Oʻzbekiston Respublikasi Prezidentining
Qarori
Oʻzbekiston Respublikasi Madaniyat vazirligi faoliyatini takomillashtirish chora-tadbirlari toʻgʻrisida
Oʻzbekiston Respublikasi Prezidentining 2020-yil 26-maydagi “Madaniyat va sanʼat sohasining jamiyat hayotidagi oʻrni va taʼsirini yanada oshirish chora-tadbirlari toʻgʻrisida”gi PF-6000-son Farmoniga muvofiq:
1. Oʻzbekiston Respublikasi Madaniyat vazirligi (keyingi oʻrinlarda — Madaniyat vazirligi) faoliyatining samaradorligini oshirish maqsadida:
Oldingi tahrirga qarang.
“Axborot va kompyuter texnologiyalari markazi” davlat muassasasi “Yosh ijodkorlarni qoʻllab-quvvatlash markazi” davlat muassasasi etib qayta nomlansin;
(1-bandning ikkinchi xatboshisi Oʻzbekiston Respublikasi Prezidentining 2022-yil 2-fevraldagi PQ-112-sonli qarori tahririda — Qonunchilik maʼlumotlari milliy bazasi, 03.02.2022-y., 07/22/112/0099-son)
Madaniyat va sanʼat koʻrgazmasi hamda Yoshlar madaniyat va sanʼat markazi tugatilsin, ularning budjetdan moliyalashtiriladigan shtat birliklari, balansida boʻlgan binolar hamda boshqa moddiy-texnika vositalari Madaniyat vazirligiga oʻtkazilsin;
Oldingi tahrirga qarang.
Madaniy meros agentligi (keyingi oʻrinlarda — Agentlik) va uning barcha hududiy boshqarmalari tuzilmasida tegishlicha yuridik shaxs maqomiga ega boʻlmagan Badiiy ekspertiza boshqarmasi hamda badiiy ekspertiza boʻlimlari tashkil etilsin;
Madaniyat vazirligi huzuridagi Badiiy ekspertiza boshqarmasi, uning hududiy boʻlimlari tugatilsin, ularning mavjud shtat birliklari hamda mol-mulklari moliyalashtirishning amaldagi tartibini saqlab qolgan holda tegishlicha Agentlik hamda uning hududiy boshqarmalariga, pul mablagʻlari esa — Agentlikning budjetdan tashqari Madaniy meros jamgʻarmasiga oʻtkazilsin;
Madaniyat vazirligi huzuridagi “Madaniy meros taʼmirlash-tiklash” davlat unitar korxonasi hamda Agentlik huzuridagi “Meros chashmasi” davlat unitar korxonasi tugatilsin, ularga xoʻjalik yuritish, operativ boshqaruv va doimiy foydalanish huquqi bilan tegishli boʻlgan binolar hamda boshqa moddiy-texnika vositalari belgilangan tartibda Madaniy meros ilmiy-tadqiqot institutiga oʻtkazilsin;
(1-bandning toʻrtinchi — oltinchi xatboshilari Oʻzbekiston Respublikasi Prezidentining 2022-yil 15-yanvardagi PF-52-sonli Farmoni tahririda — Qonunchilik maʼlumotlari milliy bazasi, 15.01.2022-y., 06/22/52/0029-son)
Markazlashtirilgan investitsiyalar hisobiga moliyalashtiriladigan obyektlarni qurish, rekonstruksiya qilish, kapital va joriy taʼmirlash boʻyicha buyurtmachi xizmatining nomi Madaniyat vazirligi huzuridagi “Yagona buyurtmachi xizmati” injiniring kompaniyasi etib qayta nomlansin;
Oldingi tahrirga qarang.
“Guliston” va “Teatr” jurnallari tahririyatlari yagona tahririyatga birlashtirilsin.
(1-bandning sakkizinchi xatboshisi Oʻzbekiston Respublikasi Prezidentining 2022-yil 2-fevraldagi PQ-112-sonli qarori tahririda — Qonunchilik maʼlumotlari milliy bazasi, 03.02.2022-y., 07/22/112/0099-son)
2. Belgilab qoʻyilsinki:
Oldingi tahrirga qarang.
