Oʻzbekiston Respublikasi Markaziy banki Boshqaruvining
Qarori
Kapital harakati bilan bogʻliq ayrim valyuta operatsiyalarini amalga oshirish tartibi toʻgʻrisidagi nizomni tasdiqlash haqida
[Oʻzbekiston Respublikasi Adliya vazirligi tomonidan 2013-yil 17-dekabrda roʻyxatdan oʻtkazildi, roʻyxat raqami 2536]
Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi (Oʻzbekiston Respublikasi Oliy Majlisining Axborotnomasi, 1995-y., 12-son, 247-modda), “Xorijdan mablagʻ jalb qilish toʻgʻrisida”gi (Oʻzbekiston Respublikasi Oliy Majlisining Axborotnomasi, 1996-y., 9-son, 126-modda) va “Valyutani tartibga solish toʻgʻrisida”gi (Oʻzbekiston Respublikasi Oliy Majlisining Axborotnomasi, 2004-y., 1-2-son, 6-modda) qonunlariga muvofiq Oʻzbekiston Respublikasi Markaziy banki Boshqaruvi qaror qiladi:
1. Kapital harakati bilan bogʻliq ayrim valyuta operatsiyalarini amalga oshirish tartibi toʻgʻrisidagi nizom ilovaga muvofiq tasdiqlansin.
2. Mazkur qaror rasmiy eʼlon qilingan kundan eʼtiboran kuchga kiradi.
Markaziy bank raisi F. MULLAJONOV
Toshkent sh.,
2013-yil 23-noyabr,
22/2-son
Oʻzbekiston Respublikasi Markaziy banki Boshqaruvining 2013-yil 23-noyabrdagi 22/2-sonli qaroriga
ILOVA
ILOVA
Kapital harakati bilan bogʻliq ayrim valyuta operatsiyalarini amalga oshirish tartibi toʻgʻrisida
NIZOM
Mazkur Nizom Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi (Oʻzbekiston Respublikasi Oliy Majlisining Axborotnomasi, 1995-y., 12-son, 247-modda), “Xorijdan mablagʻ jalb qilish toʻgʻrisida”gi (Oʻzbekiston Respublikasi Oliy Majlisining Axborotnomasi, 1996-y., 9-son, 126-modda) va “Valyutani tartibga solish toʻgʻrisida”gi (Oʻzbekiston Respublikasi Oliy Majlisining Axborotnomasi, 2004-y., 1-2-son, 6-modda) qonunlariga muvofiq kapital harakati bilan bogʻliq ayrim valyuta operatsiyalarini amalga oshirish tartibini belgilaydi.
I bob. Umumiy qoidalar
1. Mazkur Nizomda quyidagi asosiy tushunchalardan foydalaniladi:
kapital harakati bilan bogʻliq valyuta operatsiyalari (bundan buyon matnda valyuta operatsiyalari deb yuritiladi) — joriy xalqaro operatsiyalar hisoblanmaydigan barcha operatsiyalar, jumladan:
Oldingi tahrirga qarang.
investitsiya faoliyatini amalga oshirish, shu jumladan rezidentlar tomonidan chet eldagi oʻz filiallarini aylanma mablagʻlar bilan toʻldirish;
(1-bandning uchinchi xatboshisi Oʻzbekiston Respublikasi Markaziy banki Boshqaruvining 2017-yil 11-noyabrdagi 31/2-sonli qarori (roʻyxat raqami 2536-1, 23.11.2017-y.) tahririda — Qonun hujjatlari maʼlumotlari milliy bazasi, 24.11.2017-y., 10/17/2536-1/0308-son)
kreditlar olish va berish, lizing operatsiyalarini amalga oshirish;
koʻchmas mulkni sotib olish va sotish;
xorijiy davlatlardan mablagʻlarni hisobvaraqlar va omonatlarga jalb etish hamda xorijiy davlatlarda mablagʻlarni hisobvaraqlar va omonatlarga joylashtirish;
xorijdan mablagʻ jalb qilish — Oʻzbekiston Respublikasi yoki uning rezidenti tomonidan xorijiy davlatlar yoki norezidentlar aktivlarining (kreditlar, zayomlar va boshqalarning) mazkur xorijiy davlatga yoki norezidentga yoxud ularning talabiga koʻra uchinchi shaxsga shartlashilgan davrda adekvat aktivlarni, jumladan, aktivlardan foydalanganlik uchun toʻlovlarni taqdim etish majburiyatini oʻz zimmasiga olgan holda jalb etilishi.
