|
Hujjat kuchini yo‘qotgan " " 22.02.2021
|
Oʻzbekiston Respublikasi Vazirlar Mahkamasining
qarori
OʻZBEKISTON RESPUBLIKASINING YEVROPA ITTIFOQI VA UNGA AʼZO DAVLATLAR BILAN HAMKORLIGINI TAKOMILLAShTIRISh ChORA-TADBIRLARI TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Yevropa Ittifoqi bilan hamkorlikni yanada rivojlantirish va chuqurlashtirish, vazirliklar, davlat qoʻmitalari va idoralarning Oʻzbekiston Respublikasi va Yevropa hamjamiyatlari hamda ularga aʼzo davlatlar oʻrtasida 1996-yil 21-iyundagi Sheriklik va hamkorlik toʻgʻrisidagi bitimni kelgusida bajarish boʻyicha faoliyatini muvofiqlashtirish maqsadida Vazirlar Mahkamasi qaror qiladi:
1. Quyidagilar:
2004—2008-yillar davrida Oʻzbekiston Respublikasi Hukumatining Oʻzbekiston Respublikasi va Yevropa hamjamiyatlari hamda ularga aʼzo davlatlar oʻrtasida Sheriklik va hamkorlik toʻgʻrisidagi bitimni amalga oshirishga doir asosiy tashkiliy chora-tadbirlari kompleks dasturi 1-ilovaga muvofiq;
“Oʻzbekiston-Yevropa Ittifoqi” Hamkorlik kengashi, “Oʻzbekiston-Yevropa Ittifoqi” Hamkorlik qoʻmitasi va tegishli kichik qoʻmitalarning Oʻzbekistonga oid qismi 2-ilovaga muvofiq tarkiblarda;
“Oʻzbekiston-Yevropa Ittifoqi” Hamkorlik kengashining Oʻzbekistonga oid qismi toʻgʻrisidagi nizom 3-ilovaga muvofiq tasdiqlansin.
2. TASIS dasturi boʻyicha Oʻzbekiston Respublikasining milliy muvofiqlashtiruvchisi vakolatlari Oʻzbekiston Respublikasi Tashqi iqtisodiy aloqalar, investitsiyalar va savdo vaziri E. Gʻaniyev zimmasiga yuklansin.
(2-band Oʻzbekiston Respublikasi Vazirlar Mahkamasining 2012-yil 23-fevraldagi 48-sonli qarori tahririda — OʻR QHT, 2012-y., 8-9-son, 82-modda)
3. Oʻzbekiston Respublikasi Hukumatining 4-ilovaga baʼzi muvofiq qarorlari oʻz kuchini yoʻqotgan deb hisoblansin va ayrim qarorlariga oʻzgartirishlar kiritilsin.
4. Mazkur qarorning bajarilishini nazorat qilish Oʻzbekiston Respublikasining Bosh vaziri Sh.M. Mirziyoyev va Oʻzbekiston Respublikasi Tashqi ishlar vaziri S.S. Safoyev zimmasiga yuklansin.
Vazirlar Mahkamasining Raisi I. KARIMOV
Toshkent sh.,
2004-yil 22-mart,
134-son
Vazirlar Mahkamasining 2004-yil 22-martdagi 134-son qaroriga
1-ILOVA
1-ILOVA
2004—2008-yillar davrida Oʻzbekiston Respublikasi Hukumatining Oʻzbekiston Respublikasi va Yevropa hamjamiyatlari hamda ularga aʼzo davlatlar oʻrtasida Sheriklik va hamkorlik toʻgʻrisidagi bitimni amalga oshirishga doir asosiy tashkiliy chora-tadbirlari
KOMPLEKS DASTURI
| T/r | Tadbirlarning nomi | Muddatlari | Bajarish uchun masʼullar |
|
I. Tashkiliy va huquqiy tadbirlar | |||
| 1.1. | “Oʻzbekiston-Yevropa Ittifoqi” Hamkorlik kengashi, Parlament hamkorligi qoʻmitasi, Hamkorlik qoʻmitasi va tegishli qoʻmitalar Oʻzbekistonga oid qismining (umuman, Yevropa Ittifoqi bilan hamkorlik boʻyicha Oʻzbekiston Respublikasining idoralararo komissiyasi sifatida) muntazam majlislar oʻtkazish yoʻli bilan samarali faoliyat koʻrsatishini taʼminlash | Har chorakda | Tashqi ishlar vazirligi Oliy Majlis (kelishuv boʻyicha) hamda boshqa tegishli vazirliklar va idoralar bilan birgalikda |
| 1.2. | Kichik qoʻmitalar faoliyati sohalariga muvofiq Yevropa Ittifoqi bilan hamkorlikning yillik tarmoq dasturlarini ishlab chiqish | Har yili, 15-dekabrgacha | Hamkorlik qoʻmitasining va kichik qoʻmitalarning Oʻzbekistonga oid qismi boshqa tegishli vazirliklar va idoralar bilan birgalikda |
| 1.3. | Yevropa Ittifoqiga aʼzo mamlakatlar bilan hamkorlik boʻyicha hukumatlararo komissiyalar tashkil etish masalalarini ishlab chiqish | 2004—2008-yillar | Tashqi ishlar vazirligi boshqa tegishli vazirliklar va idoralar bilan birgalikda |
| 1.4. | Oʻzbekiston Respublikasining Yevropa Ittifoqi va unga aʼzo davlatlar (2004-yil 1-mayda Yevropa Ittifoqiga yangi mamlakatlar kirishini hisobga olgan holda) bilan shartnomaviy-huquqiy bazasini bajarish monitoringi va rivojlantirish boʻyicha tadbirlar rejasini ishlab chiqish | 2004-yil 1-iyungacha keyinchalik ijro etgan holda | Tashqi ishlar vazirligi boshqa tegishli vazirliklar va idoralar bilan birgalikda |
| 1.5. | Oʻzbekiston Respublikasi qonun hujjatlarini Yevropa Ittifoqi qonun hujjatlariga moslashtirish boʻyicha konsepsiyani amalga oshirish tadbirlari rejasini va Sheriklik va hamkorlik toʻgʻrisidagi bitim boʻyicha qabul qilingan majburiyatlarni bajarish mexanizmini ishlab chiqish Izoh: Konsepsiya Yevropa Ittifoqi Komissiyasi tomonidan Hamkorlik kengashining 3-majlisi yakunlari boʻyicha xulosada maʼqullangan (2002-yil yanvar) | 2004-yil 1-iyungacha keyinchalik ijro etgan holda | Adliya vazirligi, Tashqi ishlar vazirligi boshqa tegishli vazirliklar va idoralar bilan birgalikda |
| 1.6. | Yevropa Ittifoqiga aʼzo davlatlar bilan huquqiy axborotlarni ayirboshlash toʻgʻrisidagi Hukumatlararo bitimlar tuzish boʻyicha masalalarni ishlab chiqish | 2004—2008-yillar | Adliya vazirligi, Tashqi ishlar vazirligi, boshqa tegishli vazirliklar va idoralar |
|
II. Siyosiy sohadagi hamkorlik | |||
| 2.1. | Oʻzbekiston Respublikasi va Yevropa Ittifoqi oʻrtasidagi siyosiy muloqotni yuqori darajadagi tashriflarni ayirboshlash yoʻli bilan yanada chuqurlashtirish | 2004—2008-yil | Tashqi ishlar vazirligi |
| 2.2. | Oliy Majlis va Yevroparlament, Yevropa Ittifoqiga aʼzo mamlakatlar milliy parlamentlari oʻrtasidagi hamkorlikni rivojlantirish dasturini ishlab chiqish | 2004-yil II chorak | Oliy Majlis (kelishuv boʻyicha), Tashqi ishlar vazirligi |
| 2.3. | Markaziy Osiyoda yadro qurolidan xoli zona yaratish toʻgʻrisidagi Shartnomani imzolashni Yevropa Ittifoqi tomonidan siyosiy qoʻllab-quvvatlanishini taʼminlash | 2004-yil | Tashqi ishlar v�zirligi |
| 2.4 | “Oʻzbekiston- Yevropa Ittifoqi” Hamkorlik kengashining navbatdagi majlislarini tayyorlash va oʻtkazish | Har yili (yanvar) Bryussel sh. | Tashqi ishlar vazirligi, Sheriklik va hamkorlik toʻgʻrisidagi bitim Kotibiyati, boshqa tegishli vazirliklar va idoralar bilan birgalikda |
| 2.5 | “Oʻzbekiston- Yevropa Ittifoqi” Parlamentlararo hamkorlik qoʻmitasining navbatdagi majlislarini tayyorlash va oʻtkazish | Har yili (I yarim yillik), navbati bilan Toshkent, Strasburg/Bryussel shaharlarida | Oliy Majlis (kelishuv boʻyicha), Sheriklik va hamkorlik toʻgʻrisidagi bitim Kotibiyati, Tashqi ishlar vazirligi |
| 2.6. | “Oʻzbekiston- Yevropa Ittifoqi” Hamkorlik qoʻmitasining navbatdagi majlislarini tayyorlash va oʻtkazish | Har yili (IV chorak), navbati bilan Toshkent va Bryussel shaharlarida | Tashqi ishlar vazirligi, Tashqi iqtisodiy aloqalar agentligi, Sheriklik va hamkorlik toʻgʻrisidagi bitim Kotibiyati boshqa tegishli vazirliklar va idoralar bilan birgalikda |
| 2.7. | Savdo va investitsiyalar boʻyicha kichik qoʻmitalarning navbatdagi majlislarini tayyorlash va oʻtkazish | Har yili (IV chorak), (Hamkorlik kengashi majlisidan oldin), navbati bilan Toshkent va Bryussel shaharlarida | Tashqi iqtisodiy aloqalar agentligi, Tashqi ishlar vazirligi boshqa tegishli vazirliklar va idoralar bilan birgalikda |
| 2.8. | Kichik qoʻmitaning adliya, ichki ishlar, bojxona hamkorligi va boshqa qoʻshimcha masalalar boʻyicha navbatdagi majlislarini tayyorlash va oʻtkazish | Har yili (III chorak), (Hamkorlik kengashi majlisidan oldin), navbati bilan Toshkent va Bryussel shaharlarida | Adliya vazirligi, Tashqi ishlar vazirligi boshqa tegishli vazirliklar va idoralar bilan birgalikda |
| 2.9. | Ilmiy-texnika hamkorligi, �aʼlim, madaniyat va atrof muhit boʻyicha ikki tomonlama kichik qoʻmita tashkil etish masalasini ishlab chiqish, shuningdek uning majlislarini tayyorlash va oʻtkazish Izoh: Ushbu kichik qoʻmitaning Oʻzbekistonga oid qismi tashkil etilgan | Tashkil etish 2004-yil oxirigacha, majlislar 2005-yildan boshlab har yili (Hamkorlik kengashi majlisidan oldin) | Oliy taʼlim vazirligi, Tashqi ishlar vazirligi boshqa tegishli vazirliklar va idoralar bilan birgalikda |
| 2.10. | Oʻzbekiston Respublikasini Yevropa Ittifoqining “Kengaytirilgan Yevropa-qoʻshni mamlakatlar” dasturiga kiritish toʻgʻrisidagi masalani ishlab chiqish | 2004-2005-yillar | Oʻzbekiston Respublikasi Vazirlar Mahkamasining Tashqi iqtisodiy aloqalar va xorijiy investitsiyalar departamenti, Tashqi ishlar vazirligi, Tashqi iqtisodiy aloqalar agentligi |
| 2.11 | Oʻzbekistonning Yevropa Ittifoqi uyushgan aʼzosi maqomini olishi toʻgʻrisidagi masalani ishlab chiqish | 2004—2008-yillar | Tashqi ishlar vazirligi, Sheriklik va hamkorlik toʻgʻrisidagi bitim Kotibiyati, Tashqi iqtisodiy aloqalar agentligi |
| 2.12. | Yevropa Ittifoqi Komissiyasi, Yevropol, YIB, Yevro Info Markaz va boshqa Yevropa tuzilmalarining Oʻzbekiston Respublikasi bilan hamkorlik qilish uchun siyosiy mandatini kengaytirish imkoniyatini ishlab chiqish | 2004-2005-yillar | Tashqi ishlar vazirligi, Ichki ishlar vazirligi, Tashqi iqtisodiy aloqalar agentligi boshqa tegishli vazirliklar va idoralar bilan birgalikda |
| 2.13 | Oʻzbekiston Respublikasida Yevropa Ittifoqi Komissiyasi vakolatxonasi (delegatsiyasi) ochish masalasini kiritish | Yevropa Ittifoqi Komissiyasi bilan kelishuv boʻyicha | Tashqi ishlar vazirligi, Sheriklik va hamkorlik toʻgʻrisidagi bitim Kotibiyati |
| 2.14. | Oʻzbekiston Respublikasi vazirliklari va idoralari rahbarlarining Sher�klik va hamkorlik toʻgʻrisidagi bitimni amalga oshirish masalalari boʻyicha Toshkent shahrida akkreditatsiya qilingan Yevropa Ittifoqiga aʼzo mamlakatlar elchilari bilan uchrashuvlarini oʻtkazish | Har chorakda | Tashqi ishlar vazirligi boshqa tegishli vazirliklar va idoralar bilan birgalikda |
