Hujjat kuchini yo‘qotgan " " 03.07.2017

Oʻzbekiston Respublikasi Vazirlar Mahkamasining

qarori

Suvga quduqlarni burgʻulash uchun ruxsatnoma berish tartibi toʻgʻrisidagi Nizomni tasdiqlash haqida

LexUZ sharhi

Mazkur qaror Oʻzbekiston Respublikasi Vazirlar Mahkamasining 2017-yil 27-iyundagi 430-sonli “Yer osti suvlaridan foydalanish sohasidagi faoliyatni yanada tartibga solish chora-tadbirlari toʻgʻrisida”gi qaroriga asosan oʻz kuchini yoʻqotgan.

“Tadbirkorlik faoliyati sohasidagi ruxsat berish tartib-taomillari toʻgʻrisida”gi Oʻzbekiston Respublikasi Qonuni hamda Oʻzbekiston Respublikasi Vazirlar Mahkamasining “Tadbirkorlik faoliyati sohasida ruxsat berish tartiblari toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida” 2013-yil 15-avgustdagi 225-son qaroriga muvofiq Vazirlar Mahkamasi qaror qiladi:

1. Suvga quduqlarni burgʻulash uchun ruxsatnoma berish tartibi toʻgʻrisidagi nizom ilovaga muvofiq tasdiqlansin.

2. Oʻzbekiston Respublikasi Tabiatni muhofaza qilish davlat qoʻmitasi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

3. Mazkur qarorning bajarilishini nazorat qilish Oʻzbekiston Respublikasi Vazirlar Mahkamasining Qishloq va suv xoʻjaligi, qishloq xoʻjaligi mahsulotlarini qayta ishlash va isteʼmol tovarlari masalalari axborot-tahlil departamentiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2014-yil 4-avgust,

214-son

Vazirlar Mahkamasining 2014-yil 4-avgustdagi 214-son qaroriga
ILOVA

Suvga quduqlarni burgʻulash uchun ruxsatnoma berish tartibi toʻgʻrisida

Nizom

I. Umumiy qoidalar

1. Mazkur Nizom yuridik va jismoniy shaxslar (keyingi oʻrinlarda ariza beruvchi deb ataladi) uchun suvga quduqlarni burgʻulash uchun ruxsatnoma (keyingi oʻrinlarda ruxsatnoma deb ataladi) berish tartibini belgilaydi.

Yer osti suvlaridan sutkasiga 5 kub metrgacha hajmda yakka tartibda suv olishni koʻzda tutuvchi jismoniy shaxslar uchun suvga quduqlarni burgʻulash uchun ruxsatnoma talab etilmaydi.

Ruxsatnoma berish ushbu Nizomning 1-ilovasiga muvofiq sxema boʻyicha amalga oshiriladi.

2. Suvga quduqlarni burgʻulash ushbu Nizomga 2-ilovaga muvofiq shakl boʻyicha Oʻzbekiston Respublikasi Davlat geologiya va mineral resurslar qoʻmitasi (keyingi oʻrinlarda Davlat geologiya qoʻmitasi deb ataladi) organlari bilan kelishuv boʻyicha Oʻzbekiston Respublikasi Tabiatni muhofaza qilish davlat qoʻmitasining (keyingi oʻrinlarda Tabiatni muhofaza qilish davlat qoʻmitasi deb ataladi) hududiy organi tomonidan beriladigan amal qilishi bir martalik ruxsatnoma asosida amalga oshiriladi.

3. Suvga quduqlarni burgʻulash, suvga burgʻulash ishlari amalga oshirilishini hisobga olish va ularni nazorat qilishni tartibga solish, yer osti suvlaridan maqsadsiz foydalanishga yoʻl qoʻymaslik ruxsatnomani berishning maqsadi hisoblanadi.

4. Ruxsatnoma olish uchun ariza beruvchilar ushbu Nizomning 7-bandida nazarda tutilgan zarur hujjatlar toʻplamini Tabiatni muhofaza qilish davlat qoʻmitasining hududiy organlariga taqdim etadilar.

