҳолини ижтимоий муҳофаза қилиш вазирлиги 2007 йилнинг 1 июлига қадар:

ҳудудий бош бошқармалар таркибий бўлинмалари, шунингдек, Бандликка кўмаклашувчи туман (шаҳар) марказлари ва туман (шаҳар) ижтимоий таъминот бўлинмалари раҳбарларини уларнинг малака ва касбий савия-даражасига нисбатан қаттиқ талаблар қўйган ҳолда аттестациядан ўтказсин;

Ўзбекистон Республикаси Олий ва ўрта махсус таълим вазирлиги билан биргаликда ишсизлар касбга тайёрланадиган, қайта тайёрланадиган ва малакаси ошириладиган базавий касб-ҳунар коллежларини ҳудудлар бўйича белгиласин, шунингдек, иш берувчилар ва меҳнат бозорининг малакали кадрларга бўлган талаб-эҳтиёжларини ҳисобга оладиган тегишли таълим дастурларини ишлаб чиқсин.

9. Ўзбекистон Республикаси Меҳнат ва аҳолини ижтимоий муҳофаза қилиш вазирлиги, Иқтисодиёт вазирлиги, Молия вазирлиги, Давлат статистика қўмитаси бир ой муддатда Халқаро меҳнат ташкилоти томонидан республиканинг ўзига хос хусусиятларини ҳисобга олиб белгиланган нормалардан келиб чиққан ҳолда, ҳудудлар бўйича Ишга жойлашишга муҳтож, иш билан банд бўлмаган аҳоли ҳисоби методикасини ишлаб чиқсин ҳамда тасдиқлаш учун Вазирлар Маҳкамасига киритсин.

Олдинги таҳрирга қаранг.

10. Ўзбекистон Республикаси Молия вазирлиги, Меҳнат вазирлигининг меҳнат органлари ходимларининг меҳнатини рағбатлантириш ҳамда моддий-техника базасини мустаҳкамлаш жамғармасини ташкил этиш тўғрисидаги таклифи қабул қилинсин.

(10-банднинг биринчи хатбошиси Ўзбекистон Республикаси Президентининг 2017 йил 16 октябрдаги ПФ-5204-сонли Фармони таҳририда — Қонун ҳужжатлари маълумотлари миллий базаси, 16.10.2017 й., 06/17/5204/0114-сон)

Олдинги таҳрирга қаранг.

Меҳнат органлари ходимларининг меҳнатини рағбатлантириш ҳамда моддий-техника базасини мустаҳкамлаш жамғармаси тўғрисидаги низом 8-иловага мувофиқ тасдиқлансин.

(10-банднинг иккинчи хатбошиси Ўзбекистон Республикаси Президентининг 2017 йил 16 октябрдаги ПФ-5204-сонли Фармони таҳририда — Қонун ҳужжатлари маълумотлари миллий базаси, 16.10.2017 й., 06/17/5204/0114-сон)

11. Адлия вазирлиги бир ой муддатда қонун ҳужжатларига мазкур қарордан келиб чиқадиган ўзгартиш ва қўшимчалар тўғрисида Вазирлар Маҳкамасига таклифлар киритсин.

12. Ушбу қарорнинг ижросини назорат қилиш Ўзбекистон Республикаси Бош вазири Ш.М. Мирзиёев зиммасига юклансин.

Ўзбекистон Республикаси Президенти И. КАРИМОВ

Тошкент ш.,

2007 йил 6 апрель,

ПҚ-616-сон

Ўзбекистон Республикаси Президентининг
2007 йил 6 апрелдаги ПҚ-616-сон қарорига
1-ИЛОВА

Аҳолининг иш билан бандлигини кенгайтириш ҳамда меҳнат ва аҳолини ижтимоий муҳофаза қилиш органлари фаолиятини такомиллаштириш чора-тадбирлари дастури

Олдинги таҳрирга қаранг.

