Oʻzbekiston Respublikasi Vazirlar Mahkamasining
qarori
Davlat boshqaruvi va mahalliy davlat hokimiyati organlarida xizmat avtotransport vositalaridan foydalanish tizimini tubdan takomillashtirish chora-tadbirlari toʻgʻrisida
Davlat organlarida xizmat avtotransport vositalaridan foydalanish samaradorligini yanada oshirish, ortiqcha budjet xarajatlarining oldini olish hamda davlat mulkidan foydalanish ustidan nazoratni kuchaytirish maqsadida Vazirlar Mahkamasi qaror qiladi:
1. Belgilansinki, 2021-yil 1-avgustdan boshlab:
a) xizmat avtotransport vositalari:
respublika davlat boshqaruvi organlarida, shuningdek, mahalliy davlat hokimiyati organlarida rahbarlar hamda ularning oʻrinbosarlariga;
respublika davlat boshqaruvi organlari tizimidagi tashkilotlarda hamda ularning Qoraqalpogʻiston Respublikasi, viloyatlar va Toshkent shahar hududiy boʻlinmalarida birinchi rahbarlarga shaxsan biriktiriladi;
Oldingi tahrirga qarang.
b) respublika davlat boshqaruvi organlarida xizmat maqsadlarida davlat xaridlari toʻgʻrisidagi qonunchilik hujjatlariga muvofiq autsorsing shartlari asosida avtobus, taksi va boshqa avtotransport vositalari xizmatlaridan foydalanish tizimi joriy etiladi. Bunda:
(1-bandning “b” kichik bandi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
 LexUZ sharhi
Qarang: Oʻzbekiston Respublikasining “Davlat xaridlari toʻgʻrisida”gi Qonuni.
autsorsing shartlari asosida avtotransport vositalarini jalb etish tashkilotning har 100 nafar boshqaruv va ishlab chiqarish xodimiga 1 ta avtotransport vositasi hisobida navbatchi xizmat avtotransport vositasi uchun belgilangan yoʻl bosish yillik limitidan oshmasligi lozim;
autsorsing shartlari asosida jalb qilingan avtotransport vositalari xizmatlaridan respublika davlat boshqaruvi organlarida foydalanish ushbu organ rahbari tomonidan belgilangan tartibda amalga oshiriladi.
2. Quyidagilar:
davlat boshqaruvi va mahalliy davlat hokimiyati organlarida xizmat avtotransport vositalarini biriktirish meʼyorlari 1-ilovaga muvofiq;
xizmat avtotransport vositalarining yoʻl bosish yillik limiti va ulardan foydalanish meʼyorlari 2-ilovaga muvofiq tasdiqlansin.
3. 2021-yil 1-iyuldan boshlab davlat boshqaruvi va mahalliy davlat hokimiyati organlarida xizmat avtotransport vositalarini roʻyxatdan oʻtkazish davlat raqami belgilarining (keyingi oʻrinlarda — davlat raqami belgilari) yangi tipi joriy etilsin.
4. Ichki ishlar vazirligi:
yangi tipdagi davlat raqami belgilarining 2021-yil 1-iyulga qadar tayyorlanishini taʼminlasin;
davlat boshqaruvi va mahalliy davlat hokimiyati organlariga, zarur tushuntirish ishlarini olib borgan holda, ushbu qaror talablarini yetkazsin;
Adliya vazirligi bilan birgalikda 2021-yil 1-avgustga qadar avtomototransport vositalarini davlat roʻyxatidan oʻtkazish davlat xizmatlari markazlari orqali amalga oshirilishini nazarda tutuvchi qaror loyihasini Vazirlar Mahkamasiga kiritsin.
5. Davlat boshqaruvi va mahalliy davlat hokimiyati organlari 2021-yil 1-avgustga qadar:
xizmat avtotransport vositalarining davlat raqami belgilarini yangi tipdagi davlat raqami belgilariga almashtirish uchun ularning tegishli ichki ishlar organlarida qayta roʻyxatdan oʻtkazilishini taʼminlasin;
xizmat avtotransport vositalarini ichki ishlar organlarida qayta roʻyxatdan oʻtkazish uchun toʻlovlardan ozod qilinsin.
2021-yil 1-avgustdan boshlab yangi tipdagi davlat raqami belgilari bilan qayta roʻyxatdan oʻtkazilmagan davlat boshqaruvi va mahalliy davlat hokimiyati organlariga tegishli xizmat avtotransport vositalarining harakatlanishi taqiqlansin.
6. Shunday tartib oʻrnatilsinki, unga koʻra davlat boshqaruvi va mahalliy davlat hokimiyati organlarida:
xizmat avtotransport vositalarini yangisiga almashtirish hamda ularning tizimidagi tashkilotlarga oʻtkazib berish mavjud avtotransport vositalaridan kamida 5 yil foydalanilgandan soʻng amalga oshirilishi mumkin (foydalanishga yaroqsiz holga kelgan avtotransport vositalari bundan mustasno). Bunda avtotransport vositasining texnik holati hamda undan foydalanish xavfsizligi inobatga olinishi lozim;