5. Ruxsatnomaning amal qilish muddati burgʻulash ishlarini amalga oshirish davri uchun, biroq 3 yildan ortiq boʻlmagan muddatga belgilanadi.

II. Ruxsat berish talablari va shartlari

6. Quyidagilar ruxsatnomani berishda ruxsat berish talablari va shartlari hisoblanadi:

a) tegishli vakolatli organlar tomonidan tasdiqlangan normativ hujjatlar, shuningdek ekologik va sanitariya-gigiyena normalari va qoidalari talablariga rioya qilish;

b) quduqlarning loyiha parametriga rioya qilish;

v) davlat ekologiya ekspertizasi xulosalari shartlarini bajarish;

g) maxsus burgʻulash uskunasi mavjud tashkilotlar tomonidan burgʻulash ishlarini amalga oshirish;

d) tasdiqlangan loyihaga asosan quduqlar qurilishini amal oshirish;

e) burgʻulashdan keyin quduq suvining talab etiladigan sifatga muvofiqligini aniqlash uchun kimyoviy tahlil oʻtkazish va quduq atrofidagi 1-mintaqaning sanitariya-muhofaza qilish hududini obodonlashtirish.

III. Ruxsatnoma olish uchun zarur hujjatlar

7. Ruxsatnoma olish uchun ariza beruvchilar Tabiatni muhofaza qilish davlat qoʻmitasining hududiy organlariga quyidagi hujjatlarni taqdim etadilar:

a) ushbu Nizomning 3-ilovasiga muvofiq shakl boʻyicha ariza;

b) tadbirkorlik subyekti — yuridik shaxs uchun yuridik shaxsning davlat roʻyxatidan oʻtkazilganligi toʻgʻrisidagi guvohnomaning nusxasi; tadbirkorlik subyekti — jismoniy shaxs uchun yakka tartibdagi tadbirkorning davlat roʻyxatidan oʻtkazilganligi toʻgʻrisidagi guvohnomaning nusxasi;

v) suvga quduqlarni burgʻulash nazarda tutilgan yer uchastkalariga boʻlgan huquqni tasdiqlovchi hujjatlar;

g) davlat ekologiya ekspertizasining ijobiy xulosasi.

8. Ruxsatnoma tusidagi hujjatni olish uchun zarur hujjatlar ariza beruvchi tomonidan Tabiatni muhofaza qilish davlat qoʻmitasining hududiy organlariga, ularni olganligi toʻgʻrisidagi bildirishnoma bilan birga, bevosita pochta aloqasi vositalari orqali yoki elektron shaklda taqdim etiladi. Elektron shaklda taqdim etilgan hujjatlar arizachining elektron raqamli imzosi bilan tasdiqlanadi.

9. Ruxsatnoma olish uchun Tabiatni muhofaza qilish davlat qoʻmitasining hududiy organlariga taqdim etilgan hujjatlar roʻyxat boʻyicha qabul qilinadi va roʻyxat darhol hujjatlar qabul qilingan sana haqidagi belgi bilan ariza beruvchiga beriladi (yuboriladi).

Ushbu Nizomning 7-bandida nazarda tutilmagan hujjatlar taqdim etishni ariza beruvchilardan talab qilishga yoʻl qoʻyilmaydi.

IV. Arizani koʻrib chiqish va ruxsatnoma berish yoki uni berilishini rad etish haqida qaror qabul qilish

10. Tabiatni muhofaza qilish davlat qoʻmitasining hududiy organlari ushbu Nizomning 7-bandida nazarda tutilgan hujjatlar qabul qilingan kundan boshlab oʻn besh ish kunidan koʻp boʻlmagan muddatda (Davlat geologiya qoʻmitasi organlari bilan kelishish uchun zarur boʻlgan vaqtni hisobga olgan holda) ruxsatnoma olish uchun taqdim etilgan materiallarni koʻrib chiqadilar va uni berish yoki berishni rad etish toʻgʻrisida qaror qabul qiladilar.

