158-сон 05.06.2013. 2014 — 2018-yillar davrida Oʻzbekiston Respublikasi Suv xoʻjaligi vazirligi suv xoʻjaligi tashkilotlarining nasos-kuch asbob-uskunalarini bosqichma-bosqich yangilash chora-tadbirlari toʻgʻrisida

Hujjat kuchini yo‘qotgan " " 23.02.2019

O‘zbekiston Respublikasi Vazirlar Mahkamasining

qarori

2014 — 2018-yillar davrida O‘zbekiston Respublikasi Suv xo‘jaligi vazirligi suv xo‘jaligi tashkilotlarining nasos-kuch asbob-uskunalarini bosqichma-bosqich yangilash chora-tadbirlari to‘g‘risida

(qaror nomi O‘zbekiston Respublikasi Vazirlar Mahkamasining 2018-yil 7-dekabrdagi 995-sonli qarori tahririda — Qonun hujjatlari ma’lumotlari milliy bazasi, 10.12.2018-y., 09/18/995/2287-son)

LexUZ sharhi

Mazkur qaror O‘zbekiston Respublikasi Vazirlar Mahkamasining 2019-yil 23-fevraldagi 161-sonli “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “Idoralararo kollegial organlarni tubdan qisqartirish va yanada optimallashtirish chora-tadbirlari to‘g‘risida” 2018-yil 28-avgustdagi PF–5527-son Farmoni)”gi qaroriga asosan o‘z kuchini yo‘qotgan.

O‘zbekiston Respublikasi Prezidentining “O‘zbekiston Respublikasining 2013-yilgi asosiy makroiqtisodiy ko‘rsatkichlari prognozi va Davlat budjeti parametrlari to‘g‘risida” 2012-yil 25-dekabrdagi PQ-1887-son qarorini bajarish yuzasidan hamda suv xo‘jaligida zamonaviy energiyani tejaydigan texnologiyalar va asbob-uskunalarni joriy etish maqsadida Vazirlar Mahkamasi qaror qiladi:

1. O‘zbekiston Respublikasi Qishloq va suv xo‘jaligi vazirligi tomonidan Iqtisodiyot vazirligi, Moliya vazirligi va “O‘zbekenergo” davlat-aksiyadorlik kompaniyasi bilan birgalikda o‘tkazilgan suv xo‘jaligi tashkilotlarining nasos stansiyalari nasos-kuch asbob-uskunalarini yalpi xatlovdan o‘tkazish natijasida:

suv xo‘jaligi tashkilotlari nasos stansiyalarining ma’naviy va fizik eskirgan, zamonaviy energiyani tejaydigan asbob-uskunaga almashtirilishi kerak bo‘lgan 3944 ta (81%) elektr dvigatellari;

suv xo‘jaligi tashkilotlari nasos stansiyalarining ma’naviy va fizik eskirgan, 2014 — 2018-yillar mobaynida birinchi navbatda almashtirilishi talab etiladigan 1297 ta (32,9%) elektr dvigatellari;

nasos stansiyalarining eskirgan elektr dvigatellari tomonidan elektr energiyasining ortiqcha iste’moli zamonaviy energiyani tejaydigan asbob-uskunaga taqqoslaganda 10 — 15 foizgachani tashkil etishi aniqlanganligi ma’lumot uchun qabul qilinsin.

2. Quyidagilar:

O‘zbekiston Respublikasi Suv xo‘jaligi vazirligi suv xo‘jaligi tashkilotlarida nasos-kuch asbob-uskunalarini yangilash va elektr energiyasidan oqilona foydalanishga doir kompleks chora-tadbirlar 1-ilovaga muvofiq;

(2-bandning ikkinchi xatboshisi O‘zbekiston Respublikasi Vazirlar Mahkamasining 2018-yil 7-dekabrdagi 995-sonli qarori tahririda — Qonun hujjatlari ma’lumotlari milliy bazasi, 10.12.2018-y., 09/18/995/2287-son)

2014 — 2018-yillar davrida O‘zbekiston Respublikasi Suv xo‘jaligi vazirligi suv xo‘jaligi tashkilotlari nasos stansiyalarining elektr dvigatellarini bosqichma-bosqich almashtirishning prognoz parametrlari 2-ilovaga muvofiq tasdiqlansin.

