Ўзбекистон Республикасининг «Архив иши тўғрисида»ги Қонуни ҳамда Ўзбекистон Республикаси Вазирлар Маҳкамасининг «Давлат органлари ва ташкилотларининг архив иши ва иш юритиш соҳасидаги эксперт комиссиялари тўғрисидаги намунавий низомларни тасдиқлаш ҳақида» 2021 йил 24 августдаги 538-сон қарорига мувофиқ буюраман:

1. Ўзбекистон Республикаси Вазирлар Маҳкамаси ҳузуридаги «Ўзархив» агентлиги бош директорининг 2007 йил 17 июлдаги 18-сон буйруғи (рўйхат рақами 1703, 2007 йил 13 август) (Ўзбекистон Республикаси қонун ҳужжатлари тўплами, 2007 й., 33-34-сон, 350-модда) билан тасдиқланган Ахборот ресурсларининг архив нусхаларини яратиш ва уларни давлат сақловига топшириш бўйича йўриқномага иловага мувофиқ ўзгартиришлар киритилсин.

2. Мазкур буйруқ расмий эълон қилинган кундан эътиборан кучга киради.

1. 1-бандда:

еттинчи хатбоши қуйидаги таҳрирда баён этилсин:

«Миллий архив фонди (кейинги ўринларда — МАФ деб юритилади) — Ўзбекистон халқининг моддий ва маънавий ҳаётини акс эттирган, тарихий, илмий, ижтимоий, иқтисодий, сиёсий ва маданий аҳамиятга эга бўлган архив ҳужжатларининг тарихан таркиб топган ва доимо бойитиб бориладиган мажмуи;»;

саккизинчи хатбоши қуйидаги таҳрирда баён этилсин:

«марказий эксперт комиссияси (кейинги ўринларда — МЕК деб юритилади) — давлат органлари ва ташкилотларида ҳужжатларнинг, шу жумладан бошқарув (иш юритиш), илмий-техника ва бошқа махсус ҳужжатларнинг қимматлилигини аниқлаш экспертизасини ўтказиш ва ҳужжатларни архив сақловига топширишга тайёрлаш бўйича услубий ва амалий ишларни олиб борувчи, давлат органи ва ташкилоти ҳудудий бўлинмалари ва тизим ташкилотларининг архив иши ва иш юритиш соҳасидаги эксперт комиссиялари фаолиятини бошқариш ва мувофиқлаштиришни амалга ошириш учун тузиладиган, ўз ишини жамоатчилик асосида олиб борадиган доимий фаолият юритувчи маслаҳат органи;»;

тўққизинчи хатбошидаги «эксперт-текширув комиссияси (ЭТК)/эксперт-текширув услубий комиссияси (ЭТУК)» деган сўзлар «эксперт-текширув комиссияси (кейинги ўринларда — ЭТК деб юритилади) /эксперт-текширув услубий комиссияси (кейинги ўринларда — ЭТУК деб юритилади)» деган сўзлар билан алмаштирилсин;

ўнинчи хатбоши қуйидаги таҳрирда баён этилсин:

«эксперт комиссияси (кейинги ўринларда — ЭК деб юритилади) — давлат органлари ва ташкилотлари ҳудудий бўлинмалари ва тизим ташкилотларида ҳужжатларнинг, шу жумладан бошқарув (иш юритиш), илмий-техника ва бошқа махсус ҳужжатларнинг қимматлилигини аниқлаш экспертизасини ўтказиш ва ҳужжатларни архив сақловига топширишга тайёрлаш бўйича услубий ва амалий ишларни олиб борувчи, ўз ишини жамоатчилик асосида олиб борадиган доимий фаолият юритувчи маслаҳат органи.».

2. Давлат тилидаги матнда 3-бобнинг номидаги «қимматини экспертиза қилиш» деган сўзлар «қимматлилигини аниқлаш экспертизасини ўтказиш» деган сўзлар билан алмаштирилсин.

3. 12 ва 26-бандлардан «ЎзР» деган сўз чиқариб ташлансин.

4. Давлат тилидаги матннинг 13-бандидаги «қимматлилик экспертизаси» ва «қимматлилик экспертизасини» деган сўзлар тегишли равишда «қимматлилигини аниқлаш экспертизаси» ва «қимматлилигини аниқлаш экспертизасини» деган сўзлар билан алмаштирилсин.

5. Давлат тилидаги матннинг 14-банди биринчи хатбошисидаги «қимматини экспертиза қилиш» деган сўзлар «қимматлилигини аниқлаш экспертизасини ўтказиш» деган сўзлар билан алмаштирилсин.

6. Давлат тилидаги матннинг 16-бандидаги «Қимматлилик экспертизаси» деган сўзлар «Қимматлилигини аниқлаш экспертизаси» деган сўзлар билан алмаштирилсин.

7. 19-банднинг тўртинчи хатбошисидаги «қимматлилик экспертизаси» деган сўзлар «ахборот ресурсларининг қимматлилигини аниқлаш экспертизаси» деган сўзлар билан алмаштирилсин.