O‘zbekiston Respublikasi Prezidentining
Qarori
Fuqarolik holati dalolatnomalarini qayd etish tizimini yanada takomillashtirish chora-tadbirlari to‘g‘risida
[Ko‘chirma]
O‘tgan davr mobaynida tug‘ilish, o‘lim, nikoh tuzish va nikohdan ajralish kabi muhim voqea va faktlarni qayd etish bo‘yicha davlat xizmatlarini ko‘rsatuvchi fuqarolik holati dalolatnomalarini yozish (keyingi o‘rinlarda FHDY deb yuritiladi) organlari tizimini takomillashtirish bo‘yicha izchil va tizimli ish olib borildi.
Shu bilan birga, mazkur sohadagi ishlarning holati aholiga har tomonlama va sifatli davlat xizmatlarini ko‘rsatish bo‘yicha samarali mexanizmlar yaratilishiga to‘sqinlik qilayotgan qator tizimli muammo va kamchiliklar borligidan dalolat bermoqda. Xususan:
birinchidan, FHDY organlarining maqomini, vazifa va vakolatlarini belgilab beradigan maxsus qonun mavjud emas, shuningdek, mazkur sohadagi vakolatli davlat organlari va tashkilotlarining asosiy vazifa va funksiyalari aniq chegaralanmagan;
ikkinchidan, FHDY organlari faoliyatiga zamonaviy innovatsion va axborot-kommunikatsiya texnologiyalarini joriy etishning past darajadaligi, qog‘oz hujjatlar aylanmasining saqlanib qolgan andozalari asossiz moliyaviy xarajatlarga, fuqarolarning ko‘p vaqt kutib qolishi hamda navbatlar yuzaga kelishiga, oqibatda, ayrim hollarda korrupsiya va byurokratiya holatlariga olib kelmoqda;
uchinchidan, FHDY organlari va ichki ishlar, sog‘liqni saqlash, vasiylik va homiylik, fuqarolarning o‘zini o‘zi boshqarish organlari hamda ta’lim muassasalari o‘rtasidagi idoralararo elektron hamkorlikning yetarli darajada yo‘lga qo‘yilmaganligi tug‘ilish va o‘limni so‘zsiz va o‘z vaqtida qayd qilish, shuningdek, tegishli qayd etilmasdan nikoh tuzilishi va ajralishlarning oldini olish bo‘yicha samarali monitoringni ta’minlamayapti;
to‘rtinchidan, davlat xizmatlari ko‘rsatishning sifati va tezkorligi, FHDY organlari xodimlari tomonidan o‘z funksional vazifalarini lozim darajada bajarilishi ustidan nazorat qilishning samarali mexanizmi, ayniqsa, masofadan nazorat qilish shakllantirilmagan, ular faoliyatini baholashning shaffof tizimi mavjud emas;
beshinchidan, fuqarolik holati dalolatnomalarini qayd etish bo‘yicha davlat xizmatlarini joylarga chiqib ko‘rsatishning keng va tizimli amaliyoti yo‘qligi, olis va borish qiyin bo‘lgan tumanlardan FHDY organlariga borish uchun transport xarajatlarining yuqoriligi, aholining huquqiy bilimlari va huquqiy madaniyati darajasining yetarli emasligi tug‘ilgan bolalarning tug‘ilish holatining tegishli qayd etilmasdan qolishi xavfini yuzaga keltirmoqda, bu esa O‘zbekiston Respublikasi Konstitutsiyasi va qonunlarida belgilab qo‘yilgan bolalarning ijtimoiy-iqtisodiy huquqlarini amalga oshirishga, jumladan bepul tibbiy yordam va ta’lim olishiga ta’sir o‘tkazishi mumkin.
2017 — 2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasiga muvofiq hamda fuqarolarning huquq va qonuniy manfaatlarini himoya qilishda FHDY organlarining roli va ahamiyatini oshirish, shuningdek, aholiga ko‘rsatilayotgan davlat xizmatlarining sifatini yaxshilash maqsadida:
1. Quyidagilar fuqarolik holati dalolatnomalarini yozish institutini yanada isloh qilish sohasidagi davlat siyosatining asosiy yo‘nalishlari etib belgilansin:
birinchi — vakolatli organlarda tug‘ilish, o‘lim, nikoh tuzish va nikohdan ajralish, familiya, ism va ota ismini o‘zgartirish kabi voqea hamda faktlarni keng qamrovli qayd etish yo‘li bilan fuqarolarning shaxsiy va mulkiy huquqlarini himoya qilishni ta’minlash;
ikkinchi — eng muhim yuridik faktlarni qayd etmasdan qoldirish oqibatlariga alohida e’tibor qaratgan holda aholining huquqiy savodxonligini oshirishga, huquqiy madaniyatini yuksaltirishga va jamiyatda qonun ustuvorligini mustahkamlashga qaratilgan keng qamrovli huquqiy targ‘ibot ishlarini olib borish;
uchinchi — FHDY organlarining oila institutini mustahkamlash, yoshlarni oilaviy hayotga tayyorlash va oila ajralishlarining oldini olish bo‘yicha kompleks chora-tadbirlarda faol ishtirok etish;
to‘rtinchi — FHDY organlari faoliyatida aholiga davlat xizmatlarini ko‘rsatish tartib-taomillarini yengillashtirishga, jumladan, vakolatli davlat organlari va tashkilotlariga bormasdan xizmatlar ko‘rsatilishiga, xizmatlarning sifati va tezkorligini oshirishga, eksterritoriallik prinsipi asosida arxiv ma’lumotnomalari va axborotini olish imkoniyatini beruvchi fuqarolik holati yagona elektron arxivini shakllantirishga qaratilgan innovatsion va axborot-kommunikatsiya texnologiyalarini jadal joriy etish;
beshinchi — fuqarolik holati yuridik faktlarini aniqlash va ularni o‘z vaqtida qayd etish borasida fuqarolik holati dalolatnomalarini qayd etishni amalga oshiruvchi organlar mahalliy davlat hokimiyati, ichki ishlar, sog‘liqni saqlash, vasiylik va homiylik, fuqarolarning o‘zini o‘zi boshqarish organlari hamda ta’lim muassasalari bilan samarali hamkorlik qilish;
oltinchi — mazkur sohada byurokratiya va korrupsiya yuzaga kelishining oldini olishga qaratilgan idoralararo elektron hamkorlikni kengaytirish orqali, jumladan, olis joylardagi aholi punktlariga chiqqan holda (“mobil davlat xizmatlari”) davlat xizmatlari ko‘rsatishning maqbul va qulay uslublarini ishlatish;
yettinchi — FHDY organlari tomonidan davlat xizmatlarini ko‘rsatish jarayonida qulaylikni va shaffoflikni ta’minlash, xodimlar tomonidan kasb etikasi qoidalari va funksional vazifalarga amal qilish, fuqarolik holati dalolatnomalarini sifatli va tezkor qayd etish, davlat boji va boshqa to‘lovlarning to‘g‘ri hisoblanishi va undirilishi ustidan nazoratning yangi shakllarini, jumladan, masofaviy nazoratni joriy etish;
sakkizinchi — aholining davlat xizmatlaridan foydalanish imkoniyatini oshirishni nazarda tutgan holda davlat boji stavkalarini, gerb yig‘imlarini va FHDY organlari tomonidan ko‘rsatiladigan pullik xizmat tariflarini optimallashtirish.
Oldingi tahrirga qarang.
(2-band O‘zbekiston Respublikasi Prezidentining 2021-yil 17-martdagi PF-6188-sonli Farmoniga asosan o‘z kuchini yo‘qotgan — Qonun hujjatlari ma’lumotlari milliy bazasi, 17.03.2021-y., 06/21/6188/0216-son)
Oldingi tahrirga qarang.
(3-band O‘zbekiston Respublikasi Prezidentining 2021-yil 17-martdagi PF-6188-sonli Farmoniga asosan o‘z kuchini yo‘qotgan — Qonun hujjatlari ma’lumotlari milliy bazasi, 17.03.2021-y., 06/21/6188/0216-son)
