|
Hujjat kuchini yo‘qotgan " " 03.09.2022
|
O‘zbekiston Respublikasi Vazirlar Mahkamasining
qarori
Bolalarni davlat umumiy o‘rta ta’lim muassasalariga qabul qilish bo‘yicha davlat xizmatlari ko‘rsatishning ma’muriy reglamentini tasdiqlash to‘g‘risida
LexUZ sharhiMazkur qaror O‘zbekistan Respublikasi Vazirlar Mahkamasining 2022-yil 1-iyundagi 295-sonli “Xalq ta’limi tizimida davlat xizmatlari ko‘rsatishni yanada takomillashtirish to‘g‘risida”gi qaroriga asosan 2022-yil 3-sentabrdan o‘z kuchini yo‘qotadi.
O‘zbekiston Respublikasi Prezidentining “Aholiga davlat xizmatlari ko‘rsatishning milliy tizimini tubdan isloh qilish chora-tadbirlari to‘g‘risida” 2017-yil 12-dekabrdagi PF-5278-son va “Xalq ta’limini boshqarish tizimini takomillashtirish bo‘yicha qo‘shimcha chora-tadbirlar to‘g‘risida” 2018-yil 5-sentabrdagi PF-5538-son farmonlariga muvofiq hamda bolalarni davlat umumta’lim muassasalariga qabul qilish bo‘yicha davlat xizmatlari ko‘rsatish tizimini yanada takomillashtirish maqsadida Vazirlar Mahkamasi qaror qiladi:
1. O‘zbekiston Respublikasi Xalq ta’limi vazirligi hamda O‘zbekiston Respublikasi Adliya vazirligining 2019/2020 o‘quv yilidan boshlab bolalarni umumiy o‘rta ta’lim muassasalariga qabul qilish jarayonini Davlat xizmatlari markazlari yoki O‘zbekiston Respublikasi Yagona interaktiv davlat xizmatlari portali orqali bosqichma-bosqich amalga oshirish haqida taklifi ma’kullansin.
2. Quyidagilar:
Bolalarni davlat umumiy o‘rta ta’lim muassasalariga qabul qilish bo‘yicha davlat xizmatlari ko‘rsatishning ma’muriy reglamenti 1-ilovaga muvofiq;
2019/2020 o‘quv yilidan boshlab bolalarni umumiy o‘rta ta’lim muassasalariga qabul qilish jarayoni Davlat xizmatlari markazlari yoki O‘zbekiston Respublikasi Yagona interaktiv davlat xizmatlari portali orqali amalga oshiriladigan umumiy o‘rta ta’lim muassasalari ro‘yxati 2-ilovaga muvofiq tasdiqlansin.
3. Belgilansinki, 2019/2020 o‘quv yili uchun bolalarni davlat umumiy o‘rta ta’lim muassasalariga (keyingi o‘rinlarda umumta’lim muassasalari deb ataladi) qabul qilish 2019-yil 20-iyundan boshlab Davlat xizmatlari markazlari yoki O‘zbekiston Respublikasi Yagona interaktiv davlat xizmatlari portali (keyingi o‘rinlarda YIDXP deb ataladi) orqali bosqichma-bosqich joriy etiladi.
4. O‘zbekiston Respublikasi Xalq ta’limi vazirligi 2019-yil 20-iyunga qadar:
umumiy o‘rta ta’lim muassasalariga bolalarni qabul qilishda O‘zbekiston Respublikasi Yagona interaktiv davlat xizmatlari portaliga integratsiyalash imkoniyati mavjud bo‘lgan maxsus onlayn platforma (keyingi o‘rinlarda platforma deb ataladi) yaratilishini;
platformada Davlat xizmatlari markazlari yoki YIDXP orqali bolalarni qabul qilish joriy etiladigan umumta’lim muassasalari bilan bog‘liq bo‘lgan barcha zarur ma’lumotlar joylashtirilishini;
bolalarni umumta’lim muassasalariga Davlat xizmatlari markazi yoki YIDXP orqali qabul qilish bilan bog‘liq murojaatlarni ko‘rib chiqish uchun Qoraqalpog‘iston Respublikasi Xalq ta’limi vazirligi, viloyatlar xalq ta’limi boshqarmalari va Toshkent shahar xalq ta’limi bosh boshqarmasida muvofiqlashtiruvchi ishchi guruh tashkil etilishini;
O‘zbekiston Respublikasi Adliya vazirligi huzuridagi Davlat xizmatlari agentligi bilan birgalikda Davlat xizmatlari markazlari, tuman (shahar) xalq ta’limi bo‘limlari, umumta’lim muassasalari xodimlari ishtirokida ushbu qaror bilan tasdiqlangan Ma’muriy reglamentning amalda qo‘llanilishi, uning samaradorligi va natijadorligi darajasini oshirishga yo‘naltirilgan o‘quv seminarlari o‘tkazilishini ta’minlasin.
