O‘zbekiston Respublikasining qonuni
JAMOAT FONDLARI TO‘G‘RISIDA
I. UMUMIY QOIDALAR
1-modda. Ushbu Qonunning maqsadi
Ushbu Qonunning maqsadi jamoat fondlarining tashkil etilishi, faoliyati, qayta tashkil etilishi va tugatilishi sohasidagi munosabatlarni tartibga solishdan iborat.
Oldingi tahrirga qarang.
2-modda. Jamoat fondlari to‘g‘risidagi qonunchilik
(2-moddaning nomi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
Oldingi tahrirga qarang.
Jamoat fondlari to‘g‘risidagi qonunchilik ushbu Qonun va boshqa qonunchilik hujjatlaridan iboratdir.
(2-moddaning birinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
Oldingi tahrirga qarang.
O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondining tashkil etilishi, faoliyati, qayta tashkil etilishi hamda tugatilishining o‘ziga xos xususiyatlari alohida qonun hujjati bilan tartibga solinadi.
(2-moddaning ikkinchi qismi O‘zbekiston Respublikasining 2025-yil 21-avgustdagi O‘RQ-1083-sonli Qonuni tahririda — Qonunchilik ma’lumotlari milliy bazasi, 22.08.2025-y., 03/25/1083/0769-son)
LexUZ sharhiQarang: O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining 2024-yil 28-oktabrdagi 5005-IV/KQ-842-IV-sonli “Fuqarolik jamiyati institutlarini qo‘llab-quvvatlashni yanada kuchaytirish chora-tadbirlari to‘g‘risida”gi Qo‘shma qarori.
Oldingi tahrirga qarang.
Agar O‘zbekiston Respublikasining xalqaro shartnomasida O‘zbekiston Respublikasining jamoat fondlari to‘g‘risidagi qonunchiligida nazarda tutilganidan boshqacha qoidalar belgilangan bo‘lsa, xalqaro shartnoma qoidalari qo‘llaniladi.
(2-moddaning uchinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
3-modda. Jamoat fondi tushunchasi
Yuridik va (yoki) jismoniy shaxslar tomonidan ixtiyoriy mulkiy badallar qo‘shish asosida tashkil etilgan, xayriya, ijtimoiy, madaniy, ma’rifiy yoki boshqa ijtimoiy foydali maqsadlarni ko‘zlaydigan, a’zoligi bo‘lmagan nodavlat notijorat tashkiloti jamoat fondi (bundan buyon matnda fond deb yuritiladi) deb e’tirof etiladi.
LexUZ sharhiQarang: O‘zbekiston Respublikasi Fuqarolik kodeksining 75-moddasi.
4-modda. Fondlarning turlari
Oldingi tahrirga qarang.
O‘zbekiston Respublikasida xalqaro, respublika fondlari hamda mahalliy fondlar tashkil etiladi va faoliyat ko‘rsatadi.
(4-moddaning birinchi qismi O‘zbekiston Respublikasining 2016-yil 25-apreldagi O‘RQ-405-sonli Qonuni tahririda — O‘R QHT, 2016-y., 17-son, 173-modda)
Oldingi tahrirga qarang.
Xalqaro fondlarga faoliyati o‘z ustavlariga va O‘zbekiston Respublikasi qonunchiligiga muvofiq O‘zbekiston Respublikasining va bir yoki undan ortiq chet davlatlarning hududiga tatbiq etiladigan fondlar kiradi.
(4-moddaning ikkinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
LexUZ sharhiQarang: O‘zbekiston Respublikasi “Nodavlat notijorat tashkilotlari to‘g‘risida”gi Qonunining 21-moddasi.
Faoliyatini o‘z ustaviga muvofiq O‘zbekiston Respublikasi hududida yoki ikki yohud undan ortiq viloyat (Qoraqalpog‘iston Respublikasi, Toshkent shahri) hududida amalga oshiradigan fondlar respublika fondlari jumlasiga kiradi.
Faoliyatini o‘z ustaviga muvofiq tuman(lar), shahar(lar), viloyat yoki Qoraqalpog‘iston Respublikasi hududida amalga oshiradigan fondlar mahalliy fondlar jumlasiga kiradi.
5-modda. Fondning vakolatxonalari va filiallari
Fond O‘zbekiston Respublikasi hududida va boshqa davlatlarda vakolatxonalar ochishi hamda filiallar tashkil etishi mumkin.
Fondning vakolatxonasi fondning o‘zi turgan yerdan tashqarida joylashgan hamda uning manfaatlarini ifodalaydigan va himoya qiladigan alohida bo‘linmasidir.
Fondning filiali fondning u turgan yerdan tashqarida joylashgan hamda uning barcha vazifalarini yoki vazifalarining bir qismini, shu jumladan vakolatxona vazifalarini bajaradigan alohida bo‘linmasidir.
Oldingi tahrirga qarang.
Fondning vakolatxonalari va filiallari fond nomidan ish ko‘radi hamda ustavda belgilangan maqsad va vazifalarning amalga oshirilishi uchun fond oldida mas’uldir.
(5-moddaning to‘rtinchi qismi O‘zbekiston Respublikasining 2016-yil 25-apreldagi O‘RQ-405-sonli Qonuni tahririda — O‘R QHT, 2016-y., 17-son, 173-modda)
Vakolatxonalar va filiallarni fond mol-mulk bilan ta’minlaydi. Vakolatxona va filialning mol-mulki alohida balansda hamda fondning balansida hisobga olinadi.
Fondning vakolatxonalari va filiallari fond boshqaruvi tomonidan tasdiqlangan nizom asosida faoliyat ko‘rsatadi.
Oldingi tahrirga qarang.
6-modda. Xalqaro hamda chet el fondlarining vakolatxonalari va filiallari
(6-moddaning nomi O‘zbekiston Respublikasining 2016-yil 25-apreldagi O‘RQ-405-sonli Qonuni tahririda — O‘R QHT, 2016-y., 17-son, 173-modda)
Oldingi tahrirga qarang.
Xalqaro hamda chet el fondlari O‘zbekiston Respublikasi hududida O‘zbekiston Respublikasining qonunchiligiga muvofiq o‘z vakolatxonalarini ochishi va filiallarini tashkil etishi mumkin.
(6-moddaning birinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
LexUZ sharhiQarang: O‘zbekiston Respublikasi Fuqarolik kodeksining 47-moddasi, “Nodavlat notijorat tashkilotlari to‘g‘risida”gi Qonunining 9-moddasi, mazkur Qonunning 5-moddasi.
Oldingi tahrirga qarang.
Bosh tashkiloti O‘zbekiston Respublikasidan tashqarida joylashgan xalqaro fondlarning hamda O‘zbekiston Respublikasi hududida faoliyat ko‘rsatayotgan chet el fondlarining vakolatxonalari va filiallari yuridik shaxs maqomiga ega bo‘lishi kerak.
(6-moddaning ikkinchi qismi O‘zbekiston Respublikasining 2016-yil 25-apreldagi O‘RQ-405-sonli Qonuni tahririda — O‘R QHT, 2016-y., 17-son, 173-modda)
Oldingi tahrirga qarang.
Xalqaro hamda chet el fondlarining O‘zbekiston Respublikasi hududida faoliyat ko‘rsatayotgan vakolatxonalari va filiallariga, qonunda boshqacha qoidalar belgilangan bo‘lmasa, fondlarning tashkil etilishi, faoliyat yuritishi, qayta tashkil etilishi va tugatilishi uchun O‘zbekiston Respublikasi qonunchiligida belgilangan qoidalar tatbiq etiladi.