Т/р	Тадбирлар номи	Бажариш муддати	Бажариш учун масъуллар	Тадбирларни амалга ошириш шакллари	Кутилаётган натижа
I. Аҳолининг иш билан бандлигини ошириш
1.‎	Ҳар йили камида 550 минг янги иш ўринларини, шу жумладан: ‎кичик корхоналар ва микрофирмаларни ривожлантириш ҳисобига — 320 минг иш ўринлари; ‎барча йўналишдаги касаначиликни, жумладан оилавий тадбиркорликни кенгайтириш ҳисобига — 160 минг иш ўринлари; ‎фаолият юритаётган корхоналарни реконструкция қилиш ва молиявий-иқтисодий соғломлаштириш, янги йирик ишлаб чиқариш объектларини ишга тушириш, ижтимоий ва бозор инфратузилмасини ривожлантириш ҳисобига — 70 минг иш ўринларини ташкил этиш.	Ҳар йили	Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Бандлик ва меҳнат муносабатлари вазирлиги	Бандликнинг ҳудудий дастурлари	Туманлар, шаҳарлар, вилоятлар ва умуман республикада иш ўринлари ҳамда аҳолининг бандлиги ўсишини ташкил этиш.
2.‎	2007 йилда, асосан қишлоқ жойларда хизмат кўрсатиш ва сервис соҳасида иш ўринларининг маҳаллалар бўйича жойлашувини белгилаб ва ушбу мақсадларга Бандликка кўмаклашиш жамғармасидан ҳар йили камида 3 млрд. сўм ажратилишини назарда тутган ҳолда 100 минг янги иш ўринлари ташкил этилишини таъминлаш.	2007 йил давомида	Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Иқтисодиёт вазирлиги, Меҳнат ва аҳолини ижтимоий муҳофаза қилиш вазирлиги	Бандликнинг ҳудудий дастурлари	Аҳолининг иш билан бандлиги, шу жумладан хизмат кўрсатиш ва сервис соҳасидаги бандлигининг ўсиши.
3.‎	Оилавий бизнесни ташкил этишга имтиёзли кредитларни жалб этган ҳолда ҳар йили кам таъминланган оилалардан, айниқса қишлоқ жойларда камида 15 минг кишини ишга жойлаштириш.	Ҳар йили	Бандлик ва меҳнат муносабатлари вазирлиги, туманлар ҳокимликлари	Микрокредитларга бўлган талаблар тўғрисидаги ахборот, Бажарувчиларнинг қўшма тадбирлари	Кам таъминланган оилалардаги, энг аввало қишлоқ жойларда яшовчи ишламайдиган аҳолининг бандлигини таъминлаш.
4.‎	Қорамол етиштирувчиларни иш билан банд шахслар сифатида ҳисобга олиш, ушбу фаолият тури билан шуғулланувчи камида 270 минг кишига меҳнат дафтарчаси бериш ва юритиш, шунингдек қорамол сотиб олиш учун Бандликка	2007 йил давомида	Меҳнат ва аҳолини ижтимоий муҳофаза қилиш вазирлиги, қишлоқ туманлари ҳокимликлари	Қорамол етиштириш чора-тадбирлари параметрлари	Ишламайдиган қишлоқ аҳолисининг бандлиги ва ижтимоий муҳофазасини таъминлаш.
5.‎	Иш билан банд ва ишга жойлашишга муҳтож шахсларнинг ҳақиқий сонини аниқлаш учун меҳнат бозоридаги вазиятга баҳо бериш кўрсаткичлари тизимини ишлаб чиқиш ва тасдиқлаш.	2007 йил II чорак	Меҳнат ва аҳолини ижтимоий муҳофаза қилиш вазирлиги, Давлат статистика қўмитаси, Иқтисодиёт вазирлиги	Кўрсаткичлар тизимини тасдиқлаш	Меҳнат бозоридаги вазиятни ва ишга муҳтожлар сонини янада тўлиқ ва сифатли баҳолаш.
6.‎	Тасдиқланган кўрсаткичлар тизими бўйича меҳнат бозори ва бандлик устидан мониторинг ташкил этиш.	Ҳар чоракда	Бандлик ва меҳнат муносабатлари вазирлиги, Давлат статистика қўмитаси, Иқтисодиёт вазирлиги	Ҳар чоракда чиқадиган «Меҳнат бозори ва аҳоли бандлиги мониторинги» бюллетенини чоп этиш	Минтақалар бўйича меҳнат бозоридаги вазиятни тезкор равишда баҳолаш тизимини шакллантириш.
7.‎	Гўшт-сут ва мева-сабзавот маҳсулотлари, бошқа турдаги маҳаллий хом ашёни қайта ишлаш, терига ишлов бериш, халқ истеъмоли молларини ишлаб чиқариш бўйича кичик корхоналарни ташкил этиш инновация лойиҳаларини рағбатлантириш механизми ишлаб чиқилишини таъминлаш ҳамда уларни Тадбиркорликни қўллаб-қувватлаш ва корхоналарни таркибий қайта қуриш жамғармаси маблағларидан грантлар ва кредитлар ажратиш йўли билан молиялаштириш.	Ишлаб чиқиш — 2007 йил, молиялаш-тириш — 2008 йилдан бошлаб	Монополиядан чиқариш, рақобат ва тадбиркорликни қўллаб-қувватлаш давлат қўмитаси, Иқтисодиёт вазирлиги	Кичик инновация лойиҳаларини рағбатлантириш тўғрисидаги низом	Кичик корхоналарда муқим иш ўринларини ташкил этиш.
II. Меҳнат органлари иш билан банд бўлмаган фуқароларга кўрсатадигаи хизмат, шу жумладан уларни қайта тайёрлаш ва ишга жойлаштириш бўйича кўрсатиладиган хизматлар тури ва сифатини кенгайтириш
