Ўзбекистон Республикаси Президентининг «Маданият ва санъат соҳасининг жамият ҳаётидаги ўрни ва таъсирини янада ошириш чора-тадбирлари тўғрисида» 2020 йил 26 майдаги ПФ-6000-сон Фармонига ва «Ўзбекистон Республикаси Маданият вазирлиги фаолиятини такомиллаштириш чора-тадбирлари тўғрисида» 2020 йил 26 майдаги ПҚ-4730-сон қарорига мувофиқ Вазирлар Маҳкамаси қарор қилади:
1. Ўзбекистон Республикаси Ҳукуматининг иловага мувофиқ айрим ҳужжатларига ўзгартириш ва қўшимчалар киритилсин.
2. Белгилансинки, ушбу қарорнинг қабул қилиниши билан боғлиқ қўшимча харажатлар Ўзбекистон Республикаси Давлат бюджетидан ҳар йили маданият соҳасига ажратиладиган маблағлар доирасида амалга оширилади.
3. Ўзбекистон Республикаси Маданият вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
4. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари Б.А. Мусаев зиммасига юклансин.
1. Вазирлар Маҳкамасининг «Ўзбекистонда театр ва мусиқа санъатини янада ривожлантиришни қўллаб-қувватлаш ва рағбатлантириш чора-тадбирлари тўғрисида»ги Фармонни амалга ошириш масалалари ҳақида» 1995 йил 28 октябрдаги 415-сон қарорида:
Ўзбекистон давлат филармонияси Қорақалпоғистон Республикаси бўлинмаси ва унинг таркибига кирувчи жамоалар
«Ўзбек миллий мақом санъати маркази ҳузуридаги Марғилон шаҳар мусиқали мақом театри» давлат муассасаси
«1. Ўзбекистон давлат консерваторияси, Ўзбекистон давлат санъат ва маданият институти ҳамда унинг филиаллари, Ўзбекистон давлат хореография академиясининг ректорлари, проректорлари, деканлари, концертмейстерлари ва профессор-ўқитувчилари, Р. Глиэр ва В. Успенский номидаги Республика ихтисослаштирилган мусиқа мактаби, Карим Зарипов номидаги Республика эстрада ва цирк, Республика мусиқа ва санъат коллежи, Республика хореографияга ихтисослаштирилган мактаб-интернати директорлари, директор ўринбосарлари, ўқитувчи ва концертмейстерлари таркиби».
2. Вазирлар Маҳкамасининг 2010 йил 12 апрелдаги 68-сон қарори (Ўзбекистон Республикаси ҚҲТ, 2010 й., 14-15-сон, 109-модда) билан тасдиқланган Миллий музей фонди таркибига киритилган музей ашёлари ва музей коллекцияларини кириб кўриш тартиби ва шартлари тўғрисидаги низомнинг 51-банди қуйидаги таҳрирда баён қилинсин:
«51. Миллий музей фонди таркибига киритилган музей ашёлари ва музей коллекцияларини кириб кўриш учун ҳар йилнинг 2 — 8 сентябрь кунлари ўтказиладиган «Музейлар ҳафталиги» доирасида ҳамда ҳар ойнинг биринчи якшанбаси «очиқ эшиклар куни» доирасида аҳоли давлат музейларига бепул киритилади».
3. Вазирлар Маҳкамасининг 2014 йил 29 июлдаги 205-сон қарори (Ўзбекистон Республикаси ҚҲТ, 2014 й., 32-сон, 398-модда) билан тасдиқланган Оммавий тадбирларни ўтказиш қоидаларининг 6-бандига қуйидаги мазмундаги иккинчи — тўртинчи хатбошилар қўшилсин:
«Кўчма цирклар (шапито, дорбозлар гуруҳлари) томонидан ўтказиладиган томоша тадбирларига оммавий тадбир ўтказиш учун рухсатнома ва рухсат бериш хусусиятига эга бошқа ҳужжатларни олиш талаб этилмайди, бунда тадбир ташкилотчилари уни ўтказиш жойи ва вақти тўғрисида ички ишлар органларини камида 10 кун олдин ёзма равишда хабардор қилади.
Ички ишлар вазирлиги, Миллий гвардия ва Фавқулодда вазиятлар вазирлиги органлари кўчма цирклар (шапито, дорбозлар гуруҳлари) томонидан ўтказиладиган томоша тадбирларида жамоат тартиби ва ёнғин хавфсизлигини тўлов ундирилмаган ҳолда таъминлайди.
