|
Hujjat kuchini yo‘qotgan " " 10.10.2017
|
Oʻzbekiston Respublikasi Prezidentining
Qarori
Oʻzbekiston Respublikasi Adliya vazirligi huzuridagi Sud qarorlarini ijro etish, sudlar faoliyatini moddiy-texnika jihatidan va moliyaviy taʼminlash departamenti faoliyatini yanada takomillashtirish chora-tadbirlari toʻgʻrisida
LexUZ sharhiMazkur qaror Oʻzbekiston Respublikasi Prezidentining 2017-yil 9-oktabrdagi PF-5200-sonli “Oʻzbekiston Respublikasi Prezidentining ayrim hujjatlariga oʻzgartish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida”gi Farmoniga asosan oʻz kuchini yoʻqotgan.
Sud qarorlarining soʻzsiz ijro etilishini taʼminlash, Oʻzbekiston Respublikasi Adliya vazirligi huzuridagi Sud qarorlarini ijro etish, sudlar faoliyatini moddiy-texnika jihatidan va moliyaviy taʼminlash departamenti (keyingi oʻrinlarda – Sud departamenti) faoliyati samaradorligini yanada oshirish, uning kadrlar salohiyatini mustahkamlash, sud ijrochilarining mehnatini moddiy ragʻbatlantirish tizimini takomillashtirish maqsadida:
1. Bajarilayotgan ishlarning murakkabligi, hajmi va samaradorligini hisobga olgan holda birinchi, ikkinchi va uchinchi toifadagi sud ijrochilarining tuman (shahar) boʻlimlarini oʻz ichiga olgan sud ijrochilarining tuman (shahar) boʻlimlarini toifalashtirish tizimi joriy etilsin.
Bunda, belgilansinki:
birinchi toifadagi sud ijrochilarining boʻlimlariga shahar boʻlimlari, shuningdek ijro hujjatlarining oʻrtacha yillik hajmi 15 mingtadan ortiq, 250 mingdan ortiq aholisi boʻlgan hududga xizmat koʻrsatuvchi sud ijrochilarining tuman boʻlimlari kiradi;
ikkinchi toifadagi sud ijrochilari boʻlimlariga ijro hujjatlarining oʻrtacha yillik hajmi 8 mingtadan ortiq hamda 100 mingdan 250 minggacha aholisi boʻlgan hududga xizmat koʻrsatuvchi sud ijrochilarining tuman boʻlimlari kiradi;
uchinchi toifaga boshqa sud ijrochilarining boʻlimlari kiradi.
Toifalashtirilgan boʻlimlar roʻyxati 1-ilovaga muvofiq tasdiqlansin.
2. 2013-yil 1-yanvardan boshlab:
birinchi toifadagi tuman (shahar) boʻlimlari sud ijrochilarining mehnatiga haq toʻlash tarif razryadi 2 tarif razryadiga, ikkinchi toifadagi boʻlimlarda – 1 tarif razryadiga 2-ilovaga muvofiq oshirilsin;
ijro hujjatlari boʻyicha undirilayotgan mablagʻlarning davlat daromadiga qaytarilishi boʻyicha ish samaradorligi uchun sud ijrochilarining lavozim maoshiga oylik ustama haqi miqdorlari 3-ilovaga muvofiq oʻrnatilsin.
Belgilansinki, sud ijrochilariga ish samaradorligi uchun ustama haqini toʻlash Sudlar va adliya organlarini rivojlantirish jamgʻarmasi mablagʻlari hisobidan amalga oshiriladi.
3. Oʻzbekiston Respublikasi Adliya vazirligi va Moliya vazirligining:
nisbatan ish hajmi kamroq boʻlgan tumanlardan 160 nafar sud ijrochisi lavozimlarini katta hajmdagi ijro ish yuritishlar mavjud boʻlgan tumanlarga oʻtkazish orqali sud ijrochilarining tuman (shahar) boʻlimlari xodimlari sonini qayta taqsimlash toʻgʻrisidagi;
bir-birini takrorlovchi va ortiqcha 28 nafar lavozimlarni qisqartirish hamda boʻshagan shtat birliklarini Sud departamentining hududiy (viloyat) boshqarmalarida tashkiliy nazorat ishi va ish yurituvni mustahkamlashga yoʻnaltirish yoʻli bilan markaziy apparat va hududiy (viloyat) boshqarmalar xodimlari sonini optimallashtirish toʻgʻrisidagi;
sud ijrochilarining tuman (shahar) boʻlimlari tuzilmasiga 1 nafardan ish yurituvchi-kotib, Sud departamentining hududiy (viloyat) boshqarmalarida 1 nafardan arxivarius lavozimini kiritish orqali Sud departamentining quyi boʻlinmalarini mustahkamlash toʻgʻrisidagi takliflari qabul qilinsin.
Belgilansinki, arxivarius va ish yurituvchi-kotib lavozimlarini joriy etish bilan bogʻliq xarajatlar Sudlar va adliya organlarini rivojlantirish jamgʻarmasi mablagʻlari hisobidan qoplanadi.
4. Sud departamentiga qonun hujjatlariga muvofiq uning vakolatiga kiruvchi ishlar boʻyicha surishtiruvni amalga oshirish vazifasi yuklatilishi munosabati bilan:
Sud departamenti markaziy apparatida – 3 nafar boshqaruv xodimidan iborat surishtiruv va maʼmuriy amaliyot boʻlimi;
Sud departamentining hududiy (viloyat) boshqarmalarida – har birida 3 nafargacha surishtiruvchilardan, jami 34 nafar boshqaruv xodimlaridan iborat surishtiruv sektorlari tashkil etilsin.
Belgilansinki, Sud departamentining surishtiruv va maʼmuriy amaliyot boʻyicha tashkil etilayotgan boʻlinmalari Davlat budjeti mablagʻlari hisobidan shakllantiriladi.
