1.11.00.00.00 Atrof tabiiy muhit va tabiiy resurslar / 11.03.00.00 Yerdan foydalanish va muhofaza qilish / 11.03.07.00 Yerlarning ayrim toifalari va turlarining huquqiy rejimi / 11.03.07.06 Oʻrmon fondi yerlari;
2.11.00.00.00 Atrof tabiiy muhit va tabiiy resurslar / 11.06.00.00 Oʻrmonlar va oʻrmon fondiga kirmaydigan oʻsimlik dunyosidan foydalanish va muhofaza qilish / 11.06.02.00 Oʻrmonlarni muhofaza qilish va foydalanish sohasidagi davlat boshqaruvi / 11.06.02.05 Oʻrmondan foydalanish huquqini berish]
[TSZ:
1.Tabiiy resurslar / Oʻrmonlarni muhofaza qilish va ulardan foydalanish]
Oʻzbekiston Respublikasi Vazirlar Mahkamasining
qarori
Davlat oʻrmon fondi uchastkalarini ijaraga berish tartibi toʻgʻrisidagi nizomni tasdiqlash haqida
LexUZ sharhi
Mazkur qaror Oʻzbekistan Respublikasi Vazirlar Mahkamasining 2023-yil 21-dekabrdagi 674-sonli “Davlat oʻrmon fondi yer maydonlaridan foydalanishda ijara munosabatlarini takomillashtirish chora-tadbirlari toʻgʻrisida”gi qaroriga asosan oʻz kuchini yoʻqotgan.
Oʻzbekiston Respublikasi Prezidentining “Respublikada oʻrmonlardan foydalanish samaradorligini oshirishga doir qoʻshimcha chora-tadbirlar toʻgʻrisida” 2019-yil 23-avgustdagi PQ-4424-son qarori ijrosini taʼminlash hamda davlat oʻrmon fondi uchastkalaridan samarali foydalanish maqsadida Vazirlar Mahkamasi qaror qiladi:
1. Davlat oʻrmon fondi uchastkalarini ijaraga berish tartibi toʻgʻrisidagi nizom ilovaga muvofiq tasdiqlansin.
2. Oʻzbekiston Respublikasi Oʻrmon xoʻjaligi davlat qoʻmitasi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda mazkur qarorga muvofiqlashtirsin.
3. Mazkur qaror 2020-yil 1-yanvardan boshlab kuchga kiradi.
4. Mazkur qarorning bajarilishini nazorat kilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha maslahatchisi A.D. Vaxabov va Oʻzbekiston Respublikasi Oʻrmon xoʻjaligi davlat qoʻmitasi raisi N.J. Bakirov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 13-dekabr,
993-son
Vazirlar Mahkamasining 2019-yil 13-dekabrdagi 993-son qaroriga ILOVA
Davlat oʻrmon fondi uchastkalarini ijaraga berish tartibi toʻgʻrisida
nizom
1-bob. Umumiy qoidalar
1. Mazkur Nizom Oʻzbekiston Respublikasining Fuqarolik kodeksi, Yer kodeksi, “Oʻrmon toʻgʻrisida”gi Qonuni, Oʻzbekiston Respublikasi Prezidentining “Qishloq xoʻjaligida yer va suv resurslaridan samarali foydalanish chora-tadbirlari toʻgʻrisida” 2019-yil 17-iyundagi PF-5742-son Farmoni hamda “Respublikada oʻrmonlardan foydalanish samaradorligini oshirishga doir qoʻshimcha chora-tadbirlar toʻgʻrisida” 2019-yil 23-avgustdagi PQ-4424-son qaroriga muvofiq davlat oʻrmon fondi uchastkalarini ijaraga berish tartibini belgilaydi.
2. Ushbu Nizomda quyidagi asosiy tushunchalardan foydalaniladi:
davlat oʻrmon fondi uchastkasi (keyingi oʻrinlarda oʻrmon fondi uchastkasi deb ataladi) — davlat oʻrmon fondining bir qismi boʻlib, ular davlat oʻrmon kadastrida koʻrsatilgan muayyan chegaraga, maydonga, joylashgan eriga, hukuqiy rejimga va boshqa xususiyatlarga ega boʻladi;
ijaraga beruvchi — Oʻzbekiston Respublikasi Oʻrmon xoʻjaligi davlat qoʻmitasi (keyingi oʻrinlarda Qoʻmita deb ataladi), Qoʻmita tomonidan vakolat berilgan hollarda — Qoraqalpogʻiston Respublikasi Oʻrmon xoʻjaligi qoʻmitasi, viloyatlar oʻrmon xoʻjaligi boshqarmalari;
ijarachi — ijaraga beruvchi bilan ushbu Nizomda belgilangan shartlarda va tartibda oʻrmon fondi uchastkasini (uning bir qismini) ijaraga berish toʻgʻrisida shartnoma (keyingi oʻrinlarda ijara shartnomasi deb ataladi) tuzgan yuridik yoki jismoniy shaxs;
oʻrmondan doimiy foydalanuvchi — oʻrmon fondi uchastkasi doimiy egalik kilishga berib qoʻyilgan oʻrmon xoʻjaligi tashkiloti.