5. O‘zbekiston Respublikasi Axborot texnologiyalari va kommunikatsiyalarini rivojlantirish vazirligi 2019-yil 20-iyunga qadar O‘zbekiston Respublikasi Xalq ta’limi vazirligi hamda O‘zbekiston Respublikasi Adliya vazirligi huzuridagi Davlat xizmatlari agentligi bilan birgalikda:
davlat xizmatlari ko‘rsatishda ishtirok etuvchi tuzilmalarning YIDXPga ulanishini ta’minlasin;
YIDXPda bolalarni umumta’lim muassasalariga qabul qilish bo‘yicha davlat xizmatlari ko‘rsatishning har bir bosqichida jismoniy shaxslarning murojaatlari ko‘rib chiqilishini kuzatib borish tartibini joriy etsin.
6. O‘zbekiston Respublikasi Ichki ishlar vazirligi 2019-yil 15-iyunga qadar fuqarolarning doimiy va vaqtincha yashash joylari manzillari to‘g‘risidagi axborot bazasini Adliya vazirligi huzuridagi Davlat xizmatlari agentligining axborot tizimiga integratsiya qilish choralarini ko‘rsin.
7. O‘zbekiston Respublikasi Adliya vazirligi huzuridagi Davlat xizmatlari agentligi ushbu qaror bilan tasdiqlangan Bolalarni davlat umumiy o‘rta ta’lim muassasalariga qabul qilish bo‘yicha davlat xizmatlari ko‘rsatishning ma’muriy reglamenti talablari buzilganligi uchun tegishli tashkilotlarning mansabdor shaxslariga nisbatan ma’muriy jazo choralarini belgilangan tartibda qo‘llasin.
8. O‘zbekiston Respublikasi Xalq ta’limi vazirligi manfaatdor vazirliklar va idoralar bilan birgalikda ikki oy muddatda ular qabul qilgan normativ-huquqiy hujjatlarni ushbu qarorga muvofiqlashtirsin.
9. Ushbu qarorning bajarilishini nazorat qilish O‘zbekiston Respublikasi Bosh vazirining ijtimoiy rivojlantirish masalalari bo‘yicha o‘rinbosari A.A. Abduxakimov, O‘zbekiston Respublikasi adliya vaziri R.K. Davletov va O‘zbekiston Respublikasi xalq ta’limi vaziri Sh.X. Shermatov zimmasiga yuklansin.
O‘zbekiston Respublikasining Bosh vaziri A. ARIPOV
Toshkent sh.,
2019-yil 7-iyun,
469-son
Vazirlar Mahkamasining 2019-yil 7-iyundagi 469-son qaroriga
1-ILOVA
1-ILOVA
Bolalarni davlat umumiy o‘rta ta’lim muassasalariga qabul qilish bo‘yicha davlat xizmatlari ko‘rsatishning
MA’MURIY REGLAMENTI
1-bob. Umumiy qoidalar
1. Ushbu Reglament Davlat xizmatlari markazlari yoki O‘zbekiston Respublikasi Yagona interaktiv davlat xizmatlari portali (keyingi o‘rinlarda YIDXP deb yuritiladi) orqali bolalarni umumiy o‘rta ta’lim muassasalariga (keyingi o‘rinlarda umumta’lim muassasalari deb ataladi) qabul qilish tartibini belgilaydi.
2. Ushbu Reglament talablari quyidagi umumta’lim muassasalariga nisbatan qo‘llaniladi:
boshlang‘ich maktab;
umumiy o‘rta ta’lim maktabi;
ayrim fanlar chuqur o‘rganiladigan ixtisoslashtirilgan maktab (ixtisoslashtirilgan san’at va madaniyat maktablari va maktab-internatlar, olimpiya zaxiralari kollejlari bundan mustasno).
