Oʻzbekiston Respublikasi Vazirlar Mahkamasining
qarori
Yer osti suvlariga quduqlarni burgʻilash va ulardan foydalanish munosabatlarini tartibga solishni yanada takomillashtirish chora-tadbirlari toʻgʻrisida
Yer osti suv resurslarini muhofaza qilish, ularning kamayib ketishini oldini olish, jismoniy va yuridik shaxslarning suvga quduqlar burgʻilash bilan bogʻliq faoliyatini tartibga solish, shuningdek, suv hisobini yuritish mexanizmini yanada takomillashtirish maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Yer osti suv resurslarini muhofaza qilish va ulardan oqilona foydalanishni tartibga solish boʻyicha qoʻshimcha chora-tadbirlar toʻgʻrisida” 2022-yil 7-dekabrdagi PQ-439-son qaroriga muvofiq:
yer osti suvlaridan foydalanuvchilarga olinayotgan suvning aniq hisobini yuritish maqsadida oʻz tasarrufidagi yer osti suv olish inshootlarini suv hisoblash vositalari bilan jihozlash majburiyati yuklatilganligi;
suvni hisobga olish vositalari bilan jihozlanmagan yer osti suv olish inshootlaridan foydalanish taqiqlanganligi (bundan jismoniy shaxslarga shaxsiy va xoʻjalik ehtiyojlari uchun yakka tartibda sutkasiga 5 metr kubgacha boʻlgan miqdorda yer osti suvlarini olish mustasno) maʼlumot uchun qabul qilinsin.
2. Quyidagilar:
Oldingi tahrirga qarang.
(Oʻzbekiston Respublikasi Vazirlar Mahkamasining 2025-yil 28-avgustdagi 547-sonli qaroriga asosan 2-bandning “a” kichik bandining chiqarilish sanasi 2025-yil 30-noyabr — Qonunchilik maʼlumotlari milliy bazasi, 29.08.2025-y., 09/25/547/0788-son)
b) xavfli ekzogen geologik jarayonlarning monitoringini yuritish, xavfli ekzogen geologik jarayonlar davlat inspektorlariga berilgan huquqlar hamda xavfli geologik jarayonlardan ogohlantirish tartibini belgilashni nazarda tutuvchi Xavfli ekzogen geologik jarayonlarning davlat monitoringi toʻgʻrisidagi nizom 2-ilovaga muvofiq tasdiqlansin.
3. Yer osti suvlariga quduqlar burgʻilash faoliyati bilan shugʻullanuvchi yuridik shaxslar va yakka tartibdagi tadbirkorlar ikki oy muddatda oʻzlariga tegishli burgʻilash uskunalarining texnik pasportlarini hududiy ichki ishlar organlarida belgilangan tartibda qayta rasmiylashtirish choralarini koʻrsin.
Bunda burgʻilash uskunalarining texnik pasportlarini qayta rasmiylashtirish uchun toʻlovlar undirilmasligi inobatga olinsin.
4. Togʻ-kon sanoati va geologiya vazirligi Raqamli texnologiyalar vazirligi bilan birgalikda uch oy muddatda mazkur qaror bilan oʻzgartirilgan tartib-taomillarga muvofiq davlat xizmatlarini koʻrsatish “Litsenziya” axborot tizimi yoki Oʻzbekiston Respublikasi Yagona interaktiv davlat xizmatlari portali orqali joriy etilishini taʼminlasin.
5. Quyidagilar:
togʻ-kon sanoati va geologiya vaziri oʻrinbosari A. Kadirxodjayev — yer osti suv resurslari kamayib ketishining oldini olish, suvga quduqlar burgʻilash faoliyatini tartibga solish, olinayotgan suv hisobini yuritish mexanizmini yanada takomillashtirish boʻyicha topshiriqlar ijrosini muvofiqlashtirishga;
“Oʻzbekgidrogeologiya” DK direktori Sh. Yoʻldashev — yer osti suv olish inshootlarini suv hisoblash vositalari bilan jihozlash hamda xavfli ekzogen geologik jarayonlar ustidan samarali davlat monitoringi oʻrnatilishiga masʼul va shaxsiy javobgar etib belgilansin.
6. Oʻzbekiston Respublikasi Hukumatining 3-ilovaga muvofiq ayrim qarorlariga oʻzgartirish va qoʻshimchalar kiritilsin.
7. Oʻzbekiston Respublikasi Hukumatining 4-ilovaga muvofiq ayrim qarorlari oʻz kuchini yoʻqotgan deb hisoblansin.
8. Oʻzbekiston Respublikasi Togʻ-kon sanoati va geologiya vazirligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
9. Mazkur qarorning bajarilishini nazorat qilish Oʻzbekiston Respublikasi togʻ-kon sanoati va geologiya vaziri B.F. Islamov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2023-yil 28-dekabr,
685-son
Oldingi tahrirga qarang.
(Oʻzbekiston Respublikasi Vazirlar Mahkamasining 2025-yil 28-avgustdagi 547-sonli qaroriga asosan 1-ilovaning oʻz kuchini yoʻqotish sanasi — 2025-yil 30-noyabr — Qonunchilik maʼlumotlari milliy bazasi, 29.08.2025-y., 09/25/547/0788-son)
Vazirlar Mahkamasining 2023-yil 28-dekabrdagi 685-son qaroriga
2-ILOVA
Xavfli ekzogen geologik jarayonlarning davlat monitoringi toʻgʻrisida
NIZOM
1-bob. Umumiy qoidalar
1. Ushbu Nizom Oʻzbekiston Respublikasi hududida xavfli ekzogen geologik jarayonlarning (koʻchki, qulash, choʻkish, suffoziya, karst) davlat monitoringi maqsadi, asosiy vazifalari, obyektlari, yuritish va hisobotlar taqdim etish tartibini belgilaydi.
2. Xavfli ekzogen geologik jarayonlarning (keyingi oʻrinlarda — XEGJ) davlat monitoringi atrof tabiiy muhit va yer qaʼri monitoringining tarkibiy qismi hisoblanadi.
3. Oʻzbekiston Respublikasining asosan togʻ va togʻoldi hududlaridagi (zaruratga muvofiq boshqa hududlardagi) XEGJ davlat monitoringi obyektlari hisoblanadi.
4. XEGJ davlat monitoringi maʼlumotlaridan iqtisodiyot va boshqa obyektlarni joylashtirish, loyihalashtirish va qurish, hududlarni XEGJ taʼsiridan himoya qilish bosh sxemalarini ishlab chiqish hamda XEGJ davlat kadastrini yuritishda foydalaniladi.
5. XEGJ davlat monitoringi muayyan vazifalaridan kelib chiqqan holda davlat va ishlab chiqarish darajasida amalga oshiriladi.
XEGJ davlat monitoringi Oʻzbekiston Respublikasida atrof tabiiy muhit monitoringi dasturi va har yilgi respublika mineral-xom ashyo bazasini rivojlantirish davlat dasturlari doirasida amalga oshiriladi.
Iqtisodiyot obyektlari, shu jumladan, liniyali inshootlar (yoʻllar, kanallar, elektr uzatish liniyalari, quvurlar va shu kabilar), kon-ruda korxonalari xoʻjalik faoliyati hududlarida, XEGJ ishlab chiqarish monitoringi yuridik va jismoniy shaxslarning oʻz mablagʻlari hisobidan amalga oshiriladi.
6. XEGJ davlat monitoringi “Oʻzbekgidrogeologiya” DM tarkibidagi Davlat geologik monitoring xizmati tomonidan yuritiladi va XEGJ shakllanishi sharoitlarini, rivojlanishini oʻrganish, roʻy berishi mumkin boʻlgan falokatli oqibatlari toʻgʻrisida aholini, davlat boshqaruvi organlari, xoʻjalik birlashmalari, mahalliy ijro etuvchi hokimiyat organlari va boshqa tashkilotlarni ogohlantirish va xabardor qilish yuzasidan “Oʻzbekgidrogeologiya” DMga hisobot beradi.
Shuningdek, Davlat geologik monitoring xizmati XEGJni oʻrganish hamda tegishlicha xulosalar va yozma koʻrsatmalar berish boʻyicha yagona bajaruvchi hisoblanadi.
2-bob. XEGJ davlat monitoringi maqsadi va asosiy vazifalari
7. XEGJ davlat monitoringi maqsadi — Oʻzbekiston Respublikasi togʻ va togʻoldi hududlarida joylashgan aholi punktlari, iqtisodiyot va ijtimoiy soha obyektlarida tabiiy va xoʻjalik faoliyati natijasida roʻy beradigan XEGJning paydo boʻlishini, rivojlanishini oʻrganish hamda kuzatish, shuningdek, ushbu jarayonlar xavfidan ogohlantirishdan iborat.
8. Quyidagilar XEGJ davlat monitoringining asosiy vazifalari hisoblanadi:
XEGJ rivojlanishi mumkin boʻlgan hududlarni aniqlash va oʻrganish;
XEGJning roʻy berishi toʻgʻrisida davlat boshqaruvi organlari, xoʻjalik birlashmalari, mahalliy ijro etuvchi hokimiyat organlari va boshqa tashkilotlarni hamda jismoniy va yuridik shaxslarni xabardor qilish va ogohlantirish;
Davlat geologik monitoring xizmatining yozma koʻrsatmalari, shuningdek, xulosalarida bayon etilgan talablarning barcha davlat boshqaruvi organlari, xoʻjalik birlashmalari, mahalliy ijro etuvchi hokimiyat organlari va boshqa tashkilotlar hamda jismoniy va yuridik shaxslar, ularning idoraviy boʻysunuvidan va mulkchilik shakllaridan qatʼi nazar, mansabdor shaxslar va fuqarolar tomonidan bajarilishi ustidan davlat nazoratini amalga oshirish;
XEGJning yangi manbalari shakllanishining oldini olish maqsadida ularning kuchayishi mumkin boʻlgan hududlardan oqilona foydalanish boʻyicha tavsiyalar tayyorlash va berish;
respublika hududida XEGJ roʻy berishi toʻgʻrisidagi axborotga oid maʼlumotlar bazasini shakllantirish va tizimli toʻldirib borish, XEGJ taʼsiri oqibatida yetkazilgan fizik zararni hisobga olish, togʻ yon bagʻirlarining mustahkamligini saqlash boʻyicha tavsiyalar berish;
davlat boshqaruvi organlari, xoʻjalik birlashmalari, mahalliy ijro etuvchi hokimiyat organlari va boshqa tashkilotlar bilan hududlardan foydalanishning joriy hamda istiqboldagi rejalarini, shu jumladan, XEGJning kuchayishi mumkin boʻlgan hududlardagi sanoat va xoʻjalik qurilishlarining loyihalarini kelishish;
aholi punktlari, iqtisodiyot va ijtimoiy soha obyektlarining loyihalash tashkilotlari tomonidan XEGJ taʼsiridan himoya qilish boʻyicha ishlab chiqilgan chora-tadbirlar loyihalarini kelishish, zarur hollarda ushbu tadbirlarni muhandislik-geologik jihatdan asoslashda ishtirok etish (murakkab va alohida muhim obyektlarda);
sohaga oid xorijiy tajribani oʻrganish va joriy etish boʻyicha belgilangan tartibda xalqaro hamkorlikni amalga oshirish;
XEGJ kuchayishi toʻgʻrisida axborot, ularning oldini olish yoki salbiy taʼsirini kamaytirish boʻyicha chora-tadbirlarni amalga oshirish yuzasidan muhandislik-geologik xulosalar va yozma koʻrsatmalar berish;
Favqulodda vaziyatlar vazirligi bilan birgalikda zarur hollarda, berilgan yozma koʻrsatmalar davlat boshqaruvi organlari, xoʻjalik birlashmalari, mahalliy ijro etuvchi hokimiyat organlari va boshqa tashkilotlar hamda jismoniy va yuridik shaxslar tomonidan bajarilmagani toʻgʻrisidagi materiallarni prokuratura organlariga taqdim etish.
3-bob. XEGJ davlat monitoringini yuritish tartibi
12. XEGJning joylardagi davlat monitoringi Oʻzbekiston Respublikasi Davlat budjeti mablagʻlari hisobidan Togʻ-kon sanoati va geologiya vazirligining “Oʻzbekgidrogeologiya” DM tarkibidagi Davlat geologik monitoring xizmati Hududiy gidrogeologiya stansiyalariga tenglashtirilgan Hududiy kuzatish stansiyalari tomonidan amalga oshiriladi.
13. XEGJ davlat monitoringi kuzatuv tarmogʻi topogeodezik punktlari, markalar, buloqlar, quduqlar, yirik yer koʻchki uchastkalariga oʻrnatilgan asbob-uskunalar va boshqalardan tashkil topgan boʻlib, ulardagi koʻrsatkichlarning oʻzgarishi yuzasidan tizimli kuzatuv ishlari olib boriladi.
14. Kuzatuv uchastkalarini tanlash, kuzatish davriyligi va uslubiyati “Oʻzbekgidrogeologiya” DM tomonidan belgilanadi va tegishlicha loyihalarga muvofiq Togʻ-kon sanoati va geologiya vazirligi tomonidan tasdiqlanadi.
15. XEGJ davlat monitoringi natijalaridan olingan birlamchi geologik maʼlumotlar Hududiy kuzatish stansiyalari tomonidan umumlashtirilishi, tahlil qilinishi, qayta ishlanilishi hamda bir sutka mobaynida Atrof tabiiy muhit monitoringi tizimining yagona geoaxborot maʼlumotlar bazasiga kiritilishi lozim.
16. Muayyan hududdagi xavfli geologik jarayonlar monitoringining umumlashtirilgan maʼlumotlari har chorakda, hisobot oyidan keyingi oyning 5-sanasiga qadar Togʻ-kon sanoati va geologiya vazirligiga yuboriladi.
Togʻ-kon sanoati va geologiya vazirligi har chorakda, hisobot oyidan keyingi oyning 10-sanasiga qadar muayyan hududda monitoring obyektlarini kuzatishlar va atrof-muhitning tegishli komponentlari holatini baholash maʼlumotlarini oʻz ichiga olgan xavfli geologik jarayonlar monitoringining umumlashtirilgan maʼlumotlarini Ekologiya, atrof-muhitni muhofaza qilish va iqlim oʻzgarishi vazirligi huzuridagi Atrof tabiiy muhitni muhofaza qilish sohasida ixtisoslashtirilgan analitik nazorat markaziga yuboradi.
Tabiiy va xalq xoʻjaligi obyektlariga, shuningdek, aholiga xavf tugʻdiruvchi xavfli geologik jarayonlar yuzaga kelishi belgilari aniqlanganda, olib borilgan kuzatishlar maʼlumotlari darhol “Oʻzbekgidrogeologiya” DM tomonidan Ekologiya, atrof-muhitni muhofaza qilish va iqlim oʻzgarishi vazirligi va Favqulodda vaziyatlar vazirligining tegishli organlariga tezkor tegishli choralar koʻrish uchun yuboriladi.
XEGJ ishlab chiqarish monitoringi natijalari asosida oylik, choraklik va yillik hisobotlar Togʻ-kon sanoati va geologiya vazirligi tizimidagi “Oʻzbekgidrogeologiya” DUKning Davlat geologik monitoring xizmatiga taqdim etib boriladi. Xavfli ekzogen geologik jarayonlarning kutilmaganda sodir boʻlishi aniqlanganda, bu haqda zudlik bilan xabar beriladi.
4-bob. XEGJ davlat monitoringini yuritishni tashkil etish
17. XEGJ davlat monitoringini olib borish Togʻ-kon sanoati va geologiya vazirligi tomonidan tasdiqlanadigan Hududiy kuzatish stansiyalari loyihalari doirasida amalga oshiriladi.
XEGJ davlat monitoringini olib borish boʻyicha kerakli hujjatlar, shu jumladan, dalolatnomalar tegishli Hududiy kuzatish stansiyalari tomonidan belgilangan tartibda hisobga olinishi va saqlanishi lozim.
18. Davlat geologik monitoring xizmatining Xavfli geologik jarayonlarni kuzatish davlat xizmati boshligʻi Bosh davlat inspektori, Xavfli geologik jarayonlar davlat monitoringi boʻlimi boshligʻi Bosh davlat inspektori oʻrinbosari, Hududiy kuzatish stansiya boshliqlari va yetakchi gidrogeologlari XEGJ davlat monitoringi boʻyicha davlat inspektorlari hisoblanadi.
XEGJ davlat monitoringi boʻyicha Bosh davlat inspektori Togʻ-kon sanoati va geologiya vaziri tomonidan lavozimga tayinlanadi va ozod etiladi.
19. Bosh davlat inspektori va uning oʻrinbosariga quyidagi huquqlar beriladi:
xavfli geologik jarayonlar kuchayishi mumkin boʻlgan joylarda aholini boshqa joyga koʻchirish (muayyan joydan vaqtincha koʻchirish), obyektlar qurish va ulardan foydalanish tartibini boshqa muddatga koʻchirish yoki oʻzgartirish, shuningdek, boshqa ishlarni amalga oshirish toʻgʻrisida yozma koʻrsatmalar berish;
xavfli geologik jarayonlar kuchayishi mumkin boʻlgan joylarda, agar obyektlar qurilishi xulosalar va ekspertiza dalolatnomalarisiz, loyihalarga rioya etilmasdan amalga oshirilganda yoki Davlat geologik monitoring xizmatining tavsiyalari bajarilmaganda yoxud bu ishlar hududlardan foydalanishga doir amaldagi normativlarga rioya etilmay bajarilganda oʻz vakolatlari doirasida qurilish ishlarini oʻn ish kunidan ortiq boʻlmagan muddatga toʻxtatib turish yoki sudga murojaat qilish;
agar keyingi faoliyati xavfli geologik jarayonlarning paydo boʻlishiga, rivojlanishiga yoki kuchayishiga olib kelsa, idoraviy mansubligidan va mulkchilik shakllaridan qatʼi nazar, tashkilotlarning faoliyatini toʻxtatish toʻgʻrisida Vazirlar Mahkamasiga, davlat boshqaruvi organlari, xoʻjalik birlashmalari, mahalliy ijro etuvchi hokimiyat organlariga takliflar kiritish;
agar obyektlarni qurish va ulardan foydalanish shart-sharoitlari xavfli geologik jarayonlarning paydo boʻlishiga, rivojlanishiga yoki kuchayishiga olib keladigan boʻlsa, muhandislik-geologik fond materiallarini oʻrganish va asosli dalillar, shuningdek, xavfli geologik jarayonlar rivojlangan hududlarning joriy holatidan kelib chiqib, ilgari berilgan xulosalarga zarur oʻzgartirishlar kiritish;
mulkchilik shaklidan qatʼi nazar XEGJ ishlab chiqarish monitoringi obyektlarida tegishlicha nazorat kuzatuv ishlarini oʻtkazish hamda ishlab chiqarish monitoringi natijalarini soʻrab olish;
davlat boshqaruvi organlari, xoʻjalik birlashmalari, mahalliy ijro etuvchi hokimiyat organlari tomonidan Davlat geologik monitoring xizmatining yozma koʻrsatmalari bajarilmaganligi haqidagi bildirishnomalar Togʻ-kon, geologiya va sanoat xavfsizligini nazorat qilish inspeksiyasiga hamda Favqulodda vaziyatlar vazirligiga tegishlicha choralar koʻrish uchun yuborish.
20. Davlat inspektorlariga quyidagi huquqlar beriladi:
xulosalar asosida aholini boshqa joyga koʻchirish (muayyan joydan vaqtincha koʻchirish), obyektlar qurish va ulardan foydalanish vaqtini boshqa muddatga koʻchirish yoki oʻzgartirish, shuningdek, xavfli geologik jarayonlar kuchayishi mumkin boʻlgan joylarda boshqa ishlarni amalga oshirish toʻgʻrisida bajarish majburiy boʻlgan yozma koʻrsatmalar berish;
agar obyektlarni qurish va ulardan foydalanish shart-sharoitlari xavfli geologik jarayonlarning paydo boʻlishiga, rivojlanishiga yoki kuchayishiga olib keladigan boʻlsa, xavfli geologik jarayonlar kuchayishi mumkin boʻlgan joylarda hududlarni oʻzlashtirish yuzasidan ilgari berilgan xulosalarga zarur oʻzgartirishlarni bosh davlat inspektori va uning oʻrinbosari bilan kelishgan holda kiritish;
xavfli geologik jarayonlar kuchayishi mumkin boʻlgan joylarning chegarasini aniqlash hamda shunga muvofiq ravishda xavfsiz joylarga koʻchirish lozim boʻlgan xoʻjaliklar soni va obyektlar roʻyxatiga doir muhandislik-texnikaviy tadbirlarga oʻzgartirishlar kiritish;
xavfli geologik jarayonlar kuchayishi mumkin boʻlgan joylarda yangi (rekonstruksiya qilingan) obyektlar va inshootlarni qabul qilish va foydalanishga topshirish boʻyicha davlat komissiyalari ishida qatnashish;
mulkchilik shaklidan qatʼi nazar, XEGJ ishlab chiqarish monitoringi obyektlarida tegishlicha nazorat kuzatuv ishlarini oʻtkazish hamda ishlab chiqarish monitoringi natijalarini soʻrab olish;
davlat boshqaruvi organlari, xoʻjalik birlashmalari, mahalliy ijro etuvchi hokimiyat organlari, shuningdek, mansabdor shaxslarga Davlat geologik monitoring xizmati tomonidan berilgan yozma koʻrsatmalari bajarilmaganligi haqida bildirishnomalar Togʻ-kon, geologiya va sanoat xavfsizligini nazorat qilish inspeksiyasiga hamda Favqulodda vaziyatlar vazirligiga Bosh davlat inspektori va uning oʻrinbosari bilan kelishgan holda yuborish.
21. Davlat inspektorlari tomonidan mutasaddilarga berilgan koʻrsatma nusxasi Favqulodda vaziyatlar vazirligiga nazorat qilish uchun taqdim etiladi.
Mazkur Nizomga ilovaga muvofiq shakldagi koʻrsatma blankasi tartib raqamiga ega boʻlib, ular maxsus daftarda roʻyxatga olib boriladi.
22. XEGJdan ogohlantirish, ularga qarshi chora-tadbirlarni amalga oshirish toʻgʻrisida berilgan koʻrsatmalarning belgilangan muddatlarda bajarilmasligi, ularni tegishli davlat nazorati yoki huquqni muhofaza qilish organlariga taqdim etish hamda jismoniy va yuridik shaxslarni qonunchilik doirasida javobgarlikka tortish uchun asos boʻladi.
23. Davlat inspektorlari tomonidan amalga oshirilgan ishlar yuzasidan hisobotlar tizimli ravishda “Oʻzbekgidrogeologiya” DM Ilmiy-texnik kengashi yigʻilishlarida koʻrib chiqiladi.
5-bob. Yakunlovchi qoida
24. Davlat inspektorlari XEGJ davlat monitoringi natijalari boʻyicha taqdim etilayotgan maʼlumotlar haqqoniyligi yuzasidan qonunchilikda belgilangan tartibda javob beradilar.
Xavfli ekzogen geologik jarayonlarning davlat monitoringi toʻgʻrisida nizomga
ILOVA
Vazirlar Mahkamasining 2023-yil 28-dekabrdagi 685-son qaroriga
3-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining “Yer osti suvlaridan foydalanishga oid ruxsat etuvchi hujjatlarni berish tartibini yanada takomillashtirish chora-tadbirlari toʻgʻrisida” 2021-yil 8-yanvardagi 9-son qarorida:
a) 1-bandda:
uchinchi xatboshi chiqarib tashlansin;
toʻrtinchi xatboshi uchinchi xatboshi deb hisoblansin;
b) 1-ilovada:
3-band quyidagi tahrirda bayon qilinsin:
“3. Gidrogeologik xulosa Oʻzbekiston Respublikasi Togʻ-kon sanoati va geologiya vazirligi huzuridagi “Yer qaʼridan foydalanish markazi” DM (keyingi oʻrinlarda — Yer qaʼridan foydalanish markazi) tomonidan Oʻzbekiston Respublikasi Togʻ-kon sanoati va geologiya vazirligi tizimidagi gidrogeologiya korxonalari (keyingi oʻrinlarda — gidrogeologiya korxonalari) xulosasini inobatga olgan holda Davlat xizmatlari markazlari yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali beriladi”;
5-band quyidagi mazmundagi ikkinchi xatboshi bilan toʻldirilsin:
“Qonunchilik hujjatlari bilan tasdiqlangan roʻyxatga muvofiq yer osti suvlarining koʻp yillik oʻrtacha sathiga nisbatan suv sathi 5 metrdan ortiq pasayib ketgan hududlarda yerlarni sugʻorish va ishlab chiqarish maqsadlariga gidrogeologik xulosa berilmaydi”;
12-band quyidagi mazmundagi sakkizinchi xatboshi bilan toʻldirilsin:
“10 foizi — Yer qaʼridan foydalanish markazining bank hisob raqamiga”;
sakkizinchi xatboshi toʻqqizinchi xatboshi deb hisoblansin;
14-bandning birinchi xatboshisidagi “taqdim etilganligi” soʻzlaridan keyin “, yer osti suvlari sifatining ehtiyojga nomuvofiqligi” soʻzlari bilan toʻldirilsin;
16 — 18-bandlar quyidagi tahrirda bayon qilinsin:
“16. Ariza beruvchilar Davlat xizmatlari markaziga kelib murojaat etganda, uning arizasi Davlat xizmatlari markazi xodimi tomonidan toʻldirilib, ariza beruvchilar tomonidan tasdiqlangandan soʻng oʻn daqiqada elektron shaklda, YIDXP orqali murojaat qilinganda esa ariza avtomatik tarzda Yer qaʼridan foydalanish markaziga va suv olish maqsadlariga qarab Suv xoʻjaligi vazirligi yoki Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklariga yuboriladi.
17. Yer qaʼridan foydalanish markazi tegishli gidrogeologiya korxonalari bilan birgalikda ariza tushgandan soʻng uch ish kuni mobaynida koʻrsatilgan hududda yer osti suvlari holatini va tegishlicha quduq burgʻilashning maqsadga muvofiqligini (yer osti suvlari zaxiralarining mavjudligi, suv chiqarish imkoniyati, sifat koʻrsatkichlari kabilar) dastlabki koʻrib chiqadi va gidrogeologik xulosani berish uchun arizani qabul qilish yoki rad etish boʻyicha maʼlumot tayyorlaydi.
Qonunchilik hujjatlari bilan tasdiqlangan roʻyxatga muvofiq yer osti suvlarining koʻp yillik oʻrtacha sathiga nisbatan suv sathi 5 metrgacha pasaygan hududlarda:
qishloq xoʻjaligi ekin maydonlarini sugʻorish maqsadlari uchun — suv tejovchi texnologiyalarni joriy etish shartlari bilan Suv xoʻjaligi vazirligi;
ishlab chiqarish ehtiyojlari uchun — hududiy rivojlantirish dasturlari va suvdan tejamli foydalanish shartlariga asosan Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari yer osti suvlariga quduqlarni burgʻilashga gidrogeologik xulosani berish uchun arizani qabul qilish yoki rad etishni kelishib beradi.
18. Yer qaʼridan foydalanish markazi ikki ish kuni mobaynida umumlashtirilgan maʼlumotlar asosida gidrogeologik xulosani berish uchun arizani qabul qilish yoki rad etish boʻyicha Davlat xizmatlari markaziga yoki Yagona interaktiv davlat xizmatlari portali orqali maʼlumot yuboradi. Arizani qabul qilish rad etilganda, undirilgan yigʻim ariza beruvchiga Davlat xizmatlari markazi yoki YIDXP orqali toʻliq qaytariladi.
Agar gidrogeologik xulosa berilishi maqsadga muvofiq boʻlsa, maxsus dala gidrogeologik tadqiqot ishlari va fond maʼlumotlarini oʻrganish natijasida koʻrsatilgan hududda yer osti suvlari mavjud (yetarli) emasligi aniqlansa, hududni suv bilan taʼminlashning boshqa manbalari tavsiya etilgan holda (mavjud boʻlgan hollarda) gidrogeologiya korxonalari tomonidan gidrogeologik xulosa tayyorlanadi”;
19-bandning ikkinchi xatboshisidagi “YIDXP orqali yuborish” soʻzlaridan keyin “toʻlov amalga oshirilganidan soʻng” soʻzlari bilan toʻldirilsin;
20-band quyidagi tahrirda bayon qilinsin:
“20. Gidrogeologiya korxonalari tayyorlangan gidrogeologik xulosani Yer qaʼridan foydalanish markaziga yuboradi. Yer qaʼridan foydalanish markazi gidrogeologik xulosaning titul varagʻiga ushbu Reglamentga 3-ilovaga muvofiq QR-kod (matrik shtrixli kod) qoʻyib, gidrogeologik xulosaning qolgan qismlarini elektron shaklda biriktirish orqali oʻz ERIsi bilan tasdiqlaydi hamda Davlat xizmatlari markaziga yoki YIDXP orqali yuboradi”;
21-band quyidagi mazmundagi ikkinchi xatboshi bilan toʻldirilsin:
“Ariza beruvchi gidrogeologik xulosa olganidan soʻng oʻz hududida yer osti suvlariga quduq burgʻilashdan oldin gidrogeologiya korxonalarini xabardor qilishi zarur. Gidrogeologik xulosa olmasdan yer osti suvlariga quduq burgʻilash noqonuniy hisoblanadi”;
1-ilova quyidagi tahrirda bayon qilinsin:

