Oʻzbekiston Respublikasi Prezidentining
Farmoni
OʻZBEKISTON RESPUBLIKASI QUROLLI KUChLARIDA INTIZOMIY QISMLAR TOʻGʻRISIDAGI NIZOMNI TASDIQLASh HAQIDA
Oʻzbekiston Respublikasi Qurolli Kuchlarida Intizomiy qism haqida ilova qilinayotgan Nizom tasdiqlansin.
Oʻzbekiston Respublikasining Prezidenti I. KARIMOV
Toshkent sh.,
1996-yil 9-oktabr,
PF-1572-son
Oʻzbekiston Respublikasi
Prezidentining 1996-yil 9-oktabrdagi
PF-1572-son Farmoni bilan
TASDIQLANGAN
Oʻzbekiston Respublikasi Qurolli Kuchlarida intizomiy qism toʻgʻrisidagi
NIZOM
I bob.
UMUMIY QOIDALAR
Oldingi tahrirga qarang.
1. Ushbu Nizom sodir etgan jinoyatlari uchun sud tomonidan intizomiy qismga joʻnatish jazosiga hukm qilingan muddatli harbiy xizmat harbiy xizmatchilari tomonidan jazoni oʻtash va intizomiy qism faoliyatini tashkil etish tartibini belgilaydi.
(1-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
Oldingi tahrirga qarang.
2. Intizomiy qismga joʻnatish sodir etilgan jinoyat uchun jazo hisoblanadi hamda mahkumlarning axloqini tuzatish va ularni mehnatga va harbiy xizmatga ongli ravishda va halol munosabatda boʻlish, Oʻzbekiston Respublikasining Konstitutsiyasi va qonunlariga qatʼiy rioya etish, Vatanga qasamyod, Oʻzbekiston Respublikasi Qurolli Kuchlari umumharbiy nizomlarining talablarini hamda boshliqlarning buyruqlarini aniq bajarish ruhida qayta tarbiyalash, shuningdek mahkumlar tomonidan ham, boshqa shaxslar tomonidan ham yangi jinoyatlar sodir etilishining oldini olish maqsadini koʻzlaydi.
(2-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
3. Intizomiy qism ichki tartibi bir muncha qattiqroq boʻlgan harbiy qismdan iboratdir va u alohida shtat boʻyicha saqlanadi. Intizomiy qismning tashkiliy tuzilmasi va soni Oʻzbekiston Respublikasining Mudofaa vazirligi tomonidan belgilanadi.
4. Mahkumlarni intizomiy qismda saqlash uchun sudning qonuniy kuchga kirgan hukmi asos boʻladi.
Oldingi tahrirga qarang.
5. Quyidagilar mahkumlarning axloqini tuzatish va ularni qayta tarbiyalashning asosiy vositalari hisoblanadi: intizomiy qism uchun belgilangan tartib va jazoni oʻtash rejimi, ijtimoiy foydali mehnat, tarbiyaviy ish, jangovar va maʼnaviy-maʼrifiy tayyorgarlik.
(5-bandning birinchi xatboshisi Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
Axloq tuzatish va qayta tarbiyalash vositalari sodir etilgan jinoyatning xarakteri va ijtimoiy xavflilik darajasini hamda mahkumning shaxsiyatini, shuningdek uning xulq-atvori hamda mehnat va harbiy xizmatga munosabatini hisobga olgan holda qoʻllanilishi lozim.
6. Mahkumlarning intizomiy qismda boʻlgan vaqti muddatli harbiy xizmat muddatiga qoʻshilmaydi.
Intizomiy qismda ushlab turilgan vaqtni muddatli harbiy xizmat muddatiga qoʻshish toʻgʻrisidagi masala Oʻzbekiston Respublikasi Jinoyat-protsessual kodeksining 546-moddasiga muvofiq harbiy sud tomonidan koʻrib chiqiladi.
Oldingi tahrirga qarang.
7. Intizomiy qismda ushlab turilgan vaqtni muddatli harbiy xizmat muddatiga qoʻshish toʻgʻrisidagi iltimosnoma intizomiy qism komandiri tomonidan jazo muddati tugashidan bir oy ilgari qoʻzgʻatiladi hamda shu muddat bevosita tugaganidan keyin hududiy harbiy sudning sudyasi tomonidan koʻrib chiqiladi. Intizomiy qismda boʻlish vaqtini shartli ravishda muddatidan ilgari ozod qilingan mazkur shaxslarning muddatli harbiy xizmat muddatiga qoʻshish toʻgʻrisida hududiy harbiy sudning qarori intizomiy qism komandiri tomonidan sud ajrim chiqarganidan keyin uch kundan kechiktirilmay Mudofaa vazirligiga maʼlum qilinadi.
(7-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
8. Intizomiy qismda jazoni oʻtayotgan shaxslar Oʻzbekiston Respublikasi fuqarolari uchun qonunlarda belgilangan majburiyatlarga amal qiladilar hamda huquqlardan ushbu Nizomda koʻzda tutilgan cheklashlarga rioya etilgan holda foydalanadilar. Shaxsiy tarkibning intizomiy qismda xizmat qilish shart-sharoitlaridan kelib chiqadigan burchlari, huquqlari va oʻzaro munosabatlari harbiy nizomlar hamda ushbu Nizom bilan belgilanadi.
Oldingi tahrirga qarang.