Quyidagilar koʻrsatilgan boʻlinmalarning asosiy vazifalari etib belgilansin:
sud qarorini bajarmaslikka, band solingan mol-mulkni qonunga xilof ravishda tasarruf etishga, shuningdek voyaga yetmagan yoki mehnatga layoqatsiz shaxslarni, ota-onani moddiy taʼminlashdan boʻyin tovlashga doir jinoyatlar boʻyicha surishtiruv olib borish;
ijro hujjatlari talablarini ijro etmaslik va ijro ish yuritish toʻgʻrisidagi qonun hujjatlarini buzish bilan bogʻliq maʼmuriy huquqbuzarlik toʻgʻrisidagi ishlarni aniqlash, rasmiylashtirish va koʻrib chiqish boʻyicha faoliyatni tizimli tahlil etishni tashkillashtirish, shuningdek maʼmuriy ish yurituv, maʼmuriy huquqbuzarliklarni hisobga olish va statistikasini yuritishning yagona amaliyotini taʼminlash;
sud hujjatlari va boshqa organlar hujjatlarini ijro etishdan boʻyin tovlash yoki ijro etilishiga toʻsqinlik qilish bilan bogʻliq huquqbuzarliklarning oldini olish va yoʻl qoʻymaslik, shuningdek profilaktika qilish boʻyicha kompleks chora-tadbirlarni ishlab chiqish va amalga oshirish.
5. Sud ijrochilarining faoliyatida kompyuter, axborot-kommunikatsiya texnologiyalaridan keng foydalanilishini taʼminlash maqsadida:
Sud departamenti markaziy apparatida – 3 nafar boshqaruv xodimidan iborat axborot taʼminoti va mol-mulkni qidiruv boʻlimi;
Sud departamentining hududiy (viloyat) boshqarmalarida – har birida 3 nafargacha xodimdan, jami 42 nafar boshqaruv xodimlaridan iborat axborot taʼminoti va mol-mulkni qidiruv sektorlari tashkil etilsin.
Belgilansinki, Sud departamentining axborot taʼminoti va mol-mulkni qidiruv boʻyicha tashkil etilayotgan boʻlinmalari Davlat budjeti mablagʻlari hisobidan shakllantiriladi.
Quyidagilar koʻrsatilgan boʻlinmalarning asosiy vazifalari etib belgilansin:
ijro hujjatlarining elektron maʼlumotlar bazasini yaratish, ular hisobini yuritishning hamda sud qarorlari, qonun hujjatlarida belgilangan organlarning hujjatlarini ijro etish muddatlariga rioya etilishini nazorat qilish mexanizmlarini joriy etish;
qarzdorlarning mol-mulkini qidirishda, ijro ish yuritishning boshqa vazifalarini bajarishda banklar, davlat soliq xizmati organlari, “Yergeodezkadastr” Davlat qoʻmitasi organlari, boshqa moliya-kredit tashkilotlari, huquqni muhofaza qiluvchi va roʻyxatdan oʻtkazuvchi organlar bilan elektron maʼlumot almashinuvni tashkillashtirish;
umumiy yurisdiksiya sudlari, xoʻjalik sudlari, ijro hujjatlarini bergan boshqa organlar bilan sud hujjatlari va boshqa organlar hujjatlarining tezkor va oʻz vaqtida ijro etilishiga qaratilgan oʻzaro elektron, axborot-kommunikatsiya hamkorlikni amalga oshirish;
sud ijrochilariga qonun hujjatlari bilan yuklatilgan vazifalarni oʻz vaqtida, sifatli bajarilishi ustidan nazorat qilishni va tizimli monitoringini amalga oshirishni tashkil etishga axborot-kommunikatsiya vositalari va texnologiyalarni joriy etish;
huquqni muhofaza qiluvchi va roʻyxatdan oʻtkazuvchi organlar, moliya-kredit tashkilotlari bilan oʻzaro elektron axborot hamkorlikni amalga oshirishda qarzdorlarning shaxsiy maʼlumotlarining sir tutilishini taʼminlash; shuningdek Sud departamentining Yagona axborot-kompyuter tarmogʻiga samarali xizmat koʻrsatish va texnik qoʻllab quvvatlash hamda xavfsizligini taʼminlash.
Oldingi tahrirga qarang.
(6-band Oʻzbekiston Respublikasi Prezidentining 2017-yil 30-maydagi PQ-3016-sonli qaroriga asosan oʻz kuchini yoʻqotgan — OʻR QHT, 2017-y., 22-son, 425-modda)
7. Oʻzbekiston Respublikasi Markaziy banki, Ichki ishlar vazirligi, Davlat soliq qoʻmitasi, boshqa vazirlik va idoralar, tijorat banklari qarzdorlarning mol-mulkini qidirishda sud ijrochilari bilan axborot-kommunikatsiya texnologiyalaridan foydalangan holda belgilangan tartibda oʻzaro tezkor hamkorlikni taʼminlasin.
8. Oʻzbekiston Respublikasi Moliya vazirligi:
Adliya vazirligi bilan birgalikda Sud departamenti va uning hududiy (viloyat) boshqarmalari xarajatlar smetasi va shtatlar jadvaliga mazkur qaror talablariga muvofiq oʻzgartirishlar kiritsin;
mazkur qarorni amalga oshirish bilan bogʻliq qoʻshimcha xarajatlarning Davlat budjeti parametrlari doirasida moliyalashtirilishini taʼminlasin.
9. Oʻzbekiston Respublikasi Adliya vazirligi:
Sud departamentining surishtiruv vazifasini bajaradigan xodimlarini Adliya vazirligi huzuridagi Yuristlar malakasini oshirish markazida tizimli ravishda tayyorlanishi va qayta tayyorlanishini taʼminlasin, bunda Sud departamenti boʻlinmalariga yangi ishga qabul qilinayotgan xodimlarga alohida eʼtibor qaratsin;
bir oy muddatda sud ijrochilarining formali kiyim-bosh namunalari hamda Sud departamenti maxsus avtotransport vositalari boʻyoqlarining rangli grafik sxemalarini tasdiqlashni nazarda tutuvchi “Sud hujjatlari va boshqa organlar hujjatlarini ijro etish toʻgʻrisida”gi Oʻzbekiston Respublikasi Qonunining 83 va 90-moddalari talablarini amalga oshirish boʻyicha takliflar kiritsin;
idoraviy normativ-huquqiy hujjatlarni mazkur qaror talablariga muvofiqlashtirsin.
10. Oʻzbekiston Respublikasining ayrim qonun hujjatlariga 7-ilovaga muvofiq oʻzgartish va qoʻshimchalar kiritilsin.
11. Mazkur qarorning bajarilishini nazorat qilish Oʻzbekiston Respublikasi Bosh vaziri Sh. Mirziyoyev va Oʻzbekiston Respublikasi Prezidentining Davlat maslahatchisi vazifasini bajaruvchi B. Kokanbayev zimmasiga yuklansin.