“Gidrogeologik xulosa berish boʻyicha davlat xizmatlari koʻrsatishning maʼmuriy reglamentiga

1-ILOVA

Gidrogeologik xulosa berish boʻyicha davlat xizmatlari koʻrsatishning
SXEMASI

Bosqichlar

Subyektlar

Tadbirlar

Bajarish muddatlari

1-bosqich

Ariza beruvchi

Gidrogeologik xulosa olish uchun Davlat xizmatlari markaziga oʻzi kelgan holda yoki Oʻzbekiston Respublikasi Yagona interaktiv davlat xizmatlari portali orqali murojaat qiladi.

Zarur boʻlganda

1. Davlat xizmatlari markazi.

2. YIDXP.

Ariza shaklini toʻldirib, gidrogeologiya korxonalariga va suv olish maqsadlariga qarab Suv xoʻjaligi vazirligi yoki Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklariga yuboradi.

Soʻrovnoma toʻldirilgandan keyin 10 daqiqada

Aniq vaqt rejimida

2-bosqich

Yer qaʼridan foydalanish markazi Gidrogeologiya korxonalari

Arizani dastlabki koʻrib chiqadi va gidrogeologik xulosani berish uchun arizani qabul qilish yoki rad etish boʻyicha maʼlumot tayyorlaydi.

3 kun

Qonunchilik hujjatlari bilan tasdiqlangan roʻyxatga muvofiq yer osti suvlarining koʻp yillik oʻrtacha sathiga nisbatan suv sathi 5 metrgacha pasaygan hududlar boʻyicha

Suv xoʻjaligi vazirligi

Qishloq xoʻjaligi ekin maydonlarini sugʻorish maqsadlari uchun — suv tejovchi texnologiyalarni joriy etish shartlari bilan yer osti suvlariga quduqlarni burgʻilashga gidrogeologik xulosani berish uchun arizani qabul qilish yoki rad etishni kelishib beradi.

Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari

Ishlab chiqarish ehtiyojlari uchun — hududiy rivojlantirish dasturlari va suvdan tejamli foydalanish shartlari bilan yer osti suvlariga quduqlarni burgʻilashga gidrogeologik xulosani berish uchun arizani qabul qilish yoki rad etishni kelishib beradi.

3-bosqich

Yer qaʼridan foydalanish markazi

Umumlashtirilgan maʼlumotlar asosida gidrogeologik xulosani berish uchun arizani qabul qilish yoki rad etish boʻyicha Davlat xizmatlari markaziga yoki Yagona interaktiv davlat xizmatlari portali orqali maʼlumot yuboradi.

2 kun

Gidrogeologiya korxonalari

Gidrogeologik xulosani tayyorlaydi va Yer qaʼridan foydalanish markaziga yuboradi.

8 kun

Yer qaʼridan foydalanish markazi

Toʻlov amalga oshirilganidan soʻng gidrogeologik xulosaning titul varagʻiga QR-kodni qoʻyadi, xulosaning qolgan qismlarini elektron shaklda biriktirish orqali elektron raqamli imzosi bilan tasdiqlaydi hamda Davlat xizmatlari markaziga yoki Yagona interaktiv davlat xizmatlari portali orqali yuboradi.

1 kun

4-bosqich

1. Davlat xizmatlari markazi.

2. YAIDX.

1. Gidrogeologik xulosani ariza beruvchining elektron manziliga yuboradi va axborot-kommunikatsiya tizimi orqali xabardor qiladi.

2. Ariza beruvchi oʻzi kelib murojaat qilganda, gidrogeologik xulosani elektron yoki qogʻoz shaklida ariza beruvchiga taqdim etadi.

1. 10 daqiqada

2. Ariza beruvchining soʻroviga koʻra

”;

2-ilovaning 5-bandi “qishloq xoʻjaligi (sugʻorish)” qatoridan keyin “koʻkalamzorlashtirish (sugʻorish)” qatori bilan toʻldirilsin;
v) 2-ilova oʻz kuchini yoʻqotgan deb hisoblansin;
g) 3-ilovada:
3-band quyidagi tahrirda bayon qilinsin:
“3. Ruxsatnoma Oʻzbekiston Respublikasi Togʻ-kon sanoati va geologiya vazirligi huzuridagi “Yer qaʼridan foydalanish markazi” DM (keyingi oʻrinlarda — Yer qaʼridan foydalanish markazi) tomonidan Oʻzbekiston Respublikasi Togʻ-kon sanoati va geologiya vazirligining hududiy gidrogeologiya stansiyalari (keyingi oʻrinlarda — gidrogeologiya stansiyalari) xulosasini inobatga olgan holda “Litsenziya” axborot tizimi” yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali beriladi”;
4-banddagi “suv olish obyektlari” soʻzlari “suv olish inshootlari (burgʻi qudugʻi, quduq, galereya, buloq va boshqalar)” soʻzlari bilan almashtirilsin;
5-band quyidagi tahrirda bayon qilinsin:
“5. Ruxsatnoma olmasdan yer osti suvlaridan maxsus foydalanish yoki ularni maxsus isteʼmol qilish qatʼiyan taqiqlanadi, bunda zax qochirish (drenaj) maqsadlari uchun ruxsatnoma olish talab qilinmaydi (zax qochirish uchun ishlatiladigan burgʻi quduqlari suvidan maʼlum maqsadlarda foydalanish bundan mustasno).
Ruxsatnoma qonunchilik hujjatlari bilan tasdiqlangan roʻyxatga muvofiq yer osti suvlarining koʻp yillik oʻrtacha sathiga nisbatan suv sathi 5 metrdan ortiq pasayib ketgan hududlarda mavjud quduqlardan yerlarni sugʻorish uchun suv tejovchi texnologiyalar joriy etilganda beriladi”;
6-bandning birinchi va ikkinchi xatboshilaridagi “suv olish inshootlari” soʻzlaridan keyin “, shu jumladan, galereya, buloq va termomineral suv quduqlari” soʻzlari bilan toʻldirilsin;
16-banddagi “gidrogeologiya korxonalariga” soʻzlari “Yer qaʼridan foydalanish markaziga” soʻzlari bilan almashtirilsin;
17 — 19-bandlar quyidagi tahrirda bayon qilinsin:
“17. Yer qaʼridan foydalanish markazi bir ish kuni mobaynida ariza, ruxsatnoma loyihalari va hujjatlarni gidrogeologiya stansiyalariga ularda keltirilgan maʼlumotlarni oʻrganib chiqish uchun, shuningdek, qonunchilik hujjatlari bilan tasdiqlangan roʻyxatga muvofiq yer osti suvlarining koʻp yillik oʻrtacha sathiga nisbatan suv sathi 5 metrdan ortiq pasayib ketgan hududlarda:
qishloq xoʻjaligi ekin maydonlarini sugʻorish maqsadlari uchun — suv tejovchi texnologiyalarni joriy etish sharti bilan suv olish limitlarini belgilab berish maqsadida Suv xoʻjaligi vazirligiga;
ishlab chiqarish ehtiyojlari uchun — hududiy rivojlantirish dasturlari va suvdan tejamli foydalanish shartlari bilan Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga kelishish uchun yuboradi.
18. Gidrogeologiya stansiyalari, Suv xoʻjaligi vazirligi hamda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari toʻrt ish kuni mobaynida yer osti suvlaridan maxsus foydalanish yoki ularni maxsus isteʼmol qilish maqsadidan kelib chiqqan holda oʻrganib chiqadi, kelishib beradi va tegishli maʼlumot tayyorlab, Yer qaʼridan foydalanish markaziga elektron shaklda yuboradi.
Zarur hollarda (arizada keltirilgan maʼlumotlarni solishtirish, ilova qilingan hujjatlardagi maʼlumotlarni aniqlashtirish, yillik suv olish hajmi yoki suv olish maqsadini belgilab olish) gidrogeologiya stansiyalari va kelishuvchi organlar arizaga ijobiy javob berish maqsadida ariza beruvchilar bilan telefon orqali qayta aloqa oʻrnatishlari mumkin.
19. Yer qaʼridan foydalanish markazi gidrogeologiya stansiyalari va Suv xoʻjaligi vazirligi hamda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining tegishli maʼlumotlari asosida bir ish kuni mobaynida ruxsatnoma berish yoki berishni rad etish boʻyicha xulosa tayyorlab, ruxsatnomani mazkur Reglamentga 4-ilovaga muvofiq shaklda QR-kod (matrik shtrixli kod) qoʻyib rasmiylashtiradi va uni oʻz ERIsi bilan tasdiqlaydi hamda “Litsenziya” axborot tizimi yoki YIDXP orqali yuboradi”;
20-bandning toʻrtinchi xatboshisidagi “Davlat geologiya qoʻmitasi” soʻzlari “Yer qaʼridan foydalanish markazi” soʻzlari bilan almashtirilsin;
23-bandning yettinchi — toʻqqizinchi xatboshilari quyidagi tahrirda bayon qilinsin:
“yer osti suvlarining va suv obyektlarining holatiga taʼsir etadigan favqulodda vaziyatlar yuzaga kelganligi toʻgʻrisida gidrogeologiya korxonalari va mahalliy davlat hokimiyati organlarini oʻz vaqtida xabardor qilishi, ularning oqibatlarini bartaraf etish ishlarini amalga oshirishda, shuningdek, suv obyektlarida taʼmirlash va tiklash ishlarida qonun hujjatlarida belgilangan tartibda ishtirok etishi;
yer osti suvlaridan foydalanish va ularni muhofaza qilish boʻyicha davlat nazoratini amalga oshiruvchi organlarning vakillarini oʻz suv xoʻjaligi obyektlariga belgilangan tartibda kiritishi hamda ularga zarur axborotni taqdim etishi;
yer osti suvlarini olish va berishda suv miqdori hisobini yuritishi, shuningdek, gidrogeologiya korxonalariga va soliq organlariga hisobotni har chorak yakuni boʻyicha keyingi oyning 5 sanasiga qadar mazkur Reglamentga 5-ilovaga muvofiq shaklda taqdim etishi”;
25-banddagi “Davlat geologiya qoʻmitasi” soʻzlari “Yer qaʼridan foydalanish markazi” soʻzlari bilan almashtirilsin;
27-banddagi “Davlat geologiya qoʻmitasi huzuridagi Kon-geologiya faoliyatini nazorat qilish inspeksiyasi” soʻzlari “Togʻ-kon sanoati va geologiya vazirligi huzuridagi Togʻ-kon, geologiya va sanoat xavfsizligini nazorat qilish inspeksiyasi” soʻzlari bilan almashtirilsin;
1-ilova quyidagi tahrirda bayon qilinsin:
“Yer osti suvlaridan maxsus foydalanish yoki ularni maxsus isteʼmol qilish uchun ruxsatnoma berish boʻyicha davlat xizmatlari koʻrsatishning maʼmuriy reglamentiga
1-ILOVA
Yer osti suvlaridan maxsus foydalanish yoki ularni maxsus isteʼmol qilish uchun ruxsatnoma berish boʻyicha davlat xizmatlari koʻrsatishning
SXEMASI

Bosqichlar

Subyektlar

Tadbirlar

Bajarish muddatlari

1-bosqich

Ariza beruvchi

Yer osti suvlaridan maxsus foydalanish yoki ularni maxsus isteʼmol qilishga ruxsatnoma olish uchun “Litsenziya” axborot tizimi yoki Oʻzbekiston Respublikasi Yagona interaktiv davlat xizmatlari portali orqali murojaat qiladi.