3. Ushbu Nizom davlat oʻrmon fondi yerlari tarkibiga kirmagan yerlarni ijaraga berishda tatbiq etilmaydi.
4. Mazkur Nizomga muvofiq oʻrmon fondi uchastkalari (ularning bir qismi) quyidagi shakllarda ijaraga beriladi:
oʻrmon fondining oʻzlashtirilmagan (oʻrmon bilan qoplanmagan) yerlarida yangidan barpo etilgan va kamida bir yilgacha boʻlgan muddatda parvarishlangan oʻrmonlar joylashgan yerlarni (keyingi oʻrinlarda parvarishlangan oʻrmonlar deb ataladi) hamda oʻrmon fondining foydalanilmayotgan yerlarini ijaraga olish huquqini kimoshdi savdolari asosida sotish;
(4-bandning ikkinchi xatboshisi Oʻzbekiston Respublikasi Vazirlar Mahkamasining 2021-yil 3-fevraldagi 50-sonli qarori tahririda — Qonun hujjatlari maʼlumotlari milliy bazasi, 04.02.2021-y., 09/21/50/0081-son)
oʻrmon fondining oʻzlashtirilmagan (oʻrmon bilan qoplanmagan) yerlarida yangidan oʻrmon barpo etish, shuningdek, ushbu yerlardan ilmiy-tadqiqot, madaniy-maʼrifiy, tarbiyaviy, sogʻlomlashtirish, rekreatsiya, estetik va ekologik turizmni rivojlantirish maqsadlarida foydalanish, ovchilik va baliqchilik xoʻjaliklari tashkil etish, dorivor oʻsimliklar va koʻchatlar yetishtirishni yoʻlga qoʻyishga qaratilgan investitsiya loyihalarini amalga oshirish uchun;
oʻrmon fondi yerlarida davlat-xususiy sheriklik loyihalarini amalga oshirish uchun. Bunda oʻrmon fondi uchastkalarini (ularning bir qismini) ijaraga berish davlat-xususiy sheriklik toʻgrisidagi bitim doirasida amalga oshiriladi.
Oʻrmon fondining foydalanilmayotgan yerlari jismoniy va yuridik shaxslarga investitsiya shartnomasi yoki davlat-xususiy sheriklik asosida uch yildan kam boʻlmagan va qirq toʻqqiz yildan oshmaydigan muddatga ijaraga berilishi mumkin.
(4-band Oʻzbekiston Respublikasi Vazirlar Mahkamasining 2021-yil 3-fevraldagi 50-sonli qaroriga asosan xatboshi bilan toʻldirilgan — Qonun hujjatlari maʼlumotlari milliy bazasi, 04.02.2021-y., 09/21/50/0081-son)
5. Oʻrmon fondi uchastkalari mazkur Nizom 4-bandining:
toʻrtinchi xatboshida nazarda tutilgan hollarda — uch yildan kam boʻlmagan va qirq toʻqqiz yildan oshmagan muddatga ijaraga beriladi.
6. Davlat-xususiy sheriklik loyihalarini amalga oshirish uchun oʻrmon fondi uchastkalarini (ularning bir qismini) ijaraga berish davlat-xususiy sheriklik toʻgʻrisidagi qonunchilik hujjatlarida belgilangan tartibda amalga oshiriladi.
(6-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
7. Davlat oʻrmon fondi uchastkalarini ijaraga berish ushbu Nizomga 1-ilovadagi sxemaga muvofiq amalga oshiriladi.
(7-band Oʻzbekiston Respublikasi Vazirlar Mahkamasining 2021-yil 3-fevraldagi 50-sonli qarori tahririda — Qonun hujjatlari maʼlumotlari milliy bazasi, 04.02.2021-y., 09/21/50/0081-son)
2-bob. Ijaraga beriladigan oʻrmon fondi uchastkalari roʻyxatini shakllantirish tartibi
8. Kelgusi yil davomida oʻrmon fondi uchastkalarini ijaraga berishni tashkil etish uchun har yili dekabr oyida Qoʻmita Hayʼatining qarori qabul qilinadi.
Hayʼat qarorida:
kelgusi yil davomida oʻrmon fondi uchastkalarini ijaraga berishni tashkil etish boʻyicha Komissiya (keyingi oʻrinlarda Komissiya deb ataladi) tarkibi;
kelgusi yil davomida ijaraga berish uchun kimoshdi savdolariga qoʻyiladigan oʻrmon fondi uchastkalari maydonlarining prognoz koʻrsatkichlari;
kelgusi yil davomida oʻrmon fondining oʻzlashtirilmagan (oʻrmon bilan koplanmagan) yerlarida yangidan oʻrmon barpo etish uchun Qoʻmitaning Oʻrmon xoʻjaligini rivojlantirish jamgarmasidan ajratiladigan mablagʻlarning prognoz koʻrsatkichlari tasdiqlanadi.
9. Oʻrmondan doimiy foydalanuvchilar oʻrmon fondi uchastkasini ijaraga berish maqsadida:
oʻrmon fondi uchastkasini xatlovdan oʻtkazadi;
jismoniy va yuridik shaxslarning oʻrmon fondi uchastkasini (uning bir qismini) ijaraga berish toʻgrisidagi takliflarini koʻrib chiqadi;
ijaraga berish mumkin boʻlgan oʻrmon fondi uchastkasi hududlarini va ularning koordinatalarini aniqlaydi;
taklif etiladigan oʻrmon fondi uchastkalarini raqamlaydi;
taklif etiladigan oʻrmon fondi uchastkalari roʻyxatini tuzadi;
mazkur Nizomning 4-bandida nazarda tutilgan ijara shakllaridan qaysi birini qoʻllash toʻgʻrisidagi taklif hamda uning asosiy shartlarini tayyorlaydi;
oʻrmon fondi uchastkasini ijaraga berish uchun zarur boʻlgan boshqa axborotlarni tayyorlaydi.
Oʻrmon fondi uchastkalarini ijaraga berish toʻgʻrisidagi takliflar Komissiya tomonidan belgilanadigan talablar asosida rasmiylashtiriladi.
10. Ijaraga beriladigan oʻrmon fondi uchastkasi imkoni boricha yagona mavze boʻyicha, boʻlinmalar yaxlitligi saqlab qolingan holda beriladi, yer uchastkasi chegaralari sugʻorish tarmoqlari, kollektorlar, yoʻllar va boshqa elementlar boʻyicha belgilanadi.
Ijaraga berilayotgan oʻrmon fondi uchastkasi boshqa yerdan foydalanuvchilarning yerlardan foydalanishi uchun noqulayliklar vujudga keltirmasligi kerak,
11. Oʻrmon fondi uchastkalarini ijaraga berish toʻgʻrisidagi takliflar oʻrmondan doimiy foydalanuvchilar tomonidan Qoʻmitaga elektron shaklda, uning hududiy organlari orqali bir oy muddatda taqdim etiladi.
12. Komissiya zaruratga koʻra, lekin har chorakda kamida bir marta taqdim etilgan takliflarni koʻrib chiqadi va koʻrib chiqish natijalari boʻyicha qaror qabul kiladi.
Komissiyaning qarori bayonnoma bilan rasmiylashtiriladi.