4. Fuqarolik holati dalolatnomalarini yozish tizimini yanada takomillashtirish bo‘yicha kompleks chora-tadbirlar dasturi 1-ilovaga muvofiq tasdiqlansin.
5. 2018-yilning 1-iyulidan:
nikoh shartnomasini va aliment to‘lash haqida kelishuvni notarial tasdiqlaganlik;
sudlar tomonidan otalikni tan olish (belgilash), bolaning u yoki bu onadan tug‘ilganligi, shuningdek, tug‘ilgan vaqti faktlarini aniqlash to‘g‘risidagi arizalarni ko‘rganlik uchun davlat boji undirilishi bekor qilinsin.
Oldingi tahrirga qarang.
(6-band O‘zbekiston Respublikasi Prezidentining 2021-yil 17-martdagi PF-6188-sonli Farmoniga asosan o‘z kuchini yo‘qotgan — Qonun hujjatlari ma’lumotlari milliy bazasi, 17.03.2021-y., 06/21/6188/0216-son)
Oldingi tahrirga qarang.
(7-band O‘zbekiston Respublikasi Prezidentining 2021-yil 17-martdagi PF-6188-sonli Farmoniga asosan o‘z kuchini yo‘qotgan — Qonun hujjatlari ma’lumotlari milliy bazasi, 17.03.2021-y., 06/21/6188/0216-son)
8. O‘zbekiston Respublikasi Sog‘liqni saqlash vazirligi hamda Axborot texnologiyalari va kommunikatsiyalarini rivojlantirish vazirligi manfaatdor vazirliklar va idoralar bilan birgalikda:
2019-yilning 1-yanvaridan boshlab FHDY organlari bilan tug‘ilish va o‘lim to‘g‘risida elektron ma’lumotlar almashishni yo‘lga qo‘yish, shuningdek tug‘ilish va o‘lim haqida yagona noyob kodli unifikatsiyalangan elektron ma’lumotnoma berishning yagona tartibini joriy qilsin;
2019-yil 1-yanvarga qadar fertil yoshidagi ayollarni hisobga olish va homiladorlikning erta bosqichidan chaqaloq tug‘ilguniga qadar hisobini olib borishning avtomatlashtirilgan axborot tizimini ishlab chiqish hamda uni “FHDY yagona elektron arxivi” axborot tizimi bilan integratsiya qilishni ta’minlasin.
Oldingi tahrirga qarang.
(10-band O‘zbekiston Respublikasi Prezidentining 2021-yil 17-martdagi PF-6188-sonli Farmoniga asosan o‘z kuchini yo‘qotgan — Qonun hujjatlari ma’lumotlari milliy bazasi, 17.03.2021-y., 06/21/6188/0216-son)
11. Qayd etilmagan tug‘ilganlik, o‘lim holatlarini aniqlash va keyinchalik ularni FHDY organlarida qayd etilishini ta’minlash bo‘yicha tumanlar (shaharlar) hokimlari boshchiligida 2-ilovaga muvofiq namunaviy tarkibda hududiy komissiyalar tashkil etilsin.
Hududiy komissiyalar:
2019-yilning 1-iyuliga qadar qayd etilmagan tug‘ilganlik, o‘lim holatlarini aniqlash nuqtai nazaridan to‘liq xatlovdan o‘tkazsin, uning natijasida tug‘ilganlik, o‘lim holatlarining qonun hujjatlariga muvofiq manzilli qayd etilishini ta’minlasin;
o‘z faoliyatida tug‘ilganlik haqidagi guvohnomasi mavjud bo‘lmagan bolalarni aniqlashga alohida e’tibor qilsin, bunda “Bironta ham bola qayd etilmasdan qolishi mumkin emas” va “Tug‘ilganlikni qayd etilishi — bola huquqlarini ro‘yobga chiqarilishining va fuqarolik bo‘lmasligini oldini olishning huquqiy asosidir” degan ezgu g‘oyalarga amal qilsin.
12. O‘zbekiston Respublikasi Adliya vazirligi huzuridagi Davlat xizmatlari agentligi:
keyinchalik “Yagona elektron FHDY arxivi” axborot tizimi bilan integratsiya qilish uchun FHDY organlarida saqlanayotgan fuqarolik holati dalolatnomalari yozuvlarini raqamli ko‘rinishga o‘tkazilishini, yagona elektron FHDY arxiv fondi shakllantirishni 2022-yil 1-yanvarga qadar tugatsin;