(2-bandning to‘rtinchi xatboshisi O‘zbekiston Respublikasi Vazirlar Mahkamasining 2020-yil 12-avgustdagi 480-sonli qarori tahririda — Qonun hujjatlari ma’lumotlari milliy bazasi, 13.08.2020-y., 09/20/480/1168-son)
3. Bolalarni umumta’lim muassasalariga qabul qilish jarayonini amalga oshirishda:
a) tuman (shahar) hokimliklari:
zaruratga ko‘ra tegishli yilning 1-yanvariga qadar umumta’lim muassasalariga biriktirilgan hududlarni (keyingi o‘rinlarda mikrohudud deb ataladi) tasdiqlaydi;
b) Qoraqalpog‘iston Respublikasi Ichki ishlar vazirligi, viloyatlar ichki ishlar boshqarmalari va Toshkent shahar ichki ishlar bosh boshqarmasi huzuridagi Manzil-ma’lumot byurolari (keyingi o‘rinlarda manzil-ma’lumot byurolari deb ataladi) ota-onalar yoki ularning o‘rnini bosuvchi shaxslarning (keyingi o‘rinlarda ariza beruvchilar deb ataladi) mikrohududda doimiy yashash joyi bo‘yicha ro‘yxatga olinganligi, shuningdek, ma’lumot mavjud emasligi haqida axborot beradi;
(3-bandning “b” kichik bandi O‘zbekiston Respublikasi Vazirlar Mahkamasining 28-sentabrdagi 593-sonli qarori tahririda — Qonun hujjatlari ma’lumotlari milliy bazasi, 29.09.2020-y., 09/20/593/1340-son)
v) Xalq ta’limi vazirligi:
umumta’lim muassasalariga bolalarni qabul qilishda O‘zbekiston Respublikasi YIDXPga integratsiyalash imkoniyati mavjud bo‘lgan onlayn platformani (keyingi o‘rinlarda platforma deb ataladi) ishlab chiqadi;
ushbu platforma uzluksiz ishlashini hamda texnik qo‘llab-quvvatlanishini ta’minlaydi;
platformada ta’lim muassasalari to‘g‘risidagi ma’lumotlar yangilab borilishini ta’minlaydi;
platformada umumta’lim muassasalariga biriktirilgan mikrohududdagi ko‘p qavatli uy va ko‘cha nomlari, mikrohududdagi maktab yoshidagi bolalar soni, 1-sinfga qabul rejasi, qabul qilingan bolalar soni va bo‘sh o‘rinlarning mavjudligi ko‘rsatiladi;
g) ariza beruvchilar umumta’lim muassasasiga yo‘llanma bilan murojaat qiladi.
4. Qoraqalpog‘iston Respublikasi Xalq ta’limi vazirligi, Toshkent shahar xalq ta’limi bosh boshqarmasi va viloyatlar xalq ta’limi boshqarmalari tegishli yilning 1-apreliga qadar umumta’lim muassasalarining 1-sinfga qabul kvotasini belgilaydi.
Qabul kvotasi asosiy va qo‘shimcha kvota turlariga ajratiladi.
Asosiy kvota — tuman (shahar) hokimliklari tomonidan umumta’lim muassasalariga biriktirilgan mikrohududda istiqomat qilayotgan fuqarolarning maktab yoshidagi farzandlari, otasi yoki onasi I guruh nogironi bo‘lgan hamda yetim yoki ota-ona qaramog‘idan mahrum bo‘lgan bolalar sonini (keyingi o‘rinlarda asosiy kvota deb ataladi) inobatga olgan holda shakllantiriladi.
(4-bandning uchinchi xatboshisi O‘zbekiston Respublikasi Vazirlar Mahkamasining 2019-yil 7-avgustdagi 651-sonli qarori tahririda — Qonun hujjatlari ma’lumotlari milliy bazasi, 08.08.2019-y., 09/19/651/3533-son)
Qo‘shimcha kvota ― umumta’lim muassasalarining imkoniyatidan kelib chiqib, tegishli mikrohudud bo‘yicha asosiy kvotaga tushmagan bolalar uchun ajratiladi.