(2-bandning uchinchi xatboshisi O‘zbekiston Respublikasi Vazirlar Mahkamasining 2018-yil 7-dekabrdagi 995-sonli qarori tahririda — Qonun hujjatlari ma’lumotlari milliy bazasi, 10.12.2018-y., 09/18/995/2287-son)

3. 2014 — 2018-yillar davrida Suv xo‘jaligi vazirligi suv xo‘jaligi tashkilotlarida nasos-kuch asbob-uskunalarini yangilash va elektr energiyasidan oqilona foydalanishga doir kompleks chora-tadbirlar amalga oshirilishini ta’minlash bo‘yicha 3-ilovaga muvofiq muvofiqlashtiruvchi ishchi guruh tashkil etilsin.

(3-bandning birinchi xatboshisi O‘zbekiston Respublikasi Vazirlar Mahkamasining 2018-yil 7-dekabrdagi 995-sonli qarori tahririda — Qonun hujjatlari ma’lumotlari milliy bazasi, 10.12.2018-y., 09/18/995/2287-son)

Muvofiqlashtiruvchi ishchi guruh:

har yili 1-aprelgacha suv xo‘jaligi tashkilotlarining nasos-kuch asbob-uskunalari texnik holati xatlovini tashkil etilishi va o‘tkazilishini;

har yili 1-iyungacha O‘zbekiston Respublikasi Suv xo‘jaligi vazirligi suv xo‘jaligi tashkilotlarining elektr dvigatellari zamonaviy energiyani tejaydigan asbob-uskunaga almashtirilishi kerak bo‘lgan ustuvor nasos stansiyalari ro‘yxatlari ko‘rib chiqilishi va tasdiqlanishini;

(3-bandning to‘rtinchi xatboshisi O‘zbekiston Respublikasi Vazirlar Mahkamasining 2018-yil 7-dekabrdagi 995-sonli qarori tahririda — Qonun hujjatlari ma’lumotlari milliy bazasi, 10.12.2018-y., 09/18/995/2287-son)

Suv xo‘jaligi vazirligi suv xo‘jaligi tashkilotlari rahbarlarining nasos-kuch asbob-uskunalarini yangilash va elektr energiyasidan oqilona foydalanish, elektr dvigatellarini bosqichma-bosqich almashtirishning prognoz parametrlarini ta’minlash bo‘yicha kompleks chora-tadbirlar bajarilishi to‘g‘risidagi hisobotlari har chorakda eshitilishini ta’minlasin.

(3-bandning beshinchi xatboshisi O‘zbekiston Respublikasi Vazirlar Mahkamasining 2018-yil 7-dekabrdagi 995-sonli qarori tahririda — Qonun hujjatlari ma’lumotlari milliy bazasi, 10.12.2018-y., 09/18/995/2287-son)

4. O‘zbekiston Respublikasi Suv xo‘jaligi vazirligi:

(4-bandning birinchi xatboshisi O‘zbekiston Respublikasi Vazirlar Mahkamasining 2018-yil 7-dekabrdagi 995-sonli qarori tahririda — Qonun hujjatlari ma’lumotlari milliy bazasi, 10.12.2018-y., 09/18/995/2287-son)

har yili 1-dekabrgacha — suv xo‘jaligi tashkilotlari nasos stansiyalarining elektr dvigatellarini zamonaviy energiyani tejaydigan asbob-uskunaga almashtirish bo‘yicha batafsil tarmoq jadvallari ishlab chiqilishi va Moliya vazirligi bilan kelishilishini, tasdiqlash uchun belgilangan tartibda Vazirlar Mahkamasiga kiritilishini;