8.‎	Ҳар бир йирик қишлоқ фуқаролари йиғини ҳудудида аҳолини ишга жойлаштириш ва ижтимоий муҳофаза қилиш муқим пунктларини ташкил этиш. ‎Банд бўлмаган аҳолига меҳнат органлари томонидан турли хизматлар кўрсатишни назарда тутувчи мазкур пунктнинг аниқ иш регламентини ишлаб чиқиш.	2007 йил II чорак	Меҳнат ва аҳолини ижтимоий муҳофаза қилиш вазирлиги, қишлоқ туманлари ҳокимликлари	Меҳнат ва аҳолини ижтимоий муҳофаза қилиш вазирининг буйруғи, бажарувчиларнинг қўшма қарорлари	Туман марказларидан узоқда яшайдиган қишлоқ аҳолисининг ҳудудий меҳнат органлари хизматидан фойдаланишини яхшилаш, уларнинг доирасини банд бўлмаган аҳолининг бевосита яшаш жойи томон кенгайтириш.
9.‎	Ахборот хизмати турлари доирасини кенгайтириш учун барча хўжалик юритувчи субъектлар томонидан ўзларидаги ишчилар сони ва уларнинг мақомидан қатъи назар, бўш иш ўринлари тўғрисидаги маълумотларни меҳнат органларига ўз вақтида ва тўлиқ тақдим этишнинг янги тартибини тасдиқлаш.	2007 йил II чорак	Меҳнат ва аҳолини ижтимоий муҳофаза қилиш вазирлиги, Иқтисодиёт вазирлиги, Адлия вазирлиги	Меҳнат органларига бўш иш ўринлари ва лавозимлари ҳақидаги маълумотларни тақдим этиш тартиби тўғрисида низом	Ишга жойлашиш имкониятларини ошириш ва сонини кўпайтириш.
10.‎	Иш излаётган фуқароларга керакли маълумот олиш имконини берадиган маълумотларнинг минтақавий электрон тармоғини (ҳудудлар, иқтисодиёт тармоқлари, аниқ иш ўринлари бўйича) шакллантиришни назарда тутувчи бўш ўринлар ва бўш иш жойлари банкидан аҳоли кенгроқ фойдаланишини, шунингдек меҳнат бозори тўғрисида даврий ахборот материаллари (бюллетенлар) чоп этилишини, ушбу мақсадларга Бандликка кўмаклашиш жамғармасидан 450 млн. сўм ажратилишини назарда тутган ҳолда таъминлаш.	Ташкил этиш — 2007 йил I-III чораклар, татбиқ этиш — 2007 йил IV чорак	Меҳнат ва аҳолини ижтимоий муҳофаза қилиш вазирлиги, туман (шаҳар) ҳокимликлари	Меҳнат ва аҳолини ижтимоий муҳофаза қилиш вазирининг буйруғи, бажарувчиларнинг қўшма тадбирлари, ахборот материаллари	Меҳнат органлари томонидан банд бўлмаган аҳолига кўрсатилаётган хизматлар турини кенгайтириш.
11.‎	Ёлғиз кексалар, пенсионерлар, ногиронлар, парваришга муҳтож инсонларга уйда ижтимоий хизмат кўрсатишни ташкил этиш орқали. камида 1000 кишининг иш билан банд бўлишини таъминлаш.	2007 йил давомида	Меҳнат ва аҳолини ижтимоий муҳофаза қилиш вазирлиги	Меҳнат ва аҳолини ижтимоий муҳофаза қилиш вазирининг буйруғи	Маҳаллий меҳнат органлари томонидан банд бўлмаган аҳолига кўрсатилаётган хизматлар турини кенгайтириш.
12.‎	Мавжуд касб-ҳунар коллежлари негизида иш билан банд бўлмаганларни тайёрлаш, қайта тайёрлаш ва малакасини ошириш ҳажмларини кенгайтириш (ҳар йили камида 10 минг киши) бўйича чора-тадбирлар ишлаб чиқиш ва амалга ошириш.	2007 йил давомида	Меҳнат ва аҳолини ижтимоий муҳофаза қилиш вазирлиги, Ўрта махсус, касб-ҳунар таълими маркази	Бажарувчиларнинг қўшма тадбирлари	Иш билан банд бўлмаганларга касбий қайта тайёрлаш бўйича кўрсатилаётган хизматлар турини кенгайтириш.
13.‎	Бандликни таъминлаш бўйича махсус чора-тадбирларга муҳтож тоифадаги фуқароларни ишга жойлаштириш учун иш ўринлари захираси яратиладиган (квоталаштириладиган) корхоналар доирасини кенгайтириш.	2007 йил II чорак	Меҳнат ва аҳолини ижтимоий муҳофаза қилиш вазирлиги, Иқтисодиёт вазирлиги, Адлия вазирлиги	Ижтимоий муҳофазага муҳтож ва иш излашда қийинчиликларга дуч келган шахсларни ишга жойлаштириш учун иш ўринлари захирасини яратиш тўғрисида янги низом	Касб-ҳунар таълимини тамомлаб меҳнат бозорига чиқаётган ёшларни, ногиронлар, жазодан озод этилган шахсларни ишга жойлаштиришни таъминлаш.
14.‎	Жойларга чиқиш орқали меҳнат муносабатларини такомиллаштириш ва меҳнатга оид қонунчиликка риоя этиш масалаларида корхоналарга тизимли ҳуқуқий ёрдам кўрсатиш.	Йил давомида	Меҳнат ва аҳолини ижтимоий муҳофаза қилиш вазирлиги	Иш берувчилар билан биргаликдаги тадбирлар	Меҳнат, бандлик ва ходимларни ижтимоий муҳофаза қилиш масалаларида иш берувчиларга хизмат кўрсатиш доирасини кенгайтириш.
III. Халқаро стандартлар ва меҳнат бозорининг ўзига хос жиҳатларидан келиб чиқиб, аҳоли бандлигини ҳисобга олиш ҳамда баҳолаш механизмлари ва усулларини такомиллаштириш
