Oʻzbekiston Respublikasining “Taʼlim toʻgʻrisida”gi Qonunning 27-moddasi hamda “Mahalliy davlat hokimiyati toʻgʻrisida”gi Qonunning 6, 21¹-moddalariga asosan, qaror qilaman:

1. Oʻzbekiston Respublikasi Prezidentining 2025-yil 16-sentabrdagi “Respublikaning hudud, soha va tarmoqlarida raqamli texnologiyalar joriy etilishini yanada jadallashtirish chora-tadbirlari toʻgʻrisida”gi PQ-286-sonli qarori hamda tuman maktabgacha va maktab taʼlimi boʻlimining 2026-yil 12-maydagi 01605-sonli xati maʼlumot uchun qabul qilinsin.

2. Tuman maktabgacha va maktab taʼlimi boʻlimi (Y. Babajonov) hamda Davlat kadastrlar palatasi tuman filiali (E. Roʻzmetov) tomonidan hamkorlikda ishlab chiqilgan maktab yoshidagi bolalarni umumiy oʻrta taʼlimga toʻliq qamrab olish boʻyicha umumtaʼlim muassasalariga biriktirilgan hududlar (mikrohudud) roʻyxati ilovaga muvofiq tasdiqlansin.

3. Xonqa tumanidagi taʼlim rus tilida olib boriladigan 36-sonli maktabga tumandagi barcha hududlardan rusiyzabon oʻquvchilarni kelishini, ushbu maktabda 1-sinfga qabul rus tilini bilish darajasi boʻyicha amalga oshirilishini inobatga olgan holda mikrohudud berkitilmasin.

4. Tuman hokimining oʻrinbosari I. Xodjayev, tuman maktabgacha va maktab taʼlimi boʻlimi (Y. Babajonov) va tumandagi umumtaʼlim muassasalari rahbarlari zimmasiga maktab yoshidagi bolalarni umumiy oʻrta taʼlimga toʻliq qamrab olish, oʻquvchilarning darslarga qatnashish holati yuzasidan monitoring olib borish va uning natijasida aniqlangan muammolarni bartaraf etish boʻyicha zarur choralar koʻrish vazifasi topshirilsin.

5. Tumandagi umumtaʼlim muassasalari rahbarlari oʻzlari rahbarlik qilayotgan muassasaga biriktirilgan hududdagi maktab yoshidagi bolalarni umumtaʼlim maktablariga jalb etishga shaxsan masʼul ekanliklari ushbu qaror bilan belgilab qoʻyilsin.

6. Oʻzbekiston mahallalari uyushmasi tuman boʻlimi (O. Quramboyev) mahalla fuqarolar yigʻini raislari bilan birgalikda maktab yoshidagi bolalarni umumtaʼlim muassasalariga jalb etish jarayonida tuman maktabgacha va maktab taʼlimi boʻlimi hamda umumtaʼlim maktablari rahbarlariga amaliy yordam koʻrsatsin.

7. Ushbu qaror rasman eʼlon qilingan kundan kuchga kirishi munosabati bilan 2022-yil 6-sentabrdagi VI-69-151-12-175-Q/22-son qarori oʻz kuchini yoʻqotgan deb hisoblansin.

8. Tuman hokimligi axborot xizmati (Sh. Xoʻjaniyozov), “Xonqa hayoti” gazetasi muharriri M. Sapayeva:

mazkur qaror tuman hokimligining “Xonqa hayoti” gazetasida rasman eʼlon qilinsin hamda hokimlikning rasmiy veb-saytiga joylashtirilsin.

9. Mazkur qarorning bajarilishini nazorat qilish tuman hokimining oʻrinbosari I. Xodjayev zimmasiga yuklatilsin.