Toshkent viloyati hokimining 2025-yil 31-oktabrdagi “2025-2026-yil kuz-qish davrida isitish mavsumiga tayyorgarlik koʻrish hamda koʻp qavatli uylar va ijtimoiy soha obyektlarini issiqlik energiyasi bilan taʼminlash toʻgʻrisida”gi 675-10-0-Q/25-sonli qarori ijrosini taʼminlashda “Mahalliy davlat hokimiyati toʻgʻrisida”gi Qonunning 6-moddasiga muvofiq, qaror qilaman:

1. Toshkent viloyati hokimining 2025-yil 31-oktabrdagi 675-10-0-Q/25-sonli qarori ijro uchun qabul qilinsin.

2. Tuman qurilish va uy-joy kommunal xoʻjaligi boʻlimi (N. Bazarbaev), “Issiqlik taʼminoti” MChJ tuman filiali (V. Saidov) markazlashgan issiqlik taʼminotining ishlash tizimini barcha qismlarini tekshirish hamda imkoniyatini aniqlash uchun 2025-yil 3-noyabr soat 9:00 dan boshlab issiqlik manbalaridan chiqadigan issiqlik energiyasini aylanma harakatini ishga tushirilishini taʼminlasin.

3. Tuman qurilish va uy-joy kommunal xoʻjaligi boʻlimi (N. Bazarbaev) hamda viloyat “Issiqlik taʼminoti” MChJ tuman filiali (V. Saidov), barcha ijtimoiy soha rahbarlari 2025-2026-yillar mavsumida koʻp kvartirali uylarni va ijtimoiy soha obyektlarini belgilangan meyorlarga koʻra issiqligini taʼminlash, yetkazib berilayotgan issiqlik energiyasi uchun kreditorlik-debitorlik qarzlarini oshib ketmasligi uchun shaxsan javobgar ekanligi belgilab qoʻyilsin.

4. Tuman hokimining oʻrinbosarlari (S. Mirsagatov, I. Saidikarimov) barcha ijtimoiy soha rahbarlari bilan birgalikda bir hafta muddatda qoʻshimcha ravishda barcha ijtimoiy soha obyektlaridagi isitish qozonlarini xatlovdan oʻtkazsin.

5. “Hududgaz Toshkent” GTF tuman filiali (I. Mirxomid) “Hududiy elektr tarmoqlari” AJ tuman filiali (E. Usmonxo`jaev), “Toshkent tumani suv taʼminoti” AJ filiali (F. Boboyev) uch kun muddatda tuman “Issiqlik taʼminoti” MChJ filiali tomonid markazlashgan issiqlik energiyasidan foydalanuvchi isteʼmolchilarga uzluksiz issiqlik energiyasini taʼminlab berish uchun 2025-2026-yilgi isitish mavsumida tabiiy gaz, sovuq suv va elektr energiyasini uzluksiz va yetarli miqdorda yetkazib berish chora tadbirlari rejasini ishlab chiqqan holda ijrosini taʼminlasin.

6. Tuman qurilish va uy-joy kommunal xoʻjaligi boʻlimi (N. Bazarbaev) hamda viloyat “Issiqlik taʼminoti” MChJ tuman filiali (V. Saidov) bilan birgalikda koʻp qavatli uylardagi issiqlik taʼminoti tizimining barqaror va bir maromda ishlashini taʼminlash uchun aholining issiqlik xizmatidan foydalanish qoidalarga rioya etilishini taʼminlasin.

7. Mazkur qarorda belgilangan vazifalarning ijrosini nazorat qilish tuman hokimi oʻrinbosari S. Mirsagatov zimmasiga yuklansin.