Oʻzbekiston Respublikasi Ichki ishlar vazirining
buyrugʻi
TEXNIK KOʻRIKDAN OʻTKAZISHDA DYHXX ORGANLARI TOMONIDAN NOSOZ DEB TOPILGAN, SHUNINGDEK BELGILANGAN MUDDATLARDA TEXNIK KOʻRIKDAN OʻTMAGAN YOKI TEGISHLI RUXSATNOMASIZ QAYTA JIHOZLANGAN TRANSPORT VOSITALARINING DAVLAT ROʻYXATIDAN OʻTKAZISH RAQAMI BELGILARINI YECHIB OLISH TARTIBI TOʻGʻRISIDAGI NIZOMNI TASDIQLASH HAQIDA
[Oʻzbekiston Respublikasi Adliya vazirligi tomonidan 2012-yil 21-mayda roʻyxatdan oʻtkazildi, roʻyxat raqami 2367 ]
Oʻzbekiston Respublikasi Vazirlar Mahkamasining 2003-yil 31-yanvardagi 54-son qarori (Oʻzbekiston Respublikasi qonun hujjatlari toʻplami, 2003-y. , 1-2-son, 17-modda) bilan tasdiqlangan Transport vositalarini majburiy texnik koʻrikdan oʻtkazish tartibi toʻgʻrisidagi nizom va 2012-yil 24-fevraldagi 49-son “Transport vositalarini majburiy texnik koʻrikdan oʻtkazish tartibi toʻgʻrisidagi nizomga oʻzgartirish va qoʻshimchalar kiritish haqida”gi qaroriga (Oʻzbekiston Respublikasi qonun hujjatlari toʻplami, 2012-y. , 11-son, 115-modda) muvofiq buyuraman:
1. Texnik koʻrikdan oʻtkazishda DYHXX organlari tomonidan nosoz deb topilgan, shuningdek belgilangan muddatlarda texnik koʻrikdan oʻtmagan yoki tegishli ruxsatnomasiz qayta jihozlangan transport vositalarining davlat roʻyxatidan oʻtkazish raqami belgilarini yechib olish tartibi toʻgʻrisidagi nizom ilovaga muvofiq tasdiqlansin.
2. Mazkur buyruq Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.
Vazir B. MATLYUBOV
Toshkent sh.,
2012-yil 4-aprel,
53-son
Oʻzbekiston Respublikasi ichki ishlar vazirining 2012-yil 4-apreldagi 53-son buyrugʻiga
ILOVA
ILOVA
Texnik koʻrikdan oʻtkazishda DYHXX organlari tomonidan nosoz deb topilgan, shuningdek belgilangan muddatlarda texnik koʻrikdan oʻtmagan yoki tegishli ruxsatnomasiz qayta jihozlangan transport vositalarining davlat roʻyxatidan oʻtkazish raqami belgilarini yechib olish tartibi toʻgʻrisidagi
NIZOM
Oldingi tahrirga qarang.
Mazkur Nizom Oʻzbekiston Respublikasi Vazirlar Mahkamasining 2021-yil 9-martdagi 125-son qarori bilan tasdiqlangan Transport vositalarini majburiy texnik koʻrikdan oʻtkazish tartibi toʻgʻrisidagi nizomga muvofiq Oʻzbekiston Respublikasi Ichki ishlar vazirligining Davlat yoʻl harakati xavfsizligi xizmati (bundan buyon matnda DYHXX deb yuritiladi) organlari tomonidan texnik koʻrikdan oʻtkazishda DYHXX organlari tomonidan nosoz deb topilgan transport vositasining, shuningdek belgilangan muddatlarda texnik koʻrikdan oʻtmagan yoki tegishli ruxsatnomasiz qayta jihozlangan transport vositasining davlat roʻyxatidan oʻtkazish raqami belgilarini yechib olish tartibini belgilaydi.