9. Intizomiy qismga rahbarlik Mudofaa vazirligi zimmasiga yuklanadi, u ofitser kadrlarni tanlash va joy-joyiga qoʻyish, intizomiy qismni doimiy ish jabhasi bilan taʼminlash hamda mahkumlarning mehnatini tashkil etish, jangovar va maʼnaviy-maʼrifiy tayyorgarligi va ularni tarbiyalash ustidan nazorat olib borish kabi ishlarni amalga oshiradi.
(9-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
Oldingi tahrirga qarang.
10. Intizomiy qismning kontrakt boʻyicha harbiy xizmatchi lavozimlari qoʻl ostidagilarni tarbiyalash va oʻqitishda zarur tajribaga ega boʻlgan, mahkumlar orasida tegishli tartib va mustahkam harbiy intizomni saqlab tura oladigan, eng intizomli, irodali, harbiy jihatdan yaxshi tayyorgarlik koʻrgan ofitserlar va serjantlar tarkibidan boʻlgan kontrakt boʻyicha harbiy xizmatchilar bilan belgilangan tartibda butlanadi.
Intizomiy qism komandiri va uning oʻrinbosarlari hamda guruh komandirlari lavozimlariga tayinlanadigan ofitserlar qoʻshinlarda komandirlik lavozimlari yoki shaxsiy tarkib bilan ishlash boʻyicha komandir oʻrinbosari lavozimida kamida ikki yillik xizmat stajiga ega boʻlishi kerak.
(10-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
Oldingi tahrirga qarang.
(11-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 16.12.2022-y., 06/22/263/1092-son)
Oldingi tahrirga qarang.
(12-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 16.12.2022-y., 06/22/263/1092-son)
Oldingi tahrirga qarang.
(13-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 16.12.2022-y., 06/22/263/1092-son)
14. Intizomiy qismda ichki va qorovullik xizmatlari Oʻzbekiston Respublikasi Qurolli Kuchlari Ichki xizmat nizomining, Garnizon va qorovullik xizmatlari nizomining hamda mazkur Nizomning talablariga muvofiq tashkil etiladi.
Oldingi tahrirga qarang.
Mahkumlar qorovullik xizmatini oʻtashga jalb etilmaydilar. Axloqi tuzalayotganlar jumlasidan boʻlgan mahkumlar intizomiy guruh boʻyicha navbatchi va oshxonada ishchi etib tayinlanishlari mumkin.
(14-bandning ikkinchi xatboshisi Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
II bob.
MAHKUMLARNI INTIZOMIY QISMGA JOʻNATISh VA ULARNI QABUL QILISh TARTIBI
Oldingi tahrirga qarang.
15. Intizomiy qismga joʻnatish jazosiga hukm qilingan shaxslar hukm qonuniy kuchga kirgunga qadar Oʻzbekiston Respublikasi Qurolli Kuchlarining Garnizon va qorovullik xizmatlari nizomida belgilangan tartibda gauptvaxtada saqlanadilar. Intizomiy qismda jazoni oʻtash muddati hukmda koʻrsatilgan vaqtdan boshlab hisoblanadi.
(15-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
16. Hukm qonuniy kuchga kirgandan keyin mahkum intizomiy qismga joʻnatiladi. Qism komandiri qonuniy kuchga kirgan hukmni ijro etish toʻgʻrisida suddan farmoyish olgandan keyin uch kun muddatda mahkumni soqchilar kuzatuvida intizomiy qismga joʻnatadi va hukm chiqargan sudga maʼlum qiladi.
17. Qism komandiri (garnizon boshligʻi) soqchilar boshligʻi bilan intizomiy qismga quyidagilarni yuboradi:
a) ilova hujjati;
Oldingi tahrirga qarang.
b) sud hukmining bir nusxasi va qonuniy kuchga kirgan hukmni ijro etish toʻgʻrisidagi farmoyish, hukm oʻzgartirilgan hollarda esa sud ajrimining nusxasi ham;
(17-bandning “b” kichik bandi Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
v) xizmat roʻyxatiga oid va xizmat varaqlari hamda tibbiy daftarcha;
Oldingi tahrirga qarang.
g) harbiy guvohnoma;
(17-bandning “g” kichik bandi Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
d) oziq-ovqat, buyum va pul attestatlari;
e) qism komandiri (garnizon boshligʻi) yoki qism shtabining boshligʻi va mahkum tomonidan imzolangan shaxsiy buyumlar roʻyxati (ikki nusxada), bu roʻyxatga mahkumning orden, medallari, koʻkrak nishonlari, ularning hujjatlari, pullari, qimmatbaho va boshqa barcha buyumlari yozib qoʻyiladi.
Oldingi tahrirga qarang.
(18-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 16.12.2022-y., 06/22/263/1092-son)
19. Mahkumning intizomiy qismga kelganligi hamda roʻyxatda sanab oʻtilgan hujjatlar va buyumlarni olganligi toʻgʻrisida intizomiy qismning komandiri shaxsiy buyumlar roʻyxatining ikkinchi nusxasida tilxat beradi, uni gerbli muhr bilan tasdiqlaydi va roʻyxatning shu nusxasini soqchilar boshligʻi bilan mahkum kelgan qism komandiri (garnizon boshligʻi)ga qaytaradi. Shaxsiy buyumlar roʻyxatining birinchi nusxasi intizomiy qismda qoladi. Mahkumning kelishi toʻgʻrisida intizomiy qism komandiri hukm chiqargan sudga uch kun muddat ichida maʼlum qiladi.