dalolatnomalar yozuvlari ma’lumotlarini “Yagona elektron FHDY arxivi” axborot tizimiga kiritish bo‘yicha ishlarni bajarish uchun yuridik shaxslar bilan pudrat shartnomalarini tuzsin;
O‘zbekiston Respublikasi Markaziy banki hamda Axborot texnologiyalari va kommunikatsiyalarini rivojlantirish vazirligi bilan birgalikda 2018-yilning 1-sentabridan davlat boji, gerb yig‘imlari va boshqa to‘lovlarni to‘lashda elektron to‘lovlar (billing) mexanizmni to‘laqonli joriy etish bo‘yicha chora-tadbirlarni amalga oshirsin;
O‘zbekiston Respublikasi Vazirlar Mahkamasi huzuridagi Davlat personallashtirish markazi va Ichki ishlar vazirligi bilan birgalikda 2019-yilning 1-yanvaridan bola tug‘ilganligi haqidagi guvohnoma qayd etilishida chaqaloqlarga jismoniy shaxsning shaxsiy identifikatsiya raqami berilishini amaliyotga joriy etsin.
13. 2021-yilning 1-iyuliga qadar muddatda fuqarolik holati dalolatnomalarini raqamli ko‘rinishga o‘tkazish, idoralararo elektron hamkorlik tizimini yaratish uchun belgilangan tartibda shakllantiriladigan ro‘yxat bo‘yicha olib kiriladigan O‘zbekiston Respublikasida ishlab chiqarilmaydigan skaner qilish qurilmalari, server va boshqa jihozlar hamda ehtiyot qismlar, butlovchi buyumlar bojxona to‘lovlaridan (bojxona rasmiylashtiruvi yig‘imlaridan tashqari) ozod etilsin.
14. O‘zbekiston Respublikasi Vazirlar Mahkamasi ikki hafta muddatda quyidagilarni tasdiqlash haqida qaror qabul qilsin:
FHDY organlari hamda FHDY bo‘limlari xodimlarining martaba darajalari to‘g‘risidagi nizomlar;
FHDY bo‘limlari xodimlarining mehnatiga haq to‘lash bo‘yicha razryadlar va tarif koeffitsiyentlari;
FHDY bo‘limlarining martaba darajalariga ega bo‘lgan xodimlariga uzoq muddat xizmat qilganligi uchun beriladigan har oylik ustama haq miqdorlari;
martaba darajalari uchun sudlar va adliya organlari xodimlarining lavozim maoshlariga qo‘shiladigan qo‘shimcha haq miqdorlari.
15. O‘zbekiston Respublikasi Adliya vazirligi manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan o‘zgartish va qo‘shimchalar to‘g‘risida O‘zbekiston Respublikasi Vazirlar Mahkamasiga takliflar kiritsin.
16. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov, O‘zbekiston Respublikasi Prezidenti Davlat maslahatchisining birinchi o‘rinbosari B.M. Mavlonov va O‘zbekiston Respublikasi adliya vaziri R.K. Davletov zimmasiga yuklansin.
O‘zbekiston Respublikasi Prezidenti Sh. MIRZIYOYEV
Toshkent sh.,
2018-yil 12-iyun,
PQ-3785-son
O‘zbekiston Respublikasi Prezidentining 2018-yil 12-iyundagi PQ-3785-son qaroriga
1-ILOVA
Fuqarolik holati dalolatnomalarini yozish tizimini yanada takomillashtirish bo‘yicha kompleks chora-tadbirlar
DASTURI
I. Fuqarolik holati dalolatnomalarini yozish sohasidagi qonunchilikni takomillashtirish
II. Zamonaviy axborot-kommunikatsiya texnologiyalarini FHDY organlari faoliyatiga tatbiq etish
III. FHDY organlarining kadrlar salohiyatini mustahkamlash va faoliyat samaradorligini ta’minlash
IV. FHDY organlarining moddiy-texnika bazasini mustahkamlash