2014 — 2018-yillar davrida Suv xo‘jaligi vazirligi suv xo‘jaligi tashkilotlari nasos stansiyalarining elektr dvigatellarini bosqichma-bosqich almashtirishning tasdiqlangan prognoz parametrlari doirasida zamonaviy energiyani tejaydigan asbob-uskunalar belgilangan tartibda sotib olinishini;

(4-bandning uchinchi xatboshisi O‘zbekiston Respublikasi Vazirlar Mahkamasining 2018-yil 7-dekabrdagi 995-sonli qarori tahririda — Qonun hujjatlari ma’lumotlari milliy bazasi, 10.12.2018-y., 09/18/995/2287-son)

suv xo‘jaligi tashkilotlarining nasos stansiyalaridan foydalanish va elektr energiyasining ajratilgan limitlaridan oqilona foydalanish ustidan qat’iy monitoring olib borish rejimi “O‘zbekenergo” davlat-aksiyadorlik kompaniyasi, Qoraqalpog‘iston Respublikasi Vazirlar Kengashi va viloyatlari hokimliklari bilan kelishgan holda har yili tasdiqlanishini;

har yili 1-fevralgacha — nasos-kuch asbob-uskunalarini yangilash uchun ajratilgan mablag‘lardan foydalanish, shuningdek suv xo‘jaligi tashkilotlarida elektr energiyasi limitlari to‘g‘risidagi ma’lumot O‘zbekiston Respublikasi Moliya vazirligiga kiritilishini ta’minlasin.

5. O‘zbekiston Respublikasi Moliya vazirligi:

2014-yildan boshlab har yili O‘zbekiston Respublikasi Davlat budjeti loyihasini tuzishda O‘zbekiston Respublikasi Suv xo‘jaligi vazirligining asoslangan hisob-kitoblari bo‘yicha nasos-kuch asbob-uskunalarini bosqichma-bosqich yangilashga, shu jumladan elektr energiyasiga haq to‘lashga xarajatlar bo‘yicha bo‘shab qoladigan mablag‘larni hisobga olgan holda suv xo‘jaligi tashkilotlari nasos stansiyalarining elektr dvigatellarini almashtirish uchun zarur budjetdan ajratiladigan mablag‘larni nazarda tutsin;

(5-bandning ikkinchi xatboshisi O‘zbekiston Respublikasi Vazirlar Mahkamasining 2018-yil 7-dekabrdagi 995-sonli qarori tahririda — Qonun hujjatlari ma’lumotlari milliy bazasi, 10.12.2018-y., 09/18/995/2287-son)

ajratilgan mablag‘lardan maqsadli foydalanish nazorat qilinishini ta’minlasin.

6. Mazkur qarorning bajarilishini nazorat qilish Qishloq va suv xo‘jaligi vazirining o‘rinbosari Sh.R. Xamrayev va O‘zbekiston Respublikasi Bosh vazirining o‘rinbosari G‘.I. Ibragimov zimmasiga yuklansin.

O‘zbekiston Respublikasining Bosh vaziri Sh. MIRZIYOYEV

Toshkent sh.,

2013-yil 5-iyun,

158-son

Vazirlar Mahkamasining 2013-yil 5-iyundagi 158-son qaroriga
1-ILOVA

(1-ilova nomi O‘zbekiston Respublikasi Vazirlar Mahkamasining 2018-yil 7-dekabrdagi 995-sonli qarori tahririda — Qonun hujjatlari ma’lumotlari milliy bazasi, 10.12.2018-y., 09/18/995/2287-son)