(6-moddaning uchinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
LexUZ sharhiQarang: O‘zbekiston Respublikasi Fuqarolik kodeksining 47-moddasi, “Aksiyadorlik jamiyatlari va aksiyadorlarning huquqlarini himoya qilish to‘g‘risida”gi Qonunining 92 — 97-moddalari, “Mas’uliyati cheklangan hamda qo‘shimcha mas’uliyatli jamiyatlar to‘g‘risida”gi Qonunining 49 — 54-moddalari, “Investitsiyalar va investitsiya faoliyati to‘g‘risida”gi qonuni 56-moddasi.
7-modda. Fondlarning faoliyati kafolatlari
O‘zbekiston Respublikasida fondlarning faoliyat erkinligi, mulki daxlsizligi hamda ishchanlik nufuzi himoyasi kafolatlanadi.
Fondlarning mol-mulki natsionalizatsiya, rekvizatsiya qilinmaydi va musodara etilmaydi, qonunda nazarda tutilgan hollar bundan mustasno.
LexUZ sharhiBatafsil ma’lumot uchun O‘zbekiston Respublikasi Fuqarolik kodeksining 202 — 204-moddalariga qarang.
8-modda. Fondlarning davlat organlari bilan o‘zaro munosabatlari
Fondlarning davlat organlari bilan o‘zaro munosabatlari ijtimoiy sheriklik, yuridik va jismoniy shaxslarning huquqlari hamda qonuniy manfaatlarini himoya qilish asosida ko‘riladi.
Davlat organlari fondlarning huquqlari va qonuniy manfaatlariga rioya etilishini ta’minlaydilar, fondlarning ijtimoiy ahamiyatga molik dasturlari va loyihalarini qo‘llab-quvvatlashlari mumkin.
Davlat organlari va ular mansabdor shaxslarining fondlar faoliyatiga aralashishiga, xuddi shuningdek fondlarning davlat organlari va ularning mansabdor shaxslari faoliyatiga aralashishiga yo‘l qo‘yilmaydi.
II. FONDNI TASHKIL ETISH VA DAVLAT RO‘YXATIDAN O‘TKAZISH TARTIBI
9-modda. Fondni tashkil etish
Fond muassislarning (muassisning) qaroriga binoan yoki vasiyatnoma bo‘yicha tashkil etilishi mumkin.
10-modda. Fond muassislari (muassisi)
Bir yoki bir nechta yuridik va (yoki) jismoniy shaxs fond muassislari (muassisi) bo‘lishi mumkin.
Oldingi tahrirga qarang.
O‘zlashtirish yoki rastrata yo‘li bilan talon-toroj qilganligi yoxud firibgarlik jinoyatlarini sodir etganligi uchun sudlanganlik holati tugallanmagan yoki olib tashlanmagan shaxslar fond muassislari (muassisi) yoki rahbar organi a’zolari bo‘lishi mumkin emas.
(10-modda O‘zbekiston Respublikasining 2025-yil 21-avgustdagi O‘RQ-1083-sonli Qonuniga asosan ikkinchi qism bilan to‘ldirilgan — Qonunchilik ma’lumotlari milliy bazasi, 22.08.2025-y., 03/25/1083/0769-son)
Oldingi tahrirga qarang.
Fond muassislari (muassisi) fond ustavini tasdiqlaydi, fond vasiylik kengashi dastlabki tarkibining a’zolarini tayinlaydi hamda ushbu Qonun va boshqa qonunchilik hujjatlariga muvofiq o‘zga vakolatlarni amalga oshiradi.
(10-moddaning ikkinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
11-modda. Fondning vasiyatnoma bo‘yicha tashkil etilishi
Fond vasiyatnoma bo‘yicha tashkil etilganida vasiyatnomada fondning maqsad va vazifalari, unga o‘tkazilayotgan mol-mulk hajmi ko‘rsatilgan hamda vasiyatnomani ijro etuvchi belgilangan bo‘lishi kerak. Vasiyatnomani ijro etuvchi fond vasiylik kengashi dastlabki tarkibining a’zolarini, agar ular vasiyatnomada nomma-nom ko‘rsatilgan bo‘lmasa, tayinlaydi, shuningdek fondning tashkil etilishi bilan bog‘liq boshqa harakatlarni bajaradi.
Oldingi tahrirga qarang.
Agar vasiyatnomani ijro etuvchi o‘z zimmasiga yuklatilgan harakatlarni amalga oshirishdan bosh tortsa yoki ularni amalga oshirishga qodir bo‘lmasa, qonunchilikka muvofiq vasiyatnomani ijro etuvchi yangi shaxs tayinlanadi.
(11-moddaning ikkinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
LexUZ sharhiQarang: O‘zbekiston Respublikasi Fuqarolik kodeksining 1131-moddasi.
12-modda. Fond ustavi
Fond ustavi fond muassislari (muassisi) tomonidan tasdiqlanadi.
Fond vasiyatnoma bo‘yicha tashkil etilgan taqdirda, fond ustavi vasiyatnomani ijro etuvchi tomonidan vasiyatnomaga muvofiq ravishda tuziladi.
Fond ustavida quyidagilar ko‘rsatilishi kerak:
“jamoat fondi” degan so‘zlarni o‘z ichiga olgan fondning nomi;
fondning joylashgan yeri (pochta manzili);
fondning maqsad va vazifalari;
fond organlarining tuzilishi, vakolatlari va shakllantirilish tartibi;
fond organlarining mansabdor shaxslarini tayinlash (saylash) va lavozimidan ozod qilish tartibi;
fondning mol-mulkini shakllantirish manbalari, fondning, uning vakolatxonalari hamda filiallarining mol-mulkni boshqarish borasidagi huquq va majburiyatlari;
fond vakolatxonalarini ochish va filiallarini tashkil etish tartibi;
fondni qayta tashkil etish va tugatish tartibi;
fond tugatilgan taqdirda uning mol-mulkidan foydalanish tartibi;
fond ustaviga o‘zgartishlar va qo‘shimchalar kiritish tartibi.
Oldingi tahrirga qarang.
Fond ustavida fondning tegishli tartibda ro‘yxatdan o‘tkazilgan ramziy belgisining tavsifi, shuningdek qonunchilikka zid bo‘lmagan boshqa qoidalar ham bo‘lishi mumkin.
(12-moddaning to‘rtinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
LexUZ sharhiQarang: O‘zbekiston Respublikasi Fuqarolik kodeksi 75-moddasining uchinchi qismi, O‘zbekiston Respublikasi Vazirlar Mahkamasining 2014-yil 10-martdagi 57-sonli qarori bilan tasdiqlangan Nodavlat notijorat tashkilotlarining ramzlarini davlat ro‘yxatidan o‘tkazish tartibi to‘g‘risidagi nizom.
Oldingi tahrirga qarang.
Oldingi tahrirga qarang.
13-modda. Fondni hamda uning vakolatxonalari va filiallarini davlat ro‘yxatidan o‘tkazish
(13-moddaning nomi O‘zbekiston Respublikasining 2025-yil 21-avgustdagi O‘RQ-1083-sonli Qonuni tahririda — Qonunchilik ma’lumotlari milliy bazasi, 22.08.2025-y., 03/25/1083/0769-son)
Oldingi tahrirga qarang.
Fondni hamda uning vakolatxonalari va filiallarini davlat ro‘yxatidan o‘tkazish adliya organlari (bundan buyon matnda ro‘yxatdan o‘tkazuvchi organ deb yuritiladi) tomonidan amalga oshiriladi.