xizmat avtotransport vositalarining hisobi budjet tashkilotlari tomonidan budjet hisobi va hisoboti yuritilishini kompleks avtomatlashtirish uchun moʻljallangan dasturiy majmuada yuritiladi;
xizmat avtotransport vositalarini sotib olishda tegishli gʻaznachilik boʻlinmalari tomonidan ularning belgilangan meʼyorlarga mosligi tekshiriladi;
Oʻzbekiston Respublikasi Prezidenti va Vazirlar Mahkamasi hujjatlari bilan berilgan xizmat avtotransport vositalari ular uchun belgilangan limitlar doirasida foydalaniladi;
xizmat avtotransport vositalarini sotish faqat elektron auksion savdolari orqali amalga oshiriladi.
7. Moliya vazirligi:
a) 2021-yil 1-oktabrga qadar davlat boshqaruvi hamda mahalliy davlat hokimiyati organlari uchun belgilangan avtotransport vositalari limiti va haqiqatda mavjud sonining elektron hisobini yuritishga moʻljallangan dasturiy majmuani amaliyotga joriy etsin;
b) Ichki ishlar vazirligi bilan birgalikda ikki oy muddatda davlat boshqaruvi va mahalliy davlat hokimiyati organlarining foydalanishida mavjud boʻlgan xizmat avtotransport vositalarini xatlovdan oʻtkazsin hamda xatlov natijalari boʻyicha belgilangan meʼyorlar boʻyicha limitdan ortiqcha boʻlgan xizmat avtotransport vositalari roʻyxatini shakllantirsin.
Davlat boshqaruvi va mahalliy davlat hokimiyati organlari shakllantirilgan roʻyxat asosida ortiqcha xizmat avtotransport vositalarining 2021-yil 1-avgustga qadar elektron auksion savdolariga qoʻyilishini taʼminlasin;
v) uch oy muddatda:
maxsus avtotransport vositasidan foydalanadigan davlat organlarining roʻyxati va limitini;
Davlat budjeti mablagʻlari hisobidan moliyalashtiriladigan boshqa tashkilotlar uchun xizmat avtotransport vositalarining cheklangan soni, narxi, yoʻl bosish yillik limiti hamda ulardan foydalanish meʼyorlarini;
davlat organlari xodimlarining shaxsiy avtomobillaridan xizmat maqsadlari uchun foydalanganlik uchun kompensatsiya toʻlash tartibini nazarda tutuvchi Vazirlar Mahkamasi qarori loyihasini kiritsin.
8. Davlat aktivlarini boshqarish agentligi hamda davlat hokimiyati va boshqaruvi organlari ustav fondida (kapitalida) davlat ulushi 50 foiz va undan ortiq boʻlgan xoʻjalik jamiyatlari tegishli boshqaruv organlari umumiy yigʻilishida, shuningdek, davlat korxonalari boshqaruv organlarida mazkur qaror talablaridan kelib chiqib, ularda xizmat avtotransport vositalaridan foydalanishning yangilangan tartibini joriy qilish tashabbusi bilan chiqsin.
9. Mazkur qarorning amal qilishi mudofaa, ichki ishlar, bojxona, favqulodda vaziyatlar organlarida xizmat avtotransport vositalaridan foydalanishga nisbatan tatbiq etilmaydi. Ushbu organlar oʻz tizimida xizmat olib borishning alohida xususiyatidan kelib chiqib, ikki oy muddatda markaziy apparat, tizim tashkilotlari va hududiy boʻlinmalari uchun xizmat avtotransport vositalari soni meʼyorlarini, shuningdek, ular uchun yoqilgʻi mahsulotlarini sarflash va yillik yoʻl bosish limitlarini Moliya vazirligi bilan kelishilgan holda tasdiqlasin.
10. Belgilab qoʻyilsinki:
davlat boshqaruvi va mahalliy davlat hokimiyati organlarida avtotransport vositalarini biriktirishda mazkur qarorga 1-ilovada nazarda tutilgan lavozimlar va meʼyorlarga qatʼiy rioya qilinishi tegishli davlat organi rahbari zimmasiga yuklanadi;
qonunosti hujjatlarining davlat boshqaruvi va mahalliy davlat hokimiyati organlarida xizmat avtotransport vositalarini biriktirish boʻyicha mazkur qarorga zid qoidalari oʻz kuchini yoʻqotgan deb topiladi.
11. Vazirlar Mahkamasining “Avtomototransport vositalari uchun roʻyxatdan oʻtkazish davlat raqami belgilarining yangi namunalarini joriy etish chora-tadbirlari toʻgʻrisida” 2007-yil 27-iyundagi 131-son qaroriga 3-ilovaga muvofiq qoʻshimchalar kiritilsin.
12. Oʻzbekiston Respublikasi Hukumatining 4-ilovaga muvofiq ayrim qarorlari 2021-yil 1-iyuldan boshlab oʻz kuchini yoʻqotgan deb hisoblansin.
13. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2021-yil 29-aprel,
258-son
Vazirlar Mahkamasining 2021-yil 29-apreldagi 258-son qaroriga
1-ILOVA
Davlat boshqaruvi va mahalliy davlat hokimiyati organlarida xizmat avtotransport vositalarini biriktirish meʼyorlari*
Oldingi tahrirga qarang.

