Oʻzbekiston Respublikasi Vazirlar Mahkamasining
qarori
Fuqarolarning oʻzini oʻzi boshqarish organlari faoliyatida faol ishtirok etib kelayotgan fuqarolarni ragʻbatlantirish tartibini joriy etish toʻgʻrisida
Fuqarolarning oʻzini oʻzi boshqarish organlari faoliyatida faol ishtirok etib kelayotgan fuqarolarni ragʻbatlantirish hamda ularga kommunal xizmatlar uchun majburiy toʻlovlar boʻyicha imtiyoz berish tizimini joriy etish maqsadida Vazirlar Mahkamasi qaror qiladi:
Oldingi tahrirga qarang.
1. Oʻzbekiston Respublikasi Mahalla va nuroniylarni qoʻllab-quvvatlash vazirligi, Uy-joy kommunal xizmat koʻrsatish vazirligi hamda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining quyidagilar toʻgʻrisidagi taklifi maʼqullansin:
(1-band Oʻzbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik maʼlumotlari milliy bazasi, 10.08.2022-y., 09/22/438/0726-son)
a) 2021-yil 1-martdan boshlab fuqarolarning oʻzini oʻzi boshqarish organlari faoliyatida faol ishtirok etib kelayotgan fuqarolarni ragʻbatlantirish tariqasida ularga kommunal xizmatlar uchun majburiy toʻlovlar boʻyicha bazaviy hisoblash miqdorining 50 foizi miqdorida har oyda kompensatsiya pul toʻlovlarini toʻlab berish;
b) fuqarolarning oʻzini oʻzi boshqarish organlari faoliyatida faol ishtirok etib kelayotgan fuqarolar faoliyatining samaradorligini baholashning asosiy koʻrsatkichlari sifatida quyidagilarni belgilash:
tegishli hududda koʻcha va koʻp kvartirali uylardagi obodonlashtirish va koʻkalamzorlashtirish ishlarini tashkil etish;
oʻzi yashayotgan koʻcha va koʻp kvartirali uylardagi “temir daftar”, “ayollar daftari” va “yoshlar daftari”ga kiritilgan fuqarolar bilan ishlash;
oʻzgalar parvarishiga muhtoj yolgʻiz keksalar va nogironlarga, boquvchisini yoʻqotgan oilalarga, notinch va muammoli oilalarga yordam koʻrsatish;
aholining issiqlik va elektr energiyasidan, tabiiy gazdan, issiq va sovuq suvdan tejamli foydalanishlarini targʻib qilish;
tegishli hududda toʻy-hashamlar, oilaviy tantanalar, maʼraka va marosimlar, marhumlarning xotirasiga bagʻishlangan tadbirlar oʻtkazilishini tartibga solish masalalarida fuqarolar yigʻini kengashiga bergan takliflari bilan oʻziga biriktirilgan hudud osoyishtaligi va obodligi uchun koʻmaklashish;
aholi tinchligi uchun xavf tugʻdiruvchi holatlarni bartaraf etish maqsadida fuqarolar yigʻiniga yoki mutasaddi organlarga xabar berganligi natijasida tegishli hududda huquqbuzarliklarning oldini olish;
