2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида белгиланган вазифаларни ҳисобга олган ҳолда бошқарув кадрларини тайёрлаш, қайта тайёрлаш ва уларнинг малакасини оширишни ташкил этиш самарадорлигини ошириш, шунингдек давлат ва жамият бошқарувини такомиллаштириш учун кадрлар салоҳиятини яратиш мақсадида:
1. Ўзбекистон Республикаси Президенти ҳузуридаги Давлат бошқаруви академиясининг (бундан буён матнда Академия деб юритилади) асосий вазифалари ва фаолиятининг йўналишлари этиб қуйидагилар белгилансин:
ҳозирги замон ижтимоий-иқтисодий шароитларида ишлаш учун бошқарув кадрларининг касбий тайёргарлигига нисбатан қўйиладиган талабларга жавоб берадиган олий касб таълими дастурлари бўйича давлат, хўжалик ва жамият бошқаруви соҳасида бошқарув кадрларини тайёрлаш, қайта тайёрлаш ва уларнинг малакасини ошириш;
тингловчиларда давлат, хўжалик ва жамият бошқаруви, психология, ахборот-коммуникация технологиялари ва «электрон ҳукумат» тизимлари соҳасида мустаҳкам билимларни, бошқарувнинг ҳуқуқий асослари ва замонавий усулларини, ташаббускорлик ва етакчилик хислатларини шакллантириш, шунингдек, тизимли таҳлил қилиш ва стратегик режалаштириш, ноодатий шароитларда қарорлар қабул қилиш кўникмаларини шакллантириш;
давлат ҳокимияти органлари, давлат ва хўжалик бошқаруви органлари ва нодавлат нотижорат ташкилотларининг бошқарув кадрларига бўлган жорий ҳамда истиқболдаги эҳтиёжларини мунтазам ўрганиш ва таҳлил қилиш, шунингдек, ушбу асосда Академияга бириктирилган мутахассисликлар бўйича кадрлар тайёрлаш учун буюртмаларнинг йиллик аниқ мақсадли портфелини шакллантириш;
бошқарув кадрларини тайёрлаш, қайта тайёрлаш ва уларнинг малакасини ошириш учун потенциал номзодларнинг маълумотлар базасини шакллантириш, шунингдек, битирувчиларнинг касбий ўсишини мунтазам мониторинг қилиб бориш;
ёшлар муаммоларининг мунтазам ўрганилишини, ўқув, ўқув-методик материаллар ишлаб чиқилишини таъминлаш ва ёшларнинг долзарб муаммолари юзасидан илмий тадқиқотлар ўтказиш;
халқ депутатлари вилоят, туман ва шаҳар Кенгашлари депутатларининг, сиёсий партиялар аъзоларининг ўқитилишини ташкил этишга кўмаклашиш ва услубий раҳбарлик қилиш, шунингдек, Ўзбекистон Республикаси Олий Мажлиси Қонунчилик палатаси депутатлари ва Сенат аъзоларини ўқитиш курсларини ташкил этиш;
давлат ҳокимияти органларида, давлат ва хўжалик бошқаруви органларида ҳамда жамоат ташкилотларида кадрлар билан таъминланганлик ҳолати ва сифати бўйича ахборот-таҳлилий материаллар тайёрлаш, уларнинг кадрлар захирасини шакллантириш, раҳбар кадрларни танлаш, жой-жойига қўйиш ва тайинлаш, давлат ва жамият бошқарувининг кадрлар салоҳияти мониторингини ташкил этиш услубиятларини ишлаб чиқиш;
давлат ва жамият бошқарувининг долзарб масалалари юзасидан ҳар томонлама илмий тадқиқотлар олиб бориш, кадрлар сиёсати самарадорлигини ошириш, давлат хизматини ислоҳ қилиш соҳасидаги халқаро тажрибани ўрганиш ва шу асосда республикада бошқарув тизимини янада такомиллаштириш юзасидан таклифлар ишлаб чиқиш;
ўқув ва илмий-методик ишларга чет эллик юқори малакали мутахассисларни жалб қилиш, контракт асосида маслаҳатлашувлар ўтказиш, шунингдек бошқарув кадрларини тайёрлаш, қайта тайёрлаш ва уларнинг малакасини ошириш соҳасида хорижий таълим, илмий-тадқиқот ташкилотлари билан шартномалар тузиш ва ҳамкорлик қилиш.
Ўзбекистон Республикаси Президенти ҳузуридаги Давлат бошқаруви академиясининг ташкилий тузилмаси 1-иловага* мувофиқ;
Ўзбекистон Республикаси Президенти ҳузуридаги Давлат бошқаруви академиясининг Устави 2-иловага мувофиқ тасдиқлансин.
Академия ректоратига ходимларнинг белгиланган умумий сони доирасида унинг ташкилий тузилмасига ўзгартишлар киритиш ҳуқуқи берилсин.