| 2.15 | Oʻzbekiston Respublikasi va Yevropa Ittifoqi ekspertlari oʻrtasida kichik qoʻmitalar doirasida majlislar oraligʻidagi davrda turli yoʻnalishlar boʻyicha muntazam aloqalarni amalga oshirish va amaliy uchrashuvlar oʻtkazish | Yevropa Ittifoqi Komissiyasi bilan kelishuv boʻyicha muntazam asosda | Sheriklik va hamkorlik toʻgʻrisidagi bitim Kotibiyati, Tashqi ishlar vazirligi, Tashqi iqtisodiy aloqalar agentligi boshqa tegishli vazirliklar va idoralar bilan birgalikda |
| 2.16. | Respublika va xorijiy mamlakatlar ommaviy axborot vositalarida Sheriklik va hamkorlik toʻgʻrisidagi bitim doirasida Oʻzbekiston Respublikasi va Yevropa Ittifoqi oʻrtasidagi hamkorlikning borishini yoritish | Doimo | OʻzA, “Oʻzteleradio” kompaniyasi, Tashqi ishlar vazirligining “Jahon” axborot agentligi |
| 2.17. | Yevropa Ittifoqi tuzilmalarini Oʻzbekistonda siyosiy va iqtisodiy islohotlarning borishi toʻgʻrisida muntazam ravishda xabardor qilish | Doimo | Tashqi ishlar vazirligi, “Jahon” AA |
| 2.18. | Oʻzbekiston Respublikasi va Yevropa Ittifoqiga aʼzo mamlakatlarning jamoat hamda Hukumatga qarashli boʻlmagan tashkilotlari oʻrtasida fuqarolik jamiyatini shakllantirish, mahalliy oʻzini oʻzi boshqarish organlarining faoliyat koʻrsatish masalalari boʻyicha hamkorlikni rivojlantirish | Doimo | “Mahalla” jamgʻarmasi, Tashqi ishlar vazirligi |
| 2.19. | Yevropa Ittifoqi tuzilmalarida tajriba orttirish uchun Oʻzbekiston vakillarini tayyorlash va yuborish masalalarini Yevro�a Ittifoqi ishchi organlari bilan ishlab chiqish | Doimo | Tashqi ishlar vazirligi |
|
III. Demokratiya va inson huquqlari masalalari boʻyicha hamkorlik | |||
| 3.1. | Oʻzbekiston Respublikasi va Yevropa Ittifoqiga aʼzo mamlakatlarning davlat organlari, Hukumatga qarashli boʻlmagan tashkilotlari oʻrtasida inson huquqlari masalalari boʻyicha hamkorlik tadbirlari rejasini ishlab chiqish | 2004-yil III chorak | Inson huquqlari boʻyicha milliy markaz, Adliya vazirligi, Tashqi ishlar vazirligi, Ichki ishlar vazirligi, Bosh prokuratura, Oliy Majlisning inson huquqlari boʻyicha vakili (kelishuv boʻyicha) |
| 3.2. | Yevropa tuzilmalari va Hukumatga qarashli boʻlmagan tashkilotlarni Oʻzbekistonda inson huquqlariga rioya etish va himoya qilish masalalari boʻyicha xabardor qilishni taʼminlash | Zaruriyatga koʻra | Inson huquqlari boʻyicha milliy markaz, Ichki ishlar vazirligi, Milliy xavfsizlik xizmati, Bosh prokuratura, Oliy sud, Adliya vazirligi, Tashqi ishlar vazirligi |
| 3.3. | BMTning Qiynoqlar solishga va muomalada boʻlish va jazolashning boshqa shafqatsiz, gʻayriinsoniy yoki qadr-qimmatni tahqirlovchi turlariga qarshi konvensiyani (1984-yil, Nyu-York sh.) bajarish boʻyicha tadbirlar rejasini amalga oshirish uchun Yevropa Ittifoqi tomonidan texnik yor damni jalb etish | 2004—2006-yillar | Adliya vazirligi, Inson huquqlari boʻyicha milliy markaz, Tashqi ishlar vazirligi, OʻzByuroKES |
| 3.4. | Penitensiar tizimni isloh qilish boʻyicha chora-tadbirlarni ishlab chiqishda va kelgusida amalga oshirishda Yevropa Ittifoqining texnik koʻmagini jalb etish | 2004-2005-yillar | Tashqi ishlar vazirligi, Ichki ishlar vazirligi, Adliya vazirligi, OʻzByuroKES |
| 3.5. | Gender m�salalari boʻyicha qoʻshma loyihalarni ishlab chiqish va ularni amalga oshirish uchun Yevropa Ittifoqining texnik yordamini jalb etish | 2005-2007-yillar | Inson huquqlari boʻyicha milliy markaz, Mehnat va aholini ijtimoiy muhofaza qilish vazirligi, Xotin-qizlar qoʻmitasi, Tashqi ishlar vazirligi, OʻzByuroKES |
| 3.6. | Oliy Majlisning inson huquqlari boʻyicha vakili va Yevropa Ittifoqi Ombudsmani, shuningdek Yevropa Ittifoqiga aʼzo mamlakatlar ombudsmanlari oʻrtasida amaliy aloqalarni oʻrnatish va rivojlantirish | 2004—2008-yillar | Oliy Majlisning inson huquqlari boʻyicha vakili (kelishuv boʻyicha), Tashqi ishlar vazirligi |
| 3.7. | Toshkent shahrida Yevropa Ombudsman instituti boshqaruvi majlisini oʻtkazish masalasini ishlab chiqish | 2004-yil II yarim yilligi | Oliy Majlisning inson huquqlari boʻyicha vakili (kelishuv boʻyicha), Tashqi ishlar vazirligi |
| 3.8. | Oʻzbekiston va Yevropa Ittifoqi sud organlari oʻrtasida hamkorlikni yoʻlga qoʻyish | 2004—2008-yillar | Tashqi ishlar vazirligi, Oliy sud (kelishuv boʻyicha), Adliya vazirligi |
| 3.9. | TASISning “Oʻzbekistonda demokratik islohotlarni yanada chuqurlashtirish” dasturi doirasida loyihalarni amalga oshirish boʻyicha tashkiliy masalalarni ishlab chiqish | 2004-yil | Oliy Majlis (kelishuv boʻyicha), Tashqi ishlar vazirligi, OʻzByuroKES |
|
IV. Huquqqa zid faoliyatning oldini olish, noqonuniy immigratsiyaning oldini olish va nazorat qilish boʻyicha hamkorlik | |||
| 4.1 | Terorrizm, ekstremizm, narkotrafik, noqonuniy migratsiya bilan kurashda Yevropa Ittifoqi (Yevropol, Yevroyust) liniyasi boʻyicha huquqni muhofaza qilish organlari, chegara va bojxona xizmatlarining hamkorligini, shuningdek aʼzo mamlakat�ar bilan ikki tomonlama asosda rivojlantirish chora-tadbirlarini ishlab chiqish (moddiy-texnik-axborot va kadrlar potensialini takomillashtirish boʻyicha texnikaviy va maslahat yordami koʻrsatish masalasini ishlab chiqish) | 2004-2005-yillar | MXX, Ichki ishlar vazirligi, Bosh prokuratura, Oliy sud, Adliya vazirligi, Davlat bojxona qoʻmitasi, Mehnat va aholini ijtimoiy muhofaza qilish vazirligi, Narkotik moddalarni nazorat qilish milliy axborot-tahlil markazi, Tashqi ishlar vazirligi |
| 4.2. | Diplomatik kanallardan foydalangan holda Yevropa Ittifoqi mamlakatlarining ommaviy axborot vositalarida Oʻzbekistonning terrorizm, ekstremizm, narkotrafik va uyushgan jinoyatchilikning boshqa shakllari bilan kurashish sohasidagi sayʼ-harakatlari toʻgʻrisidagi axborotlarni yoritish | Doimo | Tashqi ishlar vazirligining “Jahon” axborot agentligi |
| 4.3. | Belgiya, Gretsiya, Fransiya, Shvetsiya, Buyuk Britaniya, Sloveniya va Estoniya bilan uyushgan jinoyatchilik, terrorizm hamda narkotik vositalar va psixotrop moddalarning noqonuniy muomalada boʻlishiga qarshi kurashda hamkorlik qilish toʻgʻrisidagi ikki tomonlama bitimlarni imzolash masalasini ishlab chiqish, shuningdek mazkur bitimlarni Ispaniya, Lyuksemburg, Niderlandlar, Portugaliya, Finlyandiya, Daniya, Irlandiya, Kipr, Malta bilan tuzish toʻgʻrisidagi masalalarni koʻrib chiqish | 2004—2006-yillar | Tashqi ishlar vazirligi, MXX, Ichki ishlar vazirligi, Davlat bojxona qoʻmitasi, Bosh prokuratura, Adliya vazirligi, Narkotik moddalarni nazorat qilish milliy axborot-tahlil markazi |
| 4.4. | Yevropa Ittifoqi bilan noqonuniy moliyaviy mablagʻlarning “chetga chiqib ketishi”ga qarshi kurashish sohasida hamkorlikni yoʻlga qoʻyish. Yevropa Ittifoqi mamlakatlari tomonidan milliy qonun hujjatlarini FATF tavsiyanomalariga muvofiq moslashtirishda maslahat va texnika yordami koʻrsatish | 2005-2007-yillar | Tashqi ishlar vazirligi, Ichki ishlar vazirligi, Markaziy bank, Moliya vazirligi, MXX, Adliya vazirligi, Bosh prokuratura, Oliy sud, OʻzByuroKES |
| 4.5. | Oʻzbekiston Respublikasining BMT korrupsiyaga qarshi konvensiyasiga (Nyu-York shahri, 2003-yil) qoʻshilishi toʻgʻrisida takliflar ishlab chiqish | 2004-yil | Tashqi ishlar vazirligi, Bosh prokuratura, Ichki ishlar vazirligi, MXX, Adliya vazirligi, tegishli vazirliklar va idoralar |
| 4.6. | Jinoiy faoliyatdan olinadigan daromadlarning chetga chiqib ketishi, ularni aniqlash, olib qoʻyish va musodara qilish toʻgʻrisidagi Yevropa konvensiyasiga (Strasburg sh, 1990y.) qoʻshilish toʻgʻrisida takliflar ishlab chiqish | 2004-yil | Tashqi ishlar vazirligi, Bosh prokuratura, Ichki ishlar vazirligi, MXX, Markaziy bank, Moliya vazirligi, Adliya vazirligi |
| 4.7. | Toshkent shahrida Jinoyatchilikka qarshi Markaziy Osiyo markazini tashkil etish boʻyicha tashabbusni amalga oshirishda Yevropa Ittifoqi tomonidan siyosiy va moliyaviy qoʻllab-quvvatlashni taʼminlash | 2004-2005-yillar | Tashqi ishlar vazirligi, Narkotik moddalarni nazorat qilish milliy axborot-tahlil markazi |
| 4.8. | Giyohvandlikning tarqalishini oldini olish giyohvand shaxslarni davolash va tibbiy-ijtiomiy reabilitatsiya qilish sohasida Yevropa Ittifoqi bilan hamkorlikni rivojlantirish. Respublikaning narkologik davolash-profilaktika muassasalarining moddiy-texnika bazasini yaxshilashda Yevropa Ittifoqi Komissiyasi va Yevropa Ittifoqiga aʼzo mamlakatlar tomonidan yordamni jalb etish | Doimo | Tashqi ishlar vazirligi, Narkotik moddalarni nazorat qilish milliy axborot-tahlil markazi, Sogʻliqni saqlash vazirligi boshqa tegishli vazirliklar va idoralar bilan birgalikda |
| 4.9. | Odamlarni sotishga qarshi kurashish boʻyicha kompleks dastur ishlab chiqish | 2004-yil may | Ichki ishlar vazirligi, MXX, Tashqi ishlar vazirligi, tegishli vazirliklar va i�oralar |
| 4.10. | Yevropa Ittifoqi dasturlari liniyasi boʻyicha yordamni jalb etgan holda IKAO yetakchi markazlarida aviatsiya xavfsizligi xizmatlari xodimlarining seminar-kengashlarini oʻtkazish va ularni oʻqitish | Doimo | “Davavianazorat” inspeksiyasi, MXX, Ichki ishlar vazirligi, OʻzByuroKES, tegishli vazirliklar va idoralar |
| 4.11. | IKAO xomiyligi ostida Toshkent shahrida aviatsiya xavfsizligi boʻyicha mintaqaviy markaz tashkil etish | 2004—2006-yillar | “Davavianazorat” inspeksiyasi, MXX, Tashqi ishlar vazirligi, tegishli vazirliklar va idoralar |
| 4.12. | Fuqaro aviatsiyasi xavfsizligini taʼminlash maqsadida Yevropa Ittifoqining tegishli xizmatlari bilan hamkorlikni yoʻlga qoʻyish | Doimo | “Davavianazorat” inspeksiyasi, MXX, Tashqi ishlar vazirligi, tegishli vazirliklar va idoralar |