20. Mahkumga tegishli boʻlgan pullar va qimmatbaho buyumlarni soqchilar boshligʻi intizomiy qismning moliya xizmatiga topshiradi, bu erda ular mahkumning shaxsiy hisobiga yozib qoʻyiladi. Ordenlar, medallar, koʻkrak nishonlari va ularning hujjatlari intizomiy qism shtabida muhrlangan seyf (temir shkaf)da, qolgan shaxsiy buyumlar esa maxsus omborxonada saqlanadi.
21. Intizomiy qismda barcha mahkumlarga quyidagilar yuritiladi:
a) mahkumlarni hisobga olish daftari (shakli boʻyicha): familiyasi, ismi, otasining ismi, tugʻilgan yili; chaqirilgan sanasi, qaysi qismdan va qachon kelganligi; qaysi sud tomonidan, nima uchun jinoyat tarkibi va Jinoyat kodeksining moddasi) hamda qancha muddatga hukm qilinganligi; jazo muddati qachon tugashi; harbiy unvoni va hukm etilgunga qadar qanday lavozimni egallaganligi; oilaviy ahvoli va oilasining manzilgohi: mahkumdan qabul qilib olingan ordenlar, medallarning, koʻkrak nishonlarining hamda ularga oid hujjatlarning nomlari; qabul qilib olingan pullarning miqdori, qimmatli qogʻozlarning nomi (summasi); intizomiy qismdan qachon ozod qilinganligi va qayoqqa joʻnab ketganligi; mahkumning qismga kelishi toʻgʻrisidagi belgi (harbiy qism komandiri xabarnomasining raqami va sanasi);
b) mahkumning shaxsiy buyumlari roʻyxati;
Oldingi tahrirga qarang.
v) shaxsiy hujjatlar yigʻmajildi (ilova hujjati, sud hukmining bir nusxasi va qonuniy kuchga kirgan hukmni ijro etish toʻgʻrisidagi farmoyish, hukm oʻzgartirilgan hollarda esa sud ajrimining nusxasi ham, xizmat roʻyxatiga oid va xizmat varaqlari, tibbiy daftarcha, harbiy guvohnoma, taʼrifnoma va boshqalar).
(21-bandning “v” kichik bandi Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
22. Mahkumlar qismga kelgan kundan boshlab intizomiy qismning oʻzgaruvchan tarkibi roʻyxatlariga kiritib qoʻyiladilar va ular qaysi harbiy qismdan kelishgan boʻlsa oʻsha qismlar hisobidan taʼminlanadilar.
III bob.
MAHKUMLARNI JOYLAShTIRISh VA ULARNI SAQLASh REJIMI
23. Intizomiy qism garnizonning boshqa harbiy qismlaridan alohida joylashtiriladi.
Oldingi tahrirga qarang.
24. Soqchilik, xizmat koʻrsatish boʻlinmalarini, intizomiy qismning kontrakt boʻyicha xizmatchilarini joylashtirish uchun moʻljallangan barcha xizmat xonalari, turar joy binolari va yashash xonadonlari, shuningdek oʻqotar qurollar va oʻq-dori omborlari mahkumlarni joylashtirish, ularga xizmat koʻrsatish uchun moʻljallangan hududdan (zonadan) tashqarida boʻladi.
(24-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
25. Mahkumlarni joylashtirish hamda ularga xizmat koʻrsatish uchun moʻljallangan turar joy binolari va turar joy boʻlmagan boshqa binolar joylashgan hudud (zona) balandligi kamida 2,5 metr boʻlgan tashqi (asosiy) va ichki toʻsiqlarga ega boʻlishi kerak. Tashqi (asosiy) va ichki toʻsiqlar oʻrtasidagi oraliq man qilingan zona hisoblanadi va kengligi 10 metr va undan koʻproq boʻlishi mumkin. Man qilingan zona soqchilikning texnikaviy vositalari bilan, toʻsiqning tashqi tomoniga tutashadigan kengligi kamida 5 metrli iz — nazorat polosasi bilan jihozlanadi hamda “MAN QILINGAN ZONA — OʻTISh TAQIQLANGAN” degan ogohlantiruvchi lavhalar bilan belgilab qoʻyiladi.
Man qilingan zona postlarning joylashish sxemasida koʻrsatiladi va mahkumlarga eʼlon qilinadi.
Mahkum qochgan taqdirda qurol belgilangan tartibda qoʻllaniladi: man qilingan zonadan oʻtilganida “TOʻXTA, OTAMAN” deb qichqirilgandan keyin yuqoriga ogohlantirib oʻq uziladi va asosiy toʻsiqdan oʻtilganda esa shikastlash maqsadida otiladi.
26. Intizomiy qism hududiga kiriladigan darvoza hamisha qulflangan boʻlishi va qism navbatchisining farmoyishi bilan ochilishi lozim.
27. Mahkumlar joylashtiriladigan xonalarning deraza va eshiklariga metall panjaralar oʻrnatilishi kerak. Xonalarda kechasi har ehtimolga qarshi bitta chiroq yoqib qoʻyiladi.
28. Mahkumlar intizomiy qism hududi tashqarisiga ish va mashgʻulotlar uchun boʻlinma yoki vzvod tarkibida saf tortgan holda (mahkumlarning chiqishi va qaytishi daftariga yozib qoʻyiladi) qurollangan soqchilar qoʻriqchiligida va tegishli komandirlar boshchiligida olib chiqiladilar. Soqchilar soni har bir alohida intizomiy qism komandiri tomonidan belgilanadi hamda ular ish yoki mashgʻulotlar vaqtida mahkumlarning puxta qoʻriqlanishini va ularning xatti-harakatlari tegishlicha nazorat qilinishini taʼminlashlari lozim. Hudud (zona)ga kiruvchi va chiquvchi avtomobil transporti qism navbatchisi tomonidan koʻzdan kechirib chiqiladi. Axloqi tuzalayotganlar toifasiga kiritilgan ayrim mahkumlarga intizomiy qism komandiri tomonidan agar ular bajarayotgan ishning turi taqozo etgan taqdirda soqchilarsiz yurishga ruxsat berilishi mumkin. Soqchilarsiz yurishga ruxsatnoma intizomiy qism komandirining buyrugʻi bilan rasmiylashtiriladi.