(4-bandning to‘rtinchi xatboshisi O‘zbekiston Respublikasi Vazirlar Mahkamasining 2019-yil 7-avgustdagi 651-sonli qarori tahririda — Qonun hujjatlari ma’lumotlari milliy bazasi, 08.08.2019-y., 09/19/651/3533-son)
5. Davlat xizmatlari markazlari, muvofiqlashtiruvchi ishchi guruhlar va manzil-ma’lumot byurolari o‘rtasida axborot almashuvi faqat idoralararo elektron o‘zaro hamkorlik orqali, elektron raqamli imzoni (keyingi o‘rinlarda ERI deb ataladi) qo‘llagan holda amalga oshiriladi.
Bolalarni umumta’lim muassasalariga qabul qilishda davlat xizmatlari ko‘rsatilganligi uchun yig‘im undirilmaydi.
(5-band O‘zbekiston Respublikasi Vazirlar Mahkamasining 2019-yil 7-avgustdagi 651-sonli qaroriga asosan xatboshi bilan to‘ldirilgan — Qonun hujjatlari ma’lumotlari milliy bazasi, 08.08.2019-y., 09/19/651/3533-son)
6. Bolalarni umumta’lim muassasalariga asosiy kvota bo‘yicha qabul qilish ushbu Reglamentga 1-ilovada keltirilgan sxema bo‘yicha amalga oshiriladi.
Bunda, yetim bolalar va ota-ona qaramog‘idan mahrum bo‘lgan bolalar davlat umumta’lim muassasalariga navbatga qo‘yilmagan holda asosiy kvota doirasida joylashtiriladi.
(6-band O‘zbekiston Respublikasi Vazirlar Mahkamasining 2021-yil 25-oktabrdagi 656-sonli qaroriga asosan ikkinchi xatboshi bilan to‘ldirilgan — Qonunchilik ma’lumotlari milliy bazasi, 26.10.2021-y., 09/21/656/0996-son)
Bolalarni umumta’lim muassasalariga qo‘shimcha kvota bo‘yicha qabul qilish Vazirlar Mahkamasining 2017-yil 15-martdagi 140-son qarori bilan tasdiqlangan Umumiy o‘rta ta’lim to‘g‘risidagi nizomga muvofiq belgilangan umumiy talablar asosida tegishli umumta’lim muassasalari direktorlari tomonidan amalga oshiriladi.
(6-band O‘zbekiston Respublikasi Vazirlar Mahkamasining 2019-yil 7-avgustdagi 651-sonli qarori tahririda — Qonun hujjatlari ma’lumotlari milliy bazasi, 08.08.2019-y., 09/19/651/3533-son)
2-bob. Bolalarni umumta’lim muassasalariga asosiy kvota bo‘yicha qabul qilish tartibi
7. Bolalarni umumta’lim muassasalariga asosiy kvota bo‘yicha qabul qilish har yili 15-iyundan 10-avgustga qadar amalga oshiriladi.
(7-band O‘zbekiston Respublikasi Vazirlar Mahkamasining 2019-yil 7-avgustdagi 651-sonli qarori tahririda — Qonun hujjatlari ma’lumotlari milliy bazasi, 08.08.2019-y., 09/19/651/3533-son)
8. Umumta’lim muassasalariga biriktirilgan mikrohudud bo‘yicha tegishli yilning 31-dekabriga qadar 7 yoshga to‘ladigan bolalar qabul qilinadi.
9. Ariza beruvchi yo‘llanma olish uchun Davlat xizmatlari markaziga murojaat qiladi yoki elektron tarzda davlat xizmatlaridan foydalanish uchun YIDXPda ro‘yxatdan o‘tadi.
Oldingi tahrirga qarang.
(10-band O‘zbekiston Respublikasi Vazirlar Mahkamasining 2019-yil 7-avgustdagi 651-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 08.08.2019-y., 09/19/651/3533-son)
11. Davlat xizmatlari markazi xodimi ariza beruvchi nomidan, YIDXP orqali murojaat qilingan taqdirda esa ariza beruvchi davlat xizmatlari olish uchun so‘rovnomani elektron tarzda mustaqil ravishda, platformada joylashtirilgan ma’lumotdan foydalangan holda ushbu Reglamentga 2-ilovada keltirilgan so‘rovnomaga muvofiq shakl bo‘yicha to‘ldiradi.
Ariza beruvchilardan ushbu Reglamentga 2-ilovada keltirilgan so‘rovnomada ko‘rsatilmagan ma’lumotlar va hujjatlarni taqdim etishni talab qilish qat’iyan taqiqlanadi.