| 4.13. | Oʻzbekiston Respublikasi Prezidenti huzuridagi Strategik va mintaqalararo tadqiqotlar instituti bilan Yevropa Ittifoqi xavfsizlik instituti oʻrtasida hamkorlik oʻrnatish boʻyicha masalani ishlab chiqish: Strategik va mintaqalararo tadqiqotlar instituti huzurida Yevropa Ittifoqi axborot markazini tashkil etish (Yevropa Ittifoqi tomonidan birgalikda moliyalashtirgan holda); Yevropa Ittifoqi tashkilotlari va jamgʻarmalari grantlari boʻyicha ilmiy tajriba oshirish doirasida ilm-fan ayirboshlashni yoʻlga qoʻyish; Yevropa Ittifoqi va Oʻzbekiston oʻrtasida ikki tomonlama munosabatlarni chuqurlashtirish masalalari, mintaqaviy xavfsizlik muammolari boʻyicha birgalikda xalqaro seminarlar va konferensiyalar, shu jumladan “Yevropa Ittifoqi Markaziy Osiyo” mavzuida konferensiyalar turkumini oʻtkazish | 2004—2006-yillar | Strategik va mintaqalararo tadqiqotlar instituti, Tashqi ishlar vazirligi |
| 4.14. | Jahon iqtisodiyoti va diplomatiya universiteti huzuridagi Siyosiy tadqiqotlar markazi bilan Yevropa Ittifoqiga aʼzo mamlakatlarning ana shunday markazlari oʻrtasida hamkorlikni yoʻlga qoʻyish | Doimo | Tashqi ishlar vazirligi |
|
V. Iqtisodiy sohadagi hamkorlik | |||
|
Hamkorlikning shartnomaviy-huquqiy bazasini rivojlantirish | |||
| 5.1. | Yevropa Ittifoqiga aʼzo mamlakatlar bilan, Yevropa Ittifoqini kengaytirishni hisobga olgan holda (Daniya Qirolligi, Kipr Respublikasi, Malta Respublikasi, Estoniya Respublikasi) investitsiyalarni ragʻbatlantirish va himoya qilish toʻgʻrisidagi bitimlarni imzolash masalalarini ishlab chiqish | 2004—2008-yillar | Tashqi iqtisodiy aloqalar agentligi , Iqtisodiyot vazirligi, Adliya vazirligi, Tashqi ishlar vazirligi |
| 5.2. | Yevropa Ittifoqiga aʼzo mamlakatlar bilan Yevropa Ittifoqini kengaytirishni hisobga olgan holda ikkilamchi soliqqa solishga yoʻl qoʻymaslik toʻgʻrisidagi bitimlarni imzolash masalalarini ishlab chiqish (Daniya Qirolligi, Ispaniya Qirolligi, Shvetsiya Qirolligi, Vengriya Respublikasi, Irlandiya Respublikasi, Kipr Respublikasi, Malta Respublikasi, Sloveniya Respublikasi, Estoniya Respublikasi) | 2004-2007-yillar | Davlat soliq qoʻmitasi, Moliya vazirligi, Iqtisodiyot vazirligi, Tashqi iqtisodiy aloqalar agentligi , Adliya vazirligi, Tashqi ishlar vazirligi |
| 5.3. | Bojxona va soliq siyosatini amalga oshirish sohasidagi qonun hujjatlarini Yevropa Ittifoqi qonun hujjatlari bilan oʻzaro maqbul asosda va Oʻzbekistonning Jahon savdo tashkilotiga kirishi jarayoni doirasida uygʻunlashtirish chora-tadbirlarini ishlab chiqish | 2004—2008-yillar | Moliya vazirligi, Davlat bojxona qoʻmitasi, Davlat soliq qoʻmitasi,Tashqi iqtisodiy aloqalar agentligi, Adliya vazirligi |
| 5.4. | Oʻzbekiston Respublikasi Hukumati bilan atom energiyasi boʻyicha Yevropa Hamjamiyati (Yevroatom) oʻrtasida 2003-yil 6-oktabrda imzolangan Bitimni kuchga kiritish boʻyicha davlat ichki tartibotlarini tugallash | 2004-yil I yarim yilligi | Tashqi iqtisodiy aloqalar agentligi, “Sanoatkontexnazorat” davlat inspeksiyasi, Tashqi ishlar vazirligi |
| 5.5. | Yevropa Ittifoqining Oʻzbekiston Respublikasi qoʻshilishi maqsadga muvofiq boʻlgan asosiy xalqaro shartnomalari roʻyxatini aniqlash, jumladan Oʻzbekiston Respublikasining xorijiy rasmiy hujjatlarni erkinlashtirish boʻyicha talablarni bekor qiluvchi 1961-yildagi Gaaga konvensiyasiga qoʻshilishi | 2004-2005-yillar | Tashqi ishlar vazirligi, Adliya vazirligi |
| 5.6. | Belgiya, Buyuk Britaniya, Daniya, Ispaniya, Kipr, Sloveniya, Fransiya, Shvetsiya va Estoniya bilan avtomobil transportida xalqaro yuk tashishlar toʻgʻrisidagi bitimlarni imzolash masalalarini ishlab chiqish, shuningdek ushbu bitimlarni Avstriya, Lyuksemburg, Portugaliya, Finlyandiya bilan tuzish toʻgʻrisidagi masalani koʻrib chiqish | 2004—2006-yillar | Oʻzbekiston avtomobil va daryo transporti agentligi, Tashqi iqtisodiy aloqalar agentligi, Tashqi ishlar vazirligi |
| 5.7. | Fransiya, Lyuksemburg, Shvetsiya, Daniya, Vengriya, Chexiya Respublikasi, Kipr va Estoniya bilan havo yoʻllari sohasidagi ikki tomonlama bitimlarni imzolash masalalarini ishlab chiqish, shuningdek ushbu bitimlarni Ispaniya, Irlandiya, Sloveniya, va Malta bilan tuzish toʻgʻrisidagi masalani koʻrib chiqish | 2004—2006-yillar | “Oʻzbekiston havo yoʻllari” milliy aviakompaniyasi, Tashqi ishlar vazirligi |
| 5.8. | Yevropa Ittifoqiga aʼzo mamlakatlar bilan temir yoʻl aloqasi sohasidagi ikki tomonlama bitimlarni imzolash masalalarini ishlab chiqish | 2004—2006-yillar | “Oʻzbekiston temir yoʻllari” davlat-aksiyadorlik kompaniyasi, Tashqi ishlar vazirligi, Adliya vazirligi |
| 5.9. | Avstriya, Ispaniya, Fransiya, Portugaliya, Finlyandiya, Irlandiya, Vengriya, Slovakiya va Estoniya bilan bojxona ishlarida koʻmaklashish toʻgʻrisidagi bitimlarni imzolash masalalarini ishlab chiqish, shuningdek ushbu bitimlarni GFR, Lyuksemburg, Shvetsiya, Buyuk Britaniya, Daniya, Sloveniya, Kipr va Malta bilan tuzish masalasini koʻrib chiqish | 2004—2006-yillar | Davlat bojxona qoʻmitasi, Moliya vazirligi, Iqtisodiyot vazirligi, Tashqi iqtisodiy aloqalar agentligi, Tashqi ishlar vazirligi, Adliya vazirligi |
|
Savdo masalalari boʻyicha hamkorlik | |||
| 5.10. | Yevropa Ittifoqiga yangi mamlakatlarning aʼzo boʻlib kirishini va jahondagi eng yirik bozorlardan birining barpo etilishini hisobga olgan holda Yevropa Ittifoqi bilan tashqi savdoni rivojlantirish tendensiyalarini hamda eksportni koʻpaytirish va diversifikatsiya qilish istiqbollarini kompleks tahlil qilish | 2004-yil | Tashqi iqtisodiy aloqalar agentligi, Iqtisodiyot vazirligi, Davlat bojxona qoʻmitasi, Moliya vazirligi |
| 5.11. | Oʻzbekiston benifetsiari hisoblanadigan Yevropa Ittifoqi Preferensiyalari bosh tizimini maxsus ragʻbatlantiruvchi chora-tadbirlar doirasida Yevropa Ittifoqiga eksport qilinadigan tovarlar uchun qoʻshimcha tarif preferensiyalari berish boʻyicha ishlarni amalga oshirish | 2004—2008-yillar | Tashqi iqtisodiy aloqalar agentligi, Iqtisodiyot vazirligi, Davlat bojxona qoʻmitasi, Adliya vazirligi, Tashqi ishlar vazirligi hamda boshqa manfaatdor vazirliklar va idoralar |
| 5.12. | Standartlashtirish, sertifikatlash va sifatni boshqarish tizimlarini joriy etish masalalari boʻyicha Yevropa Ittifoqining tegishli tashkilotlari bilan hamkorlikni rivojlantirish | 2004-2005-yillar | “Oʻzstandart” agentligi, Oʻzbekiston aloqa va axborotlashtirish agentligi |
| 5.13. | Yoʻl qurilishi va temir yoʻllar standartlarini joriy etish chora-tadbirlarini ishlab chiqish | 2004-2005-yillar | “Oʻzavtoyoʻl” kompaniyasi, “Oʻzbekiston temir yoʻllari” davlat-aksiyadorlik kompaniyasi |
| 5.14. | Yevropa Ittifoqiga aʼzo davlatlarning tegishli tashkilotlari bilan standartlashtirish, metrologiya, akkreditatsiya, mahsulotlarning muvofiqligini tasdiqlash va ishlarning natijalarini oʻzaro eʼtirof etish boʻyicha mahsulotlar sifatini boshqarish tizimlari masalalari yuzasidan maslahatlashuvlar oʻtkazish Sertifikatlash hujjatlarini, shu jumladan qoʻshma sertifikatlash markazlarini tashkil etish orqali oʻzaro eʼtirof etish boʻyicha tadbirlarni amalga oshirish | Doimo | “Oʻzstandart” agentligi, Tashqi iqtisodiy aloqalar agentligi, Tashqi ishlar vazirligi |
| 5.15. | Milliy kadrlarning Yevropa Ittifoqiga aʼzo davlatlar tashkilotlarida standartlashtirish, metrologiya, akkreditatsiya va mahsulotlar ishlab chiqarish, xizmatlar koʻrsatish muvofiqligini tasdiqlash sohasida tajriba orttirishi masalalarini ishlab chiqish | Doimo | “Oʻzstandart” agentligi, Tashqi iqtisodiy aloqalar agentligi, Tashqi ishlar vazirligi |
| 5.16. | Oʻzbekiston tovarlari va xizmatlarining Yevropa Ittifoqi bozoriga kirib borishi uchun qulay shart-sharoitlarni taʼminlash hamda ularning kamsitilishi elementlariga yoʻl qoʻymaslik boʻyicha faoliyatni faollashtirish. Notarif (texnik) toʻsiqlarni bartaraf etish, ISO standartlarini joriy etish | 2004—2008-yillar | Tashqi iqtisodiy aloqalar agentligi, Iqtisodiyot vazirligi, Davlat bojxona qoʻmitasi, “Oʻzstandart” agentligi |
| 5.17. | Toʻqimachilik boʻyicha bitimning amal qilishi toʻxtatilishi va 2005-yildan boshlab Yevropa Ittifoqi bozorida toʻqimachilik mahsulotlari savdosining miqdoriy cheklashlari bekor qilinganligi munosabati bilan Oʻzbekiston Respublikasida ishlab chiqarilgan toʻqimachilik tovarlarini eksport qilish shart-sharoitlarini tahlil qilish. Eksport hajmlarini koʻpaytirish va toʻqimachilik tovarlarining Yevropa mamlakatlari bozorlaridagi raqobatga bardoshliligini oshirish chora-tadbirlarini ishlab chiqish | 2004-yil | Tashqi iqtisodiy aloqalar agentligi, “Oʻzbekyengilsanoat” davlat-aksiyadorlik kompaniyasi, Iqtisodiyot vazirligi |
| 5.18. | Oʻzbekistonning eksportga yoʻnaltirilgan ishlab chiqarishlarini rivojlantirishning uzoq muddatli strategiyasini ishlab chiqishda, shu jumladan: rivojlanayotgan mamlakatlardan importni qoʻllab-quvvatlash markazi (Niderlandiya, CBI) bilan; rivojlantirish masalalari yuzasidan xalqaro hamkorlik boʻyicha Shvetsiya agentligi (SIDA) bilan; Germaniya texnikaviy koʻmaklashish jamiyati (GTZ) bilan; Italiya tashqi savdo instituti (ICE) bilan ishlab chiqishda Tashqi savdoni rivojlantirishga koʻmaklashish boʻyicha Yevropa milliy tashkilotlari koʻmagini kengaytirish masalalarini ishlab chiqish | 2004-2005-yillar | Tashqi iqtisodiy aloqalar agentligi, Savdo-sanoat palatasi |
| 5.19. | Xususiy sektor rahbarlarini kasbiy tayyorlash va tajriba orttirishi boʻyicha xususiy tadbirkorlikni va kichik biznesni, xususiy sektor korxonalari tomonidan ishlab chiqariladigan tovarlarni Yevropa bozorlariga chiqarish imkoniyatlarini rivojlantirish jarayoniga koʻmaklashish maqsadida Yevropa Ittifoqi mamlakatlari savdo-sanoat palatalari bilan oʻzaro manfaatli hamkorlikni yoʻlga qoʻyish | Doimo | Iqtisodiyot vazirligi, Savdo-sanoat palatasi, Tashqi iqtisodiy aloqalar agentligi |