(muqaddima Oʻzbekiston Respublikasi ichki ishlar vazirining 2021-yil 2-iyundagi 145-sonli buyrugʻi (roʻyxat raqami 2367-1, 14.06.2021-y.) tahririda — Qonunchilik maʼlumotlari milliy bazasi, 14.06.2021-y., 10/21/2367-1/0551-son)
I bob. Umumiy qoidalar
1. Mazkur Nizomda quyidagi tushunchalardan foydalaniladi:
Oldingi tahrirga qarang.
texnik nosoz transport vositasi — Oʻzbekiston Respublikasi Vazirlar Mahkamasining 2021-yil 9-martdagi 125-son qarori bilan tasdiqlangan Transport vositalarini majburiy texnik koʻrikdan oʻtkazish tartibi toʻgʻrisidagi nizomga muvofiq texnik koʻrikdan oʻtkazishda DYHXX organlari tomonidan nosoz deb topilgan transport vositasi;
(1-bandning ikkinchi xatboshisi Oʻzbekiston Respublikasi ichki ishlar vazirining 2021-yil 2-iyundagi 145-sonli buyrugʻi (roʻyxat raqami 2367-1, 14.06.2021-y.) tahririda — Qonunchilik maʼlumotlari milliy bazasi, 14.06.2021-y., 10/21/2367-1/0551-son)
ruxsatnomasiz qayta jihozlangan transport vositasi — mazkur Nizomning 1-ilovasida koʻrsatib oʻtilgan qayta jihozlanishlar bilan transport vositasini qayd etish guvohnomasida aks ettirilmasdan qayta jihozlangan transport vositasi;
Oldingi tahrirga qarang.
belgilangan muddatlarda texnik koʻrikdan oʻtmagan transport vositasi — Oʻzbekiston Respublikasi Vazirlar Mahkamasining 2021-yil 9-martdagi 125-son qarori bilan tasdiqlangan Transport vositalarini majburiy texnik koʻrikdan oʻtkazish tartibi toʻgʻrisidagi nizomda belgilangan muddatda texnik koʻrikdan oʻtmagan transport vositasi.
(1-bandning toʻrtinchi xatboshisi Oʻzbekiston Respublikasi ichki ishlar vazirining 2021-yil 2-iyundagi 145-sonli buyrugʻi (roʻyxat raqami 2367-1, 14.06.2021-y.) tahririda — Qonunchilik maʼlumotlari milliy bazasi, 14.06.2021-y., 10/21/2367-1/0551-son)
2. Mazkur Nizom yuridik va jismoniy shaxslarga tegishli boʻlgan va belgilangan tartibda DYHXX organlarida roʻyxatdan oʻtkazilgan transport vositalari (bundan buyon matnda transport vositalari deb yuritiladi) uchun majburiydir.
II bob. Transport vositasining davlat roʻyxatidan oʻtkazish raqami belgilarini yechib olish shartlari
3. Texnik nosoz, ruxsatnomasiz qayta jihozlangan yoki belgilangan muddatlarda texnik koʻrikdan oʻtmagan transport vositasining davlat roʻyxatidan oʻtkazish raqami belgilari DYHXX organlari tomonidan yechib olinadi.
Harakatlanish jarayonida toʻxtatilgan transport vositalarining davlat roʻyxatidan oʻtkazish raqami belgilari faqat ushbu transport vositalari ruxsatnomasiz qayta jihozlanganligi yoki belgilangan muddatlarda texnik koʻrikdan oʻtmaganligi holatlarida yechib olinadi.
Oldingi tahrirga qarang.
4. Texnik nosoz transport vositasi boʻyicha Oʻzbekiston Respublikasi Vazirlar Mahkamasining 2021-yil 9-martdagi 125-son qarori bilan tasdiqlangan Transport vositalarini majburiy texnik koʻrikdan oʻtkazish tartibi toʻgʻrisidagi nizomning 3 yoki 4-ilovalariga muvofiq ikki nusxada texnik koʻrikdan oʻtkazish dalolatnomasi tuziladi.
(4-bandning birinchi xatboshisi Oʻzbekiston Respublikasi ichki ishlar vazirining 2021-yil 2-iyundagi 145-sonli buyrugʻi (roʻyxat raqami 2367-1, 14.06.2021-y.) tahririda — Qonunchilik maʼlumotlari milliy bazasi, 14.06.2021-y., 10/21/2367-1/0551-son)
Harakatlanish jarayonida toʻxtatilib ruxsatnomasiz qayta jihozlangan yoki belgilangan muddatlarda texnik koʻrikdan oʻtmagan deb topilgan transport vositasi boʻyicha mazkur Nizomning 2-ilovasiga muvofiq dalolatnoma tuziladi.