So‘rovnomada ishonchsiz ma’lumotlarning ko‘rsatilishi davlat xizmatlari ko‘rsatishni rad etish uchun asos hisoblanadi.
12. So‘rovnoma to‘ldirilgandan so‘ng Davlat xizmatlari markazi xodimi so‘rovnomani qog‘ozga chiqaradi va ariza beruvchiga beradi. Ariza beruvchi ma’lumotlarning to‘g‘riligini tekshirib, uni o‘z ERI bilan tasdiqlaydi.
O‘zi kelib murojaat etgan taqdirda so‘rovnomani ERI bilan tasdiqlash imkoniyati bo‘lmagan hollarda tegishli imzolar identifikatsiya qilishning boshqa vositalari (daktiloskopiya, elektron imzo va boshqalar) bilan ham tasdiqlanishi mumkin.
13. Davlat xizmatlari markazlari so‘rovnoma to‘ldirilgan vaqtdan boshlab bir soat mobaynida uni manzil-ma’lumot byurosiga yuboradi.
YIDXP orqali murojaat qilingan taqdirda so‘rovnoma avtomatik ravishda manzil-ma’lumot byurosiga yuboriladi.
14. Bolaning qarindoshlari tomonidan umumta’lim muassasasiga yo‘llanma olish faqat bolaning ota-onasi tomonidan belgilangan tartibda berilgan (notarial tasdiqlangan) ishonchnoma asosida amalga oshiriladi.
15. Manzil-ma’lumot byurolari so‘rovnoma tushganidan boshlab bir ish kuni mobaynida ariza beruvchilarning mikrohududda doimiy yashash joyi bo‘yicha ro‘yxatga olinganligi (olinmaganligi), shuningdek, ma’lumot mavjud emasligi haqidagi ma’lumotni tegishli Davlat xizmatlari markazlariga yuboradi.
(15-band O‘zbekiston Respublikasi Vazirlar Mahkamasining 2020-yil 28-sentabrdagi 593-sonli qarori tahririda — Qonun hujjatlari ma’lumotlari milliy bazasi, 29.09.2020-y., 09/20/593/1340-son)
16. Davlat xizmatlari markazlari manzil-ma’lumot byurolaridan ma’lumot tushganidan boshlab bir ish kuni mobaynida QR-kod (matrik shtrixli kod) qo‘yilgan yo‘llanmani yoki asoslantirilgan rad javobini rasmiylashtiradi.
Ariza beruvchilarning mikrohududda doimiy yashash joyi bo‘yicha ro‘yxatga olinmaganligi, yo‘llanma berishni rad etish uchun asos bo‘ladi.
(16-bandning ikkinchi xatboshisi O‘zbekiston Respublikasi Vazirlar Mahkamasining 28-sentabrdagi 593-sonli qarori tahririda — Qonun hujjatlari ma’lumotlari milliy bazasi, 29.09.2020-y., 09/20/593/1340-son)
Yo‘llanma berishni boshqa asoslar bo‘yicha rad etish taqiqlanadi.
Bunda bolalarni umumta’lim muassasalariga qabul qilish qo‘shimcha kvota bo‘yicha belgilangan tartibda amalga oshiriladi.
17. Davlat xizmatlari markazi ariza beruvchining so‘roviga ko‘ra unga yo‘llanmani yoki asoslantirilgan rad javobini elektron shaklda yoki qog‘oz shaklda muhrini bosib, mas’ul xodimning imzosini qo‘yib beradi.
YIDXP orqali murojaat qilinganda yo‘llanma yoki asoslangan rad javobi ariza beruvchining elektron pochta manziliga yuboriladi.
3-bob. Bolalarni umumta’lim muassasalariga qo‘shimcha kvota bo‘yicha qabul qilish tartibi
18. Bolalarni umumta’lim muassasalariga qo‘shimcha kvota bo‘yicha qabul qilish har yili 10-avgustdan 31-avgustga qadar amalga oshiriladi.