T/r

Lavozimlar nomi

Xizmat avtotransport vositasining soni

Ish smenasi

Eng yuqori narxi, bazaviy hisoblash miqdoriga nisbatan

Dvigatelning eng yuqori quvvati, sm3

Shaxsan biriktirilgan

Navbatchi

Vazirliklar va davlat qoʻmitalari**

1.

Rahbar

1

2

2 000

4 000

2.

Rahbar oʻrinbosarlari

1

1,5

1 500

2 500

3.

Navbatchi

1

1,5

700

1 800

Vazirlar Mahkamasi huzuridagi, shuningdek, mustaqil qoʻmitalar, agentliklar, markazlar, inspeksiyalar

4.

Rahbar

1

2

1 500

2 500

5.

Rahbar oʻrinbosarlari

1

1,5

1 200

2 000

6.

Navbatchi

1

1,5

700

1 800

Vazirlik, davlat qoʻmitalari, qoʻmitalar va agentliklar huzuridagi davlat organlari

7.

Rahbar

1

1,5

1 500

2 500

Qoraqalpogʻiston Vazirlar Kengashi, viloyatlar va Toshkent shahar hokimliklari***

8.

Rahbar

1

2

2 000

4 000

9.

Rahbar oʻrinbosarlari

1

1,5

1 500

2 500

10.

Navbatchi

1

1,5

700

1 800

Qoraqalpogʻiston Respublikasi, viloyatlar va Toshkent shahridagi Xalq deputatlari Kengashi kotibiyatlari, Oʻzbekiston Respublikasi Prezidentining Qoraqalpogʻiston Respublikasi, viloyatlar va Toshkent shahridagi Xalq qabulxonalari, Oʻzbekiston Respublikasi Prezidenti huzuridagi Ijtimoiy himoya milliy agentligining Qoraqalpogʻiston Respublikasi, viloyatlar va Toshkent shahar boshqarmalari

11.

Rahbar

1

1,5

1 000

2 000

Davlat boshqaruvi organlarining Qoraqalpogʻiston Respublikasi, viloyatlar, Toshkent shahar boʻlinmalari****

12.

Rahbar

1

1,5

700

1 800

13.

Boshqaruv va ishlab chiqarish xodimlari soni
30 nafar va undan ortiq boʻlganda

1

1,5

500

1 600

Tuman va shahar hokimliklari*****

14.

Rahbar

1

1,5

1 000

2 000

15.

Rahbar oʻrinbosarlari

1

1,5

700

1 800

16.

Navbatchi

1

1,5

500

1 600

Oʻzbekiston Respublikasi Prezidentining tumanlar va shaharlardagi Xalq qabulxonalari

17.

Rahbar

1

1,5

500

1 600

Davlat boshqaruvi organlarining tuman va shahar boʻlinmalari******

18.