Oʻzbekiston Respublikasi Prezidenti I. KARIMOV
Toshkent sh.,
2012-yil 29-dekabr,
PQ-1900-son
Oʻzbekiston Respublikasi Prezidentining 2012-yil 29-dekabrdagi PQ-1900-son qaroriga
1-ILOVA
1-ILOVA
Toifalashtirilgan sud ijrochilarining tuman (shahar) boʻlimlari
ROʻYXATI
|
№ |
Hududlar |
Sud ijrochilarining tuman (shahar) boʻlimlari | ||
|
1-toifa |
2-toifa |
3-toifa | ||
|
1. |
Qoraqalpogʻiston Respublikasi |
Nukus shahri |
Qoʻngʻirot tumani |
Taxiatosh shahri |
|
2. |
Andijon viloyati |
Andijon shahri |
Andijon tumani |
Xoʻjaobod tumani |
|
3. |
Buxoro viloyati |
Buxoro shahri |
Romitan tumani |
Buxoro tumani |
|
4. |
Jizzax viloyati |
Jizzax shahri |
Jizzax tumani |
Arnasoy tumani |
|
5. |
Qashqadaryo viloyati |
Qarshi shahri |
Qarshi tumani |
Dehqonobod tumani |
|
6. |
Navoiy viloyati |
Navoiy shahri |
Karmana tumani |
Navbahor tumani |
|
7. |
Namangan viloyati |
Namangan shahri |
Toʻraqoʻrgʻon tumani |
Kosonsoy tumani |
|
8. |
Samarqand viloyati |
Samarqand shahri |
Kattaqoʻrgʻon tumani |
Tayloq tumani |
|
9. |
Sirdaryo viloyati |
Guliston shahri |
Sirdaryo tumani |
Yangiyer shahri |
|
10. |
Surxondaryo viloyati |
Termiz shahri |
Denov tumani |
Angor tumani |
|
11. |
Fargʻona viloyati |
Fargʻona shahri |
Bagʻdod tumani |
Yozyovon tumani |
|
12. |
Xorazm viloyati |
Urganch shahri |
Gurlan tumani |
Bogʻot tumani |
|
13. |
Toshkent viloyati |
Angren shahri |
Qibray tumani |
Quyichirchiq tumani |
|
14. |
Toshkent shahri |
Uchtepa tumani |
- |
- |
|
Jami |
40 |
81 |
73 | |
Izoh:
mazkur roʻyxatga ushbu qarorda oʻrnatilgan koʻrsatkichlardan kelib chiqib, Oʻzbekiston Respublikasi Vazirlar Mahkamasi tomonidan oʻzgartirishlar kiritilishi mumkin.
(1-ilova Oʻzbekiston Respublikasi Prezidentining 2014-yil 9-sentabrdagi PQ-2234-sonli qarori tahririda — OʻR QHT, 2014-y., 37-son, 466-modda)
Oʻzbekiston Respublikasi Prezidentining 2012-yil 29-dekabrdagi PQ-1900-son qaroriga
2-ILOVA
2-ILOVA
Sud ijrochilarining tuman (shahar) boʻlimlari xodimlari mehnatiga haq toʻlashning YaTS boʻyicha razryadlari
|
Lavozim nomi |
Mehnatga haq toʻlashning YaTS boʻyicha razryadlari | ||
|
1-toifa |
2-toifa |
3-toifa | |
|
Boʻlim boshligʻi — katta sud ijrochisi |
11 | 10 | 9 |
|
Sud ijrochisi |
10 | 9 | 8 |
Oʻzbekiston Respublikasi Prezidentining 2012-yil 29-dekabrdagi PQ-1900-son qaroriga
3-ILOVA
3-ILOVA
Sud ijrochilarining tuman (shahar) boʻlimlari sud ijrochilari lavozim maoshlariga ish samaradorligi uchun oylik ustama haqi
MIQDORLARI
|
Budjetga undiruv |
Lavozim maoshlariga ustama haq miqdori | ||
| 1-toifa boʻlimlarda |
2-toifa boʻlimlarda |
3-toifa boʻlimlarda | |
|
70 dan 80 foizgacha |
30 | 25 | 20 |
|
80 dan 90 foizgacha |
35 | 30 | 25 |
| 90 foizdan yuqori |
40 |
35 |
30 |
*Izoh:
undiruv koʻrsatkichi budjetga amalda undirilgan mablagʻlarning budjetga undirilishi lozim boʻlgan jami summadagi foizli ulushi sifatida belgilanadi. Bunda, qonun hujjatlarida belgilangan tartibda undirilishi toʻxtatilgan, kechiktirilgan (boʻlib-boʻlib toʻlash belgilangan), tugatilgan va undirish imkoniyati yoʻqligi tufayli tamomlangan ijro hujjatlari summalari hisobga olinmaydi.
Ish samaradorligi uchun oylik ustama haq miqdori chorak yakunlariga koʻra budjetga undiruvni nazarda tutuvchi ijro hujjatlari boʻyicha sud ijrochilarining tuman (shahar) boʻlimlarining ish koʻrsatkichlaridan kelib chiqib, Sud departamenti direktori tomonidan belgilanadi.
Oldingi tahrirga qarang.
(4-ilova Oʻzbekiston Respublikasi Prezidentining 2017-yil 30-maydagi PQ-3016-sonli qaroriga asosan oʻz kuchini yoʻqotgan — OʻR QHT, 2017-y., 22-son, 425-modda)
Oldingi tahrirga qarang.
(5-ilova Oʻzbekiston Respublikasi Prezidentining 2017-yil 30-maydagi PQ-3016-sonli qaroriga asosan oʻz kuchini yoʻqotgan — OʻR QHT, 2017-y., 22-son, 425-modda)
Oldingi tahrirga qarang.