13. Komissiya karorida:
oʻrmon fondi uchastkalarini ijaraga berish toʻgʻrisidagi har bir taklif boʻyicha ijobiy yoki asoslantirilgan salbiy xulosa;
ijobiy xulosa qabul kilingan takliflar asosida shakllantirilgan lotlar roʻyxati;
har bir lot boʻyicha kimoshdi savdolari oʻtkaziladigan manzil va sana;
har bir lot boʻyicha kimoshdi savdolarining shartlari koʻrsatiladi.
14. Komissiya qaroriga asosan, qaror qabul qilingan kundan boshlab besh kun ichida Qoʻmitaning veb-saytida, mahalliy ommaviy axborot vositalarida, fuqarolarning oʻzini oʻzi boshqarish organlari, davlat oʻrmon xoʻjaligi organlarining binolarida eʼlon osib qoʻyiladi.
Eʼlonda quyidagi maʼlumotlar beriladi:
ijaraga beruvchining nomi va pochta manzili, uning (masʼul xodimining) aloqa telefoni, elektron pochta manzili;
ijaraga berilayotgan oʻrmon fondi uchastkasining raqami, tavsifi, u joylashgan joyi, oʻrmondan doimiy foydalanuvchining nomi;
ijara muddati;
oʻrmon fondi uchastkasini ijaraga berish shartlari, shu jumladan undan foydalanish shartlari;
talabnoma shakli, taqdim etiladigan hujjatlar roʻyxati va ularni kabul qilishning yakuniy sanasi;
ijaraga beruvchining xohishiga koʻra boshqa maʼlumotlar.
15. Komissiya tomonidan asoslantirilgan salbiy xulosa qabul qilingan taqdirda, bu haqida taklif muallifiga yer uchastkasini ijaraga berish imkoni yoʻqligining asoslantirilgan sabablari koʻrsatilgan holda besh kun ichida xabar beriladi.
3-bob. Kimoshdi savdolarini oʻtkazish va ijara shartnomalarini rasmiylashtirish tartibi
16. Oʻrmon fondi uchastkalarini ijaraga berish boʻyicha kimoshdi savdolari (keyingi oʻrinlarda kimoshdi savdolari deb ataladi) Qoʻmitaning rasmiy veb-saytiga tegishli eʼlon joylashtirilgan kundan boshlab kamida oʻttiz kalendar kundan keyin Komissiya tomonidan oʻtkaziladi.
17. Mazkur Nizomning 4-bandi ikkinchi xatboshida nazarda tutilgan hollarda kimoshdi savdolari boshlangʻich narxni oshirib borish shaklida oʻtkaziladi. Bunda:
kimoshdi savdolaridagi boshlangich narx miqdori ushbu oʻrmon fondi uchastkasida yangidan himoya oʻrmonlari barpo etish, ularni kamida bir yil davomida parvarish qilish va infratuzilma obyektlarini qurish uchun Qoʻmitaning Oʻrmon xoʻjaligini rivojlantirish jamgarmasidan sarflangan xarajatlardan kam boʻlmasligi kerak;
ijara toʻlovining yillik miqdori ijara toʻlovining tayanch stavkasi miqdorida belgilanadi.
18. Mazkur Nizomning 4-bandi uchinchi xatboshida nazarda tutilgan hollarda kimoshdi savdolari:
ijara toʻlovining eng kam stavkasini oshirib borish shaklida oʻtkaziladi, bunda ijara toʻlovining boshlangʻich miqdori ijara toʻlovining eng kam stavkasidan kam boʻlmasligi kerak;
qonunchilik hujjatlarida ijara toʻlovi boʻyicha “nol” stavkani koʻllash nazarda tutilgan hollarda, kiritiladigan investitsiya miqdorini oshirib borish shaklida oʻtkaziladi.
(18-bandning uchinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
19. Kimoshdi savdolarida ishtirok etish toʻgʻrisidagi talabnomalar Komissiya tomonidan ularning kelib tushish ketma-ketligi boʻyicha roʻyxatga olinadi.
Eʼlonda koʻrsatilgan yakuniy muddat tugagandan keyin kelib tushgan talabnomalar kabul qilinmaydi va koʻrib chiqilmaydi.
20. Talabnomalar eʼlonda koʻrsatilgan sanada Komissiya tomonidan koʻrib chiqiladi. Talabgorlar (talabgor) talabnomalarni koʻrib chiqishda kuzatuvchi sifatida ishtirok etishlari mumkin.
21. Talabgorlar tomonidan kimoshdi savdolarida teng takliflar taqdim etilgan taqdirda:
ijaraga beriladigan oʻrmon fondi uchastkasi joylashgan hududda yashovchi yuridik va jismoniy shaxslar boshqa shaxslarga nisbatan ustun huquqqa ega boʻladi;
har ikki talabgor ham ijaraga beriladigan oʻrmon fondi uchastkasi joylashgan hududda yashagan taqdirda, nisbatan oldin murojaat qilgan talabgor ustun huquqqa ega boʻladi.
22. Faqat bir nafar talabgordan talabnoma kelib tushgan va uning taklifi eʼlonda koʻrsatilgan shartlarga muvofiq boʻlgan taqdirda, ijara shartnomasi yagona talabgor bilan tuziladi.
23. Eʼlonda koʻrsatilgan muddat davomida birorta ham talabnoma kelib tushmagan taqdirda mazkur Nizomda belgilangan tartibda takroran kimoshdi savdolari oʻtkazilishi toʻgrisida eʼlon beriladi.
24. Texnik imkoniyatlar mavjud boʻlgan taqdirda kimoshdi savdolari elektron savdo maydonchalari orkali onlayn-auksionlar yoʻli bilan ham oʻtkazilishi mumkin.
25. Talabnomalarni koʻrib chiqish natijalari toʻgʻrisidagi bayonnoma kimoshdi savdolari oʻtkazilgan kunda Komissiya aʼzolari tomonidan imzolanadi va uning raisi tomonidan tasdiqlanadi.
