O‘zbekiston Respublikasining “O‘zbekiston Respublikasining Markaziy banki to‘g‘risida”gi Qonuniga muvofiq O‘zbekiston Respublikasi Markaziy banki Boshqaruvi qaror qiladi:

1. O‘zbekiston Respublikasida naqd pulsiz hisob-kitoblar to‘g‘risidagi nizomga (2002-yil 15-aprel, ro‘yxat raqami 1122) ilovaga muvofiq o‘zgartirishlar kiritilsin.

2. Ushbu qaror O‘zbekiston Respublikasi Adliya vazirligida davlat ro‘yxatidan o‘tkazilgandan so‘ng, 10 kundan keyin kuchga kiritilsin.

1. 10-banddagi “O‘zbekiston Respublikasi banklari o‘rtasida elektron to‘lovlar tizimi bo‘yicha hisob-kitoblar yuritish to‘g‘risida”gi Nizom (2001-yil 19-fevral, ro‘yxat raqami 1010)” so‘zlari ““Markaziy bankning banklararo to‘lov tizimi orqali elektron to‘lovlarni amalga oshirish tartibi to‘g‘risida”gi Nizom (2006-yil 14-fevral, ro‘yxat raqami 1545)” so‘zlari bilan almashtirilsin.

2. 41-bandning “g” kichik bandi quyidagi tahrirda bayon etilsin:

“g) O‘zbekiston Respublikasi Moliya vazirligi:

respublika budjetidan moliyalashtirish jarayonida belgilangandan ortiqcha o‘tkazilgan mablag‘larni qaytarish uchun budjet tashkilotlarining budjet hisobvaraqlariga;

yuqori moliya organlari — quyi moliya organlarining budjet hisobvaraqlariga;

O‘zbekiston Respublikasi Monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasi tomonidan taqdim etilgan hujjatlar bo‘yicha noqonuniy olingan mablag‘lar va jarimalarni undirib olish uchun xo‘jalik yurituvchi subyektlarning bank hisobvaraqlariga;

O‘zbekiston Respublikasi kafolati ostida berilgan xorijiy kreditlarni qaytarish va foizlar to‘lash bilan bog‘liq majburiyatlari bo‘yicha qarzdorlar va subqarzdorlarning milliy va chet el valyutalaridagi bank hisobvaraqlariga.”.

3. 87 va 88-bandlar o‘z kuchini yo‘qotgan deb hisoblansin.