Академияда бошқарув кадрларини тайёрлаш грант ва тўлов-контракт асосида магистратуранинг икки йиллик таълим дастури бўйича амалга оширилади ва давлат намунасидаги диплом берилади;
давлат, хўжалик ва жамият бошқаруви соҳасида бошқарув кадрларини қайта тайёрлаш грант ва тўлов-контракт асосида бир йилгача давом этадиган дастурлар бўйича, шу жумладан ишлаб чиқаришдан ажратмаган ҳолда амалга оширилади ва белгиланган намунадаги диплом берилади;
давлат, хўжалик ва жамият бошқаруви соҳасида бошқарув кадрлари малакасини ошириш Академияда грант ва тўлов-контракт асосида бир ойгача давом этадиган қисқа муддатли дастурлар бўйича уч йилда бир марта, шу жумладан ишлаб чиқаришдан ажратмаган ҳолда амалга оширилади ва белгиланган намунада сертификат берилади;
магистратуранинг, қайта тайёрлаш ва малака ошириш курсларининг ўқув дастурлари жойларда мавжуд бўлган ижтимоий-иқтисодий ривожланиш билан боғлиқ муаммоларни мунтазам ўрганиш асосида муайян ҳудудлар ва иқтисодиёт тармоқларининг ўзига хослигини инобатга олган ҳолда шакллантирилади;
тингловчиларни қайта тайёрлаш ва уларнинг малакасини ошириш учун Академия томонидан ўқув режасининг муайян фанига қараб меҳнатига соатбай ҳақ тўлаш асосида ўқитувчилар жалб қилиниши мумкин;
Академиянинг магистратурасига қабул қилиш давлат ҳокимияти органлари, давлат ва хўжалик бошқаруви органлари, шунингдек Ўзбекистон Республикаси жамоат ташкилотлари ва тадбиркорлик субъектлари томонидан тавсия этилган, 40 ёшга тўлмаган, умумий олий маълумотга ва бошқарув ишларида камида 2 йиллик тажрибага эта бўлган шахслар орасидангина танлов асосида жойларда номзодларни дастлабки тарзда саралашни ташкил этиш ва кейинчалик улар учун Академияда тест синови ва суҳбатлашиш ўтказиш орқали амалга оширилади;
Академияда ишлаб чиқаришдан ажралган ҳолда таълим олаётган тингловчиларнинг асосий иш жойи бўйича лавозими ва ўртача ойлик иш ҳақи бутун ўқиш даври мобайнида сақланиб қолади;
Академия магистратурасининг тингловчилари ўқиш даврида бир йилгача бўлган муддатда уларнинг доимий яшаш ҳудудида жойлашмаган маҳаллий давлат ҳокимияти органларида, давлат ва хўжалик бошқаруви органларининг таркибий бўлинмаларида, шунингдек давлат ва нодавлат нотижорат ташкилотларида малака амалиётини ва стажировкани ўтайдилар.
4. Белгилаб қўйилсинки, Қорақалпоғистон Республикаси Вазирлар Кенгаши раиси, вилоятлар ва Тошкент шаҳри ҳокимлари, шунингдек давлат ва хўжалик бошқаруви органлари раҳбарлари:
номзодларни саралаш ва Академияга таълим олиш учун юбориш сифати, шунингдек, Академия битирувчиларининг мансабларга холисона тайинланиши учун шахсан жавоб берадилар;
5. Белгилансинки, Академияда ўқув жараёни халқаро таълим стандартларини ва бошқарув кадрларини ўқитишнинг замонавий усулларини жорий этган ҳолда ташкил этилади ва бу, шу жумладан, қуйидагиларни назарда тутади:
бошқарув кадрларини қайта тайёрлаш ва уларнинг малакасини ошириш курсларида замонавий таълим технологиялари ва шаклларидан фойдаланиш, шу жумладан Академия ўқитувчиларининг минтақаларга сафар қилишини ташкил этиш;
давлат ва жамият бошқарувининг кўзга кўринган арбобларини, вазирликлар ва идоралар ҳамда бошқа ташкилотлар раҳбарларини жалб қилган ҳолда мунтазам равишда интерактив машғулотлар, давра суҳбатлари ўтказиш;
мутахассислик фанлари билан бир қаторда тингловчилар Ўзбекистон тарихи ва миллий қадриятларини, мамлакатимиз шоирлари ва ёзувчилари ижодини, чет тили ҳамда ахборот-коммуникация технологияларини чуқур ўрганишини ташкил этиш;
Академия магистратураси тингловчиларини бошқарув кадрларини тайёрлаш бўйича хорижнинг етакчи илмий-таълим муассасалари ва марказларига, шунингдек чет мамлакатларнинг давлат ҳокимияти органлари, давлат ва хўжалик бошқаруви органлари, жамоат ташкилотларига бир ойгача бўлган муддатга албатта юбориш.
мутахассисликлар бўйича ўқув режаларини ва Академия фанлари бўйича ўқув дастурларини ишлаб чиқиш ҳамда тасдиқлаш;
профессор-ўқитувчилар таркибининг фаолият турлари бўйича вақт нормаларини, шунингдек уларнинг зиммасига тушадиган чекланган ўқув юкини белгилаш;
етакчи олий таълим ва илмий муассасалар, тадқиқот марказларининг, шу жумладан чет мамлакатлар олий таълим ва илмий муассасалари ҳамда тадқиқот марказларининг юқори малакали мутахассислари ва экспертларини контракт асосида Академия ва дарс беришга жалб қилиш ҳуқуқи берилсин.
бошқарув кадрларини тайёрлаш соҳасида магистратура мутахассисликлари бўйича Олий таълим давлат таълим стандартини (Асосий қоидалар), шунингдек давлат ҳокимияти органлари, давлат ва хўжалик бошқаруви органлари ва жамоат ташкилотлари учун бошқарув кадрларини қайта тайёрлаш ва уларнинг малакасини оширишга қўйилган Давлат талабларини тасдиқласин.
Академия магистратураси тингловчилари томонидан малака амалиёти ва стажировкани ўташ тўғрисидаги низомни тасдиқласин. Малака амалиётини ва стажировкани ўташ вақтида Академия тингловчиларининг сафари ва яшаши билан боғлиқ харажатлар тегишли равишда Академиянинг бюджет маблағлари ҳисобидан амалга оширилади.
тингловчиларни магистратурага қабул қилиш квоталари давлат ҳокимияти органлари, давлат ва хўжалик бошқаруви органлари ҳамда жамоат ташкилотларининг бошқарув кадрларига бўлган жорий ва истиқболдаги эҳтиёжларини ҳисобга олган ҳолда Академия томонидан шакллантирилади ва Ўзбекистон Республикаси Президентининг қарори билан тасдиқланади;
Академиянинг магистратурасида давлат гранти асосида ўқишга шахслар фақат давлат ҳокимияти органлари, давлат бошқаруви органлари, давлат муассасалари ва ташкилотлари ходимлари орасидан қабул қилинади;
Академиянинг магистратурасида ўқишни муваффақиятли тамомлаган, давлат ҳокимияти органлари, давлат бошқаруви органлари, давлат ва нодавлат нотижорат ташкилотларининг бошқарув лавозимларида ўз меҳнат фаолиятини амалга ошираётган шахсларга 5 йил мобайнида лавозим маошининг 20 фоизигачабўлган миқдорда (бошқа назарда тутилган қўшимча ҳақ ва устамалардан қатъи назар) ҳар ойлик устама белгиланади;
Академиянинг магистратурасида ўқишни муваффақиятли тамомлаган шахсларни тегишли лавозимларга ва иш жойларига тақсимлаш Ўзбекистон Республикаси Президенти томонидан тасдиқланади;
Академиянинг магистрлик дастурини бажармаган тингловчилар ўқиш даврида олган барча тўловлар миқдорининг 50 фоизини асосий иш жойи бўйича қоплаши шарт.