Navbatchi

1

1,5

500

1 600
Izoh.
* Davlat organlarida bir lavozimni (tashkilotni) boshqa tegishli lavozimga (tashkilotga) tenglashtirish orqali ushbu meʼyorlarga zid ravishda transport xizmatini tashkil etish taqiqlanadi;
Davlat budjeti mablagʻlaridan samarali foydalanish maqsadida hokimliklar, vazirliklar va davlat qoʻmitalari rahbarlarining amaldagi xizmat avtotransport vositalari saqlab qolinadi va kelgusida ularni xarid qilish mazkur qaror talablari asosida amalga oshiriladi;
Oldingi tahrirga qarang.
** Tashqi ishlar vazirligining tashqi siyosat, iqtisodiy diplomatiya, delimitatsiya va demarkatsiya, davlat protokoli tadbirlarini amalga oshirish uchun hududlarda tumanlararo yurishlari, xorijiy delegatsiyalar va mehmonlarni kutib olish hamda tashrif davrida diplomatik etiket talablari boʻyicha kuzatib borish va diplomatik yuklarni tashish xususiyatlaridan kelib chiqib navbatchi, shu jumladan xorijiy delegatsiyalar va mehmonlar uchun xizmat avtotransport vositalari soni 15 ta etib belgilanadi;
(izoh qismining toʻrtinchi xatboshisi Oʻzbekiston Respublikasi Prezidentining 2024-yil 30-avgustdagi PF-133-sonli Farmoni tahririda)
Oldingi tahrirga qarang.
Vazirlar Mahkamasi huzuridagi Migratsiya agentligining xorijiy delegatsiyalar va mehmonlarni kutib olish hamda tashrif davrida diplomatik etiket talablari boʻyicha kuzatib borish va xorijda vaqtincha mehnat faoliyatini amalga oshirish uchun ketayotgan Oʻzbekiston Respublikasi fuqarolarni tashish xususiyatlaridan kelib chiqib navbatchi, shu jumladan, xorijiy delegatsiyalar va mehmonlar uchun xizmat avtotransport vositalari soni 6 ta etib belgilanadi;
(izoh qismi Oʻzbekiston Respublikasi Vazirlar Mahkamasining 2025-yil 22-apreldagi 252-sonli qaroriga asosan beshinchi xatboshi bilan toʻldirilgan — Qonunchilik maʼlumotlari milliy bazasi, 22.04.2025-y., 09/25/252/0371-son)
*** Andijon, Jizzax, Qashqadaryo, Navoiy, Namangan, Sirdaryo, Surxondaryo, Toshkent va Fargʻona viloyatlari hamda Toshkent shahar hokimliklariga delegatsiya va mehmonlarga xizmat koʻrsatish maqsadida 5 tagacha, Qoraqalpogʻiston Respublikasi Vazirlar Kengashi, Buxoro, Xorazm va Samarqand viloyati hokimligiga 8 tagacha navbatchi avtotransport vositasi saqlash uchun limit belgilanadi;
Oldingi tahrirga qarang.
**** Suv xoʻjaligi vazirligi, Adliya vazirligi, Veterinariya va chorvachilikni rivojlantirish davlat qoʻmitasi, Oʻrmon xoʻjaligi davlat qoʻmitasi, Monopoliyaga qarshi kurashish qoʻmitasi, Davlat aktivlarini boshqarish agentligi, Agrosanoat majmuasi ustidan nazorat qilish inspeksiyasi, Oʻsimliklar karantini va himoyasi agentligi (shu jumladan, Respublika agrokimyoviy tahlil markazi) Oʻzbekiston texnik jihatdan tartibga solish agentligining Texnik jihatdan tartibga solish sohasida nazorat inspeksiyasining hududiy boʻlinmalariga boshqaruv va ishlab chiqarish xodimlar sonidan qatʼi nazar 1 tadan navbatchi xizmat avtotransport vositalari belgilanadi;
(oltinchi xatboshi Oʻzbekiston Respublikasi Prezidentining 2025-yil 8-apreldagi PQ-136-sonli qarori tahririda — Qonunchilik maʼlumotlari milliy bazasi, 10.04.2025-y., 07/25/136/0321-son)
***** Borish qiyin boʻlgan va togʻli tumanlar hokimlari uchun xizmat avtotransport vositasini xarid qilishda dvigatelning eng yuqori quvvati 3 000 sm3 gacha oshirilishiga ruxsat etiladi;
hududi 500 km2 dan ortiq boʻlgan tuman va shahar hokimliklari uchun 1 tadan navbatchi avtotransport vositalari belgilanadi;
Oldingi tahrirga qarang.
****** Maktabgacha va maktab taʼlimi, Qishloq xoʻjaligi, Suv xoʻjaligi, Qurilish va uy-joy kommunal xoʻjaligi, Iqtisodiyot va moliya, Kambagʻallikni qisqartirish va bandlikka koʻmaklashish, Oila va xotin-qizlar qoʻmitasi, Agrosanoat majmui ustidan nazorat qilish inspeksiyasi, Kadastr, Veterinariya va chorvachilikni rivojlantirish qoʻmitasi, Oʻsimliklar karantini va himoyasi agentligi va Adliya boʻlimlariga, shuningdek, Soliq inspeksiyalariga 1 tadan navbatchi xizmat avtotransport vositalari belgilanadi.
(izoh qismining toʻqqizinchi xatboshisi Oʻzbekiston Respublikasi Prezidentining 2025-yil 10-dekabrdagi 783-sonli qarori tahririda — Qonunchilik maʼlumotlari milliy bazasi, 11.12.2025-y., 09/25/783/1154-son)
Ushbu ilovada belgilangan eng yuqori narx (bazaviy hisoblash miqdoriga nisbatan) meʼyorlari davlat boshqaruvi va mahalliy davlat hokimiyati organlari tomonidan xarid qilinadigan elektrodvigatelli va gibrid quvvatli avtotransport vositalariga nisbatan ham tatbiq etiladi.
(1-ilova Oʻzbekiston Respublikasi Vazirlar Mahkamasining 2023-yil 15-dekabrdagi 665-sonli qarori tahririda — Qonunchilik maʼlumotlari milliy bazasi, 18.12.2023-y., 09/23/665/0942-son)
Vazirlar Mahkamasining 2021-yil 29-apreldagi 258-son qaroriga
2-ILOVA
Xizmat avtotransport vositalarining yoʻl bosish yillik limiti va ulardan foydalanish meʼyorlari

Xizmat koʻrsatish turi

Ishning smenaligi (soatlarda)