Oʻzbekiston Respublikasining “Madaniy boyliklarning olib chiqilishi va olib kirilishi toʻgʻrisida”, “Madaniy meros obyektlarini muhofaza qilish va ulardan foydalanish toʻgʻrisida”, “Muzeylar toʻgʻrisida”, “Arxeologiya merosi obyektlarini muhofaza qilish va ulardan foydalanish toʻgʻrisida”gi qonunlarida Madaniyat vazirligi zimmasiga yuklatilgan vazifa, funksiya hamda vakolatlar Agentlik va uning hududiy boshqarmalari tomonidan amalga oshiriladi;
Agentlik va uning hududiy boshqarmalari faoliyati 2021-yil 1-yanvardan boshlab Oʻzbekiston Respublikasining Davlat budjeti va qonun hujjatlarida taqiqlanmagan manbalar hisobidan moliyalashtiriladi.
(2-bandning ikkinchi va uchinchi xatboshilari Oʻzbekiston Respublikasi Prezidentining 2022-yil 15-yanvardagi PF-52-sonli Farmoni tahririda — Qonunchilik maʼlumotlari milliy bazasi, 15.01.2022-y., 06/22/52/0029-son)
Oldingi tahrirga qarang.
(3-bandning birinchi xatboshisi Oʻzbekiston Respublikasi Prezidentining 2022-yil 15-yanvardagi PF-52-sonli Farmoniga asosan chiqarilgan — Qonunchilik maʼlumotlari milliy bazasi, 15.01.2022-y., 06/22/52/0029-son)
3. Moddiy madaniy meros obyektlariga egalik qiluvchi va ulardan foydalanuvchi davlat organlari va boshqa yuridik shaxslar rahbarlari hamda jismoniy shaxslar zimmasiga moddiy madaniy meros obyektlarini muhofaza qilish hamda ulardan oqilona foydalanishni taʼminlash boʻyicha shaxsiy javobgarlik yuklansin.
4. Belgilab qoʻyilsinki:
Departament va uning tegishli hududiy boshqarmalari tegishincha tugatilayotgan Badiiy ekspertiza boshqarmasi va uning hududiy boʻlimlarining huquqlari va majburiyatlari boʻyicha vorisi hisoblanadi;
Departament va uning hududiy boshqarmalari tarkibidagi Badiiy ekspertiza boshqarmasi va badiiy ekspertiza boʻlimlari boshliqlari oʻz lavozimiga koʻra tegishincha Departament va uning hududiy boshqarmalari boshliqlarining oʻrinbosari hisoblanadi;
Departament va uning hududiy boshqarmalari tarkibidagi Badiiy ekspertiza boshqarmasi va badiiy ekspertiza boʻlimlarining shtat birliklari tugatilayotgan Badiiy ekspertiza boshqarmasi va uning hududiy boʻlimlarining shtat birliklari hamda Oʻzbekiston Respublikasining Davlat budjeti va qonun hujjatlarida taqiqlanmagan boshqa manbalar hisobidan moliyalashtiriladigan qoʻshimcha shtat birliklarini ajratish orqali shakllantiriladi;
madaniy boyliklarni badiiy ekspertizadan oʻtkazganlik uchun maxsus yigʻimlar Departamentning Madaniy meros jamgʻarmasiga yoʻnaltiriladi.
5. Madaniy meros ilmiy-tadqiqot institutiga (keyingi oʻrinlarda — Institut) qonun hujjatlari talablariga rioya qilgan holda, arxitektura-shaharsozlik hujjatlarini yaratish, geodeziya va kartografiya faoliyati, moddiy madaniy merosning koʻchmas mulk obyektlarini asrashga doir faoliyat turlarini tegishli litsenziyalarni olmasdan amalga oshirish huquqi berilsin.
Belgilansinki:
Institut fundamental, amaliy va innovatsion tadqiqotlarning davlat ilmiy-texnikaviy dasturlarida nazarda tutilgan mablagʻlar, oʻz faoliyatidan olgan mablagʻlari, xalqaro moliya institutlari va boshqa tashkilotlarning grantlari hamda qonun hujjatlarida taqiqlanmagan boshqa manbalar hisobidan moliyalashtiriladi;
Institut tugatilayotgan “Madaniy meros taʼmirlash-tiklash” va “Meros chashmasi” davlat unitar korxonalarining huquqlari va majburiyatlari boʻyicha vorisi hisoblanadi, xodimlar bilan tuzilgan mehnat shartnomalari boʻyicha majburiyatlar bundan mustasno.
