Ўзбекистон Республикаси Солиқ кодекси, Ўзбекистон Республикаси «Давлат солиқ хизмати тўғрисида»ги Қонунининг 7-моддасига мувофиқ Ўзбекистон Республикаси Молия вазирлиги ва Давлат солиқ қўмитаси қарор қилади:

1. Ўзбекистон Республикаси Молия вазирлиги ва Давлат солиқ қўмитасининг 2003 йил 26 февралдаги 37-сон ва 2003-33-сон қарори билан тасдиқланган Юридик шахс ташкил этмаган ҳолда тадбиркорлик фаолияти билан шуҚулланаётган жисмоний шахсларнинг даромадидан қатъий белгиланган ҳажмларда олинадиган солиқни ҳисоблаб чиқариш ва тўлаш тартиби тўғрисидаги низомнинг (2003 йил 3 апрель, рўйхат рақами 1230 — Меъёрий ҳужжатларининг ахборотномаси, 2003 й., 7-8-сон, Ўзбекистон Республикаси Қонун ҳужжатлари тўплами, 2004 й., 4-сон, 50-модда) 3-банди қуйидаги таҳрирда баён этилсин:

«3. Қатъий белгиланган ҳажмларда олинадиган солиқни тўловчилар мазкур тоифадаги жисмоний шахслар учун белгиланган бошқа солиқлар, йиғимлар ва тўловларни Ўзбекистон Республикасининг амалдаги қонунчилигига мувофиқ тўлайдилар.».

2. Мазкур қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.