Oʻzbekiston Respublikasi Prezidentining 2025-yil 26-noyabrdagi PF-232-son “Oʻzbekiston Respublikasida yuridik taʼlim va ilm-fanni yanada isloh qilish chora-tadbirlari toʻgʻrisida”gi Farmoniga muvofiq buyuraman:

1. Oʻzbekiston Respublikasi adliya vazirining 2024-yil 10-iyuldagi 15-mh-son buyrugʻi (roʻyxat raqami 3528, 2024-yil 10-iyul) (Qonunchilik maʼlumotlari milliy bazasi, 11.07.2024-y., 10/24/3528/0497-son) bilan tasdiqlangan Toshkent davlat yuridik universiteti huzuridagi akademik litseylarda yakuniy davlat attestatsiyasini oʻtkazish tartibi toʻgʻrisidagi nizomga ilovaga muvofiq oʻzgartirishlar kiritilsin.

2. Ushbu buyruq Oʻzbekiston Respublikasi Oliy taʼlim, fan va innovatsiyalar vazirligi bilan kelishilgan.

3. Mazkur buyruq rasmiy eʼlon qilingan kundan eʼtiboran kuchga kiradi.

1. 1-bandning uchinchi xatboshisi quyidagi tahrirda bayon etilsin:

“yakuniy davlat attestatsiyasi komissiyasi (bundan buyon matnda komissiya deb yuritiladi) — tegishli mutaxassisliklar boʻyicha tashkil etiladigan yakuniy davlat attestatsiyasini oʻtkazish uchun akademik litsey xodimlari, TDYU, “yurisprudensiya” taʼlim yoʻnalishi (zaruratga koʻra turdosh taʼlim yoʻnalishi) mavjud boshqa oliy taʼlim tashkilotlarining professor-oʻqituvchilari hamda hududiy adliya organlari vakillaridan iborat komissiya;”.

2. 3-bandda:

uchinchi xatboshidagi “TDYU” degan soʻz “oliy taʼlim tashkilotlarining” degan soʻzlar bilan almashtirilsin;

toʻrtinchi xatboshidagi “TDYU prorektori — akademik litsey direktori” degan soʻzlar “Akademik litsey direktori” degan soʻzlar bilan almashtirilsin.

3. 9-banddagi “Ijrochi direktor” degan soʻzlar “Direktor” degan soʻz bilan almashtirilsin.

4. 13-banddagi “ijrochi direktor” degan soʻzlar “direktor” degan soʻz bilan almashtirilsin.

5. 15-bandning ikkinchi xatboshisidagi “tegishli fandan ozod etiladi” degan soʻzlar “tegishli fandan ozod etiladi va ularga mazkur fan boʻyicha maksimal ball beriladi” degan soʻzlar bilan almashtirilsin.

6. 24-bandning ikkinchi xatboshisidagi “imtiyozli” diplom” degan soʻzlar “aʼlo darajali diplom” degan soʻzlar bilan almashtirilsin.

7. 28-band quyidagi tahrirda bayon etilsin:

“28. Attestatsiya sinovlarini qayta topshirish muddatida attestatsiya sinovlaridan 3 yil ichida ham oʻta olmagan yoki attestatsiya sinovlarini qayta topshirish uchun murojaat qilmagan shaxs Oʻzbekiston Respublikasi Vazirlar Mahkamasining 2017-yil 15-martdagi 140-son qarori bilan tasdiqlangan Umumiy oʻrta taʼlim toʻgʻrisidagi nizomga muvofiq davlat taʼlim standartlari doirasida umumiy oʻrta taʼlim dasturlarini mustaqil oʻzlashtirgan holda eksternat tartibida yakuniy davlat attestatsiyasini topshirish huquqiga ega boʻladi.

Yakuniy davlat attestatsiyasini eksternat tartibida muvaffaqiyatli topshirgan oʻquvchilarga oʻrta taʼlim toʻgʻrisidagi davlat namunasidagi shahodatnoma beriladi.”.

8. 30-bandning birinchi xatboshisidagi “qaroridan” va “oʻn besh” degan soʻzlar tegishli ravishda “natijasidan” va “besh” degan soʻzlar bilan almashtirilsin.