6. Oʻzbekiston Respublikasi Vazirlar Mahkamasi huzuridagi Oʻzbekistonga oid xorijdagi madaniy boyliklarni tadqiq etish markazi mavjud shtat birliklari va moddiy-texnika bazasi bilan toʻliq hajmda, moliyalashtirish, mehnatga haq toʻlash va moddiy ragʻbatlantirishning amaldagi tartibini saqlab qolgan holda Madaniyat vazirligi tizimiga oʻtkazilsin.
Madaniyat vazirligi 2020-yil 1-sentabrga qadar Madaniyat vazirligi huzuridagi Oʻzbekistonga oid xorijdagi madaniy boyliklarni tadqiq etish markazi faoliyatini yanada takomillashtirish boʻyicha Vazirlar Mahkamasiga taklif kiritsin.
Oldingi tahrirga qarang.
(7-band Oʻzbekiston Respublikasi Prezidentining 2023-yil 25-dekabrdagi PF-214-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 29.12.2023-y., 06/23/214/0984-son)
8. Oʻzbekiston Respublikasida milliy madaniyatni yanada rivojlantirish konsepsiyasini amalga oshirish boʻyicha muvofiqlashtiruvchi kengash 4-ilovaga muvofiq tarkibda tashkil etilsin, quyidagilar uning asosiy vazifalari etib belgilansin:
Oʻzbekiston Respublikasi Prezidentining 2020-yil 26-maydagi “Madaniyat va sanʼat sohasining jamiyat hayotidagi oʻrni va taʼsirini yanada oshirish chora-tadbirlari toʻgʻrisida”gi PF-6000-son Farmonida belgilangan chora-tadbirlarning oʻz vaqtida, toʻliq hajmda va samarali amalga oshirilishini taʼminlash;
Oʻzbekiston Respublikasi Prezidentining 2018-yil 28-noyabrdagi PQ-4038-son qarori bilan tasdiqlangan Oʻzbekiston Respublikasida milliy madaniyatni yanada rivojlantirish konsepsiyasi va uni amalga oshirish boʻyicha “yoʻl xaritasi” hamda mazkur qarorning ijrosini taʼminlashda masʼul vazirlik va idoralarning faoliyatini samarali tashkil etish hamda muvofiqlashtirish, aniqlangan kamchiliklarni oʻz vaqtida bartaraf etish choralarini koʻrish;
mazkur bandda nazarda tutilgan normativ-huquqiy hujjatlar ijrosining doimiy monitoringi va tahlilini olib borish hamda ularning natijalari yuzasidan har chorakda Oʻzbekiston Respublikasi Prezidenti Administratsiyasi va Vazirlar Mahkamasiga axborot va asoslantirilgan takliflar kiritib borish.
9. Madaniyat vazirligi:
a) ikki hafta muddatda:
ushbu qaror talablaridan kelib chiqqan holda Oʻzbekiston Respublikasi madaniyat vaziri oʻrinbosarlarining ular masʼul boʻlgan aniq yoʻnalish va vazifalarni nazarda tutuvchi funksional vazifalarini tasdiqlasin;
hududiy madaniyat boshqarmalari tuzilmalarida xodimlarning mazkur qaror bilan belgilangan cheklangan soni doirasida moddiy madaniy meros obyektlaridan oqilona foydalanish va muhofaza qilish boʻlimlarini tashkil etsin;
b) bir oy muddatda:
ushbu qaror talablaridan kelib chiqib, Madaniyat vazirligi markaziy apparati va yangi tuzilgan boʻlinmalarni zimmasiga yuklatilgan vazifalarning samarali bajarilishini yuqori professional darajada taʼminlashga qodir boʻlgan malakali mutaxassislar bilan toʻldirish choralarini koʻrsin;
Moliya vazirligi bilan kelishgan holda Madaniyat vazirligi tizimidagi tashkilotlar tomonidan koʻrsatiladigan konsert-tomosha xizmatlarining tariflarini shakllantirish tartibini ishlab chiqsin va tasdiqlasin;
v) ikki oy muddatda manfaatdor vazirlik va idoralar bilan birgalikda Vazirlar Mahkamasiga:
Madaniyat vazirligi huzuridagi Madaniy meros ilmiy-tadqiqot instituti faoliyatini tashkil etish chora-tadbirlari toʻgʻrisidagi;
Departament faoliyatini takomillashtirish va barqaror ravishda moliyalashtirish, xodimlari mehnatini moddiy ragʻbatlantirishni kuchaytirish, shu jumladan ularga xizmat qilgan umumiy ish staji, ilmiy unvon va darajaga ega boʻlgani uchun ustamalar belgilash, moddiy-texnika bazasini tubdan yaxshilash chora-tadbirlari toʻgʻrisidagi;
Madaniy boyliklarni realizatsiya qilish faoliyatini amalga oshirish uchun ruxsat berish tartib-taomillaridan oʻtishning xabardor qilish tartibi toʻgʻrisidagi qaror loyihalarini kiritsin;
g) uch oy muddatda Ommaviy-madaniy va konsert-tomosha tadbirlarining kalendar rejalarini shakllantirish va tasdiqlash tartibi toʻgʻrisidagi nizom hamda Konsert-tomosha faoliyatini litsenziyalash boʻyicha davlat xizmatlari koʻrsatishning maʼmuriy reglamenti loyihalarini Vazirlar Mahkamasiga kiritsin.