T/r

Tadbirlar nomi

Amalga oshirish shakli

Bajarish muddatlari

Mas’ul ijrochilar

I. Fuqarolik holati dalolatnomalarini yozish sohasidagi qonunchilikni
takomillashtirish

1.

“Fuqarolik holati dalolatnomalari to‘g‘risida”gi Qonun loyihasini ishlab chiqish, unda quyidagilar belgilab beriladi:

fuqarolik holati dalolatnomalarini qayd etuvchi organlarning vakolatlari;

tug‘ilganlikni qayd etish (otalikni belgilash, farzandlikka olish, nikohni tuzish va bekor qilish, o‘limni qayd etish) tartibi;

dalolatnoma yozuvlarini tiklash, o‘zgartirish, tuzatish, ularni to‘ldirish, familiyasi, ismi va ota ismini o‘zgartirish, dalolatnomalar yozuvlarini to‘liq yozish;

takroriy guvohnomalar va boshqa ma’lumotlar, arxiv ma’lumotlarini berish, FHDY organlari, O‘zbekiston Respublikasining chet ellardagi konsullik muassasalari hamda fuqarolar yig‘inlarining hisobotlari;

idoralararo axborot-elektron hamkorlik tartibi.

Qonun loyihasi

2018-yil oktabr

Adliya vazirligi, Xotin-qizlar qo‘mitasi, Oliy sud, IIV, Sog‘liqni saqlash vazirligi, manfaatdor vazirlik va idoralar

2.

O‘zbekiston Respublikasining Ma’muriy javobgarlik to‘g‘risidagi kodeksiga o‘zgartirish va qo‘shimchalar kiritish to‘g‘risidagi qonun loyihasini ishlab chiqish, unda quyidagilarning ma’muriy javobgarligi nazarda tutiladi:

fuqarolik holati dalolatnomalarini qayd etishni qonunga xilof ravishda rad etganlik va qayd etish muddatlarini buzganlik uchun FHDY organlarining mansabdor shaxslari;

tug‘ilish va o‘lishni o‘z vaqtida qayd etmaganligi uchun, tug‘ilish to‘g‘risidagi tibbiy ma’lumotnoma, o‘lim, shu jumladan perinatal o‘lim to‘g‘risidagi tibbiy guvohnoma to‘g‘ri va aniq to‘ldirilishi yuzasidan sog‘liqni saqlash muassasalarining mansabdor shaxslari;

topib olingan (tashlab ketilgan) go‘dakning tug‘ilishini qayd etish choralari ko‘rilmaganligi uchun vasiylik va homiylik organlarining mansabdor shaxslari, sog‘liqni saqlash muassasalari va go‘dak topshirilgan muassasaning ma’muriyati ma’muriy javobgar bo‘ladilar.

Qonun loyihasi

2018-yil oktabr

Adliya vazirligi, Sog‘liqni saqlash vazirligi, IIV, Oliy sud, vazirlik va idoralar

3.

Quyidagilarni nazarda tutuvchi Hukumat qarori loyihasini ishlab chiqish:

FHDY organlari xodimlari sonini belgilash mezonlarini qayta ko‘rib chiqish, shuningdek, fuqarolik holati dalolatnoma-lari ma’lumotlarining yagona elektron bazasi shakllantirilishini hisobga olgan holda FHDY organlarida arxivarius qo‘shimcha shtat birligini joriy etish;

gerbli guvohnomalarni axborot-kommunikatsiya texnologiyalaridan foydala-nib, faqat bosma harflar bilan to‘ldirish tartibini joriy etgan holda ularni qo‘lda yozib to‘ldirish talablarini bekor qilish.

Vazirlar Mahkamasi qarori loyihasi

2018 yil iyul

Adliya vazirligi, Moliya vazirligi, manfaatdor vazirlik va idoralar

4.

Vazirlar Mahkamasining “Fuqarolik holati dalolatnomalarini qayd etish qoidalarini tasdiqlash to‘g‘risida” 2016-yil 14-noyabrdagi 387-son qarorini hamda Fuqarolik holati dalolatnoma-larini yozish organlarida ish yuritish tartibi to‘g‘risidagi yo‘riqnomani (qayd etish raqami № 2547, 31.12.2013-yil) qayta ko‘rib chiqish, ularda quyidagilarni nazarda tutish:

bola tug‘ilgan kundan keyin bir yil o‘tgach ota-onalardan birining arizasi asosida uning tug‘ilganligini qayd etish;

xorijiy davlatlarning vakolatli muassasalari tomonidan berilgan fuqarolik holatiga oid hujjatlarni O‘zbekiston Respublikasining fuqarolik holatiga oid hujjatlariga almashtirish tartibi;

vafot etgan shaxsning qarindoshlari va manfaatdor shaxslarning arizasi bo‘yicha o‘lim to‘g‘risidagi dalolatnoma yozuviga tuzatish va qo‘shimchalar kiritish;

FHDY organlarining boshqa FHDY organlari va davlat organlari bilan “FHDYning yagona elektron arxivi” tizimi orqali elektron hamkorlik qilish tartib��.