Yoʻl bosish yillik limiti, km

Shaxsan biriktirilgan avtotransport vositalarida 2 smenada

14

36 500

Shaxsan biriktirilgan avtotransport vositalarida 1,5 smenada

10

27 720

Navbatchi avtotransport vositalarida 1,5 smenada

10

24 640

Izoh.
1. Yoʻl bosish yillik limiti mahalliy davlat hokimiyati organlarida quyidagicha belgilanadi:
a) Qoraqalpogʻiston Respublikasi Vazirlar Kengashi Raisiga, viloyatlar va Toshkent shahar hokimlariga shaxsan biriktirilgan avtotransport vositalari uchun 54 020 km;
b) tumanlar va shaharlar hokimlarining avtotransport vositalari uchun tegishlicha tuman va shaharning hududidan kelib chiqqan xolda, hududi:
100 km2 gacha boʻlganda — 43 200 km;
100 km2 dan — 500 km2 gacha boʻlganda — 54 020 km;
500 km2 dan — 1000 km2 gacha boʻlganda — 90 000 km;
1000 km2 dan ortiq boʻlganda — 108 000 km;
v) Qoraqalpogʻiston Respublikasi Vazirlar Kengashi Raisining, viloyatlar va Toshkent shahar hokimlarining, tumanlar va shaharlar hokimlarining oʻrinbosarlariga shaxsan biriktirilgan avtotransport vositalari uchun 36 036 km.
g) Vazirlik va idoralar rahbarlari va rahbar oʻrinbosarlari shaxsan biriktirilgan xizmat avtotransport vositalari bilan hududlarga xizmat safariga borganda, istisno tariqasida belgilangan yillik yoʻl bosish limitini oshirilishiga ruxsat etiladi. Bunda, belgilangan yoʻl bosish yillik limiti oshishi bilan bogʻliq xarajatlar ushbu tashkilotlarning budjetdan tashqari mablagʻlari yoki moliya yilida tasdiqlangan budjet mablagʻlari doirasida amalga oshiriladi.
2. Autsorsing shartlari asosida avtotransport vositalarini jalb etish tashkilotning har 100 nafar boshqaruv va ishlab chiqarish xodimiga 1 ta avtotransport vositasi hisobida navbatchi xizmat avtotransport vositasining yoʻl bosish yillik limiti doirasida belgilanadi. Bunda, balansida navbatchi xizmat avtotransport vositasi mavjud boʻlgan tashkilotlar uchun ushbu avtotransport vositasining yoʻl bosish yillik limiti chegirib tashlanadi;
Autsorsing shartlari asosida avtotransport vositalarini jalb etish uchun mablagʻlar ajratish navbatchi xizmat avtotransport vositasi uchun belgilangan meʼyorlarda nazarda tutilgan avtotransport vositasi rusumidagi avtotransportni jalb etishga ketadigan xarajatlar hisobida amalga oshiriladi.
3. Xizmat avtotransport vositalarida suyultirilgan va siqilgan gaz yoqilgʻisidan foydalanuvchi vazirliklar va idoralar uchun belgilangan yoʻl bosish limitini 10 foizdan ortiq boʻlmagan miqdorda oshirishga ruxsat etiladi.
4. Elektrodvigatelga ega boʻlgan avtotransport vositalari (gibrid quvvatli avtotransport vositalari bundan mustasno) uchun yoʻl bosish yillik limiti cheklanmaydi.
Vazirlar Mahkamasining 2021-yil 29-apreldagi 258-son qaroriga
3-ILOVA
Vazirlar Mahkamasining “Avtomototransport vositalari uchun roʻyxatdan oʻtkazish davlat raqami belgilarining yangi namunalarini joriy etish chora-tadbirlari toʻgʻrisida” 2007-yil 27-iyundagi 131-son qaroriga kiritilayotgan qoʻshimchalar
2-ilovada:
a) I tipdagi roʻyxatdan oʻtkazish davlat raqamining grafik tasviridan keyin quyidagi mazmundagi xatboshilar va grafik tasvir bilan toʻldirilsin:
“I1 tip — “DAV” seriyali roʻyxatdan oʻtkazish davlat raqami belgilari davlat boshqaruvi va mahalliy davlat hokimiyati organlarining shaxsan biriktirilgan va navbatchi xizmat avtomobillariga beriladi (mudofaa, ichki ishlar, bojxona, favqulodda vaziyatlar organlarining avtomobillari hamda II tipdagi roʻyxatdan oʻtkazish davlat raqami beriladigan avtomobillar bundan mustasno).
Roʻyxatdan oʻtkazish davlat raqami belgilarining foni oq rangda, chetki qismi, raqami va harflari qora rangda. Chap tomonda hududning kodi, oʻng tomonda Oʻzbekiston Respublikasi bayrogʻi va “UZ” harflari.
b) IA roʻyxatdan oʻtkazish davlat raqamining grafik tasviridan keyin quyidagi mazmundagi xatboshilar va grafik tasvir bilan toʻldirilsin:
“IA1 tip — “DAV” seriyali ikki qatorli roʻyxatdan oʻtkazish davlat raqami belgilari orqa tomonga mahkamlash uchun davlat boshqaruvi va mahalliy davlat hokimiyati organlarining mahkamlash joyi I1 tipdagi roʻyxatdan oʻtkazish davlat raqami gabaritlariga muvofiq boʻlmagan shaxsan biriktirilgan va navbatchi xizmat avtomobillariga beriladi.
Roʻyxatdan oʻtkazish davlat raqami belgilarining foni oq rangda, chetki qismi, raqami va harflari qora rangda. Oʻng tomonda quyida hududning kodi, Oʻzbekiston Respublikasi bayrogʻi va “UZ” harflari.
Vazirlar Mahkamasining 2021-yil 29-apreldagi 258-son qaroriga
4-ILOVA