15.‎	Бандлик ва ишсизлик тоифалари мазмун-моҳиятини Халқаро меҳнат ташкилоти стандартларига мувофиқлаштириш.	2007 йил II чорак	Меҳнат ва аҳолини ижтимоий муҳофаза қилиш вазирлиги, Давлат статистика қўмитаси, Адлия вазирлиги	Услубий ва инструкциявий ҳужжатларни ишлаб чиқиш	Халқаро стандартлар ва Ўзбекистондаги меҳнат бозорининг ўзига хос жиҳатларидан келиб чиқиб, бандлик кўрсаткичларининг ҳисобга олинишини таъминлаш.
16.‎	Халқаро стандартлар ва меҳнат бозорининг ўзига хос миллий хусусиятларига мувофиқ минтақалар бўйича ишга жойлашишга муҳтож, иш билан банд бўлмаган аҳоли ҳисоби методикасини белгиланган тартибда ишлаб чиқиш ва тасдиқлаш.	2007 йил I чорак	Меҳнат ва аҳолини ижтимоий муҳофаза қилиш вазирлиги, Иқтисодиёт вазирлиги, Давлат статистика қўмитаси	Услубият	Меҳнат бозоридаги вазиятни баҳолаш сифатини ошириш ва иш ўрнига бўлган талабни аниқлаш.
17.‎	Бандлик масалалари бўйича текширув дастурларини миллий ҳисоб рақамлар тизими доирасида ва халқаро қоидаларга мувофиқ норасмий сектордаги банд бўлган барча тоифаларни қамраб олган ҳолда такомиллаштириш.	2007 йил IV чорак	Меҳнат ва аҳолини ижтимоий муҳофаза қилиш вазирлиги, Иқтисодиёт вазирлиги, Давлат статистика қўмитаси	Такомиллаштирилган сўровномалар ва текширувни ўтказиш йўриқномалари	Бандликни ҳисобга олишни ва услубиятини такомиллаштириш.
18.‎	Халқаро стандартларда қабул қилинган қоидалар тизимида ва статистик ҳисобот маълумотларини бандлик масалалари бўйича текширув материаллари билан тўлдириш асосида бандлик мақоми, иқтисодиёт секторлари ва тармоқлари бўйича меҳнат ресурслари балансини ишлаб чиқиш.	2008 йилдан бошлаб	Давлат статистика қўмитаси, Меҳнат ва аҳолини ижтимоий муҳофаза қилиш вазирлиги	Бажарувчиларнинг қўшма тадбирлари	Халқаро стандартларни ҳисобга олган ҳолда бандлик ва ишсизликни сифатли ҳамда холис баҳолаш.
19.‎	Ташқи меҳнат миграциясини ҳисобга олиш шакл ва усулларини ишлаб чиқиш ҳамда миграция сиёсатини амалга оширишга масъул идоралар томонидан вакиллик текширувларини ўтказиш.	2007 йил IV чорак	Ташқи меҳнат миграцияси масалалари агентлиги, Давлат статистика қўмитаси	Ташқи меҳнат миграциясини ҳисобга олишнинг тасдиқланган шакллари ва воситалари	Аҳолининг меҳнат миграциясини янада тўлиқ ва сифатли ҳисобга олишни таъминлаш.
IV. Меҳнат ва аҳолини ижтимоий муҳофаза қилиш органлари бошқарувининг ташкилий тузилмасини мақбуллаштириш, улар фаолияти самарадорлигини ошириш
20.‎	Туман (шаҳар) меҳнат, бандлик ва аҳолини ижтимоий муҳофаза қилиш бўлимларини Бандликка кўмаклашувчи марказлар сифатида қайта ташкил этиш.	2007 йил I-II чораклари	Меҳнат ва аҳолини ижтимоий муҳофаза қилиш вазирлиги, туман, шаҳар ҳокимликлари	Ташкилий тадбирлар	Туман ва шаҳарлардаги меҳнат органлари фаолияти самарадорлигини ошириш.
21.‎	Фаолият кўрсатаётган Вақтинча бир марталик иш билан таъминлаш марказларини Вақтинчалик ишларни ташкил этиш бюроси сифатида қайта ташкил этиш ҳамда меҳнат бозорида вазият мушкул бўлган минтақалар ҳисобига уларнинг тармоқларини кенгайтириш.	2007 йил I- II чораклари	Меҳнат ва аҳолини ижтимоий муҳофаза қилиш вазирлиги, туман, шаҳар ҳокимликлари	Бажарувчиларнинг қарорлари	Вақтинчалик ишларни ташкил этиш самарадорлигини ошириш.
22.‎	Меҳнат ва аҳолини ижтимоий муҳофаза қилиш вазирлигининг таркибий, ҳудудий ва идоравий мансуб бўлинмалари тўғрисидаги низомларни қайта кўриб чиқиш ва янгиларини тасдиқлаш.	2007 йил II чорак	Меҳнат ва аҳолини ижтимоий муҳофаза қилиш вазирлиги	Бажарувчиларнинг қарорлари	Меҳнат ва аҳолини ижтимоий муҳофаза қилиш органлари фаолияти самара-дорлигини ошириш.
23.‎	Ногиронларни экспертизадан ўтказиш ва реабилитация қилиш масалалари инспекцияси бошқарувининг ташкилий тузилмасини қайта кўриб чиқиш ва Инспекция, ТМЭКлар, минтақавий реабилитация марказлари тўғрисидаги янги низомни тасдиқлаш.	2007 йилнинг II ярим йиллиги	Меҳнат ва аҳолини ижтимоий муҳофаза қилиш вазирлиги, Молия вазирлиги	Вазирлар Маҳкамаси қарори лойиҳаси	Жараёнларни бошқаришнинг ташкилий тузилмасини мақбуллаштириш ва ногиронликни экспертизадан ўтказиш ҳамда реабилитация қилиш самарадорлигини ошириш
