Oʻzbekiston Respublikasi Prezidentining
Qarori
Elektrotexnika sanoatining ishlab chiqarish va eksport salohiyatini yanada oshirishga doir qoʻshimcha chora-tadbirlar toʻgʻrisida
Elektrotexnika sanoatida yangi zaxira va imkoniyatlarni safarbar qilish, yuqori qoʻshilgan qiymatli elektrotexnika mahsulotlari, maishiy va boshqa texnikalar ishlab chiqarishni kengaytirish, mahalliy mahsulotlarning raqobatbardoshligini yanada oshirish, shuningdek, sohaga zamonaviy texnologiyalar joriy etishni izchil davom ettirish maqsadida:
 LexUZ sharhi
Qarang: Oʻzbekiston Respublikasi Prezidentining 2021-yil 2 martdagi PQ-5011-sonli “Elektrotexnika sanoatini yanada rivojlantirish va mahalliy mahsulotlarning raqobatbardoshligini oshirishga doir qoʻshimcha chora-tadbirlar toʻgʻrisida”gi qarori.
Oldingi tahrirga qarang.
(1-band Oʻzbekiston Respublikasi Prezidentining 2025-yil 22-yanvardagi PQ-20-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 24.01.2025-y., 07/25/20/0064-son)
Oldingi tahrirga qarang.
(2-band Oʻzbekiston Respublikasi Prezidentining 2025-yil 22-yanvardagi PQ-20-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 24.01.2025-y., 07/25/20/0064-son)
3. Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari boshchiligida bir oy muddatda “Oʻzeltexsanoat” uyushmasi, Iqtisodiyot va moliya vazirligi, Investitsiyalar, sanoat va savdo vazirligi, Savdo-sanoat palatasi, “Oʻzsanoatqurilishbank” ATB va “Biznesni rivojlantirish banki” ATBning hududiy boʻlinmalari vakillaridan iborat Elektrotexnika sanoatini rivojlantirishga koʻmaklashish boʻyicha hududiy ishchi guruhlar tuzilsin.
Hududiy ishchi guruhlarning vazifalari etib quyidagilar belgilansin:
hududlarda elektrotexnika sanoatida ishlab chiqarishni kengaytirishga koʻmaklashish;
yangi investitsiya loyihalarini shakllantirishda tadbirkorlik subyektlariga koʻmaklashish, xorijiy investorlarni jalb qilish orqali hududlarda yangi ishlab chiqarishlarni tashkil etish;
elektrotexnika yoʻnalishida faoliyat yuritayotgan tadbirkorlik subyektlarining eksport bozorlariga chiqishiga koʻmaklashish.
Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari har chorakda kamida bir marotaba hududiy ishchi guruhlarning hisobotlarini koʻrib chiqsin hamda har chorakda amalga oshirilgan ishlar boʻyicha Vazirlar Mahkamasiga hisobot kiritib borsin.
 LexUZ sharhi
Qarang: Oʻzbekiston Respublikasi Prezidentining 2019-yil 30-maydagi PQ-4348-sonli “Elektrotexnika sanoatini yanada rivojlantirish uchun qulay shart-sharoitlar yaratish va tarmoqning investitsiyaviy hamda eksport salohiyatini oshirish boʻyicha qoʻshimcha chora-tadbirlar toʻgʻrisida”gi qarori.
4. Tiklanish va taraqqiyot jamgʻarmasi elektrotexnika sanoatida amalga oshiriladigan investitsiya loyihalarini moliyalashtirish uchun 2024 — 2026-yillarda tijorat banklariga, ularning buyurtmasiga asosan 3 yillik imtiyozli davr bilan 10 yil muddatga, yillik 5 foiz stavkada 100 million AQSH dollari miqdorida kredit liniyasini ochsin.
Bunda, kredit liniyasi hisobidan tijorat banklari tomonidan tadbirkorlik subyektlariga 3 yillik imtiyozli davr bilan 10 yil muddatga yillik 7 foiz stavkada (shundan 2 foiz bank marjasi) kreditlar ajratiladi.
5. Bosh vazir oʻrinbosari (J.A. Xodjayev) 2024 — 2026-yillarda xalqaro moliya institutlari va xorijiy banklardan tijorat banklariga elektrotexnika va elektromaishiy texnika mahsulotlarini ishlab chiqarishga yoʻnaltirilgan loyihalarni moliyalashtirish uchun 400 million AQSH dollari miqdorida kredit liniyalari jalb qilinishini taʼminlasin.
6. 2024-yil 1-yanvardan 2027-yil 1-yanvarga qadar muddatga hisobot davri yakunlari boʻyicha elektrotexnika mahsulotlarini sotishdan tushgan tushumi miqdori umumiy tushumining 80 foizidan kam boʻlmagan elektrotexnika tarmogʻi korxonalariga foyda soligʻi va mol-mulk soligʻi boʻyicha stavkalarni 50 foizga kamaytirish tarzida soliq imtiyozlari berilsin.
Belgilab qoʻyilsinki, ushbu bandda nazarda tutilgan soliq imtiyozlarining berilishi munosabati bilan boʻshagan mablagʻlar:
korxonalar tomonidan dividendlar koʻrinishida taqsimlanmaydi;
yangi ishlab chiqarish quvvatlarini yaratish va mavjud quvvatlarni modernizatsiya qilishga yoʻnaltiriladi.
Oldingi tahrirga qarang.
7. 2024-yil 1-apreldan boshlab elektrotexnika mahsulotlarining davlat xaridlari doirasida chet ellik yetkazib beruvchilar bilan bir qatorda mahalliy ishlab chiqaruvchilar ishtirok etganda ularga nisbatan import tovarlarining DDP (Oʻzbekiston) narxidan quyidagi miqdorlarda narx preferensiyasi beriladi:
uchta va undan ortiq mahalliy ishlab chiqaruvchi ishtirok etgan taqdirda oʻn besh foiz;
ikkita mahalliy ishlab chiqaruvchi ishtirok etgan taqdirda oʻn ikki foiz;
bitta mahalliy ishlab chiqaruvchi ishtirok etgan taqdirda sakkiz foiz miqdorida.
Bunda korporativ buyurtmachilar tomonidan tijorat maqsadlarida qayta sotish yoki shu maqsadlarda tovarlardan ishlab chiqarishda foydalanish uchun amalga oshiriladigan davlat xaridlarida preferensiyalar qoʻllanmaydi.
(7-band Oʻzbekiston Respublikasi Prezidentining 2025-yil 30-apreldagi PF-74-sonli Farmoni tahririda — Qonunchilik maʼlumotlari milliy bazasi, 03.05.2025-y., 06/25/74/0404-son)
8. Shunday tartib oʻrnatilsinki, unga muvofiq:
davlat buyurtmachilari elektrotexnika (TIF TN kodi 84 va 85-guruhi) mahsulotlari xaridini amalga oshirishda elektron kooperatsiya portalidan roʻyxatdan oʻtgan mahalliy ishlab chiqaruvchilarning takliflarini oʻrganish choralarini koʻradi;
2024-yil 1-fevraldan boshlab elektrotexnika sanoati korxonalari tomonidan ishlab chiqarish ehtiyojlari uchun xom ashyo va butlovchi qismlarni import qilishda, shu jumladan 120 kun kechiktirib toʻlashda, qoʻshilgan qiymat soligʻini hisobga olish imkoniyatini beruvchi tizimda bir vaqtning oʻzida istalgan miqdorda bojxona yuk deklaratsiyasini yuborish, import boʻyicha qoʻshilgan qiymat soligʻini birinchi navbatda soliq organlaridagi hisobga olinadigan qoʻshilgan qiymat soligʻi summasi hisobidan undirish, soʻngra yetmagan qismi boʻyicha undiruvni bojxona depozitidagi mablagʻlarga qaratish tartibi joriy etiladi;
