|
Hujjat kuchini yo‘qotgan " " 05.06.2017
|
Oʻzbekiston Respublikasi Vazirlar Mahkamasining
qarori
OʻZBEKISTON RESPUBLIKASI PREZIDENTI HUZURIDAGI SUDYALARNI TANLASh VA LAVOZIMLARGA TAVSIYA ETISh BOʻYIChA OLIY MALAKA KOMISSIYASI FAOLIYATINI MOLIYAVIY VA MODDIY-TEXNIKAVIY JIHATDAN TAʼMINLASh ChORA-TADBIRLARI TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2017-yil 31-maydagi 327-sonli “Oʻzbekiston Respublikasi Adliya vazirligi qoshidagi Yuristlar malakasini oshirish markazining ustaviga oʻzgartirish kiritish, shuningdek Oʻzbekiston Respublikasi Hukumatining ayrim qarorlarini oʻz kuchini yoʻqotgan deb hisoblash toʻgʻrisida (“Oʻzbekiston Respublikasi Sudyalar oliy kengashi toʻgʻrisida”gi Oʻzbekiston Respublikasining Qonuni)”gi qaroriga asosan oʻz kuchini yoʻqotgan.
Oʻzbekiston Respublikasi Prezidentining “Oʻzbekiston Respublikasi Prezidenti huzuridagi Sudyalarni tanlash va lavozimlarga tavsiya etish boʻyicha oliy malaka komissiyasi faoliyatini takomillashtirish toʻgʻrisida” 2006-yil 17-martdagi PF–3725-son Farmonini bajarish yuzasidan Vazirlar Mahkamasi qaror qiladi:
1. Oʻzbekiston Respublikasi Prezidenti huzuridagi Sudyalarni tanlash va lavozimlarga tavsiya etish boʻyicha oliy malaka komissiyasining (keyingi oʻrinlarda Komissiya deb ataladi) ijro etuvchi apparati xodimlari mehnatiga haq toʻlash boʻyicha razryadlar ilovaga muvofiq tasdiqlansin.
2. Komissiyaning ijro etuvchi apparati xodimlariga Oʻzbekiston Respublikasi Prezidenti Devoni xodimlari uchun belgilangan tibbiy taʼminot shart-sharoitlari tatbiq qilinsin.
Komissiyaning ijro etuvchi apparati xodimlari uchun ilgari ularning sudlarda, adliya va prokuratura organlarida ishlagan davrida malaka darajasi, darajali unvoni (martaba darajasi) va koʻp yillik xizmati uchun olinadigan ustamalar saqlab qolinsin.
3. Oʻzbekiston Respublikasi Moliya vazirligi (R. Azimov):
2006-yilda Oʻzbekiston Respublikasi Vazirlar Mahkamasining zaxira jamgʻarmasidan Komissiyaning asoslangan hisob-kitoblariga muvofiq, idora mebellari, kompyuter va boshqa tashkiliy texnika bilan jihozlash, yengil avtotransport bilan taʼminlash, shuningdek Komissiyaning joriy moliyaviy taʼminoti uchun mablagʻlar ajratsin;
2007-yildan boshlab har yili Oʻzbekiston Respublikasi Davlat budjeti xarajatlarida Komissiyaning moliyaviy taʼminoti uchun zarur budjetdan ajratiladigan mablagʻlar nazarda tutilsin.
(3-bandning uchinchi xatboshisi Oʻzbekiston Respublikasi Vazirlar Mahkamasining 2016-yil 26-apreldagi 122-sonli qarori tahririda — OʻR QHT, 2016-y., 17-son, 176-modda)
4. Komissiyaga Oʻzbekiston Respublikasi Prezidenti Devoni Ishlar boshqarmasining avtoxoʻjaligi tomonidan beriladigan 2 ta xizmat yengil avtomobili uchun limit belgilansin.
5. Oʻzbekiston aloqa va axborotlashtirish agentligi (A. Aripov) bir oy muddatda Komissiyani zarur aloqa vositalari, shu jumladan hukumat aloqa vositalari bilan belgilangan tartibda taʼminlasin.
6. Toshkent shahar hokimligi (A. Toʻxtayev) Komissiyani joylashtirish uchun bir oy muddatda bino ajratsin va uni kapital taʼmirlashni amalga oshirsin.
7. Quyidagilar:
Vazirlar Mahkamasining “Oʻzbekiston Respublikasi sudlari faoliyatini yanada takomillashtirish chora-tadbirlari toʻgʻrisida” 2001-yil 22-sentabrdagi 383-son qarorining (Oʻzbekiston Respublikasi QT, 2001-y., 9-son, 55-modda) 3-bandi;
Vazirlar Mahkamasining 2001-yil 25-sentabrdagi 533–f-son farmoyishi;
Vazirlar Mahkamasining 2002-yil 6-sentabrdagi 564–f-son farmoyishi oʻz kuchini yoʻqotgan deb hisoblansin.
8. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari V.A. Golishev zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2006-yil 10-aprel,
61-son
Oʻzbekiston Respublikasi Prezidenti huzuridagi Sudyalarni tanlash va lavozimlarga tavsiya etish boʻyicha oliy malaka komissiyasi ijro etuvchi apparati xodimlari mehnatiga haq toʻlash boʻyicha razryadlar
|
Lavozimlar nomi |
Yagona tarif setkasi boʻyicha tarif razryadi |
| Komissiya raisi | 20 |
| Inspeksiya (kotibiyat) rahbari | 18 |
| Inspeksiya (kotibiyat) rahbarining oʻrinbosari | 17 |
| Etakchi inspektor | 13 |
| Bosh buxgalter | 13 |
| Arxiv mudiri | 8 |
| Ish yurituvchi | 7 |
(ilova Oʻzbekiston Respublikasi Vazirlar Mahkamasining 2013-yil 5-fevraldagi 28-sonli qarori tahririda — OʻR QHT, 2013-y., 6-son, 69-modda)
(Oʻzbekiston Respublikasi qonun hujjatlari toʻplami, 2006-y., 15-son, 125-modda; 2013-y., 6-son, 69-modda; 2016-y., 17-son, 176-modda)