(6-ilova Oʻzbekiston Respublikasi Prezidentining 2017-yil 30-maydagi PQ-3016-sonli qaroriga asosan oʻz kuchini yoʻqotgan — OʻR QHT, 2017-y., 22-son, 425-modda)
Oʻzbekiston Respublikasi Prezidentining 2012-yil 29-dekabrdagi PQ-1900-son qaroriga
7-ILOVA
7-ILOVA
Oʻzbekiston Respublikasining ayrim qonun hujjatlariga kiritilayotgan oʻzgartish va qoʻshimchalar
1. Oʻzbekiston Respublikasi Prezidentining “Oʻzbekiston Respublikasi Adliya vazirligi huzuridagi Sud qarorlarini ijro etish, sudlar faoliyatini moddiy-texnika jihatidan va moliyaviy taʼminlash departamenti faoliyatini yanada takomillashtirish chora-tadbirlari toʻgʻrisida”gi 2006-yil 31-avgustdagi PQ–458-son qarorida:
1) 4-bandning ikkinchi xatboshi chiqarib tashlansin;
2) 7-bandning ikkinchi xatboshidan “baholovchilarni tanlov asosida tanlab olish mexanizmini joriy etishni, shuningdek” soʻzlari chiqarib tashlansin;
3) Oʻzbekiston Respublikasi Adliya vazirligi huzuridagi Sud qarorlarini ijro etish, sudlar faoliyatini moddiy-texnika jihatidan va moliyaviy taʼminlash departamenti toʻgʻrisidagi nizomda:
a) 5-band quyidagi mazmundagi xatboshilar bilan toʻldirilsin:
“Sud departamenti faoliyatiga aralashish, shuningdek ijro hujjatining qonuniy ijro etilishiga toʻsqinlik qilish maqsadida Sud departamenti organiga yoki sud ijrochisiga har qanday shaklda taʼsir koʻrsatish taqiqlanadi va qonunda belgilangan tartibda javobgarlikka sabab boʻladi.
Oʻzbekiston Respublikasi Adliya vazirligi Sud departamentining faoliyatini muvofiqlashtirish va meʼyoriy-uslubiy taʼminlash yoʻli bilan Sud departamenti faoliyatiga rahbarlik qiladi hamda Sud departamenti faoliyati ustidan nazoratni amalga oshiradi”;
b) 6-bandning ikkinchi xatboshi quyidagi tahrirda bayon etilsin:
“Sud departamenti Sudlar va adliya organlarini rivojlantirish jamgʻarmasi hisobidan oʻrnatilgan boshqaruv xodimlari sonining 10 foizigacha boʻlgan doirada qoʻshimcha boshqaruv xodimlarini taʼminlashga haqli”;
v) 7-band quyidagi mazmundagi toʻqqizinchi xatboshi bilan toʻldirilsin:
“Oʻzbekiston Respublikasi Jinoyat-protsessual kodeksida va Oʻzbekiston Respublikasi Maʼmuriy javobgarlik toʻgʻrisidagi kodeksida belgilangan vakolat doirasida va tartibda surishtiruv va maʼmuriy amaliyotni yuritadi”;
“sud hujjatlari va boshqa organlar hujjatlari majburiy ijrosini taʼminlashda, shu jumladan qarzdorlarning pul mablagʻlari va boshqa mol-mulkini qidirishda davlat organlari, kredit va boshqa tashkilotlar bilan oʻzaro hamkorlik qiladi, ushbu maqsadlarda koʻrsatilgan davlat organlarining maʼlumotlar bazalaridan belgilangan tartibda foydalanadi;
qonunga muvofiq Sud departamenti organlari vakolatiga taalluqli ishlar boʻyicha surishtiruvni amalga oshiradi;
Sud departamenti organlariga taalluqli maʼmuriy ishlarni koʻradi va maʼmuriy jazolar qoʻllaydi”;
toʻrtinchi — oʻn yettinchi xatboshilar tegishli ravishda yettinchi — yigirmanchi xatboshilar deb hisoblansin;
d) 9-bandda:
ikkinchi va uchinchi xatboshilar chiqarib tashlansin;
toʻrtinchi, beshinchi va oltinchi xatboshilar tegishli ravishda ikkinchi, uchinchi va toʻrtinchi xatboshilar deb hisoblansin;
e) 10-band quyidagi tahrirda bayon etilsin:
“10. Sud hujjatlari va boshqa organlar hujjatlarining majburiy ijrosini amalga oshirish jarayonida Sud departamentining mansabdor shaxslari quyidagi huquqlarga ega:
davlat organlaridan va boshqa organlardan, tashkilotlardan hamda ularning mansabdor shaxslaridan zarur hujjatlar va maʼlumotlar olish;
davlat organlariga va boshqa organlarga, tashkilotlarga va ularning mansabdor shaxslariga, shuningdek fuqarolarga bajarilishi majburiy boʻlgan koʻrsatmalar berish;
ishlayotgan qarzdorlarga nisbatan korxonalar, muassasalar va tashkilotlarda sud hujjatlari va boshqa organlar hujjatlarining ijro etilishini hamda moliyaviy hujjatlarning yuritilishini ijro ishi yuritishga muvofiq tekshiruvdan oʻtkazish;
ijro ishi yuritishda ishtirok etayotgan shaxslarga muayyan ijro harakatlarini amalga oshirish masalalari yuzasidan topshiriqlar berish;
qarzdorlar egallab turgan yoki ularga qarashli boʻlgan joylarga, shu jumladan turar joylarga va omborlarga kirish, zarur boʻlgan hollarda joylar hamda omborlarni majburan ochish, xolislar ishtirokida koʻzdan kechirish;
oʻzga shaxslarda qarzdorga tegishli boʻlgan mol-mulk borligini tasdiqlovchi hujjatli maʼlumotlar mavjud boʻlganda, oʻzga shaxslar egallab turgan yoki ularga qarashli boʻlgan joylarga va omborlarga kirish, zarur boʻlgan hollarda ushbu joylar va omborlarni majburan ochish hamda xolislar ishtirokida koʻzdan kechirish;
oʻzga shaxslarda qarzdorga tegishli boʻlgan mol-mulk borligini tasdiqlovchi hujjatli maʼlumotlar mavjud boʻlmaganda, sud ajrimi asosida oʻzga shaxslar egallab turgan yoki ularga qarashli boʻlgan joylarga va omborlarga kirish, zarur boʻlgan hollarda ushbu joylar va omborlarni majburan ochish hamda xolislar ishtirokida koʻzdan kechirish;