T/r‎	Chora-tadbirlar nomi‎	Bajarish muddati‎	Zarur mablag‘lar‎	Moliyalashtirish manbai‎	Mas’ul bajaruvchilar‎
‎I. Nasos-kuch asbob-uskunalari ishlashining ishonchliligini oshirish va elektr energiyasidan oqilona foydalanish bo‘yicha normativ-huquqiy bazani takomillashtirish
1.‎	Ustuvor nasos stansiyalarini, energiyani tejaydigan asbob-uskunaga almashtirilishi kerak bo‘lgan elektr dvigatellarini tanlash bo‘yicha idoraviy tartibni ishlab chiqish va tasdiqlash.‎	2014-yil ‎1-avgustgacha ‎	xarajatlar talab qilinmaydi‎	‎	Qishloq va suv xo‘jaligi vazirligi (Xamrayev), “O‘zbekenergo” DAK (Raimov), ‎Moliya vazirligi (Abdullayev), Toshkent ‎irrigatsiya va melioratsiya instituti ‎(Xamidov), Fanlar akademiyasining ‎Energetika va avtomatika ilmiy-tadqiqot ‎instituti (Muratov)
2.‎	Suv xo‘jaligi tashkilotlarining nasos stansiyalarida energiyani tejaydigan asbob-uskunalarni joriy etish samaradorligini baholash metodikasini ishlab chiqish va tasdiqlash.‎	2014-yil ‎1-avgustgacha ‎	xarajatlar smetasiga muvofiq‎	Qishloq va suv xo‘jaligi vazirligining budjet mablag‘lari ‎
3.‎	Nasos stansiyalaridan foydalanish va elektr energiyasidan oqilona foydalanish bo‘yicha amaldagi yo‘riqnomalarni to‘plash va tahlil qilish.‎	2013-yil ‎1-iyulgacha ‎	xarajatlar talab qilinmaydi‎	‎	Qishloq va suv xo‘jaligi vazirligi (Xamrayev), “O‘zbekenergo” DAK ‎(Raimov)‎
4.‎	Nasos stansiyalaridan ishonchli foydalanishni va ularni zamonaviy energiyani tejaydigan asbob-uskunaga almashtirish hisobga olingan holda suv xo‘jaligi tashkilotlarida elektr energiyasidan oqilona foydalanish bo‘yicha namunaviy yo‘riqnomalarni ishlab chiqish, tasdiqlash va bosqichma-bosqich yangilash.‎	2014 — 2018-yillar davrida jadvalga muvofiq ‎	xarajatlar smetasiga muvofiq‎	Suv ‎xo‘jaligi vazirligining budjet mablag‘lari ‎	Suv xo‘jaligi vazirligi (Xamrayev), “O‘zbekenergo” DAK ‎(Raimov)‎
5.‎	Suv xo‘jaligi tashkilotlarining har bir nasos stansiyasi uchun ularning aniq texnik parametrlarini hisobga olgan holda ishonchli foydalanishni ta’minlash va elektr energiyasidan oqilona foydalanish bo‘yicha yo‘riqnomalarni tayyorlash va tasdiqlash.‎	2014 — 2018-yillar davrida tasdiqlangan jadvalga muvofiq ‎	xarajatlar smetasiga muvofiq‎	Suv xo‘jaligi vazirligining budjet mablag‘lari ‎	Suv xo‘jaligi vazirligi ‎(Xamrayev), hududiy nasos stansiyalari, ‎energetika va aloqa boshqarmalari ‎
II. Qishloq va suv xo‘jaligi vazirligi suv xo‘jaligi tashkilotlarining elektr dvigatellari zamonaviy energiyani tejaydigan asbob-uskunaga almashtirilishi kerak bo‘lgan ustuvor nasos stansiyalari ro‘yxatlarini tuzish va tasdiqlash
6.	Suv xo‘jaligi vazirligi suv xo‘jaligi tashkilotlarining nasos stansiyalari nasos-kuch asbob-uskunalarining texnik holatini xatlovdan o‘tkazish bo‘yicha hududiy ishchi guruhlar tashkil etish hamda ularni zamonaviy energiyani tejaydigan asbob-uskunaga almashtirish, shuningdek elektr energiyasidan oqilona foydalanish bo‘yicha aniq takliflarni tayyorlash.‎	har yili ‎1-fevralgacha ‎		vazirliklar va idoralarning o‘z mablag‘lari	Suv xo‘jaligi vazirligi (Xamrayev), “O‘zbekenergo” DAK ‎hududiy bo‘linmalari (Basidov), ‎Moliya vazirligi (Abdullayev) va ‎Iqtisodiyot vazirligi (Shermatov) ‎hududiy organlari, Fanlar ‎akademiyasining Energetika va ‎avtomatika ilmiy-tadqiqot instituti (Muratov), “O‘zsuvloyiha” OAJ ‎(Najimov) ‎