(18-band O‘zbekiston Respublikasi Vazirlar Mahkamasining 2019-yil 7-avgustdagi 651-sonli qarori tahririda — Qonun hujjatlari ma’lumotlari milliy bazasi, 08.08.2019-y., 09/19/651/3533-son)
19. Qo‘shimcha kvota umumta’lim muassasasining o‘quvchilarni qabul qilish uchun malakali pedagog kadrlar bilan ta’minlanganligi, sinf xonalarining o‘quv mebellari bilan jihozlanganligidan kelib chiqib Kuzatuv kengashining tavsiyasi va umumta’lim muassasasi rahbarining buyurtmasi asosida Qoraqalpog‘iston Respublikasi xalq ta’limi vaziri, Toshkent shahar xalq ta’limi bosh boshqarmasi va viloyatlar xalq ta’limi boshqarmalari boshliqlarining buyrug‘i bilan tasdiqlanadi.
Oldingi tahrirga qarang.
(20-band O‘zbekiston Respublikasi Vazirlar Mahkamasining 2019-yil 7-avgustdagi 651-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 08.08.2019-y., 09/19/651/3533-son)
Oldingi tahrirga qarang.
(21-band O‘zbekiston Respublikasi Vazirlar Mahkamasining 2019-yil 7-avgustdagi 651-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 08.08.2019-y., 09/19/651/3533-son)
Oldingi tahrirga qarang.
(22-band O‘zbekiston Respublikasi Vazirlar Mahkamasining 2019-yil 7-avgustdagi 651-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 08.08.2019-y., 09/19/651/3533-son)
Oldingi tahrirga qarang.
(23-band O‘zbekiston Respublikasi Vazirlar Mahkamasining 2019-yil 7-avgustdagi 651-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 08.08.2019-y., 09/19/651/3533-son)
Oldingi tahrirga qarang.
(24-band O‘zbekiston Respublikasi Vazirlar Mahkamasining 2019-yil 7-avgustdagi 651-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 08.08.2019-y., 09/19/651/3533-son)
4-bob. Umumta’lim muassasalariga bolalarning shaxsiy hujjatlarini qabul qilish va rasmiylashtirish tartibi
26. Ariza beruvchilar umumta’lim muassasasiga asosiy kvota bo‘yicha qabul qilish uchun yo‘llanmani olgan kundan boshlab uch ish kuni mobaynida (yo‘llanma bilan birga) umumta’lim muassasasiga quyidagi hujjatlarni topshiradi.
(26-bandning birinchi xatboshisi O‘zbekiston Respublikasi Vazirlar Mahkamasining 2019-yil 7-avgustdagi 651-sonli qarori tahririda — Qonun hujjatlari ma’lumotlari milliy bazasi, 08.08.2019-y., 09/19/651/3533-son)
bolaning sog‘lig‘i to‘g‘risida tibbiy ma’lumotnoma;
bolaning 3,5 x 4,5 sm o‘lchamli 4 dona rangli fotosurati;
ariza beruvchining pasporti nusxasi;
bolaning tug‘ilganlik haqidagi guvohnomasi nusxasi.
27. Bolalarni umumta’lim muassasasiga qabul qilish yo‘llanma taqdim etilganda umumta’lim muassasalari tomonidan belgilangan tartibda rasmiylashtiriladi.
Bolalarni umumta’lim muassasalariga yo‘llanmalar mavjud bo‘lmaganda rasmiylashtirishga yo‘l qo‘yilmaydi.
28. Bolaning sog‘lig‘i to‘g‘risida tibbiy ma’lumotnomada o‘qishga tavsiya etilgan tibbiy xulosa mavjud bo‘lganda (sog‘lom ekanligi ko‘rsatilganda) bola umumta’lim muassasasiga qabul qilinadi.
5-bob. Yakunlovchi qoidalar
29. Umumta’lim maktablari asosiy kvota doirasida to‘liq qamrab olingandan so‘ng bo‘sh o‘rinlar qo‘shimcha kvota asosida to‘ldiriladi.
Asosiy kvota bo‘yicha belgilangan o‘rinlar yetarli bo‘lmagan taqdirda qo‘shimcha kvota hisobiga qabul qilinadi.
Umumta’lim muassasalarining 1-sinflariga tasdiqlangan qabul kvotalar bajarilgandan so‘ng arizalarni qabul qilish to‘xtatiladi.
Umumta’lim muassasalariga qabul kvotasidan tashqari va Davlat xizmatlari markazi yoki YIDXP orqali olingan yo‘llanmalarsiz hamda sinflarda 35 nafardan ortiq o‘quvchilarni qabul qilishga yo‘l qo‘yilmaydi.