Oldingi tahrirga qarang.
91. Madaniyat vazirligi huzurida yuridik shaxs tashkil etmagan holda Madaniyat vazirligining budjetdan tashqari jamgʻarmasi tashkil etilsin.
Oldingi tahrirga qarang.
Quyidagilar Madaniyat vazirligining budjetdan tashqari jamgʻarmasi mablagʻlarini shakllantirish manbalari etib belgilansin:
Davlat budjetidan ajratiladigan mablagʻlar;
vazirlik tizimidagi davlat korxonalarining foydasidan davlat ulushi boʻyicha belgilangan miqdorda dividentlar toʻlangandan soʻng qolgan mablagʻning 15 foizi;
teatrlar, sirk va konsert-tomosha muassasalari tomonidan tashkil etiladigan madaniy tadbirlarni oʻtkazishdan olinadigan foydaning 10 foizi;
Jamgʻarmaning vaqtincha boʻsh turgan mablagʻlarini depozitlarga joylashtirishdan olinadigan daromadlar;
davlat-xususiy sheriklik asosida olinadigan daromadlarning taqsimlanishidan tushgan mablagʻlar;
vazirlik tashabbusi bilan vazirlik tizim tashkilotlari tomonidan tashkil etiladigan konsert-tomosha tadbirlari, spektakllar, shou dasturlar va boshqa tadbirlardan tushadigan mablagʻlar;
vazirlik tasarrufidagi “Yagona buyurtmachi xizmati” injiniring kompaniyasining budjetdan tashqari hisob raqamidan ajratiladigan mablagʻlar;
xalqaro moliya tashkilotlari, xorijiy davlatlar va boshqa donorlarning kreditlari, grantlari va texnik koʻmaklashish mablagʻlari;
qonunchilik hujjatlarida taqiqlanmagan boshqa manbalar.
(91-band Oʻzbekiston Respublikasi Prezidentining 2022-yil 2-fevraldagi PQ-112-sonli qaroriga asosan ikkinchi — oʻn birinchi xatboshilar bilan toʻldirilgan — Qonunchilik maʼlumotlari milliy bazasi, 03.02.2022-y., 07/22/112/0099-son)
Belgilansinki, Madaniyat vazirligining budjetdan tashqari jamgʻarma mablagʻlarini shakllantirish va undan foydalanish tartibi Vazirlar Mahkamasi tomonidan belgilanadi.
Madaniyat vazirligi 2022-yil 15-fevralga qadar Madaniyat vazirligining budjetdan tashqari jamgʻarmasi toʻgʻrisidagi nizomni Vazirlar Mahkamasiga kiritsin.
(91-band Oʻzbekiston Respublikasi Prezidentining 2022-yil 15-yanvardagi PF-52-sonli Farmoniga asosan kiritilgan — Qonunchilik maʼlumotlari milliy bazasi, 15.01.2022-y., 06/22/52/0029-son)
Oldingi tahrirga qarang.
10. Vazirlar Mahkamasi huzuridagi Madaniyat va sanʼatni rivojlantirish jamgʻarmasi mablagʻlari hisobiga madaniyat va sanʼat muassasalarida Bilet operatsiyalari yagona elektron tizimi ishlab chiqilganligi maʼlumot uchun qabul qilinsin.