| 5.20. | Tashqi savdo infratuzilmasini rivojlantirish, Yevropa mamlakatlariga eksportni rivojlantirish maqsadida Yevropa mamlakatlarida Oʻzbekiston respublikasi korxonlari tomonidan savdo uylari va savdo vakolatxonalari tashkil etish | 2004—2008-yillar | Tashqi iqtisodiy aloqalar agentligi, “Oʻzbekinvest” kompaniyasi, Davlat mulki �oʻmitasi, tegishli vazirliklar va idoralar |
| 5.21. | Yevropa Ittifoqi agrar, texnik va dempingga qarshi siyosat normalarini Markaziy va Sharqiy Yevropa Boltiq davlatlariga tatbiq etishda Oʻzbekiston manfaatlarini taʼminlash maqsadida Yevropa Ittifoqi va unga yangi aʼzo mamlakatlar bilan maslahatlashuvlar oʻtkazish | 2004-2005-yillar | Tashqi iqtisodiy aloqalar agentligi, Tashqi ishlar vazirligi, “Oʻzstandart” agentligi, Moliya vazirligi, Iqtisodiyot vazirligi |
| 5.22. | Yangi meva-sabzavotlarni va quruq mevalarni eksport qilish hamda ularni Yevropa Ittifoqi standartlari boʻyicha sertifikatlash masalalari yuzasidan Boltiq mamlakatlari bilan hamkorlik qilish | 2004—2006-yillar | Tashqi iqtisodiy aloqalar agentligi, “Oʻzstandart” agentligi, “Oʻzvinosanoat-xolding kompaniyasi |
| 5.23. | Yevropa Ittifoqiga yangi aʼzo mamlakatlar hududlari va portlaridan foydalangan holda Oʻzbekiston va Yevropa davlatlari oʻrtasida multimodal yuk tashishlarni rivojlantirish boʻyicha qoʻshma tadbirlarni amalga oshirish | 2004—2008-yillar | Tashqi iqtisodiy aloqalar agentligi, “Oʻzbekiston havo yoʻllari” milliy aviakompaniyasi, “Oʻzbekiston temir yoʻllari” davlat-aksiyadorlik kompaniyasi, Oʻzbekiston avtomobil va daryo transporti agentligi |
|
Investitsiya sohasida va moliyaviy hamkorlik | |||
| 5.24. | Toʻgʻridan-toʻgʻri investitsiyalarni Oʻzbekiston iqtisodiyotining real sektoriga jalb etishni ragʻbatlantirish yuzasidan Yevropa Ittifoqi mamlakatlari investitsiya institutlari va banklari bilan birgalikda investitsiya loyihalari paketini ishlab chiqish | 2004-2005-yillar | Tashqi iqtisodiy aloqalar agentligi, Iqtisodiyot vazirligi, Davlat mulki qoʻmitasi, Moliya vazirligi, Tashqi ishlar vazirligi, Qimmatli qogʻozlar bozori faoliyatini muvofiqlashtirish va nazorat qilish markazi |
| 5.25. | Yevropa Ittifoqi mamlakatlari hukumat tuzilmalari bilan OESR tasnifi boʻyicha Oʻzbekiston Respublikasining kreditga qodirlik reytingini oshirish masalasini ishlab chiqish | 2004-yil | Tashqi iqtisodiy aloqalar agentligi, Tashqi ishlar vazirligi, Moliya vazirligi, Iqtisodiyot vazirligi |
| 5.26. | Oʻzbekiston Respublikasining Yevropa Ittifoqi mamlakatlari bilan birgalikda Yevropa Ittifoqiga aʼzo mamlakatlar potensial investorlarini Oʻzbekiston Respublikasidagi investitsiya muhiti va investitsiya imkoniyatlari, xususiylashtirish jarayonlari toʻgʻrisida xabardor qilish boʻyicha maqsadli investitsiya konferensiyalari va biznes-seminarlar oʻtkazish masalalarini ishlab chiqish | Doimo | Tashqi iqtisodiy aloqalar agentligi, Iqtisodiyot vazirligi, Tashqi ishlar vazirligi, Davlat mulki qoʻmitasi |
| 5.27. | Hamkorlik kengashi va qoʻmitasining rejalashtirilayotgan majlislari doirasida Toshkent va Bryussel shaharlarida “Oʻzbekiston-Yevropa Ittifoqi” biznes-forum majlislarini oʻtkazish | 2004-2005-yillar | Oʻzbekiston Respublikasi Vazirlar Mahkamasining Tashqi iqtisodiy aloqalar va xorijiy investitsiyalar departamenti, Tashqi ishlar vazirligi, Tashqi iqtisodiy aloqalar agentligi |
| 5.28. | Yevropa Ittifoqiga aʼzo mamlakatlar va Oʻzbekistonning ishbilarmon doiralari delegatsiyalari tashriflarini, shu jumladan ikki tomonlama savdo-iqtisodiy komissiyalarning muntazam majlislari doirasida muntazam va tizimli asosda tashkil etish (Avstriya, Buyuk Britaniya, Germaniya, Gretsiya, Italiya, Latviya, Litva, Polsha, Finlyandiya, Fransiya, Chexiya, Slovakiya) | Doimo | Tashqi iqtisodiy aloqalar agentligi, Oʻzbekiston Respublikasi Vazirlar Mahkamasining Tashqi iqtisodiy aloqalar va xorijiy investitsiyalar departamenti, Tashqi ishlar vazirligi, Oʻzbekistonning Yevropa mamlakatlaridagi diplomatik vakolatxonalari |
| 5.29. | Kadrlar tayyorlash milliy dasturini amalga oshirish uchun imtiyozli kreditlarni jalb etish boʻyicha Yevropa Ittifoqi mamlakatlari va unga yangi aʼzo mamlakatlar bilan hamkorlik (GFR, Belgiya, Ispaniya, Polsha) | 2004-2005-yillar | Tashqi iqtisodiy aloqalar agentligi, Iqtisodiyot vazirligi, Oliy taʼlim vazirligi |
| 5.30. | Ustuvor investitsiya loyihalarini amalga oshirish sohasida Yevropa tiklanish va taraqqiyot banki bilan hamkorlik dasturini ishlab chiqish va amalga oshirish | 2004—2006-yillar | Vazirlar Mahkamasining Tashqi iqtisodiy aloqalar va xorijiy investitsiyalar departamenti, “Oʻzmilliybank”, tegishli vazirliklar va idoralar |
| 5.31. | Transport infratuzilmasi, energetikani rivojlantirish sohasida ustuvor loyihalarni amalga oshirish uchun uzoq muddatli kreditlarni jalb etish (Yevropa tiklanish va taraqqiyot banki, Germaniya taraqqiyot banki, Germes) | 2004—2008-yillar | Tashqi iqtisodiy aloqalar agentligi tegishli vazirliklar va idoralar bilan birgalikda |
| 5.32. | Imtiyozli kreditlar va grantlardan foydalangan holda qishloq aholi yashash punktlarini ichimlik suv bilan taʼminlash sohasidagi loyihalarni amalga oshirish masalalarini ishlab chiqish (Fransiya, Ispaniya, Germaniya) | 2004-2005-yillar | Tashqi iqtisodiy aloqalar agentligi, Iqtisodiyot vazirligi |
| 5.33. | Oʻzbekistonning umumtaʼlim maktablarini oʻquv asbob-anjomlari va kompyuter texnikasi bilan jihozlashni moliyalashtirish uchun imtiyozli kreditlarni jalb etish (Fransiya, Germaniya, Belgiya, Avstriya) | 2004-2005-yillar | Xalq taʼlimi vazirligi, Tashqi iqtisodiy aloqalar agentligi, Tashqi ishlar vazirligi |
| 5.34. | Kichik biznesni rivojlantirish uchun kredit liniyalarini jalb etish (Yevropa tiklanish va taraqqiyot banki, Polsha, Chexiya, Germaniya, Italiya) | 2004—2008-yillar | Tashqi iqtisodiy aloqalar agentligi, Iqtisodiyot vazirligi, Moliya vazirligi, tegishli vazirliklar va idoralar |
| 5.35. | Sogʻliqni saqlash tizimini rivojlantirish uchun imtiyozli kreditlarni jalb etish (Polsha, Germaniya, Ispaniya, Fransiya, Chexiya) | 2004—2008-yillar | Tashqi iqtisodiy aloqalar agentligi, Iqtisodiyot vazirligi, Moliya vazirligi tegishli vazirliklar va idoralar bilan birgalikda |
| 5.36. | Yuqumli kasalliklar profilaktikasi boʻyicha, shu jumladan: karantin va alohida xavfli infeksiyalar profilakti-kasi boʻyicha; sil kasalligi va virusli gepatitlar profilaktikasi boʻyicha milliy dastur doirasida; VICh/OITS va boshqa kasalliklar profilaktikasi va ularga qarshi kurashish boʻyicha; oʻtkir ichak kasalliklari, vaboga qarshi va boshqalarga qarshi kurashish boʻyicha davlat maqsadli dasturlarini amalga oshirishga moliyaviy va texnik koʻmakni jalb etish |
2004—2008-yillar | Tashqi iqtisodiy aloqalar agentligi, Sogʻliqni saqlash vazirligi |
| 5.37. | Resurslarni tejaydigan texnologiyalarni jalb etishga moliyaviy va texnik koʻmakni jalb etish masalalari yuzasidan Yevropa Energetika Xartiyasi (Gaaga, 1991-yil) doirasida Yevropa Ittifoqi va unga aʼzo mamlakatlar bilan hamkorlikni rivojlantirish | Doimo | “Oʻzbekenergo” davlat-aksiyadorlik kompaniyasi , “Oʻzbekneftgaz” MXK, Tashqi ishlar vazirligi, tegishli vazirliklar va idoralar |
| 5.38. | Afgʻonistonda iqtisodiy loyihalarni amalga oshirishda (energetikani, irrigatsiya inshootlarini tiklash, avtomobil yoʻllari, koʻpriklar qurish) Oʻzbekiston Respublikasining ishtiroki boʻyicha masalalarni Yevropa Ittifoqi va unga aʼzo mamlakatlar bilan ishlab chiqish | 2004—2008-yillar | Tashqi iqtisodiy aloqalar agentligi, Tashqi ishlar vazirligi, “Oʻzbekenergo” davlat-aksiyadorlik kompaniyasi , “Oʻzavtoyoʻl” kompaniyasi, Qishloq va suv xoʻjaligi vazirligi, tegishli vazirliklar va idoralar |
| 5.39. | Oʻzbekistonning qimmatli qogʻozlar bozorini rivojlantirish sohasidagi hamkorlik boʻyicha amaliy tadbirlarni ishlab chiqish, milliy mutaxassislarning Yevropa fond birjalarida va investitsiya institutlarida tajriba orttirishini tashkil etish masalasini ishlab chiqish | 2004-yil | Tashqi iqtisodiy aloqalar agentligi, Tashqi ishlar vazirligi, Davlat mulki qoʻmitasi, Adliya vazirligi, Qimmatli qogʻozlar bozori faoliyatini muvofiqlashtirish va nazorat qilish markazi |
| 5.40. | Moliya tashkilotlari va Yevropa Ittifoqiga aʼzo mamlakatlar bilan: soliq-budjet siyosatini takomillashtirish, davlat qarzini boshqarish; davlat budjetining ijrosi, dasturiy-maqsadli moliyalashtirish sohasida oʻrta muddatli prognozlash va rejalashtirish; pul-kredit siyosatini amalga oshirish va milliy valyutaning barqarorligini taʼminlash; pul tizimi faoliyatini takomillashtirish sohasidagi hamkorlikni rivojlantirish |
2004-2005-yillar | Oʻzbekiston Respublikasi Vazirlar Mahkamasining Tashqi iqtisodiy aloqalar va xorijiy investitsiyalar departamenti, Iqtisodiyot vazirligi, Markaziy bank, Moliya vazirligi, Davlat soliq qoʻmitasi |
| 5.41. | Turizm sohasidagi hamkorlikni kengaytirish va: Yevropa Ittifoqiga aʼzo mamlakatlarning turistik kompaniyalarini Oʻzbekistonda turizmni rivojlantirish dasturlari doirasidagi loyihalarni amalga oshirishga jalb etish; Oʻzbekistonda Yevropa turizm kompaniyalari ishtirokida turizm yarmarkalari tashkil etish; Yevropa bozorida Oʻzbekiston turizm kompaniyalari faoliyatini, shu jumladan Yevropa Itifoqiga aʼzo davlatlarning har yilgi yarmarkalarida ularning ishtirokini tashkil etish yoʻli bilan faollashtirish tadbirlarini tuzish (Londondagi “World travel market”, Berlindagi “ITB”, Bryusseldagi “BELASIA” va boshqalar) masalalarini ishlab chiqish | Doimo | “Oʻzbekturizm” milliy kompaniyasi, Tashqi ishlar vazirligi |