11. Ariza koʻrib chiqilganligi uchun toʻlov undirilmaydi.

12. Tabiatni muhofaza qilish davlat qoʻmitasining hududiy organi taqdim etilgan materiallarni oʻrganib chiqadi va eʼtirozlar boʻlmaganda, yetti ish kuni mobaynida ularni kelishish uchun pochta aloqasi vositasi orqali yoki elektron shaklda Davlat geologiya qoʻmitasi organlariga yuboradi.

13. Davlat geologiya qoʻmitasi organlari hujjatlar olingan kundan boshlab besh ish kuni mobaynida Tabiatni muhofaza qilish davlat qoʻmitasining hududiy organlariga ajratilgan yer uchastkasida suvga quduqni burgʻulash imkoniyati toʻgʻrisidagi xulosani yoki burgʻulash mumkin emasligi haqidagi asoslangan yozma xulosani taqdim etadilar.

14. Taqdim etilgan xulosa asosida Tabiatni muhofaza qilish davlat qoʻmitasining hududiy organi uch ish kuni mobaynida ruxsatnoma berish yoki uni berishni rad etish toʻgʻrisida qaror qabul qiladi.

Ruxsatnoma berilganligi uchun yigʻim undirilmaydi.

15. Tabiatni muhofaza qilish davlat qoʻmitasining hududiy organi tegishli qaror qabul qilingan sanadan boshlab bir ish kunidan kechikmasdan ariza beruvchiga ruxsatnomani beradi (yuboradi) yoki uni ruxsatnoma berish rad etilganligi toʻgʻrisida yozma ravishda xabardor qiladi.

16. Quyidagi hollarda ariza beruvchilarga ruxsatnoma berishda rad javobi berilishi mumkin:

a) ushbu Nizomning 7-bandida nazarda tutilgan hujjatlar toʻliq hajmda taqdim etilmaganda;

b) hujjatlarda ishonchsiz yoki notoʻgʻri maʼlumotlar mavjud boʻlganda;

v) ruxsatnoma berishda ariza beruvchi ruxsat berish talablari va shartlariga nomuvofiq boʻlganda;

g) Davlat geologiya qoʻmitasi organlarining ajratilgan yer uchastkasida burgʻulash mumkin emasligi haqidagi asoslangan yozma xulosasi mavjud boʻlganda.

17. Boshqa asoslar, shu jumladan maqsadga muvofiq emasligi sabablari boʻyicha ruxsatnoma berishni rad etishga yoʻl qoʻyilmaydi.

18. Ruxsatnoma berishni rad etish haqidagi qaror qabul qilingan taqdirda, rad etish sabablari, qonun hujjatlarining aniq normalari va ariza beruvchi koʻrsatib oʻtilgan sabablarni bartaraf etib, qayta koʻrib chiqish uchun hujjatlar taqdim qilishi mumkin boʻlgan muddatni koʻrsatgan holda ariza beruvchiga yozma shaklda rad etish toʻgʻrisidagi xabarnoma yuboriladi (topshiriladi).

Ariza beruvchi ruxsatnoma berishni rad etish haqidagi yozma xabarnoma olingan kundan boshlab oʻn ish kunidan kam boʻlmagan muddat mobaynida rad etish sabablarini bartaraf etish va hujjatlarni qayta koʻrib chiqish uchun taqdim etish huquqiga ega.

19. Ruxsatnoma berishni rad etish uchun asos boʻlgan sabablar bartaraf etilgan taqdirda, belgilangan muddatda hujjatlarni qayta koʻrib chiqish Tabiatni muhofaza qilish davlat qoʻmitasining hududiy organi tomonidan, ariza beruvchining rad etish sabablari bartaraf etilganligi toʻgʻrisidagi arizasi va rad etish sabablari bartaraf etilganligini tasdiqlovchi tegishli hujjatlar olingan kundan boshlab besh ish kunidan oshmaydigan muddatda amalga oshiriladi.