fuqarolar yigʻini majlisi (fuqarolar vakillarining yigʻilishi) qarorlari boʻyicha amalga oshirilgan targʻibot ishlari.
2. Quyidagilarni nazarda tutuvchi Fuqarolarning oʻzini oʻzi boshqarish organlari faoliyatida faol ishtirok etib kelayotgan fuqarolarni ragʻbatlantirish tariqasida ularga kommunal xizmatlar uchun majburiy toʻlovlar boʻyicha har oyda kompensatsiya pul toʻlovlarini toʻlash tartibi toʻgʻrisidagi nizom ilovaga muvofiq tasdiqlansin:
fuqarolarning oʻzini oʻzi boshqarish organlari faoliyatida faol ishtirok etib kelayotgan fuqarolar faoliyatining samaradorligini baholash;
fuqarolarning oʻzini oʻzi boshqarish organlari faoliyatida faol ishtirok etib kelayotgan fuqarolar faoliyatini fuqarolar yigʻinining kengashida muhokama qilish;
fuqarolarning oʻzini oʻzi boshqarish organlari faoliyatida faol ishtirok etib kelayotgan fuqarolarga kommunal xizmatlar uchun majburiy toʻlovlar boʻyicha har oyda kompensatsiya pul toʻlovlarini toʻlash.
Oldingi tahrirga qarang.
3. Belgilab qoʻyilsinki, fuqarolarning oʻzini oʻzi boshqarish organlari faoliyatida faol ishtirok etib kelayotgan fuqarolarni ragʻbatlantirish tariqasida ularga kommunal xizmatlar uchun majburiy toʻlovlar boʻyicha har oylik kompensatsiya pul toʻlovlari mahalliy budjetlarning qoʻshimcha manbalari hisobidan Mahalla va nuroniylarni qoʻllab-quvvatlash vazirligining tuman (shahar) boʻlimlari orqali toʻlanadi.
(3-band Oʻzbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik maʼlumotlari milliy bazasi, 10.08.2022-y., 09/22/438/0726-son)
Oldingi tahrirga qarang.
4. Oʻzbekiston Respublikasi Mahalla va nuroniylarni qoʻllab-quvvatlash vazirligi manfaatdor vazirliklar va idoralar bilan birgalikda:
(4-band Oʻzbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik maʼlumotlari milliy bazasi, 10.08.2022-y., 09/22/438/0726-son)
jamoatchilik orasida mazkur qarorning mazmuni va mohiyati toʻgʻrisida tushuntirish ishlarini amalga oshirsin;
oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
Oldingi tahrirga qarang.
5. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari hamda Oʻzbekiston Respublikasi mahalla va nuroniylarni qoʻllab-quvvatlash vaziri oʻrinbosari A. Tursunov zimmasiga yuklansin.
(5-band Oʻzbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik maʼlumotlari milliy bazasi, 10.08.2022-y., 09/22/438/0726-son)
Oʻzbekiston Respublikasining Bosh vaziri A. ARIPOV
Toshkent sh.,
2021-yil 23-fevral,
99-son