(13-moddaning birinchi qismi O‘zbekiston Respublikasining 2025-yil 21-avgustdagi O‘RQ-1083-sonli Qonuni tahririda — Qonunchilik ma’lumotlari milliy bazasi, 22.08.2025-y., 03/25/1083/0769-son)
Xalqaro, respublika fondlari, shuningdek bosh tashkiloti O‘zbekiston Respublikasidan tashqarida joylashgan xalqaro fondlarning hamda chet el fondlarining vakolatxonalari va filiallari O‘zbekiston Respublikasi Adliya vazirligida ro‘yxatdan o‘tkaziladi.
Mahalliy fondlar, shuningdek O‘zbekiston Respublikasida ro‘yxatdan o‘tkazilgan fondlarning vakolatxonalari va filiallari tegishincha Qoraqalpog‘iston Respublikasi Adliya vazirligida, viloyatlar va Toshkent shahar adliya boshqarmalarida ro‘yxatdan o‘tkaziladi.
Oldingi tahrirga qarang.
(13-moddaning to‘rtinchi qismi O‘zbekiston Respublikasining 2025-yil 21-avgustdagi O‘RQ-1083-sonli Qonuniga asosan chiqarilgan — Qonunchilik ma’lumotlari milliy bazasi, 22.08.2025-y., 03/25/1083/0769-son)
Oldingi tahrirga qarang.
14-modda. Davlat ro‘yxatidan o‘tkazish uchun talab qilinadigan hujjatlar
(14-moddaning nomi O‘zbekiston Respublikasining 2025-yil 21-avgustdagi O‘RQ-1083-sonli Qonuni tahririda — Qonunchilik ma’lumotlari milliy bazasi, 22.08.2025-y., 03/25/1083/0769-son)
Fondni davlat ro‘yxatidan o‘tkazish uchun quyidagi hujjatlar ro‘yxatdan o‘tkazuvchi organga taqdim etiladi:
Oldingi tahrirga qarang.
ro‘yxatdan o‘tkazish to‘g‘risidagi, muassislar (muassis) yoki ular (u) vakolat bergan shaxslar (shaxs) tomonidan imzolangan, ularning (uning) familiyasi, ismi, otasining ismi, tug‘ilgan yili va yashash joyi (pochta manzili) ko‘rsatilgan belgilangan shakldagi ariza;
(14-modda birinchi qismining ikkinchi xatboshisi O‘zbekiston Respublikasining 2025-yil 21-avgustdagi O‘RQ-1083-sonli Qonuni tahririda — Qonunchilik ma’lumotlari milliy bazasi, 22.08.2025-y., 03/25/1083/0769-son)
agar fond vasiyatnoma bo‘yicha tashkil etilayotgan bo‘lsa, vasiyatnomaning notarial tasdiqlangan nusxasi;
Oldingi tahrirga qarang.
ta’sis yig‘ilishining (syezdi, konferensiyasining) yoki muassisning (agar fond bir yuridik shaxs tomonidan tashkil etilayotgan bo‘lsa) fond muassislari (muassisi) to‘g‘risidagi ma’lumotlar, fondning maqsad va vazifalari ko‘rsatilgan qarori (respublika fondi uchun tegishli vakolatxonalar va filiallarni tashkil etish, ularning rahbar organlari hamda boshqa organlari to‘g‘risidagi ma’lumotlar ham ko‘rsatiladi);
(14-modda birinchi qismining to‘rtinchi xatboshisi O‘zbekiston Respublikasining 2025-yil 21-avgustdagi O‘RQ-1083-sonli Qonuni tahririda — Qonunchilik ma’lumotlari milliy bazasi, 22.08.2025-y., 03/25/1083/0769-son)
Oldingi tahrirga qarang.
fond ustavi yoxud fondning vakolatxonasi yoki filial to‘g‘risidagi nizom davlat tilida ikki nusxada;
(14-modda birinchi qismining beshinchi xatboshisi O‘zbekiston Respublikasining 2025-yil 21-avgustdagi O‘RQ-1083-sonli Qonuni tahririda — Qonunchilik ma’lumotlari milliy bazasi, 22.08.2025-y., 03/25/1083/0769-son)
joylashgan yeri fondning pochta manzili sifatida foydalanilishi mo‘ljallanayotgan ko‘chmas mulkka bo‘lgan mulk huquqini yoki undan foydalanish huquqini tasdiqlovchi hujjat;
fondni tashkil etish tashabbuskorlari yoxud uning muassislari to‘g‘risidagi ma’lumotlar;
Oldingi tahrirga qarang.
(14-modda birinchi qismining sakkizinchi xatboshisi O‘zbekiston Respublikasining 2024-yil 7-fevraldagi O‘RQ-905-sonli Qonuniga asosan chiqarilgan — Qonunchilik ma’lumotlari milliy bazasi, 07.02.2024-y., 03/24/905/0106-son)
Oldingi tahrirga qarang.
(14-modda birinchi qismining to‘qqizinchi xatboshisi O‘zbekiston Respublikasining 2024-yil 7-fevraldagi O‘RQ-905-sonli Qonuniga asosan chiqarilgan — Qonunchilik ma’lumotlari milliy bazasi, 07.02.2024-y., 03/24/905/0106-son)
fondning dastlabki mablag‘lari shakllantirilganligini tasdiqlovchi hujjat.
Ushbu moddaning birinchi qismida ko‘rsatilgan hujjatlar fondni tashkil etish to‘g‘risida muassislar (muassis) tomonidan qaror qabul qilingan kundan e’tiboran ikki oy ichida davlat ro‘yxatidan o‘tkazish uchun taqdim etiladi. Agar fond vasiyatnoma bo‘yicha tashkil etilayotgan bo‘lsa, mazkur hujjatlar merosga bo‘lgan huquq to‘g‘risidagi guvohnoma berilganidan keyin ikki oy ichida taqdim etiladi.
Qo‘shib yuborish va qo‘shib olish shaklida qayta tashkil etish yo‘li bilan tuzilayotgan fondlar qo‘shimcha ravishda quyidagi hujjatlarni taqdim etadi:
qayta tashkil etilayotgan fondga ma’lum bo‘lgan barcha kreditorlar yozma ravishda xabardor qilinganligining va qayta tashkil etish to‘g‘risida ommaviy axborot vositalarida e’lon qilinganligining tasdiqnomasi;
qayta tashkil etilayotgan fondning barcha kreditorlari va qarzdorlariga nisbatan barcha majburiyatlari, shu jumladan taraflar nizolashayotgan majburiyatlari bo‘yicha huquqiy vorislik to‘g‘risidagi qoidalar ko‘rsatilgan topshirish dalolatnomasi (qo‘shib yuborilgan taqdirda);
davlat ro‘yxatidan o‘tkazilganligi to‘g‘risidagi guvohnomaning asl nusxasi, shuningdek ichki ishlar organlarining fondning muhri va shtampi yo‘q qilib tashlanganligi to‘g‘risidagi ma’lumotnomasi (qo‘shib yuborilgan taqdirda).