5. Mazkur Nizomning 4-bandida koʻrsatib oʻtilgan dalolatnomalar (bundan buyon matnda dalolatnoma deb yuritiladi), ularni aniq tuzish vaqti koʻrsatilgan holda (sanasi va soati), DYHXX organi xodimi hamda transport vositasining haydovchisi (mulkdor, mulkdorning vakili) tomonidan imzolanadi, bir nusxasi transport vositasining haydovchisiga (mulkdorga, mulkdorning vakiliga) aniqlangan texnik nosozlikni va ruxsatnomasiz qayta jihozlanishlarni bartaraf etish yoki oʻrnatilgan tartibda texnik koʻrikdan oʻtkazish uchun beriladi xamda transport vositasining davlat roʻyxatidan oʻtkazish raqami belgilari yechib olinadi. Ikkinchi nusxasi transport vositasining davlat roʻyxatidan oʻtkazish raqami belgilari bilan DYHXX organi xodimida qoldiriladi.
6. Texnik nosoz yoki ruxsatnomasiz qayta jihozlangan transport vositasining haydovchisi (mulkdor, mulkdorning vakili) tomonidan ushbu kamchiliklar joyida bartaraf etilishi mumkin. Bunda transport vositasining davlat roʻyxatidan oʻtkazish raqami belgilari yechib olinmaydi.
7. DYHXX organi xodimi tomonidan harakatlanishda toʻxtatilgan va ruxsatnomasiz qayta jihozlangan deb topilgan transport vositasining haydovchisi (mulkdor, mulkdorning vakili) tomonidan transport vositasini ruxsatnomasiz qayta jihozlangan deb topilishiga eʼtirozi boʻlgan taqdirda, ushbu transport vositasi tegishli texnik koʻrikdan oʻtkazish joyiga olib boriladi hamda DYHXX organi xodimi va transport vositasining haydovchisi (mulkdor, mulkdorning vakili) ishtirokida oʻrnatilgan tartibda texnik koʻrikdan oʻtkaziladi. Ushbu transport vositasi ruxsatnomasiz qayta jihozlangan deb topilsa va aniqlangan kamchiliklar joyida bartaraf etilmasa, belgilangan tartibda dalolatnoma tuzilib, transport vositasining davlat roʻyxatidan oʻtkazish raqami belgilari yechib olinadi.
8. Texnik nosoz, ruxsatnomasiz qayta jihozlangan yoki belgilangan muddatlarda texnik koʻrikdan oʻtmagan transport vositasining haydovchisiga (mulkdorga, mulkdorning vakiliga), mazkur Nizomning 9-bandida koʻrsatib oʻtilgan transport vositalari bundan mustasno, ushbu kamchiliklarni bartaraf etish joyigacha dalolatnomaning tuzilgan vaqtidan boshlab 24 soat mobaynida dalolatnomaga asosan transport vositasining davlat roʻyxatidan oʻtkazish raqami belgilarisiz boshqarib borishga ruxsat etiladi.
9. Davlat roʻyxatidan oʻtkazish raqami belgilari yechib olingan quyidagi transport vositalarining harakatlanishi qatʼiyan man etiladi:
tormoz tizimi yoki rul boshqaruvi texnik talablarga javob bermaydigan;
ruxsatnomasiz gaz yonilgʻisida ishlash uchun qayta jihozlangan;
qorongʻi vaqtda yoki yetarlicha koʻrinmaslik sharoitida faralar va orqa gabarit chiroqlari yonmaydigan;
yomgʻir yoki qor yogʻayotgan vaqtda haydovchi tomonidagi oyna tozalagichi ishlamaydigan.
10. Mazkur Nizomning 9-bandida koʻrsatib oʻtilgan transport vositalari qattiq shatakda yoki evakuator yordamida texnika xizmati koʻrsatish stansiyasiga (ustaxonaga) yoxud yuridik shaxslarning transport vositalarini saqlash joylariga (bundan buyon matnda saqlash joylari deb yuritiladi) texnik nosozliklarni bartaraf etish uchun olib boriladi. Bunda, rul boshqaruvi yoki orqa gabarit chiroqlari yonmaydigan transport vositalari ularni bartaraf etish joylariga faqatgina evakuator yordamida olib boriladi.