	Nasos stansiyalarining nasos-kuch asbob-uskunalari texnik holatini xatlovdan o‘tkazish. ‎	har yili ‎1-aprelgacha ‎			Hududiy ishchi guruhlar ‎
	Nasos-kuch asbob-uskunalarining foydalanish parametrlarini to‘plash va tahlil qilish.‎	har yili ‎10-aprelgacha ‎			Hududiy ishchi guruhlar‎
7.‎‏	Suv xo‘jaligi tashkilotlarining elektr dvigatellari bo‘lajak yilda energiyani tejaydigan asbob-uskunaga almashtirilishi kerak bo‘lgan nasos stansiyalari ro‘yxatini tayyorlash.	har yili ‎ 10-aprelgacha ‎	‎xarajatlar talab qilinmaydi	‎	Hududiy ishchi guruhlar‎
7.‎‏	Irrigatsiya tizimlari havza boshqarmalarining suv xo‘jaligi kengashida suv xo‘jaligi tashkilotlarining elektr dvigatellari bo‘lajak yilda energiyani tejaydigan asbob-uskunaga almashtirilishi kerak bo‘lgan nasos stansiyalari ro‘yxati taqdimotini o‘tkazish va ko‘rib chiqish uchun Suv xo‘jaligi vazirligiga kiritish.‎	har yili ‎1-maygacha ‎	‎xarajatlar talab qilinmaydi	‎	Hududiy ishchi guruhlar, irrigatsiya ‎tizimlari havza boshqarmalari ‎
8.‎	Hududiy takliflarni tahlil qilish va suv xo‘jaligi tashkilotlarining elektr dvigatellari bo‘lajak yilda energiyani tejaydigan asbob-uskunaga almashtirilishi kerak bo‘lgan nasos stansiyalari ro‘yxatini tuzish. ‎	har yili ‎15-maygacha ‎	xarajatlar talab qilinmaydi		Suv xo‘jaligi vazirligi ‎(Xamrayev)‎
	Suv xo‘jaligi tashkilotlarining elektr dvigatellari zamonaviy energiyani tejaydigan asbob-uskunaga almashtirilishi kerak bo‘lgan ustuvor nasos stansiyalari ro‘yxatlarini ko‘rib chiqish va muvofiqlashtiruvchi ishchi guruhning bayonnomasi bilan tasdiqlash.‎	har yili ‎ 1-iyungacha ‎			Muvofiqlashtiruvchi ishchi guruh‎
	Suv xo‘jaligi tashkilotlarining elektr dvigatellari bo‘lajak yilda energiyani tejaydigan asbob-uskunaga almashtirilishi kerak bo‘lgan ustuvor nasos stansiyalarining tasdiqlangan ro‘yxatini ko‘rib chiqish va belgilangan tartibda moliyalashtirish uchun O‘zbekiston Respublikasi Moliya vazirligiga kiritish.‎	har yili ‎10-iyungacha ‎			Suv xo‘jaligi vazirligi ‎(Xamrayev)‎
III. Suv xo‘jaligi tashkilotlari nasos stansiyalarining nasos-kuch asbob-uskunalarini zamonaviy energiyani tejaydigan asbob-uskunaga yangilash
9.‎	Su� xo‘jaligi tashkilotlari nasos stansiyalarining elektr dvigatellarini zamonaviy energiyani tejaydigan asbob-uskunaga almashtirish bo‘yicha batafsil tarmoq jadvallarini ishlab chiqish va Moliya vazirligi bilan kelishish hamda tasdiqlash uchun Vazirlar Mahkamasiga kiritish.‎	har yili ‎1-dekabrgacha ‎	xarajatlar talab qilinmaydi‎	‎	Suv xo‘jaligi vazirligi ‎(Xamrayev)‎
10.‎	Suv xo‘jaligi tashkilotlari nasos stansiyalarining zamonaviy energiyani tejaydigan asbob-uskunalarini yetkazib berish va shef-montaj ishlarini amalga oshirish uchun pudrat tashkilotlarini aniqlash yuzasidan tanlov savdolari tashkil etish.‎	tarmoq jadvallariga muvofiq‎	xarajatlar smetasiga muvofiq‎	Suv xo‘jaligi vazirligining budjet mablag‘lari ‎	Suv xo‘jaligi vazirligi (Xamrayev), “Davarxitektqurilish” ‎qo‘mitasi (Mirzabayev), Moliya ‎vazirligi (Abdullayev), Tashqi ‎iqtisodiy aloqalar, investitsiyalar va ‎savdo vazirligi (Tulyaganov), Turon ‎bank (Alimov)‎