qonun hujjatlariga muvofiq mol-mulkni xatlash, xatlangan mol-mulkni olib qoʻyish, saqlashga topshirish va realizatsiya qilish;
qarzdorning banklardagi va boshqa kredit tashkilotlaridagi hisobvaraqlarida, omonatlarida turgan yoki saqlash uchun qoʻyilgan pul mablagʻlari hamda oʻzga qimmatliklarini xatlash;
qarzdor va uning debitorlarining hisobvaraqlariga ijro hujjatlari boʻyicha qarz summalarni undirish haqida inkasso topshiriqnomalarini qoʻyish;
olib qoʻyilgan mol-mulkni vaqtincha saqlash uchun davlat mulkidagi yashash uchun moʻljallanmagan joylardan, mulkdorning roziligi bilan esa, xususiy mulkdagi joylardan foydalanish, bunday mol-mulkni saqlash majburiyatini tegishli shaxslar zimmasiga yuklash, undiruvchining yoki qarzdorning transportidan mol-mulkni tashish uchun xarajatlarni qarzdorning hisobiga kiritgan holda foydalanish;
ijro harakatlari amalga oshirilayotganda asos boʻlgan ijro hujjatidagi talablarda noaniqlik boʻlgan taqdirda, ijro hujjatini bergan sud yoki boshqa organga uni ijro etish tartibini tushuntirib berishni soʻrab murojaat etish;
ijro ishi yuritishda ishtirok etuvchi shaxslarni chaqirish;
ijro yigʻimlarini, jarimalarni va ijro xarajatlarini undirish;
qarzdor jismoniy shaxsga, uning mol-mulkiga yoki olib qoʻyilishi lozim boʻlgan bolaga nisbatan qidiruv eʼlon qilish;
ijro harakatlarini amalga oshirishda yuzaga kelgan masalalar boʻyicha, shu jumladan ijro usuli va tartibini oʻzgartirish masalasida sudga yoki boshqa organga ariza bilan murojaat qilish;
ijro harakatlarini amalga oshirish davomida, zarur hollarda, ichki ishlar organlarining xodimlariga yordam soʻrab murojaat qilish;
ijro hujjatlari talablarini uzrsiz sabablarga koʻra ixtiyoriy ravishda bajarmagan, sud hujjatlari va boshqa organlar hujjatlarini ijro etish toʻgʻrisidagi qonun hujjatlarini buzgan qarzdorlarni maʼmuriy javobgarlikka tortish, shuningdek sud hujjatlarini ijro etishdan boʻyin tovlagan yoki sud hujjatining ijro etilishiga toʻsqinlik qilgan shaxslarni qonunda belgilangan tartibda jinoiy javobgarlikka tortish choralarini koʻrish;
qonunda belgilangan hollarda va tartibda mol-mulkni baholash;
mol-mulkni baholash uchun baholash faoliyatini amalga oshirish uchun litsenziyaga ega boʻlgan shaxsni jalb etish;
qarzdor jismoniy shaxsning Oʻzbekiston Respublikasidan chiqib ketishiga vaqtincha cheklash belgilash.
Sud ijrochisi ijro harakatlarini amalga oshirishda qonun hujjatlariga muvofiq boshqa huquqlarga ham ega boʻlishi mumkin”;
j) 12-band quyidagi mazmundagi xatboshi bilan toʻldirilsin:
“Sud departamentining direktori lavozimiga koʻra Oʻzbekiston Respublikasining Bosh sud ijrochisi hisoblanadi”;
z) 15-bandning uchinchi xatboshi quyidagi mazmundagi uchinchi, toʻrtinchi va beshinchi xatboshilar bilan almashtirilsin:
“Hududiy boshqarmalarning boshliqlari tegishincha Qoraqalpogʻiston Respublikasi, viloyatlar va Toshkent shahrining bosh sud ijrochilari hisoblanadi.
Sud ijrochilarining tuman (shahar) boʻlimalariga boʻlim boshligʻi – katta sud ijrochisi rahbarlik qiladi.
Ijro ishini yuritish va sud ijrochilari faoliyatini tashkil etish Oʻzbekiston Respublikasi Adliya vaziri tomonidan belgilangan tartibda amalga oshiriladi”;
i) 17-band quyidagi mazmundagi 71 va 72 kichik bandlar bilan toʻldirilsin:
“71) zarurat boʻlganda, Sud departamenti faoliyatining ayrim sohalari boʻyicha hamda Sud departamenti faoliyatini takomillashtirish yuzasidan takliflar ishlab chiqish boʻyicha Sud departamenti direktori huzuridagi muvaqqat yoki doimiy maslahat, ilmiy-maslahat, ishchi kengashlar va boshqa kollegial organlarni tashkil etadi;
72) Oʻzbekiston Respublikasining Bosh sud ijrochisi sifatida protsessual vakolatlarni amalga oshiradi”;
k) 19-band quyidagi mazmundagi xatboshi bilan toʻldirilsin:
“Oʻzbekiston Respublikasining Bosh sud ijrochisi, Qoraqalpogʻiston Respublikasi, viloyatlar va Toshkent shahrining bosh sud ijrochilari va ularning oʻrinbosarlari, shuningdek Sud departamenti markaziy apparati surishtiruv boʻlinmasining rahbari Oʻzbekiston Respublikasi Jinoyat protsessual kodeksiga muvofiq Sud departamenti organlari rahbarlari sifatida funksional majburiyatlariga koʻra surishtiruv organining boshligʻi vazifasini bajaradilar”;
l) 20-band quyidagi mazmundagi xatboshilar bilan toʻldirilsin:
“Sud departamenti xodimlari uchun Oʻzbekiston Respublikasi Vazirlar Mahkamasi tomonidan belgilanadigan xizmatni oʻtash, ragʻbatlantirish va intizomiy javobgarlikka tortish tartibi oʻrnatiladi.
Sud departamentining martaba darajasiga ega boʻlgan xodimlari Oʻzbekiston Respublikasi Adliya vazirligi tomonidan tasdiqlanadigan namunadagi formali kiyim-bosh va farqlash belgilarini kiyadilar.