Bosh tashkiloti O‘zbekiston Respublikasidan tashqarida joylashgan xalqaro fondlarning hamda chet el fondlarining vakolatxonalari va filiallarini davlat ro‘yxatidan o‘tkazish uchun quyidagi hujjatlar ro‘yxatdan o‘tkazuvchi organga taqdim etiladi:
fond vakolatli organining ro‘yxatga olish to‘g‘risidagi arizasi;
vakolatxona yoki filial to‘g‘risidagi, uni ochishdan (tashkil etishdan) ko‘zlangan maqsad va vazifalar ko‘rsatilgan, notarial tasdiqlangan, o‘zbek va rus tillaridagi nizom (ustav);
vakolatxona yoki filial rahbari nomiga bosh tashkilot tomonidan berilgan, belgilangan tartibda legallashtirilgan yoki apostil qo‘yilgan ishonchnoma;
bosh tashkilotning ustavi va ro‘yxatdan o‘tkazilganligi to‘g‘risidagi, uni tashkil etishdan ko‘zlangan maqsad va vazifalar ko‘rsatilgan, belgilangan tartibda legallashtirilgan yoki apostil qo‘yilgan guvohnomasi nusxalari;
bosh tashkilotning O‘zbekiston Respublikasida vakolatxona yoki filial ochish (tashkil etish) to‘g‘risidagi qarori (bayonnomasi), unda vakolatxonani ochish (filialni tashkil etish) to‘g‘risidagi, uning nizomini (ustavini) tasdiqlash haqidagi, rahbarini (rahbarlarini) tayinlash to‘g‘risidagi belgilangan tartibda legallashtirilgan yoki apostil qo‘yilgan ma’lumotlar ko‘rsatilishi kerak;
bosh tashkilotning faoliyati to‘g‘risidagi belgilangan tartibda legallashtirilgan yoki apostil qo‘yilgan axborot;
ijaraga beruvchining vakolatxona yoki filial uchun tegishli binolarni berish to‘g‘risidagi rozilik xati;
Oldingi tahrirga qarang.
(14-modda to‘rtinchi qismining to‘qqizinchi xatboshisi O‘zbekiston Respublikasining 2024-yil 7-fevraldagi O‘RQ-905-sonli Qonuniga asosan chiqarilgan — Qonunchilik ma’lumotlari milliy bazasi, 07.02.2024-y., 03/24/905/0106-son)
vakolatxona yoki filialning rahbari hamda xodimlari to‘g‘risidagi, ularning familiyasi, ismi, otasining ismi, tug‘ilgan sanasi va joyi, fuqaroligi, kasbi, yashash joyi va telefon raqami ko‘rsatilgan ma’lumotlar;
vakolatxona yoki filial faoliyatini moliyalashtirish manbalari to‘g‘risidagi belgilangan shakldagi deklaratsiya.
Oldingi tahrirga qarang.
(14-moddaning beshinchi qismi O‘zbekiston Respublikasining 2025-yil 21-avgustdagi O‘RQ-1083-sonli Qonuniga asosan chiqarilgan — Qonunchilik ma’lumotlari milliy bazasi, 22.08.2025-y., 03/25/1083/0769-son)
Oldingi tahrirga qarang.
15-modda. Davlat ro‘yxatidan o‘tkazish to‘g‘risidagi qaror
Fondni yoki uning vakolatxonalari va filiallarini davlat ro‘yxatidan o‘tkazish uchun hujjatlarni qabul qilgan ro‘yxatdan o‘tkazuvchi organ davlat ro‘yxatidan o‘tkazish to‘g‘risida yoxud davlat ro‘yxatidan o‘tkazishni rad qilish haqida bir oy ichida qaror chiqarishi shart.
Ro‘yxatdan o‘tkazilgan fondga, uning vakolatxonasi va filialiga, bosh tashkiloti O‘zbekiston Respublikasidan tashqarida joylashgan xalqaro fondning va chet el fondining vakolatxonasiga yoki filialiga ro‘yxatdan o‘tkazuvchi organ tomonidan davlat ro‘yxatidan o‘tkazilganligi to‘g‘risidagi guvohnoma hamda fondning ro‘yxatdan o‘tkazuvchi organ muhri bilan tasdiqlangan, ro‘yxatga olinganligi haqida belgi qo‘yilgan ustavi (nizomi) beriladi.
(15-modda O‘zbekiston Respublikasining 2025-yil 21-avgustdagi O‘RQ-1083-sonli Qonuni tahririda — Qonunchilik ma’lumotlari milliy bazasi, 22.08.2025-y., 03/25/1083/0769-son)
Oldingi tahrirga qarang.
16-modda. Davlat ro‘yxatidan o‘tkazishni rad qilish asoslari
Fondni, uning vakolatxonalari va filiallarini davlat ro‘yxatidan o‘tkazish qonunda nazarda tutilgan hollarda rad qilinishi mumkin.
Davlat ro‘yxatidan o‘tkazishni rad qilish asoslantirilgan bo‘lishi kerak. Fondni, uning vakolatxonalari va filiallarini tashkil etish maqsadga muvofiq emas degan vaj bilan davlat ro‘yxatidan o‘tkazishni rad qilishga yo‘l qo‘yilmaydi.
Ro‘yxatdan o‘tkazuvchi organning fondni, uning vakolatxonalari va filiallarini davlat ro‘yxatidan o‘tkazishni rad qilish to‘g‘risidagi qarori ustidan, shuningdek mazkur organning davlat ro‘yxatidan o‘tkazish muddatlarini buzganligi ustidan sudga shikoyat qilish mumkin.
(16-modda O‘zbekiston Respublikasining 2025-yil 21-avgustdagi O‘RQ-1083-sonli Qonuni tahririda — Qonunchilik ma’lumotlari milliy bazasi, 22.08.2025-y., 03/25/1083/0769-son)
17-modda. Fond ustaviga, fond vakolatxonalari hamda filiallarining nizomlariga o‘zgartishlar va qo‘shimchalar kiritish
Fond ustaviga ustavning o‘zida nazarda tutilgan tartibda o‘zgartishlar va qo‘shimchalar kiritilishi mumkin.
Oldingi tahrirga qarang.
Fond ustaviga kiritilayotgan o‘zgartishlar va qo‘shimchalar fondning vasiylik kengashi tomonidan tasdiqlanadi hamda ro‘yxatdan o‘tkazuvchi organga mazkur o‘zgartishlar va qo‘shimchalar kiritilgan paytdan e’tiboran bir oylik muddatda ma’lum qilinadi. Fond ustaviga kiritilayotgan o‘zgartishlar va qo‘shimchalar fondni qonunchilikda belgilangan tartibda qayta ro‘yxatdan o‘tkazishga sabab bo‘ladi.
(17-moddaning ikkinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
LexUZ sharhiQarang: O‘zbekiston Respublikasi Vazirlar Mahkamasining 2014-yil 10-martdagi 57-sonli qarori bilan tasdiqlangan Nodavlat notijorat tashkilotlarini davlat ro‘yxatidan o‘tkazish tartibi to‘g‘risidagi nizomning IV-bobi.
Oldingi tahrirga qarang.
Fond vakolatxonalari va filiallarining nizomlariga kiritilayotgan o‘zgartishlar va qo‘shimchalar fond boshqaruvi tomonidan tasdiqlanadi hamda ro‘yxatdan o‘tkazuvchi organga mazkur o‘zgartishlar va qo‘shimchalar kiritilgan paytdan e’tiboran bir oylik muddatda ma’lum qilinadi.