Vazirlar Mahkamasining 2021-yil 23-fevraldagi 99-son qaroriga

ILOVA
Fuqarolarning oʻzini oʻzi boshqarish organlari faoliyatida faol ishtirok etib kelayotgan fuqarolarga kommunal xizmatlar uchun majburiy toʻlovlar boʻyicha kompensatsiya pul toʻlovlarini toʻlash tartibi toʻgʻrisida
NIZOM
1-bob. Umumiy qoidalar
1. Mazkur Nizom fuqarolarning oʻzini oʻzi boshqarish organlari faoliyatida faol ishtirok etib kelayotgan fuqarolarni ragʻbatlantirish tariqasida ularga kommunal xizmatlar uchun majburiy toʻlovlar boʻyicha har oyda kompensatsiya pul toʻlovlarini toʻlash tartibini belgilaydi.
2. Mazkur Nizomda quyidagi asosiy tushunchalardan foydalaniladi:
fuqarolar yigʻini hududidagi koʻcha — fuqarolar yigʻini kengashi tomonidan aholi soniga qarab belgilanadigan tegishli hudud;
fuqarolar yigʻini hududidagi koʻp kvartirali uy — koʻp kvartirali uyga tutash yer uchastkasiga yoxud bunday uydagi umumiy foydalaniladigan joylarga mustaqil chiqish yoʻlaklariga ega boʻlgan ikki va undan ortiq kvartiralar majmui;
fuqarolarning oʻzini oʻzi boshqarish organlari faoliyatida faol ishtirok etib kelayotgan fuqarolar — fuqarolar yigʻini hududidagi koʻchalar va koʻp kvartirali uylarning geografik joylashuviga qarab, shu hududda yashovchi aholi nomidan fuqarolar yigʻinida faol ishtirok etuvchi jismoniy shaxslar (keyingi oʻrinlarda — koʻchaboshi va uyboshilar).
3. Koʻchaboshi va uyboshilarni ragʻbatlantirish tariqasida ularga kommunal xizmatlar uchun majburiy toʻlovlar boʻyicha har oyda kompensatsiya pul toʻlovlarini toʻlash quyidagi maqsadlarda amalga oshiriladi:
ekologiya va atrof-muhitni muhofaza qilish, obodonlashtirish va koʻkalamzorlashtirish masalalarida keng jamoatchilikning faol ishtirokini tashkil etish;
Oldingi tahrirga qarang.
aholi oʻrtasida mamlakatimizda amalga oshirilayotgan davlat siyosatining ustuvor yoʻnalishlari, keng koʻlamli isloxotlarning mohiyati, qabul qilingan qonunchilik hujjatlari va davlat dasturlari ahamiyatining targʻibot va tashviqotini tashkil qilish;
(3-bandning uchinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
koʻchaboshi va uyboshilarning oilalar va mahallalardagi ijtimoiy-maʼnaviy muhitni sogʻlomlashtirish, huquqbuzarliklar profilaktikasi va jinoyatchilikka qarshi kurashishdagi faolligini yanada oshirish.
4. Koʻchaboshi va uyboshilar mazkur Nizomga 1-ilovaga muvofiq sxema asosida ragʻbatlantiriladi.
2-bob. Fuqarolarning oʻzini oʻzi boshqarish organlari faoliyatida faol ishtirok etib kelayotgan koʻchaboshi va uyboshilarni ragʻbatlantirish tartibi
Oldingi tahrirga qarang.
5. Koʻchaboshi va uyboshilarni ragʻbatlantirish tariqasida ularga kommunal xizmatlar uchun majburiy toʻlovlar boʻyicha bazaviy hisoblash miqdorining 50 foizi miqdorida har oylik kompensatsiya pul toʻlovlari mahalliy budjetlarning qoʻshimcha manbalari hisobidan Mahalla va nuroniylarni qoʻllab-quvvatlash vazirligining tuman (shahar) boʻlimlari orqali amalga oshiriladi.
(5-band Oʻzbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik maʼlumotlari milliy bazasi, 10.08.2022-y., 09/22/438/0726-son)
6. Koʻchaboshi va uyboshilar faoliyatining samaradorligi quyidagi asosiy koʻrsatkichlar orqali baholanadi:
aholining talabidan kelib chiqib, oʻzlariga biriktirilgan koʻchalar va koʻp kvartirali uylar atrofini obodonlashtirish va koʻkalamzorlashtirish, joriy va toʻliq taʼmirlash hamda bolalar maydonchalarini tashkil etish va jihozlashga doir chora-tadbirlar rejalari loyihalariga kiritgan takliflari soni;
aholining ijtimoiy-iqtisodiy koʻmakka muhtoj qatlamlarini oʻz vaqtida aniqlab, ularning yashash turmush tarzini yaxshilash maqsadida “temir daftar”, “ayollar daftari” va “yoshlar daftari”ga kiritilishi, ularga moddiy yordam koʻrsatilishi va kelgusida mazkur daftarlardan chiqarilishi boʻyicha fuqarolar yigʻini kengashiga kiritilgan aniq takliflar soni;