Xohishga koʻra

2-bosqich

1. “Litsenziya” axborot tizimi.

2. YIDXP.

Soʻrovnomani elektron shaklda toʻldirib, hujjatlarni ilova qilgan holda Yer qaʼridan foydalanish markaziga yuboradi.

1. 10 daqiqada.

2. Aniq vaqt rejimida.

3-bosqich

Yer qaʼridan foydalanish markazi

Ariza, ruxsatnoma loyihalari va hujjatlarni oʻrganib chiqish uchun Gidrogeologiya stansiyalari hamda Suv xoʻjaligi vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga kelishish uchun yuboradi.

1 kun

Qonunchilik hujjatlari bilan tasdiqlangan roʻyxatga muvofiq yer osti suvlarining koʻp yillik oʻrtacha sathiga nisbatan suv sathi 5 metrgacha pasaygan hududlar boʻyicha:

Suv xoʻjaligi vazirligi

Qishloq xoʻjaligi ekin maydonlarini sugʻorish maqsadlari uchun — suv tejovchi texnologiyalarni joriy etish shartlari bilan suv olish limitlarini belgilab berish maqsadida kelishib beradi.

4 kun

Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari

Ishlab chiqarish ehtiyojlari uchun — hududiy rivojlantirish dasturlari va suvdan tejamli foydalanish shartlariga asosan kelishib beradi.

4-bosqich

Yer qaʼridan foydalanish markazi

Tayyorlangan maʼlumot asosida ruxsatnoma berish yoki berishni rad etish boʻyicha xulosa tayyorlab, QR-kod (matrik shtrixli kod) qoʻyilgan ruxsatnomani rasmiylashtiradi va uni oʻz elektron raqamli imzosi bilan tasdiqlaydi hamda “Litsenziya” axborot tizimiga yoki Yagona interaktiv davlat xizmatlari portali orqali yuboradi.

1 kun

5-bosqich

“Litsenziya” axborot tizimi

Ruxsatnomani ariza beruvchining elektron manziliga yuboradi va ariza beruvchini bu haqda axborot-kommunikatsiya tizimi orqali xabardor qiladi.

1. 10 daqiqada

”;
2-ilovaning 5-bandi “qishloq xoʻjaligi (sugʻorish)” qatoridan keyin “koʻkalamzorlashtirish (sugʻorish)” qatori bilan toʻldirilsin;
3-ilovada:
3-band quyidagi tahrirda bayon qilinsin:
“3. Suv olish inshooti (burgʻi qudugʻi, quduq, galereya, buloq va boshqalar) joylashuvi (viloyat, tuman, QFY, MFY, koʻcha, uy)”;
7-band quyidagi mazmundagi izohlar bilan toʻldirilsin:
“Izoh:
a) quduq boʻyicha — uning raqami, joylashuv koordinatasi, chuqurligi, nasos turi va quvvati hamda suv olish hajmi;
b) buloq boʻyicha — uning jihozlanganligi, raqami (nomi), joylashuv koordinatasi, chiqayotgan suvning umumiy hajmi”;
6-ilovada:
9-pozitsiyadagi “yillik hisobotni yil yakunlari boʻyicha keyingi yilning 15-fevraliga” soʻzlari “va soliq organlariga hisobotni har chorak yakuni boʻyicha keyingi oyning 5 sanasiga” soʻzlari bilan almashtirilsin;
10-pozitsiya quyidagi tahrirda bayon qilinsin:

“

10.

Ruxsat etish xususiyatiga ega hujjatni berishda kelishiladigan organlar:

Togʻ-kon sanoati va geologiya vazirligining hududiy gidrogeologiya stansiyalari.

Qonunchilik hujjatlari bilan tasdiqlangan roʻyxatga muvofiq yer osti suvlarining koʻp yillik oʻrtacha sathga nisbatan suv sathi 5 metrgacha pasaygan hududlarda:

qishloq xoʻjaligi ekin maydonlarini sugʻorish maqsadlari uchun Suv xoʻjaligi vazirligi;

ishlab chiqarish ehtiyojlari uchun Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari.

”.
2. Vazirlar Mahkamasining 2021-yil 27-avgustdagi 543-son qarori bilan tasdiqlangan Yer uchastkalarini davlat va jamoat ehtiyojlari uchun doimiy foydalanishga ajratishning maʼmuriy reglamentida:
a) 12-bandda:
quyidagi mazmundagi ikkinchi xatboshi bilan toʻldirilsin:
“Bunda foydali qazilmalar konlarini aniqlash va qazib chiqarish bilan bogʻliq yer uchastkasini ajratish materiallarini tayyorlash uchun toʻlov yer qaʼridan foydalanuvchi tomonidan tegishli ruxsatnoma rasmiylashtirilgunga qadar amalga oshiriladi”;
ikkinchi xatboshi uchinchi xatboshi deb hisoblansin;
b) 16-band quyidagi mazmundagi yettinchi xatboshi bilan toʻldirilsin:
“Togʻ-kon sanoati va geologiya vazirligiga doimiy foydalanish huquqi asosida ajratib beriladigan yer uchastkalari bundan mustasno”;
v) 23-banddagi “Davlat geologiya va mineral resurslar qoʻmitasi” soʻzlari “Togʻ-kon sanoati va geologiya vazirligi huzuridagi “Yer qaʼridan foydalanish markazi” davlat muassasasi” soʻzlari bilan almashtirilsin.
3. Vazirlar Mahkamasining 2022-yil 12-yanvardagi 18-son qarorida:
a) 1-ilovada:
61 va 62-bandlardagi “Davlat geologiya va mineral resurslar qoʻmitasi” soʻzlari “Togʻ-kon sanoati va geologiya vazirligi huzuridagi “Yer qaʼridan foydalanish markazi” davlat muassasasi” soʻzlari bilan almashtirilsin;
68-bandning ikkinchi xatboshisi va 69-bandning birinchi xatboshisidagi “Davlat geologiya va mineral resurslar qoʻmitasi” soʻzlari “Togʻ-kon sanoati va geologiya vazirligi huzuridagi “Yer qaʼridan foydalanish markazi” davlat muassasasi” soʻzlari bilan almashtirilsin;
69-bandning ikkinchi xatboshisi va 70-banddagi “Davlat geologiya va mineral resurslar qoʻmitasi” soʻzlari “Togʻ-kon sanoati va geologiya vazirligi huzuridagi “Yer qaʼridan foydalanish markazi” davlat muassasasi” soʻzlari bilan almashtirilsin;
71-bandning birinchi xatboshisidagi tegishli kelishikdagi “Davlat geologiya va mineral resurslar qoʻmitasi” soʻzlari tegishli kelishikdagi “Togʻ-kon sanoati va geologiya vazirligi huzuridagi “Yer qaʼridan foydalanish markazi” davlat muassasasi” soʻzlari bilan almashtirilsin;
72-bandning ikkinchi, uchinchi, toʻrtinchi va beshinchi xatboshilaridagi tegishli kelishikdagi “Davlat geologiya va mineral resurslar qoʻmitasi” soʻzlari tegishli kelishikdagi “Togʻ-kon sanoati va geologiya vazirligi” soʻzlari bilan almashtirilsin;
b) 2-ilovaning 5-bandidagi “Davlat geologiya va mineral resurslar qoʻmitasi” soʻzlari “Togʻ-kon sanoati va geologiya vazirligi huzuridagi “Yer qaʼridan foydalanish markazi” davlat muassasasi” soʻzlari bilan almashtirilsin.
4. Vazirlar Mahkamasining 2022-yil 22-fevraldagi 86-son qarori bilan tasdiqlangan Maxsus elektron tizim orqali ruxsat etish xususiyatiga ega ayrim hujjatlarni berish tartib-taomillari toʻgʻrisida yagona nizomga 7-ilovaning matni quyidagi tahrirda bayon qilinsin:
“Maxsus elektron tizim orqali ruxsat etish xususiyatiga ega ayrim hujjatlarni berish tartib-taomillari toʻgʻrisidagi yagona nizomga
7-ILOVA
Yer osti suvlariga quduqlarni burgʻilash faoliyatiga ruxsatnoma
PASPORTI

1.

Ruxsat etish xususiyatiga ega hujjatning nomi:

Yer osti suvlariga quduqlarni burgʻilash faoliyatiga ruxsatnoma

2.

Amalga oshirilishi uchun ruxsat etish xususiyatiga ega hujjatni olish talab etiladigan faoliyat (harakatlar):

Yer osti suvlariga quduqlarni burgʻilash faoliyati

3.

Ariza beruvchilar toifasi:

Yuridik shaxs va yakka tartibdagi tadbirkor

4.

Ruxsat etish tartib-taomillari sohasidagi vakolatli organ:

Oʻzbekiston Respublikasi Togʻ-kon sanoati va geologiya vazirligi huzuridagi Yer qaʼridan foydalanish markazi

5.

Ruxsat etish xususiyatiga ega hujjatni olish uchun taqdim qilinadigan hujjatlar:

a) ariza.

Arizada quyidagilar koʻrsatiladi:

1. Toʻliq nomi va tashkiliy-huquqiy shakli

(yuridik shaxslar uchun)

Familiyasi, ismi va otasining ismi:

(yakka tartibdagi tadbirkorlar uchun)

2. Manzili, telefon raqami, elektron pochtasi:

3. Rekvizitlari (STIR raqami, MFO, hisob raqami):

(yuridik shaxslar uchun)

JSHSHIR raqami:

((yakka tartibdagi tadbirkorlar uchun)

4. Burgʻilash uskunalari va yordamchi texnikalar toʻgʻrisida maʼlumot.

5. Burgʻilash uskunalarining GPS-treker qurilmasi bilan jihozlanganligi toʻgʻrisida maʼlumot.

6. Mazkur sohaga oid mutaxassislar (gidrogeolog, burgʻilovchi, kompressor qurilmasi mashinisti) toʻgʻrisida maʼlumot.

b) ariza ilovalari:

mavjud burgʻilash uskunalari va yordamchi texnikalarning davlat roʻyxatidan oʻtgan texnik pasportlari;

burgʻilash uskunalarini yagona tizimga ulash uchun ulardagi GPS-trekerlarning login va parollari (login va parollar oʻzgargan taqdirda ariza beruvchi ushbu maʼlumotlarni Togʻ-kon sanoati va geologiya vazirligiga elektron shaklda yuboradi).

6.

Arizani koʻrib chiqish uchun undiriladigan yigʻim miqdori:

Bazaviy hisoblash miqdorining 10 baravari

7.

Ruxsat etish xususiyatiga ega hujjat berilganligi uchun undiriladigan yigʻim miqdori:

Yigʻim undirilmaydi

8.

Arizani koʻrib chiqish muddati:

8 ish kuni

9.

Ruxsat etishga oid talab va shartlar:

a) Oʻzbekiston Respublikasi Togʻ-kon sanoati va geologiya vazirligi huzuridagi “Yer qaʼridan foydalanish markazi” DM tomonidan berilgan gidrogeologik xulosalarga muvofiq yer osti suvlariga quduqlarni burgʻilash (Togʻ-kon sanoati va geologiya vazirligining gidrogeologiya korxonalari bundan mustasno);

b) burgʻilash uskunalariga oʻrnatilgan GPS-trekerlarning barqaror ishlashini taʼminlash, uch kundan ortiq ishlamay qolganda bu haqda Hududiy gidrogeologiya stansiyalarini xabardor qilish va nosozlikni bartaraf qilish choralarini koʻrish;

v) quduqlarni burgʻilash va jihozlash texnologiyalariga hamda ularda suv chiqarish, tajriba-sinov hamda laboratoriya tahlili ishlarini oʻtkazish talablariga toʻliq rioya qilinishini taʼminlash;

g) quduq burgʻilash ishlari boshlanishidan oldin Oʻzbekiston Respublikasi Togʻ-kon sanoati va geologiya vazirligining Hududiy gidrogeologiya stansiyalarini xabardor qilish;

d) yer osti suvlariga quduq burgʻilashda mehnatni muhofaza qilish va sanoat xavfsizligini taʼminlash boʻyicha qonunchilik talablariga rioya qilish;

e) burgʻilash ishlari olib borilgan maydonda ishlar yakunlanganidan soʻng rekultivatsiya ishlarini bajarish;

j) burgʻilash ishlari yakunlanganidan soʻng bir oy muddatda uning texnik pasportini mazkur pasportga 4-ilovaga muvofiq shaklda tayyorlab, hududiy gidrogeologiya stansiyalariga bevosita yoki elektron pochta orqali taqdim etilishini taʼminlash.

10.

Ruxsat etish xususiyatiga ega hujjatni berishda kelishiladigan organlar:

Oʻzbekiston Respublikasi Togʻ-kon sanoati va geologiya vazirligining hududiy gidrogeologiya stansiyalari.

Qonunchilik hujjatlari bilan tasdiqlangan roʻyxatga muvofiq yer osti suvlarining koʻp yillik oʻrtacha sathga nisbatan suv sathi 5 metrgacha pasaygan hududlarda:

qishloq xoʻjaligi ekin maydonlarini sugʻorish maqsadlari uchun Suv xoʻjaligi vazirligi;

ishlab chiqarish ehtiyojlari uchun Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari.

11.

Ruxsat etish xususiyatiga ega hujjatning amal qilish muddati:

Besh yil

12.

Izoh:

Yer osti suvlariga quduqlarni burgʻilash va ushbu faoliyat bilan shugʻullanish quyidagi hollarda taqiqlanadi:

ushbu Reglamentning 4-bandida nazarda tutilgandan boshqa har qanday holatlarda ruxsatnoma olmasdan;

qonunchilikda nazarda tutilgan tegishli texnik hujjatlarga ega boʻlmagan burgʻilash uskunalari yordamida.

Jismoniy shaxslar tomonidan texnik talablarga javob bermaydigan, qoʻlbola geofizik uskunalar yordamida karotaj ishlarini oʻtkazishga yoʻl qoʻyilmaydi.

Togʻ-kon sanoati va geologiya vazirligining gidrogeologiya korxonalariga yer osti suvlariga quduqlarni burgʻilash faoliyatiga ruxsatnoma talab etilmaydi.

Ruxsatnomani qayta rasmiylashtirish uchun ushbu pasportning 6-bandida keltirilgan miqdorning 50 foizi miqdorida yigʻim undiriladi.
Yer osti suvlariga quduqlarni burgʻilash faoliyatiga ruxsatnoma pasportiga
ilova

_______________________________________________________________________________________

(yer osti suvlariga quduq burgʻilashga buyurtma bergan yuridik yoki jismoniy shaxs)

_______________________________________________________________________________________

(burgʻilangan quduq joylashuvi (viloyat, shahar, tuman, QFY, MFY, qishloq, koʻcha, uy)

hududda yer osti suvlariga burgʻilangan ______________________________________-son burgʻi qudugʻi

TEXNIK PASPORTI

________________________________________

(burgʻilovchi tashkilot nomi, masʼul shaxs lavozimi)

____________

(imzo)

______________

(F.I.Sh.)

M.Oʻ.

20______ yil

1. Umumiy maʼlumotlar

1.1. Quduq joylashuvi: _____________________________________________________________________________________

_________________________________________________________________________________________________________

_________________________________________________________________________________________________________

1.2. Quduq joylashuvining geografik koordinatlari (daraja, min., sek.):

Shimoliy kenglik:___________________________________

Sharqiy uzunlik: ____________________________________

1.3. Quduq buyurtmachisi nomi: _______________________________________________________________________________

_________________________________________________________________________________________________________

1.4. Suvdan foydalanuvchi nomi: _____________________________________________________________________________

_________________________________________________________________________________________________________

_________________________________________________________________________________________________________

1.5. Yer osti suvlarini olishdan maqsad: ______________________________________________________________________

_________________________________________________________________________________________________________

1.6. Ruxsatnomalarning raqami va berilgan vaqti:

Burgʻilash faoliyatiga ruxsatnoma _______________________________

Gidrogeologik xulosa _______________________________________

1.7. Yer osti suviga boʻlgan ehtiyoj, m3/sut: ______________________________________________________________________



1.8. Burgʻilovchi tashkilotning nomi:__________________________________________________________________________

__________________________________________________________________________________________________________

1.9. Burgʻilash turi va burgʻilash uskunasi rusumi: ________________________________________________________________

__________________________________________________________________________________________________________

__________________________________________________________________________________________________________

1.10. Burgʻilash ishlarini oʻtkazish sanasi: _____________________________________________________________________

2. Burgʻilash ishlari natijalari

2.1. Quduq kesimining litologik tuzilishi haqida qisqacha maʼlumotlar:

__________________________________________________________________________________________________________

__________________________________________________________________________________________________________

__________________________________________________________________________________________________________

__________________________________________________________________________________________________________

__________________________________________________________________________________________________________

__________________________________________________________________________________________________________

__________________________________________________________________________________________________________

__________________________________________________________________________________________________________

__________________________________________________________________________________________________________

__________________________________________________________________________________________________________

__________________________________________________________________________________________________________

__________________________________________________________________________________________________________

2.2. Quduq burgʻilandi:

d ______ mm, ______________ m oraliqlarda

d ______ mm, ______________ m oraliqlarda

d ______ mm, _________________ m.

2.3. Quduq quvurlar bilan jihozlandi:

d ______ mm, ______________ m oraliqlarda

d ______ mm, ______________ m oraliqlarda

d ______ mm, _________________ m

2.4. Filtr _________________ turda, d _________ mm _______________ m oraliqda oʻrnatilgan.

2.5. Sementlash oraligʻi _________________ m.

3. Suv chiqarish, tajriba — sinash ishlari haqidagi maʼlumotlar

3.1. Kompressor yoki nasos turi ______________________________________________________________________________

3.2. Quduqdagi suvning statik sathlari:

suv chiqarilguncha _______________m;

suv chiqarilganidan soʻng _____________ m.

3.4. Suv chiqarish natijalari:

suv sarfi Q ___________ l/s,

favvorali tarzda suv oqib chiqish sarfi __________ l/s;

suv sathining pasayishi: S ______________ m;

solishtirma suv sarfi: Q/ S __________l/s.

3.5. Quduqqa suv koʻtarish uskunasini oʻrnatish boʻyicha tavsiyalar (nasos turi, markasi va tushirish chuqurliklari

__________________________________________________________________________________________________________

__________________________________________________________________________________________________________

3.6. Quduqning buyurtmachiga va/yoki suvdan foydalanuvchiga topshirishdagi holati

__________________________________________________________________________________________________________

4. Suvning sifati haqida maʼlumot

4.1. Suv tahlilini oʻtkazuvchi laboratoriya ______________________________________________________________________

__________________________________________________________________________________________________________

4.2. Tahlil turlari va oʻtkazish sanasi__________________________________________________________________________

__________________________________________________________________________________________________________

4.3. Tahlilning asosiy natijalari:

Mineralizatsiyasi _______ mg/l;

Umumiy qattiqligi _______ mg-ekv/l;

rN _________

5. Quduqning texnik pasportiga ilovalar

5.1. Quduqning joylashish sxemasi

5.2. Quduqning geologo-texnik pasporti (quyidagi shaklga muvofiq)

Masshtab

Geologik indeksi

Qatlam qalinligi, m

Togʻ jinslarining litologik tavsifi

Quduqning litologik kesimi va konstruksiyasi

Burgʻilash diametri (mm)

Jihozlash quvuri diametri (mm) va uzunligi (m)

Yer osti suvlari statik sathi, m

5.3. Quduq elektrokarotaji diagrammasi va xulosasi nusxasi (karotaj oʻtkazilgan quduqlar uchun)

5.4. Quduq suvining laboratoriya tahlili natijalari nusxasi

”.

