|
Hujjat kuchini yo‘qotgan " " 13.09.2012
|
Oʻzbekiston Respublikasi Vazirlar Mahkamasining
qarori
OʻZBEKISTON RESPUBLIKASI ADLIYA VAZIRLIGINING HUQUQIY MAʼRIFAT SOHASIDAGI FAOLIYATINI TARTIBGA SOLISh ChORA-TADBIRLARI TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2012-yil 13-sentabrdagi 268-sonli “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻzbekiston Respublikasi Adliya vazirligi faoliyatini yanada takomillashtirish chora-tadbirlari toʻgʻrisida” 2011-yil 23-avgustdagi PQ-1602-son qarori)”gi qaroriga asosan oʻz kuchini yoʻqotgan.
Oʻzbekiston Respublikasi Adliya vazirligining huquqiy maʼrifat sohasidagi funksiyalaridan kelib chiqqan holda, jamiyatda huquqiy ongni va huquqiy maʼrifatni oshirish ishlarini kuchaytirish, aholi oʻrtasida huquqiy bilimlar va huquqiy madaniyat targʻibotini tashkil etish maqsadida Vazirlar Mahkamasi qaror qiladi:
1. Oʻzbekiston Respublikasi Adliya vazirligining Huquqiy targʻibot va huquqiy taʼlim boshqarmasi boshqaruv xodimlari soni 3 nafarga koʻpaytirilsin.
2. Oʻzbekiston Respublikasi Adliya vazirligining Huquqiy maʼrifat targʻiboti markazi tugatilsin.
3. Qoraqalpogʻiston Respublikasi Adliya vazirligida, viloyatlar va Toshkent shahar adliya boshqarmalarida tugatilayotgan Huquqiy maʼrifat targʻiboti markazining mintaqaviy boʻlimlari oʻrniga bir nafardan huquqiy maʼrifat boʻyicha mutaxassis lavozimi kiritilsin, ular bevosita Oʻzbekiston Respublikasi Adliya vazirligining Huquqiy targʻibot va huquqiy taʼlim boshqarmasiga boʻysundirilsin.
4. Oʻzbekiston Respublikasi Adliya vazirligi Oʻzbekiston Respublikasi Moliya vazirligi bilan birgalikda Oʻzbekiston Respublikasi Adliya vazirligining xarajatlar smetasi va shtatlar roʻyxatiga tegishli oʻzgartirishlar kiritsin.
5. Oʻzbekiston Respublikasi Vazirlar Mahkamasining 1997-yil 22-iyuldagi 367-son qarori oʻz kuchini yoʻqotgan deb hisoblansin va Oʻzbekiston Respublikasi Vazirlar Mahkamasining “Oʻzbekiston Respublikasi Adliya vazirligi faoliyatini yanada takomillashtirish chora-tadbirlari toʻgʻrisida” 2003-yil 27-avgustdagi 370-son qaroriga ilovaga muvofiq oʻzgartirishlar kiritilsin.
6. Oʻzbekiston Respublikasi Adliya vazirligi qonun hujjatlariga ushbu qarordan kelib chiqadigan oʻzgartirishlar va qoʻshimchalar toʻgʻrisida Vazirlar Mahkamasiga takliflar kiritsin.
7. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ.Sultonov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
2003-yil 21-noyabr,
528-son
Vazirlar Mahkamasining 2003-yil 27-avgustdagi 370-son qaroriga kiritilayotgan oʻzgartirishlar
1. Qaror 5-bandining ikkinchi xatboshidagi va 4-ilovadagi “194” va “143” raqamlari tegishli ravishda “197” va “146” raqamlari bilan almashtirilsin;
2. 2-ilovada 7-bandning 14-kichik bandi toʻrtinchi xatboshidagi “shuningdek Huquqiy maʼrifat targʻiboti markazi” soʻzlari chiqarib tashlansin;
3. 3-ilovadagi “Huquqiy maʼrifat targʻiboti markazi” grafasi chiqarib tashlansin;
4. 4-ilovaning “Huquqiy targʻibot va huquqiy taʼlim boshqarmasi” grafasidagi “4” raqami “7” raqami bilan almashtirilsin.
(Oʻzbekiston Respublikasi qonun hujjatlari toʻplami, 2003-y., 22-son, 226-modda)