Oʻzbekiston Respublikasi Hukumatining 2021-yil 1-iyuldan boshlab oʻz kuchini yoʻqotgan deb eʼtirof etilayotgan ayrim qarorlari
ROʻYXATI
1. Vazirlar Mahkamasining “Budjetdan mablagʻ bilan taʼminlanadigan tashkilotlarda xizmat yengil avtotransportidan foydalanishni tartibga solish toʻgʻrisida” 1999-yil 2-apreldagi 154-son qarori.
2. Vazirlar Mahkamasining “Davlat va xoʻjalik boshqaruvi organlari, mahalliy davlat hokimiyati organlari va boshqa tashkilotlarda yengil xizmat avtomashinalaridan foydalanishni yanada tartibga solish chora-tadbirlari toʻgʻrisida” 2011-yil 26-maydagi 153-son qarori.
3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” 2005-yil 12-avgustdagi 196-son qaroriga (Oʻzbekiston Respublikasi QHT, 2005-y., 32-33-son, 251-modda) 2-ilovaning 9-bandi.
4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” 2016-yil 26-apreldagi 122-son qaroriga (Oʻzbekiston Respublikasi QHT, 2016-yil 2-may, 17-son, 176-modda) 1-ilovaning 25-bandi.
5. Vazirlar Mahkamasining “Hududlarni kompleks rivojlantirish yigʻma boshqarmalari faoliyatini tashkil etishni yanada takomillashtirish chora-tadbirlari toʻgʻrisida” 2016-yil 1-iyuldagi 223-son qarorining 6-bandi.
6. Vazirlar Mahkamasining “Qoraqalpogʻiston Respublikasi Vazirlar Kengashi, viloyatlar, Toshkent shahri, shaharlar va tumanlar hokimliklari xodimlarining lavozim maoshlariga uzoq muddat ishlaganligi uchun har oylik ustama toʻlash tartibi toʻgʻrisidagi nizomni tasdiqlash haqida” 2017-yil 7-martdagi 123-son qarorining (Oʻzbekiston Respublikasi QHT, 2017-yil 13-mart, 10-son, 147-modda) 3-bandi va 2-ilovasi.
7. Vazirlar Mahkamasining “Oʻzbekiston Respublikasi Hukumatining ayrim qarorlariga mahalliy davlat hokimiyati organlarining vakolatlarini kengaytirish va mustaqilligini oshirishga yoʻnaltirilgan oʻzgartirishlar kiritish toʻgʻrisida” 2018-yil 6-oktabrdagi 805-son qaroriga ilovaning 1-bandi.
8. Vazirlar Mahkamasining “Oʻzbekiston Respublikasi Vazirlar Mahkamasining “Budjetdan mablagʻ bilan taʼminlanadigan tashkilotlarda xizmat yengil avtotransportidan foydalanishni tartibga solish toʻgʻrisida” 1999-yil 2-apreldagi 154-son qaroriga qoʻshimcha kiritish haqida” 2019-yil 15-fevraldagi 135-son qarori.
9. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” 2019-yil 28-dekabrdagi 1046-son qaroriga ilovaning 20-bandi.
10. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” 2013-yil 9-sentabrdagi 244-son qaroriga (Oʻzbekiston Respublikasi QHT, 2013-yil 16-sentabr, 37-son, 485-modda) 1-ilovaning 85-bandi.
11. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” 2015-yil 25-dekabrdagi 372-son qaroriga (Oʻzbekiston Respublikasi QHT, 2015-yil 31-dekabr, 52-son, 647-modda) 1-ilovaning 15-bandi.
12. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” 2016-yil 29-iyundagi 219-son qaroriga (Oʻzbekiston Respublikasi QHT, 2016-yil 11-iyul, 27-son, 326-modda) 1-ilovaning 6-bandi.
13. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” 2017-yil 11-maydagi 270-son qaroriga (Oʻzbekiston Respublikasi QHT, 2017-yil 15-may, 19-son, 345-modda) 1-ilovaning 41-bandi.
14. Vazirlar Mahkamasining “Vazirlar Mahkamasining “Davlat va xoʻjalik boshqaruvi organlari, mahalliy davlat hokimiyati organlari va boshqa tashkilotlarda yengil xizmat avtomashinalaridan foydalanishni yanada tartibga solish chora-tadbirlari toʻgʻrisida” 2011-yil 26-maydagi 153-son qaroriga oʻzgartirish kiritish haqidagi” 2017-yil 11-avgustdagi 613-son qarori (Oʻzbekiston Respublikasi QHT, 2017-yil 21-avgust, 33-son, 849-modda).
15. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” 2017-yil 16-avgustdagi 638-son qaroriga (Oʻzbekiston Respublikasi QHT, 2017-yil 21-avgust, 33-son, 863-modda) 1-ilovaning 54-bandi.
16. Vazirlar Mahkamasining “Oʻzbekkonsert” davlat muassasasi faoliyatini tashkil etish toʻgʻrisida” 2017-yil 28-avgustdagi 678-son qaroriga (Oʻzbekiston Respublikasi QHT, 2017-yil 4-sentabr, 35-son, 930-modda) 4-ilovaning 3-bandi.
Oldingi tahrirga qarang.
(17-band Oʻzbekiston Respublikasi Vazirlar Mahkamasining 2025-yil 6-oktabrdagi 627-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 07.10.2025-y., 09/25/627/0901-son)
18. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” 2017-yil 14-noyabrdagi 915-son qaroriga (Oʻzbekiston Respublikasi QHT, 2017-yil 20-noyabr, 46-son, 1134-modda) 1-ilovaning 40-bandi.
19. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2018-yil 14-fevraldagi 109-son qaroriga ilovaning 5-bandi.
20. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2018-yil 15-fevraldagi 121-son qaroriga 1-ilovaning 9-bandi.
21. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2018-yil 14-fevraldagi 109-son qaroriga ilovaning 5-bandi.
22. Vazirlar Mahkamasining “Vazirlar Mahkamasining “Davlat va xoʻjalik boshqaruvi organlari, mahalliy davlat hokimiyati organlari va boshqa tashkilotlarda yengil xizmat avtomashinalaridan foydalanishni yanada tartibga solish chora-tadbirlari toʻgʻrisida” 2011-yil 26-maydagi 153-son qarorining 2-ilovasiga oʻzgartirish kiritish toʻgʻrisida” 2018-yil 16-apreldagi 292-son qarori.
23. Vazirlar Mahkamasining “Vazirlar Mahkamasining “Davlat va xoʻjalik boshqaruvi organlari, mahalliy davlat hokimiyati organlari va boshqa tashkilotlarda yengil xizmat avtomashinalaridan foydalanishni yanada tartibga solish chora-tadbirlari toʻgʻrisida” 2011-yil 26-maydagi 153-son qarorining 1-ilovasiga qoʻshimcha kiritish haqida” 2018-yil 14-maydagi 360-son qarori.
24. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar va qoʻshimchalar kiritish toʻgʻrisida” 2018-yil 29-maydagi 398-son qaroriga ilovaning 7-bandi.
25. Vazirlar Mahkamasining “Oʻzbekiston Respublikasida avtomobil transportini boshqarish tizimini takomillashtirishga doir tashkiliy chora-tadbirlar toʻgʻrisida” 2018-yil 9-iyundagi 434-son qaroriga 6-ilovaning 11-bandi.
26. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2018-yil 5-iyuldagi 508-son qaroriga 1-ilovaning 18-bandi.
27. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2018-yil 16-iyuldagi 539-son qaroriga ilovaning 17-bandi.
Oldingi tahrirga qarang.
(28-band Oʻzbekiston Respublikasi Vazirlar Mahkamasining 2025-yil 7-noyabrdagi 706-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 08.11.2025-y., 09/25/706/1024-son)
29. Vazirlar Mahkamasining “Vazirlar Mahkamasining “Davlat va xoʻjalik boshqaruvi organlari, mahalliy davlat hokimiyati organlari va boshqa tashkilotlarda yengil xizmat avtomashinalaridan foydalanishni yanada tartibga solish chora-tadbirlari toʻgʻrisida” 2011-yil 26-maydagi 153-son qaroriga oʻzgartirish va qoʻshimcha kiritish haqida” 2019-yil 1-fevraldagi 76-son qarori.
30. Vazirlar Mahkamasining “Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar” 2019-yil 6-martdagi 195-son qaroriga ilovaning 20-bandi.
31. Vazirlar Mahkamasining “Davlat soliq xizmati organlari faoliyatini yanada takomillashtirish chora-tadbirlari toʻgʻrisida” 2019-yil 17-apreldagi 320-son qaroriga 8-ilovaning 6-bandi.
32. Vazirlar Mahkamasining “Oʻzbekiston standartlashtirish, metrologiya va sertifikatlashtirish agentligining faoliyatini yanada takomillashtirish chora-tadbirlari toʻgʻrisida” 2019-yil 24-apreldagi 348-son qaroriga 5-ilovaning 5-bandi.
33. Vazirlar Mahkamasining “Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar kiritish toʻgʻrisida” 2019-yil 29-apreldagi 367-son qaroriga 2-ilovaning 1-bandi.
34. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2019-yil 3-iyundagi 457-son qaroriga 2-ilovaning 3-bandi.
Oldingi tahrirga qarang.
(35-band Oʻzbekiston Respublikasi Vazirlar Mahkamasining 2025-yil 12-iyundagi 362-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 13.06.2025-y., 09/25/362/0507-son)
36. Vazirlar Mahkamasining “Oʻzbekiston Respublikasi Veterinariya va chorvachilikni rivojlantirish davlat qoʻmitasi faoliyatini tartibga soluvchi normativ-huquqiy hujjatlarni tasdiqlash toʻgʻrisida” 2019-yil 27-iyundagi 532-son qaroriga 5-ilovaning 11-bandi.
37. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2019-yil 30-sentabrdagi 822-son qaroriga ilovaning 15-bandi.
38. Vazirlar Mahkamasining “Vazirlar Mahkamasining “Davlat va xoʻjalik boshqaruvi organlari, mahalliy davlat hokimiyati organlari va boshqa tashkilotlarda yengil xizmat avtomashinalaridan foydalanishni yanada tartibga solish chora-tadbirlari toʻgʻrisida” 2011-yil 26-maydagi 153-son qaroriga oʻzgartirish va qoʻshimcha kiritish toʻgʻrisida” 2019-yil 5-oktabrdagi 847-son qarori.
39. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2019-yil 16-oktabrdagi 874-son qaroriga ilovaning 3-bandi.
40. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2019-yil 19-dekabrdagi 1014-son qaroriga ilovaning 33-bandi.
41. Vazirlar Mahkamasining “Vazirlar Mahkamasining “Davlat va xoʻjalik boshqaruvi organlari, mahalliy davlat hokimiyati organlari va boshqa tashkilotlarda yengil xizmat avtomashinalaridan foydalanishni yanada tartibga solish chora-tadbirlari toʻgʻrisida” 2011-yil 26-maydagi 153-son qaroriga oʻzgartirish kiritish toʻgʻrisida” 2020-yil 10-yanvardagi 15-son qarori.