26. Oʻrmon fondi uchastkasi ularga nisbatan ijaraga beruvchida yoki oʻrmondan doimiy foydalanuvchida:
talabgor tomonidan ilgari tuzilgan ijarasi shartnomalari boʻyicha majburiyatlar bajarilmaganligi;
talabgorning muomalaga layoqatsizligi yoki muomala layoqati cheklanganligi toʻgʻrisida ishonchli maʼlumot mavjud boʻlgan shaxslarga ijaraga berilmaydi.
27. Ijara shartnomalari ushbu Nizomga 2-ilovaga muvofiq namunaviy shartnoma asosida rasmiylashtiriladi.
(27-band Oʻzbekiston Respublikasi Vazirlar Mahkamasining 2021-yil 3-fevraldagi 50-sonli qarori tahririda — Qonun hujjatlari maʼlumotlari milliy bazasi, 04.02.2021-y., 09/21/50/0081-son)
ijaraga berilayotgan oʻrmon fondi uchastkasi yer turlari va holati;
ijarachining oʻrmon fondi uchastkasidan foydalanish shartlari;
ijara shartnomasining amal qilishi toʻxtatilganidan keyin ijarachining oʻrmon fondi uchastkasini ijaraga beruvchiga qanday holatda va kay tartibda qaytarishi;
ijaraga berilgan oʻrmon fondi uchastkasi holatini saqlash va yaxshilash yuzasidan tomonlarning majburiyati;
oʻrmon fondi uchastkasidan moʻljallangan maqsadga muvofiq holda oqilona foydalanish yuzasidan ijarachining majburiyatlari nazarda tutilgan qoidalar kiritiladi.
Ijara shartnomasiga tomonlarning oʻzaro kelishuviga koʻra boshqa shartlar ham kiritilishi mumkin.
29. Ijaraga berilayotgan oʻrmon fondi uchastkasi chegaralari ijara shartnomasining ajralmas qismi hisoblanadigan dalolatnoma va xaritada koʻrsatiladi.
30. Ijarachi ijaraga olingan oʻrmon fondi uchastkasi hududidagi oʻsimlik dunyosiga oʻzboshimchalik bilan zarar keltirishi mumkin emas, parvarishlangan oʻrmonlar va oʻrmon bilan qoplanmagan yerlarda barpo etilgan oʻrmonlar bundan mustasno.
31. Ijarachi ijaraga olingan oʻrmon fondi uchastkasi hududidagi oʻsimlik dunyosiga oʻz hisobidan agrotexnik tadbirlarni amalga oshirishi va uni saqlash boʻyicha xarajatlarni qoplashi shart.
32. Oʻrmon fondi uchastkasini ijaraga olish huquqi Oʻzbekiston Respublikasining yer toʻgʻrisidagi va oʻrmon toʻgʻrisidagi qonunchilik hujjatlarida toʻgʻridan-toʻgʻri nazarda tutilgan hollardagina garovga koʻyilishi yoki boshqacha tarzda uchinchi shaxslarga oʻtkazilishi mumkin.
(32-bandning birinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Ijarachi ijaraga beruvchini xabardor qilgan holda, oʻrmon fondi uchastkasini ijaraga olish hukuqini uchinchi shaxsga oʻtkazish (ijarachini almashtirish) huquqiga ega. Bunda ijara shartnomasi shartlariga oʻzgartirish kiritmagan holda, ijarachini almashtirish toʻgʻrisida qoʻshimcha kelishuv tuziladi.
33. Oʻz majburiyatlarini zarur tarzda bajargan ijarachi boshqa shartlar teng boʻlgan takdirda, yangi muddatga ijara shartnomasini tuzishda boshqa talabgorlar oldida ustunlik hukuqiga ega boʻladi.
34. Ijaraga beruvchi oʻrmon fondi uchastkasini ijaraga olish boʻyicha taqdim etilgan hujjatlarni ikki kun muddatda koʻrib chiqish uchun Komissiyaga kiritadi.
35. Komissiya hududiy organlar tomonidan takdim etilgan hujjatlarni besh kun muddatda koʻrib chiqadi va ularni koʻrib chiqish natijalari boʻyicha xulosa kabul qiladi. Komissiyaning qarori bayonnoma bilan rasmiylashtiriladi va barcha hujjatlar nusxasi ijaraga beruvchilarga yuboriladi.
36. Ijaraga beruvchi Komissiya tomonidan ijobiy xulosa berilgan talabgorga uch kun muddatda ijara shartnomasini rasmiylashtiradi.
Bunda 5 gektargacha oʻlchamda ijaraga berilayotgan oʻrmon fondi uchastkasi talabgorlarga Uzbekiston Respublikasi Oʻrmon xoʻjaligi davlat koʻmitasi tomonidan vakolat berilgan hollarda — Qoraqalpogʻiston Respublikasi Oʻrmon xoʻjaligi qoʻmitasi, viloyatlar oʻrmon xoʻjaligi boshqarmalari tomonidan rasmiylashtiriladi.
4-bob. Ijara toʻlovi stavkasini annqlash va xisob-kitoblarni amalga oshirish tartibi
37. Ijara toʻlovining stavkasi oʻrmon fondi uchastkasining bir gektari uchun bir yilga bazaviy hisoblash miqdorining oʻn baravari miqdorida hisoblanadi.
Oʻrmon fondi uchastkasining yer toifasidan va joylashish zonasidan kelib chiqib ijara toʻlovi stavkasini (ijara toʻlovining tayanch stavkasini) hisoblab chiqish quyidagi tarzda aniqlanadi:
Ts=Es*Ki*Kl, bunda:
Ts — bir yilga bir gektar uchun ijara toʻlovining stavkasi;
Es — bir yilga bir gektar uchun stavka;
Ki — ijara shakli;
Kl — likvidligi 1 ga teng.