Transport vositasini texnika xizmati koʻrsatish stansiyasiga (ustaxonaga) yoki saqlash joyiga olib borish uchun qilingan xarajatlar transport vositasining haydovchisi (mulkdor, mulkdorning vakili) tomonidan amalga oshiriladi.
11. Texnika xizmati koʻrsatish stansiyalariga (ustaxonalarga) olib kelingan transport vositasidagi texnik nosozlik yoki ruxsatnomasiz qayta jihozlanishlar ushbu texnika xizmati koʻrsatish stansiyalari (ustaxonalar) tomonidan bartaraf etilganda, ular tomonidan transport vositasi haydovchisiga (mulkdorga, mulkdorning vakiliga) mazkur Nizomning 3-ilovasiga muvofiq transport vositasida aniqlangan texnik nosozlik yoki ruxsatnomasiz qayta jihozlanishlar bartaraf etilganligi toʻgʻrisida maʼlumotnoma beriladi.
Ushbu maʼlumotnoma dalolatnoma bilan birga transport vositasining davlat roʻyxatidan oʻtkazish raqami belgilarini qaytarib olish uchun tegishli DYHXX organlarigacha yoki saqlash joyigacha transport vositasini mazkur maʼlumotnoma tuzilgan vaqtdan boshlab 24 soat mobaynida davlat roʻyxatidan oʻtkazish raqami belgilarisiz boshqarib borishga asos boʻladi.
Texnik nosozliklar yoki ruxsatnomasiz qayta jihozlanishlar mustaqil ravishda bartaraf etilganda va dalolatnomaning tuzilganidan 24 soatdan ortiq vaqt oʻtgan taqdirda, haydovchining (mulkdorning, mulkdor vakilining) murojaatiga koʻra DYHXX organlari tomonidan transport vositasini davlat roʻyxatidan oʻtkazish raqami belgilarisiz DYHXX organlarigacha boshqarib borish uchun dalolatnomaning muddati faqat bir marta 24 soatgacha boʻlgan muddatga uzaytiriladi. Dalolatnomani uzaytirish toʻgʻrisidagi maʼlumotlar dalolatnomaning orqa tarafiga DYHXX organining xodimi tomonidan imzo va muhr bilan tasdiqlangan holda kiritiladi.
12. Dalolatnomaning orqa tarafiga texnika xizmati koʻrsatish stansiyasining (ustaxonaning) nomi va boshqa rekvizitlari, maʼlumotnomaning tartib raqami va berilgan vaqti (sanasi va soati) qayd etilib, maʼlumotnomani bergan shaxs imzosi bilan tasdiqlanadi va muhr qoʻyiladi.
13. Transport vositalarining yechib olingan davlat roʻyxatidan oʻtkazish raqami belgilari, tuzilgan dalolatnoma bilan birga kamchiliklar aniqlangan hududdagi yoʻl harakati xavfsizligi boshqarmalarining texnika nazorati boʻlimi (boʻlinma)lari, diagnostika stansiyalari hamda tuman (shahar) ichki ishlar boʻlimlarining avtomototransport vositalarining texnik holati, ulardan foydalanish meʼyor va qoidalariga rioya etilishini nazorat qilish boʻlim (boʻlinma, guruh)lariga topshiriladi.
Yoʻl harakati xavfsizligi boshqarmalarining texnika nazorati boʻlimi (boʻlinma)lari, diagnostika stansiyalari hamda tuman (shahar) ichki ishlar boʻlimlarining avtomototransport vositalarining texnik holati, ulardan foydalanish meʼyor va qoidalariga rioya etilishini nazorat qilish boʻlim (boʻlinma, guruh)lari tomonidan oʻz navbatida 24 soat mobaynida transport vositalarining yechib olingan davlat roʻyxatidan oʻtkazish raqami belgilari tuzilgan dalolatnomaga ilova qilingan holda transport vositasining doimiy roʻyxatga olingan joyi boʻyicha DYHXX organlariga yuboriladi. Agar transport vositasi boshqa hududda vaqtinchalik roʻyxatga olingan boʻlsa haydovchining xohishiga koʻra davlat roʻyxatidan oʻtkazish raqami belgilari va dalolatnoma transport vositasining vaqtinchalik roʻyxatga olingan joyi boʻyicha DYHXX organlariga yuboriladi.