Давлат органлари ва ташкилотлари тизимидаги маданият ва истироҳат боғлари, спорт иншоотлари, сайилгоҳлар ва бошқа очиқ ҳудудларда кўчма цирклар (шапито, дорбозлар гуруҳлари) томонидан томоша тадбирлари ўтказиш учун ижара тўлови ва бошқа турдаги тўловлар ундирилмайди».
4. Вазирлар Маҳкамасининг «Концерт-томоша фаолиятини амалга ошириш тартибини янада такомиллаштириш чора-тадбирлари тўғрисида» 2015 йил 9 декабрдаги 354-сон қарорига (Ўзбекистон Республикаси ҚҲТ, 2015 й., 49-сон, 613-модда) қуйидаги мазмундаги 61-банд қўшилсин:
«61. Давлат органлари ва ташкилотлари тизимидаги концерт, маданият саройлари ва бошқа муассасаларда тўлиқ жонли ижро асосида ўтказилган концерт дастурлари учун ижара тўловидан 50 фоиз чегирма берилади».
Олдинги таҳрирга қаранг.
(5-банд Ўзбекистон Республикаси Вазирлар Маҳкамасининг 2021 йил 7 сентябрдаги 558-сон қарорига асосан ўз кучини йўқотган — Қонунчилик маълумотлари миллий базаси, 08.09.2021 й., 09/21/558/0854-сон)
Олдинги таҳрирга қаранг.
(6-банд Ўзбекистон Республикаси Президентининг 2022 йил 2 февралдаги ПҚ-112-сонли қарорига асосан ўз кучини йўқотган — Қонунчилик маълумотлари миллий базаси, 03.02.2022 й., 07/22/112/0099-сон)
7. Вазирлар Маҳкамасининг «2017 — 2027 йилларда давлат музейлари фаолиятини такомиллаштириш ва моддий-техник базасини мустаҳкамлаш бўйича комплекс чора-тадбирлар дастурини тасдиқлаш тўғрисида» 2017 йил 11 декабрдаги 975-сон қарори 7-бандидаги «Объектларни қуриш, реконструкция қилиш, мукаммал ва жорий таъмирлаш бўйича буюртмачи хизмати» сўзлари «Ягона буюртмачи хизмати» инжиниринг компанияси» сўзлари билан алмаштирилсин.
8. Вазирлар Маҳкамасининг «2018 — 2022 йилларда давлат театрларининг моддий-техника базасини мустаҳкамлаш ва уларнинг фаолиятини ривожлантириш чора-тадбирлари дастури тўғрисида» 2018 йил 5 январдаги 9-сон қарори 5-банди иккинчи хатбошисидаги «Объектларни қуриш, реконструкция қилиш, мукаммал ва жорий таъмирлаш бўйича буюртмачи хизмати» сўзлари «Ягона буюртмачи хизмати» инжиниринг компанияси» сўзлари билан алмаштирилсин.
9. Вазирлар Маҳкамасининг «Давлат маданият муассасалари ва давлат архивлари ходимлари меҳнатига ҳақ тўлаш ва уларни моддий рағбатлантиришнинг такомиллаштирилган тизимини тасдиқлаш ҳақида» 2018 йил 19 июндаги 458-сон қарорида (Ўзбекистон Республикаси ҚҲТ, 2018 йил, 25-сон, 500-модда):
а) 1-илованинг «Изоҳ» қисмига «Ўзбек Миллий академик драма театри» сўзларидан кейин «Ўзбек Миллий қўғирчоқ театри» сўзлари қўшилсин;
б) 2-илованинг «Изоҳ» қисмига «Ўзбек Миллий академик драма театри» сўзларидан кейин «Ўзбек Миллий қўғирчоқ театри» сўзлари қўшилсин;
в) 4-илованинг «Изоҳ» қисмига «Ўзбекистон Давлат филармонияси ижодий жамоалари» сўзларидан кейин «Мукаррама Турғунбоева номидаги «Баҳор» давлат рақс ансамбли» сўзлари қўшилсин.