9. Академияда бюджет муассасалари ва ташкилотлари ходимларини моддий рағбатлантириш махсус фонди билан бир қаторда бюджет ва бюджетдан ташқари маблағлар ҳисобига, шу жумладан тўлов-контракт маблағлари ҳисобига уларнинг меҳнатига ҳақ тўлаш фондининг 50 фоизигача бўлган миқдорда Бошқарув, профессор-ўқитувчилар, илмий, ўқув-ёрдамчи, техник ва хизмат кўрсатувчи ходимлар учун махсус фонд (бундан буён матнда Махсус фонд деб юритилади) ташкил этилсин.
Махсус фонднинг маблағлари Академия ректорининг қарорига биноан штатдаги бошқарув, профессор-ўқитувчилар, илмий, ўқув-ёрдамчи, техник ва хизмат кўрсатувчи ходимларга тариф ставкасининг 100 фоизигача бўлган миқдорда ҳар ойлик устамалар белгилаш учун йўналтирилади;
Махсус фонд маблағларини шакллантириш ва улардан фойдаланиш тартиби, шунингдек Академия ходимларига ҳар ойлик устамалар белгилаш мезонлари Академия Кенгаши томонидан белгиланади;
бошқарув кадрларини ва мутахассисларни қайта тайёрлаш ва уларнинг малакасини ошириш бўйича пулли курсларни ўтказишдан келиб тушадиган маблағлар курсларни ташкил этиш билан боғлиқ харажатлар қоплангандан сўнг Академия ходимларини моддий жиҳатдан рағбатлантиришга йўналтирилиши мумкин.
чет эллик олимлар, ўқитувчилар ва мутахассислар меҳнатига меҳнат шартномасида белгиланган миқдорларда хорижий валютада ҳақ тўлаш;
чет эллик олимлар, ўқитувчилар ва мутахассислар учун бориш-келиш авиачипталарини (узоқ муддатли меҳнат шартномалари тузилганда бир йилда кўпи билан икки марта) миллий валютада харид қилиш бўйича харажатларни тўлаш;
чет эллик олимлар, ўқитувчилар ва мутахассисларнинг республика меҳмонхоналарида яшаши бўйича харажатларни миллий валютада тўлаш;
Олдинги таҳрирга қаранг.
суткалик пулларни миллий валютада ҳар кунлик норма бўйича 80 минг сўм миқдорда тўлашга рухсат этилсин.
(10-банднинг бешинчи хатбошиси Ўзбекистон Республикаси Президентининг 2017 йил 29 сентябрдаги ПФ-5197-сонли Фармони таҳририда — Қонун ҳужжатлари маълумотлари миллий базаси, 30.09.2017 й., 06/17/5197/0045-сон)
11. Молия вазирлиги Ўзбекистон Республикаси Давлат бюджетининг харажатлари параметрларида Академияга уни ушбу Фармон талабларига мувофиқ таъминлаш учун зарур маблағлар ажратилишини назарда тутсин.
Олдинги таҳрирга қаранг.
(12-банд Ўзбекистон Республикаси Президентининг 2021 йил 11 февралдаги ПФ-6168-сонли Фармонига асосан ўз кучини йўқотган — Қонун ҳужжатлари маълумотлари миллий базаси, 12.02.2021 й., 06/21/6168/0111-сон)
13. Ўзбекистон Республикаси Ташқи ишлар вазирлиги Академия буюртманомалари бўйича Академиянинг ўқув ва илмий жараёнида иштирок этувчи хорижлик мутахассислар, профессор-ўқитувчилар ва илмий ходимлар учун кириш визаларини консуллик ва бошқа йиғимларни ундирмаган ҳолда белгиланган тартибда расмийлаштирилишини таъминласин.
14. Ўзбекистон Республикаси Ички ишлар вазирлиги Академиянинг буюртманомалари бўйича Академиянинг ўқув ва илмий жараёнида иштирок этувчи хорижлик мутахассислар, профессор-ўқитувчилар ва илмий ходимлар учун кўп марталик кириш визалари расмийлаштирилишини ва муддати узайтирилишини, шунингдек вақтинчалик пропискани ва унинг муддати узайтирилишини давлат божи ундирмаган ҳолда белгиланган тартибда таъминласин.
Ўзбекистон Республикаси Президентининг 2012 йил 10 апрелда қабул қилинган ПФ-4435-сонли «Давлат бошқаруви соҳасида кадрлар тайёрлашни янада такомиллаштириш чора-тадбирлари тўғрисида»ги Фармони 2-бандининг биринчи — тўртинчи хатбошилари, 4-банди, 5-бандининг биринчи — учинчи хатбошилари, тўртинчи хатбошининг иккинчи жумласи, 8-бандининг иккинчи хатбоши;
Ўзбекистон Республикаси Президентининг 2015 йил 20 августда қабул қилинган ПФ-4745-сонли «Ўзбекистон Республикаси Президенти ҳузуридаги Давлат бошқаруви академияси фаолиятини такомиллаштириш чора-тадбирлари тўғрисида»ги Фармони.
16. Академия Адлия вазирлиги, манфаатдор вазирликлар ва идоралар билан ҳамкорликда бир ой муддатда қонун ҳужжатларига ушбу Фармондан келиб чиқадиган ўзгартиш ва қўшимчалар тўғрисида Вазирлар Маҳкамасига таклифлар киритсин.
17. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг Давлат маслаҳатчиси У.С. Исмоилов зиммасига юклансин.