Formali kiyim-bosh buyumlari bilan taʼminlash meʼyorlari Oʻzbekiston Respublikasi Adliya vazirligi tomonidan Moliya vazirligi bilan kelishilgan holda tasdiqlanadi”;
m) 21-band quyidagi mazmundagi xatboshi bilan toʻldirilsin:
“Sud departamenti organlari maxsus avtotransport vositalari, shu jumladan Sud departamentiga mansubligini anglatuvchi maxsus chiroqli signallarga, boʻyoqlarning rangli grafik sxemalariga ega boʻlgan avtotransport vositalari, shuningdek boshqa maxsus vositalar bilan taʼminlanadi. Xizmat avtotransporti, shu jumladan maxsus avtotransport, shuningdek boshqa maxsus vositalar bilan taʼminlash meʼyorlari Oʻzbekiston Respublikasi Adliya vazirligi tomonidan Moliya vazirligi bilan kelishilgan holda tasdiqlanadi”;
4) 2 — 6-ilovalar oʻz kuchini yoʻqotgan deb topilsin;
5) 7-ilovada (Sud hujjatlari va boshqa organlar hujjatlarini ijro etish jarayonida avtomototransport vositalari va koʻchmas mulkni sotish tartibi toʻgʻrisidagi nizom):
a) 2-bandning birinchi xatboshidagi “koʻchmas mulkni” soʻzlaridan keyin “shu jumladan, (jismoniy va yuridik shaxslarning mulk huquqi obyekti hisoblanadigan) yer uchastkasini, qurilishi tugallanmagan obyektni” soʻzlari qoʻshib qoʻyilsin;
b) 6-bandning ikkinchi xatboshidagi “koʻchmas mulk” soʻzlaridan keyin “shu jumladan yer uchastkasi, qurilishi tugallanmagan obyekt” soʻzlari qoʻshib qoʻyilsin;
v) 7-band quyidagi mazmundagi xatboshi bilan toʻldirilsin:
“Undiruvni koʻchmas mulkka, shu jumladan mulk huquqi asosida qarzdorga tegishli boʻlgan yer uchastkasi, qurilishi tugallanmagan obyektga qaratilgan taqdirda, qarzdorning mazkur mulkka boʻlgan huquqini tasdiqlovchi hujjat mavjud boʻlganda tegishli hujjatlar baholash uchun baholovchi tashkilotga yuboriladi. Qarzdorga tegishli va davlat roʻyxatidan oʻtkazilishi lozim boʻlgan koʻchmas mulkka boʻlgan mulk huquqini, keyinchalik undiruvni unga qaratish maqsadida, belgilangan tartibda davlat roʻyxatidan oʻtkazish uchun sud ijrochisi “Yergeodezkadastr” Davlat qoʻmitasi organiga murojaat qilishga haqli. Bunda, koʻchmas mulkni davlat roʻyxatidan oʻtkazish toʻgʻrisidagi sud ijrochisining yozma topshirigʻiga qarzdorning mazkur koʻchmas mol-mulkka boʻlgan mulk huquqini tasdiqlovchi hujjat ilova qilinadi. Qarzdorning huquqini davlat roʻyxatidan oʻtkazish uchun hujjatlarni rasmiylashtirish va roʻyxatdan oʻtkazish boʻyicha xarajatlar ijro harakatlarini amalga oshirish xarajatlariga kiradi”;
g) 8-bandning ikkinchi xatboshi quyidagi tahrirda bayon etilsin:
“Avtomototransport vositalari, koʻchmas mulk va qurilishi tugallanmagan obyektni baholashni ularni koʻzdan kechirish bilan bir vaqtda oʻtkazishga yoʻl qoʻyiladi”;
d) 9-bandning birinchi gapidagi “hujjatlarning” soʻzi “hujjatlarning, yer uchastkasi davlat daromadiga oʻtkazilgan taqdirda – shuningdek yer uchastkasi plani ilova qilingan holda Yer uchastkasiga boʻlgan mulk huquqini beruvchi davlat orderining yoki Yer uchastkasiga boʻlgan huquqni davlat roʻyxatiga olish toʻgʻrisidagi guvohnomaning nusxalarining ham” soʻzlari bilan almashtirilsin;
e) 12-bandda:
uchinchi xatboshi “xatlash toʻgʻrisidagi qaror” soʻzlari bilan toʻldirilsin;
beshinchi xatboshi “qurilishi tugallanmagan obyektlar bundan mustasno” soʻzlari bilan toʻldirilsin;
oltinchi xatboshidagi “hamda qurilish boʻyicha buyurtmachining taʼsis hujjatlari” soʻzlari “qurilayotgan uy-joyni sotishda esa – mahalliy davlat hokimiyati organlarining ruxsati” soʻzlari bilan almashtirilsin;
j) 17-bandning ikkinchi xatboshidan “auksion oʻtkazish shartlari oʻzgartirilmagan holda” soʻzlari chiqarib tashlansin;
z) 20-bandda:
quyidagi mazmundagi xatboshi bilan toʻldirilsin:
“Yer uchastkasini sotish boʻyicha auksionda ishtirok etish uchun jismoniy shaxslar Oʻzbekiston Respublikasi fuqarosi pasporti nusxasini, yuridik shaxslar esa yurdik shaxsni davlat roʻyxatidan oʻtkazish toʻgʻrisidagi guvohnomani qoʻshimcha ravishda taqdim etadilar”;
i) 22-banddagi “prokuratura” soʻzi “adliya, prokuratura” soʻzlari bilan almashtirilsin;
k) 27-band oʻz kuchini yoʻqotgan deb topilsin;
l) 28 — 30-bandlar quyidagi tahrirda bayon etilsin:
“28. Agar auksion oʻtkazilmagan deb topilishi munosabati bilan avtomototransport vositasi yoki koʻchmas mulk auksion savdolarida sotilmagan taqdirda, ushbu Nizomning 26-bandi “b” kichik bandida koʻrsatilgan asosga koʻra auksion oʻtkazilmagan deb topilishi bundan mustasno, savdo tashkilotchisi avtomototransport vositasi va koʻchmas mulkning narxini arzonlashtirish yoki ularni qaytarish masalasini hal etish uchun sud ijrochisiga xabarnoma yuboradi.
29. Sud ijrochisi xabarnomani olgandan keyin uch kundan kechiktirmay avtomototransport vositasi yoki koʻchmas mulkning narxini arzonlashtirish yoxud ularni qaytarish masalasini hal qiladi:
davlat soliq xizmati organi va moliya organi vakillari ishtirokida avtomototransport vositasi yoki koʻchmas mulk narxining 10 foizidan oshmagan miqdorda — davlat daromadiga undirishni nazarda tutuvchi ijro hujjatlari boʻyicha;
avtomototransport vositasi yoki koʻchmas mulk narxining 10 foizi miqdorida — boshqa ijro hujjatlari boʻyicha.