24.‎	Меҳнатни меъёрлаштириш ва муҳофаза қилиш Маркази ҳамда Меҳнат, бандлик ва аҳолини ижтимоий муҳофаза қилиш муаммоларини ўрганиш Республика марказини Бандлик, меҳнатни муҳофаза қилиш ва аҳолини ижтимоий ҳимоя қилиш Республика илмий маркази сифатида қайта ташкил этиш ҳамда унинг Низомини тасдиқлаш.	2007 йил I-II чораклари	Меҳнат ва аҳолини ижтимоий муҳофаза қилиш вазирлиги	Меҳнат ва аҳолини ижтимоий муҳофаза қилиш вазирининг буйруғи	Бандлик, меҳнатни муҳофаза қилиш ва аҳолини ижтимоий ҳимоя қилиш соҳасидаги илмий тадқиқотлар жараёнларини бошқаришнинг ташкилий тузилмасини мақбуллаштириш.
25.‎	2007/2008 ўқув йилидан бошлаб етакчи олий ўқув юртлари ва алоҳида касб-ҳунар коллежларида меҳнат, бандлик ва аҳолини ижтимоий муҳофаза қилиш соҳасида кадрлар, шу жумладан «Меҳнат иқтисодиёти» ва «Ижтимоий иш» мутахассисликлар бўйича кадрларни аниқ мақсадга йўналтирилган ҳолда тайёрлаш чора-тадбирларини ишлаб чиқиш ва амалга ошириш.	2007 йил II-III чораклари	Меҳнат ва аҳолини ижтимоий муҳофаза қилиш вазирлиги, Олий ва ўрта махсус таълим вазирлиги	Бажарувчиларнинг биргаликдаги қарори	Меҳнат ва аҳолини ижтимоий муҳофаза қилиш органларини малакали кадрлар билан таъминлаш.
‎‎V. Аҳолини ижтимоий ҳимоя қилиш ва меҳнатни муҳофаза қилиш соҳасида қонунчилик базасини ривожлантириш, шу соҳада давлат назорати механизмларини кучайтириш
26.‎	«Ишлаб чиқаришдаги бахтсиз ҳодисалар ва касб касалликларидан давлат ижтимоий суғуртаси тўғрисида»ги қонун лойиҳасини ишлаб чиқиш.	2007 йил III чорак	Меҳнат ва аҳолини ижтимоий муҳофаза қилиш вазирлиги, Молия вазирлиги, Иқтисодиёт вазирлиги, Соғлиқни сақлаш вазирлиги, Адлия вазирлиги, Касаба уюшмалари Федерацияси	Қонун лойиҳаси	Ишлаб чиқаришдаги бахтсиз ҳодисалар ва касб касалликларида ишчиларга кафолатларни, меҳнатни муҳофаза қилиш масалаларида ишчилар ва иш берувчилар ўртасидаги ўзаро муносабатлар тартибини белгилаш.
27.‎	«Ўзбекистон Республикасида ногиронларни ижтимоий ҳимоя қилиш тўғрисида»ги қонунга ўзгартиш ва қўшимчалар киритиш бўйича таклифлар тайёрлаш.	2007 йил III чорак	Меҳнат ва аҳолини ижтимоий муҳофаза қилиш вазирлиги, Молия вазирлиги, Соғлиқни сақлаш вазирлиги, Адлия вазирлиги, Ўзбекистон нодавлат нотижорат ташкилотлари миллий уюшмаси, «Маҳалла», «Ўзбекистон маданияти ва санъати Форуми», «Меҳр нури» жамғармалари, «Ҳаёт» нодавлат нотижорат ташкилоти, Ижтимоий ташаббусларни қўллаб-қувватлаш жамғармаси, Республика болалар ижтимоий мослашуви маркази	Айрим қонун ҳужжатларига ўзгартиш ва қўшимчалар киритиш тўғрисидаги қонун лойиҳаси	Ногиронларни ижтимоий муҳофаза қилиш шарт-шароитларини такомиллаштириш, уларнинг ҳуқуқларини кенгайтириш ҳамда иш берувчиларнинг ногиронларни иш билан таъминлашдан манфаатдорлигини ошириш.
28.‎	Ўзбекистон Республикасининг «Аҳолини иш билан таъминлаш тўғрисида»ги Қонуни ҳамда Меҳнат кодексига ўзгартиш ва қўшимчалар киритиш бўйича таклифлар тайёрлаш.	2007 йил II чорак	Меҳнат ва аҳолини ижтимоий муҳофаза қилиш вазирлиги, Адлия вазирлиги	Айрим қонун ҳужжатларига ўзгартиш ва қўшимчалар киритиш тўғрисидаги қонун лойиҳаси	Бандликнинг ҳамда ишсизликдан муҳофаза қилишнинг ҳуқуқий кафолатларини кучайтириш.
29.‎	Молия-хўжалик фаолиятини амалга оширмайдиган ва ўз устав фондларини қонун ҳужжатларида белгиланган муддатда шакллантирмаган корхоналарни тугатиш тартиби тўғрисидаги низомга (Вазирлар Маҳкамасининг 1999 йил 3 июлдаги 327-сонли қарори билан тасдиқланган) тугатилган корхоналардаги бандликни ва иш ўринларини ҳисобга олган ҳолда ўзгартиш ва қўшимчалар киритиш.	2007 йил III чорак	Монополиядан чиқариш, рақобат ва тадбиркорликни қўллаб-қувватлаш давлат қўмитаси, Иқтисодиёт вазирлиги, Адлия вазирлиги	Норматив-ҳуқуқий ҳужжат лойиҳаси	Ишловчилар ҳаракати ва иш ўринлари, шу жумладан уларнинг чиқиб кетишини янада тўлиқ ҳисобга олиш.
30.‎	Меҳнат шароитларини давлат экспертизасидан ўтказиш механизмини кучайтириш бўйича таклифлар ишлаб чиқиш.	2007 йил III чорак	Меҳнат ва аҳолини ижтимоий муҳофаза қилиш вазирлиги, Адлия вазирлиги	Вазирлар Маҳкамасининг 1993 йил 29 июлдаги 378-сонли қарорига ўзгартиш ва қўшимчалар	Ишлаб чиқаришда хавфсиз меҳнат шароитларини яратишда давлат назоратини таъминлаш.