10. Вазирлар Маҳкамасининг «Ўзбекистон Республикаси Маданият вазирлиги ҳузуридаги Бадиий экспертлар кенгаши тўғрисидаги низомни тасдиқлаш ҳақида» 2018 йил 25 июндаги 474-сон қарорида:
а) 1-илова (Ўзбекистон Республикаси Маданият вазирлиги ҳузуридаги Бадиий экспертлар кенгаши таркиби)нинг 12-позицияси қуйидаги таҳрирда баён қилинсин:
« | |||
12. | Лавозимига кўра | — | Маданий мерос департаментининг Миллий музей фонди ва маданий бойликларни муҳофаза қилиш бўлими бошлиғи, Бадиий экспертлар кенгашининг масъул котиби |
»; |
б) 2-илова (Ўзбекистон Республикаси Маданият вазирлиги ҳузуридаги Бадиий экспертлар кенгаши тўғрисида низом)нинг 10-бандидаги «Ўзбекистон Республикаси Маданият вазирлигининг Музейлар ва кутубхоналарни ривожлантириш бошқармаси» сўзлари «Ўзбекистон Республикаси Маданият вазирлиги ҳузуридаги Маданий мерос департаменти» сўзлари билан алмаштирилсин.
11. Вазирлар Маҳкамасининг «Ихтисослаштирилган санъат ва маданият мактаблари ҳамда мактаб-интернатларнинг фаолиятини ташкил этиш тўғрисида» 2019 йил 9 январдаги 9-сон қарорида:
б) 1-илова (Ўзбекистон Республикаси Маданият вазирлиги тизимидаги ихтисослаштирилган санъат ва маданият мактаблари ҳамда мактаб-интернатлар тўғрисида низом)нинг 18-банди «а» кичик бандида:
12. Вазирлар Маҳкамасининг «Маданият марказлари фаолиятини ташкил этиш чора-тадбирлари тўғрисида» 2019 йил 30 мартдаги 263-сон қарорининг 8-бандидаги «Марказлашган инвестициялар ҳисобидан молиялаштирилувчи объектларни қуриш, реконструкция қилиш, мукаммал ва жорий таъмирлаш бўйича буюртмачи хизмати» сўзлари «Ягона буюртмачи хизмати» инжиниринг компанияси» сўзлари билан алмаштирилсин.
13. Вазирлар Маҳкамасининг «Ўзбекистон Республикаси Маданият вазирлиги ҳузуридаги Маданий мерос департаменти фаолиятини ташкил этиш ҳамда моддий маданий мерос объектларини муҳофаза қилиш ва улардан фойдаланишга оид айрим норматив-ҳуқуқий ҳужжатларни тасдиқлаш тўғрисида» 2019 йил 30 мартдаги 265-сон қарорининг 4-банди «в» кичик бандидаги «Объектларни қуриш, реконструкция қилиш, мукаммал ва жорий таъмирлаш бўйича буюртмачи хизмати» сўзлари «Ягона буюртмачи хизмати» инжиниринг компанияси» сўзлари билан алмаштирилсин.
14. Вазирлар Маҳкамасининг 2019 йил 4 октябрдаги 846-сон қарори билан тасдиқланган Моддий маданий мероснинг кўчмас мулк объектлари миллий рўйхатининг «Тошкент шаҳар» бўлимида:
а) 301-позициянинг «Объект тўлиқ номи» устунидаги «Эстрада ва цирк коллежи» сўзлари «Карим Зарипов номидаги Республика эстрада ва цирк коллежи» сўзлари билан алмаштирилсин;
б) 311-позициянинг «Объект тўлиқ номи» устунидаги «Республика қўғирчоқ театри» сўзлари «Ўзбек Миллий қўғирчоқ театри» сўзлари билан алмаштирилсин.
15. Вазирлар Маҳкамасининг 2019 йил 8 майдаги 385-сон қарори билан тасдиқланган Оммавий ижрога мўлжалланган драматик, мусиқали ва мусиқали-драматик асарлар яратганлиги учун муаллифлик ҳақини тўлаш тартиби тўғрисида низомнинг 4-бандидаги «Репертуар-таҳририят шуъбаси» сўзлари «Театр ва цирк санъатини ривожлантириш бошқармаси» сўзлари билан алмаштирилсин.
16. Вазирлар Маҳкамасининг 2020 йил 8 майдаги 273-сон қарори билан тасдиқланган Ўзбекистон Республикасининг чет элда жойлашган давлат мулки объектларининг ҳисобини юритиш ва уларни бошқариш тартиби тўғрисидаги низомнинг 6-бандидаги «Вазирлар Маҳкамаси» сўзлари «Маданият вазирлиги» сўзлари билан алмаштирилсин.