29. Soqchilar Oʻzbekiston Respublikasi Qurolli Kuchlarining Garnizon va qorovullik xizmatlari nizomi talablariga muvofiq xizmat qiladilar va belgilangan tartibning mahkumlar tomonidan buzilishiga yoʻl qoʻymasliklari, ular ishga vijdonan munosabatda boʻlishlarini va begona shaxslar bilan muloqot qilmasliklarini kuzatib borishlari shart. Mahkumlar belgilangan tartibni har qanday tarzda buzganliklari haqida soqchilar tegishli komandirga maʼlum qiladilar. Mahkum qochgan hollarda soqchilar Oʻzbekiston Respublikasi Qurolli Kuchlari Garnizon va qorovullik xizmatlari nizomi talablariga muvofiq qurol ishlatadilar.
Oldingi tahrirga qarang.
30. Mahkumlarning nomiga keladigan posilka, yoʻqlov va banderollar tekshirib chiqiladi. Ularni tekshirib chiqish va mahkumlarga topshirish tartibi intizomiy qism komandiri tomonidan belgilanadi.
(30-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
Oldingi tahrirga qarang.
31. Mahkumlarning nomiga keladigan posilkada, yoʻqlovda, banderolda, xatda mahkum ega boʻlishi man qilingan predmet yoki buyumlar topilganida ular olib qoʻyilib, mahkumning shaxsiy buyumlar roʻyxatiga kiritiladi va jazo muddati oʻtab boʻlingunga qadar uning boshqa shaxsiy buyumlari bilan birga saqlanadi.
(31-bandning birinchi xatboshisi Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
Qurol, pichoq, zaharli va narkotik moddalar olib qoʻyilib, mahkumga qaytarib berilmaydi. Shunday predmetlar va moddalar topilgani haqida intizomiy qism komandiri darhol harbiy prokurorga maʼlum qiladi.
32. Mahkumlarning nomiga kelgan pullar ularning shaxsiy hisob-varaqlariga qoʻshib qoʻyiladi, bu haqda ular xabardor qilinadi. Bu pullar ularga intizomiy qismdan ozod boʻlish chogʻida beriladi.
Oldingi tahrirga qarang.
33. Mahkumlar tomonidan joʻnatiladigan xatlar intizomiy qism saf boʻlimiga yopiq holda topshiriladi. Xatlarni ochib koʻrish man etiladi.
(33-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
Oldingi tahrirga qarang.
34. Mahkumlarning qarindoshlari va boshqa shaxslar bilan uchrashuvlari Oʻzbekiston Respublikasi Jinoyat-ijroiya kodeksining 151-moddasida belgilangan tartibda amalga oshiriladi.
Tashrifchilar olib kelgan oziq-ovqat mahsulotlari hamda mahkumlar tomonidan foydalanish uchun ruxsat berilgan buyumlar va predmetlar mahkumlarga olib borib berish uchun intizomiy qism komandiri tomonidan tayinlangan shaxsga topshiriladi.
(34-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
Oldingi tahrirga qarang.
35. Mahkumlarga taʼtillar Oʻzbekiston Respublikasi Jinoyat-ijroiya kodeksining 154-moddasida belgilangan tartibda beriladi va bu haqida intizomiy qism komandiri tomonidan tegishli prokuror xabardor qilinadi.
(35-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
36. Hukm qilingan barcha harbiy xizmatchilar intizomiy qismda jazoni oʻtash davrida oddiy askarlarning pogonlarini taqib yuradilar. Mahkumlarga murojaat etish chogʻida ular “oddiy askar” unvoni va familiyasi boʻyicha ataladilar. Mahkumlar boshliqlarga va kattalarga Oʻzbekiston Respublikasi Qurolli Kuchlari Ichki xizmat nizomining talablariga muvofiq murojaat qiladilar.
Oldingi tahrirga qarang.
37. Intizomiy qismda kun tartibini qism komandiri belgilaydi. Kun tartibida quyidagilar albatta koʻzda tutiladi: ishlab chiqarishda ishlash — 8 soat, tungi uyqu — 8 soat, ovqatlanish — kuniga uch mahal, haftasiga bir kun (shanba) — jangovar va maʼnaviy-maʼrifiy tayyorgarlik mashgʻulotlari uchun.
(37-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
Oldingi tahrirga qarang.
38. Mahkumlarning murojaatlari Oʻzbekiston Respublikasining “Jismoniy va yuridik shaxslarning murojaatlari toʻgʻrisida”gi Qonuni, Oʻzbekiston Respublikasining Jinoyat-ijroiya kodeksi hamda Oʻzbekiston Respublikasi Qurolli Kuchlarining Intizom nizomida belgilangan tartibda koʻrib chiqiladi va hal etiladi.
(38-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
IV bob.
