Oʻzbekiston Respublikasi Prezidentining 2025-yil 16-sentabrdagi 286-son qarori hamda Oʻzbekiston Respublikasi Vazirlar Mahkamasining 2017-yil 15-martdagi “Umumiy oʻrta taʼlim toʻgʻrisidagi nizomni tasdiqlash haqida”gi 140-son qarori bilan tasdiqlangan Nizomning 5-bob 39-bandi, shuningdek, tuman Maktabgacha va maktab taʼlimi boʻlimining 2026-yil 16-martdagi “Maktab yoshidagi bolalarni majburiy taʼlimga jalb etish maqsadida tumandagi har bir taʼlim muassasasiga hudud va mikrohududlar biriktirish toʻgʻrisida”gi 01-06-/219-sonli murojaatiga muvofiq hamda umumiy oʻrta taʼlim maktablari 1-sinfiga qabul jarayonlarini elektron shaklda tashkil etish, shaffof va samarali oʻtkazish, ota-onalar uchun qulaylik yaratish maqsadida, qaror qilaman:

1. Tuman Maktabgacha va maktab taʼlimi boʻlimining 2026-yil 16-martdagi “Maktab yoshidagi bolalarni majburiy taʼlimga jalb etish maqsadida tumandagi har bir taʼlim muassasasiga hudud va mikrohududlar biriktirish toʻgʻrisida”gi 01-06/219-sonli murojaati inobatga olinsin.

2. Tuman Maktabgacha va maktab taʼlimi boʻlimi tasarrufidagi har bir taʼlim muassasasiga hudud va mikrohududlar biriktirish jadvali 1-ilovaga muvofiq tasdiqlansin.

3. Mazkur qaror rasmiy eʼlon qilingan kundan eʼtiboran kuchga kiradi.

4. Ushbu qaror qabul qilinishi munosabati bilan Dangʻara tumani hokimining 2024-yil 4-iyundagi 121-11-155-Q/24-sonli “Maktab yoshidagi bolalarni majburiy taʼlimga jalb etish maqsadida tumandagi har bir taʼlim muassasasiga hudud va mikrohududlar biriktirish toʻgʻrisida”gi qarori, Dangʻara tumani Adliya boʻlimining 2026-yil 8-aprel kunidagi 16/1-1/255-sonli taqdimnomasiga asosan 2026-yil 1-aprel kunidagi “Maktab yoshidagi bolalarni majburiy taʼlimga jalb etish maqsadida tumandagi har bir taʼlim muassasasiga hudud va mikrohududlar biriktirish toʻgʻrisida”gi 71-11-155-Q/26-sonli qarori oʻz kuchini yoʻqotgan deb hisoblansin.

5. Ushbu qaror ijrosini nazorat qilish tuman hokimi oʻrinbosari Sh.Urinova hamda tuman Maktabgacha va maktab taʼlimi boʻlimi boshligʻi A. Sodiqov zimmasiga yuklatilsin.