(17-moddaning uchinchi qismi O‘zbekiston Respublikasining 2016-yil 25-apreldagi O‘RQ-405-sonli Qonuni tahririda — O‘R QHT, 2016-y., 17-son, 173-modda)
III. FONDNING HUQUQLARI VA MAJBURIYATLARI
18-modda. Fondning huquqlari
Fond:
mulk huquqi va boshqa ashyoviy huquqlar asosida mol-mulkli bo‘lishga;
fuqarolik-huquqiy bitimlar tuzishga;
xayriyalar, badallar, grantlar va boshqa mablag‘lar olishga;
sudda, boshqa organlar va tashkilotlarda o‘z manfaatlarini ifoda etish hamda himoya qilishga;
ommaviy axborot vositalari ta’sis etish va noshirlik faoliyatini amalga oshirishga;
o‘z faoliyati to‘g‘risida ma’lumotlar tarqatishga;
vakolatxonalar ochish va filiallar tashkil etishga;
davlat hokimiyati va boshqaruvi organlariga belgilangan tartibda takliflar kiritishga;
xalqaro aloqalar o‘rnatish, hamkorlik to‘g‘risida bitimlar tuzish hamda xalqaro dasturlar va loyihalarda ishtirok etishga haqli.
Oldingi tahrirga qarang.
Fond qonunchilikka muvofiq boshqa huquqlarga ham ega bo‘lishi mumkin.
(18-moddaning ikkinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
19-modda. Fondning majburiyatlari
Fond:
Oldingi tahrirga qarang.
o‘z faoliyatini qonunchilikka va fondning ustaviga muvofiq amalga oshirishi;
(19-modda birinchi qismining ikkinchi xatboshisi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
fond faoliyatining oshkoraligini ta’minlashi va fondning mol-mulkidan foydalanilishi to‘g‘risida har yili hisobotlar e’lon qilishi;
ro‘yxatdan o‘tkazuvchi organ vakillariga fond o‘tkazadigan tadbirlarga erkin kirish imkoniyatini berishi;
o‘z faoliyati to‘g‘risida davlat soliq xizmati va davlat statistika organlariga hisobotlar taqdim etishi shart.
Oldingi tahrirga qarang.
Fond zimmasida qonunchilikka muvofiq boshqa majburiyatlar ham bo‘lishi mumkin.
(19-moddaning ikkinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
IV. FOND FAOLIYATINING IQTISODIY ASOSI
20-modda. Fondning mol-mulki
Muassislar (muassis) yoki vasiyat qiluvchi tomonidan fondga o‘tkazilgan pul mablag‘lari va boshqa mol-mulk fondning mulkidir.
Binolar, inshootlar, turar joylar va boshqa imoratlar, asbob-uskunalar, inventar, pul mablag‘lari, shu jumladan chet el valyutasidagi mablag‘lar, qimmatli qog‘ozlar va o‘zga mol-mulk fondning mulki bo‘lishi mumkin.
Fond muassislari (muassisi) yoki fond vasiyatnoma bo‘yicha tashkil etilganida vasiyatnomani ijro etuvchi fondning majburiyatlari bo‘yicha javob bermaydi, fond esa muassislarning (muassisning) yoki vasiyatnomani ijro etuvchining majburiyatlari bo‘yicha javob bermaydi.
Oldingi tahrirga qarang.
(20-moddaning to‘rtinchi qismi O‘zbekiston Respublikasining 2016-yil 25-apreldagi O‘RQ-405-sonli Qonuniga asosan chiqarilgan — O‘R QHT, 2016-y., 17-son, 173-modda)
Fondning mol-mulki muassislar o‘rtasida taqsimlanishi mumkin emas va undan faqat fond ustavida belgilangan maqsadlar hamda vazifalarni amalga oshirish uchun foydalaniladi.
Fondning mol-mulkidan garov yoki majburiyatlar bajarilishini ta’minlashning boshqa usuli sifatida foydalanilishi, shuningdek kreditlar berish uchun foydalanilishi mumkin emas.
Oldingi tahrirga qarang.
201-modda. Jamoat fondlarini tashkil etish uchun zarur bo‘lgan dastlabki mablag‘larning eng kam miqdori
Quyidagilarni tashkil etish uchun zarur bo‘lgan dastlabki mablag‘larning eng kam miqdori:
Oldingi tahrirga qarang.
xalqaro va respublika jamoat fondlari uchun — bazaviy hisoblash miqdorining besh yuz baravari miqdorida;
(201-modda birinchi qismining ikkinchi xatboshisi O‘zbekiston Respublikasining 2019-yil 3-dekabrdagi O‘RQ-586-sonli Qonuni tahririda — Qonun hujjatlari ma’lumotlari milliy bazasi, 04.12.2019-y., 03/19/586/4106-son)
Oldingi tahrirga qarang.
mahalliy jamoat fondlari uchun — bazaviy hisoblash miqdorining yuz baravari miqdorida bo‘lishi kerak.
(201-modda birinchi qismining uchinchi xatboshisi O‘zbekiston Respublikasining 2019-yil 3-dekabrdagi O‘RQ-586-sonli Qonuni tahririda — Qonun hujjatlari ma’lumotlari milliy bazasi, 04.12.2019-y., 03/19/586/4106-son)
Jamoat fondlarining alohida bo‘linmalari (vakolatxonalari va filiallari) uchun dastlabki mablag‘larning eng kam miqdori mavjud bo‘lishi talab etilmaydi.
Jamoat fondlarini tashkil etish uchun zarur bo‘lgan dastlabki mablag‘larning eng kam miqdori davlat ro‘yxatidan o‘tkazish paytida faqat pul shaklida shakllantirilgan bo‘lishi lozim.
(201-modda O‘zbekiston Respublikasining 2016-yil 25-apreldagi O‘RQ-405-sonli Qonuniga asosan kiritilgan — O‘R QHT, 2016-y., 17-son, 173-modda)
21-modda. Fondning mol-mulkini shakllantirish manbalari
Fondning mol-mulkini shakllantirish manbalari quyidagilar bo‘lishi mumkin:
muassislar (muassis) tomonidan bir yo‘la to‘lanadigan (o‘tkaziladigan) yoki muntazam kelib turadigan pul va boshqa tushumlar;
fond vasiyatnoma bo‘yicha tashkil etilgan taqdirda vasiyat qiluvchining fondga o‘tkazilgan mol-mulki;
yuridik va jismoniy shaxslarning ixtiyoriy xayriyalari;
yuridik va jismoniy shaxslar, davlat, chet el va xalqaro tashkilotlar, chet davlatlar ajratadigan grantlar;
fondning tadbirkorlik faoliyatidan olinadigan daromadlar (foyda);
Oldingi tahrirga qarang.
qonunchilikda taqiqlanmagan boshqa manbalar.
(21-moddaning yettinchi xatboshisi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
22-modda. Fondning tadbirkorlik faoliyatini amalga oshirishi
Oldingi tahrirga qarang.
Fond qonunchilikka muvofiq tadbirkorlik faoliyati bilan o‘z ustavida belgilangan maqsadlarga to‘g‘ri keladigan doirada shug‘ullanishi mumkin.
(22-moddaning birinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
LexUZ sharhiQarang: O‘zbekiston Respublikasi Fuqarolik kodeksining 75-moddasi.
Tadbirkorlik faoliyatining ayrim turlari fond tomonidan faqat litsenziya asosida amalga oshirilishi mumkin.
Oldingi tahrirga qarang.
Fond tijorat tashkilotlarining ustav fondida (ustav kapitalida) ishtirok etishga haqli emas, bundan ochiq savdolarda aksiyadorlik jamiyatlarining aksiyalarini sotib olish mustasno.
(22-moddaning uchinchi qismi O‘zbekiston Respublikasining 2016-yil 25-apreldagi O‘RQ-405-sonli Qonuni tahririda — O‘R QHT, 2016-y., 17-son, 173-modda)
Oldingi tahrirga qarang.