Vazirlar Mahkamasi qarori loyihasi

2019-yil iyul

Adliya vazirligi, manfaatdor vazirlik va idoralar

5.

Quyidagilarni nazarda tutuvchi FHDY arxivlari to‘g‘risidagi Nizom loyihasini ishlab chiqish:

FHDY arxivining maqsadi, vazifalari, funksiyalari, faoliyatining tashkil etilishi, huquq va majburiyatlari;

arxiv fondini yuritish, saqlash va ekspluatatsiya qilish tartibi;

arxiv ma’lumotlarini berish, ko‘rib chiqish muddatlari.

Vazirlar Mahkamasi qarori loyihasi

2019 yil iyul

Adliya vazirligi, Moliya vazirligi, “O‘zarxiv” agentligi

6.

Aholining davlat xizmatlaridan foydalanish imkoniyatini oshirish maqsadida FHDY organlari tomonidan qo‘shimcha xizmatlar ko‘rsatilganligi uchun to‘lanadigan haq miqdorlarini qayta ko‘rib chiqish (korrupsiyaga barham berish maqsadida arxiv ma’lumotnomalari va axborotini muddatidan ilgari berganligi uchun oshirilgan miqdorlarda haq undirish).

Adliya vaziri buyrug‘i

2018-yil iyul

Adliya vazirligi, Moliya vazirligi

7.

Qayd etilmagan tug‘ilganlik, o‘lim holatlarini xatlovdan o‘tkazish va aniqlash hamda ularni keyinchalik FHDY organlarida qayd etish bo‘yicha hududiy komissiyalar tarkiblarini tasdiqlash.

Tuman (shahar) hokimi qarori

2018-yil iyul

Qoraqalpog‘iston Respublikasi Vazirlar Kengashi, viloyatlar va Toshkent sh. hokimliklari, vazirlik va idoralar

II. Zamonaviy axborot-kommunikatsiya texnologiyalarini
FHDY organlari faoliyatiga tatbiq etish

8.

Fertil yoshdagi ayollarni hisobga olish va homiladorlikni uning erta bosqichlaridan bola tug‘ilgunga qadar hisobini yuritish bo‘yicha avtomatlashtirilgan axborot tizimini yaratish.

Ushbu tizimning “FHDYning yagona elektron arxivi” axborot tizimi bilan integratsiyalashuvini ta’minlash.

Tadbirlar rejasi

2018-yil dekabr

Sog‘liqni saqlash vazirligi, Adliya vazirligi, IIV, Axborot texnologiyalari va kommunikatsiyalarini rivojlantirish vazirligi

9.

Tug‘ilish va o‘lish to‘g‘risida fuqarolik holati dalolatnomalarini o‘z vaqtida qayd etish maqsadida axborotni tezkorlik bilan ayirboshlash uchun FHDY, ichki ishlar va sog‘liqni saqlash organlarining elektron tizimlarini integratsiyalash

Tadbirlar rejasi

2018-yil dekabr

Sog‘liqni saqlash vazirligi, Adliya vazirligi, IIV, Axborot texnologiyalari va kommunikatsiyalarini rivojlantirish vazirligi

10.

Fuqarolik holati dalolatnomalarini qayd etish maqsadida FHDY organlari o‘rtasida so‘rovlarni jo‘natish va ularga o‘z vaqtida javob olish uchun “FHDYning yagona elektron arxivi” axborot tizimini takomillashtirish.

Tadbirlar rejasi

2018-yil sentabr

Adliya vazirligi, Axborot texnologiyalari va kommunikatsiyalarini rivojlantirish vazirligi

11.