INTIZOMIY QISMDA MEHNATNI TAShKIL QILISh VA MAHKUMLAR BILAN TARBIYAVIY ISh
39. Mahkumlar ishlab chiqarish korxonalarida, intizomiy qism ustaxonalarida, qurilishda va Oʻzbekiston Respublikasi Mudofaa vazirligining boshqa obyektlarida mehnatga jalb etiladilar. Mehnatni tashkil etish mahkumlarning axloqini tuzatish va ularni qayta tarbiyalash vazifasiga boʻysundirilishi hamda ularning doimiy va toʻliq band boʻlishlarini taʼminlashi lozim.
Mahkumlarga mehnat uchun pul haqi yozilmaydi. Mahkumlar tomonidan qoʻshinlar ehtiyoji uchun bajariladigan ishlarga pul mablagʻlari toʻlanmaydi va davlat budjeti daromadiga oʻtkazilmaydi.
Mahkumlar Oʻzbekiston Respublikasi Mudofaa vazirligining hamda boshqa vazirliklar va idoralarning xoʻjalik hisobidagi korxonalari va tashkilotlaridagi ishlarga jalb etilgan hollarda ular ishlab topgan pullar ijro varaqalarini toʻlash uchun mahkumlarning shaxsiy hisobvaraqlariga qoʻshib qoʻyilishi yoki intizomiy qism shaxsiy tarkibining turmushini yaxshilashda va kazarma-uy-joy fondini obodonlashtirishda foydalanish uchun Mudofaa vazirligining daromadiga topshirilishi lozim.
Oldingi tahrirga qarang.
40. Mahkumlar bilan olib boriladigan tarbiyaviy ishlar ularda Oʻzbekiston Respublikasiga, oʻz xalqiga, Vatanga qasamyodga va harbiy nizomlarga sadoqatni, shuningdek oʻz Vatanining tarixi va anʼanalariga chuqur hurmatni shakllantirishga yoʻnaltirilishi lozim.
(40-bandning birinchi xatboshisi Oʻzbekiston Respublikasi Prezidentining 2020-yil 22-apreldagi PF-5983-sonli Farmoni tahririda — Qonun hujjatlari maʼlumotlari milliy bazasi, 23.04.2020-y., 06/20/5983/0490-son)
Oldingi tahrirga qarang.
Tarbiyaviy ishlar maʼnaviy-maʼrifiy tayyorgarlik boʻyicha mashgʻulotlar oʻtkazish va tezkor axborot berish; yakka tartibdagi tarbiyaviy ishni olib borish; Oʻzbekiston Respublikasi qonunlarini tushuntirish; suhbatlar, savol-javob kechalari, mavzularga oid va adabiy kechalar, gazeta va jurnallar, badiiy va maʼnaviy-maʼrifiy adabiyotlar qiroatxonligi hamda boshqa tadbirlar oʻtkazilishini tashkil qilish; badiiy havaskorlikni, kutubxonachilikni va klub ishlarini rivojlantirish, mahkumlarni qayta tarbiyalashga koʻmaklashuvchi kinofilmlarni namoyish etish, shuningdek ommaviy-sport ishlarini avj oldirish yoʻli bilan amalga oshiriladi.
(40-bandning ikkinchi xatboshisi Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
Oldingi tahrirga qarang.
41. Intizomiy qism komandirlariga mahkumlarning axloqini tuzatish va ularni qayta tarbiyalash borasidagi ishlarda koʻmaklashish maqsadida namunali xulqi hamda mehnatga va harbiy xizmatga halol munosabati bilan oʻzlarini koʻrsatgan shaxslardan guruhlarda jamoatchilik kengashlari tuziladi.
(41-bandning birinchi xatboshisi Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
Jamoatchilik kengashi mahkumlarning yigʻilishlarida saylanadi va intizomiy qism komandiri tomonidan tasdiqlanadi.
Jamoatchilik kengashi qabul qiladigan qarorlar intizomiy qism komandiri tomonidan tasdiqlanadi.
Jamoatchilik kengashi oʻz ishi toʻgʻrisida vaqti-vaqti bilan mahkumlarning yigʻilishlarida hisob berib turadi. Mahkumlarning jamoatchilik organi hisoblanuvchi kengash turli tarbiyaviy tadbirlarni tashkil qilish va oʻtkazishda komandirga yordam beradi: umumharbiy nizomlarning talablarini mahkumlar qanday bajarayotganini nazorat qilishga jalb etiladi; badiiy havaskorlik va ommaviy-sport ishlarini tashkil qilishda, devoriy gazetalarni chiqarishda qatnashadi; intizomsiz mahkumlar bilan yakka-yakka tushuntirish ishlarini oʻtkazadi; axloqi tuzaluvchilar toifasiga kiritishga va shartli ravishda muddatidan ilgari ozod qilishga taqdim etiladigan nomzodlarni muhokama etishda qatnashadi.
Oldingi tahrirga qarang.
42. Mahkumlar bilan jangovar va maʼnaviy-maʼrifiy tayyorgarlik maxsus dastur boʻyicha tashkil qilinadi va oʻtkaziladi. Jangovar tayyorgarlik boʻyicha mashgʻulotlar nayzalarsiz va zatvorlarsiz mashq quroli bilan oʻtkaziladi, ularni oʻtkazish uchun zarur oʻquv-moddiy bazasi yaratiladi.
(42-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
43. Mahkumlar kelgan harbiy qismlarning komandirlari intizomiy qism komandiri bilan doimiy aloqa bogʻlab turishlari, ilgari oʻzlariga boʻysungan shaxslarning axloqi qanday tuzalib borayotgani bilan qiziqishlari va ularni qayta tarbiyalashda yordam berishlari shart.