20. Hujjatlarni qayta koʻrib chiqishda Tabiatni muhofaza qilish davlat qoʻmitasining hududiy organi tomonidan, ariza beruvchiga avval yozma shaklda bayon etilmagan rad etish sabablarini keltirishga, ilgari koʻrsatilgan sabablar bartaraf etilganligini tasdiqlovchi hujjatlar bilan bogʻliq rad etish sabablaridan tashqari, yoʻl qoʻyilmaydi.

21. Rad etilganlik haqidagi yozma xabarnomada keltirilgan muddat oʻtgandan soʻng ariza beruvchi tomonidan berilgan ariza yangidan berilgan ariza hisoblanadi va Tabiatni muhofaza qilish davlat qoʻmitasining hududiy organi tomonidan umumiy asoslarda koʻrib chiqiladi.

22. Ariza beruvchi ruxsatnoma berishni rad etish toʻgʻrisidagi qaror, shuningdek Tabiatni muhofaza qilish davlat qoʻmitasining hududiy organi mansabdor shaxsining harakati (harakatsizligi) yuzasidan belgilangan tartibda shikoyat qilishga haqli.

V. Ruxsatnomaning dublikatini berish, uning amal qilishini toʻxtatib turish, toʻxtatish va ruxsatnomani bekor qilish

23. Ruxsatnoma yoʻqolgan yoki yaroqsiz boʻlib qolgan taqdirda, ariza beruvchining arizasi asosida uning dublikati beriladi.

24. Tabiatni muhofaza qilish davlat qoʻmitasining hududiy organi ruxsatnomaning dublikatini ariza beruvchidan ariza, shuningdek ruxsatnoma xususiyatiga ega boʻlgan hujjatning yaroqsiz boʻlib qolgan asl nusxasi olingan kundan boshlab besh ish kunidan ortiq boʻlmagan muddatda ruxsatnomaning dublikatini berishga majbur. Dublikat berilganligi uchun yigʻim undirilmaydi.

25. Ruxsatnomaning amal qilishini toʻxtatib turish, toʻxtatish va uni bekor qilish “Tadbirkorlik faoliyati sohasidagi ruxsat berish tartib-taomillari toʻgʻrisida”gi Oʻzbekiston Respublikasi Qonunining tegishli ravishda 22, 23 va 25-moddalarida koʻzda tutilgan hollarda va tartibda amalga oshiriladi.

26. Ruxsatnomaning amal qilish muddatini belgilangan tartibda toʻxtatish uchun asos boʻladigan ruxsatnoma talablari va shartlarining bir martalik qoʻpol buzilishiga burgʻulash loyihasida koʻzda tutilgan burgʻulash ishlarining amalga oshirilishi natijasida atrof tabiiy muhitga, fuqarolarning hayoti va sogʻligʻiga zarar yetkazilishi yoki bunday zarar yetkazilishining muayyan xavfi paydo boʻlishi kiradi.

VI. Ruxsatnomani qayta rasmiylashtirish

27. Ariza beruvchi — yuridik shaxs oʻzgarganda, uning nomi yoki joylashgan joyi (pochta manzili) oʻzgarganda, ariza beruvchi yoxud uning huquqiy vorisi qayta roʻyxatga olingandan soʻng yetti ish kuni mobaynida Tabiatni muhofaza qilish davlat qoʻmitasining hududiy organiga koʻrsatilgan maʼlumotlarni tasdiqlovchi hujjatlarni ilova qilgan holda ruxsatnomani qayta rasmiylashtirish toʻgʻrisida ariza berishi shart.

28. Ariza beruvchi — jismoniy shaxsning unga berilgan davlat roʻyxatidan oʻtkazilganlik toʻgʻrisidagi guvohnomada keltirilgan familiyasi, ismi, otasining ismi yoki faoliyat joyi oʻzgargan taqdirda, ariza beruvchi qayta roʻyxatdan oʻtgandan keyin yetti ish kuni mobaynida hududiy organga, koʻrsatilgan maʼlumotlarni tasdiqlovchi hujjatlarni ilova qilgan holda, ariza berishi shart.