Fondning bir aksiyadorlik jamiyatining ustav fondidagi (ustav kapitalidagi) ulushi mazkur aksiyadorlik jamiyati ustav fondi (ustav kapitali) summasining yigirma foizidan ortiq bo‘lishi mumkin emas. Bunda aksiyadorlik jamiyatlarining olingan aksiyalari umumiy summasi fond aktivlari balans qiymatining aksiyadorlik jamiyatlari ustav fondida (ustav kapitalida) ishtirok etish to‘g‘risidagi qaror qabul qilinayotgan sanadagi yigirma foizidan ortiq bo‘lmasligi kerak.
(22-modda O‘zbekiston Respublikasining 2016-yil 25-apreldagi O‘RQ-405-sonli Qonuniga asosan to‘rtinchi qism bilan to‘ldirilgan — O‘R QHT, 2016-y., 17-son, 173-modda)
23-modda. Fondning o‘ziga aloqador shaxslar bilan munosabatlari
Fondga aloqador shaxslar quyidagilardir:
fond muassislari (muassisi) yoki fond vasiyatnoma bo‘yicha tashkil etilganida vasiyatnomani ijro etuvchi;
fond muassislari (muassisi) yoki fond vasiyatnoma bo‘yicha tashkil etilganida vasiyatnomani ijro etuvchi bilan yaqin qarindoshchilik yoki quda-andachilik aloqalari bo‘lgan shaxslar, shuningdek mazkur muassislarning (muassisning) yoki vasiyatnomani ijro etuvchining kreditorlari;
fond muassislari (muassisi) bo‘lmish yuridik shaxslarning ishtirokchilari, kreditorlari, shuningdek ular bilan mehnatga oid munosabatlarda bo‘lgan shaxslar;
ustav fondida (ustav kapitalida) fondning o‘zi ishtirok etayotgan yuridik shaxslar va ularning xodimlari, shuningdek mazkur xodimlar bilan yaqin qarindoshchilik yoki quda-andachilik aloqalari bo‘lgan shaxslar;
fond vasiylik kengashining a’zolari, fond boshqaruvining rahbari va a’zolari, fond taftish komissiyasining a’zolari, fondning boshqa xodimlari, shuningdek ular bilan yaqin qarindoshchilik yoki quda-andachilik aloqalari bo‘lgan shaxslar.
Fondning o‘ziga aloqador shaxslar bilan bitimlar tuzishiga, shuningdek ularning foydasini ko‘zlab boshqa harakatlar sodir etishiga vasiylik kengashining roziligi bilan yo‘l qo‘yiladi.
Fond quyidagi hollarda o‘ziga aloqador shaxslar bilan bitimlar tuzishga yoki ularning foydasini ko‘zlab boshqa harakatlar sodir etishga haqli emas:
fondga aloqador shaxslar bilan bunday bitimlar tuzish yoki harakatlar sodir etish fondga aloqador bo‘lmagan shaxslar bilan bo‘lgandagiga nisbatan bir muncha qulay shartlarda amalga oshirilayotgan bo‘lsa;
fondga aloqador shaxs fond vasiylik kengashining a’zosi bo‘lsa.
Oldingi tahrirga qarang.
Ushbu moddaning uchinchi qismida nazarda tutilgan talablar fondning tarkibi O‘zbekiston Respublikasi Oliy Majlisi palatalari, O‘zbekiston Respublikasi Prezidenti yoki O‘zbekiston Respublikasi Vazirlar Mahkamasi qarorlari bilan tasdiqlangan vasiylik kengashi a’zosiga nisbatan tatbiq etilmaydi.
(23-modda O‘zbekiston Respublikasining 2016-yil 25-apreldagi O‘RQ-405-sonli Qonuniga asosan to‘rtinchi qism bilan to‘ldirilgan — O‘R QHT, 2016-y., 17-son, 173-modda)
24-modda. Fondning mol-mulkidan foydalanish
Fondning mol-mulkidan fond ustavida belgilangan maqsad va vazifalarni amalga oshirish hamda ma’muriy xarajatlarni qoplash uchun foydalaniladi.
Oldingi tahrirga qarang.
Fondning ma’muriy xarajatlari fond tomonidan hisobot davrida fondni boshqarish uchun qilingan barcha xarajatlarni va birinchi navbatda uning aktivlarini asrash hamda saqlab turish uchun zarur xarajatlarni, fondning o‘z ustavida belgilangan maqsad va vazifalarni amalga oshirish uchun reklamaga sarflagan xarajatlarini, shuningdek qonunchilikka muvofiq fond faoliyati bilan bog‘liq xarajatlarni va to‘lovlarni o‘z ichiga oladi.
(24-moddaning ikkinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
Oldingi tahrirga qarang.
Har yilgi ma’muriy xarajatlarning jami summasi, shuningdek fondning vasiylik kengashi hamda taftish komissiyasi a’zolariga haq to‘lash hamda ularning o‘z vazifalarini bajarish bilan bog‘liq xarajatlarini kompensatsiya qilish fond barcha xarajatlari summasining o‘ttiz foizidan oshmasligi kerak. Mazkur cheklov homiylik dasturlarini amalga oshirishda ishtirok etadigan shaxslarning mehnatiga haq to‘lashga nisbatan qo‘llanilmaydi.
(24-moddaning uchinchi qismi O‘zbekiston Respublikasining 2025-yil 21-avgustdagi O‘RQ-1083-sonli Qonuni tahririda — Qonunchilik ma’lumotlari milliy bazasi, 22.08.2025-y., 03/25/1083/0769-son)
Fondning mol-mulki fondga aloqador shaxslar o‘rtasida taqsimlanishi mumkin emas.
Fondning mol-mulkini ko‘paytirish uchun fondga mablag‘ kiritgan shaxslar mablag‘ berayotganda bu mablag‘lardan belgilangan maqsadda foydalanilishi to‘g‘risida, shu jumladan fondni qayta tashkil etishda yoki tugatishda mablag‘larni qaytarish shartlari to‘g‘risida fond bilan shartnomalar tuzishi mumkin.
25-modda. Fondda hisobga olish va hisobot
Fond o‘z faoliyati natijalari hisobini yuritadi hamda belgilangan tartibda davlat soliq xizmati organlari va davlat statistika organlariga hisobot taqdim etadi.
Fond har yili oldingi yildagi o‘z faoliyati to‘g‘risida quyidagilarni o‘z ichiga olgan hisobot e’lon qiladi:
fondning hisobot davridagi faoliyati sharhini, bu faoliyat fondning ustavida belgilangan maqsad va vazifalarga muvofiqligi darajasini ko‘rsatgan holda;
Oldingi tahrirga qarang.
fondning yillik moliyaviy hisobotini, auditorlik tashkilotining xulosasini ko‘rsatgan holda (bundan hisobot davrida bank hisobvaraqlarida pul aylanmasi mavjud bo‘lmagan fondning o‘z faoliyatini auditorlik tekshiruvidan o‘tkazmaganligi hollari mustasno);
(25-modda ikkinchi qismining uchinchi xatboshisi O‘zbekiston Respublikasining 2025-yil 21-avgustdagi O‘RQ-1083-sonli Qonuni tahririda — Qonunchilik ma’lumotlari milliy bazasi, 22.08.2025-y., 03/25/1083/0769-son)
fond olgan ixtiyoriy xayriyalar to‘g‘risidagi ma’lumotlarni;
fondning tadbirkorlik faoliyatidan olingan daromadlari (foydasi) to‘g‘risidagi ma’lumotlarni, bu daromadlarning (foydaning) kelib chiqish manbalarini alohida-alohida ko‘rsatgan holda;
xarajatlar umumiy summasini, fond faoliyatining ayrim turlari bo‘yicha va ma’muriy xarajatlar bo‘yicha alohida-alohida ko‘rsatgan holda;
fond ustavi va fond organlaridagi o‘zgarishlar to‘g‘risidagi ma’lumotlarni;
fondning ustavida yoki fondning vasiylik kengashi tomonidan belgilangan boshqa ma’lumotlarni.