(1-илова Ўзбекистон Республикаси Президентининг 2017 йил 16 октябрдаги ПФ-5204-сонли Фармони таҳририда — Қонун ҳужжатлари маълумотлари миллий базаси, 16.10.2017 й., 06/17/5204/0114-сон)

Олдинги таҳрирга қаранг.

(2-илова Ўзбекистон Республикаси Президентининг 2009 йил 30 декабрдаги ПҚ-1251-сон қарорига мувофиқ ўз кучини йўқотган — ЎР ҚҲТ, 2009 й., 52-сон, 562-модда)

Олдинги таҳрирга қаранг.

(3-илова Ўзбекистон Республикаси Президентининг 2009 йил 30 декабрдаги ПҚ-1251-сон қарорига мувофиқ ўз кучини йўқотган — ЎР ҚҲТ, 2009 й., 52-сон, 562-модда)

Олдинги таҳрирга қаранг.

(4-илова Ўзбекистон Республикаси Президентининг 2009 йил 30 декабрдаги ПҚ-1251-сон қарорига мувофиқ ўз кучини йўқотган — ЎР ҚҲТ, 2009 й., 52-сон, 562-модда)

Олдинги таҳрирга қаранг.

(4а-илова Ўзбекистон Республикаси Президентининг 2009 йил 30 декабрдаги ПҚ-1251-сон қарорига мувофиқ ўз кучини йўқотган — ЎР ҚҲТ, 2009 й., 52-сон, 562-модда)

Олдинги таҳрирга қаранг.

(5-илова Ўзбекистон Республикаси Президентининг 2009 йил 30 декабрдаги ПҚ-1251-сон қарорига мувофиқ ўз кучини йўқотган — ЎР ҚҲТ, 2009 й., 52-сон, 562-модда)

Олдинги таҳрирга қаранг.

(6-илова Ўзбекистон Республикаси Президентининг 2009 йил 30 декабрдаги ПҚ-1251-сон қарорига мувофиқ ўз кучини йўқотган — ЎР ҚҲТ, 2009 й., 52-сон, 562-модда)

Ўзбекистон Республикаси Президентининг
2007 йил 6 апрелдаги ПҚ-616-сон қарорига
7-ИЛОВА

Ўзбекистон Республикаси Меҳнат ва аҳолини ижтимоий муҳофаза қилиш вазирлигининг марказий аппарати ва ҳудудий бўлинмалари раҳбарларини аттестациядан ўтказиш республика комиссияси таркиби

Р.С. Азимов‎	—‎	Ўзбекистон Республикаси Бош вазирининг ўринбосари, молия вазири — комиссия раиси; ‎
А.А. Хаитов‎	—‎	меҳнат ва аҳолини ижтимоий муҳофаза қилиш вазири вазифасини бажарувчи — комиссия раисининг ўринбосари; ‎
Ф.Х. Боқиев‎	—‎	Вазирлар Маҳкамасининг иқтисодиёт ва ташқи иқтисодий алоқалар масалалари ҚАТД мудири; ‎
Н.Қ. Аллаёров‎	—‎	Ўзбекистон Республикаси Президенти девони бош консультанти; ‎
Ж.А. Қўчқоров‎	—‎	молия вазирининг ўринбосари; ‎
А.И. Комилов‎	—‎	соғлиқни сақлаш вазирининг ўринбосари; ‎
Р.М.Шоабдураҳмонов‎	—‎	иқтисодиёт вазирининг ўринбосари; ‎
Е.С. Каньязов‎	—‎	адлия вазирининг ўринбосари; ‎
Б.Х. Ходиев‎	—‎	Тошкент Давлат иқтисодиёт университетининг ректори; ‎
Т.М. Аҳмедов‎	—‎	Ижтимоий-иқтисодий тадқиқотлар маркази директорининг ўринбосари. ‎

Ўзбекистон Республикаси Президентининг
2007 йил 6 апрелдаги ПҚ-616-сон қарорига
8-ИЛОВА

Олдинги таҳрирга қаранг.

Меҳнат органлари ходимларининг меҳнатини рағбатлантириш ҳамда моддий-техника базасини мустаҳкамлаш жамғармаси тўғрисида

НИЗОМ

(8-илованинг номи Ўзбекистон Республикаси Президентининг 2017 йил 16 октябрдаги ПФ-5204-сонли Фармони таҳририда — Қонун ҳужжатлари маълумотлари миллий базаси, 16.10.2017 й., 06/17/5204/0114-сон)

I. Умумий қоидалар

Олдинги таҳрирга қаранг.

1. Мазкур Низом Меҳнат органлари ходимларининг меҳнатини рағбатлантириш ҳамда моддий-техника базасини мустаҳкамлаш жамғармаси (бундан кейин матнда — Жамғарма)ни ташкил этиш ва унинг маблағларидан фойдаланиш тартибини белгилаб беради.

(1-банд Ўзбекистон Республикаси Президентининг 2017 йил 16 октябрдаги ПФ-5204-сонли Фармони таҳририда — Қонун ҳужжатлари маълумотлари миллий базаси, 16.10.2017 й., 06/17/5204/0114-сон)

Олдинги таҳрирга қаранг.

2. Жамғарма маблағларидан ходимларнинг бажарилаётган иш самарадорлиги ва сифатини оширишдан моддий манфаатдорлигини кучайтириш, шунингдек меҳнат органларининг моддий-техника базасини мустаҳкамлаш учун фойдаланилади.

(2-банд Ўзбекистон Республикаси Президентининг 2017 йил 16 октябрдаги ПФ-5204-сонли Фармони таҳририда — Қонун ҳужжатлари маълумотлари миллий базаси, 16.10.2017 й., 06/17/5204/0114-сон)

II. Жамғарма маблағларини шакллантириш манбалари

Олдинги таҳрирга қаранг.

3. Қуйидагилар Жамғарма маблағларини шакллантириш манбалари ҳисобланади:

Бандликка кўмаклашувчи давлат жамғармаси тушумлари маблағларининг 5 фоизи;

қонунчиликка мувофиқ бошқа тушумлар.

(3-банд Ўзбекистон Республикаси Президентининг 2017 йил 16 октябрдаги ПФ-5204-сонли Фармони таҳририда — Қонун ҳужжатлари маълумотлари миллий базаси, 16.10.2017 й., 06/17/5204/0114-сон)

Олдинги таҳрирга қаранг.

4. Жамғарма маблағлари Ўзбекистон Республикаси Бандлик ва меҳнат муносабатлари вазирлиги, Қорақалпоғистон Республикаси Бандлик ва меҳнат муносабатлари вазирлиги, вилоятлар ва Тошкент шаҳри бандлик ҳудудий бош бошқармаларининг бюджетдан ташқари махсус ҳисобваракларида жамланади ҳамда Ўзбекистон Республикаси Бандлик ва меҳнат муносабатлари вазирлиги томонидан ўрнатилган тартибда меҳнат органлари ўртасида тақсимланади.