11.‎	Zamonaviy energiyani tejaydigan asbob-uskunalarni yetkazib berish va ularning shef-montaj qilish bo‘yicha kontraktlar pudrat tashkilotlari tomonidan sifatli va o‘z vaqtida bajarilishi ustidan qat’iy nazoratni amalga oshirish.‎	kontraktlar shartlariga muvofiq‎	xarajatlar talab qilinmaydi‎	‎	Su� xo‘jaligi vazirligi (Xamrayev), nasos stansiyalari va energetika boshqarmasi‎
12.‎	Suv olish limitlari bilan bog‘liqlikda suv xo‘jaligi tashkilotlari nasos stansiyalaridan foydalanish rejimini “O‘zbekenergo” DAK, Qoraqalpog‘iston Respublikasi Vazirlar Kengashi, viloyatlar hokimliklari bilan kelishgan holda tasdiqlash.‎	har yili 10-oktabrgacha va 10-aprelgacha ‎	xarajatlar talab qilinmaydi‎	‎	Suv xo‘jaligi vazirligi ‎(Xamrayev), ‎ “O‘zbekenergo” DAK (Basidov), Qoraqalpog‘iston Respublikasi Vazirlar Kengashi va viloyatlar hokimliklari ‎
13.‎	Suv xo‘jaligi vazirligi suv xo‘jaligi tashkilotlari rahbarlarining nasos-kuch asbob-uskunalarini yangilash va elektr energiyasidan oqilona foydalanish, elektr dvigatellarini bosqichma-bosqich almashtirish, shuningdek ularning samaradorligi prognoz paramet�larini ta’minlash bo‘yicha kompleks chora-tadbirlar bajarilishi to‘g‘risidagi hisobotlarini eshitish. ‎	yil choragi yakunlari bo‘yicha‎	xarajatlar talab qilinmaydi‎	‎	Muvofiqlashtiruvchi ishchi guruh‎
14.‎‏	Suv xo‘jaligi tashkilotlarida nasos-kuch asbob-uskunalarini yangilash va elektr energiyasidan oqilona foydalanish bo‘yicha kompleks chora-tadbirlar amalga oshirilishi yuzasidan monitoring olib borish.	har o‘n kunda‎	xarajatlar talab qilinmaydi		Suv xo‘jaligi vazirligi (Xamrayev), nasos stansiyalari va energetika boshqarmasi
14.‎‏	Suv xo‘jaligi tashkilotlarida nasos-kuch asbob-uskunalarini yangilash va elektr energiyasidan oqilona foydalanish, nasos-kuch asbob-uskunalarini yangilashga ajratilgan mablag‘lardan, shuningdek elektr energiyasi limitlaridan maqsadli foydalanishni ta’minlash bo‘yicha kompleks chora-tadbirlar amalga oshirilishi natijalarini tahlil qilish hamda O‘zbekiston Respublikasi Vazirlar Mahkamasiga va Moliya vazirligiga axborot kiritish.	har yili ‎1-fevralgacha ‎	xarajatlar talab qilinmaydi
IV. Suv xo‘jaligi tashkilotlarining nasos stansiyalarida elektr energiyasidan tejab va oqilona foydalanish bo‘yicha ‎ ilmiy-ishlab chiqarish ishlari
15.‎	Nasos stansiyalarining o‘z ehtiyojlarini elektr bilan ta’minlash uchun energiyaning tiklanadigan manbalarini joriy etish. ‎	ilmiy-tadqiqot ishlari rejasiga muvofiq	xarajatlar smetasiga muvofiq	Suv xo‘jaligi vazirligining budjet mablag‘lari, xalqaro moliya, iqtisodiyot institutlarining grant mablag‘lari ‎‏	Qishloq va suv xo‘jaligi vazirligi ‎(Xamrayev), ‎Fanlar akademiyasining Energetika ‎ va avtomatika ilmiy-tadqiqot instituti (Muratov), Quyosh fizikasi ilmiy-ishlab chiqarish birlashmasi (Lutpullayev), Toshkent davlat texnika universiteti (Saidaxmedov)
16.‎	Suv xo‘jaligi inshootlarida suv resurslarini boshqarishda energiyaning tiklanadigan manbalaridan foydalanish bo‘yicha ko‘rgazma uchastkalarini tashkil etish.‎	ilmiy-tadqiqot ishlari rejasiga muvofiq
17.‎	Suv xo‘jaligi vazirligi suv xo‘jaligi tashkilotlarining nasos stansiyalaridan foydalanish bo‘yicha kadrlar malakasi muntazam ravishda oshirilishini tashkil etish. ‎	2014 — 2018-yillar davrida jadval bo‘yicha ‎