5. Vazirlar Mahkamasining “Yer qaʼri uchastkalaridan foydalanish huquqi uchun ruxsatnomalar berish tartibini yanada takomillashtirish chora-tadbirlari toʻgʻrisida” 2022-yil 25-martdagi 133-son qarorida:
a) 1-bandda:
“b” kichik banddagi “Davlat geologiya va mineral resurslar qoʻmitasi (keyingi oʻrinlarda — Davlat geologiya qoʻmitasi)” soʻzlari “Togʻ-kon sanoati va geologiya vazirligi (keyingi oʻrinlarda — Kon-geologiya vazirligi)” soʻzlari bilan almashtirilsin;
“v” kichik bandi quyidagi mazmundagi beshinchi xatboshi bilan toʻldirilsin:
“Togʻ-kon sanoati va geologiya vazirligi huzuridagi “Yer qaʼridan foydalanish markazi” davlat muassasasi tomonidan geologik oʻrganishlar uchun yer qaʼridan foydalanganlik uchun har yillik litsenziya toʻlovining miqdori tadbirkorlik subyektlariga berilgan maydon (gektar)dan kelib chiqib hisoblanishi va yer qaʼridan foydalanish shartlarida koʻrsatilishi”;
beshinchi xatboshi oltinchi xatboshi deb hisoblansin;
2-band quyidagi tahrirda bayon qilinsin:
“2. Belgilab qoʻyilsinki:
yer qaʼri davlat fondining kadastriga kiritilgan yer uchastkalari yer qaʼri uchastkalaridan foydalanish sohasida vakolatli organ — tegishliligicha Togʻ-kon sanoati va geologiya vazirligiga yoki Ekologiya, atrof-muhitni muhofaza qilish va iqlim oʻzgarishi vazirligiga ularning murojaatlariga asosan jamoat ehtiyojlari uchun doimiy foydalanish huquqi asosida mahalliy davlat hokimiyati organlari tomonidan ajratib beriladi;
yer qaʼridan foydalanish maqsadlari uchun moʻljallangan yer uchastkalarini Togʻ-kon sanoati va geologiya vazirligiga ajratish jarayonida yer qaʼridan foydalanish faoliyatini ushbu yer uchastkasida olib borish mumkinligi yuzasidan Ekologiya, atrof-muhitni muhofaza qilish va iqlim oʻzgarishi vazirligi bilan kelishiladi;
yer qaʼridan foydalanish maqsadlari uchun zarur boʻlganda yer uchastkalari qonunda belgilangan tartibda jamoat ehtiyojlari uchun olib qoʻyiladi (sotib olinadi);
yer qaʼridan foydalanish maqsadlari uchun olib qoʻyilgan (sotib olingandan) yer uchastkalarining yer fondi toifasi oʻzgartiriladi va davlat mulki sifatida davlat roʻyxatidan oʻtkaziladi;
yer qaʼri uchastkalaridan foydalanish huquqi uchun ruxsatnoma yer qaʼridan foydalanuvchiga qonunchilikka muvofiq tegishli yer uchastkasini ijara huquqi asosida taqdim etish uchun asos hisoblanadi;
yer qaʼri uchastkalaridan foydalanish huquqi uchun ruxsatnoma berish bilan bir vaqtda yer qaʼri uchastkalaridan foydalanish sohasida vakolatli organ va yer qaʼridan foydalanuvchi oʻrtasida yer uchastkasining ijara shartnomasi tuziladi va u ruxsatnomaga ilova qilinadigan yer qaʼridan foydalanish shartlarining ajralmas qismi hisoblanadi;
yer uchastkasini ajratish materiallarini tayyorlash uchun toʻlov yer qaʼridan foydalanuvchi tomonidan tegishli ruxsatnoma rasmiylashtirilgunga qadar amalga oshiriladi;
yer qaʼridan foydalanish maqsadlari uchun yer uchastkasini belgilangan tartibda olib qoʻyish (sotib olish) bilan bogʻliq xarajatlar keyinchalik yer qaʼridan foydalanuvchi tomonidan Vazirlar Mahkamasi huzuridagi Jismoniy va yuridik shaxslarga yetkazilgan mulkiy zararlarni kompensatsiya qilish boʻyicha respublika maqsadli jamgʻarmasiga ruxsatnoma rasmiylashtirilgunga qadar qoplab beriladi (amalga oshiriladi);
yer qaʼri uchastkalaridan foydalanish sohasida vakolatli organga doimiy foydalanish huquqi bilan ajratilgan yer qaʼri uchastkalari yer qaʼridan foydalanuvchiga ijaraga berilgunga qadar yer soligʻi obyekti hisoblanmaydi;
yer qaʼridan foydalanuvchi ijaraga berilgan yer uchastkasi va yuritadigan faoliyati boʻyicha Oʻzbekiston Respublikasi Soliq kodeksida belgilangan va qonunchilikda nazarda tutilgan soliqlar va toʻlovlarni amalga oshiradi, shu jumladan, yer soligʻining subyekti hisoblanadi;
yer uchastkasi yer qaʼridan foydalanish uchun ijaraga berilganda, ijara toʻlovi undirilmaydi”;
4-band quyidagi tahrirda bayon qilinsin:
“4. Belgilansinki:
yuridik shaxslarga yer qaʼri boʻyicha geologik materiallar loyiha-smeta hujjatlarining davlat ekspertizasi xulosasi “Litsenziya” axborot tizimi orqali beriladi;
yer qaʼridan foydalanuvchilarga ilgari rasmiylashtirilgan eski namunadagi litsenziyalar yangi namunadagi ruxsatnomaga almashtirilmagan holda 2024-yilning 1-iyulidan oʻz kuchini yoʻqotgan deb hisoblanadi;
geologik oʻrganishlar uchun yer qaʼridan foydalanganlik uchun har yillik litsenziya toʻlovining umumiy miqdori mazkur bandda belgilangan miqdorlarni ruxsatnoma shartlariga muvofiq ajratiladigan (ijaraga beriladigan) yer uchastkasining maydoniga koʻpaytirish orqali Oʻzbekiston Respublikasi Togʻ-kon sanoati va geologiya vazirligi huzuridagi “Yer qaʼridan foydalanish markazi” DM tomonidan hisoblanadi va yer qaʼridan foydalanish shartlarida koʻrsatiladi;
geologik oʻrganishlar uchun yer qaʼridan foydalanganlik uchun har yillik litsenziya toʻlovi 1-fevralga qadar Oʻzbekiston Respublikasi Iqtisodiyot va moliya vazirligining yillik litsenziya toʻlovi uchun ochilgan maxsus hisob raqamga toʻlanadi;
strategik turdagi (asosiy) foydali qazilmalar, shu jumladan uglevodorodlarni oʻz ichiga olgan yer qaʼri uchastkalarida geologik oʻrganishlar olib boruvchi tadbirkorlik subyektlari tomonidan har yillik litsenziya toʻlovi hisobot davridan keyingi yilning 1-martidan 1-dekabriga qadar, har oy teng ulushlarda amalga oshiriladi;
strategik turdagi (asosiy) foydali qazilmalar, shu jumladan uglevodorodlarni oʻz ichiga olgan yer qaʼri uchastkalarida geologik oʻrganishlar olib boruvchi tadbirkorlik subyektlari har yillik litsenziya toʻlovini tasdiqlanadigan yillik ish rejaga muvofiq haqiqiy egallab turgan maydoni boʻyicha amalga oshiradi;
noruda foydali qazilmalarni oʻz ichiga olgan yer qaʼri uchastkalarida geologik oʻrganishlar olib boruvchi tadbirkorlik subyektlari tomonidan har yillik litsenziya toʻlovi hisobot davridan keyingi yilning 1-martiga qadar amalga oshiriladi;
tadbirkorlik subyektlari tomonidan ruxsatnomaga muvofiq ajratilgan yer qaʼri uchastkalari boʻyicha foydali qazilmalarni kavlab olish hajmlari toʻgʻrisidagi choraklik hisobotlarni taqdim etish tartibi joriy etiladi. Ushbu tartib ilgari berilgan ruxsatnomalarga ham tatbiq etiladi.
Geologik oʻrganishlar uchun yer qaʼridan foydalanganlik uchun yillik litsenziya toʻlovi ruxsatnoma shartlarida koʻrsatiladigan yer maydonining har bir gektari uchun quyidagi miqdorlarda ruxsatnomaning amal qilish davrida har yili toʻlanadi:
asosiy — uglevodorod, qimmatbaho, rangli va noyob metallar hamda boshqa rudali foydali qazilmalarga qonunchilikda belgilangan bazaviy hisoblash miqdorining oʻn foizi;
noruda, jumladan, keng tarqalgan foydali qazilmalarga qonunchilikda belgilangan bazaviy hisoblash miqdorining oʻn besh foizi”;
5-band quyidagi tahrirda bayon qilinsin:
“5. Togʻ-kon sanoati va geologiya vazirligi huzuridagi “Yer qaʼridan foydalanish markazi” davlat muassasasi, Raqamli texnologiyalar vazirligi, Adliya vazirligi yer qaʼridan foydalanuvchilarga rasmiylashtirilgan eski namunadagi litsenziyalarni yangi namunadagi ruxsatnomaga 2024-yil 1-iyulga qadar “Litsenziya” axborot tizimi yoki Yagona interaktiv davlat xizmatlari portali orqali bepul almashtirish choralarini koʻrsin.”;
b) 1-ilovada:
4-bandning ikkinchi xatboshisidagi “Davlat geologiya qoʻmitasining” soʻzlari “Oʻzbekiston Respublikasi Togʻ-kon sanoati va geologiya vazirligining” soʻzlari bilan almashtirilsin;
5-band quyidagi tahrirda bayon qilinsin:
“5. Yer qaʼri uchastkalaridan foydalanish huquqi uchun ruxsatnomalar beruvchi vakolatli organlar (keyingi oʻrinlarda — vakolatli organ):
Ekologiya, atrof-muhitni muhofaza qilish va iqlim oʻzgarishi vazirligi (keyingi oʻrinlarda — Ekologiya vazirligi) tomonidan — chiqindilarni saqlash va koʻmib tashlash maqsadida yer osti inshootlarini qurish va foydalanish uchun;
Togʻ-kon sanoati va geologiya vazirligi huzuridagi “Yer qaʼridan foydalanish markazi” davlat muassasasi (keyingi oʻrinlarda — Yer qaʼridan foydalanish markazi) tomonidan — yer qaʼri uchastkasidan foydalanish huquqining boshqa barcha turlari uchun beriladi.”;
9-bandning birinchi va 10-bandning toʻrtinchi xatboshilaridagi “Davlat geologiya qoʻmitasi” soʻzlari “Togʻ-kon sanoati va geologiya vazirligi” soʻzlari bilan almashtirilsin;
16-banddagi “Davlat geologiya qoʻmitasida” soʻzlari “Yer qaʼridan foydalanish markazida” soʻzlari bilan almashtirilsin;
29-bandda:
“a” va “b” kichik bandlari quyidagi tahrirda bayon qilinsin:
“a) geologik jihatdan oʻrganish uchun:
yer qaʼrini geologik jihatdan oʻrganish boʻyicha yiriklashtirilgan texnik-iqtisodiy asoslarni ishlab chiqish va Yer qaʼridan foydalanish markaziga topshirish muddati;
atrof-muhitga taʼsir koʻrsatishi toʻgʻrisida ariza loyihasiga Ekologiya, vazirligi tomonidan beriladigan ijobiy davlat ekologik ekspertiza xulosasini Yer qaʼridan foydalanish markaziga topshirish muddati;
yer qaʼrini geologik jihatdan oʻrganish uchun yillik eng kam xarajatlar boʻyicha majburiyatlar miqdori, shu jumladan, Yer qaʼridan foydalanish markaziga yer qaʼri uchastkasidan foydalanish uchun yiriklashtirilgan texnik-iqtisodiy asoslarni taqdim etgan kundan boshlab ikki yil mobaynida bajariladigan minimal investitsiya majburiyatlari;
Togʻ-kon, geologiya va sanoat xavfsizligini nazorat qilish inspeksiyasiga toʻqson kun mobaynida yer qaʼridan foydalanish boʻyicha loyihalarini taqdim etish majburiyati;
foydali qazilmalarni geologik jihatdan oʻrganish boʻyicha minimal ish hajmi, ularni amalga oshirish muddatlari;
olingan geologik va boshqa maʼlumotlarni hisobga olish, saqlash va tizimlashtirish uchun Yer qaʼridan foydalanish markaziga topshirish tartibi va muddatlari;
foydali qazilmalarni, shu jumladan, uglevodorodlarni, sanoatda foydalaniladigan yer osti suvlarini tajriba (namuna) uchun va tajriba-sanoat usulida kavlab olish shartlari;
geologik materiallarni davlat ekspertizasidan oʻtkazish va foydali qazilmalar zaxiralarini tasdiqlash uchun materiallarni Davlat komissiyasiga taqdim etish tartibi va muddatlari;
kon ishlanmalari va quduqlarini aholi hayoti va sogʻligi, atrof muhit xavfsizligini taʼminlaydigan holatga keltirish, shuningdek, foydalanilmaydigan kon ishlanmalari va quduqlarini tugatish tartibi yoxud ushbu ishlarni bajarish dasturi (rejasi)ni ruxsatnoma muddati tugashidan bir yil avval Ekologiya vazirligi bilan kelishilgan holda Togʻ-kon, geologiya va sanoat xavfsizligini nazorat qilish inspeksiyasiga taqdim etish;
yer qaʼridan foydalanish sohasida, xavfli ishlar, ishlab chiqarish, xavfli tovarlar va moddalar aylanmasi, portlovchi moddalarga ruxsat berish jarayonlaridan oʻtish tartibi;
uglevodorodlar, portlovchi va kimyoviy moddalar, qimmatbaho metallar va qimmatbaho toshlarning muomalasi sohasidagi qonunchilik talablariga rioya etish shartlari;
foydali qazilmalarni kavlab olishda foydalaniladigan ishlar va xizmatlarda mahalliy taʼminotning eng kam ulushi miqdori;
yer qaʼridan foydalanuvchining Oʻzbekiston Respublikasi hududida mahalliy kadrlarni oʻqitish va ilmiy-tadqiqot ishlari, ilmiy-texnik va (yoki) tajriba-konstruktorlik ishlarini moliyalashtirish boʻyicha majburiyatlari miqdori;
yer qaʼridan foydalanuvchining ushbu Nizom va Oʻzbekiston Respublikasining “Yer osti boyliklari toʻgʻrisida”gi Qonunidan kelib chiqadigan huquq va majburiyatlari;
yer qaʼri uchastkasidan foydalanish bilan bogʻliq toʻlovlar, shu jumladan yillik litsenziya toʻlovi toʻgʻrisidagi majburiyatlar;
geologik oʻrganishlar uchun berilgan yer qaʼri uchastkasining maydoni (gektarda);
geologik oʻrganishlar uchun yer qaʼridan foydalanganlik uchun har yillik litsenziya toʻlovini toʻlash uchun maxsus hisob raqam;
yer qaʼridan foydalanuvchining yer qaʼridan foydalanish oqibatlarini bartaraf qilish boʻyicha kafolatlarni taqdim etish va yangilab borish shartlari;
yer qaʼri uchastkalaridan foydalanish huquqining cheklanishi, toʻxtatib turilishi yoki muddatidan oldin tugatilishi mumkin boʻlgan shartlar;
b) foydali qazilmalarni kavlab olish uchun:
foydali qazilmalarni kavlab olish boʻyicha texnik-iqtisodiy asoslarni ishlab chiqish va Yer qaʼridan foydalanish markaziga topshirish muddati;
atrof muhitga taʼsir koʻrsatishi toʻgʻrisida ariza loyihasiga Ekologiya vazirligi tomonidan beriladigan ijobiy davlat ekologik ekspertiza xulosani Yer qaʼridan foydalanish markaziga topshirish muddati;
foydali qazilmalarni kavlab olish uchun yillik eng kam xarajatlar boʻyicha majburiyatlar miqdori, shu jumladan, Yer qaʼridan foydalanish markaziga yer qaʼri uchastkasidan foydalanish uchun texnik-iqtisodiy asoslarni taqdim etgan kundan boshlab ikki yil mobaynida bajariladigan minimal investitsiya majburiyatlari;
texnik loyihalarni va kavlab olish ishlarini rivojlantirish rejalarini, konlarning loyihalarini tayyorlash va oʻzlashtirish tartibi va muddatlari;
marksheyderlik xizmatlari tomonidan tasdiqlangan choraklik va yillik foydali qazilmalarni kavlab olish hajmlari toʻgʻrisidagi hisobotlarni taqdim etish muddatlari;
uglevodorodlarni qazishda foydali qazilmalarni kavlab olishning kelishilgan darajalari;
kavlab olingan foydali qazilmalarga mulk huquqi;
yer qaʼridan foydalanganlik uchun haq toʻlash shartlari;
texnogen mineral hosilalarni saqlash va qayta ishlash shartlari;
qoʻshilib chiqadigan gazdan foydalanish, shu jumladan, uglevodorodlarni kavlab olish boʻyicha majburiyatlar;
quvurlardan va umumiy infratuzilmaning boshqa obyektlaridan foydalanish shartlari (zarur boʻlganda);
sanoatda foydalaniladigan yer osti suvlarini olishning eng koʻp yoʻl qoʻyiladigan miqdori;
kesishadigan suvli qatlamlarning ifloslanishi yoki siljishini istisno etadigan uglevodorodlarni kavlab olish quduqlari konstruksiyasiga qoʻyiladigan talablar;
suvli qatlamda yer osti suvlarining yoʻl qoʻyiladigan pasayishi darajasi;
foydali qazilmalarni kavlab olish korxonalarini tugatish yoki konservatsiya qilish tartibi;
yer qaʼridan foydalanish sohasida, xavfli ishlar, ishlab chiqarish, xavfli tovarlar va moddalar aylanmasi, portlovchi moddalarga ruxsat berish jarayonlaridan oʻtish tartibi;
ruxsatnomaning egasi yer qaʼri uchastkasidan foydalanish huquqini (toʻliq yoki qisman) boshqa shaxsga berishi mumkin boʻlgan shartlar;
uglevodorodlar, portlovchi va kimyoviy moddalar, qimmatbaho metallar va qimmatbaho toshlarning muomalasi sohasidagi qonunchilik talablariga rioya etish shartlari;
foydali qazilmalarni kavlab olishda foydalaniladigan ishlar va xizmatlarda mahalliy taʼminotning eng kam ulushi miqdori;
yer qaʼridan foydalanuvchining Oʻzbekiston Respublikasi hududida mahalliy kadrlarni oʻqitish va ilmiy-tadqiqot ishlari, ilmiy-texnik va (yoki) tajriba-konstruktorlik ishlarini moliyalashtirish boʻyicha majburiyatlari miqdori;
yer qaʼridan foydalanuvchining ushbu Nizom va Oʻzbekiston Respublikasining “Yer osti boyliklari toʻgʻrisida”gi Qonunidan kelib chiqadigan huquq va majburiyatlari;
yer qaʼri uchastkasidan foydalanish bilan bogʻliq toʻlovlar toʻgʻrisidagi majburiyatlar;
yer qaʼridan foydalanuvchining yer qaʼridan foydalanish oqibatlarini bartaraf qilish boʻyicha kafolatlarni taqdim etish va yangilab borish shartlari, shuningdek, ushbu ishlarni bajarish dasturi (rejasi)ni ruxsatnoma muddati tugashidan besh yil avval Ekologiya vazirligi bilan kelishilgan holda Togʻ-kon, geologiya va sanoat xavfsizligini nazorat qilish inspeksiyasiga taqdim etish;
yer qaʼri uchastkalaridan foydalanish huquqining cheklanishi, toʻxtatib turilishi yoki muddatidan oldin tugatilishi mumkin boʻlgan shartlar”;
“v” kichik bandining oʻn birinchi xatboshisidagi “Davlat geologiya qoʻmitasi” soʻzlari “Yer qaʼridan foydalanish markazi” soʻzlari bilan almashtirilsin;
30-bandning birinchi xatboshisidagi “Davlat geologiya qoʻmitasi” soʻzlari “Yer qaʼridan foydalanish markazi” soʻzlari bilan almashtirilsin;
34-banddagi “tugashidan olti oydan kechikmay” soʻzlari “tugagunga qadar” soʻzlari bilan almashtirilsin;
36-band:
birinchi xatboshisi quyidagi tahrirda bayon qilinsin:
“E-auksion” elektron savdo platformasida onlayn-auksion orqali realizatsiya qilinadigan yer qaʼri uchastkalari roʻyxati har yili, lekin bir yilda bir martadan kam boʻlmagan holda Yer qaʼridan foydalanish markazi tomonidan yer qaʼri uchastkasining boshlangʻich narxi aniqlangan va Ekologiya vazirligi bilan kelishilgan holda shakllantiriladi”;
uchinchi va toʻrtinchi xatboshilaridagi tegishli kelishikdagi “Davlat geologiya qoʻmitasi” soʻzlari tegishli kelishikdagi “Yer qaʼridan foydalanish markazi” soʻzlari bilan almashtirilsin;
38-bandning ikkinchi xatboshisidagi “Davlat geologiya qoʻmitasiga” soʻzlari “Yer qaʼridan foydalanish markaziga” soʻzlari bilan almashtirilsin;
39-band quyidagi tahrirda bayon qilinsin:
“39. Ruxsatnoma rasmiylashtirilgan yer qaʼridan foydalanuvchi tomonidan tegishli yer qaʼri uchastkasi boʻyicha quyidagi hujjatlar toʻplami Yer qaʼridan foydalanish markaziga “Litsenziya” axborot tizimi yoki YIDXP orqali taqdim etiladi:
a) ruxsatnoma yer qaʼri uchastkasini geologik oʻrganish uchun berilganda, ruxsatnoma berilgan kundan boshlab 6 (olti) oy mobaynida:
yiriklashtirilgan texnik-iqtisodiy hisob-kitoblar;
atrof-muhitga taʼsir koʻrsatishi toʻgʻrisida ariza loyihasiga Ekologiya vazirligi tomonidan beriladigan ijobiy davlat ekologik ekspertiza xulosasi;
b) ruxsatnoma foydali qazilmalarni qazib olish va texnogen mineral hosilalardan foydalanish uchun berilganda, ruxsatnoma berilgan kundan boshlab 12 (oʻn ikki) oy mobaynida:
belgilangan tartibda ekspertizadan oʻtkazilgan texnik-iqtisodiy asoslar;
atrof-muhitga taʼsir koʻrsatishi toʻgʻrisida ariza loyihasiga Ekologiya vazirligi tomonidan beriladigan ijobiy davlat ekologik ekspertiza xulosasi.
Mazkur bandning “a” va “b” kichik bandlarida koʻrsatilgan hujjatlarni taqdim etish muddatlarini faqat bir marotaba, mos ravishda olti oygacha yoki bir yilgacha muddatga uzaytirishga ruxsat beriladi.
Buning uchun, ruxsatnoma rasmiylashtirilgan yer qaʼridan foydalanuvchi tomonidan mazkur bandning “a” va “b” kichik bandlarida koʻrsatilgan muddat tugashidan bir oy avval ushbu bandning sakkizinchi xatboshida koʻrsatilgan muddatlar chegarasida uzaytirish toʻgʻrisida aniq asoslar keltirilgan ariza “Litsenziya” axborot tizimi yoki YIDXP orqali Yer qaʼridan foydalanish markaziga taqdim etiladi.
Yer qaʼridan foydalanish markazi besh ish kunida taqdim etilgan arizani va unda keltirilgan asoslarni oʻrganib chiqadi hamda oʻrganish natijasi boʻyicha yer qaʼridan foydalanuvchiga “Litsenziya” axborot tizimi yoki YIDXP orqali hujjatlarni taqdim etish muddatini uzaytirish yoki arizani rad etish toʻgʻrisida maʼlum qiladi.
Ruxsatnoma rasmiylashtirilgan yer qaʼridan foydalanuvchi tomonidan taqdim etilishi zarur boʻlgan hujjatlar toʻplami mazkur bandning “a” va “b” kichik bandlarida belgilangan muddatlarda Yer qaʼridan foydalanish markaziga topshirilmagan taqdirda, unga rasmiylashtirilgan yer qaʼridan foydalanish huquqi uchun ruxsatnoma ushbu Nizomning 100-bandiga muvofiq muddatidan oldin bekor qilinadi.
Yer qaʼridan foydalanish markazi zarur hujjatlarni va boshqa vakolatli organlardagi mavjud axborotlarni belgilangan tartibda hamkorlik qilish orqali, shu jumladan, elektron shaklda mustaqil ravishda oladi, mazkur bandda nazarda tutilgan hujjatlar va axborotlar bundan mustasno;
Ushbu hujjatlar toʻplamini koʻrib chiqish uchun bazaviy hisoblash miqdorining 4 barobari miqdorida yigʻim undiriladi va Davlat xizmatlarini koʻrsatish uchun undirilgan yigʻim summasi quyidagi tartibda taqsimlanadi:
a) “Litsenziya” axborot tizimi orqali murojaat etilganda:
20 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga oʻtkaziladi;
0,5 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;
qolgan mablagʻlar toʻliq ruxsatnoma beruvchi Vakolatli organning budjetdan tashqari jamgʻarmasiga oʻtkaziladi;
b) YIDXP orqali murojaat etilganda:
10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga oʻtkaziladi;
11,25 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga oʻtkaziladi;
qolgan mablagʻlar toʻliq ruxsatnoma beruvchi Vakolatli organning budjetdan tashqari jamgʻarmasiga oʻtkaziladi.
Davlat xizmatlarini koʻrsatish uchun yigʻim toʻlanganligini tasdiqlash Yagona billing tizimi orqali amalga oshiriladi”;
40-bandning birinchi xatboshisidagi “Davlat geologiya qoʻmitasi” soʻzlari “Yer qaʼridan foydalanish markazi” soʻzlari bilan almashtirilsin;
41-42-bandlardagi tegishli kelishikdagi “Davlat geologiya qoʻmitasi” soʻzlari tegishli kelishikdagi “Yer qaʼridan foydalanish markazi” soʻzlari bilan almashtirilsin;
43-banddagi “Davlat geologiya qoʻmitasi” soʻzlari “Yer qaʼridan foydalanish markazi” soʻzlari bilan almashtirilsin;
44-bandning toʻrtinchi xatboshisi quyidagi tahrirda bayon qilinsin;
“Tenderning ishchi organi tender hujjatlarini ishlab chiqish, Ekologiya vazirligi va zarur hollarda boshqa davlat organlari bilan kelishishni taʼminlaydi”;
46-bandning birinchi va oʻn birinchi xatboshilaridagi “Davlat geologiya qoʻmitasi” soʻzlari “Togʻ-kon sanoati va geologiya vazirligi” soʻzlari bilan almashtirilsin;
56-bandning birinchi va uchinchi xatboshilaridagi tegishli kelishikdagi “Davlat geologiya qoʻmitasi” soʻzlari tegishli kelishikdagi “Yer qaʼridan foydalanish markazi” soʻzlari bilan almashtirilsin;
58-bandning birinchi va ikkinchi xatboshilaridagi, 59, 60 va 61-bandlardagi tegishli kelishikdagi “Davlat geologiya qoʻmitasi” soʻzlari tegishli kelishikdagi “Yer qaʼridan foydalanish markazi” soʻzlari bilan almashtirilsin;
64-bandda:
birinchi xatboshisidagi “Davlat geologiya qoʻmitasi” soʻzlari “Yer qaʼridan foydalanish markazi” soʻzlari bilan almashtirilsin;
quyidagi mazmundagi ikkinchi xatboshi bilan toʻldirilsin:
“Agar Yer qaʼridan foydalanish markazi ariza beruvchining ruxsatnomani berish toʻgʻrisidagi arizasini koʻrib chiqish, uni berish yoki berishni rad etish muddati mobaynida talabgorga ruxsatnomani bermasa va uni berishni rad etmasa, ushbu bobi 1-paragrafida nazarda tutilgan muddatlar oʻtganidan keyin ariza beruvchi amalga oshirilishi uchun ruxsatnoma olish niyatida boʻlgan faoliyatni (harakatni) amalga oshirish huquqiga, bu haqda Yer qaʼridan foydalanish markazini “Litsenziya” axborot tizimi yoki YIDXP orqali xabardor qilgan holda, ega boʻladi”;
ikkinchi xatboshi uchinchi xatboshi deb hisoblansin;
68-bandda:
ikkinchi xatboshidagi “Davlat ekologiya qoʻmitasiga” soʻzlari “Ekologiya vazirligiga” soʻzlari bilan almashtirilsin;
uchinchi xatboshidagi “Davlat geologiya qoʻmitasiga” soʻzlari “Yer qaʼridan foydalanish markaziga” soʻzlari bilan almashtirilsin;
72-band quyidagi tahrirda bayon qilinsin:
“72. Ariza beruvchi tomonidan yer qaʼri uchastkasidan foydalanish shartlari imzolanganidan soʻng vakolatli organ (Ekologiya vazirligiga — chiqindilarni saqlash va koʻmib tashlash uchun, Yer qaʼridan foydalanish markaziga — uglevodorodlarni yer ostida saqlash uchun) uch kun muddatda QR-kod (matrik shtrixli kod) qoʻyilgan ruxsatnomani rasmiylashtiradi”;
74-band quyidagi mazmundagi ikkinchi xatboshi bilan toʻldirilsin:
“Agar Yer qaʼridan foydalanish markazi ariza beruvchining ruxsatnomani berish toʻgʻrisidagi arizasini koʻrib chiqish, uni berish yoki berishni rad etish muddati mobaynida talabgorga ruxsatnomani bermasa va uni berishni rad etmasa, ushbu bob 2-paragrafida nazarda tutilgan muddatlar oʻtganidan keyin ariza beruvchi amalga oshirilishi uchun ruxsatnoma olish niyatida boʻlgan faoliyatni (harakatni) amalga oshirish huquqiga, bu haqda Yer qaʼridan foydalanish markazini “Litsenziya” axborot tizimi yoki YIDXP orqali xabardor qilgan holda, ega boʻladi”;
76-bandning birinchi xatboshisidagi “Davlat geologiya qoʻmitasiga” soʻzlari “Yer qaʼridan foydalanish markaziga” soʻzlari bilan almashtirilsin;
78 — 80-bandlardagi “Davlat geologiya qoʻmitasi” soʻzlari “Yer qaʼridan foydalanish markazi” soʻzlari bilan almashtirilsin;
82-bandda:
“Davlat geologiya qoʻmitasi” soʻzlari “Yer qaʼridan foydalanish markazi” soʻzlari bilan almashtirilsin;
quyidagi mazmundagi ikkinchi xatboshi bilan toʻldirilsin:
“Agar Yer qaʼridan foydalanish markazi ariza beruvchining ruxsatnomani berish toʻgʻrisidagi arizasini koʻrib chiqish, uni berish yoki berishni rad etish muddati mobaynida talabgorga ruxsatnomani bermasa va uni berishni rad etmasa, ushbu bob 3-paragrafida nazarda tutilgan muddatlar oʻtganidan keyin ariza beruvchi amalga oshirilishi uchun ruxsatnoma olish niyatida boʻlgan faoliyatni (harakatni) amalga oshirish huquqiga, bu haqda Yer qaʼridan foydalanish markazini “Litsenziya” axborot tizimi yoki YIDXP orqali xabardor qilgan holda, ega boʻladi”;
84-bandning birinchi xatboshisidagi “Davlat geologiya qoʻmitasiga” soʻzlari “Yer qaʼridan foydalanish markaziga” soʻzlari bilan almashtirilsin;
86 — 88-bandlardagi “Davlat geologiya qoʻmitasi” soʻzlari “Yer qaʼridan foydalanish markazi” soʻzlari bilan almashtirilsin;
90-bandda:
“Davlat geologiya qoʻmitasi” soʻzlari “Yer qaʼridan foydalanish markazi” soʻzlari bilan almashtirilsin;
quyidagi mazmundagi ikkinchi xatboshi bilan toʻldirilsin:
“Agar Yer qaʼridan foydalanish markazi ariza beruvchining ruxsatnomani berish toʻgʻrisidagi arizasini koʻrib chiqish, uni berish yoki berishni rad etish muddati mobaynida talabgorga ruxsatnomani bermasa va uni berishni rad etmasa, ushbu bob 4-paragrafida nazarda tutilgan muddatlar oʻtganidan keyin ariza beruvchi amalga oshirilishi uchun ruxsatnoma olish niyatida boʻlgan faoliyatni (harakatni) amalga oshirish huquqiga, bu haqda Yer qaʼridan foydalanish markazini “Litsenziya” axborot tizimi yoki YIDXP orqali xabardor qilgan holda, ega boʻladi”;
100-band quyidagi tahrirda bayon qilinsin:
“100. Yer qaʼri uchastkalaridan foydalanish huquqini cheklash, toʻxtatib turish yoki muddatidan oldin toʻxtatish vakolatli organ (Yer qaʼridan foydalanish markazi yoki Ekologiya vazirligi — chiqindilarni saqlash va koʻmib tashlash uchun) tomonidan sudga berilgan arizalari asosida sud tartibida amalga oshiriladi”;
104-bandning birinchi xatboshisi quyidagi tahrirda bayon qilinsin:
“104. Yer qaʼri uchastkalaridan foydalanish huquqi muddatidan oldin bekor qilinishiga asos boʻluvchi qoʻpol qoidabuzarliklarning roʻyxati”;
105-bandning birinchi xatboshisidagi “Davlat geologiya qoʻmitasi” soʻzlari “Yer qaʼridan foydalanish markazi” soʻzlari bilan almashtirilsin;
106-band quyidagi tahrirda bayon qilinsin:
“106. Yer qaʼri uchastkasidan foydalanish huquqi toʻxtatib turilganda va (yoki) toʻxtatilganda bu toʻgʻrida Yer qaʼridan foydalanish markazi uch ish kuni mobaynida mahalliy ijro etuvchi hokimiyat organlari, Ekologiya vazirligi, Soliq qoʻmitasi, Kon-geologiya vazirligi huzuridagi Togʻ-kon, geologiya va sanoat xavfsizligini nazorat qilish inspeksiyasi va yer qaʼri foydalanishga berilgan yuridik shaxsga qabul qilingan qaror toʻgʻrisida tegishli axborotni joʻnatadi”;
107-bandda:
birinchi xatboshidagi “Davlat geologiya qoʻmitasi” soʻzlari “Yer qaʼridan foydalanish markazi” soʻzlari bilan almashtirilsin;
uchinchi xatboshi quyidagi tahrirda bayon qilinsin:
“E-auksion” elektron savdo platformasida auksion orqali realizatsiya qilingan yer qaʼri uchastkalaridan foydalanish huquqi uchun ruxsatnomalarni ular berilgan sanadan boshlab ikki yil mobaynida boshqa shaxslar foydasiga voz kechish, shu jumladan yer qaʼri foydalanuvchilarining taʼsischilari (operatsion faoliyatini boshqarish ovoziga ega majoritar aksiyadorlari)ni toʻliq oʻzgartirish taqiqlanadi”;
108-banddagi “Davlat geologiya qoʻmitasi” soʻzlari “Yer qaʼridan foydalanish markazi” soʻzlari bilan almashtirilsin;
110-bandning birinchi, 111-bandning birinchi va toʻrtinchi xatboshilaridagi tegishli kelishikdagi “Davlat geologiya qoʻmitasi” soʻzlari tegishli kelishikdagi “Yer qaʼridan foydalanish markazi” soʻzlari bilan almashtirilsin;
1-ilova quyidagi tahrirda bayon qilinsin:
“Yer qaʼri uchastkalaridan foydalanish huquqi uchun ruxsatnomalar berish tartibi toʻgʻrisidagi nizomga
1-ILOVA
Strategik turdagi (asosiy) foydali qazilmalarni oʻz ichiga olgan yer qaʼri uchastkalaridan foydalanish huquqi uchun ruxsatnomalarni elektron onlayn-auksion orqali berish
SXEMASI