V bob.
MAHKUMLARGA NISBATAN QOʻLLANILADIGAN RAGʻBATLANTIRISh VA INTIZOMIY JAZO ChORALARI
Oldingi tahrirga qarang.
44. Mahkumlarga nisbatan Oʻzbekiston Respublikasi Jinoyat-ijroiya kodeksining 157-moddasida koʻrsatilgan ragʻbatlantirish choralari qoʻllaniladi.
(44-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
Oldingi tahrirga qarang.
(45-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 16.12.2022-y., 06/22/263/1092-son)
Oldingi tahrirga qarang.
46. Yaxshi xulq-atvori, mehnatga va harbiy xizmatga halol munosabati uchun intizomiy qism komandirining buyrugʻi bilan axloqi tuzalayotganlar qatoriga kiritilgan mahkumlar belgilangan jazo muddatining kamida yarmini oʻtab boʻlganlaridan keyin intizomiy qism komandiri tomonidan qonunda belgilangan tartibda jazodan muddatidan ilgari shartli ravishda ozod qilishga taqdim etiladi.
(46-bandning birinchi xatboshisi Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
 LexUZ sharhi
Qarang: Oʻzbekiston Respublikasi Jinoyat kodeksining 72, 73-moddalari.
Taqdimnomada mahkumning xulq-atvorini, jazoni oʻtash vaqtida uning mehnatga va harbiy xizmatga munosabatini taʼriflovchi maʼlumotlar boʻlishi kerak. Taqdimnoma bilan bir vaqtda sudga shaxsiy hujjatlar yigʻmajildi yuboriladi.
Sud mahkumni shartli ravishda muddatidan ilgari jazoni oʻtashdan ozod qilishni rad etgan hollarda intizomiy qism komandiri tomonidan ushbu masala boʻyicha takroriy taqdimnoma koʻrib chiqish uchun rad etish toʻgʻrisidagi ajrim chiqarilgan kundan boshlab kamida olti oy muddat oʻtgandan keyin kiritilishi mumkin.
Intizomiy qism komandiri mahkumlarni shartli ravishda muddatidan ilgari ozod qilishga beriladigan taqdimnomaning asosli va obyektivliligi uchun javobgar boʻladi.
Oldingi tahrirga qarang.
47. Intizomiy qism guruh komandirining oʻrinbosari va vzvod komandirining moddiy taʼminot boʻyicha yordamchisi oʻz vakolati doirasida quyidagi ragʻbatlantirish choralarini qoʻllash huquqiga ega:
a) tashakkur eʼlon qilish;
b) ilgari qoʻllanilgan intizomiy jazo chorasini olib tashlash.
(47-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
Oldingi tahrirga qarang.
48. Intizomiy qism komandirining oʻrinbosari va guruh komandiri oʻz vakolati doirasida quyidagi ragʻbatlantirish choralarini qoʻllash huquqiga ega:
a) tashakkur eʼlon qilish;
b) ilgari qoʻllanilgan intizomiy jazo chorasini olib tashlash;
v) qoʻshimcha ravishda bir marta uchrashuvga ruxsat berish.
(48-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
Oldingi tahrirga qarang.
49. Intizomiy qism komandiri Oʻzbekiston Respublikasi Jinoyat-ijroiya kodeksining 157-moddasida koʻrsatilgan ragʻbatlantirish choralarini toʻla hajmda qoʻllash huquqiga ega.
(49-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
Oldingi tahrirga qarang.
50. Mahkumlarga nisbatan Oʻzbekiston Respublikasi Jinoyat-ijroiya kodeksining 158-moddasida koʻrsatilgan intizomiy jazo choralari qoʻllaniladi.
(50-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
Oldingi tahrirga qarang.
51. Intizomiy qism guruh komandirining oʻrinbosari va vzvod komandirining moddiy taʼminot boʻyicha yordamchisi oʻz vakolati doirasida quyidagi intizomiy jazo choralarini qoʻllash huquqiga ega:
a) hayfsan va qattiq hayfsan eʼlon qilish;
b) navbatdan tashqari uchtagacha naryad tayinlash.
(51-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
Oldingi tahrirga qarang.
52. Guruh komandiri oʻz vakolati doirasida quyidagi intizomiy jazo choralarini qoʻllash huquqiga ega:
a) hayfsan va qattiq hayfsan eʼlon qilish;
b) navbatdan tashqari uchtagacha naryad tayinlash;
v) uch sutkagacha gauptvaxtaga joylashtirish.
(52-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
Oldingi tahrirga qarang.
53. Intizomiy qism komandirining oʻrinbosari oʻz vakolati doirasida quyidagi intizomiy jazo choralarini qoʻllash huquqiga ega:
a) hayfsan va qattiq hayfsan eʼlon qilish;
b) navbatdan tashqari uchtagacha naryad tayinlash;
v) besh sutkagacha gauptvaxtaga joylashtirish.
(53-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
Oldingi tahrirga qarang.
54. Intizomiy qism komandiri Oʻzbekiston Respublikasi Jinoyat-ijroiya kodeksining 158-moddasida koʻrsatilgan intizomiy jazo choralarini toʻla hajmda qoʻllash huquqiga ega.
(54-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
Oldingi tahrirga qarang.
55. Gauptvaxtaga joylashtirish intizomiy jazo chorasi qoʻllanilgan mahkumlar Oʻzbekiston Respublikasi Qurolli Kuchlarining Garnizon va qorovullik xizmatlari nizomi talablariga muvofiq jazoni intizomiy qism gauptvaxtasida bir kishilik kameralarda oʻtaydilar.