30. Davlat xizmatlari markazlari, umumta’lim muassasalari va manzil-ma’lumot byurolari o‘z faoliyatini amalga oshirish natijasida olingan ariza beruvchi to‘g‘risidagi ma’lumotlarning maxfiyligini ta’minlaydi.
31. O‘zbekiston Respublikasi Adliya vazirligi huzuridagi Davlat xizmatlari agentligi, uning hududiy boshqarmalari va Davlat xizmatlari markazlari ushbu Reglament talablarining bajarilishi bo‘yicha davlat organlari va boshqa tashkilotlarning faoliyati yuzasidan, shu jumladan, YIDXP orqali doimiy nazoratni va monitoringni amalga oshiradilar.
32. Bolalarni umumta’lim muassasalariga Davlat xizmatlari markazi yoki YIDXP orqali qabul qilish bilan bog‘liq murojaatlar Qoraqalpog‘iston Respublikasi Xalq ta’limi vazirligi, viloyatlar xalq ta’limi boshqarmalari va Toshkent shahar xalq ta’limi bosh boshqarmasida tashkil etilgan muvofiqlashtiruvchi ishchi guruh tomonidan ko‘rib chiqiladi.
33. Davlat organlari va boshqa tashkilotlar xodimlarining xatti-harakatlari yuzasidan ariza beruvchi tomonidan qonunchilik hujjatlarida belgilangan tartibda shikoyat qilinishi mumkin.
(33-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
34. Ushbu Reglament talablari buzilishida aybdor bo‘lgan shaxslar qonunchilik hujjatlarida belgilangan tartibda javob beradilar.
(34-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Bolalarni davlat umumiy o‘rta ta’lim muassasalariga qabul qilish bo‘yicha davlat xizmatlari ko‘rsatishning ma’muriy reglamentiga
1-ILOVA
1-ILOVA
Bolalarni asosiy kvota asosida davlat umumta’lim muassasalariga qabul qilish
SXEMASI
(1-ilova O‘zbekiston Respublikasi Vazirlar Mahkamasining 2019-yil 7-avgustdagi 651-sonli qarori tahririda — Qonun hujjatlari ma’lumotlari milliy bazasi, 08.08.2019-y., 09/19/651/3533-son)
Bolalarni davlat umumiy o‘rta ta’lim muassasalariga qabul qilish bo‘yicha davlat xizmatlari ko‘rsatishning ma’muriy reglamentiga
2-ILOVA
2-ILOVA
Bolalarni davlat umumta’lim muassasalariga qabul qilish bo‘yicha davlat xizmatlaridan foydalanish uchun
so‘rovnoma*
|
1. Bolalarga nisbatan (ota, ona, ularning o‘rnini bosuvchi shaxs) |
||
|
2. F.I.O. |
||
|
3. Pasport ma’lumotlari (raqami va seriyasi) |
||
|
4. Jismoniy shaxsning shaxsiy identifikatsiya raqami (JSh ShIR) (mavjud bo‘lganda) |
||
|
5. Manzili |
||
|
6. Telefon raqami |
||
|
7. Elektron pochta manzili |
||
|
| ||
|
1. F.I.O. |
||
|
2. Tug‘ilgan yili |
||
|
3. Tug‘ilish haqida guvohnoma ma’lumotlari (raqami va seriyasi) |
||
|
4. Bola oilasi bilan yashaydigan manzil |
||
|
5. Manzilning qaysi umumta’lim muassasi mikrohududiga kirishi |
||
|
| ||
|
1. (Tuman, shahar) xalq ta’limi bo‘limi |
||
|
2. Umumta’lim muassasasi raqami |
||
|
3. Ta’lim tili |
||
|
| ||
|
1. Otasi yoki onasi I guruh nogironligi bo‘lgan bola (nogironlikni tasdiqlovchi hujjat) |
||
|
2. Yetim yoki ota-ona qaramog‘idan mahrum bo‘lgan bola (ota-onasining vafoti haqida guvohnoma yoki boshqa hujjat seriyasi va raqami) |
||
|
* Ushbu so‘rovnoma taqdim etiladigan asl nusxadagi hujjatlar asosida to‘ldiriladi. |
||
|
20__y.____ _______________ |
Imzo: _________________. | |
* Ushbu so‘rovnoma taqdim etiladigan asl nusxadagi hujjatlar asosida to‘ldiriladi.