sohada faoliyat koʻrsatayotgan korxonalar “Oʻzeltexsanoat” uyushmasiga aʼzoligidan qatʼi nazar mazkur uyushma tavsiyasi asosida vakolatli iqtisodiy operatorlar reyestriga kiritiladi;
majburiy raqamli markirovka qilinishi belgilangan maishiy texnika mahsulotlarini roʻyxatga olish, muvofiqlik sertifikati berish va muvofiqlik deklaratsiyasini roʻyxatga olish qatʼiy ravishda tegishli markirovka kodi olinganidan soʻng amalga oshiriladi;
mahalliy ishlab chiqarilgan elektrotexnika mahsulotlari xaridini amalga oshirish boʻyicha Milliy sanoat portalida alohida sahifa yaratiladi;
texnik jihatdan tartibga solish sohasidagi normativ hujjatlarda belgilangan majburiy koʻrsatkichlarni aniqlashni taʼminlaydigan, belgilangan tartibda akkreditatsiyadan oʻtkazilgan sinov laboratoriyasi mavjud boʻlmagan sertifikatlashtirish organlari tomonidan elektrotexnika mahsulotlariga muvofiqlik sertifikatlarini berish taqiqlanadi.
 LexUZ sharhi
Qarang: Oʻzbekiston Respublikasining “Texnik jihatdan tartibga solish toʻgʻrisida”gi Qonuni.
9. Investitsiyalar, sanoat va savdo vazirligi, Iqtisodiyot va moliya vazirligi, Davlat aktivlarini boshqarish agentligi, Fargʻona, Xorazm, Toshkent viloyati hokimliklari va “Oʻzeltexsanoat” uyushmasining:
yangi turdagi yuqori texnologiyaga asoslangan elektrotexnika mahsulotlari va ularning butlovchi qismlarini oʻzlashtirish maqsadida, “Ohangaron Tech Industrial” texnoparki negizida “Eltech Industrial” texnoparkini (keyingi oʻrinlarda — texnopark) tashkil etish;
“Ohangaron Tech Industrial” texnoparkini boshqarish direksiyasi” davlat unitar korxonasini “Eltech Industrial” texnoparkini boshqarish direksiyasi” davlat muassasasi (keyingi oʻrinlarda — Direksiya) sifatida qayta tashkil etish;
Direksiyaga doimiy foydalanish huquqi asosida qoʻshimcha 214 gektar yer uchastkalarini ajratish orqali texnopark hududini kengaytirish toʻgʻrisidagi takliflariga rozilik berilsin.
10. Toshkent viloyati hokimligi hamda “Oʻzeltexsanoat” uyushmasi:
ikki oy muddatda texnopark hududini kengaytirish uchun infratuzilmalar mavjud va oʻtkazish oson boʻlgan unga tutash hududlardan Direksiyaga doimiy foydalanish huquqi asosida beriladigan yer uchastkalari chegaralariga aniqlik kiritgan holda yer uchastkalarining yer fondi toifasini oʻzgartirish boʻyicha asoslantirilgan takliflarni tegishliligi boʻyicha, Qishloq xoʻjaligiga moʻljallangan va oʻrmon fondi yerlarining yer fondi toifalarini oʻzgartirish masalalarini koʻrib chiqish boʻyicha Hukumat komissiyasiga yoki Investitsiyalarni jalb qilish, sanoatni rivojlantirish va savdoni tartibga solish masalalari boʻyicha Hukumat komissiyasiga kiritsin;
yer fondi toifasi oʻzgartirilishiga koʻra tegishli yer uchastkalarini Direksiyaga doimiy foydalanish huquqi asosida ajratsin.
11. Xorazm va Fargʻona viloyatlari hokimliklari “Oʻzeltexsanoat” uyushmasi bilan birgalikda bir oy muddatda Urganch shahri “Al-Xorazmiy” majmuasi hududidan 4 gektar, Fargʻona shahri “Eko shahar” hududidan 10 gektar qishloq xoʻjaligiga moʻljallanmagan yer uchastkalarini Direksiyaga doimiy foydalanish huquqi bilan ajratib bersin.
12. Davlat aktivlarini boshqarish agentligi Iqtisodiyot va moliya vazirligi hamda Investitsiyalar, sanoat va savdo vazirligi bilan birgalikda uch oy muddatda Direksiya faoliyatini samarali tashkil etish va texnopark bosh rejasini ishlab chiqish maqsadida texnopark faoliyatini boshqarish uchun ushbu sohada ilgʻor tajribaga ega xalqaro konsalting kompaniyasini tanlov asosida jalb qilsin va uning moliyalashtirilishini taʼminlasin.
13. Belgilansinki, texnoparkni tashqi muhandislik-kommunikatsiya tarmoqlari bilan taʼminlash ishlari (yetkazib berish, koʻchirish hamda zarur infratuzilmani yaratish) 2024-yilda Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida:
a) maxsus iqtisodiy va kichik sanoat zonalarini va investitsiya loyihalarini tashqi infratuzilma bilan taʼminlash uchun ajratilgan mablagʻlar hisobiga:
tasdiqlangan loyiha-smeta hujjatlariga muvofiq ichimlik suv, oqova suv tarmoqlarini “Oʻzsuvtaʼminot” AJ tarkibidagi tashkilotlar hamda avtomobil yoʻllarini qurish, rekonstruksiya qilish va taʼmirlash ishlari Avtomobil yoʻllari qoʻmitasi buyurtmachiligida;
elektr energiyasi va tabiiy gaz tarmoqlarini qurish, rekonstruksiya qilish va taʼmirlash ishlari tasdiqlangan loyiha-smeta hujjatlariga muvofiq “Oʻzbekiston milliy elektr tarmoqlari” AJ, “Hududiy elektr tarmoqlari” AJ va “Hududgaztaʼminot” AJ tarkibidagi tashkilotlar buyurtmachiligida;
b) aloqa tarmoqlarini qurish, koʻchirish, rekonstruksiya qilish va taʼmirlash ishlari “Oʻzbektelekom” AK buyurtmachiligida oʻz mablagʻlari hisobidan;
v) irrigatsiya va ochiq kollektorlarni yopiq tarmoqqa oʻtkazish yoki koʻchirish ishlari Suv xoʻjaligi vazirligi obyektlarini qurish-taʼmirlash uchun ajratilgan mablagʻlar hisobidan amalga oshiriladi.
14. Qishloq xoʻjaligiga moʻljallangan va oʻrmon fondi yerlarining yer fondi toifalarini oʻzgartirish masalalarini koʻrib chiqish boʻyicha Hukumat komissiyasining Surxondaryo viloyati Sariosiyo tumani hududidagi tuman hokimligi zaxirasida turgan 2-ilovaga muvofiq 2 gektar sugʻoriladigan yer uchastkasini qishloq xoʻjaligiga moʻljallangan yerlar toifasidan sanoat, transport, aloqa, mudofaa va boshqa maqsadlarga moʻljallangan yerlar toifasiga oʻtkazish toʻgʻrisidagi taklifiga rozilik berilsin.
Surxondaryo viloyati hokimligi bir yil muddatda toifasi oʻzgartirilgan qishloq xoʻjaligiga moʻljallangan yer maydonlari oʻrniga besh barobarga teng miqdorda yangi yerlarni oʻzlashtirish choralarini koʻrsin.
15. Investitsiyalar, sanoat va savdo vazirligi ichki bozorda elektrotexnika sanoati mahsulotlari narxi keskin oʻzgarishining oldini olish va ishlab chiqarish barqarorligini taʼminlash boʻyicha amaliy chora-tadbirlar yuzasidan 2024-yil 1-martga qadar Vazirlar Mahkamasiga takliflar kiritsin.