1. Ўзбекистон Республикаси Президенти ҳузуридаги Давлат бошқаруви академияси (бундан буён матнда Академия деб юритилади) бошқарув кадрларини тайёрлаш, қайта тайёрлаш ва уларнинг малакасини ошириш, шунингдек давлат ва жамият бошқаруви соҳасида фундаментал ва амалий илмий тадқиқотлар ўтказиш бўйича давлатнинг олий таълим муассасаси ҳисобланади.
2. Академия ўз фаолиятида Республикасининг Конституцияси ва қонунларига, Республикаси Олий Мажлиси палаталарининг қарорларига, Республикаси Президентининг фармонлари, қарорлари ва фармойишларига, Вазирлар Маҳкамасининг қарорлари ва фармойишларига, ушбу Уставга ҳамда бошқа норматив- ҳуқуқий ҳужжатларга амал қилади.
3. Академия юридик шахс ҳисобланади, ўз мустақил балансига, Республикаси Молия вазирлигининг Ғазначилигида шахсий ғазна ҳисобварақларига, Ўзбекистон Республикасининг тижорат банкларида хорижий валютада талаб қилиб олинадиган депозит ҳисобварағига, Республикаси Давлат герби тасвири туширилган давлат тилида ўз номи ёзилган муҳрга, бланкка, штампга, ўз фаолияти учун зарур бўлган бошқа белги ва реквизитларга эга бўлади.
инглиз тилида — «Academy of Public Administration under the President of the Republic of Uzbekistan»;
Академия ҳузурида Ёшлар муаммоларини ўрганиш ва истиқболли кадрлар тайёрлаш институти (бундан буён матнда Институт деб юритилади) фаолият кўрсатади.
грант ва тўлов-контракт асосида икки йиллик таълим дастурлари бўйича бошқарув кадрларини тайёрлайди, Академияга йиллик қабул квоталарини тасдиқлашда Республикаси Президентининг тегишли қарори билан белгилаб бериладиган мутахассисликлар бўйича магистр даражаси ва давлат намунасидаги диплом беради;
грант ва тўлов-контракт асосида бир йилгача давом этадиган дастурлар бўйича давлат, хўжалик ва жамият бошқаруви соҳасида, шу жумладан ишлаб чиқаришдан ажратмаган ҳолда, бошқарув кадрларини қайта тайёрлайди, белгиланган намунадаги диплом беради;
грант ва тўлов-контракт асосида бир ойгача давом этадиган қисқа муддатли дастурлар бўйича давлат, хўжалик ва жамият бошқаруви соҳасида, шу жумладан ишлаб чиқаришдан ажратмаган ҳолда, бошқарув кадрларининг малакасини оширади, белгиланган намунадаги сертификат беради;
ўқув ва илмий-методик ишлар учун чет эллик юқори малакали мутахассисларни жалб қилади, контракт асосида маслаҳатлашувлар ўтказади, шунингдек бошқарув кадрларини тайёрлаш, қайта тайёрлаш ва уларнинг малакасини ошириш соҳасида хорижнинг таълим, илмий-тадқиқот ташкилотлари билан шартномалар тузади ва ҳамкорлик қилади;
профессор-ўқитувчилар таркибини, ходимлар ҳамда тингловчиларни стажировка ўташ учун давлат ҳокимияти органларига, давлат ва хўжалик бошқаруви органларига, жамоат ташкилотларига, шунингдек олий таълим ва илмий-тадқиқот муассасаларига, шу жумладан чет мамлакатларнинг олий таълим ва илмий-тадқиқот муассасаларига юборади;
5. Академияда бошқарув кадрларини тайёрлаш, қайта тайёрлаш ва уларнинг малакасини ошириш белгиланган тартибда грант ва тўлов-контракт асосида амалга оширилади.
6. Академиянинг асосий мақсади бошқарув кадрларини тайёрлаш, қайта тайёрлаш ва уларнинг малакасини оширишнинг самарали тизимини ташкил этишдан, шунингдек давлат ва жамият бошқаруви соҳасида фундаментал ва амалий илмий тадқиқотлар олиб боришдан иборат.
ҳозирги замон ижтимоий-иқтисодий шароитларида ишлаш учун бошқарув кадрларини касбга тайёрлашга нисбатан қўйилган талабларга жавоб берадиган олий касб таълими дастурлари бўйича давлат ва жамият бошқаруви соҳасида бошқарув кадрларини тайёрлаш, қайта тайёрлаш ва уларнинг малакасини ошириш;
тингловчиларда давлат ва жамият бошқаруви, психология, ахборот-коммуникация технологиялари ва «электрон ҳукумат» тизимлари соҳасида мустаҳкам билимларни, бошқарувнинг ҳуқуқий асослари ва замонавий усулларини, ташаббускорлик ва етакчилик хислатларини шакллантириш, шунингдек тизимли таҳлил қилиш ва стратегик режалаштириш, ноодатий шароитларда қарорлар қабул қилиш бўйича кўникмалар ишлаб чиқиш;
давлат ҳокимияти органлари, давлат ва хўжалик бошқаруви органлари ва нодавлат нотижорат ташкилотларининг бошқарув кадрларига бўлган эҳтиёжларини мунтазам ўрганиш ва таҳлил қилиш, шунингдек, ушбу асосда Академияга бириктирилган мутахассисликлар бўйича кадрлар тайёрлаш учун буюртмаларнинг йиллик аниқ мақсадли портфелини шакллантириш;
бошқарув кадрларини тайёрлаш, қайта тайёрлаш ва уларнинг малакасини ошириш учун потенциал номзодларнинг маълумотлар базасини шакллантириш, шунингдек битирувчиларнинг касбий ўсиши устидан мунтазам мониторинг қилиб бориш;
ёшлар муаммоларининг мунтазам ўрганилишини, ўқув, ўқув-методик материаллар ишлаб чиқилишини таъминлаш ва ёшларнинг долзарб муаммолари юзасидан илмий тадқиқотлар ўтказиш;
халқ депутатлари вилоят, туман ва шаҳар Кенгашлари депутатларининг, сиёсий партиялар аъзоларининг ўқитилишини ташкил этишга кўмаклашиш ва услубий раҳбарлик қилиш, шунингдек Ўзбекистон Республикаси Олий Мажлиси Қонунчилик палатаси депутатлари ва Сенати аъзоларини ўқитиш курсларини ташкил этиш;
давлат ҳокимияти органларида, давлат ва хўжалик бошқаруви органларида ҳамда жамоат ташкилотларида кадрлар билан таъминланганлик ҳолати ва сифати бўйича ахборот-таҳлилий материаллар тайёрлаш, уларнинг кадрлар захирасини шакллантириш, раҳбар кадрларни танлаш, жой-жойига қўйиш ва тайинлаш, давлат ва жамият бошқарувининг кадрлар салоҳияти мониторингини ташкил этиш услубиятларини ишлаб чиқиш;
давлат ва жамият бошқарувининг долзарб масалалари юзасидан ҳар томонлама илмий тадқиқотлар олиб бориш, кадрлар сиёсати самарадорлигини ошириш, давлат хизматини ислоҳ қилиш соҳасидаги халқаро тажрибани ўрганиш ва шу асосда республикада бошқарув тизимини янада такомиллаштириш юзасидан таклифлар ишлаб чиқиш;
ўқув ва илмий-методик ишлар учун чет эллик юқори малакали мутахассисларни жалб қилиш, контракт асосида маслаҳатлашувлар ўтказиш, шунингдек бошқарув кадрларини тайёрлаш, қайта тайёрлаш ва уларнинг малакасини ошириш соҳасида хорижнинг таълим, илмий-тадқиқот ташкилотлари билан шартномалар тузиш ва ҳамкорлик қилиш.