| 5.42. | Potensial sheriklar (Jahon bankining eksperimental karbon fondi, Germaniya taraqqiyot banki, Yevropa tiklanish va taraqqiyot banki, Avstriya, Germaniya, Niderlandlar) bilan Parnik gazlari emissiyasini qisqartirish boʻyicha Kiot protokoli doirasida “Sof rivojlantirish mexanizmi” sohasidagi hamkorlik toʻgʻrisida oʻzaro hamfikrlik haqidagi memorandumlarni imzolash | 2004—2008-yillar | Tashqi ishlar vazirligi, Tashqi iqtisodiy aloqalar agentligi, “Oʻzbekenergo” davlat-aksiyadorlik kompaniyasi , Davlat tabiatni muhofaza qilish qoʻmitasi, Iqtisodiyot vazirligi, Texnologiyalar transferti agentligi |
| 5.43. | Yevropa Ittifoqi kompaniyalarini zamonaviy transport infratuzilmasini rivojlantirish loyihalarini amalga oshirishga jalb etish | Doimo | Tashqi iqtisodiy aloqalar agentligi, Davlat bojxona qoʻmitasi, “Oʻzbekiston havo yoʻllari” milliy aviakompaniyasi |
|
TASIS dasturi doirasidagi hamkorlik | |||
| 5.44. | Loyihalarning investitsiya tarkibiy hajmini va amaliy natijadorligini koʻpaytirish masalasini ishlab chiqqan holda TASIS doirasida texnikaviy koʻmak dasturlarini roʻyobga chiqarish samaradorligini oshirish | Doimo | Oʻzbekiston Respublikasi Vazirlar Mahkamasining Tashqi iqtisodiy aloqalar va xorijiy investitsiyalar departamenti, Tashqi iqtisodiy aloqalar agentligi, “OʻzByuroKES” |
| 5.45. | 1992—2003-yillarda Yevropa Ittifoqi-TASIS dasturi doirasida amalga oshirilgan loyihalar kompleksini ekspert tahlil qilish | 2004-yil | Oʻzbekiston Respublikasi Vazirlar Mahkamasining Tashqi iqtisodiy aloqalar va xorijiy investitsiyalar departamenti, Tashqi iqtisodiy aloqalar agentligi, “OʻzByuroKES” |
| 5.46. | TASISning texnik koʻmagi dasturi doirasida Yevropa Ittifoqi bilan birgalikda hamkorlikning oʻrta muddatli strategik yoʻnalishlarini, shu jumladan: maʼmuriy islohotlarni; atrof muhitni muhofaza qilishni; taʼlim, sogʻliqni saqlash va ijtimoiy muhofazani; iqtisodiy oʻsish va xususiy sektorni rivojlantirishni; transport, energetika va axborot infratuzilmasini; huquq va sud tizimini ishlab chiqish |
2004—2008-yillar | Oʻzbekiston Respublikasi Vazirlar Mahkamasining Tashqi iqtisodiy aloqalar va xorijiy investitsiyalar departamenti, Tashqi iqtisodiy aloqalar agentligi, “OʻzByuroKES” |
| 5.47. | TASIS dasturi doirasida ilgari kelishilgan yoʻnalishlar asosida texnik hamkorlikning ikki yillik va har yilgi dasturlarini, shuningdek moliyalashtirish boʻyicha bitimlarni ishlab chiqish va imzolash | 2004—2008-yillar | Vazirlar Mahkamasining Tashqi iqtisodiy aloqalar va xorijiy investitsiyalar departamenti, Tashqi iqtisodiy aloqalar agentligi, “OʻzByuroKES”, tegishli vazirliklar va idoralar |
| 5.48. | TASIS dasturi doirasida kelishilgan loyihalarni samarali ijro etishni taʼminlash va roʻyobga chiqarining tizimli monitoringini amalga oshirish | 2004—2008-yillar | Oʻzbekiston Respublikasi Vazirlar Mahkamasining Tashqi iqtisodiy aloqalar va xorijiy investitsiyalar departamenti, Tashqi iqtisodiy aloqalar agentligi, “OʻzByuroKES”, tegishli vazirliklar va idoralar |
| 5.49. | Sheriklik va hamkorlik toʻgʻrisidagi Bitimni samarali amalga oshirish uchun TASIS dasturi doirasida zarur ekspert koʻmakni jalb etish | 2004—2006-yillar | Vazirlar Mahkamasining Tashqi iqtisodiy aloqalar va xorijiy investitsiyalar departamenti, “OʻzByuroKES” |
| 5.50. | Yevropa Ittifoqiga aʼzo mamlakatlar tomonidan korxonalarga, shu jumladan kichik va xususiy biznes korxonalariga eksport mahsulotini sertifikatlashni tashkil etishda koʻmak olish masalalarini ishlab chiqish | 2004-2005-yillar | Tashqi iqtisodiy aloqalar agentligi, “Oʻstandart” agentligi, Davlat mulki qoʻmitasi, Savdo-sanoat palatasi |
| 5.51. | Yevropa Ittifoqi (Yevrobojxona) va Yevropa Ittifoqiga aʼzo mamlakatlar bojxona xizmatlari bilan hamkorlikni chuqurlashtirish boʻyicha TASIS loyihalarini amalga oshirish masalalarini ishlab chiqish | 2004—2008-yillar | Davlat bojxona qoʻmitasi, Vazirlar Mahkamasining Tashqi iqtisodiy aloqalar va xorijiy investitsiyalar departamenti, “OʻzByuroKES” |
| 5.52. | Oʻzbekiston Respublikasi Davlat bojxona qoʻmitasining axborot tizimlarini “Tranzit” Yevropa Hamjamiyati maʼlumotlari bazasiga ulashning texnologik va texnik dasturlarini birgalikda ishlab chiqish | 2004—2006-yillar | Davlat bojxona qoʻmitasi, Tashqi iqtisodiy aloqalar agentligi |
| 5.53. | Bozor munosabatlarini rivojlantirish sharoitlarida zamonaviy metodologiya negizida davlat statistikasi tizimini tegishli xalqaro standartlarga, shu jumladan: Davlat statistika qoʻmitasi va “Yevrostat” oʻrtasida tegishli bitimni imzolash; davlat statistika tizimiga zamonaviy axborot texnologiyalarini va axborot resurslarini shakllantirish metodlarini joriy etish yoʻli bilan moslashtirishda Yevropa Ittifoqi koʻmagi masalalarini ishlab chiqish |
2004—2008-yillar | Davlat statistika qoʻmitasi, “OʻzByuroKES”, Tashqi ishlar vazirligi, Oʻzbekiston Respublikasi Vazirlar Mahkamasining Tashqi iqtisodiy aloqalar va xorijiy investitsiyalar departamenti |
| 5.54. | USCAAP va IAS xalqaro standartlari boʻyicha moliya mutaxassislarini kasbiy tayyorlashga koʻmaklashish | 2004—2008-yillar | “Oʻzstandart” agentligi, “Oʻzbekneftgaz” kompaniyasi, Vazirlar Mahkamasining Tashqi iqtisodiy aloqalar va xorijiy investitsiyalar departamenti |
| 5.55. | Irrigatsiya (suv taʼminotini yaxshilash, qurgʻoqchilik va suv taqchilligini, choʻllanishni, tuproqning shoʻrlanishini bartaraf etish, seleksiya ishlarini amalga oshirish) sohasida Oʻzbekiston va Yevropa Ittifoqining ilmiy-tadqiqot institutlari hamkorligini rivojlantirish | 2004—2006-yillar | Qishloq va suv xoʻjaligi vazirligi, Tashqi ishlar vazirligi, tegishli vazirliklar va idoralar |
| 5.56. | Yevropa Ittifoqining Kelishilgan oltinchi dasturi (INKO, INTAS va NTSU) doirasida Oʻzbekiston olimlari va mutaxassislarining ishtirokini kengaytirish tadbirlarini ishlab chiqish | 2004-yil II chorak | Fan va texnologiyalar markazi, Tashqi ishlar vazirligi, tegishli vazirliklar va idoralar |
| 5.57. | Yevropa Ittifoqining ilmiy-texnika tashkilotlari bilan birgalikda texnologiyalar transferti boʻyicha ilmiy seminarlar, konferensiyalar, oʻquv kurslari rejasini shakllantirish | Har yili | Oʻzbekiston Respublikasi Vazirlar Mahkamasi huzuridagi Fan va texnologiyalarni rivojlantirishni muvofiqlashtirish qoʻmitasi |
| 5.58. | TEMPUS dasturi doirasida: ilmtalab texnologiyalar, bio-, nano-, opto-, mikrotexnologiyalar va shu kabilar sohasida kadrlar tayyorlash boʻyicha oliy taʼlimning muhandislik-texnik yoʻnalishlarini rivojlantirish va takomillashtirish; Oʻzbekiston uchun ustuvor yoʻnalishlar boʻyicha Yevropa oliy oʻquv yurtlari bilan hamkorlik dasturlarida qatnashishni taʼminlash; kompyuter texnologiyalari (dasturchilar), iqtisodiyot, tashqi savdo sohasida mutaxassislar, menejerlar, Yevropa tillarini biladigan mutaxassislar tayyorlash sohasida texnik hamkorlik loyihalarini ishlab chiqish va amalga oshirish |
2004—2006-yillar | Oliy taʼlim vazirligi, “OʻzByuroKES” |
| 5.59. | Yevropa Ittifoqiga aʼzo mamlakatlarning manfaatdor tashkilotlari bilan birgalikda TASIS dasturi doirasida maishiy va sanoat chiqindilarini saqlash va qayta ishlashni tartibga solish tadbirlarini ishlab chiqish | 2004—2008-yillar | Davlat tabiatni muhofaza qilish qoʻmitasi, Iqtisodiyot vazirligi, “OʻzByuroKES” |
| 5.60. | Energiyaning muqobil manbalari ishlab chiqarishini tashkil etish loyihalari konsepsiyalarini va texnik-iqtisodiy asosini ishlab chiqish uchun texnik koʻmakni jalb etish | 2004—2006-yillar | Tashqi iqtisodiy aloqalar agentligi,tegishli vazirliklar va idoralar |
| 5.61. | TRASEKA transport koridori doirasida hamkorlik qilish va: TRASEKA dasturi vazirliklar konferensiyalari qarorlarini amalda bajarish; investitsiya loyihalari hajmlarini, shu jumladan Oʻzbekistonda koʻpaytirish; transafgʻon koridorini rivojlantirish uchun TRASEKA resurslaridan foydalanish; xalqaro yuk tashishlar samaradorligini oshirish; Afgʻonistonning TRASEKA dasturiga qoʻshilishi istiqbollarini hisobga olgan holda Afgʻonistonning transport va chegara infratuzilmasini rivojlantirish boʻyicha loyihalarni Yevropa Ittifoqi bilan oʻrganish va amalga oshirish; Oʻzbekiston mutaxassislarining transport logistikasini rivojlantirish masalalari boʻyicha tajriba orttirishini tashkil etish va amalga oshirish masalalarini ishlab chiqish |
2004—2008-yillar | TRASEK? Milliy komissiyasi, Tashqi iqtisodiy aloqalar agentligi, Oʻzbekiston avtomobil va daryo trans?orti agentligi, “Oʻzbekiston temir yoʻllari” DAK, “OʻzByuroKES”, tegishli vazirliklar va idoralar |
|
VI. Intellektual, sanoat va tijorat mulkini muhofaza qilish | |||
| 6.1. | Adabiy va badiiy asarlarni muhofaza qilish boʻyicha Bern konvensiyasiga (Parij hujjati, 1971-yil) qoʻshilish masalasini ishlab chiqish | 2004-yil | Mualliflik huquqini himoya qilish agentligi, Tashqi iqtisodiy aloqalar agentligi, Adliya vazirligi, Davlat patent idorasi, Tashqi ishlar vazirligi, tegishli vazirliklar va idoralar |
| 6.2. | Ijrochilar, fonogrammalar tayyorlovchilar va eshittirish tashkilotlari huquqlarini muhofaza qilish boʻyicha xalqaro konvensiyaga (Rim, 1961-yil) qoʻshilish masalasini ishlab chiqish | 2004-yil | Mualliflik huquqini muhofaza qilish agentligi, Tashqi iqtisodiy aloqalar agentligi, Adliya vazirligi, Davlat patent idorasi, Tashqi ishlar vazirligi |
| 6.3. | Fonogrammalar ishlab chiqaruvchilar manfaatlarini ular fonogrammalarining noqonuniy ishlab chiqarilishidan muhofaza qilish toʻgʻrisidagi konvensiyaga (Jeneva, 1971-yil) qoʻshilish masalasini oʻrganish | 2004-2005-yillar | Mualliflik huquqini himoya qilish agentligi, Tashqi iqtisodiy aloqalar agentligi, Adliya vazirligi, Davlat patent idorasi, Tashqi ishlar vazirligi, tegishli vazirliklar va idoralar |