16. Investitsiyalarni jalb qilish, sanoatni rivojlantirish va savdoni tartibga solish masalalari boʻyicha Hukumat komissiyasiga (J.A. Xodjayev) 2027-yil 1-yanvarga qadar elektrotexnika sohasi korxonalarini qoʻshimcha qoʻllab-quvvatlash boʻyicha choralar koʻrish vakolati berilsin.
Iqtisodiyot va moliya vazirligi Hukumat komissiyasi qarorlariga asosan elektrotexnika sohasi korxonalarini qoʻshimcha qoʻllab-quvvatlash choralari uchun zarur mablagʻlar ajratib borilishini taʼminlasin.
17. 2024-yil 1-fevraldan boshlab Oʻzbekiston Respublikasi hududiga olib kirishda ularning sifati, xavfsizligi hamda servis kafolatini taʼminlaydigan ishlab chiqaruvchining vakolatli vakili yoki rasmiy dilerlari mavjud boʻlishi talab qilinadigan mahsulotlar roʻyxati 3-ilovaga muvofiq tasdiqlansin.
Bunda, ishlab chiqaruvchining vakolatli vakili va (yoki) rasmiy dilerlarning servis xizmati mavjud boʻlishi kerak.
18. Investitsiyalar, sanoat va savdo vazirligi, Iqtisodiyot va moliya vazirligi, Oʻzbekiston texnik jihatdan tartibga solish agentligining “Oʻzeltexsanoat” uyushmasi taʼsischiligida tashkil etilgan “Eltech-Lab” MCHJda elektrotexnika va elektromaishiy mahsulotlarning texnik reglamentlar va xalqaro talablarga muvofiqligini (xavfsizlik koʻrsatkichlari va energiya samaradorligini) baholash boʻyicha zamonaviy sinov laboratoriyasi va sertifikatlashtirish markazini tashkil etish toʻgʻrisidagi taklifi maʼqullansin.
Iqtisodiyot va moliya vazirligi 2024-yilda “Oʻzeltexsanoat” uyushmasiga “Eltech-Lab” MCHJda sinov laboratoriyasini jihozlash uchun davlat budjetidan bosqichma-bosqich 25 milliard soʻm miqdorida mablagʻlar ajratilishini taʼminlasin.
Oʻzbekiston texnik jihatdan tartibga solish agentligi “Oʻzeltexsanoat” uyushmasi bilan birgalikda:
2024-yil 1-dekabrga qadar elektrotexnika va elektromaishiy mahsulotlarning texnik reglamentlar va xalqaro talablarga muvofiqligini (xavfsizlik koʻrsatkichlari va energiya samaradorligini) baholash boʻyicha zamonaviy sinov laboratoriyasi va sertifikatlashtirish markazini tashkil etish ishlarini yakunlasin;
Oldingi tahrirga qarang.
2025-yil 31-dekabrga qadar sinov laboratoriyasi faoliyatini xalqaro meʼyorlar asosida rivojlantirish va tarmoqning eksport salohiyatini oshirishni inobatga olgan holda, uni akkreditatsiyadan oʻtkazish choralarini koʻrsin;
(18-bandning beshinchi xatboshisi Oʻzbekiston Respublikasi Prezidentining 2025-yil 22-yanvardagi PQ-20-sonli qarori tahririda — Qonunchilik maʼlumotlari milliy bazasi, 24.01.2025-y., 07/25/20/0064-son)
Oldingi tahrirga qarang.
Davlat budjetidan ajratilgan mablagʻlar hisobidan sinov laboratoriyasini jihozlash uchun xarid qilingan tovarlar va asbob-uskunalar “Oʻzeltexsanoat” uyushmasi tomonidan “Eltech-Lab” MCHJga bepul oʻtkazib beriladi.
Bunda “Oʻzeltexsanoat” uyushmasi tomonidan topshirish-qabul qilish dalolatnomasiga muvofiq tovarlar va asbob-uskunalarni “Eltech-Lab” MCHJga bepul berish soliq solish obyekti hisoblanmaydi.
(18-band Oʻzbekiston Oʻzbekiston Respublikasi Prezidentining 2025-yil 22-yanvardagi PQ-20-sonli qaroriga asosan oltinchi va yettinchi xatboshilar bilan toʻldirilgan — Qonunchilik maʼlumotlari milliy bazasi, 24.01.2025-y., 07/25/20/0064-son)
19. Energetika vazirligi 2024-yil 1-iyunga qadar Oʻzbekiston texnik jihatdan tartibga solish agentligi hamda “Oʻzeltexsanoat” uyushmasi bilan birgalikda energetika tizimidagi transformator nimstansiyalari va transformatorlarga, kabel-sim mahsulotlariga hamda quyosh fotoelektr stansiyalariga nisbatan yagona texnik talablarni tasdiqlasin.
20. Bosh vazir oʻrinbosari (J.A. Xodjayev) Energetika vazirligi bilan birgalikda bir oy muddatda energetika sohasida infratuzilma loyihalarini amalga oshirishdagi davlat xaridlarida mahalliy elektrotexnika mahsulotlari xarid qilinishini qoʻllab-quvvatlash mexanizmlarini Jahon savdo tashkiloti talablariga mos ravishda ishlab chiqsin hamda amaliyotda qoʻllash choralarini koʻrsin.
21. “Oʻzeltexsanoat” uyushmasi huzurida loyihalash ishlarini amalga oshiradigan Loyihalash va injiniring markazi — “Eltexenergoloyiha” masʼuliyati cheklangan jamiyati tashkil etilganligi maʼlumot uchun qabul qilinsin.
Loyihalash va injiniring markazi Toshkent shahri, Shayxontohur tumani, Koʻkcha darvoza 1-tor koʻchasi, 10-uyda tekin foydalanish huquqi asosida joylashtirilsin.
22. Oʻzbekiston Respublikasi Prezidenti va Hukumatining ayrim qarorlariga 4-ilovaga muvofiq oʻzgartirish va qoʻshimchalar kiritilsin.
23. Investitsiyalar, sanoat va savdo vazirligi uch oy muddatda:
elektrotexnika mahsulotlari isteʼmolchilariga sifatli va kafolatli servis xizmatlari amalga oshirilishini taʼminlash maqsadida servis xizmatlarini tartibga solish mexanizmini xalqaro standartlar asosida texnik xizmat koʻrsatish markazlarining bino-inshootlari, texnik vositalari, asbob-uskunalari hamda tegishli malaka sertifikatiga ega boʻlgan xodimlariga qoʻyiladigan talablardan kelib chiqqan holda tasdiqlashni nazarda tutuvchi Hukumat qarori loyihasini;
manfaatdor vazirlik va idoralar bilan birgalikda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida takliflarni Vazirlar Mahkamasiga kiritsin.
24. Mazkur qaror ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Xodjayev belgilansin.
Qaror ijrosi uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 10-yanvar,
PQ-15-son
Oldingi tahrirga qarang.
(1-ilova Oʻzbekiston Respublikasi Prezidentining 2025-yil 22-yanvardagi PQ-20-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 24.01.2025-y., 07/25/20/0064-son)
Oʻzbekiston Respublikasi Prezidentining 2024-yil 10-yanvardagi PQ-15-son qaroriga
2-ILOVA
Surxondaryo viloyatidagi qishloq xoʻjaligiga moʻljallangan sugʻoriladigan yerlar toifasidan yer fondining boshqa toifasiga oʻtkazilayotgan
YER UCHASTKASI