14. Boshqa hududlardan kelgan transport vositalari haydovchilari aniqlangan ruxsatnomasiz qayta jihozlanishlarni ular aniqlangan hududda bartaraf etishlari mumkin. Bunda, yechib olingan davlat roʻyxatidan oʻtkazish raqami belgilari transport vositasining doimiy (vaqtinchalik) roʻyxatga olingan joyi boʻyicha DYHXX organlariga yuborilmaydi. Haydovchiga (mulkdorga, mulkdorning vakiliga) DYHXX organlari xodimlari tomonidan bunday imkoniyat borligi haqida tushuntiriladi.
Yechib olingan transport vositasining davlat roʻyxatidan oʻtkazish raqami belgilari transport vositasining doimiy (vaqtinchalik) roʻyxatga olingan joyi boʻyicha DYHXX organlariga yuborilmasligi uchun haydovchi dalolatnomaga imzo chekish vaqtida bu haqda tegishli maʼlumot kiritadi. Bunda, DYHXX organi xodimi yechib olingan transport vositasining davlat roʻyxatidan oʻtkazish raqami belgilari qaytarib olinadigan DYHXX organini dalolatnomada koʻrsatib oʻtadi.
15. Aniqlangan texnik nosozliklar va ruxsatnomasiz qayta jihozlanishlar 20 kungacha boʻlgan muddatda bartaraf etilganda, transport vositasining faqat oldin aniqlangan texnik nosozliklar va ruxsatnomasiz qayta jihozlanishlari bartaraf etilganligi tekshiriladi. 20 kundan ortiq boʻlgan muddatda bartaraf etilgan taqdirda transport vositasining texnik holatini tekshirish toʻliq hajmda oʻtkaziladi.
16. Aniqlangan texnik nosozliklar va ruxsatnomasiz qayta jihozlanishlari bartaraf etilgan hamda oʻrnatilgan tartibda texnik koʻrikdan oʻtkazilgan transport vositasining davlat roʻyxatidan oʻtkazish raqami belgilari transport vositasining haydovchisiga (mulkdor, mulkdorning vakili) transport vositasining doimiy (vaqtinchalik) roʻyxatga olingan joyidagi yoxud mazkur Nizomning 14-bandiga muvofiq dalolatnomada koʻrsatilgan DYHXX organlari tomonidan qaytariladi, bu haqda dalolatnomaga belgi qoʻyiladi hamda transport vositasining haydovchisi (mulkdor, mulkdorning vakili) tomonidan imzolanadi.
III bob. Yakuniy qoidalar
17. Ushbu Nizom yoʻl harakati qoidalarini buzganlik uchun javobgarlikdan ozod qilish uchun asos boʻlmaydi.
Oldingi tahrirga qarang.
18. Mazkur Nizom talablarini buzgan shaxslar qonunchilik hujjatlarida belgilangan tartibda javobgarlikka tortiladi.
(18-band Oʻzbekiston Respublikasi adliya vazirining 2021-yil 28-iyuldagi 16-mh-sonli buyrugʻi (roʻyxat raqami 3313, 28.07.2021-y.) tahririda — Qonunchilik maʼlumotlari milliy bazasi, 28.07.2021-y., 10/21/3313/0724-son)
LexUZ sharhiQarang: Oʻzbekiston Respublikasi Maʼmuriy javobgarlik toʻgʻrisidagi kodeksining XI-bobi.
Texnik koʻrikdan oʻtkazishda DYHXX organlari tomonidan nosoz deb topilgan, shuningdek belgilangan muddatlarda texnik koʻrikdan oʻtmagan yoki tegishli ruxsatnomasiz qayta jihozlangan transport vositalarining davlat roʻyxatidan oʻtkazish raqami belgilarini yechib olish tartibi toʻgʻrisidagi nizomga
