Oʻzbekiston Respublikasining 2024-yil 24-dekabrdagi “2025-yil uchun Oʻzbekiston Respublikasining Davlat budjeti toʻgʻrisida”gi OʻRQ-1011-sonli Qonuniga asosan hamda viloyat iqtisodiyot va moliya bosh boshqarmasining 2025-yil 25-iyundagi 01-20-10/05-38/1458-sonli, Raqobatni rivojlantirish va isteʼmolchilar huquqlarini himoya qilish qoʻmitasi viloyat hududiy boshqarmasining 2025-yil 26-iyundagi 02/02-8574-sonli, viloyat “Issiqlik taʼminoti” masʼuliyati cheklangan jamiyatining 2025-yil 18-avgustdagi 111-sonli xatlarini inobatga olib, Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6- va 24-moddalariga muvofiq xalq deputatlari viloyat Kengashi qaror qiladi:

1. Viloyat “Issiqlik taʼminoti” masʼuliyati cheklangan jamiyati direktori Q. Jurayevning hisoboti maʼlumot uchun qabul qilinsin.

2. Viloyatda issiqlik energiyasi xizmatlari uchun Qashqadaryo viloyati “Issiqlik taʼminoti” masʼuliyati cheklangan jamiyati tomonidan taklif etilayotgan (QQS siz) narxlar (tariflar) ilovaga muvofiq maʼqullansin.

3. Xalq deputatlari viloyat Kengashining 2024-yil 2-dekabrdagi VII-3-018-4-0-K/24-sonli qarori oʻz kuchini yoʻqotgan deb hisoblansin.

4. Mazkur qaror bajarilishini nazorat qilish va ijrosini taʼminlash xalq deputatlari viloyat Kengashining Mahalliy budjet, tadbirkorlikni rivojlantirish va iqtisodiy islohotlar masalalari boʻyicha doimiy komissiyasi raisi O. Ravshanov hamda viloyat hokimining oʻrinbosari M. Azizov zimmasiga yuklatilsin.

5. Ushbu qaror rasmiy veb-saytlarda joylashtirilsin.

6. Tasdiqlangan tariflar ommaviy axborot vositalarida eʼlon qilingandan keyin oʻn besh kun oʻtgach kuchga kiradi.