T/r

Hudud nomi

Yerdan foydalanuvchi nomi

Kontur raqami

Jami yer maydoni, ga

Shundan,

Tuproq boniteti bali

Oʻtkazilayotgan yer fondi toifasi

Yerdan foydalanish maqsadi

Asos

sugʻoriladigan yer maydonlari, ga

boshqa yerlar, ga

1.

Sariosiyo tumani, “Yangihayot” MFY

Tuman hokimligi

3q,

4q

2,0

2,0

64,1

Sanoat, transport, aloqa, mudofaa va boshqa maqsadlarga moʻljallangan yerlar

Oshxona havo tortish qurilmalari ishlab chiqarish

Surxondaryo viloyati hokimligi taklifi
Oʻzbekiston Respublikasi Prezidentining 2024-yil 10-yanvardagi PQ-15-son qaroriga
3-ILOVA
Oʻzbekiston Respublikasi hududiga olib kirishda ularning sifati, xavfsizligi hamda servis kafolatini taʼminlaydigan ishlab chiqaruvchining vakolatli vakili yoki rasmiy dilerlari mavjud boʻlishi talab qilinadigan mahsulotlar
ROʻYXATI

T/r

Mahsulot nomi

TIF TN kodi

1.

Alyumin radiatorlar

7616 99 100 2, 7616 99 100 3,

7616 99 900 8

2.

Suv isitish qozonlari

8403 10 100 0, 8403 10 900 0

3.

Suv isitkichlar

8419 11 000 0, 8419 19 000 0,

8516 10 110 0, 8516 10 800 0

4.

Bugʻ qozonlari

8402 11 000 9, 8402 12 000 9,

8402 19 100 9, 8402 19 900 9,

8402 20 000 9

5.

Changyutkich

8508 11 000 0, 8508 19 000 1,

8508 19 000 9

6.

Kir yuvish mashinasi

8450 11 110 0, 8450 11 190 0,

8450 11 900 0, 8450 12 000 0,

8450 19 000 0, 8450 20 000 0

7.

Sovutkichlar, muzlatkichlar

8418 10 200 1, 8418 10 200 9,

8418 10 800 1, 8418 10 800 9,

8418 21 100 0, 8418 21 510 0,

8418 21 590 0, 8418 21 910 0,

8418 21 990 0, 8418 29 000 0,

8418 30 200 1, 8418 30 800 1,

8418 40 200 1, 8418 40 800 1

8.