oʻzgalar parvarishiga muhtoj yolgʻiz keksalarni, boquvchisini yoʻqotgan oilalarni, notinch va muammoli oilalarni, qoʻllab-quvvatlashga muhtoj boʻlgan kambagʻal oilalarni, pensionerlarni va nogironlarni oʻrganish va moddiy qoʻllab-quvvatlash, ularga homiylik yordamlarini koʻrsatish boʻyicha fuqarolar yigʻini kengashiga kiritilgan takliflar soni;
aholining issiqlik va elektr energiyasidan, tabiiy gazdan, issiq va sovuq suvdan tejamli foydalanishlarini targʻib qilishda, shuningdek, tegishli hududni namunali saqlashda shaxsiy tashabbus koʻrsatganligi;
oʻziga biriktirilgan hududda toʻy-hashamlar, oilaviy tantanalar, maʼraka va marosimlar, marhumlarning xotirasiga bagʻishlangan tadbirlar oʻtkazilishida namuna koʻrsatganligi va ularni tartibga solish masalalari boʻyicha fuqarolar yigʻini kengashiga kiritgan takliflari soni;
aholi tinchligi va xotirjamligiga xavf tugʻdiruvchi holatlarni bartaraf etish maqsadida fuqarolar yigʻiniga yoki mutasaddi organlarga xabar berishi natijasida oldi olingan huquqbuzarliklar soni;
oʻziga biriktirilgan hududda fuqarolar yigʻini majlisi (fuqarolar vakillarining yigʻilishi) qarorlari boʻyicha amalga oshirilgan targʻibot ishlari soni.
7. Koʻchaboshi va uyboshilar faoliyatining samaradorligi har chorakda fuqarolar yigʻinining kengashi tomonidan ushbu Nizomga 2-ilovada belgilangan fuqarolarning oʻzini oʻzi boshqarish organlari faoliyatida faol ishtirok etib kelayotgan fuqarolarga kommunal xizmatlar uchun majburiy toʻlovlar boʻyicha kompensatsiya pul toʻlovlarini toʻlash baholash mezonlari asosida baholab boriladi.
Koʻchaboshi va uyboshilar faoliyatini baholashda ularning biriktirilgan koʻcha yoki uyda kamida uch oy davomida faoliyat koʻrsatganligi inobatga olinadi.
8. Har oylik kompensatsiya pul toʻlovlari ushbu Nizomga ilovada nazarda tutilgan mezonlardan kelib chiqqan holda 70 balldan yuqori ball toʻplagan koʻchaboshi va uyboshilarga toʻlanadi.
9. Koʻchaboshi va uyboshilar faoliyatini baholash natijalari har chorak yakuni boʻyicha keyingi oyning ikkinchi sanasiga qadar fuqarolar yigʻinining kengashida muhokama qilinadi va kommunal xizmatlar uchun majburiy toʻlovlar boʻyicha har oyda kompensatsiya pul toʻlovlarini toʻlashga tavsiya etiladigan koʻchaboshi va uyboshilar roʻyxati yigʻilish bayonnomasi bilan tasdiqlanadi.
Oldingi tahrirga qarang.
10. Fuqarolar yigʻini raisi har chorak yakuni boʻyicha keyingi oyning beshinchi sanasiga qadar ragʻbatlantirish tariqasida faol koʻchaboshi va uyboshilarga kommunal xizmatlar uchun majburiy toʻlovlar boʻyicha bazaviy hisoblash miqdorining 50 foizi miqdorida har oylik kompensatsiya pul toʻlovlarini toʻlib berish yuzasidan Mahalla va nuroniylarni qoʻllab-quvvatlash vazirligining tuman (shahar) boʻlimiga taklif kiritadi.
(10-band Oʻzbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik maʼlumotlari milliy bazasi, 10.08.2022-y., 09/22/438/0726-son)
Oldingi tahrirga qarang.
11. Mahalla va nuroniylarni qoʻllab-quvvatlash vazirligining tuman (shahar) boʻlimi har chorak yakuni boʻyicha keyingi oyning yettinchi sanasiga qadar kommunal xizmatlar uchun majburiy toʻlovlar boʻyicha har oyda kompensatsiya pul toʻlovlarini toʻlashga tavsiya etilgan koʻchaboshi va uyboshilar roʻyxatini ularga chorak davomida kommunal xizmatlar uchun majburiy toʻlovlar boʻyicha bazaviy hisoblash miqdorining 50 foizi miqdorida har oylik kompensatsiya pul toʻlovlarini toʻlab berish uchun zarur mablagʻni ajratish maqsadida tuman (shahar) hokimliklariga yuboradi.
(11-band Oʻzbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik maʼlumotlari milliy bazasi, 10.08.2022-y., 09/22/438/0726-son)
Oldingi tahrirga qarang.