(55-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
Oldingi tahrirga qarang.
56. Gauptvaxtaga joylashtirilgan mahkumlarga uchrashishga, shuningdek, posilka, yoʻqlov, banderol va xatlarni olishga ruxsat berilmaydi.
(56-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
Oldingi tahrirga qarang.
57. Intizomiy qismda jazoni oʻtash davrida sodir etilgan jinoyatlar uchun aybdorlar jinoyat qonunchiligida belgilangan tartibda javobgar boʻladilar.
(57-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
 LexUZ sharhi
Qarang: Oʻzbekiston Respublikasining Jinoyat kodeksi.
58. Intizomiy qism doimiy tarkibining intizomiy tartibda hibsga olingan harbiy xizmatchilari, agar intizomiy qism joylashgan erda garnizon gauptvaxtasi boʻlmagan taqdirda intizomiy qism gauptvaxtasida saqlanadilar, ammo mahkumlardan alohida joylashtiriladilar.
VI bob.
MAHKUMLARNI MODDIY-MAIShIY VA TIBBIY JIHATDAN TAʼMINLASh
Oldingi tahrirga qarang.
59. Mahkumlar uchun maishiy-yashash sharoitlarini yaratish, ularning oziq ovqat, ust-bosh va boshqa narsalar bilan taʼminlanishi hamda tibbiy taʼminoti muddatli harbiy xizmat harbiy xizmatchilari uchun belgilangan normalar boʻyicha Oʻzbekiston Respublikasi Qurolli Kuchlarining Ichki xizmat nizomiga muvofiq amalga oshiriladi.
(59-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
Oldingi tahrirga qarang.
(60-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 16.12.2022-y., 06/22/263/1092-son)
Oldingi tahrirga qarang.
61. Mahkumlarga hammom-kirxona xizmatlari muddatli harbiy xizmat harbiy xizmatchilari uchun belgilangan tartibda amalga oshiriladi.
(61-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
Oldingi tahrirga qarang.
62. Barcha mahkumlarning pul taʼminoti muddatli harbiy xizmatdagi oddiy askarlar uchun belgilangan 1,0 tarif razryadi boʻyicha lavozim maoshi hisobidan har oyda ularning shaxsiy hisobvaraqlariga qoʻshib boriladi va ular intizomiy qismdan ozod etilganlarida toʻliq toʻlab beriladi.
(62-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
63. Mahkumlarga sovun, tish choʻtkasi, tish poroshogi yoki pastasi, taroq, roʻmolcha, tamaki mahsulotlari, gugurt, yozuv qogʻozi, kitob, xatjildlar, ruchka va qalam kabi buyumlarga ega boʻlishga ruxsat beriladi. Taʼminot normalari boʻyicha tegishli boʻlgan buyumlardan tashqari yuqorida koʻrsatib oʻtilgan predmetlar mahkumlarning shaxsiy mablagʻlari hisobiga naqd pulsiz hisob-kitob boʻyicha tashkiliy ravishda sotib olinadi.
Oldingi tahrirga qarang.
(64-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 16.12.2022-y., 06/22/263/1092-son)
65. Bemor mahkumlar zarur hollarda davolash uchun gospitalga yuboriladi. Shu maqsadda harbiy gospitalda davolanuvchi mahkumlar uchun kamida 2 palata (6 oʻrin) jihozlanadi, ularning deraza va eshiklari panjaralar bilan yopilgan hamda tamba (qulflar) bilan uskunalangan boʻlishi kerak. Ana shu palatalarga bevosita yaqin joyga bemor mahkumlarni qoʻriqlash xizmatini oʻtovchi soqchilar uchun xona jihozlanadi. Bemor mahkumlarning davolanayotgan boshqa bemorlar bilan muloqotda boʻlishi man qilinadi. Mahkumlarni gospitalga joʻnatish va u erdan intizomiy qismga qaytarish soqchilarning kuzatuvi ostida amalga oshiriladi, soqchilarsiz yurish huquqi berilgan mahkumlar bundan mustasno. Davolanish uchun gospitalda boʻlgan vaqt jazoni oʻtash muddatiga qoʻshiladi.
VII bob.
INTIZOMIY QISMDAN OZOD QILISh TARTIBI
66. Intizomiy qismdan quyidagi hollarda ozodlikka chiqariladi:
a) sud hukmi bilan tayinlangan jazo muddati oʻtab boʻlinganda;
b) amnistiya yoki afv etish toʻgʻrisidagi hujjat asosida;
v) ishni yuritishdan toʻxtatib, hukmni bekor qilish toʻgʻrisidagi; shartli hukmni qoʻllangan, shartli ravishda muddatidan ilgari jazodan ozod qilish toʻgʻrisidagi hukmni ijro etish muddatini kechiktirgan holda hukmni oʻzgartirish haqidagi sud ajrimi boʻyicha; kasalligi boʻyicha.
Oldingi tahrirga qarang.
67. Intizomiy qismdan ozod qilingan shaxslar xizmatni davom ettirish uchun Mudofaa vazirligining koʻrsatmasiga binoan odatda ular hukm qilingunga qadar qaysi qismda xizmatni oʻtashgan boʻlsa, ayni oʻsha qismlarga joʻnatiladilar, rejimli qismlar bundan mustasno.
(67-band Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
Oldingi tahrirga qarang.