Televizor va monitor

8528 49 100 0, 8528 49 800 2,

8528 49 800 8, 8528 59 100 0,

8528 59 900 0, 8528 72 200 1,

8528 72 200 9, 8528 72 300 1,

8528 72 300 2, 8528 72 300 3,

8528 72 300 9, 8528 72 400 0,

8528 72 600 0

9.

Maishiy gaz pechi

7321 11 100 0, 7321 11 900 0

10.

Duxovka va pechka

8516 60 101 0, 8516 60 109 0,

8516 60 500 0, 8516 60 700 0,

8516 60 800 0, 8516 60 900 0

11.

Mikrotoʻlqinli pech, dazmol, suv isitkich

8516 10 110 0, 8516 31 000 0,

8516 40 000 0, 8516 50 000 0

12.

Konditsioner

8415 10 100 0, 8415 10 900 0,

8415 81 001 0, 8415 81 009 0,

8415 82 000 0

13.

Suv nasoslari

8413 70 210 0, 8413 70 290 0
Oʻzbekiston Respublikasi Prezidentining 2024-yil 10-yanvardagi PQ-15-son qaroriga
4-ILOVA
Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2018-yil 17-yanvardagi “Mamlakat iqtisodiyotining tarmoqlarini talab yuqori boʻlgan mahsulot va xom ashyo turlari bilan barqaror taʼminlash chora-tadbirlari toʻgʻrisida”gi PQ-3479-son qarori 2-bandi “a” kichik bandining ikkinchi xatboshisi quyidagi mazmundagi ikkinchi jumla bilan toʻldirilsin:
“Bunda, birja savdolarida chegirma bilan xarid qilingan mis katodi va mis katankasini uchinchi shaxslarga sotish, shu jumladan eksport qilish taqiqlanadi”.
2. Oʻzbekiston Respublikasi Prezidentining 2018-yil 16-iyuldagi PQ-3857-son qarori bilan tasdiqlangan Xalqaro moliya institutlari va xorijiy hukumat moliya tashkilotlari ishtirokidagi loyihalarni tayyorlash va amalga oshirish tartibi toʻgʻrisidagi nizomning 34-bandi quyidagi mazmundagi ikkinchi xatboshi bilan toʻldirilsin:
“Bunda, moliyaviy bitim loyihasida, majburiy tartibda, mahalliy ishlab chiqaruvchilar uchun Oʻzbekiston Respublikasi Prezidentining (shu jumladan davlat xaridlariga oid) farmonlari va qarorlari bilan berilgan imtiyozlar va preferensiyalar qoʻllanilishi nazarda tutilishi shart”;
ikkinchi va uchinchi xatboshilar tegishincha uchinchi va toʻrtinchi xatboshilar deb hisoblansin.
3. Oʻzbekiston Respublikasi Prezidentining 2019-yil 30-maydagi “Elektrotexnika sanoatini yanada rivojlantirish uchun qulay shart-sharoitlar yaratish va tarmoqning investitsiyaviy hamda eksport salohiyatini oshirish boʻyicha qoʻshimcha chora-tadbirlar toʻgʻrisida”gi PQ-4348-son qarorida:
a) 4-bandning “b” kichik bandidagi “Davlat budjeti” soʻzlari “Davlat buyurtmachilari” soʻzlari bilan almashtirilsin;
b) 6-bandda:
yettinchi xatboshidagi “50 foizigacha” soʻzlari “50 foiz miqdorda” soʻzlari bilan almashtirilsin;
toʻqqizinchi xatboshidagi “qisman yoki” soʻzlari chiqarib tashlansin;
quyidagi mazmundagi oʻninchi va oʻn birinchi xatboshilar bilan toʻldirilsin:
“elektrotexnika va elektromaishiy mahsulotlar ishlab chiqaruvchi mahalliy korxonalarda ishlab chiqarish jarayonini raqamlashtirish (ERP, MES, PLM tizimlarini joriy qilish) bilan bogʻliq xarajatlarning 50 foizini, lekin bitta tadbirkorlik subyektiga koʻpi bilan 5 ming AQSH dollari ekvivalenti miqdorida qoplash;
Investitsiyalar, sanoat va savdo vazirligining Oʻzbekiston Respublikasining xorijiy davlatlardagi elchixonalari huzuridagi elektrotexnika sohasi boʻyicha menejerlarining (xodimlarining) ish haqi va barcha moddiy taʼminot xarajatlarini moliyalashtirish”;
v) 9-banddagi “2025-yil 1-yanvarga qadar” soʻzlari “2027-yil 1-yanvarga qadar” soʻzlari bilan almashtirilsin;
g) 4-ilova quyidagi tahrirda bayon etilsin:
“Oʻzbekiston Respublikasi Prezidentining 2019-yil 30-maydagi PQ-4348-son qaroriga
4-ILOVA
Elektrotexnika sanoatini rivojlantirishga koʻmaklashish boʻyicha ishchi guruh
TARKIBI

Xaydarov Axadbek Yaxyobekovich

—

iqtisodiyot va moliya vazirining oʻrinbosari, Ishchi guruh rahbari

Yunusov Mirziyod Miraxmadovich

—

“Oʻzeltexsanoat” uyushmasi raisi, Ishchi guruh rahbarining oʻrinbosari

Akbarjonov Aziz Akbarjon oʻgʻli

—

“Oʻzsanoatqurilishbank” ATB boshqaruvi raisi, Ishchi guruh rahbarining oʻrinbosari

Xolmurodov Nozimjon Qosimovich

—

investitsiyalar, sanoat va savdo vazirining birinchi oʻrinbosari

Vafayev Shuxrat Abdusharifovich

—

Tiklanish va taraqqiyot jamgʻarmasi ijrochi direktori

Jumanazarov Akmal Roʻziqulovich

—

energetika vazirining oʻrinbosari

Muxtorov Ilxom Muxtorovich

—

Bojxona qoʻmitasi raisining birinchi oʻrinbosari

Sattarov Dilshod Nematovich

—

Oʻzbekiston texnik jihatdan tartibga solish agentligi bosh direktori

Qayumov Asadulla Urolovich

—

Raqobatni rivojlantirish va isteʼmolchilar huquqlarini himoya qilish qoʻmitasi raisining oʻrinbosari