Arzonlashtirish toʻgʻrisida belgilangan tartibda dalolatnoma tuziladi, shundan soʻng arzonlashtirilgan avtomototransport vositasi yoki koʻchmas mulk takroriy auksionga qoʻyiladi.
Garovga qoʻyilgan avtomototransport vositasi yoki koʻchmas mulk bilan taʼminlangan qarzni undirish toʻgʻrisidagi ijro hujjatlari boʻyicha mazkur mol-mulkni auksion savdolarida sotishda, shuningdek ushbu Nizomning 26-bandi “b” kichik bandida koʻrsatilgan asosga koʻra dastlabki auksion oʻtkazilmagan deb eʼlon qilinganda, avtomototransport vositasi yoki koʻchmas mulk arzonlashtirilmaydi va birinchi baholangan narx boʻyicha takroriy auksionga qoʻyiladi.
30. Avtomototransport vositasi yoki koʻchmas mulk takroriy auksion savdolarida sotilmagan taqdirda, u ushbu Nizomning 29-bandiga muvofiq arzonlashtirilgan narxda sud ijrochisi tomonidan undiruvchiga taklif qilinadi, davlat daromadiga ijro hujjatlari boʻyicha undirish qaratilgan avtomototransport vositasi yoki koʻchmas mulk esa sotilgunga qadar ushbu Nizomda belgilangan tartibda yana arzonlashtirilishi va takroriy auksion savdolarida qoʻyilishi lozim. Garovga qoʻyilgan avtomototransport vositasi yoki koʻchmas mulk bilan taʼminlangan qarzni undirish toʻgʻrisidagi ijro hujjatlari boʻyicha ushbu mol-mulk sotilmagan taqdirda, sud ijrochisi garovga oluvchiga mol-mulkni takroriy auksion savdolaridagi boshlangʻich sotish narxidan 10 foizga kamaytirilgan summada oʻzida qoldirishni taklif qiladi”.
2. Oʻzbekiston Respublikasi Prezidentining 2007-yil 27-apreldagi PQ-630-son qarori bilan tasdiqlangan Tadbirkorlik subyektlarini ixtiyoriy tugatish va ularning faoliyatini toʻxtatish tartibi toʻgʻrisidagi nizomda:
1) 9-band quyidagi mazmundagi “a1” kichik band bilan toʻldirilsin:
“a1) korxona qarzdor sifatida ishtirok etgan ijro hujjatlarining ijrosini tugatish tartiboti doirasida taʼminlaydi”;
2) 17-bandning “b” kichik bandi “shu jumladan korxona qarzdor sifatida ishtirok etgan ijro hujjatlari reyestrini tuzadi” soʻzlari bilan toʻldirilsin;
3) 18-banddagi “statistika organlarini” soʻzlaridan keyin “sud ijrochilarining tuman (shahar) boʻlimini” soʻzlari qoʻshib qoʻyilsin;
4) quyidagi mazmundagi 191-band bilan toʻldirilsin:
“191. Sud ijrochilarining tuman (shahar) boʻlimi roʻyxatdan oʻtkazgan organning bildirishnomasini olgan kundan keyin oʻn kundan kechiktirmay ish yurituvida tugatilayotgan korxona qarzdor sifatida ishtirok etgan ijro hujjatining mavjudligini belgilangan tartibda aniqlashtiradi. Tegishli ijro hujjati mavjud boʻlsa, sud ijrochisi u boʻyicha ijro ishi yuritishni qonunda belgilangan tartibda tamomlaydi va tugatish tartiboti doirasida ijro etish uchun tugatuvchiga yuboradi”;
5) 21-banddagi “natijalarini” soʻzidan keyin “shuningdek tuzilgan ijro hujjatlari reyestrini” soʻzlari qoʻshib qoʻyilsin;
6) 30-bandning ikkinchi xatboshidagi “tugallangandan” soʻzidan keyin “shuningdek korxona qarzdor sifatida ishtirok etgan ijro hujjatlari amalda ijro etilgandan” soʻzlari qoʻshib qoʻyilsin;
7) 31-band quyidagi tahrirda bayon etilsin:
“31. Tugatish balansi korxonaning muassislari (qatnashchilari) tomonidan tasdiqlanadi va davlat soliq xizmati organiga topshiriladi. Ayni paytda, tugatuvchi tugatilayotgan korxona qarzdor sifatida ishtirok etgan va ijro etilmagan ijro hujjatlarining Sud departamenti organlari ish yurituvida mavjudligi yuzasidan Sud departamenti hududiy boshqarmasiga soʻrov yuboradi.