| 6.4. | Belgilarni xalqaro roʻyxatdan oʻtkazishga doir Madrid bitimiga (Madrid, 1989-yil) taalluqli protokolga qoʻshilish masalasini ishlab chiqish | 2004-yil | Davlat patent idorasi, Tashqi iqtisodiy aloqalar agentligi, Mualliflik huquqini himoya qilish agentligi, Adliya vazirligi, Tashqi ishlar vazirligi |
| 6.5. | Seleksiya yutuqlarini muhofaza qilish boʻyicha xalqaro konvensiyaga (UPOV) qoʻshilish masalasini ishlab chiqish | 2004-yil | Davlat patent idorasi, Adliya vazirligi, Tashqi ishlar vazirligi, tegishli vazirliklar va idoralar |
| 6.6. | “Mualliflik huquqi va turdosh huquqlar toʻgʻrisida”gi Qonunga oʻzgartirishlar kiritish toʻgʻrisida takliflar ishlab chiqish | 2005-yil | Mualliflik huquqini himoya qilish agentligi, Tashqi iqtisodiy aloqalar agentligi, Adliya vazirligi |
| 6.7. | Firma nomlari sohasida huquqiy tartibga solishni takomillashtirish | 2005-yil | Davlat patent idorasi, Adliya vazirligi, Tashqi iqtisodiy aloqalar agentligi, Mualliflik huquqini himoya qilish agentligi |
| 6.8. | Patent huquqi toʻgʻrisidagi shartnomaga (2000-yil) qoʻshilish masalasini oʻrganish | 2004—2006-yillar | Davlat patent idorasi, Adliya vazirligi, Tashqi iqtisodiy aloqalar agentligi, Tashqi ishlar vazirligi |
| 6.9. | Sanoat namunalarini xalqaro tasniflashni taʼsis etish toʻgʻrisidagi Lokkarn bitimiga (1968-yil) qoʻshilish masalasini oʻrganish | 2004-2005-yillar | Davlat patent idorasi, Adliya vazirligi, Tashqi iqtisodiy aloqalar agentligi, tegishli vazirliklar va idoralar |
| 6.10. | Intellektual mulk obyektlarini muhofaza qilish va ulardan foydalanish sohasidagi milliy qonun hujjatlarini Jahon intellektual mulk tashkiloti va Jahon savdo tashkiloti tomonidan boshqariladigan xalqaro bitimlar va shartnomalarning tegishli talablariga muvofiqlashtirish boʻyicha takliflarni monitoring qilish va tayyorlash | 2004-yil 1-iyulgacha | Davlat patent idorasi, Adliya vazirligi, Mualliflik huquqini himoya qilish agentligi, Oliy Majlisning amaldagi qonun hujjatlari monitoringi instituti |
| 6.11. | Oʻzbekiston Respublikasining 1961-yildagi Xorijiy rasmiy hujjatlarni erkinlashtirish boʻyicha tugatilayotgan talablarning Gaaga konvensiyasiga qoʻshilishi masalalarini ishlab chiqish | 2004—2008-yillar | Tashqi ishlar vazirligi, Adliya vazirligi |
|
VII. Fan, texnika, taʼlim, ekologiya, sogʻliqni saqlash va madaniyat masalalari boʻyicha hamkorlik Fan va texnika | |||
| 7.1. | Ikki tomonlama bitimlar doirasida Oʻzbekiston Respublikasi va Yevropa Ittifoqi olimlari va mutaxassislari ishtirokida tanlov asosida qoʻshma tadqiqot dasturlarini shakllantirish | 2004—2008-yillar | Oʻzbekiston Respublikasi Vazirlar Mahkamasi huzuridagi Fan va texnologiyalarni rivojlantirishni muvofiqlashtirish qoʻmitasi, Tashqi ishlar vazirligi |
| 7.2. | Yevropa Ittifoqiga aʼzo mamlakatlar ilmiy markazlari bilan Oʻzbekiston Respublikasi Fanlar akademiyasiga qarashli institutlar oʻrtasida mavjud loyihalar boʻyicha ishlarni davom ettirish va yangi loyihalarni ishlab chiqish | Doimo | Fanlar akademiyasi |
| 7.3. | Yevropa Ittifoqi ilmiy-tadqiqot dasturlari boʻyicha grantlarni bajarish yuzasidan oʻquv kurslari va ilmiy seminarlar oʻtkazishni tashkil etish va muvofiqlashtirish | Doimo | Oʻzbekiston Respublikasi Vazirlar Mahkamasi huzuridagi Fan va texnologiyalarni rivojlantirishni muvofiqlashtirish qoʻmitasi |
|
Taʼlim va kasb tayyorgarligi | |||
| 7.4. | Talabalar, aspirantlar va oʻqituvchilarni keng ayirboshlash maqsadida Yevropa Ittifoqi mamlakatlarining yetakchi oliy oʻquv yurtlari bilan toʻgʻridan toʻgʻri aloqalarni rivojlantirish | Doimo | Oliy va oʻrta maxsus taʼlim vazirligi, Tashqi ishlar vazirligi |
| 7.5. | Ustuvor yoʻnalishlar boʻyicha qoʻshma taʼlim markazlari, shuningdek Yevropa Ittifoqiga aʼzo mamlakatlarning yetakchi oliy oʻquv yurtlari bilan birgalikda oʻquv-ilmiy-ishlab chiqarish markazlari va texnoparklar tashkil etish loyihalarini ishlab chiqish va amalga oshirish | 2004—2008-yillar | Oliy va oʻrta maxsus taʼlim vazirligi, Fanlar akademiyasi, Oʻzbekiston Respublikasi Vazirlar Mahkamasi huzuridagi Fan va texnologiyalarni rivojlantirishni muvofiqlashtirish qoʻmitasi, Tashqi ishlar vazirligi |
| 7.6. | Oʻrta maxsus va kasb-hunar taʼlimi sektorida hamkorlik dasturlarini ishlab chiqish va amalga oshirish. Quyidagi masalalarni ishlab chiqish: Yevropa Ittifoqiga aʼzo mamlakatlar oʻquv yurtlari tomonidan Oʻzbekiston talabalariga beriladigan taʼlim stipen�iyalarini koʻpaytirish; Yevropa Ittifoqining taʼlim dasturlari doirasida Oʻzbekiston yoshlarining Yevropa oliy oʻquv yurtlarida oʻqishini tashkil etish; Oʻzbekiston Respublikasi oʻquv yurtlari professor-oʻqituvchilarning tajriba orttirishi va malaka oshirishini tashkil etish; pedagog va muhandis-pedagog kadrlarni Yevropa Ittifoqi mamlakatlarining yetakchi taʼlim muassasalari va oʻquv yurtlarida tayyorlash, qayta tayyorlash va malakasini oshirish dasturini ishlab chiqish va amalga oshirish | 2004—2008-yillar | Oliy va oʻrta maxsus taʼlim vazirligi, Xalq taʼlimi vazirligi, “Isteʼdod” jamgʻarmasi, Tashqi ishlar vazirligi, Tashqi iqtisodiy aloqalar agentligi, Oʻzbekiston Respublikasi Vazirlar Mahkamasining Tashqi iqtisodiy aloqalar va xorijiy investitsiyalar departamenti, “OʻzByuroKES” |
| 7.7. | Yevropa Ittifoqiga aʼzo mamlakatlar tillarini oʻrganish boʻyicha, shu jumladan sinxron tarjimonlar malakasini oshirish sohasida hamkorlik qilish | Doimo | Oliy va oʻrta maxsus taʼlim vazirligi |
| 7.8. | GFR yer taʼlimi vazirlari konferensiyasi (PAD) va Gyote nomidagi institut pedagogik ayirboshlash dasturi doirasida oʻqituvchilar va oʻquvchilarning tajriba orttirishini tashkil etish | Doimo | Xalq taʼlimi vazirligi, Tashqi ishlar vazirligi |
| 7.9. | “Markaziy Osiyo mamlakat?ariga begʻaraz yordam koʻrsatish” dasturi doirasida “AYE KONTAKT” va “Mersi prodjekt” (Buyuk Britaniya) xayriya tashkilotlari bilan maxsus taʼlim boʻyicha hamkorlikni kengaytirish | 2004—2006-yillar | Xalq taʼlimi vazirligi |
| 7.10. | Britaniya Kengashi va Gyote nomidagi ?nstitut bilan birgalikda respublikaning umumtaʼlim maktablari uchun ingliz va nemis tilida darsliklarni tayyorlash va nashr etish | 2004-yil | Xalq taʼlimi vazirligi |
| 7.11. | Maktab oʻquvchilarining Yevropa Ittifoqi ma�lakatlarida tanlovlar, viktorinalar, mamlakatshunoslik sayyohatlarida ishtirokini tashkil etish | Doimo | Xalq taʼlimi vazirligi, Tashqi ishlar vazirligi |
| 7.12. | Respublika maktablari, maktabdan tashqari muassasalari, oʻqituvchilar malakasini oshirish institutlari va pedagogika oliy oʻquv yurtlarining Yevropa Ittifoqi davlatlarining ana shunday oʻquv yurtlari bilan sheriklik aloqalarini oʻrnatish | Doimo | Xalq taʼlimi vazirligi, Tashqi ishlar vazirligi |
| 7.13. | Respublikaning ilmiy-pedagogik ishlanmalar bilan shugʻullanuvchi mutaxassislarining xalqaro konferensiyalarda, simpoziumlarda ishtirokini tashkil etish | 2004—2006-yillar | Xalq taʼlimi vazirligi, Tashqi ishlar vazirligi |
| 7.14. | Yevropalik sheriklar bilan birgalikda Oʻzbekiston Respublikasi oliy oʻquv yurtlari uchun Yevropa siyosati mavzusi boʻyicha oʻquv dasturi fanlari oʻqitilishini ishlab chiqish va joriy etish | 2004—2006-yillar | Oliy va oʻrta maxsus taʼlim vazirligi |
|
Sogʻliqni saqlash | |||
| 7.15. | “Homilador ayollarning prenatal skriningi uchun skrining-markazlarni asbob-uskunalar bilan jihozlash loyihasi”ni tayyorlash va amalga oshirishda moliyaviy va texnik koʻmakni jalb qilish masalalarini ishlab chiqish | 2004-2005-yillar | Sogʻliqni saqlash vazirligi, Vazirlar Mahkamasining Tashqi iqtisodiy aloqalar va xorijiy investitsiyalar departamenti, OʻzByuroKES |
| 7.16. | Yevropa Ittifoqiga aʼzo mamlakatlarning Jahon sogʻliqni saqlash tashkiloti va Global fond doirasida Oʻzbekistonda loyihalarni amalga oshirishda ishtirok etishi masalasini ishlab chiqish | 2004-2005-yillar | Sogʻliqni saqlash vazirligi, Tashqi ishlar vazirligi |
| 7.17. | Respublikaning quyidagi tibbiyot markazlarini: Ixtisoslashtirilgan respublika urologiya markazi; Ixtisoslashtirilgan respublika travmotologiya markazi; Ixtisoslashtirilgan respublika koʻz mikroxirurgiyasi markazi; Ixtisoslashtirilgan respublika kardiologiya markazini eng yangi tibbiyot asbob-uskunalari bilan texnik qayta jihozlash loyihalarini ishlab chiqish va amalga oshirishda Yevropa Ittifoqiga aʼzo mamlakatlarning moliyaviy va texnik koʻmagini jalb qilish masalalarini ishlab chiqish | 2004-2005-yillar | Sogʻliqni saqlash vazirligi, Tashqi iqtisodiy aloqalar agentligi |
| 7.18. | Rak kasalliklarini davolashda radioizotop diagnostikani yaxshilashda Yevropa Ittifoqining koʻmaklashishi masalasini ishlab chiqish | 2004-2005-yillar | Sogʻliqni saqlash vazirligi |
| 7.19. | Oʻzbekiston Respublikasi hamda Yevropa Ittifoqiga aʼzo mamlakatlarlarning tibbiyot muassasalari oʻrtasidagi hamkorlikni rivojlantirish boʻyicha tadbirlar rejasini ishlab chiqish | 2004-yil 1-oktabrgacha | Sogʻliqni saqlash vazirligi |
| 7.20. | Yevropa Ittifoqiga aʼzo mamlakatlarda tibbiy sugʻurtani tashkil etish tajribasini Oʻzbekiston Respublikasida amaliyotda foydalanish uchun oʻrganish | 2004-2005-yillar | Sogʻliqni saqlash vazirligi, “Davsugʻurtanazorat” |
|
Atrof muhit | |||
| 7.21. | Yevropa Ittifoqi standartlariga muvofiq Oʻzbekiston uchun chiqindilarni boshqarish boʻyicha milliy strategiyani va harakatlar rejasini ishlab chiqish | 2005-2006-yillar | Davlat tabiatni muhofaza qilish qoʻmitasi, Sogʻliqni saqlash vazirligi, “Oʻzkommunxizmat” agentligi |