Ishmuxamedov Zoxidjon Baxtiyorovich

—

“Olmaliq kon metallurgiya kombinati” AJ boshqaruvi raisi oʻrinbosari
Izoh. Ishchi guruh aʼzolari boshqa ishga oʻtgan taqdirda uning tarkibiga ushbu lavozimga yangidan tayinlangan yoki tegishli funksiyalarni bajarish zimmasiga yuklangan shaxslar kiritiladi”.
4. Oʻzbekiston Respublikasi Prezidentining 2020-yil 21-avgustdagi “Mahalliy ishlab chiqaruvchilarni qoʻllab-quvvatlashga doir qoʻshimcha chora-tadbirlar toʻgʻrisida”gi PQ-4812-son qarori 4-bandining ikkinchi xatboshisi quyidagi tahrirda bayon etilsin:
“budjet va korporativ buyurtmachilar rahbarlari xarid qilinishi nazarda tutilgan tovarlar (ishlar, xizmatlar)ni birinchi navbatda new.cooperation.uz portalida roʻyxatdan oʻtgan mahalliy ishlab chiqaruvchilardan xarid qilish imkoniyatini majburiy tartibda oʻrganadi. Bunda, davlat xaridlari uchun zarur boʻlgan tovarlar new.cooperation.uz portalida mavjud boʻlmagan taqdirdagina portal maʼlumotnomasi asosida ularni boshqa elektron portallardan xarid qilishga ruxsat etiladi”.
5. Oʻzbekiston Respublikasi Prezidentining 2021-yil 2-martdagi “Elektrotexnika sanoatini yanada rivojlantirish va mahalliy mahsulotlarning raqobatbardoshligini oshirishga doir qoʻshimcha chora-tadbirlar toʻgʻrisida”gi PQ-5011-son qarorida:
a) 6-bandda:
ikkinchi xatboshi quyidagi tahrirda bayon etilsin:
“Olmaliq KMK” AJ tomonidan ishlab chiqarilgan mis katodini birja savdolariga qoʻyishda uning boshlangʻich narxini qoʻshilgan qiymat soligʻisiz London metall birjasi narxidan 2021-yil 1-apreldan — 8 foiz, 2022-yilda — 6 foiz va 2023 — 2026-yillarda 4 foiz miqdorida chegirma bilan belgilash”;
uchinchi xatboshi quyidagi tahrirda bayon etilsin:
“2024-yil 1-yanvardan boshlab mis xom ashyosini birja savdolari orqali xarid qilishda yuqori texnologiyali ishlab chiqarish jarayonini joriy etgan tarmoq korxonalari tomonidan toʻlovning 25 foizini avans tarzida va qolgan 75 foizini mis xom ashyosi olinganidan soʻng 60 ish kuni ichida har oyda teng ulushlarda amalga oshirish tartibini joriy etish toʻgʻrisidagi takliflari qabul qilinsin. Bunda, xarid qilingan mis xom ashyosi uchun toʻlovning qolgan qismi (75 foizi miqdori) bir xaridor uchun 200 milliard soʻmdan oshmasligi lozim”;
toʻrtinchi xatboshidagi “Iqtisodiy taraqqiyot va kambagʻallikni qisqartirish vazirligi (B.K. Abdinazarov)” soʻzlari “Iqtisodiyot va moliya vazirligi (A.Ya. Xaydarov)” soʻzlari bilan almashtirilsin;
quyidagi mazmundagi beshinchi — yettinchi xatboshilar bilan toʻldirilsin:
“Bunda:
mis katodini xarid qilish kunidagi narxlar, bir kun oldingi London metall birjasi (LME) narxiga nisbatan belgilangan chegirmani qoʻllagan holda shakllantiriladi;
belgilangan chegirma bilan xarid qilingan mis katodi faqatgina korxonaning oʻzining ishlab chiqarish quvvatlarida qayta ishlanadi va uni uchinchi shaxslarga sotish taqiqlanadi”;
b) 7-bandning uchinchi xatboshisi quyidagi tahrirda bayon etilsin:
“Oʻzeltexsanoat” uyushmasining tavsiyasiga asosan elektrotexnika tarmogʻi ishlab chiqarish korxonalariga tovarlarni eksport qilishda nol darajali soliq stavkasi qoʻllanilishi natijasida hosil boʻlgan qoʻshilgan qiymat soligʻining salbiy farq summasi uch kun ichida qoplab beriladi”;
v) 8-band oʻz kuchini yoʻqotgan deb hisoblansin;
g) 9-bandda:
uchinchi xatboshidagi “50 foizigacha” soʻzlari “50 foiz miqdorda” soʻzlari bilan almashtirilsin;
toʻrtinchi xatboshidagi “qisman yoki” soʻzlari chiqarib tashlansin.
6. Oʻzbekiston Respublikasi Prezidentining 2022-yil 28-iyundagi “Mis va noyob metallar xom ashyosini qayta ishlashning texnologik zanjirlarini kengaytirish chora-tadbirlari toʻgʻrisida”gi PQ-295-son qarorida:
a) 1-bandning ikkinchi xatboshisidagi “Ohangaron Tech Industrial” soʻzlari “Eltech Industrial” soʻzlari bilan almashtirilsin;
b) 4-banddagi “Ohangaron Tech Industrial” texnoparkini boshqarish direksiyasi” davlat unitar korxonasi” soʻzlari “Eltech Industrial” texnoparkini boshqarish direksiyasi” davlat muassasasi” soʻzlari bilan almashtirilsin;
v) 6-bandning “v” kichik bandi oʻz kuchini yoʻqotgan deb hisoblansin;
g) 1-ilova quyidagi tahrirda bayon etilsin:
“Oʻzbekiston Respublikasi Prezidentining 2022-yil 28-iyundagi PQ-295-son qaroriga
1-ILOVA
Toshkent viloyati Ohangaron tumani hududidagi “Angren” erkin iqtisodiy zonasi tarkibidan chiqarilayotgan, qishloq xoʻjaligiga moʻljallangan yerlar toifasidan sanoat maqsadlariga moʻljallangan yerlar toifasiga oʻtkazilayotgan va Xorazm viloyati Urganch tumani “Chakkasholikor” qishlogʻi “Al-Xorazmiy” massividagi hamda Fargʻona viloyati “Eko shahar” hududidagi “Eltech Industrial” texnoparkini boshqarish direksiyasiga doimiy foydalanish huquqi bilan ajratiladigan yer uchastkalari
ROʻYXATI