Oʻrmon fondi uchastkasining yer toifasi va joylashish zonasidan kelib chiqib ijara shakllariga qoʻllaniladigan koeffitsentlar:
foydalaniladigan choʻl, togʻ, vodiy va toʻqay zonasiga — 1,5;
foydalanilmaydigan choʻl, togʻ, vodiy va toʻqay zonasiga — 0,75;
i) ovchilik uchun:
foydalaniladigan choʻl, togʻ, vodiy va toʻqay zonasiga — 1;
foydalanilmaydigan choʻl, togʻ, vodiy va toʻqay zonasiga — 0,5;
k) baliqchilik, turizm, agro turizm, ekologik turizm, rekreatsiya, sogʻlomlashtirish, tabiiy resurslar (tuz, tosh, qum, shagʻal, tuproq va boshqa qazilma boyliklar) joylashgan maydonlar, qurilish (chorvachilik, parrandachilik, omborxona, qadoqlash, muzlatkich va hakozo), aholiga pullik xizmat koʻrsatish (avtoturargoh, avtomobillarga xizmat koʻrsatish, ishlab chiqarish maqsadlarida) va boshqalar uchun:
foydalanilmaydigan choʻl, togʻ, vodiy va toʻqay zonasiga — 2.
Oʻrmon fondi yerlarini ijaraga olgan ijarachilarga qonunchilik hujjatlarida belgilangan tartibda va shartlarda ijara toʻlovining “nol” stavkasi qoʻllanilishi mumkin.
Qoʻmita Hayʼatining qaroriga muvofiq hududning yoki oʻrmon fondi uchastkasining likvidliligidan kelib chiqib, qoʻshimcha ravishda pasaytiruvchi yoki oʻsuvchi koeffitsiyent qoʻllanilishi mumkin.
(37-band Oʻzbekiston Respublikasi Vazirlar Mahkamasining 2021-yil 3-fevraldagi 50-sonli qarori tahririda — Qonun hujjatlari maʼlumotlari milliy bazasi, 04.02.2021-y., 09/21/50/0081-son)
38. Ijara toʻlovi summasi toʻlov amalga oshirilgan kundagi bazaviy hisoblash miqdoridan kelib chikib hisoblanadi.
Ijara toʻlovi toʻliqligicha Qoʻmitaning Oʻrmon xoʻjaligini rivojlantirish jamgʻarmasiga yoʻnaltiriladi.
Ijara toʻlovidan tushadigan mablagʻlarning alohida hisobi yuritiladi hamda mablagʻlar toʻliq yangi oʻrmonzorlar barpo etish tadbirlariga yoʻnaltiriladi.
(38-band Oʻzbekiston Respublikasi Vazirlar Mahkamasining 2021-yil 3-fevraldagi 50-sonli qaroriga asosan xatboshi bilan toʻldirilgan — Qonun hujjatlari maʼlumotlari milliy bazasi, 04.02.2021-y., 09/21/50/0081-son)
39. Ijara shartnomasida kommunal va asosiy vositalardan foydalanish (ijaraga olish) toʻlovlari, shu jumladan amortizatsiya ajratmalari (mavjud boʻlganda) uchun qonunchilik hujjatlarida belgilangan tartibda alohida toʻlov nazarda tutiladi.
(39-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
40. Ijara toʻlovi ijarachi tomonidan:
ijara shartnomasi rasmiylashtirilgan kundan boshlab 30 kun muddat ichida joriy yil uchun 100 foiz;
keyingi yillarda toʻlov ijara shartnomasida koʻrsatilgan muddatlarda har bir navbatdagi davr (yil, chorak) uchun 100 foiz oldindan toʻlash shaklida amalga oshiriladi.
41. Ijara toʻlovi kechiktirilganligi uchun undirilgan penya va shartnoma majburiyatlari buzilganligi uchun jarimalar summasi har oyda quyidagi tartibda taqsimlanishi lozim:
50 foizi — Qoʻmitaning Oʻrmon xoʻjaligini rivojlantirish jamgʻarmasida qoladi;
50 foizi — oʻrmondan doimiy foydalanuvchining shaxsiy gʻaznachilik hisobvaragʻiga oʻtkaziladi.
42. Ijaraga berilgan oʻrmon fondi uchastkalarini hisobga olish, ularning maʼlumotlar bazasini shakllantirish va reyestrini yuritish Qoʻmita tomonidan amalga oshiriladi.
Ijara toʻlovi, penya va jarimalarning oʻz vaqtida va toʻliq tushishini nazorat qilish oʻrmondan doimiy foydalanuvchi tomonidan amalga oshiriladi
5-bob. Oʻrmon fondi uchastkasini topshirish-qabul qilish
43. Oʻrmon fondi uchastkasini topshirish-qabul qilish oʻrmondan doimiy foydalanuvchi va ijarachi oʻrtasida tuziladigan topshirish-qabul qilish dalolatnomasi asosida amalga oshiriladi.
44. Topshirish-qabul qilish dalolatnomasida:
dalolatnoma tuzilgan joy va sana;
ijara shartnomasining rekvizitlari (tuzilgan sanasi, tartib raqami);
ijaraga berilayotgan oʻrmon fondi uchastkasidagi mavjud bino va inshootlar, sugʻorish va zax qochirish tarmoqlari, yoʻl va boshqa muhandislik tarmoqlari, daraxt va butalar soni, yoshi va turlari;
oʻrmon fondi uchastkasining holati koʻrsatiladi.
45. Topshirish-qabul qilish dalolatnomasi tomonlarning vakolatli vakillari tomonidan imzolanadi va tomonlarning muhrlari (mavjud boʻlsa) bilan tasdiqlanadi.
46. Ijaraga beruvchi oʻrmon fondi uchastkasini ijara shartnomasi shartlariga muvofiq holatda ijarachiga berishi, ijarachi esa ijara muddati tugagach yoki ijara shartnomasi muddatidan oldin bekor qilinganda yoxud haqiqiy emas deb hisoblanganda, ijaraga beruvchiga buzilgan yerlarni rekultivatsiya qilib qaytarishi shart.
47. Ijaraga olingan oʻrmon fondi uchastkasida kamchiliklar aniqlangan taqdirda (qonunda nazarda tutilgan hollardan tashqari), ijarachi oʻrmon fondi uchastkasi shartnomada belgilangan muddatlarda ijara shartnomasi shartlariga muvofiq holatga keltirilgungacha yoki yetkazilgan zararning oʻrni qoplagungacha uni qabul qilib olishni va oʻrmon fondi uchastkasini topshirish-qabul qilish dalolatnomasini imzolashni rad etishga haqlidir.