назарий жиҳатдан тайёргарлик кўриш ва бошқарув фаолияти амалиёти ўртасидаги узвий алоқани, Академия тингловчиларида давлат ва жамият бошқаруви соҳасида зарур билим ва кўникмаларни ҳосил қилиш мақсадида улар давлат ҳокимияти органлари, давлат ва хўжалик бошқаруви органлари, шунингдек жамоат ташкилотларида малака амалиёти ва стажировкадан ўтишини ташкил этишни;
умумэътироф этилган халқаро таълим стандартлари ва талабларини ҳисобга олган ҳолда тайёрланган таълим дастурлари, шунингдек ўқитишнинг замонавий шакллари ва усулларидан, илғор педагогик, ахборот-коммуникация ва инновация технологияларидан фойдаланиш асосида ўқув жараёнини ташкил этишни;
ўзлаштириш қобилияти юқори даражада бўлган тингловчиларни раҳбар кадрлар тайёрловчи чет элнинг етакчи илмий-таълим муассасалари ва марказларига, шунингдек чет мамлакатларнинг давлат ҳокимияти органларига, давлат ва хўжалик бошқаруви органларига, жамоат ташкилотларига юборишни;
давлат ва жамият бошқарувининг кўзга кўринган арбобларини, вазирликлар ва идоралар ҳамда бошқа ташкилотларнинг раҳбарларини жалб қилган ҳолда интерактив машғулотлар, давра суҳбатларини мунтазам равишда ўтказишни таъминлайди.
9. Академия фаолиятининг асосий масалаларини кўриб чиқиш учун Академия ректори томонидан бошқариладиган Кенгаш тузилади. Кенгаш таркибига проректорлар, илмий котиб, факультетлар деканлари, кафедра мудирлари, марказлар, бошқа бўлинмалар раҳбарлари, Академия ходимлари, шунингдек бошқа таълим ва илмий муассасаларнинг етук олимлари ҳамда мутахассислари киради.
бошқарув кадрларини тайёрлаш, қайта тайёрлаш ва уларнинг малакасини ошириш, ўқув, методик, илмий-тадқиқот, ахборот-таҳлил ва нашрий фаолият, Академия тасарруфидаги бўлинмалар фаолиятини ташкил этиш билан боғлиқ масалаларни ҳал қилиш;
бошқарув кадрларини тайёрлаш, қайта тайёрлаш ва уларнинг малакасини ошириш бўйича ўқув режалари ва дастурларини тасдиқлаш;
профессор-ўқитувчилар таркибининг фаолият турлари бўйича вақт нормаларини, шунингдек уларнинг зиммасига тушадиган чекланган ўқув юкини белгилаш;
«Ўзбекистон Республикаси Президенти ҳузуридаги Давлат бошқаруви академиясининг фахрий доктори» ва «Ўзбекистон Республикаси Президенти ҳузуридаги Давлат бошқаруви академиясининг фахрий профессори» унвонларини бериш тўғрисида қарор қабул қилиш;
бошқарув, профессор-ўқитувчилар, илмий, ўқув-ёрдамчи, техник ва хизмат кўрсатувчи ходимларни моддий рағбатлантириш учун Махсус фонд маблағларини шакллантириш ва улардан фойдаланиш тартибини, шунингдек Академия ходимларига ойлик устамалар белгилаш мезонларини тасдиқлаш.
12. Академияга Ўзбекистон Республикаси Президенти Давлат маслаҳатчисининг биринчи ўринбосари — Ўзбекистон Республикаси Президенти томонидан лавозимга тайинланадиган ва лавозимдан озод этиладиган ректор раҳбарлик қилади.
давлат ҳокимияти органларида, давлат ва хўжалик бошқаруви органларида, муассасалар ва бошқа ташкилотларда Академия номидан иш юритади;
Ўзбекистон Республикаси Президенти девони билан келишилган ҳолда Академия Кенгаши таркибини, Академия тасарруфидаги муассасалар ва ташкилотлар тўғрисидаги низомларни тасдиқлайди;
қонун ҳужжатларига мувофиқ ходимларни ва профессор-ўқитувчилар таркибини лавозимга тайинлайди ва лавозимдан озод этади;
Академия кафедраларини, ўқув-методик, илмий-тадқиқот, ахборот-таҳлил ва бошқа бўлинмаларини ташкил этиш, қайта ташкил этиш ва тугатиш тўғрисида қарорлар қабул қилади;
Академия мулки ва маблағларини белгиланган тартибда бошқариш ҳамда тасарруф этиш юзасидан қарорлар қабул қилади, молиявий, тўлов-ҳисоб ва бошқа ҳужжатларни имзолайди;
Академиянинг барча ходимлари ва тингловчилари томонидан бажарилиши шарт бўлган буйруқлар ҳамда фармойишлар чиқаради;
Академия ходимлари билан меҳнат шартномаларини тузади ва бекор қилади, ишга ёллаш бўйича контрактлар тузади;
Академиянинг проректорлари ва бошқа мансабдор шахслари ўртасида ўзининг айрим ваколатларини тақсимлайди.