(10-bandning birinchi xatboshisi Oʻzbekiston Respublikasi Prezidentining 2022-yil 15-yanvardagi PF-52-sonli Farmoni tahririda — Qonunchilik maʼlumotlari milliy bazasi, 15.01.2022-y., 06/22/52/0029-son)
Madaniyat vazirligi:
bir oy muddatda Turizmni rivojlantirish davlat qoʻmitasi bilan kelishgan holda Ommaviy tashrif buyuriladigan moddiy madaniy merosning koʻchmas mulk obyektlari va muzeylar roʻyxatini tasdiqlasin;
2021-yil 1-iyulga qadar oʻz tizimidagi teatrlarning kirib-chiqish joylarida teatrlarning oʻz mablagʻlari va Madaniyat vazirligining budjetdan tashqari mablagʻlari hamda tadbirkorlik subyektlarining davlat-xususiy sheriklik shartlari asosida jalb qilinadigan mablagʻlari hisobiga elektron turniketlar yoki tashrif buyuruvchilarni avtomatik hisobga olishga moʻljallangan boshqa moslamalar oʻrnatilishi va ularning Bilet operatsiyalari yagona elektron tizimiga integratsiya qilinishini taʼminlasin.
Oldingi tahrirga qarang.
11. Davlat xizmatchilari uchun mehnatga haq toʻlashning yagona tizimi joriy etilguniga qadar Madaniyat vazirligi xodimlari uchun Oʻzbekiston Respublikasining Davlat budjetidan ajratiladigan mablagʻlar hisobidan moddiy ragʻbatlantirishning quyidagi turlari joriy etilsin:
Madaniyat vazirligi markaziy apparati xodimlariga koʻp yillik mehnati uchun ragʻbatlantirish koeffitsiyentini hisobga olgan holda, lavozim maoshiga belgilangan koeffitsiyentlarda quyidagi hajmlarda har oyda qoʻshimcha pul toʻlash: 1 yildan 5 yilgacha — 0,3; 5 yildan 10 yilgacha — 0,6; 10 yildan 15 yilgacha — 0,9; 15 yildan ortiq — 1,2;
hududiy madaniyat boshqarmalari, tuman va shahar madaniyat boʻlimlari xodimlariga koʻp yillik mehnati uchun ragʻbatlantirish koeffitsiyentini hisobga olgan holda, lavozim maoshiga belgilangan koeffitsiyentlarda quyidagi hajmlarda har oyda qoʻshimcha pul toʻlash: 1 yildan 5 yilgacha — 0,1; 5 yildan 10 yilgacha — 0,2; 10 yildan 15 yilgacha — 0,3; 15 yildan ortiq — 0,4;
2022-yil 1-yanvardan boshlab Davlat budjeti mablagʻlari hisobidan Madaniyat vazirligi markaziy apparati xodimlarining Yagona tarif setkasi boʻyicha mehnatga haq toʻlashning tasdiqlangan razryadlariga muvofiq lavozim maoshini belgilashda tarif koeffitsiyenti — 1,4 baravarga, hududiy madaniyat boshqarmalarida — 1,2 baravarga oshirilgan miqdorda qoʻllaniladi.
Bunda Madaniyat vazirligi, hududiy madaniyat boshqarmalari, tuman va shahar madaniyat boʻlimlari xodimlarini Madaniyat vazirligining budjetdan tashqari jamgʻarmasi mablagʻlari hisobidan qoʻshimcha ragʻbatlantirish ular faoliyatining natijadorligi (KPI) va erishilgan yutuqlarga qarab amalga oshiriladi.
(11-band Oʻzbekiston Respublikasi Prezidentining 2022-yil 15-yanvardagi PF-52-sonli Farmoni tahririda — Qonunchilik maʼlumotlari milliy bazasi, 15.01.2022-y., 06/22/52/0029-son)
Oldingi tahrirga qarang.
(12-band Oʻzbekiston Respublikasi Prezidentining 2022-yil 15-yanvardagi PF-52-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 15.01.2022-y., 06/22/52/0029-son)
13. Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga 5-ilovaga muvofiq oʻzgartirish va qoʻshimchalar kiritilsin.