(1-ilova O‘zbekiston Respublikasi Vazirlar Mahkamasining 2018-yil 7-dekabrdagi 995-sonli qarori tahririda — Qonun hujjatlari ma’lumotlari milliy bazasi, 10.12.2018-y., 09/18/995/2287-son)

Vazirlar Mahkamasining 2013-yil 5-iyundagi 158-son qaroriga
2-ILOVA

2014 — 2018-yillar davrida O‘zbekiston Respublikasi Suv xo‘jaligi vazirligi suv xo‘jaligi tashkilotlari nasos stansiyalarining elektr dvigatellarini bosqichma-bosqich almashtirishning prognoz

(2-ilova nomi O‘zbekiston Respublikasi Vazirlar Mahkamasining 2018-yil 7-dekabrdagi 995-sonli qarori tahririda — Qonun hujjatlari ma’lumotlari milliy bazasi, 10.12.2018-y., 09/18/995/2287-son)

parametrlari

‎‎dona
№‎‏	Suv xo‘jaligi tashkilotlari nomi‎‏	2014 — 2018 ‎ yillarda jami	shu jumladan yillar bo‘yicha:
№‎‏	Suv xo‘jaligi tashkilotlari nomi‎‏	2014 — 2018 ‎ yillarda jami	2014-y.‎	2015-y.‎	2016-y.‎	2017-y.‎	2018-y.‎
1.‎	Qoraqalpog‘iston NSvaEB*‎	83‎	13‎	15‎	16‎	18‎	21‎
2.‎	Beruniy NSvaEB	29‎	4‎	5‎	6‎	7‎	7‎
3.‎	Andijon NSvaEB	89‎	14‎	15‎	18‎	20‎	22‎
4.‎	Buxoro NSvaEB	42‎	5‎	12‎	5‎	12‎	8‎
5.‎	Jizzax NSvaEB‎	36‎	4‎	6‎	7‎	9‎	10‎
6.‎	Qashqadaryo NSvaEB	87‎	14‎	15‎	17‎	19‎	22‎
7.‎	Navoiy NSvaEB	64‎	13‎	18‎	19‎	14‎	0‎
8.‎	Namangan NSvaEB	157‎	24‎	27‎	30‎	34‎	42‎
9.‎	Samarqand NSvaEB	115‎	15‎	16‎	19‎	21‎	44‎
10.‎	Sirdaryo NSvaEB	31‎	5‎	6‎	6‎	7‎	7‎
11.‎	Surxondaryo NSvaEB	72‎	19‎	18‎	19‎	10‎	6‎
12.‎	Toshkent NSvaEB	65‎	10‎	11‎	13‎	15‎	16‎
13.‎	Farg‘ona NSvaEB	229‎	35‎	40‎	45‎	51‎	58‎
14.‎	Xorazm NSvaEB	145‎	22‎	25‎	29‎	32‎	37‎
15.‎	Amu-Buxoro mashina kanalini ishlatish boshqarmasi‎	25‎	3‎	4‎	5‎	6‎	7‎
16.‎	Qarshi mashina kanalidan foydalanish boshqarmasi‎	10‎	1‎	2‎	2‎	2‎	3‎
17.‎	“Mirzacho‘l” nasos stansiyalaridan foydalanish boshqarmasi‎	18‎	3‎	4‎	4‎	3‎	4‎
‎‎Jami		1297‎	204‎	239‎	260‎	280‎	314‎