42. Vazirlar Mahkamasining “Oʻzbekinvest” eksport-import milliy sugʻurta kompaniyasining faoliyatini yanada takomillashtirish chora-tadbirlari toʻgʻrisida” 2020-yil 30-yanvardagi 46-son qaroriga ilovaning 3-bandi.
43. Vazirlar Mahkamasining “Vazirlar Mahkamasining “Davlat va xoʻjalik boshqaruvi organlari, mahalliy davlat hokimiyati organlari va boshqa tashkilotlarda yengil xizmat avtomashinalaridan foydalanishni yanada tartibga solish chora-tadbirlari toʻgʻrisida” 2011-yil 26-maydagi 153-son qaroriga oʻzgartirish kiritish haqida” 2020-yil 23-martdagi 177-son qarori.
44. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2020-yil 14-apreldagi 217-son qaroriga 1-ilovaning 32-bandi.
45. Vazirlar Mahkamasining “Davlat-xususiy sheriklik loyihalarini amalga oshirish tartibini takomillashtirish toʻgʻrisida” 2020-yil 26-apreldagi 259-son qaroriga 2-ilovaning 1-bandi.
46. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2020-yil 8-maydagi 271-son qaroriga 1-ilovaning 17-bandi.
47. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar va qoʻshimcha kiritish toʻgʻrisida” 2020-yil 20-maydagi 305-son qaroriga ilovaning 1-bandi.
48. Vazirlar Mahkamasining “Oʻzbekiston Respublikasi Qurilish vazirligi huzuridagi Qurilish sohasida nazorat inspeksiyasi faoliyatiga oid normativ-huquqiy hujjatlarni tasdiqlash toʻgʻrisida” 2020-yil 28-maydagi 343-son qaroriga 3-ilovaning 1-bandi.
49. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2020-yil 3-iyundagi 348-son qaroriga 1-ilovaning 4-bandi.
50. Vazirlar Mahkamasining “Soliq maʼmuriyatchiligida zamonaviy axborot-kommunikatsiya texnologiyalarini keng joriy etishga doir qoʻshimcha chora-tadbirlar toʻgʻrisida” 2020-yil 5-iyundagi 359-son qaroriga 3-ilovaning 3-bandi.
51. Vazirlar Mahkamasining “Olimpiya zaxiralari kollejlari faoliyatini tashkil etish chora-tadbirlari toʻgʻrisida” 2020-yil 12-avgustdagi 480-son qaroriga 8-ilovaning 5-bandi.
52. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar va qoʻshimcha kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2020-yil 24-avgustdagi 509-son qaroriga ilovaning 1-bandi.
53. Vazirlar Mahkamasining “Vazirlar Mahkamasining “Davlat va xoʻjalik boshqaruvi organlari, mahalliy davlat hokimiyati organlari va boshqa tashkilotlarda yengil xizmat avtomashinalaridan foydalanishni yanada tartibga solish chora-tadbirlari toʻgʻrisida” 2011-yil 26-maydagi 153-son qaroriga oʻzgartirish kiritish haqida” 2020-yil 24-avgustdagi 510-son qarori.
54. Vazirlar Mahkamasining “Oʻzbekiston Respublikasi Pillachilik va qorakoʻlchilikni rivojlantirish qoʻmitasi faoliyatini tashkil etish chora-tadbirlari toʻgʻrisida” 2020-yil 10-noyabrdagi 705-son qarorining 4-bandi va 4-ilovasi.
55. Vazirlar Mahkamasining “Soliq xavfini boshqarish, soliq xavfi mavjud soliq toʻlovchilarni (soliq agentlarini) aniqlash va soliq tekshiruvlarini tashkil etish va oʻtkazish toʻgʻrisida” 2021-yil 7-yanvardagi 1-son qaroriga 3-ilovaning 3-bandi.
56. Vazirlar Mahkamasining “Oʻzbekiston Respublikasida arxiv ishi va ish yuritish sohasi takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2021-yil 15-fevraldagi 68-son qaroriga 1-ilovaning 4-bandi.
57. Vazirlar Mahkamasining “Yoshlarni ijtimoiy qoʻllab-quvvatlash boʻyicha qoʻshimcha chora-tadbirlar toʻgʻrisida” 2021-yil 11-martdagi 132-son qaroriga 3-ilovaning 2-bandi.
58. Vazirlar Mahkamasining “Kambagʻal va ishsiz fuqarolarni kasb-hunarga oʻqitish tizimini takomillashtirish hamda mehnat organlari faoliyati samaradorligini oshirish boʻyicha qoʻshimcha chora-tadbirlar toʻgʻrisida” 2021-yil 5-apreldagi 183-son qaroriga 6-ilovaning 11-bandi.
59. Vazirlar Mahkamasining “Oʻzbekiston davlat konservatoriyasining Nukus filialini tashkil etish chora-tadbirlari toʻgʻrisida” 2021-yil 5-apreldagi 186-son qaroriga 2-ilovaning 1-bandi.

(Qonun hujjatlari maʼlumotlari milliy bazasi, 30.04.2021-y., 09/21/258/0400-son, Qonunchilik maʼlumotlari milliy bazasi, 05.04.2022-y., 09/22/153/0266-son, 19.04.2022-y., 09/22/195/0319-son, 14.07.2022-y., 09/22/385/0643-son; 21.08.2023-y., 09/23/402/0632-son; 18.12.2023-y., 09/23/665/0942-son; 12.07.2024-y., 09/24/371/0499-son; 03.01.2025-y., 07/25/465/0007-son; 10.04.2025-y., 07/25/136/0321-son; 22.04.2025-y., 09/25/252/0371-son; 13.06.2025-y., 09/25/362/0507-son; 07.10.2025-y., 09/25/627/0901-son; 08.11.2025-y., 09/25/706/1024-son; 11.12.2025-y., 09/25/783/1154-son)