Oldingi tahrirga qarang.
2. Tijorat banklari valyuta operatsiyalari hisobini yuritadi.
(2-band Oʻzbekiston Respublikasi Markaziy banki Boshqaruvining 2017-yil 11-noyabrdagi 31/2-sonli qarori (roʻyxat raqami 2536-1, 23.11.2017-y.) tahririda — Qonun hujjatlari maʼlumotlari milliy bazasi, 24.11.2017-y., 10/17/2536-1/0308-son)
Oldingi tahrirga qarang.
3. Oʻzbekiston Respublikasi tomonidan kafolatlanmagan xorijdan mablagʻ jalb qilish toʻgʻrisidagi shartnomalar tashqi qarz hisobini yuritish maqsadida Oʻzbekiston Respublikasi Markaziy bankida (bundan buyon matnda Markaziy bank deb yuritiladi) roʻyxatga olinadi. Roʻyxatga olish tijorat banklari tomonidan mazkur shartnomalar toʻgʻrisidagi maʼlumotlarni xabardor qilish tartibida Markaziy bankka taqdim etish orqali amalga oshiriladi. Markaziy bank xabardor qilingandan soʻng Oʻzbekiston Respublikasi tomonidan kafolatlanmagan xorijdan mablagʻ jalb qilish toʻgʻrisidagi shartnomalar roʻyxatga olingan hisoblanadi.
(3-band Oʻzbekiston Respublikasi Markaziy banki Boshqaruvining 2017-yil 11-noyabrdagi 31/2-sonli qarori (roʻyxat raqami 2536-1, 23.11.2017-y.) tahririda — Qonun hujjatlari maʼlumotlari milliy bazasi, 24.11.2017-y., 10/17/2536-1/0308-son)
4. Oʻzbekiston Respublikasining diplomatiya va boshqa vakolatxonalari ehtiyojlari uchun Oʻzbekiston Respublikasidan tashqarida koʻchmas mulk obyektlarini olish va ularni qurish boʻyicha valyuta operatsiyalari Oʻzbekiston Respublikasi Vazirlar Mahkamasi qaroriga binoan amalga oshiriladi.
5. Oʻzbekiston Respublikasi hududida norezidentlar tomonidan koʻchmas mulkni olish va sotish tartibi Oʻzbekiston Respublikasi Vazirlar Mahkamasi tomonidan belgilanadi.
Oldingi tahrirga qarang.
6. Oʻzbekiston Respublikasi hududida chet el valyutasidagi qimmatli qogʻozlar muomalasi, rezidentlar tomonidan chet el valyutasidagi qimmatli qogʻozlar sotib olinishi, shuningdek rezidentlar chiqargan qimmatli qogʻozlarning norezidentlar tomonidan sotib olinishi qonunchilik hujjatlarida belgilangan tartibda amalga oshiriladi.
(6-band Oʻzbekiston Respublikasi adliya vazirining 2021-yil 28-iyuldagi 16-mh-sonli buyrugʻi (roʻyxat raqami 3313, 28.07.2021-y.) tahririda — Qonunchilik maʼlumotlari milliy bazasi, 28.07.2021-y., 10/21/3313/0724-son)
Oldingi tahrirga qarang.
61. Quyidagi operatsiyalar Oʻzbekiston Respublikasi Prezidentining, Vazirlar Mahkamasining qarorlari yoki Oʻzbekiston Respublikasining xalqaro shartnomasi mavjud boʻlgan taqdirda amalga oshiriladi:
10 000 AQSH dollari ekvivalentidan yuqori boʻlgan summada chet elda investitsiya faoliyatini amalga oshirish — rezidentlarning Oʻzbekiston Respublikasi banklaridagi hisobvaraqlaridan chet eldagi korxonalarning ustav kapitalini shakllantirish (yoki ulushli ishtirok etish), chet eldagi oʻz filiallarini aylanma mablagʻlar bilan toʻldirish uchun chet elga mablagʻlar oʻtkazish;
Oʻzbekiston Respublikasi rezidentlari tomonidan norezidentlarga kreditlar va pul, tovarlar (xizmatlar) koʻrinishidagi qarzlar hamda lizing obyektlarini berish;
Oʻzbekiston Respublikasi rezidentlarining Oʻzbekiston Respublikasi tijorat banklaridagi hisobvaraqlardan mablagʻlarni chet eldagi hisobvaraqlarga (omonatlarga) joylashtirish hamda koʻchmas mulkni sotib olish uchun oʻtkazish.