III. Жамғарма даромадлари ва харажатлари сметасини тузиш, тасдиқлаш ҳамда рўйхатга олиш тартиби

5. Жамғарманинг келгуси йилги даромадлари миқдорларини белгилашда Жамғарманинг аввалги йил охиридаги маблағлари қолдиғи ҳамда кейинги икки йил ичида қонун ҳужжатларидаги ўзгаришларни эътиборга олиб, тушумлар динамикасини назарда тутган ҳолда ҳисоблаб чиқилган прогноз тушумлари ҳажми инобатга олинади.

6. Сметанинг харажатлар қисми Ўзбекистон Республикаси Молия вазирлиги томонидан тасдиқланган давлат бюджети харажатлари таснифига мувофиқ харажатларни моддалар бўйича аниқ кўрсатган ҳолда харажат гуруҳлари бўйича тузилади.

Олдинги таҳрирга қаранг.

7. Жамғарманинг даромад ва харажатлари сметаси тегишли равишда:

Ўзбекистон Республикаси бандлик ва меҳнат муносабатлари вазири;

Қорақалпоғистон Республикаси бандлик ва меҳнат муносабатлари вазири, вилоятлар ва Тошкент шаҳри бандлик ҳудудий бош бошқармаларининг бошлиқлари томонидан туман (шаҳар) бўлинмалари харажатлар сметаларини илова қилган ҳолда тасдиқланади.

(7-банд Ўзбекистон Республикаси Президентининг 2017 йил 16 октябрдаги ПФ-5204-сонли Фармони таҳририда — Қонун ҳужжатлари маълумотлари миллий базаси, 16.10.2017 й., 06/17/5204/0114-сон)

8. Жамғарма даромадлари ва харажатлари сметасини рўйхатга олиш бюджет ташкилотларининг харажатлар сметалари ва штат жадвалларини Молия вазирлиги ва молия органларида ҳисобга олишнинг Ўзбекистон Республикаси Молия вазирлиги томонидан 1999 йил 9 декабрда 93-сон (1999 йил 13 декабрдаги 849-рўйхат рақами) тасдиқланган Тартиб билан белгиланган тартиб ва муддатларда амалга оширилади.

Олдинги таҳрирга қаранг.

9. Ўзбекистон Республикаси бандлик ва меҳнат муносабатлари вазири, Қорақалпоғистон Республикаси бандлик ва меҳнат муносабатлари вазири, вилоятлар ва Тошкент шаҳри бандлик ҳудудий бош бошқармалари бошлиқлари томонидан Жамғарма тушумларининг ҳажмларидан келиб чиқиб, белгиланган тартибда рўйхатга олинган ҳолда Жамғарманинг даромад ва харажатлари сметасига ҳар чоракда ўзгартишлар киритилиши мумкин.

(9-банд Ўзбекистон Республикаси Президентининг 2017 йил 16 октябрдаги ПФ-5204-сонли Фармони таҳририда — Қонун ҳужжатлари маълумотлари миллий базаси, 16.10.2017 й., 06/17/5204/0114-сон)

IV. Жамғарма маблағларини йўналтириш ва фойдаланиш тартиби

Олдинги таҳрирга қаранг.

10. Жамғарма маблағларини сарфлаш Ўзбекистон Республикаси Бандлик ва меҳнат муносабатлари вазирлиги, Қорақалпоғистон Республикаси Бандлик ва меҳнат муносабатлари вазирлиги, вилоятлар ва Тошкент шаҳри бандлик ҳудудий бош бошқармаларининг, Бандликка кўмаклашувчи туман (шаҳар) марказларининг бюджетдан ташқари махсус ҳисобварақларидан, тасдиқланган даромадлар ва харажатлар сметаларига мувофиқ амалга оширилади.

Ўзбекистон Республикаси бандлик ва меҳнат муносабатлари вазири, Қорақалпоғистон Республикаси бандлик ва меҳнат муносабатлари вазири, вилоятлар ва Тошкент шаҳри бандлик ҳудудий бош бошқармаларининг бошлиқлари, туман (шаҳар) Бандликка кўмаклашиш марказларининг директорлари, улар бўлмаган тақдирда эса — уларнинг ўрнини босувчи шахслар тегишли равишда Жамғарма маблағларини тасарруф этувчилар ҳисобланади.

(10-банд Ўзбекистон Республикаси Президентининг 2017 йил 16 октябрдаги ПФ-5204-сонли Фармони таҳририда — Қонун ҳужжатлари маълумотлари миллий базаси, 16.10.2017 й., 06/17/5204/0114-сон)

Олдинги таҳрирга қаранг.

11. Жамғарма маблағлари куйидаги мақсадларга йўналтирилади:

а) Жамғарма маблағларининг камида 50 фоизи миқдорида — меҳнат органлари ходимларини моддий рағбатлантиришга, шу жумладан, белгили хизмат муддатини адо этганлик учун ҳар йили бир йўла бериладиган мукофот пулини тўлашга;

б) Жамғарма маблағларининг 50 фоизигача миқдорда — меҳнат органларининг моддий-техника базасини мустаҳкамлашга, шунингдек, кадрлар тайёрлаш ва ходимларнинг малакасини ошириш бўйича сарф-харажатларга, шу жумладан:

вазирлик, унга тегишли бўлган ташкилотлар, ҳудудий бошқармалар ҳамда туман (шаҳар) бандликка кўмаклашувчи марказлар учун бинолар ва хоналар қуриш, сотиб олиш, таъмирлашга, шунингдек, уларни зарур асбоб ва анжомлар билан жиҳозлашга;

бинолар, инвентарлар ва хўжалик жиҳозлари, автотранспорт, алоқа воситалари, ҳисоблаш техникаси, компьютер ва ташкилий техника сотиб олиш, таъмирлаш, техник хизмат кўрсатиш ва уларни эксплуатация қилишга, дастурий таъминот воситалари харид қилиш ва хизмат кўрсатишга;

даврий матбуот нашрларини, махсус адабиётлар, китоб маҳсулотлари, идоравий ашёларни сотиб олишга;

кадрлар тайёрлаш ва ходимлар малакасини ошириш бўйича харажатларга;

меҳнат органлари фаолиятини яхшилашга қаратилган бошқа тадбирларга йўналтирилади.

