O‘zbekiston Respublikasining “Yo‘l harakati to‘g‘risida”gi Qonuni, O‘zbekiston Respublikasi Vazirlar Mahkamasining 2024-yil 30-noyabrdagi 806-son “Yo‘l harakati sohasidagi qonunchilik takomillashtirilishi munosabati bilan Yo‘l harakati qoidalariga o‘zgartirish va qo‘shimchalar kiritish to‘g‘risida”gi qaroriga muvofiq O‘zbekiston Respublikasi Transport vazirligi, Sog‘liqni saqlash vazirligi va Ichki ishlar vazirligi qaror qiladi:

1. O‘zbekiston avtomobil va daryo transporti agentligi, O‘zbekiston Respublikasi Sog‘liqni saqlash vazirligi, Ichki ishlar vazirligining 2014-yil 17-yanvardagi 22, 1, 1-son qarori (ro‘yxat raqami 2560, 2014-yil 19-fevral) (O‘zbekiston Respublikasi qonun hujjatlari to‘plami, 2014-y., 8-son, 84-modda) bilan tasdiqlangan Yo‘nalishga chiqish oldidan avtotransport vositalarini texnik ko‘rikdan o‘tkazish hamda yo‘lovchilar, bagaj va yuklar tashuvlarini amalga oshiradigan haydovchilarni tibbiy ko‘rikdan o‘tkazishni tashkil qilish tartibi to‘g‘risidagi nizomning muqaddimasidan “O‘zbekiston Respublikasining “Yo‘l harakati xavfsizligi to‘g‘risida”gi Qonuni va” degan so‘zlar chiqarib tashlansin.

2. Mazkur qaror rasmiy e’lon qilingan kundan e’tiboran kuchga kiradi.