(2-ilova O‘zbekiston Respublikasi Vazirlar Mahkamasining 2022-yil 8-fevraldagi 62-sonli qarori tahririda — Qonunchilik ma’lumotlari milliy bazasi, 08.02.2022-y., 09/22/62/0111-son)
Vazirlar Mahkamasining 2019-yil 7-iyundagi 469-son qaroriga
2-ILOVA
2-ILOVA
2019/2020 o‘quv yilidan boshlab bolalarni umumiy o‘rta ta’lim muassasalariga qabul qilish jarayoni Davlat xizmatlari markazlari yoki O‘zbekiston Respublikasi Yagona interaktiv davlat xizmatlari portali orqali amalga oshiriladigan ta’lim muassasalari ro‘yxati
|
T/r |
Tumanlar nomi |
Umumiy o‘rta ta’lim muassasalari soni |
Umumiy o‘rta ta’lim muassasalari ro‘yxati |
|
1. |
Bektemir |
4 |
289, 290, 291, 293-son umumta’lim maktablari |
|
2. |
Mirobod |
6 |
31, 60, 94, 110, 125, 263-son umumta’lim maktablari |
|
3. |
Mirzo Ulug‘bek |
7 |
35, 50, 64, 71, 187, 210, 279-son umumta’lim maktablari |
|
4. |
Olmazor |
7 |
159, 191, 233, 242, 243, 249, 298-son umumta’lim maktablari |
|
5. |
Sergeli |
3 |
6, 7, 300-son umumta’lim maktablari |
|
6. |
Uchtepa |
7 |
38, 44, 74, 75, 107, 228, 238-son umumta’lim maktablari |
|
7. |
Chilonzor |
9 |
101, 103, 164, 168, 178, 184, 195, 217, 280-son umumta’lim maktablari |
|
8. |
Shayxontohur |
7 |
19, 34, 42, 59, 169, 180, 314-son umumta’lim maktablari |
|
9. |
Yunusobod |
14 |
5, 17, 43, 51, 86, 97, 98, 235, 246, 257, 260, 272, 302, 313-son umumta’lim maktablari |
|
10. |
Yakkasaroy |
4 |
89, 91, 144, 160-son umumta’lim maktablari |
|
11. |
Yashnobod |
7 |
61, 145, 151, 152, 166, 282, 307-son umumta’lim maktablari |
|
O‘zbekiston Respublikasi Xalq ta’limi vazirligining bevosita tasarrufidagi davlat umumta’lim maktablari | |||
|
1. |
Mirzo Ulug‘bek |
3 |
Profilli mehnat ta’limiga ixtisoslashtirilgan davlat umumta’lim maktabi |
|
Mirzo Ulug‘bek nomidagi astronomiya fizika, matematika, informatika fanlariga ixtisoslashtirilgan davlat umumta’lim maktabi | |||
|
Filologiya fanlariga ixtisoslashtirilgan davlat umumta’lim maktabi | |||
|
2. |
Uchtepa |
1 |
Xorijiy tillarga ixtisoslashtirilgan d�vlat umumta’lim maktabi |
|
3. |
Yunusobod |
1 |
Tabiiy fanlarga ixtisoslashtirilgan davlat umumta’lim maktabi |
|
4. |
Olmazor |
1 |
Aniq fanlarga ixtisoslashtirilgan davlat umumta’lim maktabi |
|
Jami |
81 ta |
||
Izoh. O‘zbekiston Respublikasi Xalq ta’limi vazirligi O‘zbekiston Respublikasi Adliya vazirligi huzuridagi Davlat xizmatlari agentligi bilan kelishgan holda umumiy o‘rta ta’lim muassasalari ro‘yxatiga o‘zgartirish va qo‘shimchalar kiritishi mumkin.
(Qonun hujjatlari ma’lumotlari milliy bazasi, 08.06.2019-y., 09/19/469/3250-son, 08.08.2019-y., 09/19/651/3533-son; 29.12.2019-y., 09/19/1046/4242-son; 13.08.2020-y., 09/20/480/1168-son, 29.09.2020-y., 09/20/593/1340-son; Qonunchilik ma’lumotlari milliy bazasi, 26.10.2021-y., 09/21/656/0996-son, 08.02.2022-y., 09/22/62/0111-son, Qonunchilik ma’lumotlari milliy bazasi, 05.04.2022-y., 09/22/153/0266-son)
