Oʻzbekiston Respublikasi Vazirlar maxkamasi xuzuridagi Soliq qoʻmitasining 2025-yil 12-noyabrdagi 24-127593-sonli xati hamda Oʻzbekiston Respublikasi soliq kodeksining 429 va 437-moddalariga muvofiq, Oʻzbekiston Respublikasining “Mahalliy davlat hokimiyati toʻgʻrisida”gi Qonunining 6 va 24-moddasiga asosan Xalq deputatlari tuman Kengashi qaror qiladi:

1. Oʻzbekiston Respublikasi Vazirlar maxkamasi xuzuridagi Soliq qoʻmitasining 2025-yil 12-noyabrdagi 24-127593-sonli xati, Qashqadaryo viloyat hokimining “Qashqadaryo viloyatida yuridik va jismoniy shaxslarning qishloq xoʻjaligiga moʻljallanmagan yerlariga 2026-yil uchun yer soligʻi stavkalarini belgilash va suv resurslaridan foydalanganlik uchun soliq kodeksi bilan oʻrnatiladigan soliq stavkalariga nisbatan qoʻllaniladigan koeffitsiyentlar belgilash haqida”gi qaror loyihasi maʼlumot uchun qabul qilinsin.

2. Koson tumanidagi mahalla va qishloq fuqarolar yigʻinlari boʻyicha 2026-yilda yuridik va jismoniy shaxslar uchun belgilangan yer soligʻi bazaviy stavkalariga qoʻllaniladigan koeffitsiyentlar miqdorlari 1-ilovaga muvofiq tasdiqlansin.

Bunda, yer soligʻining amaldagi stavkalari 1-0,7 baravarga indeksatsiya qilinishi inobatga olinsin.

3. Koson tumani boʻyicha 2026-yilda yer qaʼridan foydalanganlik uchun soliq stavkalari 2-ilovaga muvofiq tasdiqlansin.

4. Koson tumani boʻyicha 2026-yilda suv resurslaridan foydalanganlik uchun soliq stavkalari 3-ilovaga muvofiq tasdiqlansin.

5. Mazkur qaror tegishli tahririyatlar va ommaviy axborot vositalarida yoritilishi tavsiya etilsin hamda tuman hokimligining rasmiy veb-saytiga joylashtirilsin.

6. Ushbu qaror qabul qilinishi munosabati bilan xalq deputatlari Koson tuman Kengashining 2025-yil 18-yanvardagi VII-5-10-4-60-K/25-sonli qarori 2026-yil 1-yanvar kunidan oʻz kuchini yoʻqotgan deb hisoblansin.

7. Mazkur qaror rasman eʼlon qilingan kundan boshlab kuchga kiradi.