Жамғарманинг жорий йилда фойдаланилмаган маблағлари қолдиғи навбатдаги молия йилига ўтади ва олиб қўйилмайди.

(11-банд Ўзбекистон Республикаси Президентининг 2017 йил 16 октябрдаги ПФ-5204-сонли Фармони таҳририда — Қонун ҳужжатлари маълумотлари миллий базаси, 16.10.2017 й., 06/17/5204/0114-сон)

12. Ходимларга юқори касбий малакаси учун ҳар ойлик шахсий устама ҳақ, ишдаги муваффақиятлари ва муҳим топшириқларни бажаргани учун айрим ходимларни мукофотлаш, юбилей саналари муносабати билан бир маротабалик пул мукофотлари бериш, Ўзбекистон Республикасининг қонун ҳужжатларида белгиланган байрам кунлари муносабати билан мукофотлар тўлаш, мансаб маошларига ҳар ойлик қўшимча ҳақ белгилаш (овқат ва бошқа мақсадларга), моддий ёрдам кўрсатиш Ўзбекистон Республикаси меҳнат ва аҳолини ижтимоий муҳофаза қилиш вазири томонидан тасдиқланадиган Ходимларни моддий рағбатлантириш ва ижтимоий муҳофаза қилиш тўғрисидаги низомга мувофиқ ҳамда ушбу Низомнинг 10-бандида кўрсатилган Жамғарма маблағларини тасарруф этувчиларнинг буйруқлари асосида, тегишли Жамғармаларнинг маблағлари ҳисобидан амалга оширилади.

13. Жамғармадан ходимларга устама ҳақ, мукофотлар белгилаш ва моддий ёрдам кўрсатиш тўғрисидаги қарор ҳар бир меҳнат ва аҳолини ижтимоий муҳофаза қилиш органида ташкил этиладиган махсус комиссия томонидан қабул қилинади.

Олдинги таҳрирга қаранг.

14. Ўзбекистон Республикаси бандлик ва меҳнат муносабатлари вазири, Қорақалпоғистон Республикаси бандлик ва меҳнат муносабатлари вазири, вилоятлар ва Тошкент шаҳри бандлик ҳудудий бош бошқармаларининг бошлиқлари зарур ҳолларда Жамғарма маблағларини Жамғарманинг даромад ва харажатлар сметасига белгиланган тартибда тегишли ўзгартишлар киритган ҳолда, куйи меҳнат органларига қайтадан тақсимлашлари мумкин.

(14-банд Ўзбекистон Республикаси Президентининг 2017 йил 16 октябрдаги ПФ-5204-сонли Фармони таҳририда — Қонун ҳужжатлари маълумотлари миллий базаси, 16.10.2017 й., 06/17/5204/0114-сон)

15. Жамғарма маблағлари ҳисобидан қўшимча ходимларни сақлаш ман этилади.

V. Ҳисоб, ҳисобот ва назорат

16. Жамғарма маблағларининг тушуми ва харажатлари ҳисоби бюджетдан ташқари бошқа маблағлардан, шу жумладан бюджет ташкилотларини ривожлантириш жамғармасидан алоҳида юритилади.

17. Жамғарма маблағлари тушуми ва харажатлари тўғрисидаги бюджет маблағлари учун белгиланган тартиб ва муддатларда Ўзбекистон Республикаси Молия вазирлигига тақдим этилади.

Олдинги таҳрирга қаранг.

18. Жамғарма маблағларининг мақсадли сарфланиши ҳамда ушбу маблағларни шакллантириш ва улардан фойдаланиш тўғрисида тақдим этиладиган маълумотларнинг ҳаққонийлиги учун меҳнат органларининг раҳбарлари шахсан жавобгар бўладилар.

(18-банднинг биринчи хатбошиси Ўзбекистон Республикаси Президентининг 2017 йил 16 октябрдаги ПФ-5204-сонли Фармони таҳририда — Қонун ҳужжатлари маълумотлари миллий базаси, 16.10.2017 й., 06/17/5204/0114-сон)

Жамғарма маблағларидан мақсадга номувофиқ фойдаланиш фактлари аниқланган ҳолларда мақсадга номувофиқ фойдаланилган сумманинг ҳаммаси айбдор шахсларга нисбатан қонун ҳужжатларида белгиланган тартибда тегишли жавобгарлик чоралари қўлланган ҳолда давлат бюджети даромадига олиб қўйилади.

Олдинги таҳрирга қаранг.

19. Жамғарма маблағларидан тўғри ва мақсадли фойдаланилиши устидан назорат Ўзбекистон Республикаси Бандлик ва меҳнат муносабатлари вазирлиги ва Молия вазирлигининг Назорат-тафтиш бош бошқармаси ҳамда унинг ҳудудий органлари томонидан амалга оширилади.

(19-банд Ўзбекистон Республикаси Президентининг 2017 йил 16 октябрдаги ПФ-5204-сонли Фармони таҳририда — Қонун ҳужжатлари маълумотлари миллий базаси, 16.10.2017 й., 06/17/5204/0114-сон)

(Ўзбекистон Республикаси қонун ҳужжатлари тўплами, 2007 й., 15-сон, 156-модда; 2009 й., 52-сон, 562-модда; 2010 й., 13-сон, 92-модда; Қонун ҳужжатлари маълумотлари миллий базаси, 16.10.2017 й., 06/17/5204/0114-сон)