12. Tuman (shahar) hokimliklari koʻchaboshi va uyboshilarni ragʻbatlantirish maqsadida mahalliy budjetlarning qoʻshimcha manbalari hisobidan har chorak yakuni boʻyicha keyingi oyning oʻn beshinchi sanasiga qadar Mahalla va nuroniylarni qoʻllab-quvvatlash vazirligining tuman (shahar) boʻlimlarining maxsus hisobvaraqalariga zarur mablagʻni oʻtkazib beradi.
(12-band Oʻzbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik maʼlumotlari milliy bazasi, 10.08.2022-y., 09/22/438/0726-son)
Oldingi tahrirga qarang.
13. Mahalla va nuroniylarni qoʻllab-quvvatlash vazirligining tuman (shahar) boʻlimlari koʻchaboshi va uyboshilariga keyingi chorak davomida har oyning yigirmanchi sanasiga qadar kommunal xizmatlar uchun majburiy toʻlovlar boʻyicha bazaviy hisoblash miqdorining 50 foizi miqdorida kompensatsiya pul toʻlovlarini toʻlab beradi.
(13-band Oʻzbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik maʼlumotlari milliy bazasi, 10.08.2022-y., 09/22/438/0726-son)
Oldingi tahrirga qarang.
14. Kompensatsiya pul toʻlovlari toʻlashga tavsiya etilgan koʻchaboshi va uyboshi ushbu mahalla hududidan boshqa hududga koʻchib oʻtadigan boʻlsa, kompensatsiya pul toʻlovlari uchun ajratilgan mablagʻ besh kun ichida koʻchaboshi va uyboshi koʻchib oʻtgan tegishli tuman (shahar)dagi Mahalla va nuroniylarni qoʻllab-quvvatlash vazirligi boʻlimining maxsus hisobvaragʻiga oʻtkazib beriladi.
(14-band Oʻzbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik maʼlumotlari milliy bazasi, 10.08.2022-y., 09/22/438/0726-son)
3-bob. Kompensatsiya pul toʻlovlari toʻlashni muddatidan oldin toʻxtatish asoslari va tartibi
15. Kompensatsiya pul toʻlovlari toʻlanayotgan koʻchaboshi va uyboshi fuqarolarning oʻzini oʻzi boshqarish organlari faoliyatida faol ishtirok etmasa, kompensatsiya pul toʻlovlarini toʻlash muddatidan oldin toʻxtatilishi mumkin.
Oldingi tahrirga qarang.
Fuqarolarning oʻzini oʻzi boshqarish organlari faoliyatida faol ishtirok etmayotgan koʻchaboshi va uyboshilarga kompensatsiya pul toʻlovlarini toʻlashni muddatidan oldin toʻxtatish fuqarolar yigʻinining kengashi yigʻilishida muhokama qilinadi hamda fuqarolar yigʻining bu haqdagi taklifi Mahalla va nuroniylarni qoʻllab-quvvatlash vazirligining tegishli tuman (shahar) boʻlimiga taqdim etiladi.
(15-bandning ikkinchi xatboshisi Oʻzbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik maʼlumotlari milliy bazasi, 10.08.2022-y., 09/22/438/0726-son)
Oldingi tahrirga qarang.
16. Mahalla va nuroniylarni qoʻllab-quvvatlash vazirligining tuman (shahar) boʻlimi fuqarolar yigʻinining koʻchaboshi va uyboshilarga kompensatsiya pul toʻlovlarini toʻlashni muddatidan oldin toʻxtatish toʻgʻrisidagi taklifi kelib tushgandan soʻng uch kun ichida kompensatsiya pul toʻlovlarini toʻlashni muddatidan oldin toʻxtatish toʻgʻrisida qaror qabul qiladi.
(16-band Oʻzbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik maʼlumotlari milliy bazasi, 10.08.2022-y., 09/22/438/0726-son)
17. Kompensatsiya pul toʻlovlari toʻlashga tavsiya etilgan koʻchaboshi va uyboshi vafot etgan taqdirda unga kompensatsiya pul toʻlovlarini toʻlash toʻxtatiladi.
4-bob. Yakunlovchi qoidalar
Oldingi tahrirga qarang.
18. Koʻchaboshi va uyboshilarni ragʻbatlantirish uchun Mahalla va nuroniylarni qoʻllab-quvvatlash vazirligining tuman (shahar) boʻlimlari masʼul hisoblanadi.
(18-band Oʻzbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik maʼlumotlari milliy bazasi, 10.08.2022-y., 09/22/438/0726-son)
Oldingi tahrirga qarang.
19. Koʻchaboshi va uyboshilarni ragʻbatlantirish bilan bogʻliq nizolar qonunchilik hujjatlarida belgilangan tartibda hal etiladi.
(19-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
20. Mazkur Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi.
(20-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)