Bosqichlar

Subyektlar

Tadbirlar

Muddatlar

1 bosqich

(tayyorgarlik bosqichi)

Yer qaʼridan foydalanish markazi

Yer qaʼri uchastkalari roʻyxatini shakllantiradi va tasdiqlaydi.

Har yili

Yer qaʼridan foydalanish markazi

Yer qaʼridan foydalanish huquqini auksionda realizatsiya qilish uchun buyurtmanomalarni Davlat aktivlarini boshqarish agentligi huzuridagi “Elektron onlayn-auksionlarni tashkil etish markazi” davlat unitar korxonasiga (operatorga) taqdim etadi.

Tayyor boʻlishi bilan

Operator

Auksion oʻtkazilishi toʻgʻrisidagi xabarnomani oʻz veb-portalida joylashtiradi.

Buyurtma olingan kundan boshlab

2 bosqich

(auksionni oʻtkazish)

Ariza beruvchi

Auksionda ishtirok etish uchun elektron shaklda ariza topshiradi, unda lot raqami va yer qaʼri uchastkasi nomini koʻrsatadi.

60 kun mobaynida

Operator

Lot boʻyicha elektron auksion savdolari oʻtkazadi va auksion gʻolibini eʼlon qiladi.

1 ish kuni mobaynida

Auksion gʻolibi

Taklif summasining 100 foizini hamda yer uchastkasini ajratish materiallarini tayyorlash uchun sarflangan toʻlovlarni toʻlaydi.

Sotilgan obyektning qiymati BHMning 5 ming baravarigacha boʻlganda 10 ish kuni, 5 ming baravariga teng yoki undan ortiq boʻlganda 15 ish kuni mobaynida

3 bosqich

(ruxsatnoma berish)

Operator

Auksion gʻolibi (salohiyatli gʻolib) tomonidan sotib olish toʻlovlari toʻliq toʻlangandan soʻng auksion gʻolibiga bayonnoma rasmiylashtiradi hamda mazkur bayonnomani va u tomonidan imzolangan yer qaʼridan foydalanish shartlarini auksion gʻolibining va Yer qaʼridan foydalanish markazining shaxsiy kabinetiga elektron shaklda yuboradi.

1 ish kuni mobaynida

Yer qaʼridan foydalanish markazi

Bayonnoma asosida Yer qaʼri uchastkalaridan foydalanish huquqi uchun tegishli ruxsatnomani, ERI bilan imzolangan va QR-kod (matrik shtrixli kod) bilan rasmiylashtirilgan holda, “E-auksion” elektron savdo platformasi orqali Operatorga yuboradi.

1 ish kuni mobaynida

Operator

Auksion gʻolibiga rasmiylashtirilgan ruxsatnomani uning shaxsiy kabinetiga yuboradi.

1 ish kuni mobaynida

”;
2-ilovaning “Tadbirlar” ustunida:
“Davlat ekologiya qoʻmitasi” soʻzlari “Ekologiya vazirligi” soʻzlari bilan almashtirilsin;
“, Sanoat xavfsizligi davlat qoʻmitasi” soʻzlari chiqarib tashlansin.
4-ilova quyidagi tahrirda bayon qilinsin:
“Yer qaʼri uchastkalaridan foydalanish huquqi uchun ruxsatnomalar berish tartibi toʻgʻrisidagi nizomga
4-ILOVA
Strategik turdagi (asosiy) foydali qazilmalarni oʻz ichiga olgan yer qaʼri uchastkalaridan foydalanish huquqi uchun ruxsatnomalarni “birinchi kelgan birinchi oladi” tamoyiliga binoan toʻgʻridan-toʻgʻri muzokaralar natijalari boʻyicha berish
SXEMASI

Bosqichlar

Subyektlar

Tadbirlar

Muddatlari

1 bosqich

(ruxsatnoma olgunga qadar)

Ariza beruvchi

Yer qaʼri uchastkasidan foydalanish huquqi uchun litsenziya olish uchun Yer qaʼridan foydalanish markaziga “Litsenziya” axborot tizimi yoki YIDXP orqali buyurtma beradi.