Fuqarolik holati dalolatnomalarini qayd etish tizimi yaratilgan paytdan (XIX asr) boshlab hozirgi vaqtgacha saqlanayotgan fuqarolik holati dalolatnomalari yozuvlarini (dastlabki ma’lumotlarga ko‘ra 60 milliondan ko‘proq yozuvlar) raqamlashtirish hamda FHDYning yagona elektron arxiv fondini shakllantirish, uni “FHDYning yagona elektron arxivi” axborot tizimi bilan integratsiyalash.

Tadbirlarni tashkillash-tirish

Raqamlashti-rish va integratsiya-lashni yakunlash

2018-yil avgust

2021-yil dekabr

Adliya vazirligi

12.

Elektron to‘lov tizimi orqali davlat boji, davlat yig‘imlari va boshqa to‘lovlarning elektron (mobil) to‘lovi imkoniyatlarini kengaytirish

Tadbirlar rejasi

2018-yil sentabr

Markaziy bank, Axborot texnologiyalari va kommunikatsiyalarini rivojlantirish vazirligi, Adliya vazirligi

13.

Interaktiv davlat xizmatlari yagona portali orqali nikohni qayd etishga ariza berish tizimini joriy etish bo‘yicha takliflar ishlab chiqish

Tadbirlar rejasi

2019-yil yanvar

Axborot texnologiyalari va kommunikatsiya-larini rivojlantirish vazirligi, Adliya vazirligi

14.

Tug‘ilish, o‘lish, nikoh, ajralish to‘g‘risidagi ma’lumotlarni tezkorlik bilan ayirboshlash uchun FHDY, sog‘liqni saqlash va davlat statistika organlarining elektron tizimlarini integratsiyalash

Tadbirlar rejasi

2018-yil sentabr

Adliya vazirligi, Sog‘liqni saqlash vazirligi, Davlat statistika qo‘mitasi, Axborot texnologiyalari va kommunikatsiya-larini rivojlantirish vazirligi

III. FHDY organlarining kadrlar salohiyatini mustahkamlash
va faoliyat samaradorligini ta’minlash

15.

FHDY bo‘limlari tuman (shahar) hokimliklari ixtiyoriga o‘tishi munosabati bilan FHDY bo‘limlarining mudirlarini attestatsiyadan o‘tkazish.

Tadbirlar kompleksi

2018-yil iyul

Adliya vazirligi, Bosh prokuratura, Qoraqalpog‘iston Respublikasi Jo‘qorg‘i Kengesi, viloyatlar va Toshkent shahar hokimliklari

16.

Psixologik fanlar va yuridik faoliyat bilan bog‘liq bo‘lmagan boshqa fan va ko‘nikmalar (stressni boshqarish, ixtiloflarni boshqarish, ish vaqtini samarali tashkil etish)ga o‘qitib-o‘rgatish bo‘yicha fanlar joriy etilishini nazarda tutgan holda FHDY organlari xodimlarining malakasini oshirish bo‘yicha o‘quv rejalari va dasturlarini qayta ko‘rib chiqish.

Tadbirlar kompleksi

2018-yil iyul

Adliya vazirligi

17.

FHDY organlari uchun yagona logotipni tasdiqlash.

Qo‘shma qaror

2018-yildekabr

Xotin-qizlar qo‘mitasi, Adliya vazirligi

18.

FHDY organlari xodimlarining yagona forma libosiga qo‘yiladigan talablarni ishlab chiqish.

Qo‘shma qaror

2018-yil dekabr

Xotin-qizlar qo‘mitasi, Adliya vazirligi

IV. FHDY organlarining moddiy-texnik bazasini mustahkamlash

19.

“FHDYning yagona elektron arxivi” axborot tizimining ish samaradorligini va tezkorligini oshirish maqsadida fuqarolik holati dalolatnomalarini raqamlashtirish, idoralararo elektron hamkorlik tizimini yaratish uchun zarur bo‘lgan skanerlash qurilmalari, server va boshqa uskunalarni, ehtiyot qismlar, butlovchi buyumlarni xarid qilish.

Tadbirlar rejasi

2018-yil sentabr

Adliya vazirligi, Moliya vazirligi, DBQ, Axborot texnologiyalari va kommunikatsiya-larini rivojlantirish vazirligi

20.