Fuqarolarning oʻzini oʻzi boshqarish organlari faoliyatida faol ishtirok etib kelayotgan fuqarolarga kommunal xizmatlar uchun majburiy toʻlovlar boʻyicha kompensatsiya pul toʻlovlarini toʻlash tartibi toʻgʻrisidagi nizomga

1-ILOVA
Fuqarolarning oʻzini oʻzi boshqarish organlari faoliyatida faol ishtirok etib kelayotgan fuqarolarni ragʻbatlantirish
SXEMASI
Oldingi tahrirga qarang.

Bosqichlar

Subyekt

Bajarish mexanizmi

Bajarish muddatlari

1. Koʻchaboshi va uyboshilar faoliyatining samaradorligi “Fuqarolarning oʻzini oʻzi boshqarish organlari faoliyatida faol ishtirok etib kelayotgan fuqarolarni ragʻbatlantirish tariqasida ularga kommunal xizmatlar uchun majburiy toʻlovlar boʻyicha har oyda kompensatsiya pul toʻlovlarini toʻlash tartibi toʻgʻrisida nizom”ning 6-bandida koʻrsatilgan asosiy koʻrsatkichlar orqali baholanadi;

2. Koʻchaboshi va uyboshilar faoliyatini baholashda ularning biriktirilgan koʻch� yoki uyda kamida bir chorak davomida faoliyat koʻrsatganligi inobatga olinadi;

3. Koʻchaboshi va uyboshilar faoliyatini baholash natijalarini muhokama qiladi;

4. Fuqarolarning oʻzini oʻzi boshqarish organlari faoliyatida faol ishtirok etib kelayotgan koʻchaboshi

va uyboshilar roʻyxatini majlis bayoni bilan tasdiqlaydi.

Fuqarolar yigʻini kengashi

Bir chorak yakuni boʻyicha k�yingi oyning 2 sanasiga qadar

1-bosqich

Ragʻbatlantirish tariqasida faol koʻchaboshi va uyboshilarga kommunal xizmatlar uchun majburiy toʻlovlar boʻyicha bazaviy hisoblash miqdorining 50 foizi miqdorida har oylik kompensatsiya pul toʻlovlarini toʻlab berish yuzasidan tuman (shahar) Mahalla va nuroniylarni qoʻllab-quvvatlash vazirligining tuman (shahar) boʻlimiga taklif kiritadi.

Fuqarolar yigʻini raisi

Bir chorak yakuni boʻyicha keyingi oyning 5 sanasiga qadar

2-bosqich

Faol koʻchaboshi va uyboshilar roʻyxatini ularga chorak davomida kommunal xizmatlar uchun majburiy toʻlovlar boʻyicha bazaviy hisoblash miqdorining 50 foizi miqdorida har oylik kompensatsiya pul toʻlovlarini toʻlab berish uchun tuman (shahar) hokimliklarga yuboradi.

Mahalla va nuroniylarni qoʻllab-quvvatlash boʻlimi

Bir chorak yakuni boʻyicha keyingi oyning 7 sanasiga qadar

3-bosqich

Fuqarolarning oʻzini oʻzi boshqarish organlari faoliyatida faol ishtirok etib kelayotgan koʻchaboshi va uyboshilarni ragʻbatlantirish mahalliy budjetlarning qoʻshimcha manbalari hisobidan Mahalla va nuroniylarni qoʻllab-quvvatlash vazirligining tuman (shahar) boʻlimlarining maxsus hisobvaragʻi orqali amalga oshiriladi.

Tuman (shahar) hokimliklari

Bir chorak yakuni boʻyicha keyingi oyning 15 sanasiga qadar

4-bosqich

Koʻchaboshi va uyboshilarga ragʻbatlantirish mablagʻlarini toʻlash Mahalla va nuroniylarni qoʻllab-quvvatlash vazirligining tuman (shahar) boʻlimlari tomonidan bank kartalari orqali toʻlab beriladi.

Mahalla va nuroniylarni qoʻllab-quvvatlash boʻlimi

Bir chorak yakuni boʻyicha keyingi oyning 20 sanasiga qadar

5-bosqich

(1-ilova Oʻzbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik maʼlumotlari milliy bazasi, 10.08.2022-y., 09/22/438/0726-son)

Fuqarolarning oʻzini oʻzi boshqarish organlari faoliyatida faol ishtirok etib kelayotgan fuqarolarga kommunal xizmatlar uchun majburiy toʻlovlar boʻyicha kompensatsiya pul toʻlovlarini toʻlash tartibi toʻgʻrisidagi nizomga

2-ILOVA

Fuqarolarning oʻzini oʻzi boshqarish organlari faoliyatida faol ishtirok etib kelayotgan fuqarolarga kommunal xizmatlar uchun majburiy toʻlovlar boʻyicha kompensatsiya pul toʻlovlari toʻlanishini baholash

MEZONLARI

T/r

Faoliyatni baholash mezonlari

Baholash ballari

1.

Koʻchalar va koʻp kvartirali uylar atrofini obodonlashtirish va koʻkalamzorlashtirish, joriy va toʻliq taʼmirlash hamda bolalar maydonchalarini tashkil etish va jihozlashga doir chora-tadbirlar rejalari loyihalariga kiritilgan takliflar

20

1.1.

koʻchalar va koʻp kvartirali uylarning obodonlashtirilganligi hamda koʻkalamzorlashtirilganligi

7

1.2.

koʻchalar va koʻp kvartirali uylarning taʼmirlanganligi

7

1.3.

bolalar maydonchalari tashkil etilganligi va jihozlanganligi

6

2.