Академия ректори зиммасида қонун ҳужжатларига, шунингдек ушбу Уставга мувофиқ бошқа ваколатлар ҳам бўлиши мумкин.
14. Академия ректори Академиянинг ташкилий тузилмасига ходимларнинг белгиланган умумий сони доирасида ўзгартишлар киритиш ҳуқуқига эга.
15. Академия проректорлари Ўзбекистон Республикаси Президенти девони билан келишилган ҳолда Академия ректори томонидан лавозимга тайинланади ва лавозимдан озод этилади.
Проректорлар ўз мақомига кўра Ўзбекистон Республикаси Президенти девонининг бош консультантига тенглаштирилади.
16. Академия магистратурасининг мутахассисликлари бўйича бошқарув кадрларини тайёрлаш Олий таълим давлат таълим стандартига мувофиқ ишлаб чиқилган ўқув режалари ва дастурлари асосида амалга оширилади, уларга давлат намунасидаги диплом берилади.
Бошқарув кадрларини қайта тайёрлаш бошқарув кадрларини қайта тайёрлашга нисбатан давлат томонидан қўйилган талаблар асосида бир йилгача давом этадиган қайта тайёрлов курсларининг ўқув режалари ва дастурлари бўйича амалга оширилади ва белгиланган намунадаги диплом берилади.
Бошқарув кадрларининг малакасини ошириш бошқарув кадрларининг малакасини оширишга нисбатан давлат томонидан қўйилган талаблар асосида бир ойгача давом этадиган малака ошириш курсларининг ўқув режалари ва дастурлари бўйича уч йилда бир марта амалга оширилади ва белгиланган намунадаги сертификат берилади.
17. Бошқарув кадрларини қайта тайёрлаш ва уларнинг малакасини ошириш ишлаб чиқаришдан ажратмаган ҳолда амалга оширилиши мумкин.
18. Академия давлат ҳокимияти органлари, давлат ва хўжалик бошқаруви органлари ҳамда жамоат ташкилотларининг жорий ва истиқболдаги эҳтиёжлари асосида бошқарув кадрларини қайта тайёрлашни ва уларнинг малакасини оширишни ташкил этади. Давлат ҳокимияти органлари, давлат ва хўжалик бошқаруви органлари ҳамда жамоат ташкилотлари қайта тайёрланиши ёки малака ошириши зарур бўлган тингловчилар контингентини белгилаб беради.
19. Республиканинг илмий-тадқиқот ва олий таълим муассасалари, вазирликлари ҳамда идораларининг етук мутахассислари контракт асосида ва меҳнатига соатбай ҳақ тўланадиган шартларда ўқитувчилик ишига жалб қилиниши мумкин.
Чет мамлакатларнинг олимлари, мутахассислари ва экспертлари ўқув, методик ва илмий фаолият учун контракт асосида Академиянинг бюджетдан ташқари ва бюджет маблағлари ҳисобидан ҳақ тўланган ҳолда Академияга жалб қилиниши мумкин.
20. Илмий-тадқиқот ишлари, қоида тариқасида, грантлар ёки шартномалар асосида ўтказилади. Шартнома асосида илмий-тадқиқот ишларини бажаришдан тушган маблағлар тегишли харажатлар қоплангач, Академиянинг моддий базасини ривожлантиришга, унинг ходимларини рағбатлантиришга ва Академия олдида турган бошқа вазифаларни ҳал қилишга йўналтирилади.
Академия магистратурасининг мутахассисликлари бўйича бошқарув кадрларини тайёрлаш таълим дастурининг ўзлаштирилиши хар йили турли ташкилотлар вакилларидан иборат мустақил аттестация комиссияси томонидан ҳам текшириб борилади.
21. Базавий олий маълумотга эга бўлган Ўзбекистон Республикаси фуқаролари белгиланган тартибда Академияда ўқишга қабул қилинади.
Тингловчини қабул қилиш Академия, тингловчи ва юборувчи ташкилот ўртасида уч томонлама шартнома (бундан буён матнда уч томонлама шартнома деб юритилади) қонун ҳужжатларига мувофиқ тузилгандан сўнг Академия ректорининг буйруғи билан амалга оширилади. Уч томонлама шартномада тингловчини ўқитиш шартлари, томонларнинг ҳуқуқлари ва мажбуриятлари, шунингдек Академияда ўқитиш билан боғлиқ бошқа қоидалар назарда тутилади.
22. Ишлаб чиқаришдан ажратилган ҳолда таълим олувчи Академия тингловчиларининг асосий иш бўйича эгаллаб турган лавозими ва ўртача ойлик иш ҳақи бутун ўқиш даври мобайнида сақланиб қолади.
23. Академия тингловчилари белгиланган муддатларда ўқув режасида назарда тутилган вазифаларни бажаришлари, Академиянинг Уставига ва ички тартиб қоидаларига риоя этишлари шарт.
24. Академиянинг магистратурасида ўқиш даврида тингловчи Академия Кенгаши томонидан белгилаб бериладиган даражада битта чет тилини (тингловчи танлови бўйича) ўзлаштириб олиши шарт.
Академияда чет тили бўйича белгиланган талаблар даражасида имтиҳон топширмаган ёки тилни тегишли даражада билишини тасдиқловчи малака сертификатига эга бўлмаган тингловчилар магистрлик диссертациясини ҳимоя қилишга қўйилмайди.