V. FONDNI BOSHQARISH
26-modda. Fondning vasiylik kengashi
Fondning vasiylik kengashi fondning organi bo‘lib, u fond faoliyati ustidan nazoratni amalga oshiradi.
Fond vasiylik kengashining tarkibi kamida uch kishidan iborat bo‘lishi kerak. Vasiylik kengashi dastlabki tarkibining a’zolari muassislar (muassis) tomonidan yoki fond vasiyatnoma bo‘yicha tashkil etilgan bo‘lsa, vasiyatnomada nazarda tutilgan tartibda tayinlanadi.
Fondning vasiylik kengashini tuzish, vasiylik kengashi yig‘ilishlarini chaqirish va vasiylik kengashining qarorlarini qabul qilish tartibi fond ustavida belgilanadi.
Fond vasiylik kengashining a’zolari ayni bir vaqtning o‘zida fondning boshqaruvi va taftish komissiyasiga a’zo bo‘lishlari mumkin emas.
Fondning ustavida fond vasiylik kengashining a’zolariga haq to‘lash va ularning o‘z vazifalarini bajarish bilan bog‘liq xarajatlarini kompensatsiya qilish nazarda tutilishi mumkin.
27-modda. Fond vasiylik kengashining vakolatlari
Fond vasiylik kengashining vakolatlariga quyidagilar kiradi:
Oldingi tahrirga qarang.
fond faoliyati ustidan hamda ushbu faoliyat qonunchilik va fond ustaviga, fond vasiylik kengashining qarorlariga muvofiq bo‘lishi ustidan nazoratni amalga oshirish;
(27-modda birinchi qismining ikkinchi xatboshisi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
fond ustaviga kiritiladigan o‘zgartishlar va qo‘shimchalarni tasdiqlash;
fondning boshqaruvi va taftish komissiyasini tuzish;
fondning pul mablag‘lari va boshqa mol-mulkidan foydalanilishi ustidan nazoratni amalga oshirish;
fond budjetini tasdiqlash;
fondning yillik balansini, yillik moliyaviy hisobotini, shu jumladan fond boshqaruvining o‘z faoliyati to‘g‘risidagi hisobotini tasdiqlash;
fond faoliyatini navbatdan tashqari tekshirish uchun auditorlik tashkilotini jalb etish to‘g‘risida qaror qabul qilish;
fond boshqaruvining fond ustavida belgilangan maqsad va vazifalarga zid bo‘lgan qarorlari ijrosini to‘xtatib qo‘yish yoki ularni bekor qilish;
fondni qayta tashkil etish to‘g‘risida qaror qabul qilish.
Fondning ustavida fond vasiylik kengashining vakolatlariga boshqa masalalar ham kiritilishi mumkin.
Fond vasiylik kengashining vakolatlariga kiritilgan masalalar hal etish uchun fondning boshqaruvi yoki taftish komissiyasiga o‘tkazilishi mumkin emas.
Fondning vasiylik kengashi fondning boshqa organlaridan fond faoliyatiga taalluqli hujjatlarni talab qilish va olishga haqli.
Fond vasiylik kengashining qarorlari fondning boshqaruvi va boshqa organlari, fond xodimlari uchun majburiy hisoblanadi.
28-modda. Fond boshqaruvi
Fond boshqaruvi fondning ijroiya organidir. Fond boshqaruvining tarkibi fond vasiylik kengashi tomonidan shakllantiriladi.
Fond boshqaruvining rahbari va a’zolari fond vasiylik kengashi va taftish komissiyasining a’zolari bo‘lishi mumkin emas.
Fond boshqaruvi yiliga kamida bir marta o‘z faoliyati to‘g‘risida vasiylik kengashiga hisobot taqdim etadi.
29-modda. Fond boshqaruvining vakolatlari
Fond boshqaruvining vakolatlariga quyidagilar kiradi:
fondning joriy faoliyatiga umumiy rahbarlik qilish;
fond tomonidan tashkil etilgan tadbirkorlik tuzilmalari faoliyati ustidan nazoratni amalga oshirish;
fond vasiylik kengashi bilan kelishuv asosida fond xodimlarining shtat jadvali va ish haqi miqdorini belgilash;
fond vasiylik kengashi bilan kelishuv asosida vakolatxonalar ochish va filiallar tashkil etish hamda ularning faoliyati ustidan nazoratni amalga oshirish;
fondning vakolatxonalari va filiallari to‘g‘risidagi nizomlarni tasdiqlash, ularning rahbarlarini tayinlash.
Fond ustavi fond boshqaruvining vakolatlariga boshqa masalalarni ham kiritishi mumkin.
30-modda. Fond boshqaruvining rahbari
Fond boshqaruvining rahbari fond boshqaruvi faoliyatiga rahbarlik qiladi, davlat organlari, xalqaro tashkilotlar va chet el tashkilotlari, shuningdek boshqa yuridik va jismoniy shaxslar bilan munosabatlarda fond nomidan ish ko‘radi.
VI. FOND FAOLIYATI USTIDAN NAZORAT
31-modda. Fondning taftish komissiyasi
Fondning moliyaviy faoliyatini hamda uning pul mablag‘lari to‘g‘ri sarflanishi va mol-mulkidan to‘g‘ri foydalanilishini nazorat qilish uchun kamida uch kishidan iborat tarkibda fond taftish komissiyasi tuziladi.
Fond taftish komissiyasining a’zolari fond vasiylik kengashi tomonidan lavozimga tayinlanadi va lavozimidan ozod qilinadi. Fond taftish komissiyasining tarkibi, vakolatlari va faoliyat muddati fond ustavida belgilanadi.
Fond taftish komissiyasining a’zolari ayni bir vaqtning o‘zida fondning vasiylik kengashi va boshqaruvi a’zosi bo‘lishi mumkin emas.
Fond taftish komissiyasi fond vasiylik kengashining navbatdan tashqari yig‘ilishi chaqirilishini talab qilishga haqli.
Fond ustavida fondning taftish komissiyasi a’zolariga haq to‘lash hamda ularning o‘z vazifalarini bajarish bilan bog‘liq xarajatlarini kompensatsiya qilish nazarda tutilishi mumkin. To‘lanadigan bunday haq va kompensatsiya miqdori fondning ustaviga muvofiq fond vasiylik kengashi tomonidan belgilanadi.
32-modda. Fond taftish komissiyasining tekshiruvlar o‘tkazishi
Fondning moliyaviy faoliyatini va fond boshqaruvi tomonidan pul mablag‘lari to‘g‘ri sarflanayotganligini hamda boshqa mol-mulkdan to‘g‘ri foydalanilayotganligini tekshirishni fond vasiylik kengashining qaroriga binoan fond taftish komissiyasi fondning bir yillik yoki boshqa muddatdagi faoliyati yakunlari bo‘yicha amalga oshiradi.