1-ILOVA
1-ILOVA
Tegishli ruxsatsiz qayta jihozlangan transport vositalari
1. Gaz yonilgʻisida ishlash uchun qayta jihozlangan.
2. Barcha turdagi transport vositalarini qayd etish guvohnomalarida koʻrsatilganidan boshqa turga qayta jihozlangan.
3. Furgon, bortli, tentli va oʻziagʻdarar turidagi yuk avtomobillari shassisiga sisternalar oʻrnatilgan.
4. Furgon, sisternali, tentli va oʻziagʻdarar turidagi yuk avtomobillari shassisiga bortli kuzovlar oʻrnatilgan.
5. Furgon, sisternali, tentli va bortli turidagi yuk avtomobillari shassisiga oʻziagʻdarar kuzovlar oʻrnatilgan.
6. Sisternali, bortli, tentli va oʻziagʻdarar turidagi yuk avtomobillari shassisiga furgon kuzovlar oʻrnatilgan.
7. Sisternali, bortli, furgon va oʻziagʻdarar turidagi yuk avtomobillari shassisiga tentli kuzovlar oʻrnatilgan.
8. Bortli, oʻziagʻdarar, tentli, furgon va sisternali turidagi yuk avtomobillari shatakka oluvchi transport vositalari turiga qayta jihozlangan.
9. Shatakka oluvchi transport vositalari bortli, oʻziagʻdarar, furgon, tentli va sisternali transport vositalari turiga qayta jihozlangan.
10. Tirkamalarga sisterna, furgon yoki yechilmaydigan (tushirilmaydigan) maxsus moslamalar oʻrnatilgan.
11. Yuk avtomobillariga oʻzi yuk koʻtaruvchi bortlar, changaklar va gidrokranlar oʻrnatilgan.
12. Bortli yuk avtomobillari va ikki oʻqli bortli tirkamalarning borti oʻrniga yon tirgaklar oʻrnatilgan.
13. Yuk, yengil transport vositalari yoki avtobuslarga olinmaydigan maxsus moslamalar oʻrnatilgan.
14. Yuk avtomobillari shassisiga ustaxona, mebel, oziq-ovqatlar, sanoat mollari va boshqa yuklarni tashish uchun furgon-kuzovlar oʻrnatilgan.
15. Yuk avtomobillari shassisiga odam tashish moʻljallangan furgon-kuzovlar oʻrnatilgan.
16. Yuk avtomobillari, yarimtirkama va tirkamalar konteyner tashuvchi turiga oʻtkazilgan.
17. Yuk avtomobillari, tirkama va yarimtirkamalar kuzovlarining oʻlchamlari (balandligi, uzunligi, eni) oʻzgartirilgan.
18. Avtobus va mikroavtobuslarning oʻrindiqlari olib tashlangan yoki ortiqcha oʻrindiqlar oʻrnatilgan.
19. Avtobus va mikroavtobuslar yuk yoki yuk-yoʻlovchi turiga qayta jihozlangan.
20. Furgon turidagi transport vositalari yoʻlovchi tashish turiga qayta jihozlangan.
21. Konstruksiyasida koʻzda tutilmagan nostandart yukxona oʻrnatilgan.
22. Yuk avtomobillarining shassisi (ramasi) payvandlash (svarka) yoʻli bilan uzaytirilgan.
23. Transport vositalarining dvigatellari va kabinalari almashtirilgan.
24. Transport vositalariga boshqa rusumdagi transport vositalarining oldi yoki orqa koʻpriklar oʻrnatilgan.
25. Yuk avtomobillariga qoʻshimcha yonilgʻi idishi oʻrnatilgan.
26. Yuk avtomobillari, avtobuslar va mikroavtobuslarga oʻlchamlari yoki unga cheklangan ogʻirlik ushbu transport vositasining turiga mos kelmaydigan shinalar oʻrnatilgan.
27. Shaharlararo qatnaydigan avtobusning oldingi oʻqiga naqshi qayta tiklangan shina, boshqa oʻqiga esa ikkinchi marta (2-darajali) taʼmirlash yoʻli bilan tiklangan shinalar oʻrnatilgan.
28. Yengil avtomobillar va avtobuslarning (shaharlararo qatnaydigan avtobuslardan tashqari) oldingi oʻqiga ikkinchi marta (2-darajali) taʼmirlash yoʻli bilan tiklangan shinalar oʻrnatilgan.
29. Tormoz tizimining tuzilishi oʻzgartirilgan, ishlab chiqargan korxona talabiga mos kelmaydigan yoki boshqa qismlar oʻrnatilgan.