29. Hujjatlar ariza beruvchi tomonidan Tabiatni muhofaza qilish davlat qoʻmitasining hududiy organiga bevosita, ularning olinganligi haqidagi xabarnoma bilan pochta aloqasi vositasi orqali yoki elektron shaklda taqdim etiladi. Elektron shaklda taqdim etilgan hujjatlar arizachining elektron raqamli imzosi bilan tasdiqlanadi.

30. Ruxsatnoma qayta rasmiylashtirilgunga qadar, ruxsatnomani qayta rasmiylashtirish toʻgʻrisida arizani bergan ariza beruvchi yoki uning huquqiy vorisi (merosxoʻri) Tabiatni muhofaza qilish davlat qoʻmitasi hududiy organining qabul qilganligi toʻgʻrisidagi belgi bilan ruxsatnomani qayta rasmiylashtirish toʻgʻrisida berilgan arizasi asosida unda koʻrsatilgan harakat va (yoki) faoliyatni bajaradi yoki amalga oshiradi.

31. Tabiatni muhofaza qilish davlat qoʻmitasining hududiy organi ruxsatnomani qayta rasmiylashtirishda berilgan ruxsatnomalar reyestriga tegishli oʻzgartirishlar kiritadi.

32. Tabiatni muhofaza qilish davlat qoʻmitasining hududiy organi tomonidan tegishli hujjatlar ilova qilingan holda ruxsatnomani qayta rasmiylashtirish toʻgʻrisidagi ariza olingan kundan boshlab besh ish kunidan ortiq boʻlmagan muddatda ruxsatnomani qayta rasmiylashtiradi va beradi.

33. Ushbu boʻlimda nazarda tutilmagan hujjatlarni taqdim etishni ariza beruvchidan talab qilishga yoʻl qoʻyilmaydi.

VII. Berilgan ruxsatnomalar reyestri

34. Berilgan ruxsatnomalar reyestrida quyidagi maʼlumotlar koʻrsatiladi:

a) arizachining nomi, tashkiliy-huquqiy shakli, pochta manzili va telefon raqami (jismoniy shaxslar uchun — familiyasi, ismi, otasining ismi, pasportining maʼlumotlari);

b) ruxsatnomaning roʻyxatdan oʻtkazilgan tartib raqami, berilgan sanasi va amal qilish muddati;

v) quduqlarning tartib raqami, chuqurligi va maqsadli foydalanilishi;

g) ruxsatnomalarni qayta rasmiylashtirish, amal qilishini toʻxtatish, toʻxtatib turish va ularni tiklash, dublikatlarini berish, ruxsatnomalarni bekor qilish asoslari va sanasi.

Ruxsatnoma tusida berilgan hujjatlar reyestridagi mavjud maʼlumotlar yuridik va jismoniy shaxslarning ular bilan tanishib chiqishi uchun ochiq hisoblanadi.

Suvga quduqlarni burgʻulash uchun ruxsatnoma berish tartibi toʻgʻrisidagi nizomga
1-ILOVA

Suvga quduqlarni burgʻulash uchun ruxsatnoma berish

sxemasi

Suvga quduqlarni burgʻulash uchun ruxsatnoma berish tartibi toʻgʻrisidagi nizomga
2-ILOVA