Tugatish balansi qabul qilingandan keyin davlat soliq xizmati organi, korxonaning soliqlar va boshqa majburiy toʻlovlar boʻyicha qarzi boʻlmagan taqdirda, bir ish kuni mobaynida tugatuvchiga soliqlar va boshqa majburiy toʻlovlar boʻyicha qarz yoʻqligi toʻgʻrisida maʼlumotnoma berishi shart. Sud departamentining hududiy boshqarmasi, korxona qarzdor sifatida ishtirok etgan va ijro etilmagan ijro hujjati uning ish yurituvida mavjud boʻlmagan taqdirda, ijro etilmagan tegishli ijro hujjati ish yurituvda mavjud emasligi haqida tugatuvchiga uch ish kuni mobaynida yozma javob berishi shart”;
8) 32-banddagi “olingandan” soʻzidan keyin “shuningdek ijro etilmagan tegishli ijro hujjati ish yurituvda mavjud emasligi haqidagi Sud departamenti hududiy boshqarmasining yozma javobi olingandan” soʻzlari qoʻshib qoʻyilsin;
9) 34-bandda:
quyidagi mazmundagi toʻqqizinchi xatboshi bilan toʻldirilsin:
“tugatilayotgan korxona qarzdor sifatida ishtirok etgan va ijro etilmagan ijro hujjati Sud departamenti organlari ish yurituvida mavjud emasligi haqidagi Sud departamenti hududiy boshqarmasining yozma javobi”;
toʻqqizinchi xatboshi oʻninchi xatboshi deb hisoblansin;
10) 40-band quyidagi mazmundagi xatboshi bilan toʻldirilsin:
“Ayni paytda, tugatuvchi tugatilayotgan korxona qarzdor sifatida ishtirok etgan va ijro etilmagan ijro hujjati Sud departamenti organlari ish yurituvida mavjudligi yuzasidan Sud departamenti hududiy boshqarmasiga soʻrov yuboradi. Bunda, Sud departamenti hududiy boshqarmasi tugatuvchidan soʻrovni olgan kundan boshlab uch ish kuni mobaynida yozma javob yuboradi”;
11) 43-bandning “b” kichik bandi “shu jumladan korxona qarzdor sifatida ishtirok etgan ijro hujjatlari reyestrini tuzadi” soʻzlari bilan toʻldirilsin;
12) 46-bandda:
quyidagi mazmundagi beshinchi xatboshi bilan toʻldirilsin:
“tugatilayotgan korxona qarzdor sifatida ishtirok etgan va ijro etilmagan ijro hujjati Sud departamenti organlari ish yurituvida mavjud emasligi haqidagi Sud departamenti hududiy boshqarmasining yozma javobi”;
beshinchi, oltinchi va yettinchi xatboshilar tegishli ravishda oltinchi, yettinchi va sakkizinchi xatboshilar deb hisoblansin;
13) 49-bandning uchinchi xatboshi “shu jumladan ijro hujjati boʻyicha bajarilmagan talablar mavjud boʻlganda” soʻzlari bilan toʻldirilsin;
14) 1-ilovada (Moliya-xoʻjalik faoliyatini amalga oshirayotgan korxonalarni ixtiyoriy tugatish sxemasi):
uchinchi bosqichning “Mexanizm” ustunidagi “xatlovdan oʻtkazish” soʻzlaridan keyin “shu jumladan ijro hujjatlari reyestrini tuzish” soʻzlari qoʻshib qoʻyilsin;
beshinchi bosqichning “Mexanizm” ustunidagi “statistika organlarini xabardor qilish” soʻzlari quyidagi mazmundagi xatboshilar bilan almashtirilsin:
“statistika organlarini;
sud ijrochilari boʻlimini xabardor qilish”;
oltinchi bosqichning “Mexanizm” ustunidagi “natijalarini” soʻzlaridan keyin “shuningdek ijro hujjatlari reyestrini” soʻzlari qoʻshib qoʻyilsin;
toʻqqizinchi bosqichning “Mexanizm” ustunidagi “taqdim etish” soʻzlaridan keyin “Sud departamenti organiga ijro etilmagan ijro hujjati mavjudligi yuzasidan soʻrov yuborish” soʻzlari qoʻshib qoʻyilsin;
oʻn birinchi bosqichning “Mexanizm” ustuni quyidagi mazmundagi sakkizinchi xatboshi bilan toʻldirilsin:
“ijro etilmagan ijro hujjati mavjud emasligi haqidagi Sud departamenti hududiy boshqarmasining yozma javobi”;
15) 2-ilovada (Davlat roʻyxatidan oʻtkazilgan vaqtdan boshlab moliya-xoʻjalik faoliyatini amalga oshirmayotgan korxonalarni ixtiyoriy tugatish sxemasi):
ikkinchi bosqichning “Mexanizm” ustunidagi “roʻyxatdan oʻtkazgan organga ixtiyoriy tugatish toʻgʻrisidagi qaror nusxasini taqdim etish” soʻzlaridan keyin quyidagi mazmundagi xatboshi qoʻshib qoʻyilsin:
“Ijro etilmagan ijro hujjati mavjudligi yuzasidan Sud departamenti organiga soʻrov yuborish”;
uchinchi bosqichning “Mexanizm” ustunidagi “xatlovdan oʻtkazish” soʻzlaridan keyin “shu jumladan ijro hujjatlari reyestrini tuzish” soʻzlari qoʻshib qoʻyilsin;
yettinchi bosqichning “Mexanizm” ustuni quyidagi mazmundagi xatboshi bilan toʻldirilsin:
“ijro etilmagan ijro hujjati mavjud emasligi haqidagi Sud departamenti hududiy boshqarmasining yozma javobi”.
3. Oʻzbekiston Respublikasi Prezidentining “Oʻzbekiston Respublikasi Adliya vazirligi huzuridagi Sud departamentining sud qarorlarini ijro etish, moddiy-texnika jihatidan va moliyaviy taʼminlash tizimini yanada takomillashtirish chora-tadbirlari toʻgʻrisida”gi 2007-yil 1-noyabrdagi PQ-722-son qarorida:
1) 1-ilovaning (Ijro yigʻimini undirish va foydalanish tartibi toʻgʻrisidagi nizom) 13-bandi ikkinchi xatboshidagi “mablagʻlarining” soʻzlaridan keyin “va Sud departamenti organlari tomonidan Jamgʻarmaga undirilayotgan boshqa mablagʻlarning” soʻzlari qoʻshib qoʻyilsin;
2) 7-ilovaning 3-bandi oʻz kuchini yoʻqotgan deb topilsin.
Oldingi tahrirga qarang.
(4-band Oʻzbekiston Respublikasi Prezidentining 2017-yil 23-avgustdagi PQ-3240-sonli qaroriga asosan oʻz kuchini yoʻqotgan — OʻR QHT, 2017-y., 35-son, 922-modda)
5. Oʻzbekiston Respublikasi Vazirlar Mahkamasining “Davlat hokimiyati va boshqaruvi organlari, sud organlari va notarial idoralar xodimlari mehnatiga haq toʻlashning tarif setkasini joriy etish toʻgʻrisida”gi 1996-yil 12-apreldagi 147-son qarorining 24a-ilovasi quyidagi tahrirda bayon etilsin:
“Sud ijrochilarining tuman (shahar) boʻlimlari xodimlari
mehnatiga haq toʻlashning YaTS boʻyicha razryadlari
mehnatiga haq toʻlashning YaTS boʻyicha razryadlari
|
Lavozim nomlanishi |
Tuman (shahar) toifalari boʻyicha razryadlar | |||
|
1-toifa |
2-toifa |
3-toifa |
| |
|
Boʻlim boshligʻi – katta sud ijrochisi |
11 | 10 |
9 |
|
|
Sud ijrochisi |
10 | 9 |
8 |
”. |
(Oʻzbekiston Respublikasi qonun hujjatlari toʻplami, 2013-y., 2-son, 16-modda; 2014-y., 37-son, 466-modda; 2017-y., 22-son, 425-modda, 35-son, 922-modda)