30. Toʻxtab turish tormozining qulflovchi moslamasi olib tashlangan.
31. Boshqaruv qurilmasidagi qismlar tuzilishida koʻzda tutilmagan oʻzgartirishlar kiritilgan.
32. Soni, turi, joylashuvi va ishlash tartibi transport vositasining tuzilishi talabiga mos kelmaydigan tashqi yoritqichlar oʻrnatilgan.
33. Oyna tozalagichlari olib tashlangan.
34. Transport vositasining bitta oʻqiga diagonal va radial, shuningdek har xil naqshli shinalar oʻrnatilgan.
35. Ishlab chiqarilgan gazlarni chiqarib tashlash trubalari (glushitel) olib tashlangan.
36. Yurgizgich tuzilishiga oʻzgartirish kiritilgan, boshqa turdagi yonilgʻida ishlatish uchun qoʻshimcha moslama va jihozlar oʻrnatilgan.
37. Transport vositasining tuzilishida koʻzda tutilgan orqa tomonni koʻrsatuvchi koʻzgu olib tashlangan.
38. Tovush moslamasi (signal) olib tashlangan.
39. Falokat yuz bergan vaqtida chiqish joylari mahkamlab tashlangan.
40. Spidometrlari olib tashlangan.
41. Tarkibida koʻzda tutilgan, oʻzi yurib ketganda xavfsizlikni taʼminlovchi orqa bufer, loy toʻsgich va sachratmagichlar boʻlmagan.
42. Boshqa turdagi yoki qoʻshimcha ressorlar oʻrnatilgan.
43. Shatak tirkama boʻgʻimi ehtiyot zanjirlar (poʻlat arqon) bilan jihozlanmagan.
44. Toʻla vazni 3,5 tonnadan ortiq boʻlgan yuk avtomobillarida va toʻla vazni 5 tonnadan ortiq boʻlgan avtobuslarda tisarilishga qarshi tirgak (boshmoq) bilan jihozlanmagan.
45. Mototsikllarda koʻzda tutilgan oyoq tiragich, egarida yoʻlovchi uchun koʻndalang tutqich olib tashlangan.
Texnik koʻrikdan oʻtkazishda DYHXX organlari tomonidan nosoz deb topilgan, shuningdek belgilangan muddatlarda texnik koʻrikdan oʻtmagan yoki tegishli ruxsatnomasiz qayta jihozlangan transport vositalarining davlat roʻyxatidan oʻtkazish raqami belgilarini yechib olish tartibi toʻgʻrisidagi nizomga
2-ILOVA
2-ILOVA
Ruxsatnomasiz qayta jihozlangan yoki belgilangan muddatlarda texnik koʻrikdan oʻtmagan transport vositasining davlat roʻyxatidan oʻtkazish raqami belgilarini yechib olish
DALOLATNOMASI
| Tuzilgan sana: 20__ yil “___” ____________ vaqti _______:_______ | ________________ | ||||||
| | | | |
(soati, daqiqasi) |
(hudud) | ||
| Ushbu dalolatnoma______________________________________________________________ | |||||||
| ________________________________________________________ tomonidan tuzildi. | |||||||
|
(DYHXX organi mansabdor shaxsining lavozimi, unvoni, F. I. O. ) |
| | |||||
|
1. Transport vositasining markasi, |
6. Shassi (rama) raqami __________________ | ||||||
| modeli __________________________ | _________________________________ | ||||||
| 2. Turi _______________________ |
7. Dvigatel raqami _____________________ | ||||||
| | _________________________________ | ||||||
| 3. Rangi ______________________ | 8. Kuzovning raqami_____________________ | ||||||
| 4. Ishlab chiqarilgan yili__________ |
9. Transport vositasini qayd etish guvohnomasining seriyasi va raqami | ||||||
| | ____________________ | ||||||
| 5. Davlat roʻyxatidan oʻtkazish raqami | 10a*. Gaz yonilgʻisi turi__________________ | ||||||
| belgisi _______________________ | _________________________________ | ||||||
| _________________________ |
(suyultirilgan gaz, siqilgan gaz) | ||||||
| 10b*. Gaz balloni ishlab chiqarilgan yil __________ |
10v*. Gaz balloni raqami_________________ | ||||||
| 10g*. Gaz ballonidan foydalanish muddati _______ |
10d*. Gaz balloni sinovdan oʻtkazilgan sana _____________________ | ||||||
| 10e*. Gaz ballonini navbatdagi sinovdan oʻtkazish sanasi_______________________________ | |||||||
| 11. Transport vositasining tegishliligi____________________________________________ | |||||||