Aholining “temir daftar”, “ayollar daftari” va “yoshlar daftari”ga kiritilishi, ularga moddiy yordam koʻrsatilishi va kelgusida mazkur daftarlardan chiqarilishi toʻgʻrisida fuqarolar yigʻini kengashiga kiritilgan takliflar

20

2.1.

“temir daftar”da qayd qilish orqali moddiy yordam koʻrsatilgan fuqarolar

7

2.2.

“ayollar daftari”da qayd qilish orqali moddiy yordam koʻrsatilgan xotin-qizlar

7

2.3.

“yoshlar daftari”da qayd qilish orqali moddiy yordam koʻrsatilgan yoshlar

6

3.

Oʻzgalar parvarishiga muhtoj yolgʻiz keksalarni, boquvchisini yoʻqotgan oilalarni, notinch va muammoli oilalarni, qoʻllab-quvvatlashga muhtoj boʻlgan kambagʻal oilalarni, pensionerlarni va nogironlarni oʻrganish va moddiy qoʻllab-quvvatlash, ularga homiylik yordamlarini koʻrsatish boʻyicha fuqarolar yigʻini kengashiga kiritilgan takliflar

20

3.1.

moddiy tomondan qoʻllab-quvvatlangan yolgʻiz keksalar

4

3.2.

moddiy tomondan qoʻllab-quvvatlangan boquvchisini yoʻqotgan oilalar

4

3.3.

moddiy tomondan qoʻllab-quvvatlangan notinch va muammoli oilalar

4

3.4.

moddiy tomondan qoʻllab-quvvatlangan kambagʻal oilalar

4

3.5.

moddiy tomondan qoʻllab-quvvatlangan pensionerlar va nogironlar

4

4.

Aholining issiqlik va elektr energiyasidan, tabiiy gazdan, issiq va sovuq suvdan tejamli foydalanishlarini targʻib qilishda, shuningdek, tegishli hududni namunali saqlashda shaxsiy tashabbus koʻrsatganligi

10

4.1.

aholi tomonidan issiqlik va elektr energiyasi, tabiiy gaz, issiq va sovuq suvdan foydalanish tartiblarining buzilishiga yoʻl qoʻyilmaganligi

6

4.2.

biriktirilgan hududning namunali saqlanganligi

4

5.

Toʻy-hashamlar, oilaviy tantanalar, maʼraka va marosimlar, marhumlarning xotirasiga bagʻishlangan tadbirlar oʻtkazilishini tartibga solish masalalari boʻyicha fuqarolar yigʻini kengashiga kiritilgan takliflar

10

5.1.

oʻrnatilgan tartiblar asosida oʻtkazilgan toʻy-hashamlar

6

5.2.

oʻrnatilgan tartiblar asosida oʻtkazilgan oilaviy tantanalar, maʼraka va marosimlar, marhumlarning xotirasiga bagʻishlangan tadbirlar

4

6.

Fuqarolar yigʻiniga yoki mutasaddi organlarga xabar berish natijasida oldi olingan huquqbuzarliklar

10

6.1.

maʼmuriy huquqbuzarliklarning aniqlanishi va jinoyatlarning fosh etilishi hamda notinch oilalarda kelib chiqqan nizolarni bartaraf etish

4

6.2.

sud qaroriga koʻra voyaga yetmagan farzandi uchun aliment pullarining oʻz vaqtida toʻlanishi

4

6.3.

ota-onasining qaramogʻisiz qolgan bolalarning aniqlanishi

2

7.

Fuqarolar yigʻini majlisi (fuqarolar vakillarining yigʻilishi) qarorlari boʻyicha amalga oshirilgan targʻibot va tashviqot ishlari

10

7.1.

biriktirilgan hududda aholi orasida targʻibot va tashviqot tadbirlarining oʻtkazilganligi

6

7.2.

fuqarolar bilan uyma-uy (xonadonma-xonadon) yurish orqali targʻibot va tashviqot oʻtkazilganligi

4
(Qonun hujjatlari maʼlumotlari milliy bazasi, 24.02.2021-y., 09/21/99/0152-son, Qonunchilik maʼlumotlari milliy bazasi, 05.04.2022-y., 09/22/153/0266-son; 10.08.2022-y., 09/22/438/0726-son)