14. Oʻzbekiston Respublikasi Prezidentining 2006-yil 14-sentabrdagi “Toshkent shahrida barpo etilgan madaniyat va sanʼat koʻrgazmasi faoliyatini tashkil etish toʻgʻrisida”gi PQ-467-son qarori oʻz kuchini yoʻqotgan deb hisoblansin.
15. Madaniyat vazirligi manfaatdor idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar kiritish toʻgʻrisida Vazirlar Mahkamasiga takliflar kiritsin.
16. Mazkur qarorning ijrosini nazorat qilish Oʻzbekiston Respublikasi Prezidentining maslahatchisi A.A. Abduvaxitov va Oʻzbekiston Respublikasi Bosh vazirining oʻrinbosari B.A. Musayev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 26-may,
PQ-4730-son
Oldingi tahrirga qarang.
(1-ilova Oʻzbekiston Respublikasi Prezidentining 2023-yil 25-dekabrdagi PF-214-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 29.12.2023-y., 06/23/214/0984-son)
Oldingi tahrirga qarang.
(2-ilova Oʻzbekiston Respublikasi Prezidentining 2023-yil 25-dekabrdagi PF-214-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 29.12.2023-y., 06/23/214/0984-son)
Oldingi tahrirga qarang.
(3-ilova Oʻzbekiston Respublikasi Prezidentining 2023-yil 25-dekabrdagi PF-214-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 29.12.2023-y., 06/23/214/0984-son)
Oʻzbekiston Respublikasi Prezidentining 2020-yil 26-maydagi PQ-4730-son qaroriga
4-ILOVA
4-ILOVA
Oʻzbekiston Respublikasida milliy madaniyatni yanada rivojlantirish konsepsiyasini amalga oshirish boʻyicha muvofiqlashtiruvchi kengash
TARKIBI
|
B.A. Musayev |
— |
Oʻzbekiston Respublikasi Bosh vazirining oʻrinbosari, Muvofiqlashtiruvchi kengash raisi |
|
O.A. Nazarbekov |
— |
Oʻzbekiston Respublikasi madaniyat vaziri, Muvofiqlashtiruvchi kengash raisi oʻrinbosari |
|
R.T. Mamatov |
— |
Oʻzbekiston Respublikasi mahalla va oilani qoʻllab-quvvatlash vaziri |
|
A.V. Shin |
— |
Oʻzbekiston Respublikasi maktabgacha taʼlim vaziri |
|
Sh.X. Shermatov |
— |
Oʻzbekiston Respublikasi xalq taʼlimi vaziri |
|
I.U. Majidov |
— |
Oʻzbekiston Respublikasi oliy va oʻrta-maxsus taʼlim vaziri |
|
N.F. Arziyev |
— |
Oʻzbekiston Respublikasi tashqi ishlar vazirining birinchi oʻrinbosari |
|
Sh.Sh. Sharaxmetov |
— |
Oʻzbekiston Respublikasi moliya vazirining oʻrinbosari |
|
K.B. Akilova |
— |
Oʻzbekiston Respublikasi madaniyat vazirining oʻrinbosari — Madaniy meros departamenti boshligʻi |
|
A.U. Akkulov |
— |
Oʻzbekiston Respublikasi Turizmni rivojlantirish davlat qoʻmitasi raisining birinchi oʻrinbosari |
|
F.F. Abduxolikov |
— |
“Oʻzbekkino” Milliy agentligi bosh direktori |
|
D.M. Saidjonov |
— |
Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi direktorining birinchi oʻrinbosari |
|
S.N. Babaxodjayev |
— |
Vazirlar Mahkamasi huzuridagi Prezident, ijod va ixtisoslashtirilgan maktablarni rivojlantirish agentligi direktori |
|
B.S. Yuldashev |
— |
Oʻzbekiston Respublikasi Fanlar akademiyasi prezidenti |
|
A.V. Nuridinov |
— |
Oʻzbekiston Badiiy akademiyasi raisi |
|
lavozimiga koʻra |
— |
Oʻzbekiston Respublikasi Madaniyat vazirligi huzuridagi Oʻzbekistonga oid xorijdagi madaniy boyliklarni tadqiq etish markazi direktori |
|
S.S. Sayidov |
— |
Oʻzbekiston Yozuvchilar uyushmasi raisi |
|
R. Abdullayev |
— |
Oʻzbekiston Kompozitorlar va bastakorlar uyushmasi raisi |
|
Yo. Axmedov |
— |
Oʻzbekiston Teatr arboblari uyushmasi raisi |
|
lavozimiga koʻra |
— |
Qoraqalpogʻiston Respublikasi Vazirlar Kengashi raisi, viloyatlar va Toshkent shahar hokimlarining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosarlari |
|
lavozimiga koʻra |
— |
Oʻzbekiston Respublikasi Vazirlar Mahkamasi kotibiyat mudiri, Muvofiqlashtiruvchi kengash kotibi |
Izoh:
Muvofiqlashtiruvchi kengash aʼzolari boshqa ishga oʻtgan taqdirda, uning tarkibiga ushbu lavozimga yangidan tayinlangan yoki tegishli funksiyalarni bajarish zimmasiga yuklangan shaxslar kiritiladi.