6-bob. Yakunlovchi qoidalar
48. Oʻrmon fondi uchastkasini ijaraga berishning ushbu Nizomda koʻrsatilmagan shartlari Oʻzbekiston Respublikasining Fuqarolik kodeksiga muvofiq belgilanadi.
49. Ijara shartnomasiga muvofiq qabul qilingan majburiyatlarni tomonlar bajarmagan takdirda, ular qonunchilik hujjatlariga muvofiq javob beradilar.
(49-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
50. Oʻrmon fondi uchastkasini ijaraga berish munosabati bilan paydo boʻladigan nizolar sudning hal kiluv karori bilan hal etiladi.
Davlat oʻrmon fondi uchastkalarini ijaraga berish tartibi toʻgʻrisidagi nizomga 1-ILOVA
(ilova belgisi Oʻzbekiston Respublikasi Vazirlar Mahkamasining 2021-yil 3-fevraldagi 50-sonli qarori tahririda — Qonun hujjatlari maʼlumotlari milliy bazasi, 04.02.2021-y., 09/21/50/0081-son)
Davlat oʻrmon fondi uchastkalarini ijaraga berish
sxemasi
Bosqichlar
Subyektlar
Tadbirlar
Muddatlar
1-bosqich
Oʻrmon xoʻjaligi davlat qoʻmitasi
Kelgusi yil davomida oʻrmon fondi uchastkalarini ijaraga berishni tashkil etish uchun Oʻrmon xoʻjaligi davlat qoʻmitasi (keyingi oʻrinlarda Qoʻmita deb ataladi) Hayʼatining qarori qabul qilinadi.
Hayʼat qarorida:
kelgusi yil davomida oʻrmon fondi uchastkalarini ijaraga berishni tashkil etish boʻyicha Komissiya (keyingi oʻrinlarda Komissiya deb ataladi) tarkibi;
kelgusi yil davomida ijaraga berish uchun kimoshdi savdolariga qoʻyiladigan oʻrmon fondi uchastkalari maydonlarining prognoz koʻrsatkichlari;
kelgusi yil davomida oʻrmon fondining oʻzlashtirilmagan (oʻrmon bilan qoplanmagan) yerlarida yangidan oʻrmon barpo etish uchun Qoʻmitaning Oʻrmon xoʻjaligini rivojlantirish jamgʻarmasidan ajratiladigan mablagʻlarning prognoz koʻrsatkichlari tasdiqlanadi.
Har yili dekabr oyida
2-bosqich
Oʻrmon xoʻjaligi davlat qoʻmitasining hududiy organlari
Oʻrmon fondi uchastkalarini ijaraga berish toʻgʻrisidagi takliflar oʻrmondan doimiy foydalanuvchilar tomonidan Qoʻmitaga elektron shaklda, uning hududiy organlari orqali taqdim etiladi.
Bir oy muddatda
3-bosqich
Komissiya
Komissiya zaruratga koʻra, lekin har chorakda kamida bir marta taqdim etilgan takliflarni koʻrib chiqadi va ularni koʻrib chiqish natijalari boʻyicha qaror qabul qiladi.
Komissiyaning qarori bayonnoma bilan rasmiylashtiriladi.
Har chorakda
4-bosqich
Komissiya
Komissiya qaroriga asosan, qaror qabul qilingan kundan boshlab besh kun ichida Qoʻmitaning veb-saytida, mahalliy ommaviy axborot vositalarida, fuqarolarning oʻzini oʻzi boshqarish organlari, davlat oʻrmon xoʻjaligi organlarining binolarida eʼlon osib qoʻyiladi.
5 kun muddatda
5-bosqich
Komissiya
Oʻrmon fondi uchastkalarini ijaraga berish boʻyicha kimoshdi savdolari (keyingi oʻrinlarda kimoshdi savdolari deb ataladi) Qoʻmitaning rasmiy veb-saytiga tegishli eʼlon joylashtirilgan kundan boshlab kamida oʻttiz kalendar kundan keyin Komissiya tomonidan oʻtkaziladi.
Kamida 30 kalendar kunidan keyin
6-bosqich
Komissiya
Kimoshdi savdolarida ishtirok etish toʻgʻrisidagi talabnomalar Komissiya tomonidan ularning kelib tushish ketma-ketligi boʻyicha roʻyxatga olinadi.
Eʼlonda koʻrsatilgan yakuniy muddat tugagandan keyin kelib tushgan talabnomalar qabul qilinmaydi va koʻrib chiqilmaydi.
Kamida 30 kalendar kun ichida
7-bosqich
Komissiya
Talabnomalarni koʻrib chiqish natijalari toʻgʻrisidagi bayonnoma kimoshdi savdolari oʻtkazilgan kunda Komissiya aʼzolari tomonidan imzolanadi va uning raisi tomonidan tasdiqlanadi.
Kimoshdi savdolari oʻtgan kunida
8-bosqich
Ijaraga beruvchi
Ijaraga beriladigan davlat oʻrmon fondi uchastkasini ijaraga olish toʻgʻrisidagi hujjatlarni Komissiyaga taqdim etadi.
2 kun muddatda
9-bosqich
Komissiya
Ijaraga beruvchi tomonidan taqdim etilgan hujjatlarni koʻrib chiqadi va natijalari boʻyicha xulosa qabul qiladi.
Komissiyaning qarori bayonnoma bilan rasmiylashtiriladi va barcha hujjatlar nusxasi ijaraga beruvchilarga yuboriladi.
5 kun muddatda
10-bosqich
Oʻzbekiston Respublikasi Oʻrmon xoʻjaligi davlat qoʻmitasi tomonidan vakolat berilgan hollarda — Qoraqalpogʻiston Respublikasi Oʻrmon xoʻjaligi qoʻmitasi, viloyatlar oʻrmon xoʻjaligi boshqarmalari
Ijaraga beruvchi Komissiya tomonidan ijobiy xulosa berilgan talabgor bilan ijara shartnomasini rasmiylashtiradi.
5 gektargacha oʻlchamda ijaraga berilayotgan oʻrmon fondi uchastkasi talabgorlarga Oʻzbekiston Respublikasi Oʻrmon xoʻjaligi davlat qoʻmitasi tomonidan vakolat berilgan hollarda — Qoraqalpogʻiston Respublikasi Oʻrmon xoʻjaligi qoʻmitasi, viloyatlar oʻrmon xoʻjaligi boshqarmalari tomonidan rasmiylashtiriladi.
