Мамлакатимизда стандартлаштириш, метрология ва сертификатлаштириш тизимини такомиллаштириш, мазкур соҳаларда халқаро стандартларни тизимли равишда жорий этиш бўйича кенг кўламли ислоҳотлар амалга оширилмоқда.

Шу муносабат билан метрология хизматларини кўрсатиш соҳасига хусусий секторни кенг жалб этиш ҳамда давлат ташкилотлари билан бир қаторда унинг ушбу соҳада фаол иштирок этиши учун кўпроқ имкониятлар бериш зарурати юзага келмоқда.

Мазкур Қонун билан «Метрология тўғрисида»ги Ўзбекистон Республикаси Қонунига ўлчаш воситаларини қиёслаш хизматлари республика ижро этувчи ҳокимият органлари ва хўжалик бошқаруви органлари ҳисобланмайдиган юридик шахсларнинг метрология хизматлари томонидан кўрсатилишини, ўлчаш натижалари давлат аҳамиятига эга бўлган ўлчаш воситалари туркумларининг рўйхати Ўзбекистон Республикаси Вазирлар Маҳкамаси томонидан тасдиқланишини, шунингдек метрология текшируви ҳамда давлат метрология назорати функцияларининг ажратилишини назарда тутувчи ўзгартириш ва қўшимчалар киритилмоқда

Ушбу Қонун метрология соҳасида хусусий тадбиркорликни ривожлантириш учун қулай шароитлар яратилишига ва фаол рақобат муҳити шакллантирилишига хизмат қилади.

1-модда. Ўзбекистон Республикасининг 1993 йил 28 декабрда қабул қилинган «Метрология тўғрисида»ги 1004-XII-сонли Қонунига (Ўзбекистон Республикасининг 2020 йил 7 апрелда қабул қилинган ЎРҚ-614-сонли Қонуни таҳририда) (Ўзбекистон Республикаси Олий Мажлиси палаталарининг Ахборотномаси, 2020 йил, № 4, 254-модда; 2021 йил, 4-сонга илова; 2023 йил, № 2, 106-модда) қуйидаги ўзгартириш ва қўшимчалар киритилсин:

1) 7-модда:

бешинчи хатбошиси қуйидаги таҳрирда баён этилсин:

«метрологияга оид фаолият соҳасида республика ижро этувчи ҳокимият органлари ва хўжалик бошқаруви органларининг фаолиятини мувофиқлаштиради»;

қуйидаги мазмундаги еттинчи хатбоши билан тўлдирилсин:

«ўлчаш натижалари давлат аҳамиятига эга бўлган ўлчаш воситалари туркумлари рўйхатини тасдиқлайди»;

2) 8-модданинг:

иккинчи қисми қуйидаги таҳрирда баён этилсин:

«Ўзбекистон Республикаси метрология хизмати давлат метрология хизматидан, республика ижро этувчи ҳокимият органлари ва хўжалик бошқаруви органлари метрология хизматларидан, шунингдек республика ижро этувчи ҳокимият органлари ва хўжалик бошқаруви органлари ҳисобланмайдиган юридик шахсларнинг метрология хизматларидан иборатдир»;

тўртинчи — еттинчи қисмлари қуйидаги таҳрирда баён этилсин:

«Республика ижро этувчи ҳокимият органлари ва хўжалик бошқаруви органлари метрология хизматлари республика ижро этувчи ҳокимият органлари ва хўжалик бошқаруви органлари ҳузуридаги махсус ташкил этилган ҳамда аккредитация қилинган бўлинмалардан иборатдир.

Юридик шахсларнинг метрология хизматлари республика ижро этувчи ҳокимият органлари ва хўжалик бошқаруви органлари ҳисобланмайдиган махсус ташкил этилган ҳамда аккредитация қилинган юридик шахслардан ва (ёки) улар ҳузуридаги бўлинмалардан (бундан буён матнда юридик шахсларнинг метрология хизматлари деб юритилади) иборат.

Республика ижро этувчи ҳокимият органлари ва хўжалик бошқаруви органлари метрология хизматлари ва юридик шахсларнинг метрология хизматлари зарурат бўлган ҳолларда ўлчашларнинг ягона бирликда бўлишини таъминлаш бўйича ишларни бажариш ҳамда метрология текширувини амалга ошириш учун ташкил этилади.

Республика ижро этувчи ҳокимият органлари ва хўжалик бошқаруви органлари метрология хизматларининг ҳамда юридик шахслар метрология хизматларининг ҳуқуқ ва мажбуриятлари давлат метрология хизмати органлари билан келишиб олинган низомларда ўрнатилади»;

3) 9-модданинг:

олтинчи хатбошисидаги «текшируви ва» деган сўзлар чиқариб ташлансин;

саккизинчи хатбошисидаги «давлат бошқаруви органлари» деган сўзлар «республика ижро этувчи ҳокимият органлари» деган сўзлар билан алмаштирилсин;

ўн биринчи хатбошисидаги «давлат ва хўжалик бошқаруви органларининг» деган сўзлар «республика ижро этувчи ҳокимият органлари ва хўжалик бошқаруви органларининг» деган сўзлар билан алмаштирилсин;

ўн бешинчи хатбошисидаги «давлат ва хўжалик бошқаруви органларидан» деган сўзлар «республика ижро этувчи ҳокимият органлари ва хўжалик бошқаруви органларидан» деган сўзлар билан алмаштирилсин;

4) 10-модданинг:

иккинчи хатбошиси чиқариб ташлансин;

учинчи ва тўртинчи хатбошилари тегишинча иккинчи ва учинчи хатбошилар деб ҳисоблансин;

5) 12-модда қуйидаги таҳрирда баён этилсин:

Республика ижро этувчи ҳокимият органлари ва хўжалик бошқаруви органларининг метрология хизматлари:

аккредитация қилинган ҳолда ўлчаш воситаларини қиёслаш ва калибрлаш ишларини бажаради;

ўлчашларнинг ягона бирликда бўлишини таъминлашга доир норматив ҳужжатлар лойиҳаларини ишлаб чиқади.