Fondning mansabdor shaxslari fond taftish komissiyasining talabiga binoan komissiyaga fondning moliyaviy faoliyati to‘g‘risidagi hujjatlarni taqdim etishi shart.
Fondning moliyaviy faoliyatini tekshirish natijalari asosida fond taftish komissiyasi quyidagilarni o‘z ichiga olgan xulosa tayyorlaydi:
hisobotlardagi va boshqa moliyaviy hujjatlardagi ma’lumotlarning ishonchli ekanligiga berilgan baho;
buxgalteriya hisobi yuritilishi va moliyaviy hisobot taqdim etish tartibi buzilganligi hollari to‘g‘risidagi ma’lumot;
aniqlangan qoidabuzarliklarni bartaraf etish yuzasidan tavsiyalar, shuningdek fond moliyaviy faoliyati samaradorligini oshirishga oid takliflar.
33-modda. Fond faoliyatini auditorlik tekshiruvidan o‘tkazish
Oldingi tahrirga qarang.
Fond qonunchilikka muvofiq har yili o‘z faoliyatini auditorlik tekshiruvidan o‘tkazadi.
(33-moddaning birinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
LexUZ sharhiQarang: O‘zbekiston Respublikasining “Auditorlik faoliyati to‘g‘risida”gi 35-moddasi.
Auditorlik tashkilotini fondning vasiylik kengashi tanlaydi.
Fondga aloqador shaxslar fond faoliyatini auditorlik tekshiruvidan o‘tkazishga auditor sifatida jalb etilishi mumkin emas.
Oldingi tahrirga qarang.
Bir kalendar yilda bank hisobvaraqlarida pul aylanmasi mavjud bo‘lmagan fond uchun ushbu kalendar yilda o‘z faoliyatini auditorlik tekshiruvidan o‘tkazish ixtiyoriy tartibda amalga oshiriladi.
(33-modda O‘zbekiston Respublikasining 2025-yil 21-avgustdagi O‘RQ-1083-sonli Qonuniga asosan to‘rtinchi qism bilan to‘ldirilgan — Qonunchilik ma’lumotlari milliy bazasi, 22.08.2025-y., 03/25/1083/0769-son)
34-modda. Fond faoliyatini to‘xtatib qo‘yish
Oldingi tahrirga qarang.
Fond qonunchilikni va fond ustavida belgilangan talablarni buzgan taqdirda uning faoliyati ro‘yxatdan o‘tkazuvchi organning arizasiga binoan sud tomonidan to‘xtatib qo‘yilishi mumkin.
(34-moddaning birinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
Oldingi tahrirga qarang.
Fond faoliyatini to‘xtatib qo‘yish tartibi va muddatlari qonunchilikda belgilanadi.
(34-moddaning ikkinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
LexUZ sharhiQarang: O‘zbekiston Respublikasi “Nodavlat notijorat tashkilotlari to‘g‘risida” Qonunining 34-moddasi.
LexUZ sharhiQarang: O‘zbekiston Respublikasi “Nodavlat notijorat tashkilotlari to‘g‘risida” Qonunining 34-moddasi.
35-modda. Fond faoliyati ustidan davlat nazorati
Oldingi tahrirga qarang.
Fond faoliyati ustidan davlat nazorati ro‘yxatdan o‘tkazuvchi organ va boshqa vakolatli organlar tomonidan qonunchilikka muvofiq amalga oshiriladi.
(35-moddaning matni O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
LexUZ sharhiQarang: mazkur Qonunning V va VI-boblari.
VII. YAKUNLOVCHI QOIDALAR
36-modda. Fondni qayta tashkil etish
Fondning vasiylik kengashi qaroriga binoan fond qayta tashkil etilishi mumkin.
Fondning qayta tashkil etilishiga faqat boshqa fond bilan qo‘shib yuborilgan, boshqa fondni birlashtirib olgan yoki boshqa fondga birlashtirilgan hollarda yo‘l qo‘yiladi.
37-modda. Fondni tugatish
Fondni tugatish manfaatdor shaxslarning arizasiga asosan sudning qaroriga binoan amalga oshiriladi.
Fond quyidagi hollarda tugatilishi mumkin:
fond tashkil etilishidan ko‘zlangan maqsadga erishilganligi munosabati bilan;
faoliyat muddati tugaganligi munosabati bilan;
agar fondning mol-mulki fond o‘z oldiga qo‘ygan maqsadlarga erishish va vazifalarni amalga oshirish uchun yetarli bo‘lmasa, zarur mol-mulkni olish esa ehtimoldan yiroq bo‘lsa;
agar fond o‘z oldiga qo‘ygan maqsadlarga erishish mumkin bo‘lmasa, mazkur maqsadlarni esa zarur tarzda o‘zgartirib bo‘lmasa;
fond o‘z ustavida belgilangan maqsad va vazifalardan chetga chiqqan bo‘lsa;
qonunda nazarda tutilgan boshqa hollarda;
Oldingi tahrirga qarang.
Fondni tugatish qonunchilikda nazarda tutilgan tartibda amalga oshiriladi.
(37-moddaning uchinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
LexUZ sharhiQarang: O‘zbekiston Respublikasi Fuqarolik kodeksining 53-moddasi va O‘zbekiston Respublikasi Vazirlar Mahkamasining 2015-yil 15-yanvardagi 5-sonli qarori bilan tasdiqlangan Nodavlat notijorat tashkilotlarini tugatish tartibi to‘g‘risidagi nizom.
Fondning kreditorlar talablari qondirilganidan keyin qolgan mol-mulki fondning muassislari (muassisi), shuningdek fondning vasiylik kengashi, boshqaruvi, taftish komissiyasi a’zolari yoki fond xodimlari o‘rtasida taqsimlanishi mumkin emas va undan fond ustavida nazarda tutilgan tartibda, fondni tashkil etishdan ko‘zlangan maqsadlarda va (yoki) xayriya maqsadlarida foydalaniladi.
38-modda. Nizolarni hal etish
Oldingi tahrirga qarang.
Fondlarni tashkil etish, ularning faoliyat yuritishi, qayta tashkil etilishi va tugatilishi sohasidagi nizolar qonunchilikda belgilangan tartibda hal etiladi.
(38-moddaning matni O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
Oldingi tahrirga qarang.
39-modda. Jamoat fondlari to‘g‘risidagi qonunchilikni buzganlik uchun javobgarlik
Jamoat fondlari to‘g‘risidagi qonunchilikni buzganlikda aybdor shaxslar belgilangan tartibda javobgar bo‘ladilar.
(39-modda O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
LexUZ sharhiQarang: O‘zbekiston Respublikasining Ma’muriy javobgarlik to‘g‘risidagi kodeksining 2021, 239, 2391-moddalari.
O‘zbekiston Respublikasining Prezidenti I. KARIMOV
Toshkent sh.,
2003-yil 29-avgust.,
527-II-son
(O‘zbekiston Respublikasi Oliy Majlisining Axborotnomasi, 2003-y., 9-10-son, 141-modda; O‘zbekiston Respublikasi qonun hujjatlari to‘plami, 2007-y., 50-51-son, 500-modda; 2008-y., 52-son, 513-modda; 2012-y., 15-son, 164-modda; 2016-y., 17-son, 173-modda; Qonun hujjatlari ma’lumotlari milliy bazasi, 04.12.2019-y., 03/19/586/4106-son; Qonunchilik ma’lumotlari milliy bazasi, 21.04.2021-y., 03/21/683/0375-son; 07.02.2024-y., 03/24/905/0106-son; 22.08.2025-y., 03/25/1083/0769-son)