Muvofiqlashtiruvchi kengash ishiga kelishilgan holda boshqa vazirliklar, idoralar, xoʻjalik jamiyatlari va fuqarolik jamiyati institutlari rahbarlari va mutaxassislari jalb qilinishi mumkin.
Oʻzbekiston Respublikasi Prezidentining 2020-yil 26-maydagi PQ-4730-son qaroriga
5-ILOVA
5-ILOVA
Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. “Oʻzbekiston Respublikasi Prezidentining 2014-yil 4-dekabrdagi “Oʻzbekiston Respublikasining 2015-yilgi asosiy makroiqtisodiy koʻrsatkichlari prognozi va davlat budjeti parametrlari toʻgʻrisida”gi PQ-2270-son qaroriga 35-ilovaning rus tilidagi matnidagi izohning 1-bandi “detey iz maloobespechennix semey” soʻzlaridan keyin “i detey s ogranichennimi vozmojnostyami” soʻzlari bilan toʻldirilsin.
2. Oʻzbekiston Respublikasi Prezidentining 2017-yil 15-fevraldagi “Oʻzbekiston Respublikasi Madaniyat vazirligi faoliyatini tashkil etish toʻgʻrisida”gi PQ-2778-son qarorida:
a) 1-band oʻz kuchini yoʻqotgan deb hisoblansin;
b) 2-bandda:
uchinchi xatboshi chiqarib tashlansin;
toʻrtinchi-beshinchi xatboshilar tegishlicha uchinchi-toʻrtinchi xatboshilar deb hisoblansin;
uchinchi-toʻrtinchi xatboshilar quyidagi tahrirda bayon etilsin:
“Oʻzbekiston Respublikasi Madaniyat vazirligi huzuridagi Respublika madaniyat muassasalari faoliyatini tashkil etish ilmiy-metodik markazining tuzilmasi 7-ilovaga muvofiq tasdiqlansin.
Oʻzbekiston Respublikasi madaniyat vaziriga, zarur hollarda, Oʻzbekiston Respublikasi Madaniyat vazirligi huzuridagi Respublika madaniyat muassasalari faoliyatini tashkil etish ilmiy-metodik markazining tuzilmasiga xodimlarning belgilangan umumiy cheklangan soni va mehnatga haq toʻlash jamgʻarmasi doirasida oʻzgartirishlar kiritish huquqi berilsin”;
v) 1 — 6 va 8-ilovalar oʻz kuchini yoʻqotgan deb hisoblansin.
3. Oʻzbekiston Respublikasi Prezidentining 2017-yil 16-avgustdagi “Oʻzbekiston Badiiy akademiyasi faoliyatini rivojlantirish va yanada takomillashtirishga doir qoʻshimcha chora-tadbirlar toʻgʻrisida”gi PQ-3219-son qarorining 3-bandi uchinchi xatboshisi quyidagi tahrirda bayon etilsin:
“Oʻzbekiston Respublikasi Madaniyat vazirligi huzuridagi Madaniyat va sanʼatni rivojlantirish jamgʻarmasiga mustaqillik yillarida yaratilgan, yuksak badiiy qiymatga ega boʻlgan tasviriy va amaliy sanʼat asarlarini sotib olish uchun har yili Oʻzbekiston Respublikasi Davlat budjeti mablagʻlari hisobidan 2 milliard soʻm mablagʻ ajratish toʻgʻrisidagi taklif maʼqullansin”.