Hudud nomi

Kontur raqami

Jami yer uchastkasi

(gektar)

shundan:

Tuproq bonitet bali

sugʻoriladigan yerlar

boshqa yerlar

Ohangaron tumani

Ohangaron massivi

895k

1,53

1,48

0,05

54

894k

4,88

4,80

0,08

54

884k

4,88

4,70

0,18

44

882k

4,04

3,85

0,19

44

882k, 881k

15,44

14,70

0,74

47

874k, 883

14,86

13,10

1,76

47

874k

6,35

6,10

0,25

44

851k, 854k

8,29

7,90

0,39

44

Ohangaron tumani

Ohangaron massivi

870

0,70

0,70

37

871k

7,5

7,2

0,30

37

875k

15,76

15,40

0,36

47

877k

2,30

2,20

0,10

47

855

3,65

3,65

44

856

0,60

0,58

0,02

44

857

0,51

0,51

44

865k

0,31

0,25

0,06

44

866

0,97

0,89

0,08

44

867

0,12

0,12

44

868

0,55

0,43

0,12

869

0,48

0,43

0,05

44

851k

7,95

7,90

0,05

44

884k

6,50

6,30

0,20

47

886

1,21

1,00

0,21

47

887k

1,02

0,90

0,12

47

888k

0,62

0,50

0,12

52

889k

0,47

0,40

0,07

47

Ohangaron tumani

Ohangaron massivi

890

0,55

0,40

0,15

47

891

14,50

13,90

0,60

44

840

0,20

0,20

44

841k

0,94

0,94

38

843

0,92

0,92

38

844

0,73

0,73

38

845

1,34

1,05

0,29

38

846

0,69

0,53

0,16

38

847

1,29

1,29

38

848

0,55

0,55

38

849

1,12

0,25

0,87

38

850, 852, 853

3,68

1,15

2,53

52

“Al-Xorazmiy” majmuasi

545k

544k

4

4

Fargʻona shahar “Eko shahar” hududi

10

10

Jami

152,0

120,70

31,30

Izoh: “Eltech Industrial” texnoparki tarkibiga kiruvchi Ohangaron tumanidagi hudud chegarasining tavsifi:
1-nuqtadan (40°56'0.53''S, 69°39'57.72''V) janubiy-sharqiy yoʻnalish boʻyicha 2-nuqtaga qadar 441,3 metr choʻzilgan.
2-nuqtadan (40°55'56.48''S, 69°40'15.82''V) janubiy-sharqiy yoʻnalish boʻyicha 3-nuqtaga qadar 1231,3 metr choʻzilgan.
3-nuqtadan (40°55'28.54''S, 69°40'53.43''V) janubiy-sharqiy yoʻnalish boʻyicha 4-nuqtaga qadar 1003,6 metr choʻzilgan.
4-nuqtadan (40°55'4.70''S, 69°40'24.25''V) janubiy-gʻarbiy yoʻnalish boʻyicha 5-nuqtaga qadar 1094,7 metr choʻzilgan.
5-nuqtadan (40°55'29.49''S, 69°39'50.77''V) shimoliy-gʻarbiy yoʻnalish boʻyicha 1-nuqtaga qadar 970,8 metr choʻzilgan.”;
d) 2-ilovada:
nomlanishidagi “Ohangaron Tech Industrial” soʻzlari “Eltech Industrial” soʻzlari bilan almashtirilsin;
1-pozitsiyada:
“Chora-tadbirlar” ustunidagi va “Amalga oshirish mexanizmi” ustunining 1-bandidagi “Ohangaron Tech Industrial” soʻzlari “Eltech Industrial” soʻzlari bilan almashtirilsin;
“Amalga oshirish mexanizmi” ustunining 2-bandidagi “Ohangaron Tech Industrial” texnoparki boshqaruv direksiyasi davlat unitar korxonasini” soʻzlari “Eltech Industrial” texnoparki boshqaruv direksiyasi” davlat muassasasini” soʻzlari bilan almashtirilsin;
12-pozitsiyaning “Chora-tadbirlar” ustunidagi “Ohangaron Tech Industrial” texnoparki boshqaruv direksiyasi davlat unitar korxonasining” soʻzlari “Eltech Industrial” texnoparki boshqaruv direksiyasi” davlat muassasasining” soʻzlari bilan almashtirilsin;
e) 3-ilovaning nomlanishidagi “Ohangaron Tech Industrial” soʻzlari “Eltech Industrial” soʻzlari bilan almashtirilsin.
7. Vazirlar Mahkamasining 2004-yil 6-iyuldagi 318-son qarori bilan tasdiqlangan Mahsulotlarni sertifikatlashtirish tartibi toʻgʻrisidagi nizomda:
a) 27-bandning uchinchi xatboshidagi “10” raqami “30” raqami bilan almashtirilsin;
b) ilovaning 6-bandidagi “3 ish kunidan ortiq boʻlmagan muddatda” soʻzlaridan keyin “(bundan TIF TN kodi 84 va 85 guruhiga mansub mahsulotlar bir oydan ortiq boʻlmagan muddatda)” soʻzlari bilan toʻldirilsin.
8. Vazirlar Mahkamasining 2019-yil 30-sentabrdagi 833-son qarori bilan tasdiqlangan Investitsiyalar va tashqi savdo vazirligi huzuridagi Raqamli transformatsiya markazining elektron kooperatsiya portalida axborotni joylashtirish va xaridlarni amalga oshirish tartibi toʻgʻrisidagi nizomning 6-bandi toʻqqizinchi xatboshisidagi “hududiy boʻlinmalari tomonidan” soʻzlaridan keyin “tegishliligi boʻyicha sohaviy tarmoq xoʻjalik birlashmalari mutaxassislarini jalb qilgan holda” soʻzlari bilan toʻldirilsin.
9. Vazirlar Mahkamasining 2019-yil 16-oktabrdagi 877-son qarori bilan tasdiqlangan “Oʻzeltexsanoat” uyushmasining Elektrotexnika sanoatini rivojlantirish jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizomning 4-bandida:
a) “j” kichik banddagi “50 foizgacha” soʻzlari “50 foiz miqdorida” soʻzlari bilan almashtirilsin;
b) “i” kichik bandidagi “qisman yoki” soʻzlari chiqarib tashlansin;
v) quyidagi mazmundagi “l” va “m” kichik bandlar bilan toʻldirilsin:
“l) elektrotexnika va elektromaishiy mahsulotlar ishlab chiqaruvchi mahalliy korxonalarda ishlab chiqarish jarayonini raqamlashtirish (ERP, MES, PLM tizimlarini joriy qilish) bilan bogʻliq xarajatlarning 50 foizini, lekin bitta tadbirkorlik subyektiga koʻpi bilan 5 ming AQSH dollari ekvivalenti miqdorida qoplash;