3 kun muddatda
Davlat oʻrmon fondi uchastkalarini ijaraga berish tartibi toʻgʻrisidagi nizomga 2-ILOVA
Oʻzbekiston Respublikasi Oʻrmon xoʻjaligi davlat qoʻmitasi (keyingi oʻrinlarda — Qoʻmita), Qoʻmita tomonidan vakolat berilgan hollarda — Qoraqalpogʻiston Respublikasi Oʻrmon xoʻjaligi qoʻmitasi, viloyatlar oʻrmon xoʻjaligi boshqarmalari_________________________________________________________________________________________
(ijaraga beruvchining familiyasi, ismi, otasining ismi)
orqali, keyingi oʻrinlarda — “Ijaraga beruvchi”, bir tomondan, hamda ______________________________________________________________________________________ orqali, keyingi
(ijaraga oluvchining familiyasi, ismi, otasining ismi)
oʻrinlarda — “Ijaraga oluvchi”, ikkinchi tomondan ushbu Shartnoma quyidagilar toʻgʻrisida tuzildi:
I. Shartnoma predmeti
1. Ijaraga beruvchi 20____ yil “_____” _______________ dan _______________ yil muddatga ___________________________________________________________ da joylashgan _________ gektar yer uchastkasini dalolatnoma asosida ijaraga topshiradi, Ijaraga oluvchi esa qabul qilib oladi.
2. Ijaraga oluvchining yer uchastkasi chegaralari, mavjud koʻchmas mulk obyektlari, daraxtlar, irrigatsiya, melioratsiya tizimlari, yoʻllar va boshqa infratuzilma obyektlari mazkur Shartnomaning ajralmas qismi hisoblanadigan ilova qilinayotgan yer maydonlarini topshirish-qabul qilish dalolatnomasi va xaritada koʻrsatiladi.
3. Yer uchastkasi ______________________________________________________________________ uchun berildi.
(ijaraga berish maqsadi va ixtisoslashuvi)
4. Ijaraga berilayotgan yer maydoni jami ________ gektar boʻlib, shundan __________________________________________________________________________________ yer turlaridan iborat.
6. Oʻrmon fondi uchastkasining ijara toʻlovi miqdori Oʻzbekiston Respublikasi Vazirlar Mahkamasining 2019-yil 13-dekabrdagi 993-son qarori bilan tasdiqlangan Davlat oʻrmon fondi uchastkalarini ijaraga berish tartibi toʻgʻrisidagi nizomga asosan __________________________________________________________________________________________________________ _______________________________________________________ miqdorda belgilandi.
7. Ijara toʻlovini oʻz vaqtida toʻlamaganlik uchun qonunchilik hujjatlarida belgilangan tartibda moliyaviy sanksiyalar qoʻllaniladi.
8. Ijara shartnomasida kommunal va asosiy vositalardan foydalanish (ijaraga olish) toʻlovlari, shu jumladan, amortizatsiya ajratmalari (mavjud boʻlganda) uchun qonunchilik hujjatlarida belgilangan tartibda alohida toʻlov nazarda tutiladi.
9. Ijara toʻlovi toʻliqligicha Qoʻmitaning STIR: 200 934 675, XXTUT: 97 300, IFUT: 84 112, Oʻzbekiston Respublikasi Moliya vazirligi Gʻaznachiligi h/r 23 402 000 300 100 001 010, MFO 00 014, MB BB XKKM Toshkent shahri STIR: 201 122 919, Fond sh/x: 4014 1086 0262 9470 4220 1142 002 (jarima, yaylov, ijara va boshqa tushumlar tushadigan hisobvaraq), manzil: ____________________________________________________________________________________________________________ _________________________________________________________________________ Qoʻmitaning Oʻrmon xoʻjaligini rivojlantirish jamgʻarmasiga yoʻnaltiriladi.
III. Yer uchastkasini berish va undan foydalanish shartlari
10. Yer uchastkasidan ushbu Shartnomaning 3-bandida koʻrsatilgan maqsadlarda, belgilangan tartibda foydalanilishi kerak.
11. Ijaraga olingan yer uchastkasida qurilish ishlarini amalga oshirish, ichki xoʻjalik obyektlari qurilishi ishlari qonunchilik hujjatlarida belgilangan tartibda amalga oshiriladi.
12. Oʻrmon fondidan vaqtincha foydalanish uchun olingan yer maydoni foydalanish muddati tugaganda Ijaraga oluvchi tomonidan buzilgan yerlar qayta tiklanib (rekultivatsiya), Ijaraga beruvchiga dalolatnoma orqali topshirishlari shart.
13. Yer uchastkasi berish va undan foydalanishning boshqa shartlari ham belgilanishi mumkin.
IV. Ijaraga beruvchining huquq va majburiyatlari
14. Ijaraga beruvchi quyidagi huquqlarga ega:
Ijaraga oluvchi tomonidan Shartnoma shartlari buzilganda yoki yer uchastkasini yoxud uning bir qismini jamoat ehtiyojlari uchun olib qoʻyish zarur boʻlganda ushbu Shartnomani oʻzgartirishni yoki bekor qilishni talab qilish;
oʻrmondan vaqtincha foydalanuvchilarning faoliyati ustidan nazoratni amalga oshirish;
ijara haqini muddatida toʻlanishini talab qilish.
Ijaraga beruvchining boshqa huquqlari ______________________________________________________________.
15. Ijaraga beruvchi quyidagilarga majbur:
ijaraga olingan yer uchastkasining belgilangan muddatlarda Shartnoma shartlariga muvofiq holatda berilishini taʼminlash;
Ijaraga oluvchining qonunchilik hujjatlarida belgilangan huquqlariga rioya qilish;
erdan belgilangan maqsadga muvofiq oqilona foydalanish, tuproq unumdorligini oshirish, ishlab chiqarishning tabiatni muhofaza qiluvchi texnologiyalarini qoʻllash, oʻz xoʻjalik faoliyati natijasida hududda ekologik vaziyatning yomonlashuviga yoʻl qoʻymaslik, ishlab turgan irrigatsiya va melioratsiya tarmoqlari, muhandislik kommunikatsiyalarini soz holatda saqlab turish, ijara haqini oʻz vaqtida toʻlash, qoʻshni ijarachilarning huquqlarini buzmaslik talablarini qoʻyish;
Ijaraga beruvchining boshqa majburiyatlari ______________________________________________________.