| 7.22. | Yevropa I�tifoqiga aʼzo mamlakatlar tashkilotlari va kompaniyalari bilan birgalikda ekologik toza ishlab chiqarishlar dasturlarini ishlab chiqish | 2004-2005-yillar | Davlat tabiatni muhofaza qilish qoʻmitasi |
| 7.23. | Yevropa Ittifoqi muassasalari va fondlari bilan birgalikda Biologik rang baranglikni saqlash boʻyicha milliy strategiyani va harakatlar rejasini ishlab chiqish | 2004—2008-yillar | Davlat tabiatni muhofaza qilish qoʻmitasi, Qishloq va suv xoʻjaligi vazirligi, Fanlar akademiyasi |
| 7.24. | Yevropa Ittifoqiga aʼzo mamlakatlarning manfaatdor ilmiy muassasalari bilan birgalikda Orol dengizining dastlabki tizimini va biologik rang barangligini tiklash dasturini ishlab chiqish | 2004—2008-yillar | Davlat tabiatni muhofaza qilish qoʻmitasi, Qishloq va suv xoʻjaligi vazirligi, Fanlar akademiyasi, Oʻzbekiston Respublikasi Vazirlar Mahkamasi huzuridagi Fan va texnologiyalarni rivojlantirishni muvofiqlashtirish qoʻmitasi |
| 7.25. | Yevropa Ittifoqi standartlariga muvofiq atrof muhitni ifloslantirish va mahsulot va xizmatlarni sertifikatlash boʻyicha hujjatlarni normalashtirishning tarmoq standartlarini ishlab chiqish | 2004-yil | Davlat tabiatni muhofaza qilish qoʻmitasi, “Oʻzstandart” agentligi, Sogʻliqni saqlash vazirligi, Tashqi iqtisodiy aloqalar agentligi |
| 7.26. | Yevropa Ittifoqi muassasalari bilan hamkorlik asosida ozonni buzuvchi moddalardan foydalanishni toʻxtatish milliy dasturini amalga oshirish | 2004-yil | Davlat tabiatni muhofaza qilish qoʻmitasi |
| 7.27. | Yevropa Ittifoqi va donor mamlakatlar mablagʻlarini jalb qilgan holda Markaziy Osiyo mamlakatlari chegara hududlaridagi kon jinslarining qoldiqlari maydonlarini reabilitatsiya qilishni taʼminlash dasturini amalga oshirish | 2004—2008-yillar | Davlat tabiatni muhofaza qilish qoʻmitasi, Vazirlar Mahkamasining Tashqi iqtisodiy aloqalar va xorijiy investitsiyalar departamenti, OʻzByuroKES |
| 7.28. | Yevropa Ittifoqiga aʼzo mamlakatlar ishtirokida atrof muhit va tabiiy resurslardan foydalanishning ahvoli monitoringi tizimini rivojlantirish | 2006-2008-yillar | Davlat tabiatni muhofaza qilish qoʻmitasi |
| 7.29. | Oʻzgarmas organik ifloslantirish boʻyicha Stokgolm konvensiyasiga qoʻshilish masalasini ishlab chiqish | 2005-2006-yillar | Davlat tabiatni muhofaza qilish qoʻmitasi, tegishli vazirliklar va idoralar |
| 7.30 | Orolni qutqarish xalqaro jamgʻarmasini BMT tuzilmasiga kiritish jarayonida Yevropa Ittifoqining siyosiy quvvatlashiga va amaliy koʻmagiga erishish | 2004—2008-yillar | Tashqi ishlar vazirligi, tegishli vazirliklar va idoralar |
| 7.31. | Chegara yaqinidagi atrof muhitga taʼsirni baholash toʻgʻrisidagi konvensiyaga (1991-yil, Espo shahri) qoʻshilish masalasini ishlab chiqish | 2004-yil | Davlat tabiatni muhofaza qilish qoʻmitasi, Qishloq va suv xoʻjaligi vazirligi, Adliya vazirligi, Tashqi ishlar vazirligi, tegishli vazirliklar va idoralar |
| 7.32. | Yer osti boyliklaridan va tabiiy resurslardan samarali foydalanish masalalari boʻyicha Yevropa Ittifoqi mamlakatlari bilan ilmiy-texnik hamkorlikni rivojlantirish. Mazkur sohalarda mutaxassislar tayyorlash | 2004—2008-yillar | Davlat geologiya qoʻmitasi, Tashqi ishlar vazirligi |
| 7.33. | Yevropa Ittifoqi koʻmagida yer osti suvlari va aholini ichimlik suv bilan taʼminlashning sifatli manbalari davlat monitoringi tizimini ishlab chiqish. Yuqori texnogen yuklamaga ega boʻlgan rayonlarda geoekologik tadqiqotlar oʻtkazish | 2004—2008 yillar | Davlat geologiya qoʻmitasi, Hamkorlik kengashi kotibiyati |
|
Madaniyat | |||
| 7.34. | Chexiya, Kipr va Estoniya bilan madaniy hamkorlik toʻgʻrisida ikki tomonlama bitimlarni imzolash masalasini ishlab chiqish, ushbu bitimlarni Avstriya, Belgiya, Lyuksemburg, Niderlandlar, Portugaliya, Shvetsiya, Finlyandiya, Daniya, Irlandiya, Vengriya, Sloveniya, Malta bilan tuzish toʻgʻrisidagi masalalarni koʻrib chiqish | 2004—2006-yillar | Madaniyat ishlari vazirligi, Tashqi ishlar vazirligi |
| 7.35. | Germaniya va Fransiyadagi Oʻzbekiston Respublikasi elchixonalari huzurida Oʻzbekiston madaniy markazlarini ochish masalalarini ishlab chiqish | 2004-2005-yillar | Madaniyat ishlari vazirligi, Tashqi ishlar vazirligi |
| 7.36. | 2005-yilda Madrid, Barselona shaharlarida Kastiliya Qirolligi bilan Amir Temur davlati oʻrtasida diplomatik munosabatlar oʻrnatilganligining 600 yilligiga bagʻishlangan “Samarqandda Kastiliya elchixonasi. Klavixo Amir Temur saroyida” mavzuida muzey eksponatlari koʻrgazmalarini tashkil etish va oʻtkazish masalasini ishlab chiqish | 2004-2005-yillar | Madaniyat ishlari vazirligi, Fanlar akademiyasi, “Oʻzbekmuzey” jamgʻarmasi, Tashqi ishlar vazirligi |
| 7.37. | Yevropa Ittifoqiga aʼzo mamlakatlarda “Oʻzbekistonning oʻrta asr epigrafiyasi”, “XIX-XX asrlarda Oʻzbekiston etnografiyasi”, “Samarqand, Buxoro, Fargʻona va Xorazm xalq amaliy sanʼati” koʻrgazmalarini, shuningdek Oʻzbekiston toʻgʻrisidagi (suratlar, rasmlar, tasviriy sanʼat) koʻrgazmalarni oʻtkazish | 2004—2008-yillar | Madaniyat ishlari vazirligi, Badiiy akademiya, Tashqi ishlar vazirligi |
| 7.38. | Yevropa Ittifoqiga aʼzo mamlakatlarda musiqa, raqs va teatr jamoalari gastrollarini, xalqaro festivallarda, tanlovlarda qatnashishini tashkil etish | Doimo | Madaniyat ishlari vazirligi, “Oʻzbeknavo” estrada birlashmasi, “Oʻzbekraqs” birlashmasi, “Oʻzbekteatr” birlashmasi |
| 7.39. | TASIS dasturi liniyasi boʻyicha Adabiy va badiiy asarlarni muhofaza qilish boʻyicha Bern konvensiyasi (Parij hujjati, 1971-yil) hamda Ijrochilar, fonogrammalar tayyorlovchilar va eshittirish tashkilotlari huquqlarini muhofaza qilish boʻyicha xalqaro konvensiya (Rim, 1961-yil) qoidalarini qoʻllanish boʻyicha maslahatlashuvlar oʻtkazish | 2004-2005-yillarda va keyinchalik muntazam asosda | Madaniyat ishlari vazirligi, Yozuvchilar uyushmasi, Tashqi ishlar vazirligi, Mualliflik huquqini himoya qilish agentligi, Vazirlar Mahkamasining Tashqi iqtisodiy aloqalar va xorijiy investitsiyalar departamenti, “OʻzByuroKES” |
| 7.40. | Yevropa Ittifoqiga aʼzo mamlakatlar madaniyat va sanʼat namoyondalarining Oʻzbekiston Respublikasida oʻtkaziladigan xalqaro festivallar, tanlovlarda (Samarqanddagi “Sharq taronalari”, Boysundagi (Surxondaryo) “Boysun bahori”) qatnashishini tashkil etish | Alohida reja boʻyicha | Madaniyat ishlari vazirligi, Tashqi ishlar vazirligi |
| 7.41. | Yevropa Ittifoqiga aʼzo mamlakatlarning moliyaviy va texnik koʻmagini jalb etgan holda ijodiy va madaniy muassasalari tizimi xodimlari uchun trening-seminarlar tashkil etish masalalarini ishlab chiqish | Doimo | Madaniyat ishlari vazirligi, Tashqi ishlar vazirligi, “Oʻzbeknavo” estrada birlashmasi, “OʻzByuroKES” |
|
VIII. Ijtimoiy sohadagi hamkorlik | |||
| 8.1. | Quyidagilarni: nogironlar jamoat tashkilotlari xodimlari va rahbarlarining malakasini, huquqiy savodxonligini oshirish boʻyicha oʻquv-amaliy kurslar tashkil etish; huquqiy bilimlar, qonun hujjatlarini oʻrganish, shuningdek nogiron shaxslar uchun har xil mutaxassisliklar boʻyicha kurslar tashkil etish; nogironlarni ijtimoiy va psixologik reabilitatsiya qilish, ishga va jamoat ishlariga joylashtirish masalalarini hal etish; nogironlarga moddiy va huquqiy yordam koʻrsatish maqsadida Oʻzbekiston Nogironlar jamiyati Markaziy boshqaruvi huzurida “Nogironlarning oʻquv-mehnat va ijtimoiy reabilitatsiyasi markazi”ni tashkil etish loyihasini ishlab chiqish va amalga oshirishda Yevropa Ittifoqining moliyaviy va texnik yordamini jalb etish masalalarini ishlab chiqish |
2004-2005-yillar | Oʻzbekiston Nogironlar jamiyati, Sogʻliqni saqlash vazirligi, Adliya vazirligi, Mehnat va aholini ijtimoiy muhofaza qilish vazirligi, Vazirlar Mahkamasining Tashqi iqtisodiy aloqalar va xorijiy investitsiyalar departamenti, “OʻzByuroKES” |
| 8.2. | Oʻzbekiston yoshlarining Yevropa Ittifoqi yetakchi firmalari oʻquv-ishlab chiqarish bazasida kasbga oʻqishini tashkil etish. Oʻzbekiston yoshlarining Yevropa Ittifoqi mamlakatlarida oʻqishi va ishga joylashishi uchun kvotalar berish toʻgʻrisida Oʻzbekiston Respublikasi bilan Yevropa Ittifoqi mamlakatlari oʻrtasida ikki tomonlama shartnomalar tuzish masalalarini ishlab chiqish | 2004—2006-yillar | Mehnat va aholini ijtimoiy muhofaza qilish vazirligi, Tashqi iqtisodiy aloqalar agentligi, Tashqi ishlar vazirligi |
| 8.3. | Nodavlat pensiya tizimini shakllantirishda, shu jumladan badal toʻlovchilarning shaxslantirilgan hisobini tashkil etish masalalarida Yevropa Ittifoqi mamlakatlari tajribasini oʻrganish. Oʻzbekiston Respublikasining pensiya tizimini takomillashtirish yuzasidan takliflar tayyorlash | 2004-2005-yillar | Mehnat va aholini ijtimoiy muhofaza qilish vazirligi |
| 8.4. | Uyda, davolash-ijtimoiy muassasalarda va ijtimoiy yordam koʻrsatish markazlarida ijtimoiy xizmat koʻrsatish boʻyicha Yevropa Ittifoqiga aʼzo mamlakatlarning ilgʻor ijtimoiy texnologiyalarini oʻrganish. Oʻzbekiston Respublikasi aholisini ijtimoiy taʼminlash tizimini takomillashtirish �zasidan takliflar tayyorlash | 2004—2008-yillar | Mehnat va aholini ijtimoiy muhofaza qilish vazirligi |
| 8.5. | “Sogʻlom avlod uchun” jamgʻarmasi bilan Yevropa Ittifoqiga aʼzo mamlakatlarning tegishli xayriya tashkilotlari oʻrtasida hamkorlik oʻrnatish | 2004-2005-yillar | “Sogʻlom avlod uchun” jamgʻarmasi, Tashqi ishlar vazirligi |
(ilova Oʻzbekiston Respublikasi Vazirlar Mahkamasining 2006-yil 2-oktabrdagi 207-sonli qarori tahririda — OʻR QHT, 2006-y., 40-son, 396-modda)
Oldingi tahrirga qarang.