Zarur boʻlganda

Yer qaʼridan foydalanish markazi

Soʻralayotgan yer qaʼri uchastkasi boʻyicha yiriklashtirilgan texnik-iqtisodiy asoslarni va (yoki) texnik-iqtisodiy asoslarni ishlab chiqish uchun geologik yoki boshqa maʼlumotlar toʻplamini hamda yer qaʼri uchastkasidan foydalanish shartlarini, shuningdek, yer uchastkasini ajratish materiallarini tayyorlash uchun sarflangan toʻlov qiymatini “Litsenziya” axborot tizimi yoki YIDXP orqali yuboradi.

20 kun mobaynida

2 bosqich

Ariza beruvchi

Yer qaʼri uchastkasidan foydalanish shartlarini elektron raqamli imzosi bilan imzolaydi hamda yer uchastkasini ajratish materiallarini tayyorlash uchun sarflangan toʻlovni toʻlaydi va “Litsenziya” axborot tizimi yoki YIDXP orqali Yer qaʼridan foydalanish markaziga yuboradi.

5 kun mobaynida

Yer qaʼridan foydalanish markazi

Yer qaʼri uchastkasidan foydalanish huquqi uchun QR-kod (matrik shtrixli kod) qoʻyilgan ruxsatnomani rasmiylashtiradi va uni oʻz elektron raqamli imzosi bilan tasdiqlaydi.

1 kun mobaynida

3 bosqich

(ruxsatnoma olgandan keyin)

Ariza beruvchi

Yiriklashtirilgan texnik-iqtisodiy asoslar hamda rejalashtirilayotgan faoliyatning atrof muhitga taʼsirini baholash ijobiy xulosasi;

6 oy mobaynida

Belgilangan tartibda ekspertizadan oʻtkazilgan texnik-iqtisodiy asoslar hamda rejalashtirilayotgan faoliyatning atrof muhitga taʼsirini baholash ijobiy xulosasini ilova qilgan holda Yer qaʼridan foydalanish markaziga “Litsenziya” axborot tizimi yoki YIDXP orqali taqdim etadi.

12 oy mobaynida

”;
6-ilovaning “Tadbirlar” ustunida:
“Davlat ekologiya qoʻmitasiga” soʻzlari “Ekologiya vazirligiga” soʻzlari bilan almashtirilsin;
“Davlat geologiya qoʻmitasiga” soʻzlari “Yer qaʼridan foydalanish markaziga” soʻzlari bilan almashtirilsin;
8-ilovaning “Subyektlar” va “Tadbirlar” ustunida tegishli kelishikdagi “Davlat geologiya qoʻmitasi” soʻzlari tegishli kelishikdagi “Yer qaʼridan foydalanish markazi” soʻzlari bilan almashtirilsin;
9-ilovaning 4-pozitsiyasi chiqarib tashlansin;
10-ilovaning “Subyektlar” va “Tadbirlar” ustunida tegishli kelishikdagi “Davlat geologiya qoʻmitasi” soʻzlari tegishli kelishikdagi “Yer qaʼridan foydalanish markazi” soʻzlari bilan almashtirilsin;
11-ilovaning nomidagi “OʻZBEKISTON RESPUBLIKASI DAVLAT GEOLOGIYA VA MINERAL RESURSLAR QOʻMITASI” soʻzlari “OʻZBEKISTON RESPUBLIKASI TOGʻ-KON SANOATI VA GEOLOGIYA VAZIRLIGI” soʻzlari bilan almashtirilsin;
12-ilovada:
4-pozitsiyadagi “Oʻzbekiston Respublikasi Davlat geologiya va mineral resurslar qoʻmitasi” soʻzlari “Togʻ-kon sanoati va geologiya vazirligi huzuridagi “Yer qaʼridan foydalanish markazi” davlat muassasasi” soʻzlari bilan almashtirilsin;
9-pozitsiyadagi “Oʻzbekiston Respublikasi sanoat xavfsizligi davlat qoʻmitasida” soʻzlari chiqarib tashlansin;
v) 2-ilovada:
4-banddagi “Davlat geologiya qoʻmitasi” soʻzlari “Togʻ-kon sanoati va geologiya vazirligi huzuridagi “Yer qaʼridan foydalanish markazi” davlat muassasasi (keyingi oʻrinlarda — Yer qaʼridan foydalanish markazi)” soʻzlari bilan almashtirilsin;
8-band quyidagi tahrirda bayon qilinsin:
“8. Bitta konni bir nechta yer qaʼridan foydalanuvchilar tomonidan qazib olish uchun yer qaʼri uchastkalaridan foydalanish huquqiga oid ruxsatnomalar berilishiga yoʻl qoʻyiladi. Bunda konni qazib olish Kon-geologiya vazirligi huzuridagi Togʻ-kon, geologiya va sanoat xavfsizligini nazorat qilish inspeksiyasi (keyingi oʻrinlarda — Kon-geologiya inspeksiyasi) va Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi (keyingi oʻrinlarda — Ekologiya vazirligi) bilan kelishilgan, yer qaʼridan oqilona foydalanishni va atrof-muhitning muhofaza qilinishini taʼminlovchi qazib olish tizimida amalga oshirilishi kerak”;
11-banddagi “Davlat geologiya qoʻmitasining” soʻzlari “Yer qaʼridan foydalanish markazining” soʻzlari bilan almashtirilsin;
15-bandning ikkinchi xatboshisidagi “Davlat geologiya qoʻmitasi” soʻzlari “Yer qaʼridan foydalanish markazi” soʻzlari bilan almashtirilsin;
16-band quyidagi tahrirda bayon qilinsin:
“16. Noruda foydali qazilmalarni oʻz ichiga olgan yer qaʼri uchastkalaridan foydalanish shartlarida geologik oʻrganish uchun quyidagilar nazarda tutiladi:
yer qaʼrini geologik oʻrganish boʻyicha yiriklashtirilgan texnik-iqtisodiy hisob-kitoblarni ishlab chiqish va Yer qaʼridan foydalanish markaziga topshirish muddati;
atrof-muhitga taʼsir koʻrsatishi toʻgʻrisida ariza loyihasiga Ekologiya vazirligi tomonidan beriladigan ijobiy davlat ekologik ekspertiza xulosasini Yer qaʼridan foydalanish markaziga topshirish muddati;
kon inshootlari va quduqlarni aholi hayoti va salomatligi, atrof-muhit xavfsizligini taʼminlaydigan holatga keltirish (rekultivatsiya qilish), shuningdek, foydalanishga yaroqsiz kon inshootlari va quduqlarni tugatish tartibi yoxud ushbu ishlarni bajarish dasturi (rejasi)ni ruxsatnoma muddati tugashidan bir yil avval Ekologiya vazirligi bilan kelishilgan holda Togʻ-kon, geologiya va sanoat xavfsizligini nazorat qilish inspeksiyasiga taqdim etish;
yer qaʼri uchastkasidan foydalanish bilan bogʻliq toʻlovlar, shu jumladan, yillik litsenziya toʻlovi toʻgʻrisidagi majburiyatlar;
geologik oʻrganishlar uchun ruxsatnomaga muvofiq ajratiladigan (ijaraga beriladigan) yer uchastkasining maydoni (gektarda);
geologik oʻrganishlar uchun yer qaʼridan foydalanganlik uchun har yillik litsenziya toʻlovini toʻlash uchun maxsus hisob raqam;
noruda foydali qazilmalar zaxiralarini tasdiqlash uchun materiallarni Kon-geologiya vazirligi huzuridagi Foydali qazilmalar zaxiralari boʻyicha Davlat komissiyasiga topshirish tartibi va muddatlari;
yer qaʼri uchastkalaridan foydalanish huquqining cheklanishi, toʻxtatib qoʻyilishi yoki muddatidan oldin bekor qilinishi mumkin boʻlgan shartlar”;
17-band quyidagi tahrirda bayon qilinsin:
“17. Yer qaʼri uchastkalaridan noruda foydali qazilmalarni qazib olish shartlarida quyidagilar nazarda tutiladi:
foydali qazilmalarni qazib olish boʻyicha texnik-iqtisodiy asoslarni ishlab chiqish va Yer qaʼridan foydalanish markaziga topshirish muddati;
atrof-muhitga taʼsir koʻrsatishi toʻgʻrisida ariza loyihasiga Ekologiya vazirligi tomonidan beriladigan ijobiy davlat ekologik ekspertiza xulosasini Yer qaʼridan foydalanish markaziga topshirish muddati;
Togʻ-kon, geologiya va sanoat xavfsizligini nazorat qilish inspeksiyasiga toʻqson kun mobaynida yer qaʼridan foydalanish boʻyicha loyihalarni taqdim etish va belgilangan tartibda kelishish majburiyati;
foydali qazilmalarni kavlab olish uchun yillik eng kam xarajatlar boʻyicha majburiyatlar miqdori, shu jumladan, Yer qaʼridan foydalanish markaziga yer qaʼri uchastkasidan foydalanish uchun texnik-iqtisodiy asoslarni taqdim etgan kundan boshlab ikki yil mobaynida bajariladigan minimal investitsiya majburiyatlari;
texnik loyihalar va kon ishlarini rivojlantirish rejalarini, zaxiralarni qazib olish va kon maydoni (uchastkalar)da qulayliklar yaratish loyihalarini tuzish tartibi va muddatlari;
marksheyderlik xizmatlari tomonidan tasdiqlangan choraklik va yillik foydali qazilmalarni kavlab olish hajmlari toʻgʻrisidagi hisobotlarni taqdim etish muddatlari;
qazib olingan foydali qazilmaga egalik qilish huquqi;
yer qaʼridan foydalanganlik uchun toʻlovlarni toʻlash shartlari;
zarur malakali mutaxassislarga ega boʻlish;
yer qaʼridan foydalanuvchining ijtimoiy majburiyatlari (mahalliy aholi uchun ish joylarini tashkil qilish, kerakli malakali mutaxassislarni jalb qilish va xodimlarni kasbga tayyorlash);
texnik va texnologik imkoniyatlar, shuningdek, belgilangan tartibda shartnoma asosida jalb qilinadigan texnika va asbob-uskunalar mavjudligi;
bir yil ichida yer qaʼri uchastkasidan foydalanishning boshlanish muddatlari;
yangi ish oʻrinlarini yaratish majburiyatlari;
texnogen mineral hosilalarni saqlash va qayta ishlash shartlari;
yer qaʼridan foydalanuvchining investitsiya majburiyatlari;
yer qaʼridan foydalanish sohasida, xavfli ishlar, ishlab chiqarish, xavfli tovarlar va moddalar aylanmasi, portlovchi moddalarga Togʻ-kon, geologiya va sanoat xavfsizligini nazorat qilish inspeksiyasida ruxsat berish jarayonlaridan oʻtish tartibi;
ruxsatnomaning egasi yer qaʼri uchastkasidan foydalanish huquqini (toʻliq yoki qisman) boshqa shaxsga berishi mumkin boʻlgan shartlar;
yer qaʼridan foydalanuvchining yer qaʼridan foydalanish oqibatlarini bartaraf qilish boʻyicha kafolatlarni taqdim etish va yangilab borish shartlari, shuningdek, ushbu ishlarni bajarish dasturi (rejasi)ni ruxsatnoma muddati tugashidan besh yil avval Ekologiya vazirligi bilan kelishilgan holda Togʻ-kon, geologiya va sanoat xavfsizligini nazorat qilish inspeksiyasiga taqdim etish;
yer qaʼri uchastkalaridan foydalanishning cheklanishi, toʻxtatib qoʻyilishi yoki muddatidan oldin bekor qilinishi mumkin boʻlgan shartlar”;
18-bandning birinchi — uchinchi xatboshilari quyidagi tahrirda bayon qilinsin:
“18. Texnogen mineral hosilalardan foydalanish uchun yer qaʼri uchastkalaridan foydalanish shartlarida quyidagilar nazarda tutiladi:
texnogen mineral hosilalardan foydalanish boʻyicha texnik-iqtisodiy asoslarni ishlab chiqish va Yer qaʼridan foydalanish markaziga topshirish muddati;
atrof-muhitga taʼsir koʻrsatishi toʻgʻrisida ariza loyihasiga Ekologiya vazirligi tomonidan beriladigan ijobiy davlat ekologik ekspertiza xulosasini Yer qaʼridan foydalanish markaziga topshirish muddati”;
19-bandning birinchi va 20-bandning ikkinchi xatboshilaridagi tegishli kelishikdagi “Davlat geologiya qoʻmitasi” soʻzlari tegishli kelishikdagi “Yer qaʼridan foydalanish markazi” soʻzlari bilan almashtirilsin;
23-bandning birinchi xatboshisi quyidagi tahrirda bayon qilinsin:
“23. Yer qaʼridan foydalanish muddati tugagunga qadar yer qaʼridan foydalanuvchi tomonidan Yer qaʼridan foydalanish markaziga “Litsenziya” axborot tizimi yoki YIDXP orqali yoʻllangan buyurtma boʻyicha yer qaʼridan foydalanuvchi tomonidan ruxsatnomada belgilangan shartlar bajarilgan taqdirda va yer qaʼrini geologik oʻrganishga doir ishlarni yakunlash, shuningdek, foydali qazilmalarni qazib olish, texnogen mineral hosilalardan foydalanish yoki foydali qazilmalarni qazib olish boʻyicha korxonalarni tugatish yoki konservatsiyalash boʻyicha ishlarni amalga oshirish zarur boʻlgan hollarda yer qaʼridan foydalanish muddatlari uzaytirilishi mumkin”;
25-band quyidagi tahrirda bayon qilinsin:
“25. Togʻ-kon sanoati va geologiya vazirligining investitsiya loyihalari boʻyicha hamda Kon-geologiya vazirligi va mahalliy ijro etuvchi hokimiyat organlari bilan tuzilgan ikki tomonlama kelishuv asosida noruda foydali qazilmalarni oʻz ichiga olgan yer qaʼri uchastkalaridan foydalanish huquqiga ruxsatnomalar “Litsenziya” axborot tizimi yoki YIDXP orqali “birinchi kelgan birinchi oladi” tamoyiliga binoan arizalarni toʻgʻridan-toʻgʻri koʻrib chiqish natijasida berilishi mumkin.
Ikki tomonlama kelishuvlar Oʻzbekiston Respublikasi Prezidentining hududlarga tashriflari vaqtidagi topshiriqlari, Oʻzbekiston Respublikasi Prezidenti Administratsiyasining topshiriqlari, Vazirlar Mahkamasi qarorlari va bayonlarini hisobga olgan holda amalga oshirish maqsadga muvofiqligi boʻyicha xulosalarini inobatga olgan holda tuziladi.
Bunday hollarda auksionga qoʻyilgan noruda foydali qazilmalarni oʻz ichiga olgan yer qaʼri uchastkasi boʻyicha “birinchi kelgan birinchi oladi” tamoyiliga binoan arizalarni toʻgʻridan-toʻgʻri koʻrib chiqish tashabbus qilinganda, u Kon-geologiya vazirligining qaroriga asosan auksiondan chiqarilishi mumkin.
Ikki tomonlama kelishuvlar loyihalarini tayyorlash, kelishish va jamlash Yer qaʼridan foydalanish markaziga yuklatiladi.
Yer qaʼridan foydalanish huquqini olish uchun talabgordan foydali qazilma turi va yer qaʼri uchastkasi maydoni (gektari) toʻgʻrisida murojaat qabul qilinadi. Bunda, yer qaʼri uchastkalaridan samarali foydalanish maqsadida Yer qaʼridan foydalanish markazi tomonidan maydonning kengligi koʻrib chiqiladi”;
26-bandning birinchi xatboshisidagi “bir yil” soʻzlari “ikki yil” soʻzlari bilan almashtirilsin;
28-band quyidagi tahrirda bayon qilinsin:
“28. “E-auksion” elektron savdo platformasida auksion orqali realizatsiya qilinadigan noruda foydali qazilmalarni oʻz ichiga olgan yer qaʼri uchastkalari roʻyxati Yer qaʼridan foydalanish markazi tomonidan narxi aniqlangan holda shakllantiriladi va har yili bir martadan kam boʻlmagan va Ekologiya vazirligi bilan kelishilgan holda tasdiqlanadi.
Noruda foydali qazilmalarni oʻz ichiga olgan yer qaʼri uchastkalarini auksion savdolariga chiqarishda foydali qazilmalarning turlariga qarab, ulardan samarali foydalanish, shuningdek, yer qaʼridan foydalanuvchilarga uzoq muddatli xom ashyo zaxirasi bilan hamda ishlab chiqarish faoliyatini uzluksiz taʼminlash maqsadida kon va maydonlar bir nechta uchastkalarga boʻlib qoʻyiladi.
Yer qaʼridan foydalanish markaziga auksionga qoʻyilmagan yoki roʻyxatga kiritilmagan yer qaʼri uchastkasidan foydalanish huquqini olish uchun talabgordan murojaat kelib tushgan taqdirda, ushbu yer qaʼri uchastkasidan foydalanish huquqi uchun ruxsatnoma “E-auksion” elektron savdo platformasi orqali oʻrnatilgan tartibda auksionga qoʻyiladi.
Yer qaʼri uchastkasidan foydalanish huquqini olish uchun talabgordan faqat geologik oʻrganish ishlarini amalga oshirish uchun yer qaʼri uchastkalari boʻyicha murojaat qabul qilinadi. Yer qaʼri uchastkalaridan samarali foydalanish maqsadida maydonning kengligiga (gektar) qarab, bir nechta yer qaʼri uchastkalariga boʻlib qoʻyilishi mumkin.
Bunda, mazkur Nizomning 21-bandida belgilangan foydali qazilmalarni qazib olish va texnogen mineral hosilalardan foydalanish uchun beriladigan muddat inobatga olinadi.
Yer qaʼridan foydalanish markazi yer uchastkasi unga ajratib berilgandan soʻng besh ish kuni davomida murojaat etilgan yer qaʼri uchastkalaridan foydalanish huquqini auksion savdolariga chiqarish muddatlari yoki ushbu yer uchastkalarini foydalanishga berishni rad etish toʻgʻrisida javob xatini talabgorga taqdim etadi.
Yer qaʼridan foydalanish markazi “E-auksion” elektron savdo platformasida auksion orqali realizatsiya qilinadigan noruda foydali qazilmalarni oʻz ichiga olgan yer qaʼri uchastkalari roʻyxatini tasdiqlaganidan soʻng, oʻzining rasmiy veb-saytida va ijtimoiy tarmoqlardagi kanalida eʼlon qilinadi”;
29-band quyidagi tahrirda bayon qilinsin:
“29. Noruda foydali qazilmalarni oʻz ichiga olgan yer qaʼri uchastkalaridan foydalanish huquqini savdoga qoʻyishning boshlangʻich narxi:
geologik qidiruv ishlari uchun — bazaviy hisoblash miqdorining oʻttiz olti baravari miqdorida;
foydali qazilmalarni qazib olish uchun — bazaviy hisoblash miqdorining yetmish ikki baravari miqdorida belgilanadi.
“E-auksion” elektron savdo platformasida realizatsiya qilishdan olingan pul mablagʻlari, shu jumladan ushlab qolingan zakalat summasi auksionni tashkil qilish xizmatlari uchun yer qaʼri uchastkasining sotilgan narxidan bir foizi operator hisobvaragʻiga, qolgan pul mablagʻlari Kon-geologiya vazirligining hisobvaragʻiga hamda yer qaʼri uchastkasi joylashgan tegishli tuman (shahar)lar mahalliy budjetlari oʻrtasida avtomatik tarzda teng ulushlarda taqsimlanadi.
Kon-geologiya vazirligiga oʻtkaziladigan mablagʻlar Oʻzbekiston Respublikasi hududida mineral xom ashyo bazasini rivojlantirish yillik davlat dasturlarini amalga oshirishga, auksion va tanlov savdolarini tashkil etish bilan bogʻliq xarajatlarni moliyalashtirishga, shuningdek vazirlikning moddiy-texnik bazasini mustahkamlash va ishchi-xodimlarini ragʻbatlantirishga maqsadli yoʻnaltiriladi”;
30-bandning birinchi xatboshisidagi “Davlat geologiya qoʻmitasiga” soʻzlari “Yer qaʼridan foydalanish markaziga” soʻzlari bilan almashtirilsin;
32-band quyidagi tahrirda bayon qilinsin:
“32. Auksion gʻolibi — yer qaʼri uchastkasidan foydalanish huquqiga onlayn-auksion natijalari boʻyicha ruxsatnoma rasmiylashtirilgan yer qaʼridan foydalanuvchi tomonidan 6 oy ichida tegishli yer qaʼri uchastkasi boʻyicha quyidagi hujjatlar toʻplami Yer qaʼridan foydalanish markaziga “Litsenziya” axborot tizimi yoki YIDXP orqali taqdim etiladi:
yiriklashtirilgan texnik-iqtisodiy hisob-kitoblar — ruxsatnoma yer qaʼri uchastkasini geologik oʻrganish uchun berilganda;
texnik-iqtisodiy asoslar — ruxsatnoma noruda foydali qazilmalarni qazib olish va texnogen mineral hosilalardan foydalanish uchun berilganda;
Ekologiya, atrof-muhitni muhofaza qilish va iqlim oʻzgarishi vazirligi tomonidan atrof muhitga taʼsir koʻrsatishi toʻgʻrisidagi ariza loyihasiga berilgan ijobiy davlat ekologik ekspertiza xulosasi.
Ushbu hujjatlar toʻplamini koʻrib chiqish uchun bazaviy hisoblash miqdorining toʻrt barobari miqdorida yigʻim undiriladi va Davlat xizmatlarini koʻrsatish uchun undirilgan yigʻim summasi quyidagi tartibda taqsimlanadi:
a) “Litsenziya” axborot tizimi orqali murojaat etilganda:
20 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga oʻtkaziladi;
0,5 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;
qolgan mablagʻlar toʻliq ruxsatnoma beruvchi Vakolatli organning budjetdan tashqari jamgʻarmasiga oʻtkaziladi;
b) YIDXP orqali murojaat etilganda:
10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga oʻtkaziladi;
11,25 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga oʻtkaziladi;
qolgan mablagʻlar toʻliq ruxsatnoma beruvchi Vakolatli organning budjetdan tashqari jamgʻarmasiga oʻtkaziladi.
Davlat xizmatlarini koʻrsatish uchun yigʻim toʻlanganligini tasdiqlash Yagona billing tizimi orqali amalga oshiriladi”;
33-bandning birinchi, toʻrtinchi, beshinchi va oltinchi xatboshilaridagi tegishli kelishikdagi “Davlat geologiya qoʻmitasi” soʻzlari tegishli kelishikdagi “Yer qaʼridan foydalanish markazi” soʻzlari bilan almashtirilsin;
34-band quyidagi mazmunda bayon qilinsin:
“34. Foydali qazilmalarni kavlab olish va texnogen mineral hosilalardan foydalanish uchun ruxsatnoma rasmiylashtirilgan yer qaʼridan foydalanuvchi uch ish kuni muddatda yer qaʼri uchastkasidan foydalanish shartlari loyihasini elektron raqamli imzosi bilan tasdiqlaydi va “Litsenziya” axborot tizimi yoki YIDXP orqali Yer qaʼridan foydalanish markaziga yuboradi.
Yer qaʼridan foydalanuvchi tomonidan yer qaʼri uchastkasidan foydalanish shartlari bir oy muddatda imzolanmasa yer qaʼridan foydalanish uchun ruxsatnoma berish rad etiladi va yer qaʼri uchastkasi qaytadan auksionga qoʻyiladi.
Yer qaʼridan foydalanish markazi yer qaʼridan foydalanuvchi tomonidan elektron raqamli imzo bilan tasdiqlangan yer qaʼri uchastkasidan foydalanish shartlari taqdim etilgandan soʻng bir ish kuni muddatda yer qaʼridan foydalanish uchun ruxsatnoma qayta rasmiylashtirilgani toʻgʻrisida tegishli reyestrga oʻzgartirishlar kiritadi va QR-kod (matrik shtrixli kod) qoʻyilgan yangi ruxsatnomani rasmiylashtiradi”;
35-bandning birinchi va 36-bandning uchinchi xatboshilaridagi “Davlat geologiya qoʻmitasi” soʻzlari “Yer qaʼridan foydalanish markazi” soʻzlari bilan almashtirilsin;
38-bandning birinchi xatboshisidagi “37-bandida” soʻzi “36 va 37-bandlarida” soʻzlari bilan almashtirilsin;
39-bandning birinchi va oltinchi xatboshilaridagi hamda 40-banddagi tegishli kelishikdagi “Davlat geologiya qoʻmitasi” soʻzlari tegishli kelishikdagi “Kon-geologiya vazirligi” soʻzlari bilan almashtirilsin;
41-band quyidagi tahrirda bayon qilinsin:
“41. Yer qaʼridan foydalanish markazi besh ish kuni muddatda buyurtmani va Kon-geologiya vazirligining hududiy boʻlinmalarining tegishli maʼlumotlarini oʻrganib chiqadi hamda noruda foydali qazilmalarni oʻz ichiga olgan yer qaʼri uchastkasidan foydalanish huquqiga ruxsatnoma berish yoki uni rad etish toʻgʻrisida qaror qabul qiladi”;
42, 43-bandning ikkinchi va 44-bandning birinchi xatboshilaridagi “Davlat geologiya qoʻmitasi” soʻzlari “Yer qaʼridan foydalanish markazi” soʻzlari bilan almashtirilsin;
45-bandi quyidagi mazmundagi sakkizinchi va toʻqqizinchi xatboshilar bilan toʻldirilsin:
“geologiya qidiruv ishlari natijalari toʻgʻrisidagi hisobot Davlat geologiya fondiga taqdim etilmagan boʻlsa;
ariza beruvchi yer qaʼridan foydalanish shartlarini oʻttiz kun muddatda imzolamaganda”;
sakkizinchi va toʻqqizinchi xatboshilar tegishlicha oʻninchi va oʻn birinchi xatboshilar deb hisoblansin;
46-bandda:
birinchi xatboshidagi “Davlat geologiya qoʻmitasi” soʻzlari “Yer qaʼridan foydalanish markazi” soʻzlari bilan almashtirilsin;
quyidagi mazmundagi ikkinchi xatboshi bilan toʻldirilsin:
“Agar Yer qaʼridan foydalanish markazi ariza beruvchining ruxsatnomani berish toʻgʻrisidagi arizasini koʻrib chiqish, uni berish yoki berishni rad etish muddati mobaynida talabgorga ruxsatnomani bermasa va uni berishni rad etmasa, ushbu bobda nazarda tutilgan muddatlar oʻtganidan keyin ariza beruvchi amalga oshirilishi uchun ruxsatnoma olish niyatida boʻlgan faoliyatni (harakatni) amalga oshirish huquqiga, bu haqda Yer qaʼridan foydalanish markazini “Litsenziya” axborot tizimi yoki YIDXP orqali xabardor qilgan holda ega boʻladi”;
49-band quyidagi tahrirda bayon qilinsin:
“49. Noruda foydali qazilmalarni oʻz ichiga olgan yer qaʼri uchastkalaridan foydalanish huquqiga oid ruxsatnomalarga muvofiq Togʻ-kon, geologiya va sanoat xavfsizligini nazorat qilish inspeksiyasi tomonidan berilgan kon ajratish dalolatnomalari noruda foydali qazilmalarni qazib olish va texnogen hosilalardan foydalanish uchun yer qaʼridan foydalanuvchiga zarur yer uchastkasining ajratilishiga asos hisoblanadi.
Noruda foydali qazilmalari yer uchastkalarining chegaralarini joyida belgilash ishlari Iqtisodiyot va moliya vazirligi huzuridagi Kadastr agentligi hamda Togʻ-kon, geologiya va sanoat xavfsizligini nazorat qilish inspeksiyasining hududlardagi boʻlinmalari tomonidan bir vaqtning oʻzida yer qaʼridan foydalanuvchi ishtirokida amalga oshiriladi”;
50, 55 va 57-bandlardagi “Davlat geologiya qoʻmitasi” soʻzlari “Yer qaʼridan foydalanish markazi” soʻzlari bilan almashtirilsin;
60-bandda:
birinchi xatboshi quyidagi tahrirda bayon qilinsin:
“60. Noruda foydali qazilmalarni oʻz ichiga olgan yer qaʼri uchastkalaridan foydalanish huquqi muddatidan oldin bekor qilinishiga asos boʻluvchi qoʻpol qoidabuzarliklarning roʻyxati”;
sakkizinchi xatboshi quyidagi tahrirda bayon qilinsin:
“Yer qaʼridan foydalanuvchilarga berilgan ruxsatnomalarning amal qilish muddati tugaganda yoki muddatidan oldin bekor qilinganda Yer qaʼridan foydalanish markazi bu haqda uch ish kuni muddatda Soliq qoʻmitasi, Ekologiya vazirligi hamda tegishli mahalliy ijro etuvchi hokimiyat organlarini yozma xabardor qiladi”;
toʻqqizinchi xatboshidagi “Davlat geologiya qoʻmitasi” soʻzlari “Yer qaʼridan foydalanish markazi” soʻzlari bilan almashtirilsin;
61-band quyidagi tahrirda bayon qilinsin:
“61. Yer qaʼridan foydalanuvchi faoliyatining tugatilishi yoki bekor qilinishi munosabati bilan noruda foydali qazilmalarni oʻz ichiga olgan yer qaʼri uchastkalaridan foydalanish huquqi bekor qilinganda. Yer qaʼridan foydalanish markazi tomonidan Ekologiya vazirligi va boshqa manfaatdor organlarga togʻ inshootlari va infratuzilma obyektlarini konservatsiya qilish yoki tugatish tartibi va muddatlari toʻgʻrisida qaror qabul qilinganligi bildirilishi shart. Bunday holatlarda yer qaʼri uchastkalari Yer qaʼridan foydalanish markazi balansiga oʻtkaziladi”;
62-bandda:
birinchi xatboshidagi “Davlat geologiya qoʻmitasi” soʻzlari “Yer qaʼridan foydalanish markazi” soʻzlari bilan almashtirilsin;
uchinchi xatboshi quyidagi tahrirda bayon qilinsin:
“E-auksion” elektron savdo platformasida auksion orqali realizatsiya qilingan yer qaʼri uchastkalaridan foydalanish huquqi uchun ruxsatnomalarni ular berilgan sanadan boshlab ikki yil mobaynida boshqa shaxslar foydasiga voz kechish, shu jumladan yer qaʼri foydalanuvchilarining taʼsischilari (operatsion faoliyatini boshqarish ovoziga ega majoritar aksiyadorlari)ni toʻliq oʻzgartirish taqiqlanadi”;
63-bandning birinchi, 64-bandning birinchi va uchinchi xatboshilaridagi tegishli kelishikdagi “Davlat geologiya qoʻmitasi” soʻzlari tegishli kelishikdagi “Yer qaʼridan foydalanish markazi” soʻzlari bilan almashtirilsin;
66-bandning birinchi xatboshisidagi “Davlat geologiya qoʻmitasi” soʻzlari “Yer qaʼridan foydalanish markazi” soʻzlari bilan almashtirilsin;
68 va 69-bandlardagi “Davlat geologiya qoʻmitasi” soʻzlari “Yer qaʼridan foydalanish markazi” soʻzlari bilan almashtirilsin;
71-band quyidagi tahrirda bayon qilinsin:
“71. Yer qaʼrini geologik oʻrganish, yer osti boyliklaridan foydalanish va muhofaza qilish yuzasidan davlat nazorati mahalliy ijro etuvchi hokimiyat organlari, shuningdek, Togʻ-kon, geologiya va sanoat xavfsizligini nazorat qilish inspeksiyasi va Ekologiya vazirligi tomonidan qonunchilik hujjatlarida belgilangan tartibda amalga oshiriladi”;
72-banddagi “Davlat geologiya qoʻmitasiga” soʻzlari “Yer qaʼridan foydalanish markaziga” soʻzlari bilan almashtirilsin;
1-ilova quyidagi tahrirda bayon qilinsin:
“Noruda foydali qazilmalarni oʻz ichiga olgan yer qaʼri uchastkalaridan foydalanish huquqini olish uchun ruxsatnomalar berish tartibi toʻgʻrisida nizomga
1-ILOVA
Noruda foydali qazilmalarni oʻz ichiga olgan yer qaʼri uchastkalaridan foydalanish huquqini elektron onlayn-auksion orqali berish
SXEMASI