Юридик шахсларнинг метрология хизматлари:

аккредитация қилинган ҳолда ўлчаш воситаларини калибрлаш ҳамда ушбу Қонуннинг 25-моддасида назарда тутилган ҳолларда ўлчаш воситаларини қиёслаш ишларини бажаради;

ўлчашларнинг ягона бирликда бўлишини таъминлашга доир норматив ҳужжатлар лойиҳаларини ишлаб чиқади»;

6) 4-бобнинг номидаги «Давлат метрология текшируви ва» деган сўзлар «Метрология текшируви ва давлат метрология» деган сўзлар билан алмаштирилсин;

7) 18-модда қуйидаги таҳрирда баён этилсин:

Метрология текшируви Ўзбекистон миллий метрология институти, республика ижро этувчи ҳокимият органлари ва хўжалик бошқаруви органларининг метрология хизматлари ҳамда юридик шахсларнинг метрология хизматлари томонидан ушбу Қонунда белгиланган ваколатлар доирасида амалга оширилади.

Давлат метрология назорати махсус ваколатли давлат органи томонидан метрология тўғрисидаги қонунчилик талабларига риоя этилиши устидан текшириш мақсадида Ўзбекистон Республикаси Вазирлар Маҳкамаси томонидан белгиланган тартибда амалга оширилади»;

8) 19-модданинг номи ва биринчи хатбошиси қуйидаги таҳрирда баён этилсин:

Қуйидагилар метрология текшируви ва давлат метрология назорати объектларидир»;

9) 20-модданинг:

номидаги «Давлат метрология текшируви ва» деган сўзлар «Метрология текшируви ва давлат метрология» деган сўзлар билан алмаштирилсин;

биринчи қисмидаги «Давлат метрология текшируви ва» деган сўзлар «Метрология текшируви ва давлат метрология» деган сўзлар билан алмаштирилсин;

иккинчи қисмидаги «Давлат метрология текшируви ва» деган сўзлар «Метрология текшируви ва давлат метрология» деган сўзлар билан алмаштирилсин;

10) 21-модда қуйидаги таҳрирда баён этилсин:

Метрология текшируви ва давлат метрология назорати объектларининг метрологик, техник тавсифларини аниқлаш ва (ёки) тасдиқлаш мақсадида метрология текшируви амалга оширилади.

Метрология текшируви:

ўлчаш воситаларининг турини тасдиқлаш мақсадида синовдан ўтказиш;

ўлчаш воситаларини ва ўлчашларни бажариш услубиётларини метрологик аттестациядан ўтказиш;

ўлчаш воситаларини, шу жумладан эталонларни қиёслаш, калибрлаш;

синов воситаларини аттестациядан ўтказиш тарзида амалга оширилади»;

11) 23-модданинг биринчи қисмидаги «давлат метрология хизматининг ваколатли органлари» деган сўзлар «махсус ваколатли давлат органи» деган сўзлар билан алмаштирилсин;

12) 25-модда:

биринчи қисми қуйидаги таҳрирда баён этилсин:

«Ўлчаш воситаларини қиёслаш аккредитация қилинган Ўзбекистон миллий метрология институти, республика ижро этувчи ҳокимият органлари ва хўжалик бошқаруви органларининг метрология хизматлари, шунингдек ушбу модданинг бешинчи қисмида назарда тутилган ҳолларда юридик шахсларнинг метрология хизматлари томонидан амалга оширилади»;

қуйидаги мазмундаги тўртинчи ва бешинчи қисмлар билан тўлдирилсин:

«Ўлчаш натижалари давлат аҳамиятига эга бўлган ўлчаш воситалари туркумларининг рўйхати махсус ваколатли давлат органининг Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси ва ушбу ўлчаш воситалари қўлланиладиган соҳадаги ваколатли республика ижро этувчи ҳокимият органлари билан келишилган таклифлари асосида Ўзбекистон Республикаси Вазирлар Маҳкамаси томонидан тасдиқланади.

Ўлчаш натижалари давлат аҳамиятига эга бўлган ўлчаш воситалари туркумларининг рўйхатига киритилмаган ўлчаш воситаларини қиёслаш юридик шахсларнинг метрология хизматлари томонидан амалга оширилиши мумкин».

2-модда. Ўзбекистон Республикаси Инвестициялар, саноат ва савдо вазирлиги ҳамда бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.

3-модда. Ўзбекистон Республикаси Вазирлар Маҳкамаси:

ҳукумат қарорларини ушбу Қонунга мувофиқлаштирсин;

республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.

4-модда. Ушбу Қонун расмий эълон қилинган кундан эътиборан уч ой ўтгач кучга киради.