(61-band Oʻzbekiston Respublikasi Markaziy banki Boshqaruvining 2017-yil 11-noyabrdagi 31/2-sonli qaroriga (roʻyxat raqami 2536-1, 23.11.2017-y.) asosan kiritilgan — Qonun hujjatlari maʼlumotlari milliy bazasi, 24.11.2017-y., 10/17/2536-1/0308-son)
Oldingi tahrirga qarang.
AQSHdagi xorijiy korxonalarning ustav fondini shakllantirish (yoki kapitalda ishtirok etish) uchun investitsiya faoliyati boʻyicha rezidentlar operatsiyalari — Oʻzbekiston Respublikasi banklaridagi rezidentlar hisobvaraqlaridan pul mablagʻlarini oʻtkazish, AQSHdagi filiallarini aylanma mablagʻlar bilan toʻldirish rezidentlar hisobvaraqlaridagi valyuta mablagʻlari doirasida amalga oshiriladi.
(61-band Oʻzbekiston Respublikasi Markaziy banki Boshqaruvining 2025-yil 11-dekabrdagi 33/1-sonli qaroriga (roʻyxat raqami 2536-2, 12.12.2025-y.) asosan beshinchi xatboshi bilan toʻldirilgan — Qonunchilik maʼlumotlari milliy bazasi, 16.12.2025-y., 10/25/2536-2/1168-son. Kuchga kirish sanasi — 2026-yil 1-yanvar)
II bob. Valyuta operatsiyalarini amalga oshirish
Oldingi tahrirga qarang.
7. Valyuta operatsiyasini amalga oshirish uchun rezident tomonidan tijorat bankiga quyidagi hujjatlar taqdim etiladi:
(7-bandning birinchi xatboshisi Oʻzbekiston Respublikasi Markaziy banki Boshqaruvining 2017-yil 11-noyabrdagi 31/2-sonli qarori (roʻyxat raqami 2536-1, 23.11.2017-y.) tahririda — Qonun hujjatlari maʼlumotlari milliy bazasi, 24.11.2017-y., 10/17/2536-1/0308-son)
mazkur Nizomning 1-ilovasiga muvofiq shaklda ariza;
valyuta operatsiyasi amalga oshirilishini nazarda tutuvchi hujjatning (shartnoma, kelishuv, bitim va/yoki boshqa hujjat) hamda unga kiritilgan oʻzgartirish va qoʻshimchalarning nusxalari. Bunda hujjat matni davlat yoki rus tilida bayon etilgan boʻlishi, agar hujjat matni boshqa tilda bayon etilgan boʻlsa, u legallashtirilgan yoki unga belgilangan tartibda apostil qoʻyilgan boʻlishi hamda davlat yoki rus tiliga tarjima qilingan va notarial tasdiqlangan boʻlishi kerak.
Oldingi tahrirga qarang.
Mazkur hujjatlar taqdim etilgandan soʻng, tijorat banki tomonidan belgilangan tartibda valyuta operatsiyasi amalga oshiriladi.
(7-bandning toʻrtinchi xatboshisi Oʻzbekiston Respublikasi Markaziy banki Boshqaruvining 2017-yil 11-noyabrdagi 31/2-sonli qarori (roʻyxat raqami 2536-1, 23.11.2017-y.) tahririda — Qonun hujjatlari maʼlumotlari milliy bazasi, 24.11.2017-y., 10/17/2536-1/0308-son)
Oldingi tahrirga qarang.
8. Rezidentlar hujjatlarni elektron tizim orqali qabul qilish uchun dasturiy taʼminotga ega boʻlgan tijorat banklariga arizani elektron shaklda taqdim etishi mumkin. Bunda rezident valyuta operatsiyasi amalga oshirilishini nazarda tutuvchi hujjatning (shartnoma, kelishuv, bitim va/yoki boshqa hujjat) yoki unga kiritilgan oʻzgartirish va qoʻshimchalarning nusxalarini arizaga ilova qilishi lozim.
