LexUZ шарҳи
Мазкур Фармон Ўзбекистон Республикаси Президентининг 2020 йил 27 сентябрдаги ПФ-6075-сонли «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида»ги Фармонига асосан ўз кучини йўқотган.
Дори-дармонлар, вакциналар ҳамда тиббиёт буюмлари ишлаб чиқаришни ва республикага олиб келишни кўпайтиришда «Ўзфармсаноат» давлат-акционерлик концерни ва дорихона муассасалари фаолиятини рағбатлантириш мақсадида:
1. Шу йилнинг 15 ноябридан бошлаб 1996 йилнинг 1 январига қадар «Ўзфармсаноат» давлат-акционерлик концерни, шунингдек мулкчилик шаклларидан қатъи назар, дорихона муассасалари:
дори-дармонлар ва тиббиёт буюмлари харид қилиш учун республикадан ташқарига олиб чиқиб кетиладиган маҳсулот учун уни олиб чиқиб кетиш солиғи ва бож тўлашдан;
хорижий валютадаги савдо-сотиқ ишларидан олинган валюта даромадининг бир қисмини мажбурий сотишдан озод қилинсин.
2. Даромад /ялпи даромад/ солиғи бўйича бюджетга бериладиган бадал ҳисобига кирувчи маблағнинг 50 фоизи мазкур давр мобайнида «Ўзфармсаноат» давлат-акционерлик концерни ва дорихона муассасалари ихтиёрида қолдирилиб, у ўзларининг айланма маблағларини кўпайтиришга сарфлансин.
Олдинги таҳрирга қаранг.
(3-банд Ўзбекистон Республикаси Президентининг 2018 йил 9 январдаги ПФ-5296-сонли Фармонига асосан ўз кучини йўқотган — Қонун ҳужжатлари маълумотлари миллий базаси, 10.01.2018 й., 06/18/5296/0534-сон)