Oʻzbekiston Respublikasining geografik obyektlarga nom berish va ularning nomlarini qayta nomlash sohasidagi qonunchilik hujjatlari hamda amaldagi meʼyoriy talablarga muvofiq, xalq deputatlari Paxtakor tumani Kengashining 2022-yil 6-dekabrdagi VI-44-258-3-52-K/22-son qarori bilan tasdiqlangan “Paxtakor tumanida yangi nom berilgan geografik obyektlar toʻgʻrisida”gi ilovasiga oʻzgartish kiritish zarurati yuzaga kelgan.

Mazkur qarorning 1-ilovasi 6-bandi bilan tasdiqlangan Bogʻ suv taʼminotining yetarli emasligi sababli, daraxtlar qurib qarovsiz maydonga aylanib qolganligi sababli, ushbu hududdagi fuqarolarning takliflarini inobatga olgan holda tuman hokimning 2025-yil 13-fevraldagi 29-3-52-Q/25-sonli qaroriga asosan ushbu yer maydoni tadbirkorlik va shaharsozlik faoliyatini amalga oshirish uchun elektron onlayn auksion savdosi orqali savdoga chiqarilib, tadbirkorlar tomonidan xarid qilib olingan va tadbirkorlik faoliyatlarini boshlashlari rejalashtirilgan.

Yuqoridagilarga asosan xalq deputatlari Paxtakor tumani Kengashining 2022-yil 6-dekabrdagi VI-44-258-3-52-K/22-son qarorining 1-ilovasi bilan tasdiqlangan 6 bandi (Geografik obyektning turi “Bogʻ”, Geografik obyektning bogʻlanishi “Chamanzor MFY”, Geografik obyektning nomi “Yoshlik” va Ekspert komissiyasining xulosasi “Qonun hujjatlari talablariga muvofiq”)ni bekor qilish boʻyicha tuman hokimligi tomonidan taklif kiritilgan.

Geografik obyektlarga nom berish va ularning nomlarini oʻzgartirish boʻyicha tuman komissiyasining 2026-yil 1-iyundagi 01-562-sonli yigʻilish bayoni hamda tuman hokimining maʼnaviyat va davlat tili masalalari boʻyicha maslahatchisi A.Shukurovning axborotini atroflicha muhokama qilib, Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6- va 24-moddalariga muvofiq xalq deputatlari tuman Kengashi qaror qiladi:

1. Geografik obyektlarga nom berish va ularning nomlarini oʻzgartirish boʻyicha tuman komissiyasining 2026-yil 1-iyundagi 01-562-sonli yigʻilish bayoni hamda tuman hokimining maʼnaviyat va davlat tili masalalari boʻyicha maslahatchisi A.Shukurovning 2026-yil 26-iyundagi 05-98-sonli xati maʼlumot uchun qabul qilinsin.

2. Paxtakor tumani Kengashining 2022-yil 6-dekabrdagi VI-44-258-3-52-K/22-son qarorining 1-ilovasi bilan tasdiqlangan 6-bandi (Geografik obyektning turi “Bogʻ”, Geografik obyektning bogʻlanishi “Chamanzor MFY”, Geografik obyektning nomi “Yoshlik” va Ekspert komissiyasining xulosasi “Qonun hujjatlari talablariga muvofiq”)ni bandi bekor qilinsin.

3. Xalq deputatlari Paxtakor tumani Kengashining 2022-yil 6-dekabrdagi VI-44-258-3-52-K/22-sonli qarorining qolgan bandlari oʻz kuchida qoldirilsin.

4. Mazkur qarorning ijrosini nazorat qilish xalq deputatlari tuman Kengashining doimiy komissiyalari zimmasiga yuklatilsin.

5. Ushbu qaror qabul qilingan kundan kuchga kiradi.