25. Академия магистратурасининг тингловчилари ўқиш даврида мамлакатимиз шоирлари ва ёзувчилари (камида 5 нафар шоир ва ёзувчи) ижодини, Ўзбекистон тарихини ва миллий қадриятларини мустақил ўрганиши шарт.
26. Академиянинг магистрлик дастурини бажармаган тингловчилар уч томонлама шартномага мувофиқ асосий иш жойи бўйича ўқиш даврида олинган барча тўловлар миқдорининг 50 фоизини қоплаб бериши шарт.
27. Уқиш даврида бошқа шаҳарлик тингловчилар Академия имкониятлари доирасида яшаш жойи билан таъминланади, уларга ўқиш жойига бориш ва у ердан қайтиш учун бир марталик йўл ҳақи тўланади, ушбу харажатлар юборувчи томонидан қопланади.
28. Академия магистратурасининг тингловчилари ўқиш даврида уларнинг доимий яшаш ҳудудида жойлашмаган маҳаллий давлат ҳокимияти органларида, давлат ва хўжалик бошқаруви органларининг таркибий бўлинмаларида, шунингдек давлат ва нодавлат нотижорат ташкилотларида бир йилгача бўлган муддатда малака амалиётини ва стажировкани ўтайдилар;
Жойларга уюштирилган амалий машғулотлар вақтида, малака амалиётини ва стажировкани ўташ вақтида Академия тингловчиларининг сафари ва яшаши билан боғлиқ харажатлар тегишли равишда Академиянинг бюджет маблағлари ҳисобидан амалга оширилади.
г) бир семестр мобайнида 74 соатдан ортиқ миқдорда машғулотларни узрли сабабларсиз қолдириши туфайли;
е) таълим олиш учун маблағларни ўз вақтида тўлай олмаслиги туфайли (контракт асосида таълим олувчилар учун);
30. Академияда профессор-ўқитувчилар таркиби, бошқарув, ўқув-ёрдамчи ва бошқа ходимлар лавозимлари назарда тутилади.
31. Профессор-ўқитувчилар таркибига кафедра мудири, профессор, доцент, катта ўқитувчи ва ўқитувчилар лавозимлари киради.
32. Профессор-ўқитувчилар таркиби сонининг Академия магистратураси, қайта тайёрлаш ва малака ошириш курслари тингловчиларининг у мумий йиллик сонига нисбати нормативи 1:7 миқдоридан келиб чиққан ҳолда белгиланади.
Кенгашда Академиянинг ўқув, илмий, ижодий ва ишлаб чиқариш фаолиятининг энг муҳим масалалари муҳокамасида иштирок этиш;
Академиянинг хоналаридан, аудиторияларидан, ўқув залларидан, кутубхоналаридан, шунингдек ҳисоблаш марказлари, лабораториялар, спорт-соғломлаштириш иншоотлари хизматларидан фойдаланиш;
тингловчиларнинг ўзига хос хусусиятларига энг тўлиқ жавоб берадиган ҳамда ўқув жараёнининг юксак сифатини таъминлайдиган ўқитиш усуллари ва воситаларини танлаш ҳуқуқига эга.
таълим жараёнининг юксак самарадорлигини таъминлаши, тингловчиларда ташаббускорликни, ижодий қобилиятларни, илмий изланишга интилишни ривожлантириши;
тингловчиларда юксак маънавият ва маданиятни, Ватанга бўлган муҳаббатни, ватанпарварликни ҳамда фуқаролик нуқтаи назарини шакллантириши;
илмий тадқиқотлар олиб бориши, шу жумладан ўқитиш мазмун-моҳиятининг юксак савиясини таъминловчи илмий тадқиқотлар олиб бориши;
35. Академиянинг раҳбар ва профессор-ўқитувчилар таркибига Ўзбекистон Республикаси Президенти девони ходимлари учун назарда тутилган тиббий таъминот шартлари татбиқ этилади.
36. Бошқарув, ўқув-ёрдамчи, техник ходимларнинг ҳуқуқлари ва мажбуриятлари Академиянинг ички тартиб қоидалари ва лавозим йўриқномалари билан белгиланади.
37. Академия профессор-ўқитувчилар таркиби, ходимлар ва тингловчиларнинг чет мамлакатлар давлат ҳокимияти органларида, давлат ва хўжалик бошқаруви органларида, жамоат ташкилотларида, шунингдек олий таълим ва илмий-тадқиқот муассасаларида стажировкасини ташкил этади.
38. Академия магистратурасининг ҳар бир тингловчиси хорижнинг бошқарув кадрларини тайёрлаш бўйича етакчи илмий-тадқиқот муассасалари ва марказларига, шунингдек чет мамлакатларнинг давлат ҳокимияти органлари, давлат ва хўжалик бошқаруви органлари, жамоат ташкилотларига бир ойгача бўлган муддатга албатта юборилади.
39. Академия профессор-ўқитувчилар таркиби, ходимлари ва магистратура тингловчиларининг хорижда стажировка ўташи Ўзбекистон Республикаси Президентининг «Истеъдод» жамғармаси маблағлари ҳисобидан, шунингдек Ўзбекистон Республикасининг халқаро шартномалари, Академиянинг хорижлик ҳамкорлар билан тузилган битимлари ва якка тартибдаги шартномалари (контрактлари) асосида амалга оширилади.
40. Академия ўқув ва илмий-методик ишлар, контракт асосида маслаҳатлашувлар ўтказиш учун чет эллик юқори малакали мутахассисларни жалб қилади, шунингдек бошқарув кадрларини тайёрлаш, қайта тайёрлаш ва уларнинг малакасини ошириш соҳасида хорижнинг таълим, илмий-тадқиқот ташкилотлари билан шартномалар тузади ва ҳамкорлик қилади.
Ўзбекистон Республикасининг Давлат бюджетидан Академияни жорий таъминлаш, Академия зиммасига юклатилган вазифалар ва функцияларни бажаришга доир тадбирларни амалга ошириш, шунингдек Академиянинг моддий-техник базасини мустаҳкамлаш учун ажратиладиган маблағлар;
Олдинги таҳрирга қаранг.
