Oʻzbekiston Respublikasi Vazirlar Mahkamasining 1998-yil 22-avgustdagi 361-sonli, 2003-yil 19-apreldagi 189-sonli, 2004-yil 25-iyundagi 295-sonli qarorlariga muvofiq, shuningdek xoʻjalik jamiyatlarining ishonchli boshqaruvga beriladigan davlat ulushlaridan samarali foydalanish maqsadida Oʻzbekiston Respublikasi Davlat mulkini boshqarish va tadbirkorlikni qoʻllab-quvvatlash Davlat qoʻmitasi qaror kiladi:

1. Davlat aksiyalar paket (ulushlari)ni ishonchli boshqaruvga berish boʻyicha tanlovlar oʻtkazish qoidalari ilovaga* muvofiq tasdiqlansin.

2. Oʻzbekiston Respublikasi Davlat mulki qoʻmitasining:

2001-yil 17-maydagi 01/06-4-sonli “Aksiyalar (paylar)ning davlat paketlarini ishonchli boshqaruvga topshirish boʻyicha tanlovlarni oʻtkazish qoidalarini tasdiqlash toʻgʻrisida”gi (2001-yil 25-may, roʻyxat raqami 1034);

2002-yil 26-apreldagi IU-01/45-sonli “Aksiyalar (paylar)ning davlat paketlarini ishonchli boshqaruvga topshirish boʻyicha tanlovlarni oʻtkazish qoidalariga oʻzgartirish va qoʻshimchalar kiritish toʻgʻrisida”gi (2002-yil 26-aprel, roʻyxat raqami 1034-1);

2003-yil 20-maydagi 01/06-01-2-sonli “Aksiyalar (paylar)ning davlat paketlarini ishonchli boshqaruvga topshirish boʻyicha tanlovlarni oʻtkazish qoidalariga oʻzgartirish va qoʻshimchalar kiritish toʻgʻrisida”gi (2003-yil 20-may, roʻyxat raqami 1034-2) qarorlari oʻz kuchini yoʻqotgan deb hisoblansin.

3. Mazkur qaror Oʻzbekiston Respublikasi.Adliya vazirligida davlat roʻyxatiga olingan paytdan boshlab oʻn kun oʻtgach kuchga kiritiladi.