(8-band Oʻzbekiston Respublikasi Markaziy banki Boshqaruvining 2017-yil 11-noyabrdagi 31/2-sonli qarori (roʻyxat raqami 2536-1, 23.11.2017-y.) tahririda — Qonun hujjatlari maʼlumotlari milliy bazasi, 24.11.2017-y., 10/17/2536-1/0308-son)
9. Valyuta operatsiyasini amalga oshirishda rezident quyidagilarga majbur:
Oldingi tahrirga qarang.
bir valyuta operatsiyasi boʻyicha barcha hisob-kitob va toʻlovlarni asosiy depozit hisobvaragʻi ochilgan tijorat banki orqali valyuta operatsiyasi shartlariga muvofiq amalga oshirish;
(9-bandning ikkinchi xatboshisi Oʻzbekiston Respublikasi Markaziy banki Boshqaruvining 2017-yil 11-noyabrdagi 31/2-sonli qarori (roʻyxat raqami 2536-1, 23.11.2017-y.) tahririda — Qonun hujjatlari maʼlumotlari milliy bazasi, 24.11.2017-y., 10/17/2536-1/0308-son)
Oldingi tahrirga qarang.
valyuta operatsiyasi shartlariga oʻzgartirishlar kiritilganda (shartnomaning muddati uzaytirilishi, toʻlov muddatining kechiktirilishi, qarzni soʻndirish jadvalining oʻzgartirilishi, qarzning toʻliq soʻndirilishi yoki shartnomaning bekor qilinishi va boshqalar) tijorat bankini xabardor qilish.
(9-bandning uchinchi xatboshisi Oʻzbekiston Respublikasi Markaziy banki Boshqaruvining 2017-yil 11-noyabrdagi 31/2-sonli qarori (roʻyxat raqami 2536-1, 23.11.2017-y.) tahririda — Qonun hujjatlari maʼlumotlari milliy bazasi, 24.11.2017-y., 10/17/2536-1/0308-son)
Oldingi tahrirga qarang.
10. Valyuta operatsiyasini amalga oshirishda tijorat banki:
(10-bandning birinchi xatboshisi Oʻzbekiston Respublikasi Markaziy banki Boshqaruvining 2017-yil 11-noyabrdagi 31/2-sonli qarori (roʻyxat raqami 2536-1, 23.11.2017-y.) tahririda — Qonun hujjatlari maʼlumotlari milliy bazasi, 24.11.2017-y., 10/17/2536-1/0308-son)
Oldingi tahrirga qarang.
valyuta operatsiyalari hisobini yuritish uchun raqamlangan, ip oʻtkazib tikilgan va tijorat bankining muhri bilan tasdiqlangan jurnal yuritishi;
(10-bandning ikkinchi xatboshisi Oʻzbekiston Respublikasi Markaziy banki Boshqaruvining 2017-yil 11-noyabrdagi 31/2-sonli qarori (roʻyxat raqami 2536-1, 23.11.2017-y.) tahririda — Qonun hujjatlari maʼlumotlari milliy bazasi, 24.11.2017-y., 10/17/2536-1/0308-son)
amalga oshirilgan har bir valyuta operatsiyasi boʻyicha mazkur Nizomning 7-bandida koʻrsatilgan hujjatlar, toʻlov hujjatlari va boshqa zarur hujjatlarning nusxalari tikilgan yigʻmajild yuritishi;
hisob-kitob va toʻlovlarni valyuta operatsiyasi shartlariga muvofiq amalga oshirishi;
Oʻzbekiston Respublikasi tomonidan kafolatlanmagan xorijdan mablagʻ jalb qilish toʻgʻrisidagi shartnomalar va ularga kiritilgan oʻzgartirish va qoʻshimchalar ijroga qabul qilingandan keyin 5 ish kuni ichida ular toʻgʻrisidagi maʼlumotlarni mazkur Nizomning 2-ilovasiga muvofiq shaklda Markaziy bankka taqdim etishi.