Bosqichlar

Subyektlar

Tadbirlar

Muddatlar

1-bosqich

(tayyorgarlik bosqichi)

Yer qaʼridan foydalanish markazi

Noruda foydali qazilmalarni oʻz ichiga olgan yer qaʼri uchastkalari roʻyxatini shakllantiradi va tasdiqlaydi.

Har yili

Yer qaʼridan foydalanish markazi

Yer qaʼridan foydalanish huquqini auksionda realizatsiya qilish uchun buyurtmanomalarni Oʻzbekiston Respublikasi Davlat aktivlarini boshqarish agentligi huzuridagi “Elektron onlayn-auksionlarni tashkil etish markazi” davlat unitar korxonasiga (operatorga) taqdim etadi.

Tayyor boʻlishi bilan

Operator

Auksion oʻtkazilishi toʻgʻrisidagi xabarnomani oʻz veb-portalida joylashtiradi.

Buyurtma olingan kundan boshlab

2-bosqich

(auksion oʻtkazish)

Talabgorlar

Auksionda ishtirok etish uchun elektron shaklda ariza topshiradi, unda lot raqami va yer qaʼri uchastkasi nomini koʻrsatadi.

30 kun mobaynida

Operator

Lot boʻyicha elektron auksion savdolari oʻtkazadi va auksion gʻolibini eʼlon qiladi.

1 ish kuni mobaynida

Auksion gʻolibi

Auksionda gʻolib deb topilgan summaning 100 foizini hamda yer uchastkasini ajratish materiallarini tayyorlash uchun sarflangan toʻlovlarni toʻlaydi.

Sotilgan obyektning qiymati BHMning 5 ming baravarigacha boʻlganda 10 ish kuni, 5 ming baravariga teng yoki undan ortiq boʻlganda 15 ish kuni mobaynida

3-bosqich

(ruxsatnoma berish)

Operator

Auksion gʻolibi (salohiyatli gʻolib) tomonidan sotib olish toʻlovlari toʻliq toʻlangandan soʻng auksion gʻolibiga bayonnoma rasmiylashtiradi hamda mazkur bayonnomani va u tomonidan imzolangan yer qaʼridan foydalanish shartlarini auksion gʻolibining va Davlat geologiya qoʻmitasining shaxsiy kabinetiga elektron shaklda yuboradi.

1 ish kuni mobaynida

Yer qaʼridan foydalanish markazi

Bayonnoma asosida Yer qaʼri uchastkalaridan foydalanish huquqi uchun tegishli ruxsatnomani, ERI bilan imzolangan va QR-kod (matrik shtrixli kod) bilan rasmiylashtirilgan holda, “E-auksion” elektron savdo platformasi orqali Operatorga yuboradi.

1 ish kuni mobaynida

Operator

Auksion gʻolibiga rasmiylashtirilgan ruxsatnomani uning shaxsiy kabinetiga yuboradi.

1 ish kuni mobaynida

”;
3-ilova quyidagi tahrirda bayon qilinsin:
“Noruda foydali qazilmalarni oʻz ichiga olgan yer qaʼri uchastkalaridan foydalanish huquqini olish uchun ruxsatnomalar berish tartibi toʻgʻrisida nizomga
3-ILOVA
Noruda foydali qazilmalarni oʻz ichiga olgan yer qaʼri uchastkalaridan foydalanish huquqiga ruxsatnomalarni “birinchi kelgan birinchi oladi” tamoyiliga binoan arizalarni toʻgʻridan-toʻgʻri koʻrib chiqish natijasida berish
SXEMASI

Bosqichlar

Subyektlar

Tadbirlar

Muddatlari

1-bosqich

(ruxsatnoma olgunga qadar)

Ariza beruvchi

1. Yer qaʼridan foydalanish markaziga noruda foydali qazilma konlarida qazish ishlarini olib borish uchun “Litsenziya” axborot tizimi yoki YIDXP orqali buyurtma beradi (yer qaʼrini geologik oʻrganishga oid ishlarni moliyalashtirgan yer qaʼridan foydalanuvchi).

Zarur boʻlganda

2. Yer qaʼri uchastkalaridan foydalanish huquqini olish uchun Yer qaʼridan foydalanish markaziga ikki tomonlama tayyorlangan kelishuvga asosan “Litsenziya” axborot tizimi yoki YIDXP orqali buyurtma beradi.

Kelishuvga asosan

1-bosqich

(ruxsatnoma olgunga qadar)

Yer qaʼridan foydalanish markazi

Noruda foydali qazilmalarni oʻz ichiga olgan yer qaʼri uchastkalaridan foydalanish huquqiga toʻgʻridan-toʻgʻri muzokaralar asosida ruxsatnoma olish uchun buyurtma beruvchilarga soʻralayotgan yer qaʼri uchastkasi boʻyicha geologik yoki boshqa maʼlumotlar toʻplamini hamda yer uchastkasini ajratish materiallarini tayyorlash uchun sarflangan toʻlov qiymatini “Litsenziya” axborot tizimi yoki YIDXP orqali taqdim etadi.

20 kun mobaynida

2-bosqich

(ruxsatnoma olishga buyurtma topshirish va uni koʻrib chiqish)

Ariza beruvchi

Ilova qilinayotgan hujjatlar roʻyxati bilan Yer qaʼridan foydalanish markaziga “Litsenziya” axborot tizimi yoki YIDXP orqali buyurtma beradi hamda yer uchastkasini ajratish materiallarini tayyorlash uchun sarflangan toʻlov qiymatini toʻlaydi.

Zarur boʻlganda

Yer qaʼridan foydalanish markazi

Togʻ-kon, geologiya va sanoat xavfsizligini nazorat qilish inspeksiyasiga ariza beruvchi tomonidan taqdim etilgan buyurtma va ilova qilingan hujjatlarni oʻrganib chiqish uchun yuboradi.

2 kun mobaynida

Togʻ-kon, geologiya va sanoat xavfsizligini nazorat qilish inspeksiyasi

Joylardagi mahalliy ijro etuvchi hokimiyat organlari bilan birgalikda soʻralayotgan yer qaʼri uchastkasini, undan foydalanish imkoniyatlarini aniqlash uchun tekshirib chiqadi;

global pozitsion tizim asboblarini qoʻllab burchak koordinatlarini aniqlagan holda yer qaʼri uchastkasining joylashish oʻrnini aniqlashtiradi;

noruda foydali qazilmalar ruxsatsiz qazib olinganlik izlarining mavjud boʻlishi mumkinligini aniqlashtiradi;

ariza beruvchining taqdim etilgan hujjatlaridagi texnik va texnologik imkoniyatlarining muvofiqligini hamda zarur malakali mutaxassislarga ega boʻlishini oʻrganadi.

Olib borilgan ishlar natijalari boʻyicha maʼlumotlarni tayyorlaydi va Yer qaʼridan foydalanish markaziga yuboradi.