68. Intizomiy qism komandiri ozod qilinishi lozim boʻlgan mahkumlarning roʻyxatini jazo muddati tugashidan bir oy oldin Oʻzbekiston Respublikasi Mudofaa vazirligiga taqdim etadi, unda quyidagi maʼlumotlar boʻlishi kerak: familiyasi, ismi, otasining ismi, tugʻilgan yili, chaqirilgan sanasi, mahkum qayerdan keltirilganligi, harbiy ixtisosi va harbiy unvoni, nima uchun, qachon va qancha muddatga hukm qilinganligi, qachon ozod qilinishi lozimligi, shuningdek mahkumning taʼrifnomasi.
(68-bandning birinchi xatboshisi Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
Oldingi tahrirga qarang.
Shartli ravishda muddatidan ilgari ozod qilinganlarni xizmatni davom ettirish uchun yuborish toʻgʻrisidagi masala sud ajrim chiqargandan keyin uzogʻi bilan uch kun ichida Oʻzbekiston Respublikasi Mudofaa vazirligi tomonidan hal etiladi.
(68-bandning ikkinchi xatboshisi Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
Jazoni oʻtashdan shartli ravishda muddatidan ilgari ozod qilingan shaxslar bilan jazoning oʻtalmagan qismi mobaynida harbiy qismlar jamoatchiligining faol ishtirokida tarbiyaviy ishlar olib boriladi.
69. Jazoni oʻtab boʻlgan yoki shartli ravishda muddatidan ilgari ozod qilinadigan shaxslar (ushbu Nizomning 6-bandiga muvofiq ularning intizomiy qismda boʻlgan vaqti muddatli harbiy xizmat muddatiga qoʻshilgan) shaxslar, shuningdek amnistiya yoki afv etish tartibida intizomiy qismdan ozod qilinadigan shaxslar, agar ular muddatli harbiy xizmatning qonunda belgilangan muddatlarini oʻtab boʻlishgan taqdirda bevosita intizomiy qismdan zaxiraga muddatli harbiy xizmatdan boʻshatiladilar.
Jazoni oʻtash vaqtini muddatli harbiy xizmat muddatiga qoʻshish toʻgʻrisida intizomiy qism komandiri tomonidan iltimosnoma qoʻzgʻatilgan shaxslar intizomiy qismdan ozod qilingandan keyin harbiy sudning qarori olingunga qadar mahkumlarni joylashtirish hududidan chiqarilib, intizomiy qismni taʼminlash boʻlinmalarida joylashtiriladilar.
70. Harbiy — tibbiy komissiya tomonidan hisobdan chiqarilib, nosogʻlomligi tufayli harbiy xizmatga yaroqsiz deb yoki tinchlik davrida harbiy xizmatga yaroqsiz deb topilgan mahkumlar intizomiy qism komandiri tomonidan muddatidan ilgari jazodan ozod qilishga taqdim etiladilar. Taqdimnoma bilan bir vaqtda sudga harbiy-tibbiy komissiyaning xulosasi va mahkumning shaxsiy hujjatlar yigʻmajildi yuboriladi. Jazodan ozod qilish toʻgʻrisida sud ajrim chiqarganidan keyin bu shaxslar intizomiy qism komandiri tomonidan muddatli harbiy xizmatdan muddatidan ilgari boʻshatiladilar.
Oldingi tahrirga qarang.
71. Intizomiy qismdan ozod qilinganlarning qoʻliga quyidagi hujjatlar beriladi: intizomiy qismdan ozod qilinganligi toʻgʻrisidagi maʼlumotnoma, xizmat hisobi varaqasi, harbiy guvohnoma, tibbiy daftarcha, oziq-ovqat, buyum va pul attestatlari. Xizmatga oid varaqa va taʼrifnoma harbiy qismga pochta orqali joʻnatiladi. Ordenlar, medallar, koʻkrak nishonlari va ularning hujjatlari, pul va qimmatli buyumlar, shuningdek boshqa shaxsiy buyumlar ozodlikka chiqarilgan kishiga shaxsiy buyumlar roʻyxati va taqsimot qaydnomasiga qoʻl qoʻydirib topshiriladi. Shaxsiy buyumlar roʻyxati saqlash uchun intizomiy qismning shtabida, taqsimot qaydnomasi esa intizomiy qismning moliya xizmatida qoldiriladi.
(71-bandning birinchi xatboshisi Oʻzbekiston Respublikasi Prezidentining 2022-yil 14-dekabrdagi PF-263-sonli Farmoni tahririda — Qonunchilik maʼlumotlari milliy bazasi, 16.12.2022-y., 06/22/263/1092-son)
Yaroqsiz holga kelgan kiyim-kechak va poyabzal bemalol kiysa boʻladiganlari bilan almashtiriladi.
72. Intizomiy qismdan ozod qilinganlar harbiy qismlarga yoki istiqomat joylariga soqchilarsiz joʻnatiladilar. Ular boradigan yoʻlga transportda yurish hujjatlari va oziq-ovqat — yoʻl pullari yoki umumqoʻshin payogi bilan, shuningdek yuvinish uchun sovun bilan belgilangan normalar boʻyicha taʼminlanadilar.
73. Ozod qilinganning harbiy qismga yetib kelgani haqida shu qismning komandiri darhol intizomiy qism komandiriga maʼlum qiladi.
74. Intizomiy qismda jazoni oʻtagan, shuningdek qonunda belgilangan tartibda undan ozod qilingan shaxslar sudlanmagan hisoblanadilar.
 LexUZ sharhi
Qarang: Oʻzbekiston Respublikasi Jinoyat kodeksining XIII bobi.