Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi va “Qimmatli qogʻozlar bozori toʻgʻrisida”gi qonunlariga muvofiq Oʻzbekiston Respublikasi Markaziy banki Boshqaruvi qaror qiladi:

1. Oʻzbekiston Respublikasi Markaziy banki Boshqaruvining 2008-yil 14-avgustdagi 17/3-son qarori (roʻyxat raqami 1858, 2008-yil 23-sentabr) (Oʻzbekiston Respublikasi qonun hujjatlari toʻplami, 2008-y., 39-son, 397-modda) bilan tasdiqlangan Oʻzbekiston Respublikasi Markaziy banki depozit sertifikatlari toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. Muqaddima quyidagi tahrirda bayon etilsin:

“Mazkur Nizom Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi va “Qimmatli qogʻozlar bozori toʻgʻrisida”gi qonunlariga muvofiq Oʻzbekiston Respublikasi Markaziy banki depozit sertifikatlarini chiqarish, joylashtirish, ularning muomalada boʻlish va haqini toʻlash tartibini belgilaydi.”.

2. 8-banddagi “depozitariylarda” degan soʻz “Qimmatli qogʻozlar markaziy depozitariysida yoki investitsiya vositachilarida” degan soʻzlar bilan almashtirilsin.

3. 14-banddagi “depozitariydagi hisobvaraqlardan” degan soʻzlar “depo hisobvaragʻidan” degan soʻzlar bilan almashtirilsin.

4. Mazkur oʻzgartirishlar Oʻzbekiston Respublikasi Davlat raqobat qoʻmitasi huzuridagi Qimmatli qogʻozlar bozorini muvofiqlashtirish va rivojlantirish markazi bilan kelishilgan.