(2-ilova Oʻzbekiston Respublikasi Prezidentining 2018-yil 9-yanvardagi PQ-3470-sonli qaroriga asosan oʻz kuchini yoʻqotgan)
Vazirlar Mahkamasining
2004-yil 22-martdagi 134-son qaroriga
3-ILOVA
2004-yil 22-martdagi 134-son qaroriga
3-ILOVA
“Oʻzbekiston-Yevropa Ittifoqi” Hamkorlik kengashining Oʻzbekistonga oid qismi toʻgʻrisida
NIZOM
I. Umumiy qoidalar
1. Oʻzbekiston Respublikasi va Yevropa hamjamiyatlari hamda ularga aʼzo davlatlar oʻrtasidagi hamkorlikni taʼsis etuvchi 1996-yil 21-iyundagi Sheriklik va hamkorlik toʻgʻrisidagi Bitim qoidalariga muvofiq tashkil etilgan Oʻzbekiston-Yevropa Ittifoqi” Hamkorlik kengashining Oʻzbekistonga oid qismi (keyingi oʻrinlarda Kengashning Oʻzbekistonga oid qismi deb ataladi) vazirliklar va idoralarning Yevropa Ittifoqi bilan hamkorlikni rivojlantirish sayʼ-harakatlarini muvofiqlashtiruvchi, shuningdek Sheriklik va hamkorlik toʻgʻrisidagi Bitimning samarali amalga oshirilishini taʼminlovchi organ hisoblanadi.
2. Kengashning Oʻzbekistonga oid qismi oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisining boshqa qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, Oʻzbekiston Respublikasining xalqaro shartnomalariga hamda mazkur Nizomga amal qiladi.
3. Kengashning Oʻzbekistonga oid qismiga Oʻzbekiston Respublikasi Tashqi ishlar vaziri — Oʻzbekiston-Yevropa Ittifoqi” Hamkorlik kengashining hamraisi rahbarlik qiladi.
II. Asosiy vazifalari va funksiyalari
4. Kompleks dasturda belgilangan tadbirlarni muvofiqlashtirish va amalga oshirish, Sheriklik va hamkorlik toʻgʻrisidagi Bitim qoidalarini kelgusida bajarish chora-tadbirlarini ishlab chiqish, siyosiy muloqotlarni rivojlantirish va kengaytirish, Yevropa Ittifoqi hamda unga aʼzo davlatlar bilan savdo-iqtisodiy, ijtimoiy, ilmiy, texnologik va madaniy hamkorlik doirasidagi ahdlashuvlarni bajarish Kengashning Oʻzbekistonga oid qismining asosiy vazifasi hisoblanadi.
5. Quyidagilar Kengashning Oʻzbekistonga oid qismining asosiy funksiyalari hisoblanadi:
Oʻzbekiston Respublikasining Yevropa Ittifoqi bilan har tomonlama hamkorlikni kengaytirish va chuqurlashtirishning umumiy strategiyasi boʻyicha takliflar tayyorlash;
Kengash doirasida Oʻzbekiston Respublikasi va Yevropa Ittifoqining hamkorligi, Yevropa Ittifoqi hamda unga aʼzo davlatlar bilan sheriklik munosabatlari masalalari boʻyicha siyosiy muloqotning uzviyligini va unga koʻmaklashishni, Sheriklik va hamkorlik toʻgʻrisidagi Bitim maqsadlari va vazifalariga muvofiq savdo-iqtisodiy, ilmiy-texnikaviy, sud-huquq va madaniy-gumanitar sohalarda hamkorlikni rivojlantirishni taʼminlash;
Oʻzbekiston Respublikasining Yevropa Ittifoqi bilan siyosiy, iqtisodiy va ijtimoiy hamkorligini mustahkamlash va rivojlantirish masalalari boʻyicha vazirliklar va idoralar faoliyatini muvofiqlashtirish;
milliy qonun hujjatlarini Yevropa Ittifoqi qonun hujjatlariga moslashtirishga hamda Sheriklik va hamkorlik toʻgʻrisidagi Bitim boʻyicha Oʻzbekiston Respublikasining majburiyatlarini bajarishga yoʻnaltirilgan tavsiyalarni ishlab chiqish;
Sheriklik va hamkorlik toʻgʻrisidagi Bitim qoidalarini bajarish boʻyicha kompleks chora-tadbirlarni, tadbirlar rejalarini tasdiqlash va ularning ijrosini nazorat qilish;
Oʻzbekiston Respublikasi va Yevropa Ittifoqi Hamkorlik qoʻmitasi hamda hamkorlik kichik qoʻmitalarining Oʻzbekistonga oid qismi vazifalarini tasdiqlash va faoliyatini muvofiqlashtirish.
III. Tuzilmasi va tarkibi
6. Kengashning Oʻzbekistonga oid qismi tarkibiga Kengashning Oʻzbekistonga oid qismi raisi, Parlamentlararo hamkorlik qoʻmitasining Oʻzbekistonga oid qismi raisi (kelishuv boʻyicha), Hamkorlik qoʻmitasining Oʻzbekistonga oid qismi raisi, shuningdek kichik qoʻmitalar rahbarlari kiradi.
7. Hamkorlik qoʻmitasi va kichik qoʻmitalarning Oʻzbekistonga oid qismi funksiyalari, vakolatlari va ularning faoliyati tartibi Kengash tomonidan tasdiqlanadigan nizomlarga muvofiq belgilanadi.
8. Kengashning Oʻzbekistonga oid qismi faoliyatini taʼminlash, uning majlislarini tashkil etish va oʻtkazish uchun Kengashning Oʻzbekistonga oid qismi kotibiyati (keyingi oʻrinlarda Kotibiyat deb ataladi) tashkil etiladi.
9. Kotibiyat funksiyalari, vakolatlari va faoliyati tartibi Kengashning Oʻzbekistonga oid qismi tomonidan tasdiqlanadigan nizomga muvofiq belgilanadi.
IV. Vakolatlari
10. Kengashning Oʻzbekistonga oid qismi:
Oʻzbekiston Respublikasi Hukumatining kompleks chora-tadbirlari dasturida belgilangan tadbirlarning bajarilishi toʻgʻrisida axborot soʻrab olish va uni eshitish;
Oliy Majlis va Vazirlar Mahkamasiga Parlamentlararo hamkorlik qoʻmitasi (kelishuv boʻyicha), Hamkorlik qoʻmitasi va uning kichik qoʻmitalari majlislari kun tartibiga, Oʻzbekiston Respublikasining delegatsiyalariga koʻrsatmalarga takliflar kiritish;
Vazirlar Mahkamasiga Oʻzbekiston Respublikasining normativ-huquqiy hujjatlari loyihalarini ishlab chiqish boʻyicha takliflar kiritish;
kichik qoʻmitalarga Sheriklik va hamkorlik toʻgʻrisidagi Bitimni hamda Oʻzbekiston Respublikasi va Yevropa Ittifoqi hamkorligini amalga oshirish masalalarini hal qilishni yuklash;
Sheriklik va hamkorlik toʻgʻrisidagi Bitim qoidalarini bajarishga doir maslahatlashuvlar oʻtkazish va bajarilishi majburiy boʻlgan zarur tadbirlar ishlab chiqish;
Sheriklik va hamkorlik toʻgʻrisidagi Bitimda belgilangan vazifalarni roʻyobga chiqarish maqsadida boshqa vakolatlarni ham amalga oshirish huquqiga ega.
11. Kengashning Oʻzbekistonga oid qismi tomonidan qabul qilinadigan qarorlar ijro etuvchi hokimiyat organlari va tashkilotlar uchun majburiydir.
V. Ishlarni tashkil etish
12. “Oʻzbekiston-Yevropa Ittifoqi” Kengashining Oʻzbekistonga oid qismi majlislari yilning har choragida oʻtkaziladi.
13. “Oʻzbekiston-Yevropa Ittifoqi” Kengashining majlislarini tayyorlash maqsadida Kengashning Oʻzbekistonga oid qismining navbatdan tashqari majlislari oʻtkazilishi mumkin.
14. “Oʻzbekiston-Yevropa Ittifoqi” Kengashining Oʻzbekistonga oid qismi faoliyatiga rais rahbarlik qiladi, Rais:
Kengashning Oʻzbekistonga oid qismi majlislarini olib boradi;
Kengashning Oʻzbekistonga oid qismi majlislari kun tartibini tasdiqlaydi;
Sheriklik va hamkorlik toʻgʻrisidagi Bitimni amalga oshirish masalalari boʻyicha boshqa davlatlarning tegishli organlari va xalqaro tashkilotlar bilan munosabatlarda Kengashning Oʻzbekistonga oid qismi nomidan vakillik qiladi;
Kengashning Oʻzbekistonga oid qismi faoliyatiga rahbarlik qilish boʻyicha boshqa funksiyalarni bajaradi.
Oldingi tahrirga qarang.
15. Kengashning Oʻzbekistonga oid qismi oʻziga yuklangan vazifalarni amalga oshirish uchun, zarur hollarda, vazirliklar, idoralar, davlat hokimiyati mahalliy organlari rahbarlarini, shuningdek kelishuv boʻyicha Oʻzbekiston Respublikasi Oliy Majlisining Qonunchilik palatasi deputatlarini va Senati aʼzolarini, xalqaro tashkilotlar va biznes vakillarini, boshqa mamlakatlar diplomatik vakillarini jalb qilishi mumkin.
(15-band Oʻzbekiston Respublikasi Vazirlar Mahkamasining 2005-yil 26-maydagi 135-son qarori tahririda — Oʻzbekiston Respublikasi Qonun hujjatlari toʻplami, 2005-y., 21-son, 154-modda)
16. Kengashning Oʻzbekistonga oid qismi oʻz ishlarini oʻzi tasdiqlaydigan ish rejasiga muvofiq tashkil etadi.
17. Kengashning Oʻzbekistonga oid qismi majlislari qarorlari protokollar bilan rasmiylashtiriladi, ular Kengashning Oʻzbekistonga oid qismi raisi tomonidan imzolanadi.
18. Kengashning Oʻzbekistonga oid qismi asosiy vazifalar va oʻz faoliyati yoʻnalishlariga muvofiq ishchi guruhlar tashkil etishga haqlidir.
VI. Yakunlovchi qoidalar
19. Kengashning Oʻzbekistonga oid qismi faoliyati “Oʻzbekiston-Yevropa Ittifoqi” Hamkorlik kengashi faoliyati toʻxtatilgan paytdan boshlab toʻxtatiladi.
20. Kengashning Oʻzbekistonga oid qismi faoliyatini toʻxtatish Oʻzbekiston Respublikasi Hukumatining tegishli qaroriga koʻra amalga oshiriladi.
Vazirlar Mahkamasining
2004-yil 22-martdagi 134-son qaroriga
4-ILOVA
2004-yil 22-martdagi 134-son qaroriga
4-ILOVA
I. Oʻzbekiston Respublikasi Hukumatining oʻz kuchini yoʻqotgan qarorlari roʻyxati
1. Vazirlar Mahkamasining “Oʻzbekiston Respublikasi bilan Yevropa hamjamiyatlari va ularga aʼzo davlatlar oʻrtasidagi Sheriklik va hamkorlik toʻgʻrisidagi bitimni amalga oshirishga doir tashkiliy chora-tadbirlar haqida” 1999-yil 5-iyuldagi 328-son qarori.
2. Vazirlar Mahkamasining “Oʻzbekiston Respublikasi Hukumatining Oʻzbekiston Respublikasi bilan Yevropa hamjamiyatlari va ularga aʼzo davlatlar oʻrtasidagi Sheriklik va hamkorlik toʻgʻrisidagi bitimni amalga oshirish yuzasidan kompleks dasturi toʻgʻrisida” 1999-yil 3-sentabrdagi 415-son qarori.
II. Oʻzbekiston Respublikasi Hukumatining ayrim qarorlariga kiritilayotgan oʻzgartirishlar
1. Vazirlar Mahkamasining “Oʻzbekistonda Ovropa Ittifoqi Komissiyasining texnikaviy yordamni muvofiqlashtirish Byurosini tashkil etish toʻgʻrisida” 1994-yil 24-yanvardagi 29-son qarorida 2-band chiqarib tashlansin.
2. Vazirlar Mahkamasining “Ikki tomonlama Hukumatlararo va idoralararo komissiyalar, qoʻmitalar hamda kengashlar tarkibini tasdiqlash toʻgʻrisida” 1998-yil 14-dekabrdagi 520-son qaroriga 1-ilova chiqarib tashlansin.
3. Vazirlar Mahkamasining “Oʻzbekiston Respublikasi Vazirlar Mahkamasining hukumat komissiyalarini tashkil etish masalalari boʻyicha ayrim qarorlariga oʻzgartirishlar, qoʻshimchalar kiritish va baʼzilarini oʻz kuchini yoʻqotgan deb hisoblash toʻgʻrisida” 2000-yil 19-sentabrdagi 359-son qaroridagi 1-ilovaning 24 va 29-bandlari chiqarib tashlansin.
(Oʻzbekiston Respublikasi qonun hujjatlari toʻplami, 2004-y., 12-son, 139-modda; 2005-y., 5-6-son, 34-modda, 21-son, 154-modda; 2006-y., 12-13-son, 105-modda, 40-son, 396-modda; 2012-y., 8-9-son, 82-modda)