10 kun mobaynida

3-bosqich

(ruxsatnoma berish)

Yer qaʼridan foydalanish markazi

Togʻ-kon, geologiya va sanoat xavfsizligini nazorat qilish inspeksiyasining tegishli axborotlarini oʻrganib chiqadi hamda noruda foydali qazilmalarni oʻz ichiga olgan yer qaʼri uchastkalaridan foydalanish huquqiga ruxsatnoma berish yoki uni rad qilish toʻgʻrisida qaror qabul qiladi.

5 kun mobaynida

Ruxsatnoma berish va yer qaʼri uchastkasidan foydalanish shartlarini imzolash zarurligi toʻgʻrisida ariza beruvchiga “Litsenziya” axborot tizimi yoki YIDXP orqali maʼlum qiladi.

5 kun mobaynida

Ariza beruvchi

Yer qaʼri uchastkasidan foydalanish shartlarini elektron raqamli imzosi bilan imzolaydi.

3 kun mobaynida

Yer qaʼridan foydalanish markazi

Yer qaʼri uchastkasidan foydalanish huquqi uchun QR-kod (matrik shtrixli kod) qoʻyilgan ruxsatnomani rasmiylashtiradi

1 kun mobaynida

”;

4-ilovaning nomidagi “OʻZBEKISTON RESPUBLIKASI DAVLAT GEOLOGIYA VA MINERAL RESURSLAR QOʻMITASI” soʻzlari “OʻZBEKISTON RESPUBLIKASI TOGʻ-KON SANOATI VA GEOLOGIYA VAZIRLIGI” soʻzlari bilan almashtirilsin;
5-ilovada:
4-pozitsiyadagi “Oʻzbekiston Respublikasi Davlat geologiya va mineral resurslar qoʻmitasi” soʻzlari “Togʻ-kon sanoati va geologiya vazirligi huzuridagi “Yer qaʼridan foydalanish markazi” davlat muassasasi” soʻzlari bilan almashtirilsin;
5-pozitsiyadagi “Davlat ekologiya qoʻmitasi” soʻzlari “Ekologiya, atrof-muhitni muhofaza qilish va iqlim oʻzgarishi vazirligi” soʻzlari bilan almashtirilsin;;
9-pozitsiyadagi “Oʻzbekiston Respublikasi sanoat xavfsizligi davlat qoʻmitasida” soʻzlari chiqarib tashlansin;
g) 3-ilovada:
3-band quyidagi tahrirda bayon qilinsin:
“3. Qimmatbaho metallarni oltin izlovchilar usulida qazib olish uchun berilayotgan yer qaʼri uchastkalaridan foydalanish huquqi uchun ruxsatnomalar Togʻ-kon sanoati va geologiya vazirligi huzuridagi “Yer qaʼridan foydalanish markazi” davlat muassasasi (keyingi oʻrinlarda — Yer qaʼridan foydalanish markazi) tomonidan elektron onlayn-auksion natijalariga asosan ushbu Nizomning 1-ilovasiga muvofiq sxema boʻyicha beriladi”;
5-bandning birinchi va ikkinchi xatboshilaridagi “Davlat geologiya qoʻmitasi” soʻzlari “Yer qaʼridan foydalanish markazi” soʻzlari bilan almashtirilsin;
9-bandning ikkinchi xatboshisidagi “Davlat geologiya qoʻmitasining” soʻzlari “Yer qaʼridan foydalanish markazining” soʻzlari bilan almashtirilsin;
11-bandning birinchi xatboshisidagi “Davlat geologiya qoʻmitasi” soʻzlari “Yer qaʼridan foydalanish markazi” soʻzlari bilan almashtirilsin;
13-bandning birinchi, uchinchi va toʻrtinchi xatboshilaridagi tegishli kelishikdagi “Davlat geologiya qoʻmitasi” soʻzlari tegishli kelishikdagi “Yer qaʼridan foydalanish markazi” soʻzlari bilan almashtirilsin;
14-band quyidagi tahrirda bayon qilinsin:
“14. Yer uchastkalarining chegaralarini joyida belgilash ishlari Oʻzbekiston Respublikasi Iqtisodiyot va moliya vazirligi huzuridagi Kadastr agentligi hamda Kon-geologiya vazirligi huzuridagi Togʻ-kon, geologiya va sanoat xavfsizligini nazorat qilish inspeksiyasining hududlardagi boʻlinmalari tomonidan bir vaqtning oʻzida yer qaʼridan foydalanuvchi ishtirokida amalga oshiriladi.”;
17-banddagi “Davlat geologiya qoʻmitasi” soʻzlari “Yer qaʼridan foydalanish markazi” soʻzlari bilan almashtirilsin;
20-band quyidagi tahrirda bayon qilinsin:
“20. Reyestrga kiritilgan maʼlumotlar, ochiq boʻlgan maʼlumotlar bazasi hisoblanib, mazkur reyestr bilan yuridik va jismoniy shaxslar tanishib chiqishi mumkin”;
21-bandda:
toʻrtinchi va beshinchi xatboshilardagi “Davlat geologiya qoʻmitasi” soʻzlari “Yer qaʼridan foydalanish markazi” soʻzlari bilan almashtirilsin;
“a” kichik bandning toʻrtinchi xatboshisi quyidagi tahrirda bayon qilinsin:
“qolgan mablagʻlar toʻliq Kon-geologiya vazirligining budjetdan tashqari jamgʻarmasiga oʻtkaziladi”;
“b” kichik bandning toʻrtinchi xatboshisi quyidagi tahrirda bayon qilinsin:
“qolgan mablagʻlar toʻliq Kon-geologiya vazirligining budjetdan tashqari jamgʻarmasiga oʻtkaziladi”;
22-bandda:
birinchi xatboshidagi “kamida 6 oy oldin” soʻzlari chiqarib tashlansin;
birinchi va uchinchi — yettinchi xatboshilardagi tegishli kelishikdagi “Davlat geologiya qoʻmitasi” soʻzlari tegishli kelishikdagi “Yer qaʼridan foydalanish markazi” soʻzlari bilan almashtirilsin;
ikkinchi xatboshidagi “Davlat geologiya qoʻmitasi huzuridagi Kon-geologiya faoliyatini nazorat qilish inspeksiyasi” soʻzlari “Togʻ-kon sanoati va geologiya vazirligi huzuridagi Togʻ-kon, geologiya va sanoat xavfsizligini nazorat qilish inspeksiyasi” soʻzlari bilan almashtirilsin;
23-bandning toʻrtinchi xatboshisidagi “Davlat geologiya qoʻmitasi” soʻzlari “Yer qaʼridan foydalanish markazi” soʻzlari bilan almashtirilsin;
24-band quyidagi tahrirda bayon qilinsin:
“24. Yer qaʼridan foydalanuvchilar tomonidan ruxsatnoma berilgan yer qaʼri uchastkalarida qimmatbaho metallarni qazish ishlari boshlanishidan oldin mahalliy ijro etuvchi hokimiyat organlari, Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi, Kon-geologiya vazirligi huzuridagi Togʻ-kon, geologiya va sanoat xavfsizligini nazorat qilish inspeksiyasi yozma ravishda xabardor qilinishi shart”;
25-bandning yettinchi xatboshisidagi “Davlat geologiya qoʻmitasi huzuridagi Kon-geologiya faoliyatini nazorat qilish boʻyicha hududiy inspeksiyalarga” soʻzlari “Togʻ-kon sanoati va geologiya vazirligi huzuridagi Togʻ-kon, geologiya va sanoat xavfsizligini nazorat qilish hududiy inspeksiyalariga” soʻzlari bilan almashtirilsin;
59-banddagi “Davlat geologiya qoʻmitasining” soʻzlari “Yer qaʼridan foydalanish markazining” soʻzlari bilan almashtirilsin;
1-ilovaning “Subyektlar” va “Tadbirlar” ustunidagi tegishli kelishikdagi “Davlat geologiya qoʻmitasi” soʻzlari tegishli kelishikdagi “Yer qaʼridan foydalanish markazi” soʻzlari bilan almashtirilsin;
2-ilovaning nomidagi “OʻZBEKISTON RESPUBLIKASI DAVLAT GEOLOGIYA VA MINERAL RESURSLAR QOʻMITASI” soʻzlari “OʻZBEKISTON RESPUBLIKASI TOGʻ-KON SANOATI VA GEOLOGIYA VAZIRLIGI” soʻzlari bilan almashtirilsin;
3-ilovaning 4-pozitsiyasidagi “Oʻzbekiston Respublikasi Davlat geologiya va mineral resurslar qoʻmitasi” soʻzlari “Togʻ-kon sanoati va geologiya vazirligi huzuridagi “Yer qaʼridan foydalanish markazi” davlat muassasasi” soʻzlari bilan almashtirilsin;
d) 4-ilovada:
4-band quyidagi tahrirda bayon qilinsin:
“4. Ekspert xulosasi Oʻzbekiston Respublikasi Togʻ-kon sanoati va geologiya vazirligi huzuridagi “Yer qaʼridan foydalanish markazi” davlat muassasasi (keyingi oʻrinlarda — Yer qaʼridan foydalanish markazi) tomonidan “Litsenziya” axborot tizimi yoki YIDXP orqali beriladi”;
7-bandda:
birinchi xatboshidagi “Davlat geologiya qoʻmitasiga” soʻzlari “Yer qaʼridan foydalanish markaziga” soʻzlari bilan almashtirilsin;
quyidagi mazmundagi ikkinchi xatboshi bilan toʻldirilsin:
“Mineral xom ashyo bazasini rivojlantirish va qayta toʻldirish davlat dasturlari doirasida geologik loyiha-smeta hujjatlari boʻyicha ekspert xulosasini olish uchun Yer qaʼridan foydalanish markaziga toʻgʻridan-toʻgʻri murojaat qiladi”;
11-band quyidagi tahrirda bayon qilinsin:
“11. Yer qaʼridan foydalanish markaziga yuridik shaxslar tomonidan taqdim qilingan loyiha-smeta hujjatlariga ekspert xulosasini berish shartnoma asosida amalga oshiriladi.
Bunda bitta loyihaning ekspertizasi uchun xarajatlar loyihaning bir foizgacha boʻlgan qiymatida hisoblanadi. Ushbu qiymat shartnoma asosida toʻliq Yer qaʼridan foydalanish markazining hisobvaragʻiga oʻtkaziladi.
Davlat xizmatlarini koʻrsatish uchun bazaviy hisoblash miqdorining 30 foizi miqdorida yigʻim undiriladi.
Davlat xizmatlarini koʻrsatish uchun undirilgan yigʻim summasi quyidagi tartibda taqsimlanadi:
a) “Litsenziya” axborot tizimi orqali murojaat etilganda:
20 foizi — Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga oʻtkaziladi;
0,5 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;
qolgan mablagʻlar toʻliq ruxsatnoma beruvchi organning budjetdan tashqari jamgʻarmasiga oʻtkaziladi;
b) YIDXP orqali murojaat etilganda:
10 foizi — Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga oʻtkaziladi;
11,25 foizi Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga oʻtkaziladi;
qolgan mablagʻlar toʻliq ruxsatnoma beruvchi organning budjetdan tashqari jamgʻarmasiga oʻtkaziladi.
Davlat xizmatlarini koʻrsatish uchun yigʻim toʻlanganligini tasdiqlash Yagona billing tizimi orqali amalga oshiriladi.
Yer qaʼridan foydalanish markazi yetti kun muddatda shartnomani ariza beruvchiga “Litsenziya” axborot tizimi orqali taqdim etadi.
Ariza beruvchi oʻn kun muddatda shartnomada koʻrsatilgan pul mablagʻini Yer qaʼridan foydalanish markazining hisobvaragʻiga oʻtkazadi va oʻtkazilganligini tasdiqlovchi hujjatni “Litsenziya” axborot tizimi orqali taqdim qiladi”;
12-band quyidagi tahrirda bayon qilinsin:
“12. Yer qaʼridan foydalanish markazi besh kun muddatda loyiha-smeta hujjatlari loyihasini Kon-geologiya vazirligi huzuridagi Togʻ-kon, geologiya va sanoat xavfsizligini nazorat qilish inspeksiyasiga kelishish uchun “Litsenziya” axborot tizimi orqali yuboradi.
Togʻ-kon, geologiya va sanoat xavfsizligini nazorat qilish inspeksiyasi uch kun muddatda loyiha-smeta hujjatlari loyihasini koʻrib chiqadi va kelishilgan loyihani “Litsenziya” axborot tizimi orqali Yer qaʼridan foydalanish markaziga yuboradi.
Yer qaʼridan foydalanish markazi besh kun muddatda loyiha-smeta hujjatlarini koʻrib chiqadi va natijasi boʻyicha ariza beruvchiga ekspert xulosasini “Litsenziya” axborot tizimi yoki YIDXP orqali yuboradi”;
13 va 14-bandlardagi “Davlat geologiya qoʻmitasiga” soʻzlari “Yer qaʼridan foydalanish markaziga” soʻzlari bilan almashtirilsin;
17-banddagi “Davlat geologiya qoʻmitasi” soʻzlari “Yer qaʼridan foydalanish markazi” soʻzlari bilan almashtirilsin;
19-banddagi “Davlat geologiya qoʻmitasi” soʻzlari “Yer qaʼridan foydalanish markazi” soʻzlari bilan almashtirilsin;
20-band quyidagi tahrirda bayon qilinsin:
“20. Ariza beruvchining loyiha-smeta hujjatlari ekspertizasi natijalaridan kelib chiqadigan bahsli masalalar Yer qaʼridan foydalanish markazining tegishli boʻlimlarida koʻrib chiqiladi”;
21 — 23-bandlardagi tegishli kelishikdagi “Davlat geologiya qoʻmitasi” soʻzlari tegishli kelishikdagi “Yer qaʼridan foydalanish markazi” soʻzlari bilan almashtirilsin;
24 — 27-bandlar quyidagi tahrirda bayon qilinsin:
“24. Loyiha-smeta hujjatlari loyihalari Togʻ-kon sanoati va geologiya vazirligi tomonidan tasdiqlanadigan Geologiya-qidiruv ishlariga loyiha va smetalar tuzish boʻyicha yoʻriqnoma, Geologiya qidiruv uchun smeta normalari toʻplamlari va boshqa normativ-texnik hujjatlarga muvofiq tuzilishi kerak.
25. Neft va gaz quduqlari qurilishining loyiha-smeta hujjatlari Energetika vazirligi va “Oʻzbekneftgaz” AJ tomonidan tasdiqlanadigan normativ-texnik hujjatlarga muvofiq tuzilishi kerak.
26. Qidiruv xarajatlarini hisoblash Togʻ-kon sanoati va geologiya vazirligi tomonidan tasdiqlanadigan loyiha-smeta hujjatlari Qidiruv xarajatlarini amaldagi narxlarda hisoblash tartibi toʻgʻrisidagi yoʻriqnoma, Qidiruv xarajatlarini joriy narxlarda hisoblash tartibi toʻgʻrisidagi yoʻriqnoma va boshqa normativ-texnik hujjatlarga muvofiq amalga oshirilishi kerak.
27. Loyiha-smeta hujjatlarining smeta qiymati Togʻ-kon sanoati va geologiya vazirligi tomonidan tasdiqlanadigan smeta narxlari toʻplamida nazarda tutilgan Geologiya qidiruv ishlari narxlarini joriy narxlarda hisoblashning avtomatlashtirilgan dasturlari metodik qoʻllanmasiga va boshqa normativ-texnik hujjatlarga asosan hisoblanadi”;
30-banddagi tegishli kelishikdagi “Davlat geologiya qoʻmitasi” soʻzlari tegishli kelishikdagi “Yer qaʼridan foydalanish markazi” soʻzlari bilan almashtirilsin;
31-banddagi “Davlat geologiya qoʻmitasi” soʻzlari “Oʻzbekiston Respublikasi Togʻ-kon sanoati va geologiya vazirligi” soʻzlari bilan almashtirilsin;
32-banddagi “Davlat geologiya qoʻmitasiga” soʻzlari “Yer qaʼridan foydalanish markaziga” soʻzlari bilan almashtirilsin;
1-ilovaning “Subyektlar” va “Tadbirlar” ustunidagi tegishli kelishikdagi “Davlat geologiya qoʻmitasi” soʻzlari tegishli kelishikdagi “Yer qaʼridan foydalanish markazi” soʻzlari bilan almashtirilsin;
2-ilovada:
4-pozitsiyadagi “Oʻzbekiston Respublikasi Davlat geologiya va mineral resurslar qoʻmitasi” soʻzlari “Togʻ-kon sanoati va geologiya vazirligi huzuridagi “Yer qaʼridan foydalanish markazi” davlat muassasasi” soʻzlari bilan almashtirilsin;
6 va 7-pozitsiyalar quyidagi tahrirda bayon qilinsin:

“

6.

Arizani koʻrib chiqish uchun undiriladigan yigʻim miqdori:

Bazaviy hisoblash miqdorining 30 foizi.

7.

Ruxsat etish xususiyatiga ega hujjat berilganligi uchun undiriladigan yigʻim miqdori:

Loyihaning bir foizgacha boʻlgan qiymati. Ushbu qiymat shartnoma asosida toʻliq Yer qaʼridan foydalanish markazining hisob varagʻiga oʻtkaziladi.

”.
9-pozitsiya quyidagi tahrirda bayon qilinsin:

“

9.

Ruxsat etishga oid talab va shartlar:

Loyiha-smeta hujjatlari loyihalari Togʻ-kon sanoati va geologiya vazirligi tomonidan tasdiqlanadigan Geologiya-qidiruv ishlariga loyiha va smetalar tuzish boʻyicha yoʻriqnoma, Geologiya qidiruv uchun smeta normalar toʻplamlari va boshqa normativ-texnik hujjatlarga muvofiq tuzilishi kerak.

Neft va gaz quduqlari qurilishining loyiha-smeta hujjatlari Energetika vazirligi va “Oʻzbekneftgaz” AJ tomonidan tasdiqlanadigan normativ-texnik hujjatlarga muvofiq tuzilishi kerak.

Qidiruv xarajatlarini hisoblash Togʻ-kon sanoati va geologiya vazirligi tomonidan tasdiqlanadigan loyiha-smeta hujjatlari Qidiruv xarajatlarini amaldagi narxlarda hisoblash tartibi toʻgʻrisidagi yoʻriqnoma, Qidiruv xarajatlarini joriy narxlarda hisoblash tartibi toʻgʻrisidagi yoʻriqnoma va boshqa normativ-texnik hujjatlarga muvofiq amalga oshirilishi kerak.

Loyiha-smeta hujjatlarining smeta qiymati Togʻ-kon sanoati va geologiya vazirligi tomonidan tasdiqlanadigan smeta narxlari toʻplamida nazarda tutilgan Geologiya qidiruv ishlari narxlarini joriy narxlarda hisoblashning avtomatlashtirilgan dasturlari metodik qoʻllanmasiga va boshqa normativ-texnik hujjatlarga asosan hisoblanadi

”.
Vazirlar Mahkamasining 2023-yil 28-dekabrdagi 685-son qaroriga
4-ILOVA
Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan ayrim qarorlari
ROʻYXATI
1. Vazirlar Mahkamasining “Oʻzbekiston Respublikasi Xavfli geologik jarayonlarni kuzatish davlat xizmati faoliyatini takomillashtirish toʻgʻrisida” 2017-yil 13-noyabrdagi 909-son qarori.
2. Oʻzbekiston Respublikasi Vazirlar Mahkamasining “Yer osti suvlaridan foydalanishga oid ruxsat etuvchi hujjatlarni berish tartibini yanada takomillashtirish chora-tadbirlari toʻgʻrisida” 2021-yil 8-yanvardagi 9-son qaroriga 2-ilova.
3. Vazirlar Mahkamasining “Oʻzbekiston Respublikasi Gidrometeorologiya xizmati markazi faoliyatini tashkil etish toʻgʻrisida” 2021-yil 10-apreldagi 200-son qaroriga 3-ilovaning 7-bandi.
4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” 2022-yil 4-apreldagi 153-son qaroriga ilovaning 457-bandi.
(Qonunchilik maʼlumotlari milliy bazasi, 29.12.2023-y., 09/23/685/1010-son; 29.08.2025-y., 09/25/547/0788-son)