4. Oʻzbekiston Respublikasi Prezidentining 2017-yil 16-oktabrdagi “Oʻzbekiston Respublikasi Madaniyat vazirligi huzurida Madaniyat va sanʼatni rivojlantirish jamgʻarmasini tashkil etish toʻgʻrisida”gi PQ-3325-son qarorining rus tilidagi matnida 1-ilovaning 3-banddagi “Sredstva AO “Uzsharobsanoat”, yejegodno videlyayemie v poryadke blagotvoritelnosti po sobstvennoy initsiative” soʻzlari “Sredstva Gosudarstvennogo budjeta Respubliki Uzbekistan, yejegodno videlyayemie” soʻzlari bilan almashtirilsin.
Oldingi tahrirga qarang.
(5-band Oʻzbekiston Respublikasi Prezidentining 2022-yil 15-yanvardagi PF-52-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 15.01.2022-y., 06/22/52/0029-son)
6. Vazirlar Mahkamasining 1999-yil 3-sentabrdagi 414-son qarori (Oʻzbekiston Respublikasi QT, 1999-y., 9-son, 51-modda) bilan tasdiqlangan Budjet tashkilotlarini xarajatlarini moliyalashtirish (toʻlash) tartibining 29-bandi ikkinchi va uchinchi xatboshilari “budjet tashkilotlarida” soʻzlaridan keyin “Oʻzbekiston Respublikasi Madaniyat vazirligi tizimidagi madaniyat markazlarida” soʻzlari bilan toʻldirilsin.
7. Vazirlar Mahkamasining 2003-yil 13-fevraldagi 75-son qarori bilan tasdiqlangan Oʻzbekiston Respublikasida chakana savdo qoidalari quyidagi mazmundagi 141-band bilan toʻldirilsin:
“141. Sotuvchi Oʻzbekiston Respublikasidan tashqariga olib chiqilishi mumkin boʻlmagan madaniy boyliklarni sotish vaqtida bu boyliklarning Oʻzbekiston Respublikasidan tashqariga olib chiqilishi mumkin emasligi toʻgʻrisida xaridorni yozma ravishda ogohlantirishi shart”.
8. Vazirlar Mahkamasining 2018-yil 19-iyundagi “Davlat madaniyat muassasalari va davlat arxivlari xodimlari mehnatiga haq toʻlash va ularni moddiy ragʻbatlantirishning takomillashtirilgan tizimini tasdiqlash haqida”gi 458-son qarorining rus tilidagi matnida:
a) 6-ilova quyidagi mazmundagi izoh bilan toʻldirilsin:
“Primechaniye: razmeri bazovix doljnostnix okladov administrativno-upravlencheskogo personala:
imeyushego uchenuyu stepen doktora nauk ili doktora nauk (Doctor of Science) ili priravnennie k ney drugiye uchenie stepeni zarubejnix stran — ustanavlivayutsya s primeneniyem povishayushego koeffitsiyenta 2,5;
imeyushego uchenuyu stepen kandidata nauk ili doktora filosofii (Ph.D) ili priravnennie k ney drugiye uchenie stepeni zarubejnix stran — ustanavlivayutsya s primeneniyem povishayushego koeffitsiyenta 2”;
b) 7-ilovaning izoh qismi quyidagi mazmundagi xatboshilar bilan toʻldirilsin:
“imeyushego uchenuyu stepen doktora nauk ili doktora nauk (Doctor of Science) ili priravnennie k ney drugiye uchenie stepeni zarubejnix stran — ustanavlivayutsya s primeneniyem povishayushego koeffitsiyenta 2,5;
imeyushego uchenuyu stepen kandidata nauk ili doktora filosofii (Ph.D) ili priravnennie k ney drugiye uchenie stepeni zarubejnix stran — ustanavlivayutsya s primeneniyem povishayushego koeffitsiyenta 2”.
(Qonun hujjatlari maʼlumotlari milliy bazasi, 27.05.2020-y., 07/20/4730/0670-son; 10.04.2021-y., 07/21/5070/0315-son; Qonunchilik maʼlumotlari milliy bazasi, 15.01.2022-y., 06/22/52/0029-son; 03.02.2022-y., 07/22/112/0099-son; 29.12.2023-y., 06/23/214/0984-son)