| _____________________________________________________________________________ | |||||||
|
( yuridik shaxsning toʻliq nomi , jismoniy shaxsning F.I.O. ) | |||||||
| 12. Turgan joyi (yashash joyi)_____________________________________________________ | |||||||
| 13**. Quyidagilar aniqlandi:_____________________________________________________ | |||||||
| _____________________________________________________________________________ | |||||||
| 14. Xulosa ____________________________________________________________________ | |||||||
|
(aniqlangan kamchiliklarni bartaraf etish boʻyicha) | |||||||
|
15. Yechib olingan davlat roʻyxatidan oʻtkazish raqami belgilari qaytarib olinadigan DYHXX organi _______________________________________________________________________ | |||||||
|
(DYHXX organining nomi, manzili) | |||||||
| | |||||||
| DYHXX organi xodimi __________________________________________________________ | |||||||
|
(imzo, F.I.O. ) | |||||||
| Dalolatnoma nusxasini oldim ___________________________________________________ | |||||||
|
(imzo, F.I.O. , sana, vaqt) | |||||||
* 10-band, agar transport vositasi gaz yonilgʻisida ishlash uchun qayta jihozlangan boʻlsa toʻldiriladi.
** 13-bandda Texnik koʻrikdan oʻtkazishda DYHXX organlari tomonidan nosoz deb topilgan, shuningdek belgilangan muddatlarda texnik koʻrikdan oʻtmagan yoki tegishli ruxsatnomasiz qayta jihozlangan transport vositalarining davlat roʻyxatidan oʻtkazish raqami belgilarini yechib olish tartibi toʻgʻrisidagi nizomning 1-ilovasida koʻrsatib oʻtilgan qayta jihozlanishlar yoki belgilangan muddatda texnik koʻrikdan oʻtmaganligi koʻrsatiladi.
Texnik holati belgilangan talablarga javob bermaydigan, ruxsatnomasiz qayta jihozlangan va belgilangan muddatlarda texnik koʻrikdan oʻtmagan transport vositasining davlat roʻyxatidan oʻtkazish raqami belgilarini yechib olish tartibi toʻgʻrisidagi nizomga
3-ILOVA
3-ILOVA
|
Transport vositasida aniqlangan texnik nosozlik va ruxsatnomasiz qayta jihozlanishlar bartaraf etilganligi toʻgʻrisida | ||
|
________-son M A ʼ L U M O T N O M A | ||
| _________________________________________________________________________ da | ||
|
(texnik xizmat koʻrsatish stansiyasining (ustaxona) nomi) | ||
| __________________________________________________________________ ga qarashli | ||
|
(yuridik shaxsning toʻliq nomi , jismoniy shaxsning F.I.O. ) | ||
| ________________________ rusumli, _____________________ davlat roʻyxatidan oʻtkazish | ||
| raqami belgili ___________________________ da aniqlangan _______________________ | ||
|
(transport vositasining turi) |
| |
| __________________________________________________________________ | ||
|
(texnik nosozliklar va ruxsatnomasiz qayta jihozlanishlar) | ||
| bartaraf etildi. | ||
| | ||
| Rahbar ______________________________________________________________________ | ||
|
(masʼul shaxsning imzosi, F.I.O) | ||
| 20 ___ yil“___”__________vaqti ___:___ M. Oʻ. | ||
Izoh. Ushbu maʼlumotnoma dalolatnoma bilan birga transport vositasining davlat roʻyxatidan oʻtkazish raqami belgilarini qaytarib olish uchun tegishli DYHXX organlarigacha yoki saqlash joyigacha transport vositasini mazkur maʼlumotnoma tuzilgan vaqtdan boshlab 24 soat ichida davlat roʻyxatidan oʻtkazish raqami belgilarisiz boshqarib borishga asos boʻladi.
(Oʻzbekiston Respublikasi qonun hujjatlari toʻplami, 2012-y., 21-son, 238-modda; Qonunchilik maʼlumotlari milliy bazasi, 14.06.2021-y., 10/21/2367-1/0551-son; Qonunchilik maʼlumotlari milliy bazasi, 28.07.2021-y., 10/21/3313/0724-son)
