Oʻzbekiston Respublikasi Prezidentining Oziq-ovqat sanoatining “Oʻzoziqovqatsanoat” davlat-aksionerlik konsernini qayta tashkil etish toʻgʻrisida” 1994-yil 26-sentabrdagi PF-945-son Farmonini bajarish maqsadida Vazirlar Mahkamasi qaror qiladi:

1. Yogʻ-moy va tamaki korxonalari, shuningdek, mulkchilikning turli shakllaridagi xizmat koʻrsatuvchi tashkilotlar negizida 1-ilovaga muvofiq “Yogʻmoytamakisanoat” uyushmasi tashkil etilsin.

2. Belgilab qoʻyilsinki, “Yogʻmoytamakisanoat” uyushmasi:

yuridik shaxs huquqiga ega boʻlgan uyushma hisoblanadi hamda yogʻ-moy va tamaki sanoatining mulkchilikning turli shakllaridagi korxonalari va tashkilotlarini ixtiyoriylik asosida birlashtiradi;

oʻz faoliyatini muassislarning pay va boshqa badallari hamda ular tomonidan berilgan vakolatlar va funksiyalar asosida tashkil etadi;

oʻz faoliyati masalalarini mustaqil hal etadi, markazlashtirilgan sugʻurta, zaxira va boshqa jamgʻarmalar tashkil etadi;

“Oʻzoziqovqatsanoat” davlat-aksionerlik konsernining yogʻ-moy va tamaki sanoati tarmoqlariga oid shartnomalari va majburiyatlari boʻyicha huquqiy vorisi hisoblanadi hamda oʻz faoliyati toʻgʻrisida Oʻzbekiston Respublikasi Vazirlar Mahkamasiga hisob beradi.

3. “Yogʻmoytamakisanoat” uyushmasi bir oy muddatda oʻz faoliyati Ustavini ishlab chiqsin va Vazirlar Mahkamasi bilan kelishgan holda uni qabul qilsin.

4. “Yogʻmoytamakisanoat” uyushmasi ijroiya apparatining tuzilmasiga 2 va 2a-ilovalarga muvofiq hamda uning xodimlarining cheklangan soni 43 nafar boʻlishiga rozilik berilsin.

“Yogʻmoytamakisanoat” uyushmasiga raisning ikki oʻrinbosari, shu jumladan bir nafar birinchi oʻrinbosari boʻlishi tavsiya qilinsin.

Uyushma raisi va uning oʻrinbosarlari Vazirlar Mahkamasi tomonidan tasdiqlanadi.

5. Oʻzbekiston Respublikasi Davlat mulki qoʻmitasi:

davlatga tegishli boʻlgan aksiyalar (ulushlar, paylar) boʻyicha boshqarish huquqini “Yogʻmoytamakisanoat” uyushmasiga bersin;

“Yogʻmoytamakisanoat” uyushmasi bilan birgalikda uyushma tarkibiga kiruvchi korxonalar va tashkilotlarni davlat tasarrufidan chiqarish va xususiylashtirish ishini 1994-yilda tugallasin.

6. Oʻzbekiston Respublikasi Vazirlar Mahkamasining “Oʻzbekiston oziq-ovqat sanoati (“Oʻzoziqovqatsanoat”) davlat-aksionerlik konsernini tashkil etish va uning faoliyati masalalari” toʻgʻrisida 1993-yil 24-maydagi 245-son qarori oʻz kuchini yoʻqotgan deb hisoblansin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari I.H.Joʻrabekov zimmasiga yuklansin.

“Yangiyoʻl yogʻ-moy kombinati” ochiq turdagi aksionerlik jamiyati

Kattaqoʻrgʻon yogʻ-moy kombinati

“Buxoro yogʻ-ekstraksiya zavodi” ochiq turdagi aksionerlik jamiyati

“Qarshi yogʻ-ekstraksiya zavodi” ochiq turdagi aksionerlik jamiyati

Qoʻqon yogʻ-moy kombinati ochiq turdagi aksionerlik jamiyati

“Fargʻona yogʻ-moy kombinati” ochiq turdagi aksionerlik jamiyati

Andijon yogʻ-moy kombinati ochiq turdagi aksionerlik jamiyati

Asaka yogʻ-ekstraksiya zavodi

Uchqoʻrgʻon yogʻ-ekstraksiya zavodi

Namangan yogʻ-ekstraksiya zavodi

“Toshkent yogʻ-moy kombinati” ochiq turdagi aksionerlik jamiyati

“Surxonoziqovqatsanoat” birlashmasi

“Guliston yogʻ-ekstraksiya zavodi” ochiq turdagi aksionerlik jamiyati

Koson yogʻ-ekstraksiya zavodi ochiq turdagi aksionerlik jamiyati

Kogon yogʻ-ekstraksiya zavodi

“Xoʻjayli yogʻ zavodi” ochiq turdagi aksionerlik jamiyati

“Chimboy yogʻ zavodi” ochiq turdagi aksionerlik jamiyati

“Beruniy yogʻ zavodi” ochiq turdagi aksionerlik jamiyati

Urganch yogʻ-moy kombinati

“Samarqand tamaki-fermentlash zavodi” ochiq turdagi aksionerlik jamiyati

“Urguttamakifermsanoat” ishlab chiqarish birlashmasi ochiq turdagi aksionerlik jamiyati

“Toshkent tamaki fabrikasi” ochiq turdagi aksionerlik jamiyati

Toshkent mahsulot taʼminoti va uni sotish ixtisoslashtirilgan bazasi

Samarqand mahsulot taʼminoti va uni sotish ixtisoslashtirilgan bazasi

Urganch mahsulot taʼminoti va uni sotish ixtisoslashtirilgan bazasi

“Xoʻjayli mahsulot taʼminoti va uni sotish ixtisoslashtirilgan bazasi” ochiq turdagi aksionerlik jamiyati

Oʻzbekiston oziq-ovqat sanoati ilmiy-tadqiqot instituti

Oʻzbekiston oziq-ovqat sanoati davlat loyihalash instituti

“Oʻzorgoziqovqatsanoat” ishlab chiqarish birlashmasi

“Toshkent tajriba-mexanika zavodi” ochiq turdagi aksionerlik jamiyati

Ishlab chiqarish-texnika maqsadlaridagi mahsulotlarni komplektlash va yetkazib berish boʻyicha ixtisoslashtirilgan ishlab chiqarish korxonasi

“Samo” firmasi

Oziq-ovqat xomashyosi va moddiy-texnika resurslari bilan taʼminlash boʻyicha ishlab chiqarish-muvofiqlashtirish markazi

“Oʻzoziqovqatsanoattrans” ishlab chiqarish-transport birlashmasi ochiq turdagi aksionerlik jamiyati

Rahbariyat

Yogʻ-moy va tamaki sanoatini muvofiqlashtirish va rivojlantirish boʻlimi

Tijorat ishlari, tayyor mahsulotni yetkazib berish va tashqi aloqalar boʻlimi

Iqtisodiyot, moliya va narx belgilash boʻlimi

Davlat tasarrufidan chiqarish, hisob va hisobot boʻlimi

Investitsiyalar va ilmiy-texnika taʼminoti boʻlimi

Ishlar boshqarmasi