Buxoro shahrida nikoh uyi, Sho‘rchi, Sayxunobod tumanlarida va Olmaliq shahrida FHDY bo‘limlari qurilishini tugallash

Tadbirlar kompleksi

Belgilangan muddatlarda

Adliya vazirligi

21.

Do‘stlik va Mirzacho‘l tumanlarining adliya bo‘limlarini, davlat xizmatlari markazlari va FHDY bo‘limlarini joylashtirish uchun binolar, shuningdek, Jizzax viloyatining Mirzacho‘l tumanida O‘zbekiston Respublikasi Adliya vazirligining budjetdan tashqari mablag‘lari hisobiga zamonaviy kutubxona binosini qurish, bunda, istisno tariqasida, 2018-yilning 1-sentabriga qadar qurilish-montaj ishlarini ayni vaqtda loyiha-smeta hujjatlarini ishlab chiqish bilan birgalikda olib borishga ruxsat etiladi va obyektlar qurilishi doirasida Jizzax viloyati hokimligining “Yagona buyurtmachi xizmati” injiniring kompaniyasi — buyurtmachi etib; “ASILBEK POWER PROJECT” MCHJ — bosh loyiha tashkiloti etib; “Yangi Avlod Qurilish Invest” MCHJ — bosh pudrat tashkiloti etib tayinlandi.

Tadbirlar kompleksi

2018-yil sentabr

Jizzax viloyati hokimligi, Adliya vazirligi

 LexUZ sharhi
1-ilova norasmiy tarjima..
O‘zbekiston Respublikasi Prezidentining 2018-yil 12-iyundagi PQ-3785-son qaroriga
2-ILOVA
Qayd etilmagan tug‘ilganlik, o‘lim holatlarini aniqlash bo‘yicha hududiy komissiyalarning
NAMUNAVIY TARKIBI
1. Tuman (shahar) hokimi — komissiya rahbari
Oldingi tahrirga qarang.
2. Tuman (shahar) hokimining o‘rinbosari — tuman (shahar) mahalla va oilani qo‘llab-quvvatlash bo‘limi boshlig‘i — komissiya rahbari o‘rinbosari
(2-band O‘zbekiston Respublikasi Prezidentining 2021-yil 17-martdagi PF-6188-sonli Farmoni tahririda — Qonun hujjatlari ma’lumotlari milliy bazasi, 17.03.2021-y., 06/21/6188/0216-son)
3. O‘zbekiston Respublikasi Prezidentining tuman (shahar) bo‘yicha Xalq qabulxonasi mudiri
4. Fuqarolik ishlari bo‘yicha tumanlararo (tuman, shahar) sudi raisi
5. Tuman (shahar) prokurori
6. Tuman (shahar) ichki ishlar bo‘limi boshlig‘i
7. Tuman (shahar) tibbiyot birlashmasi bosh vrachi
8. Tuman (shahar) xalq ta’limi bo‘limi boshlig‘i
9. Tuman (shahar) maktabgacha ta’lim bo‘limi boshlig‘i
10. Tuman (shahar) statistika bo‘limi boshlig‘i
Oldingi tahrirga qarang.
(11-band O‘zbekiston Respublikasi Prezidentining 2021-yil 17-martdagi PF-6188-sonli Farmoniga asosan o‘z kuchini yo‘qotgan — Qonun hujjatlari ma’lumotlari milliy bazasi, 17.03.2021-y., 06/21/6188/0216-son)
12. Tuman (shahar) bosh imom-xatibi (kelishuv bo‘yicha)
13. Xalq deputatlari mahalliy Kengashlarining deputatlari (kelishuv bo‘yicha)
14. O‘zbekiston Yoshlar ittifoqi tuman (shahar) bo‘linmasining raisi
15. Tuman (shahar) FHDY bo‘limining mudiri — komissiya kotibi
Izoh. Tegishli hududdagi fuqarolar yig‘inlari raislari ham komissiya tarkibiga kiritiladi.
 LexUZ sharhi
2-ilova norasmiy tarjima..
(Qonun hujjatlari ma’lumotlari milliy bazasi, 13.06.2018-y., 07/18/3785/1346-son; 17.03.2021-y., 06/21/6188/0216-son)