m) Investitsiyalar, sanoat va savdo vazirligining Oʻzbekiston Respublikasining xorijiy davlatlardagi elchixonalari huzuridagi elektrotexnika sohasi boʻyicha menejerlarining (xodimlarining) ish haqi va barcha moddiy taʼminot xarajatlarini moliyalashtirish”.
10. Vazirlar Mahkamasining 2020-yil 18-martdagi 170-son qarori bilan tasdiqlangan Birja savdolarida yuqori likvidli va (yoki) monopol turdagi mahsulotlarni sotish tartibi toʻgʻrisidagi nizomning 9-bandida:
ikkinchi xatboshidagi “2023-yilda — 4 foiz miqdorida chegirma bilan, 2024-yil 1-yanvardan esa LMB narxida (eksportga sotiladigan narxda)” soʻzlari “2023 — 2026-yillarda 4 foiz miqdorida chegirma bilan” soʻzlari bilan almashtirilsin;
uchinchi xatboshidagi “2023-yilda — 4 foiz miqdorida chegirma bilan, 2024-yil 1-yanvardan esa LMB narxiga” soʻzlari “2023 — 2026-yillarda 4 foiz miqdorida chegirma bilan” soʻzlari bilan almashtirilsin.
11. Vazirlar Mahkamasining 2021-yil 30-yanvardagi “Oʻzbekiston Respublikasida muvofiqligi tasdiqlanishi lozim boʻlgan muvofiqlikni baholash obyektlari roʻyxatlarini tasdiqlash toʻgʻrisida”gi 43-son qaroriga 4-ilovaning 72-pozitsiyasi “TIF TN kodi” ustuni “8540 89 000 0” raqamlaridan keyin “8541 42 000 0, 8541 43 000 0,” raqamlari bilan toʻldirilsin.
12. Vazirlar Mahkamasining 2022-yil 19-avgustdagi “Ohangaron Tech Industrial” texnoparkini boshqarish direksiyasi” davlat unitar korxonasi faoliyatini tashkil etish chora-tadbirlari toʻgʻrisida”gi 459-son qarorida:
a) nomlanishi quyidagi tahrirda bayon etilsin:
“Eltech Industrial” texnoparkini boshqarish direksiyasi” davlat muassasasi faoliyatini tashkil etish chora-tadbirlari toʻgʻrisida”;
b) 1-bandda “Ohangaron Tech Industrial” soʻzlari “Eltech Industrial” soʻzlari bilan almashtirilsin;
v) 2-bandda:
ikkinchi xatboshidagi “davlat unitar korxonasi shaklidagi “Ohangaron Tech Industrial” texnoparkini boshqarish direksiyasi” soʻzlari “davlat muassasasi shaklidagi “Eltech Industrial” texnoparkini boshqarish direksiyasi” soʻzlari bilan almashtirilsin;
uchinchi xatboshidagi “Ohangaron Tech Industrial” texnoparkini boshqarish direksiyasi” davlat unitar korxonasi” soʻzlari “Eltech Industrial” texnoparkini boshqarish direksiyasi” davlat muassasasi” soʻzlari bilan almashtirilsin;
g) 1-ilovaning nomlanishi quyidagi tahrirda bayon etilsin:
“Eltech Industrial” texnoparkini boshqarish direksiyasi” davlat muassasasi tuzilmasi”;
d) 2-ilovada:
nomlanishi quyidagi tahrirda bayon etilsin:
“Eltech Industrial” texnoparkini boshqarish direksiyasi” davlat muassasasi toʻgʻrisida nizom”;
1, 2 va 3-bandlaridagi “Ohangaron Tech Industrial” texnoparkini boshqarish direksiyasi” davlat unitar korxonasi” soʻzlari “Eltech Industrial” texnoparkini boshqarish direksiyasi” davlat muassasasi” soʻzlari bilan almashtirilsin;
6-bandda:
“a” kichik bandda:
ikkinchi xatboshidagi “Ohangaron Tech Industrial” texnoparkini boshqarish direksiyasi” Davlat unitar korxonasi” soʻzlari “Eltech Industrial” texnoparkini boshqarish direksiyasi” Davlat muassasasi” soʻzlari bilan almashtirilsin;
uchinchi xatboshidagi “Ohangaron Tech Industrial” texnoparkini boshqarish direksiyasi” DUK” soʻzlari “Eltech Industrial” texnoparkini boshqarish direksiyasi” DM” soʻzlari bilan almashtirilsin;
“b” kichik bandda:
ikkinchi xatboshidagi “Gosudarstvennoye unitarnoye predpriyatiye “Direksiya po upravleniyu texnoparkom “Ohangaron Tech Industrial” soʻzlari “Gosudarstvennoye uchrejdeniye “Direksiya po upravleniyu texnoparkom “Eltech Industrial” soʻzlari bilan almashtirilsin;
uchinchi xatboshidagi “GUP “Direksiya po upravleniyu texnoparkom “Ohangaron Tech Industrial” soʻzlari “GU “Direksiya po upravleniyu texnoparkom “Eltech Industrial” soʻzlari bilan almashtirilsin;
“v” kichik bandda:
ikkinchi xatboshidagi “State unitary enterprise “Directorate for the management of the technopark “Ohangaron Tech Industrial” soʻzlari “State institution “Directorate for the management of the technopark “Eltech Industrial” soʻzlari bilan almashtirilsin;
uchinchi xatboshidagi “SUE “Directorate for the management of the technopark “Ohangaron Tech Industrial” soʻzlari “SI “Directorate for the management of the technopark “Eltech Industrial” soʻzlari bilan almashtirilsin;
10 va 11-bandlardagi “Ohangaron Tech Industrial” soʻzlari “Eltech Industrial” soʻzlari bilan almashtirilsin.
(Qonunchilik maʼlumotlari milliy bazasi, 13.01.2024-y., 07/24/15/0027-son; 24.01.2025-y., 07/25/20/0064-son; 03.05.2025-y., 06/25/74/0404-son)