давлат илмий-техник дастурлари доирасида Ўзбекистон Республикаси Инновацион ривожланиш вазирлиги томонидан ўтказиладиган грант танловлари натижалари бўйича ажратиладиган маблағлар;
(41-банднинг учинчи хатбошиси Ўзбекистон Республикаси Президентининг 2018 йил 5 апрелдаги ПФ-5399-сонли Фармони таҳририда — Қонун ҳужжатлари маълумотлари миллий базаси, 06.04.2018 й., 06/18/5399/1018-сон)
магистратура, бошқарув кадрларини қайта тайёрлаш ва уларнинг малакасини ошириш курслари тингловчиларини тўлов-контракт асосида тайёрлашдан тушган маблағлар;
ўқув, методик ва илмий-тадқиқот лойиҳалари, ахборот-таҳлилий ва таҳририят-ноширлик ишларини, таълимга доир ишларни бажаришдан, вазирликлар, идоралар ва бошқа ташкилотлар билан тузилган шартномалар асосида кўрсатилган бошқа хизмат турларидан тушган маблағлар;
жисмоний ва юридик шахсларнинг, лойиҳалар ҳамда дастурларнинг хайрия маблағлари, шунингдек қонун ҳужжатларида тақиқланмаган бошқа манбалар.
Академияга ўқитиш учун жалб қилинадиган чет эллик олимлар, ўқитувчилар ва мутахассислар меҳнатига меҳнат шартномаларига мувофиқ белгиланадиган миқдорларда хорижий валютада ҳақ тўлаш;
чет эллик олимлар, ўқитувчилар ва мутахассислар учун бориш-келиш авиачипталарини (узоқ муддатли меҳнат шартномалари тузилганда бир йилда кўпи билан икки марта) миллий валютада харид қилиш бўйича харажатларни тўлаш;
чет эллик олимлар, ўқитувчилар ва мутахассисларнинг республика меҳмонхоналарида яшаши бўйича харажатларни миллий валютада тўлаш;
суткалик пулларни ҳар кунлик норма бўйича Ўзбекистон Республикаси Марказий банкининг тўлов кунидаги курси бўйича 20 АҚТТТ долларига тенг миқдорда миллий валютада тўлаш;
бюджет маблағлари ҳисобидан белгиланган тартибда ноширлик фаолиятини амалга ошириш, давлат бошқарувининг долзарб масалалари бўйича «Жамият ва бошкарув» ижтимоий-сиёсий журналини бир йилда 4 марта чоп этиш;
Академияга ажратилган маблағлар ёки ўз маблағлари ҳисобидан зарур ускуна ва бошқа моддий ресурсларни харид қилиш, ижарага олиш;
ўзига тегишли мол-мулкка, интеллектуал ва бошқа мулкка, хўжалик фаолияти ёки бошқа фаолият натижасида олинган маҳсулотга, даромадларга, шунингдек қонун ҳужжатларида назарда тутилган бошқа асосларда харид қилинган мол-мулкка эгалик қилиш, улардан фойдаланиш ва уларни тасарруф этиш;
Академия томонидан бажариладиган ишлар ва кўрсатиладиган хизматларга мустақил равишда қонун ҳужжатларига мувофиқ тарифлар, нархлар, қийматлар белгилаш;
43. Академиянинг бюджетдан ташқари маблағларини шакллантириш ва сарфлаш қонун ҳужжатларига мувофиқ амалга оширилади.
44. Академиянинг раҳбарлари ва профессор-ўқитувчилар таркибига лавозим маошлари биринчи гуруҳ олий таълим муассасалари тегишли ходимларининг базавий лавозим маошлари миқдорида белгиланади.
Академиянинг қолган ходимларига лавозим маошлари қонун ҳужжатларида давлат бошқаруви органлари ходимлари учун назарда тутилган тўлов разрядларига ва меҳнатни моддий рағбатлантириш шартларига мувофиқ белгиланади.
45. Академияда бюджет муассасалари ва ташкилотлари ходимларини моддий рағбатлантириш махсус фонди билан бир қаторда бюджет ва бюджетдан ташқари маблағлар ҳисобига, шу жумладан тўлов-контракт маблағлари ҳисобига уларнинг меҳнатига ҳақ тўлаш фондининг 50 фоизигача бўлган миқдорда Бошқарув, профессор-ўқитувчилар, илмий, ўқув-ёрдамчи, техник ва хизмат кўрсатувчи ходимлар учун махсус фонд (бундан буён матнда Махсус фонд деб юритилади) ташкил этилади.
Махсус фонднинг маблағлари Академия ректорининг қарорига биноан штатдаги бошқарув, профессор-ўқитувчилар, илмий, ўқув-ёрдамчи, техник ва хизмат кўрсатувчи ходимларга тариф ставкасининг 100 фоизигача бўлган миқдорда ҳар ойлик устамалар белгилаш учун йўналтирилади.
Махсус фонд маблағларини шакллантириш ва улардан фойдаланиш тартиби, шунингдек Академия ходимларига ҳар ойлик устамалар белгилаш мезонлари Академия Кенгаши томонидан белгиланади.
Махсус фонд маблағлари бюджет муассасалари ва ташкилотлари ходимларини моддий рағбатлантириш махсус фондини ҳисоблаб чиқаришда Академиянинг меҳнатга ҳақ тўлаш фондига киритилади.
Академия бошқарув кадрларини ва мутахассисларни қайта тайёрлаш ҳамда уларнинг малакасини ошириш пулли курсларини ўтказишдан тушган маблағларни, курсларни ташкил этиш билан боғлиқ бўлган харажатлар қоплангач, Академия ходимларини моддий рағбатлантиришга қўшимча равишда йўналтиришга ҳақли.
47. Академия белгиланган тартибда ўз фаолияти натижаларининг бухгалтерия ҳисобини амалга оширади, статистика ҳисоботини юритади.
48. Академия Уставига ўзгартиш ва қўшимчалар киритиш, Академияни қайта ташкил этиш ва тугатиш Ўзбекистон Республикаси Президентининг қарорига биноан амалга оширилади.