11. Valyuta operatsiyasini hisobga olish jurnalida quyidagi maʼlumotlar koʻrsatilishi lozim:
hujjat ijroga qabul qilingan sana;
hujjatning raqami va sanasi;
rezidentning nomi;
valyuta operatsiyasining turi, summasi va valyutasi;
Oldingi tahrirga qarang.
valyuta operatsiyasining holati (amalda, boshqa vakolatli tijorat bankiga yoki yakunlangan);
(11-bandning oltinchi xatboshisi Oʻzbekiston Respublikasi Markaziy banki Boshqaruvining 2017-yil 11-noyabrdagi 31/2-sonli qarori (roʻyxat raqami 2536-1, 23.11.2017-y.) tahririda — Qonun hujjatlari maʼlumotlari milliy bazasi, 24.11.2017-y., 10/17/2536-1/0308-son)
Oldingi tahrirga qarang.
valyuta operatsiyasi hisobining yuritilishi tugallangan sana (boshqa tijorat bankiga oʻtkazilgan yoki yakunlangan).
(11-bandning yettinchi xatboshisi Oʻzbekiston Respublikasi Markaziy banki Boshqaruvining 2017-yil 11-noyabrdagi 31/2-sonli qarori (roʻyxat raqami 2536-1, 23.11.2017-y.) tahririda — Qonun hujjatlari maʼlumotlari milliy bazasi, 24.11.2017-y., 10/17/2536-1/0308-son)
Oldingi tahrirga qarang.
12. Rezidentning asosiy depozit hisobvaragʻi boshqa tijorat bankiga oʻtkazilgan taqdirda, keyingi valyuta operatsiyalarining hisobi rezidentning asosiy depozit hisobvaragʻi oʻtkazilgan tijorat banki tomonidan yuritiladi.
Rezidentning valyuta operatsiyalari boʻyicha hujjatlari tijorat banklari oʻrtasida tuziladigan qabul qilish-topshirish dalolatnomasi asosida oʻtkaziladi.
Dalolatnomaga mazkur Nizomning 3-ilovasiga muvofiq shaklda rezidentning yakunlangan valyuta operatsiyalari toʻgʻrisidagi hamda boshqa tijorat banklaridan olingan maʼlumotlar ilova qilinadi.
(12-band Oʻzbekiston Respublikasi Markaziy banki Boshqaruvining 2017-yil 11-noyabrdagi 31/2-sonli qarori (roʻyxat raqami 2536-1, 23.11.2017-y.) tahririda — Qonun hujjatlari maʼlumotlari milliy bazasi, 24.11.2017-y., 10/17/2536-1/0308-son)
III bob. Yakuniy qoida
Oldingi tahrirga qarang.
13. Mazkur Nizom talablarining buzilishida aybdor boʻlgan shaxslar qonunchilik hujjatlariga muvofiq javobgar boʻladi.
(13-band Oʻzbekiston Respublikasi adliya vazirining 2021-yil 28-iyuldagi 16-mh-sonli buyrugʻi (roʻyxat raqami 3313, 28.07.2021-y.) tahririda — Qonunchilik maʼlumotlari milliy bazasi, 28.07.2021-y., 10/21/3313/0724-son)
Kapital harakati bilan bogʻliq ayrim valyuta operatsiyalarini amalga oshirish tartibi toʻgʻrisidagi nizomga
1-ILOVA
1-ILOVA
Oldingi tahrirga qarang.
| __________________________________ rahbariga | |||||
|
(tijorat bankining nomi) |
| | | ||
| __________________________________ dan | |||||
|
(mijoz) |
|
| | | |
|
ARIZA | |||||
| Sizdan________________________________________________________________________ | |||||
| |
(valyuta operatsiyasining turi) | ||||
| _________________________________________________bilan bogʻliq valyuta operatsiyasini | |||||
| amalga oshirishingizni soʻrayman. |
| | | ||
|
______________________ |
_______________ |
______________________ | |||
| (ariza beruvchining lavozimi) |
(imzo) |
(ariza beruvchining F.I.O.) | |||
| 20___yil “____” ____________ | | | |||
(1-ilova Oʻzbekiston Respublikasi Markaziy banki Boshqaruvining 2017-yil 11-noyabrdagi 31/2-sonli qarori (roʻyxat raqami 2536-1, 23.11.2017-y.) tahririda — Qonun hujjatlari maʼlumotlari milliy bazasi, 24.11.2017-y., 10/17/2536-1/0308-son)
Kapital harakati bilan bogʻliq ayrim valyuta operatsiyalarini amalga oshirish tartibi toʻgʻrisidagi nizomga
2-ILOVA
2-ILOVA
Oldingi tahrirga qarang.