‎‎Oʻzbekiston Respublikasi Tabiatni muhofaza qilish davlat qoʻmitasi ___________________________________________________________________ (hududiy tabiatni muhofaza qilish qoʻmitasinig nomi) ‎ ‎‎SUVGA QUDUQLARNI BURGʻULASh UChUN RUXSATNOMA ‎
‎‎20__ “__”_____________		‎	‎	Roʻyxatga olish raqami_____
‎	‎	‎	‎	‎	‎
1. Ushbu ruxsatnoma ____________________________________________________ da
‎‎(loyihalanayotgan quduq joylashgan joy)
‎‎joylashgan _____________________________________________________________ga
‎‎(ariza beruvchining nomi)
‎‎____________________________________________________ uchun suvga quduqlarni
‎‎(suvdan maqsadli foydalanish)					‎
‎‎burgʻulash loyihasini amalga oshirish uchun berildi.
2. Suv olish inshooti ___ ta quduqlardan iborat va ______________________________
‎	‎	‎	‎(loyihalash tashkilotining nomi)
‎‎________________________tomonidan ishlab chiqilgan loyihaga muvofiq qurilmoqda ‎
‎‎3. Quduqning loyiha parametrlari quyidagicha: ‎a) boshlangʻich diametri _____________________ mm; ‎b) boshqa diametrga oʻtish chuqurligi___________ m; ‎v) yakunlovchi diametr ______________________ mm; ‎g) quduqning loyihaviy chuqurligi __________ m.
‎‎4. Har bir quduqdan suv olish sutkasiga _______ m³ hajmda nazarda tutilgan.
5. Davlat ekologiya ekspertizasi xulosasi_____________________________________ ‎________________________________________________________________________
‎‎(xulosaning raqami, berilgan sanasi va xulosani bergan organning nomi) ‎
6. Ushbu ruxsatnomaning amal qilish muddati - 20__ “__”_____________ gacha. ‎ ‎‎‎
‎‎“KELIShILDI” ‎Davlat geologiya va mineral ‎resurslar qoʻmitasining ‎ “___________________________” ‎Davlat korxonasi direktori ____________________ ‎(F.I.O., imzosi) ‎			‎‎“KELIShILDI” ‎ Oʻzbekiston Respublikasi Tabiatni ‎ muhofaza qilish davlat qoʻmitasining hududiy organi raisi ‎ ‎ _________________________ ‎(F.I.O., imzosi)
‎‎M.Oʻ. Roʻyxatdan oʻtkazilgan raqami ____ ‎20__ yil ‎“__”__________				M.Oʻ. ‎	‎

Suvga quduqlarni burgʻulash uchun ruxsatnoma berish tartibi toʻgʻrisidagi nizomga
3-ILOVA

‎	‎	‎	‎‎Tabiatni muhofaza qilish davlat ‎ qoʻmitasi hududiy organining ‎ raisi ‎_________________________ga ‎(F.I.O.)
‎	‎	‎	‎	‎
‎‎Suvga quduq burgʻulash uchun ruxsatnoma berish uchun ‎ARIZA ‎ ‎
‎‎_______________________________________________________________
‎‎(quduqlar loyihalashtirilayotgan joy)
‎‎______________________________________________________________________da ‎joylashgan suvga quduq burgʻulash uchun ruxsatnoma berishingizni soʻraymiz.
‎‎Arizaga ilova qilinayotgan hujjatlar roʻyxati (Suvga quduqlarni burgʻulash uchun ruxsatnoma berish tartibi toʻgʻrisidagi Nizom talablariga muvofiq):
‎‎_______________________________________________________________ ‎_______________________________________________________________ ‎_______________________________________________________________ ‎_______________________________________________________________ ‎_______________________________________________________________
‎	‎	‎	‎	‎
‎	‎	________________________________________ ‎(ariza beruvchining F.I.O. va imzosi*)
‎	M.Oʻ.‎	‎	‎	‎
‎	‎	‎	‎	‎
‎	‎	‎	‎	‎
‎‎Sanasi: 20__ yil “__”________________‎			‎	‎

* Ariza beruvchilar — yuridik shaxslar arizalarida, shuningdek oʻz nomi, joylashgan joyi (pochta manzili) va tashkiliy-huquqiy shaklini koʻrsatadilar;

Ariza beruvchilar — jismoniy shaxslar arizalarida, shuningdek fuqaroning shaxsini tasdiqlovchi hujjat maʼlumotlarini koʻrsatadilar.

(Oʻzbekiston Respublikasi qonun hujjatlari toʻplami, 2014-y., 32-son, 402-modda)