Izoh: * Nasos stansiyalari va energetika boshqarmasi.

(2-ilova O‘zbekiston Respublikasi Vazirlar Mahkamasining 2018-yil 7-dekabrdagi 995-sonli qarori tahririda — Qonun hujjatlari ma’lumotlari milliy bazasi, 10.12.2018-y., 09/18/995/2287-son)

Vazirlar Mahkamasining 2013-yil 5-iyundagi 158-son qaroriga
3-ILOVA

2014 — 2018-yillar davrida Suv xo‘jaligi vazirligi suv xo‘jaligi tashkilotlarida nasos-kuch asbob-uskunalarini yangilash va elektr energiyasidan oqilona foydalanishga doir kompleks chora-tadbirlar amalga oshirilishini ta’minlash bo‘yicha muvofiqlashtiruvchi ishchi guruh

(3-ilova nomi O‘zbekiston Respublikasi Vazirlar Mahkamasining 2018-yil 7-dekabrdagi 995-sonli qarori tahririda — Qonun hujjatlari ma’lumotlari milliy bazasi, 10.12.2018-y., 09/18/995/2287-son)

tarkibi

Xamrayev Sh.‎	—‎	Suv xo‘jaligi vaziri,muvofiqlashtiruvchi ishchi guruh rahbari‎
Abdullayev M.‎	—‎	Moliya vazirining o‘rinbosari‎
Shermatov S.‎	—‎	Iqtisodiyot vazirining o‘rinbosari ‎
Raimov R.‎	—‎	“O‘zbekenergo” davlat-aktsiyadorlik kompaniyasi raisining o‘rinbosari‎
Murodov X.‎	—‎	O‘zbekiston Respublikasi Fanlar akademiyasining Energetika ‎va avtomatika ilmiy-tekshirish instituti direktori‎
Mahmudov I.‎	—‎	Toshkent irrigatsiya va qishloq xo‘jaligini mexanizatsiyalash muhandislari instituti huzuridagi Irrigatsiya va suv muammolari instituti direktori vazifasini bajaruvchi
Shomayramov M.‎	—‎	O‘zbekiston Respublikasi Suv xo‘jaligi vazirligining Nasos stansiyalari va energetika boshqarmasi boshlig‘i‎
Toshpulotov N.‎	—‎	Toshkent irrigatsiya va qishloq xo‘jaligini mexanizatsiyalash muhandislari institutining kafedra mudiri‎

Izoh: muvofiqlashtiruvchi ishchi guruh a’zolari boshqa ishga o‘tgan taqdirda uning tarkibiga ushbu lavozimga yangi tayinlangan yoki tegishli funksiyalar yuklangan shaxslar kiritiladi.

(3-ilova O‘zbekiston Respublikasi Vazirlar Mahkamasining 2018-yil 7-dekabrdagi 995-sonli qarori tahririda — Qonun hujjatlari ma’lumotlari milliy bazasi, 10.12.2018-y., 09/18/995/2287-son)

(O‘zbekiston Respublikasi qonun hujjatlari to‘plami, 2013-y., 23-son, 305-modda; 2016-y., 17-son, 176-modda; 2017-y., 34-son, 899-modda; Qonun hujjatlari ma’lumotlari milliy bazasi, 10.12.2018-y., 09/18/995/2287-son)