|
(tijorat bankining nomi) tomonidan ijroga qabul qilingan Oʻzbekiston Respublikasi tomonidan kafolatlanmagan xorijdan mablagʻ jalb qilish toʻgʻrisidagi hujjatlar haqida | ||
|
Hujjat maʼlumotlari |
Dastlabki maʼlumotlar |
Oʻzgartirilgan maʼlumotlar* |
|
Rezident toʻgʻrisidagi maʼlumotlar | ||
|
Nomi |
||
|
STIR |
||
|
Faoliyat turi |
||
|
Joylashgan hududi |
||
|
Norezident toʻgʻrisidagi maʼlumotlar | ||
|
Nomi |
||
|
Yuridik shaxslar uchun — roʻyxatga olingan davlat, jismoniy shaxslar uchun — fuqaroligi |
||
|
Hujjat toʻgʻrisidagi maʼlumotlar | ||
|
Ijroga qabul qilingan sana |
||
|
Xorijdan mablagʻ jalb qilish shakli (pul mablagʻlari, tovarlar, ish, xizmatlar koʻrinishidagi zayomlar, kredit, lizing yoki norezidentlarning mablagʻlarini hisobvaraqlar va omonatlarga jalb qilinishi) |
||
|
Raqami va sanasi |
||
|
Summasi va valyutasi |
||
|
Muddati |
||
|
Jalb qilingan mablagʻ soʻndiriladigan sana |
||
|
Maqsadi |
||
|
Boshqa oʻzgartirish va qoʻshimchalar |
x |
|
|
Bank boshqaruvi raisi oʻrinbosari |
___________________ |
_____________ |
|
(F.I.O.) |
(imzo) | |
|
Ijrochi |
___________________ |
_____________ |
*Izoh: mazkur ustun hujjatga oʻzgartirish va qoʻshimchalar kiritilganda toʻldiriladi.
(2-ilova Oʻzbekiston Respublikasi Markaziy banki Boshqaruvining 2017-yil 11-noyabrdagi 31/2-sonli qarori (roʻyxat raqami 2536-1, 23.11.2017-y.) tahririda — Qonun hujjatlari maʼlumotlari milliy bazasi, 24.11.2017-y., 10/17/2536-1/0308-son)
Kapital harakati bilan bogʻliq ayrim valyuta operatsiyalarini amalga oshirish tartibi toʻgʻrisidagi nizomga
3-ILOVA
3-ILOVA
|
____________________________ning yakunlangan valyuta operatsiyalari toʻgʻrisida | ||||||||
| |
(rezidentning nomi) |
| | | | |||
|
MAʼLUMOT | ||||||||
|
T/r |
Valyuta operatsiyasi turi |
Valyuta operatsiyasi ijroga qabul qilingan sana |
Valyuta operatsiyasini amalga oshirish uchun asos boʻlgan hujjatning sanasi va raqami |
Valyuta operatsiyasining summasi va valyutasi |
Valyuta operatsiyasi boʻyicha kelib tushgan tushumlar (tovar, ish, xizmat) |
Valyuta operatsiyasi boʻyicha amalga oshirilgan toʻlovlar summasi |
Valyuta operatsiyasi hisobi yuritilishi tugatilgan sana |
Valyuta operatsiyasining tugatilishi uchun asos |
| |
1 |
2 |
3 |
4 |
5 |
6 |
7 |
8 |
| | | | | | | | | |
| 1. | | | | | | | | |
| 2. | | | | | | | | |
| | | | | | | | | |
| |
Bank rahbari |
|
___________ |
_________________ |
| |||
| | | | |
(imzo) |
(F.I.O.) |
| ||
| |
Ijrochi |
|
___________ |
_________________ |
| |||
| | | | |
(imzo) |
(F.I.O.) |
| ||
(Oʻzbekiston Respublikasi qonun hujjatlari toʻplami, 2013-y., 51-son, 670-modda; Qonun hujjatlari maʼlumotlari milliy bazasi, 24.11.2017-y., 10/17/2536-1/0308-son; Qonunchilik maʼlumotlari milliy bazasi, 28.07.2021-y., 10/21/3313/0724-son; 16.12.2025-y., 10/25/2536-2/1168-son)
