Oʻzbekiston Respublikasi Prezidentining “Tijorat banklari depozitlariga aholi va xoʻjalik subyektlari boʻsh mablagʻlarini jalb etishni yanada ragʻbatlantirish qoʻshimcha chora-tadbirlari toʻgʻrisida” 2009-yil 6-apreldagi PQ-1090-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

2. Oʻzbekiston Respublikasi Markaziy bankiga Davlat soliq qoʻmitasi bilan birgalikda Toʻlov terminallari bilan jihozlash va aholi bilan pul hisob-kitoblarini amalga oshirishda ularni qoʻllash tartibi toʻgʻrisidagi Nizomni bir oy muddatda belgilangan tartibda tasdiqlash tavsiya qilinsin.

3. Vazirliklar va idoralar bir oy muddatda oʻz normativ-huquqiy hujjatlarini ushbu qarorga muvofiqlashtirsinlar.

4. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S.Azimov zimmasiga yuklansin.

1. Vazirlar Mahkamasining “Naqd pul muomalasini mustahkamlash va tijorat banklarining masʼuliyatini oshirishga doir qoʻshimcha chora-tadbirlari toʻgʻrisida” 2001-yil 22-iyundagi 264-son qarori (Oʻzbekiston Respublikasi QT, 2001-y., 6-son, 31-modda) 3-bandining ikkinchi xatboshi quyidagi tahrirda bayon qilinsin:

“belgilangan savdo qoidalari buzilgan, nazorat-kassa mashinalaridan foydalanilmagan, toʻlovlarni plastik kartochkalar boʻyicha qabul qilish terminallari bilan jihozlash va toʻlovni plastik kartochkalardan foydalangan holda qabul qilishga doir belgilangan talablar buzilgan, shuningdek naqd pul mablagʻlari bank kassalariga oʻz vaqtida topshirilmagan hollarda shaharlar va tumanlar hokimliklari soliq organlarining taqdimnomasiga koʻra chakana savdo uchun berilgan ruxsatnomalarning amal qilishini oʻn ish kunidan ortiq boʻlmagan muddatga toʻxtatib qoʻyadi yoxud oʻn ish kunidan ortiq muddatga toʻxtatib qoʻyish yoki ruxsatnomalarni bekor qilish toʻgʻrisida sudga murojaat qiladi”.

2. Vazirlar Mahkamasining 2002-yil 26-noyabrdagi 407-son qarori (Oʻzbekiston Respublikasi QT, 2002-y., 11-son, 71-modda) bilan tasdiqlangan Ulgurji va chakana savdo faoliyatini roʻyxatdan oʻtkazish va amalga oshirish tartibi toʻgʻrisidagi Nizomda:

a) 19-bandga quyidagi mazmundagi ikkinchi xatboshi qoʻshilsin:

“Savdo zalining maydoni 150 kv metrdan ortiq boʻlgan turgʻun savdo shoxobchalarida toʻlovni plastik kartochkalardan foydalangan holda amalga oshirish uchun toʻlovlarni plastik kartochkalar boʻyicha qabul qilish terminallarining mavjudligi taʼminlanishi kerak”;

b) 30-bandga quyidagi mazmundagi xatboshi qoʻshilsin:

“Savdo zalining maydoni 150 kv metrdan ortiq boʻlgan turgʻun savdo shoxobchalarida toʻlovni plastik kartochkalardan foydalangan holda amalga oshirish uchun toʻlovlarni plastik kartochkalar boʻyicha qabul qilish terminallarining mavjudligi taʼminlanishi kerak”;

3. Vazirlar Mahkamasining “Oʻzbekiston Respublikasida chakana savdo qoidalarini hamda Oʻzbekiston Respublikasida umumiy ovqatlanish mahsulotlarini (xizmatlarini) ishlab chiqarish va sotish qoidalarini tasdiqlash toʻgʻrisida” 2003-yil 13-fevraldagi 75-son qarorida (Oʻzbekiston Respublikasi QT, 2003-y., 2-son, 15-modda):

a) 1-ilovada:

21-bandga quyidagi mazmundagi xatboshi qoʻshilsin:

“Savdo zalining maydoni 150 kv metrdan ortiq boʻlgan turgʻun savdo shoxobchalarida toʻlovni plastik kartochkalardan foydalangan holda amalga oshirish uchun toʻlovlarni plastik kartochkalar boʻyicha qabul qilish terminallarining mavjudligi taʼminlanishi kerak”;

189-bandda:

toʻrtinchi xatboshi quyidagi tahrirda bayon qilinsin:

“tovarlar, mahsulotlarni (xizmatlarni) chek (kvitansiya, schyot) bermasdan sotish”;

oʻninchi xatboshi quyidagi mazmundagi oʻninchi va oʻn birinchi xatboshi bilan almashtirilsin:

“quyidagilarga:

toʻlov terminallari bilan jihozlash va pul hisob-kitoblarini amalga oshirishda ularni qoʻllash tartibiga”;

oʻn birinchi—yigirmanchi xatboshi tegishli ravishda oʻn ikkinchi — yigirma birinchi xatboshi deb hisoblansin;

b) 2-ilovada:

14-bandga quyidagi mazmundagi toʻrtinchi xatboshi qoʻshilsin:

“Barcha restoranlarda, shuningdek ish haqi plastik kartochkalardan foydalangan holda toʻlanadigan korxonalar va muassasalar huzuridagi umumiy ovqatlanish obyektlarida toʻlovni plastik kartochkalardan foydalangan holda amalga oshirish uchun toʻlovlarni plastik kartochkalar boʻyicha qabul qilish terminallarining mavjudligi taʼminlanishi kerak”;

toʻrtinchi xatboshi beshinchi xatboshi deb hisoblansin;

25-bandda:

toʻrtinchi xatboshi quyidagi tahrirda bayon qilinsin:

“tovarlar, mahsulotlarni (xizmatlarni) chek (kvitansiya, schyot) bermasdan sotish”;

yettinchi xatboshi quyidagi mazmundagi yettinchi va sakkizinchi xatboshi bilan almashtirilsin:

“quyidagilarga:

toʻlov terminallari bilan jihozlash va pul hisob-kitoblarini amalga oshirishda ularni qoʻllash tartibiga”;

sakkizinchi—oʻn toʻrtinchi xatboshi tegishli ravishda toʻqqizinchi — oʻn beshinchi xatboshi deb hisoblansin.