Ўзбекистон Республикаси Вазирлар Маҳкамасининг 2020 йил 22 майдаги 320-сон «Вазирлар Маҳкамасининг «Ўзбекистон Республикасида доимий ва вақтинча прописка қилиш тартибини янада соддалаштириш чора-тадбирлари тўғрисида» 2019 йил 28 декабрдаги 1049-сон қарорига ўзгартириш ва қўшимчалар киритиш тўғрисида»ги, 2020 йил 28 сентябрдаги 593-сон «Ўзбекистон Республикасида чет эл фуқаролари ва фуқаролиги бўлмаган шахсларни рўйхатга олиш тартибини соддалаштириш чора-тадбирлари тўғрисида»ги ҳамда 2020 йил 18 ноябрдаги 726-сон «Нотариуслар томонидан айрим нотариал ҳаракатларни амалга ошириш тартиби тўғрисидаги маъмурий регламентларни тасдиқлаш ҳақида»ги қарорларига мувофиқ буюраман:

1. Ўзбекистон Республикаси адлия вазирининг 2019 йил 4 январдаги 2-мҳ-сон буйруғи (рўйхат рақами 3113, 2019 йил 4 январь) (Ўзбекистон Республикаси қонун ҳужжатлари тўплами, 2019 й., 1-2-сон, 18-модда) билан тасдиқланган Нотариуслар томонидан нотариал ҳаракатларни амалга ошириш тартиби тўғрисидаги йўриқномага иловага мувофиқ қўшимча ва ўзгартиришлар киритилсин.

2. Мазкур буйруқ расмий эълон қилинган кундан эътиборан кучга киради.

1. 3-бандда:

учинчи хатбоши «паспорти» деган сўздан кейин «(идентификация ID-картаси)» деган сўзлар билан тўлдирилсин;

олтинчи ва саккизинчи хатбошилар «яшаш гувоҳномаси» деган сўзлардан кейин «(идентификация ID-картаси)» деган сўзлар билан тўлдирилсин.

2. 3¹-бандда:

иккинчи хатбоши «паспортга» деган сўздан кейин «(идентификация ID-картасига)» деган сўзлар билан тўлдирилсин;

учинчи хатбоши «яшаш гувоҳномасига» деган сўзлардан кейин «(идентификация ID-картасига)» деган сўзлар билан тўлдирилсин;

еттинчи хатбошидаги «ва доимий пропискасиз» деган сўзлар «(идентификация ID-картасисиз) ва доимий яшаш жойи бўйича рўйхатга олинмаган» деган сўзлар билан алмаштирилсин.

3. 12-банднинг биринчи хатбошисидаги «доимий ёки вақтинча прописка қилинган (ҳисобга олинган)» деган сўзлар «доимий ёки вақтинча яшаш жойи бўйича рўйхатга олинган» деган сўзлар билан алмаштирилсин.

4. 24-банднинг олтинчи хатбошисидаги, 60 ва 79-бандларнинг бешинчи хатбошиларидаги «доимий ёки вақтинча прописка қилинган (ҳисобга олинган) манзили, паспорти» деган сўзлар «доимий ёки вақтинча яшаш жойи бўйича рўйхатга олинган манзили, паспорти (идентификация ID-картаси)» деган сўзлар билан алмаштирилсин.

5. 27-банднинг тўртинчи хатбошиси қуйидаги таҳрирда баён этилсин:

«Тадбиркорлик субъектлари — юридик шахслар ўртасидаги кўчмас мулк олди-сотди шартномаларини тасдиқлаш Ўзбекистон Республикаси Вазирлар Маҳкамасининг 2020 йил 18 ноябрдаги 726-сон қарори билан тасдиқланган Нотариуслар томонидан кўчмас мулкларни бошқа шахсга ўтказиш ҳақидаги битимларни тасдиқлашнинг маъмурий регламентига мувофиқ амалга оширилади.».

6. 29-банднинг учинчи хатбошиси ва 152-банд «паспорти» деган сўздан кейин «(идентификация ID-картаси)» деган сўзлар билан тўлдирилсин.

7. 35-банд қуйидаги таҳрирда баён этилсин:

«35. Ўзбекистон Республикаси Фуқаролик кодексининг 218 ва 224-моддаларига асосан, умумий улушли мулк иштирокчиси ўзининг улушини бошқа мулкка айирбошлаганида ёки уни бошқача тарзда ҳақ эвазига ўзга шахсга берганида, мазкур Йўриқноманинг 30 — 34-бандлари ҳамда Ўзбекистон Республикаси Вазирлар Маҳкамасининг 2020 йил 18 ноябрдаги 726-сон қарори билан тасдиқланган Нотариуслар томонидан кўчмас мулкларни бошқа шахсга ўтказиш ҳақидаги битимларни тасдиқлашнинг маъмурий регламенти қоидалари қўлланилади.».

8. 2-бобнинг 2, 4, 5, 12 ва 14-параграфлари ўз кучини йўқотган деб топилсин.

9. 74-банднинг учинчи ва тўртинчи хатбошиларидаги, 87-банднинг бешинчи хатбошисидаги, 90-банднинг иккинчи хатбошисидаги ва 92-банднинг биринчи хатбошисидаги «доимий прописка қилинган» деган сўзлар «доимий яшаш жойи бўйича рўйхатга олинган» деган сўзлар билан алмаштирилсин.