V. Ijaraga oluvchining huquq va majburiyatlari
16. Ijaraga oluvchi quyidagi huquqlarga ega:
yer uchastkasida undan foydalanish maqsadiga muvofiq ravishda xoʻjalik yuritish;
yer uchastkasida mavjud boʻlgan oʻrmonzorlar, suv obyektlaridan xoʻjalik ehtiyojlari uchun belgilangan tartibda foydalanish, shuningdek, tuproq unumdorligini oshirish maqsadida mahalliy oʻgʻitlar bilan oziqlantirish orqali erning boshqa foydali xossalarini ishga solish;
erlarning zaxini qochirish, agrotexnik va boshqa meliorativ ishlarni belgilangan tartibda amalga oshirish;
ekinlarni, daraxtlarni sugʻorish va boshqa maqsadlar uchun sugʻorish manbalaridan limitlarga muvofiq suv olish:
oʻrmonlarni muhofaza qilish, koʻpaytirish, takroriy koʻpaytirish, qayta tiklash, ularning mahsuldorligini oshirish va ulardan oqilona foydalanish sohasida belgilangan tartiblarga rioya etish;
oʻrmonlarda yongʻinga qarshi tadbirlarni oʻtkazish va yongʻinlarni bartaraf etish choralarini koʻrish, shuningdek, oʻrmonlarni zararkunandalar hamda kasalliklardan himoya qilish boʻyicha tadbirlar oʻtkazish;
ijaraga beruvchi bilan kelishgan holda davlat oʻrmon fondi uchastkalarida biotexnik tadbirlarni amalga oshirish;
ijaradan foydalanganlik uchun oʻz vaqtida va belgilangan tartibda haq toʻlash;
oʻrmondan foydalanuvchi boshqa shaxslarning huquqlarini buzmaslik.
Ijaraga oluvchi qonunchilik hujjatlarida nazarda tutilgan boshqa huquqlarga ham egadir.
17. Ijaraga oluvchi quyidagilarga majbur:
yer uchastkasi ixtisoslashuvini mazkur Shartnomaning 3-bandiga muvofiq saqlash;
mavjud daraxtlarni toʻliq holda saqlash va koʻpaytirish choralarini koʻrish, erdan uning belgilangan maqsadiga qatʼiy muvofiq oqilona foydalanish, tuproq unumdorligini oshirish, ishlab chiqarishning tabiatni muhofaza qiluvchi texnologiyalarini qoʻllash, oʻz faoliyati natijasida hududdagi ekologik vaziyatning yomonlashuviga yoʻl qoʻymaslik;
mavjud irrigatsiya-melioratsiya tarmoqlarini va muhandislik kommunikatsiyalarini soz holatda saqlash;
yerlarni muhofaza qilish boʻyicha qonunchilik hujjatlarida nazarda tutilgan kompleks tadbirlarni amalga oshirish;
ijaraga olingan yer maydonida oʻzboshimchalik bilan qurilish inshootlari qurmaslik;
ijara haqini oʻz vaqtida toʻlash.
Ijaraga oluvchi qonun hujjatlarida nazarda tutilgan boshqa majburiyatlarga ham egadir.
Mazkur ishlarni amalga oshirishdagi sarf-xarajatlar Ijaraga oluvchi tomonidan qoplanadi.
VI. Yer uchastkasini ijaraga berish shartnomasini oʻzgartirish va bekor qilish
18. Mazkur Shartnomaning talablari bajarilmasligi Shartnoma bekor qilinishiga asos boʻladi. Boshqa hollarda Shartnoma tomonlarning kelishuviga koʻra, tomonlarning kelishuviga erishilmagan taqdirda esa — sud qaroriga koʻra oʻzgartirilishi yoki bekor qilinishi mumkin.
19. Ushbu Shartnoma quyidagi hollarda oʻzgartirilishi yoki bekor qilinishi mumkin:
yer uchastkasini ijaraga olish huquqidan ixtiyoriy ravishda voz kechilganda;
erdan belgilangan maqsadda foydalanilmaganda, samarasiz foydalanilganda, Ijaraga oluvchining aybi bilan bir yil davomida ijara haqi toʻlanmaganda;
erlarning ekologik holati Ijaraga oluvchining aybi bilan yomonlashganda;
Shartnoma shartlari bajarilmaganda;
yer uchastkasi belgilangan tartibda olib qoʻyilganda.
Shartnoma qonunchilik hujjatlarida nazarda tutilgan boshqa hollarda ham bekor qilinishi mumkin.
VII. Tomonlarning javobgarligi
20. Tomonlardan biri ushbu Shartnomaning shartlarini bajarmaganda yoki qonunchilik hujjatlarini muntazam ravishda buzganda ikkinchi tomon ushbu Shartnomaning belgilangan tartibda bekor qilinishini talab qilishga haqlidir.
21. Tomonlardan biri Shartnomani bekor qilish moʻljali toʻgʻrisida ikkinchi tomonni Shartnoma bekor qilinishi sabablarini asoslagan holda moʻljallanayotgan bekor qilish sanasidan uch kun oldin yozma ravishda xabardor qiladi.
VIII. Nizolarni hal etish
22. Ushbu Shartnomani amalga oshirishda paydo boʻladigan nizolar amaldagi qonunchilik hujjatlariga muvofiq hal etiladi.
(2-ilova Oʻzbekiston Respublikasi Vazirlar Mahkamasining 2023-yil 23-fevraldagi 76-sonli qarori tahririda)
(Qonun hujjatlari maʼlumotlari milliy bazasi, 14.12.2019-y., 09/19/993/4152-son; 04.02.2021-y., 09/21/50/0081-son, Qonunchilik maʼlumotlari milliy bazasi, 05.04.2022-y., 09/22/153/0266-son)
LexUZ sharhi